| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. ཙིནྟཱིསུཏྟཾ
3. Cintīsuttaṃ
༣. ‘‘ཏཱིཎིམཱནི, བྷིཀྑཝེ, བཱལསྶ བཱལལཀྑཎཱནི བཱལནིམིཏྟཱནི བཱལཱཔདཱནཱནི ། ཀཏམཱནི ཏཱིཎི? ཨིདྷ, བྷིཀྑཝེ, བཱལོ དུཙྩིནྟིཏཙིནྟཱི ཙ ཧོཏི དུབྦྷཱསིཏབྷཱསཱི ཙ དུཀྐཊཀམྨཀཱརཱི ཙ། ནོ ཙེདཾ 1, བྷིཀྑཝེ, བཱལོ དུཙྩིནྟིཏཙིནྟཱི ཙ ཨབྷཝིསྶ དུབྦྷཱསིཏབྷཱསཱི ཙ དུཀྐཊཀམྨཀཱརཱི ཙ, ཀེན ནཾ པཎྜིཏཱ ཛཱནེཡྻུཾ 2 – ‘བཱལོ ཨཡཾ བྷཝཾ ཨསཔྤུརིསོ’ཏི? ཡསྨཱ ཙ ཁོ, བྷིཀྑཝེ, བཱལོ དུཙྩིནྟིཏཙིནྟཱི ཙ ཧོཏི དུབྦྷཱསིཏབྷཱསཱི ཙ དུཀྐཊཀམྨཀཱརཱི ཙ ཏསྨཱ ནཾ པཎྜིཏཱ ཛཱནནྟི – ‘བཱལོ ཨཡཾ བྷཝཾ ཨསཔྤུརིསོ’ཏི། ཨིམཱནི ཁོ, བྷིཀྑཝེ, ཏཱིཎི བཱལསྶ བཱལལཀྑཎཱནི བཱལནིམིཏྟཱནི བཱལཱཔདཱནཱནི།
3. ‘‘Tīṇimāni, bhikkhave, bālassa bālalakkhaṇāni bālanimittāni bālāpadānāni . Katamāni tīṇi? Idha, bhikkhave, bālo duccintitacintī ca hoti dubbhāsitabhāsī ca dukkaṭakammakārī ca. No cedaṃ 3, bhikkhave, bālo duccintitacintī ca abhavissa dubbhāsitabhāsī ca dukkaṭakammakārī ca, kena naṃ paṇḍitā jāneyyuṃ 4 – ‘bālo ayaṃ bhavaṃ asappuriso’ti? Yasmā ca kho, bhikkhave, bālo duccintitacintī ca hoti dubbhāsitabhāsī ca dukkaṭakammakārī ca tasmā naṃ paṇḍitā jānanti – ‘bālo ayaṃ bhavaṃ asappuriso’ti. Imāni kho, bhikkhave, tīṇi bālassa bālalakkhaṇāni bālanimittāni bālāpadānāni.
‘‘ཏཱིཎིམཱནི, བྷིཀྑཝེ, པཎྜིཏསྶ པཎྜིཏལཀྑཎཱནི པཎྜིཏནིམིཏྟཱནི པཎྜིཏཱཔདཱནཱནི། ཀཏམཱནི ཏཱིཎི? ཨིདྷ, བྷིཀྑཝེ, པཎྜིཏོ སུཙིནྟིཏཙིནྟཱི ཙ ཧོཏི སུབྷཱསིཏབྷཱསཱི ཙ སུཀཏཀམྨཀཱརཱི ཙ། ནོ ཙེདཾ, བྷིཀྑཝེ, པཎྜིཏོ སུཙིནྟིཏཙིནྟཱི ཙ ཨབྷཝིསྶ སུབྷཱསིཏབྷཱསཱི ཙ སུཀཏཀམྨཀཱརཱི ཙ, ཀེན ནཾ པཎྜིཏཱ ཛཱནེཡྻུཾ – ‘པཎྜིཏོ ཨཡཾ བྷཝཾ སཔྤུརིསོ’ཏི? ཡསྨཱ ཙ ཁོ, བྷིཀྑཝེ, པཎྜིཏོ སུཙིནྟིཏཙིནྟཱི ཙ ཧོཏི སུབྷཱསིཏབྷཱསཱི ཙ སུཀཏཀམྨཀཱརཱི ཙ ཏསྨཱ ནཾ པཎྜིཏཱ ཛཱནནྟི – ‘པཎྜིཏོ ཨཡཾ བྷཝཾ སཔྤུརིསོ’ཏི། ཨིམཱནི ཁོ, བྷིཀྑཝེ, ཏཱིཎི པཎྜིཏསྶ པཎྜིཏལཀྑཎཱནི པཎྜིཏནིམིཏྟཱནི པཎྜིཏཱཔདཱནཱནི། ཏསྨཱཏིཧ…། ཏཏིཡཾ།
‘‘Tīṇimāni, bhikkhave, paṇḍitassa paṇḍitalakkhaṇāni paṇḍitanimittāni paṇḍitāpadānāni. Katamāni tīṇi? Idha, bhikkhave, paṇḍito sucintitacintī ca hoti subhāsitabhāsī ca sukatakammakārī ca. No cedaṃ, bhikkhave, paṇḍito sucintitacintī ca abhavissa subhāsitabhāsī ca sukatakammakārī ca, kena naṃ paṇḍitā jāneyyuṃ – ‘paṇḍito ayaṃ bhavaṃ sappuriso’ti? Yasmā ca kho, bhikkhave, paṇḍito sucintitacintī ca hoti subhāsitabhāsī ca sukatakammakārī ca tasmā naṃ paṇḍitā jānanti – ‘paṇḍito ayaṃ bhavaṃ sappuriso’ti. Imāni kho, bhikkhave, tīṇi paṇḍitassa paṇḍitalakkhaṇāni paṇḍitanimittāni paṇḍitāpadānāni. Tasmātiha…. Tatiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣. ཙིནྟཱིསུཏྟཝཎྞནཱ • 3. Cintīsuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༤. ཙིནྟཱིསུཏྟཱདིཝཎྞནཱ • 3-4. Cintīsuttādivaṇṇanā
