| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਚਿਨ੍ਤੀਸੁਤ੍ਤવਣ੍ਣਨਾ
3. Cintīsuttavaṇṇanā
੩. ਤਤਿਯੇ ਬਾਲਲਕ੍ਖਣਾਨੀਤਿ ‘‘ਬਾਲੋ ਅਯ’’ਨ੍ਤਿ ਏਤੇਹਿ ਲਕ੍ਖੀਯਤਿ ਞਾਯਤੀਤਿ ਬਾਲਲਕ੍ਖਣਾਨਿ। ਤਾਨੇવਸ੍ਸ ਸਞ੍ਜਾਨਨਕਾਰਣਾਨੀਤਿ ਬਾਲਨਿਮਿਤ੍ਤਾਨਿ। ਬਾਲਾਪਦਾਨਾਨੀਤਿ ਬਾਲਸ੍ਸ ਅਪਦਾਨਾਨਿ। ਦੁਚ੍ਚਿਨ੍ਤਿਤਚਿਨ੍ਤੀਤਿ ਚਿਨ੍ਤਯਨ੍ਤੋ ਅਭਿਜ੍ਝਾਬ੍ਯਾਪਾਦਮਿਚ੍ਛਾਦਸ੍ਸਨવਸੇਨ ਦੁਚ੍ਚਿਨ੍ਤਿਤਮੇવ ਚਿਨ੍ਤੇਤਿ। ਦੁਬ੍ਭਾਸਿਤਭਾਸੀਤਿ ਭਾਸਮਾਨੋਪਿ ਮੁਸਾવਾਦਾਦਿਭੇਦਂ ਦੁਬ੍ਭਾਸਿਤਮੇવ ਭਾਸਤਿ। ਦੁਕ੍ਕਟਕਮ੍ਮਕਾਰੀਤਿ ਕਰੋਨ੍ਤੋਪਿ ਪਾਣਾਤਿਪਾਤਾਦਿવਸੇਨ ਦੁਕ੍ਕਟਕਮ੍ਮਮੇવ ਕਰੋਤਿ। ਪਣ੍ਡਿਤਲਕ੍ਖਣਾਨੀਤਿਆਦਿ વੁਤ੍ਤਾਨੁਸਾਰੇਨੇવ વੇਦਿਤਬ੍ਬਂ। ਸੁਚਿਨ੍ਤਿਤਚਿਨ੍ਤੀਤਿਆਦੀਨਿ ਚੇਤ੍ਥ ਮਨੋਸੁਚਰਿਤਾਦੀਨਂ વਸੇਨ ਯੋਜੇਤਬ੍ਬਾਨਿ।
3. Tatiye bālalakkhaṇānīti ‘‘bālo aya’’nti etehi lakkhīyati ñāyatīti bālalakkhaṇāni. Tānevassa sañjānanakāraṇānīti bālanimittāni. Bālāpadānānīti bālassa apadānāni. Duccintitacintīti cintayanto abhijjhābyāpādamicchādassanavasena duccintitameva cinteti. Dubbhāsitabhāsīti bhāsamānopi musāvādādibhedaṃ dubbhāsitameva bhāsati. Dukkaṭakammakārīti karontopi pāṇātipātādivasena dukkaṭakammameva karoti. Paṇḍitalakkhaṇānītiādi vuttānusāreneva veditabbaṃ. Sucintitacintītiādīni cettha manosucaritādīnaṃ vasena yojetabbāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਚਿਨ੍ਤੀਸੁਤ੍ਤਂ • 3. Cintīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਚਿਨ੍ਤੀਸੁਤ੍ਤਾਦਿવਣ੍ਣਨਾ • 3-4. Cintīsuttādivaṇṇanā
