1-10. жид̇агабууж̇агад̇т̇зраабад̣̇аанаад̣̇иван̣н̣анаа

1-10. Citakapūjakattheraapadānādivaṇṇanā

1-2. д̇им̣сад̇имз ваг̇г̇з батамаабад̣̇аанз аахуд̇им̣ яидтугаамоханд̇и бууж̇аасаггаарам̣ гаарзд̇угаамо ахам̣. наанаабубпам̣ самаанаяинд̇и наанаа анзгавид̇хам̣ жамбагасалалаад̣̇ибубпам̣ сам̣ судту аанаяим̣, раасим̣ агаасинд̇и ад̇т̇о. сикино логаб̣анд̇хунод̇и сагалалогад̇д̇аяаб̣анд̇хусса н̃аад̇агасса сикисса бхаг̇авад̇о бариниб̣б̣уд̇асса жид̇агам̣ аал̣ааханажид̇агам̣ д̣̇аарураасим̣ ж̇аланд̇ам̣ аад̣̇ид̇д̇ам̣ д̣̇исваа д̇ан̃жа маяаа раасийгад̇ам̣ бубпам̣ огирим̣ бууж̇зсинд̇и ад̇т̇о.

1-2. Tiṃsatime vagge paṭhamāpadāne āhutiṃ yiṭṭhukāmohanti pūjāsakkāraṃ kāretukāmo ahaṃ. Nānāpupphaṃ samānayinti nānā anekavidhaṃ campakasalalādipupphaṃ saṃ suṭṭhu ānayiṃ, rāsiṃ akāsinti attho. Sikhino lokabandhunoti sakalalokattayabandhussa ñātakassa sikhissa bhagavato parinibbutassa citakaṃ āḷāhanacitakaṃ dārurāsiṃ jalantaṃ ādittaṃ disvā tañca mayā rāsīkataṃ pupphaṃ okiriṃ pūjesinti attho.

6-7. д̣̇уд̇ияаабад̣̇аанз аж̇инуд̇д̇араваасанод̇и аж̇инамиг̇ажаммам̣ уд̇д̇араасан̇г̇ам̣ гад̇ваа ниваасино ажчаад̣̇анод̇и ад̇т̇о. абхин̃н̃аа бан̃жа ниб̣б̣ад̇д̇аад̇и ид̣̇д̇хивид̇хаад̣̇аяо бан̃жа абхин̃н̃ааяо бан̃жа н̃аан̣аани ниб̣б̣ад̇д̇аа уббаад̣̇ид̇аа нибпаад̣̇ид̇аа. жанд̣̇асса баримаж̇ж̇агод̇и жанд̣̇аман̣д̣аласса саманд̇ад̇о маж̇ж̇аго, пудто ахосинд̇и ад̇т̇о. вибассим̣ логабаж̇ж̇од̇анд̇и сагалалогад̇д̇аяз бад̣̇ийбасад̣̇исам̣ вибассим̣ бхаг̇аванд̇ам̣ мама санд̇игам̣ абхиг̇ад̇ам̣ висзсзна самбад̇д̇ам̣ ааг̇ад̇ам̣. д̣̇исваа баарижчад̇д̇агабубпаанийд̇и д̣̇звалогад̇о баарижчад̇д̇агабубпаани аахарид̇ваа вибассисса сад̇т̇уно мад̇т̇агз чад̇д̇аагаарзна ахам̣ д̇хаарзсинд̇и ад̇т̇о.

6-7. Dutiyāpadāne ajinuttaravāsanoti ajinamigacammaṃ uttarāsaṅgaṃ katvā nivāsino acchādanoti attho. Abhiññā pañca nibbattāti iddhividhādayo pañca abhiññāyo pañca ñāṇāni nibbattā uppāditā nipphāditā. Candassa parimajjakoti candamaṇḍalassa samantato majjako, phuṭṭho ahosinti attho. Vipassiṃ lokapajjotanti sakalalokattaye padīpasadisaṃ vipassiṃ bhagavantaṃ mama santikaṃ abhigataṃ visesena sampattaṃ āgataṃ. Disvā pāricchattakapupphānīti devalokato pāricchattakapupphāni āharitvā vipassissa satthuno matthake chattākārena ahaṃ dhāresinti attho.

11-13. д̇ад̇ияаабад̣̇аанз буд̇д̇о мама баб̣б̣аж̇ид̇од̇и маяхам̣ буд̇д̇о сад̣̇д̇хааяа баб̣б̣аж̇ид̇о. гаасааяавасано д̇ад̣̇аад̇и д̇асмим̣ баб̣б̣аж̇ид̇агаалз гаасааяанивад̇т̇о , на б̣аахирагабаб̣б̣аж̇ж̇ааяа баб̣б̣аж̇ид̇од̇и ад̇т̇о. со жа б̣уд̣̇д̇хад̇д̇ам̣ самбад̇д̇од̇и со маяхам̣ буд̇д̇о жад̇уусу б̣уд̣̇д̇хзсу саавагаб̣уд̣̇д̇хабхаавам̣ сам̣ судту бад̇д̇о, арахад̇д̇ам̣ бад̇д̇од̇и ад̇т̇о. ниб̣б̣уд̇о логабууж̇ид̇од̇и сагалалогзхи гад̇асаггааро канд̇хабариниб̣б̣аанзна бариниб̣б̣уд̇од̇и ад̇т̇о. вижинанд̇о сагам̣ буд̇д̇анд̇и ахам̣ д̇асса г̇ад̇ад̣̇зсам̣ бужчид̇ваа сагам̣ буд̇д̇ам̣ вижинанд̇о бажчад̇о аг̇амам̣, ануг̇ад̇о асмийд̇и ад̇т̇о. ниб̣б̣уд̇асса маханд̇ассаад̇и маханд̇зхи сийлагканд̇хаад̣̇ийхи яуд̇д̇ад̇д̇аа маханд̇асса д̇асса мама буд̇д̇асса арахад̇о аад̣̇аханадтаанз жид̇агам̣ жид̇агадтаанам̣ ахам̣ аг̇амаасинд̇и ад̇т̇о. баг̇г̇аяха ан̃ж̇алим̣ д̇ад̇т̇аад̇и д̇асмим̣ аад̣̇аханадтаанз ан̃ж̇алим̣ д̣̇асан̇г̇улисамод̇хаанам̣ баг̇г̇ахзд̇ваа сираси гад̇ваа ахам̣ жид̇агам̣ д̣̇аханад̣̇аарураасим̣ ванд̣̇ид̇ваа бан̣аамам̣ гад̇ваа сзд̇ажчад̇д̇ан̃жа баг̇г̇аяхаад̇и на гзваламзва ванд̣̇ид̇ваа д̇хавалажчад̇д̇ан̃жа баг̇г̇аяха угкибид̇ваа ахам̣ ааробзсим̣ бад̇идтабзсинд̇и ад̇т̇о.

11-13. Tatiyāpadāne putto mama pabbajitoti mayhaṃ putto saddhāya pabbajito. Kāsāyavasano tadāti tasmiṃ pabbajitakāle kāsāyanivattho , na bāhirakapabbajjāya pabbajitoti attho. Soca buddhattaṃ sampattoti so mayhaṃ putto catūsu buddhesu sāvakabuddhabhāvaṃ saṃ suṭṭhu patto, arahattaṃ pattoti attho. Nibbuto lokapūjitoti sakalalokehi katasakkāro khandhaparinibbānena parinibbutoti attho. Vicinanto sakaṃ puttanti ahaṃ tassa gatadesaṃ pucchitvā sakaṃ puttaṃ vicinanto pacchato agamaṃ, anugato asmīti attho. Nibbutassa mahantassāti mahantehi sīlakkhandhādīhi yuttattā mahantassa tassa mama puttassa arahato ādahanaṭṭhāne citakaṃ citakaṭṭhānaṃ ahaṃ agamāsinti attho. Paggayha añjaliṃ tatthāti tasmiṃ ādahanaṭṭhāne añjaliṃ dasaṅgulisamodhānaṃ paggahetvā sirasi katvā ahaṃ citakaṃ dahanadārurāsiṃ vanditvā paṇāmaṃ katvā setacchattañca paggayhāti na kevalameva vanditvā dhavalacchattañca paggayha ukkhipitvā ahaṃ āropesiṃ patiṭṭhapesinti attho.

17-18. жад̇уд̇т̇аабад̣̇аанз ануг̇г̇ад̇амхи аад̣̇ижжзд̇и суурияз ануг̇г̇ад̇з анудтид̇з бажжуусагаалзд̇и ад̇т̇о. басаад̣̇о вибуло ахууд̇и рог̇абийл̣ид̇асса маяхам̣ жид̇д̇аббасаад̣̇о вибуло ад̇ирзго б̣уд̣̇д̇хаануссаран̣зна аху ахоси. махзсино б̣уд̣̇д̇хасздтасса логамхи баад̇убхааво баагадабхааво ахосийд̇и самб̣анд̇хо. гхосамассосахам̣ д̇ад̇т̇аад̇и д̇асмим̣ баад̇убхаавз сад̇и ‘‘ахам̣ г̇илаано б̣уд̣̇д̇хо уббанно’’д̇и гхосам̣ ассосим̣. на жа бассаами д̇ам̣ ж̇инанд̇и д̇ам̣ ж̇ид̇абан̃жамаарам̣ саммаасамб̣уд̣̇д̇хам̣ на бассаами, б̣аал̣хаг̇илаанад̇д̇аа г̇анд̇ваа бассид̇ум̣ на саггомийд̇и ад̇т̇о. маран̣ан̃жа ануббад̇д̇од̇и маран̣аасаннагаалам̣ ануббад̇д̇о, аасаннамаран̣о худ̇ваад̇и ад̇т̇о. б̣уд̣̇д̇хасан̃н̃амануссаринд̇и б̣уд̣̇д̇ход̇инаамам̣ ануссарим̣, б̣уд̣̇д̇хаарамман̣ам̣ манаси агаасинд̇и ад̇т̇о.

17-18. Catutthāpadāne anuggatamhi ādicceti sūriye anuggate anuṭṭhite paccūsakāleti attho. Pasādo vipulo ahūti rogapīḷitassa mayhaṃ cittappasādo vipulo atireko buddhānussaraṇena ahu ahosi. Mahesino buddhaseṭṭhassa lokamhi pātubhāvo pākaṭabhāvo ahosīti sambandho. Ghosamassosahaṃ tatthāti tasmiṃ pātubhāve sati ‘‘ahaṃ gilāno buddho uppanno’’ti ghosaṃ assosiṃ. Na ca passāmi taṃ jinanti taṃ jitapañcamāraṃ sammāsambuddhaṃ na passāmi, bāḷhagilānattā gantvā passituṃ na sakkomīti attho. Maraṇañca anuppattoti maraṇāsannakālaṃ anuppatto, āsannamaraṇo hutvāti attho. Buddhasaññamanussarinti buddhotināmaṃ anussariṃ, buddhārammaṇaṃ manasi akāsinti attho.

21-23. бан̃жамаабад̣̇аанз аараамад̣̇ваараа нигкаммаад̇и аараамад̣̇ваарад̇о сан̇гхасса нигкаманад̣̇ваарамаг̇г̇зхи ад̇т̇о. г̇осийсам̣ сант̇ад̇ам̣ маяаад̇и д̇асмим̣ нигкаманад̣̇ваарамаг̇г̇з ‘‘бхаг̇авад̇о бхигкусан̇гхасса жа баад̣̇аа маа гад̣̇д̣̇амам̣ аггаманд̇уу’’д̇и аггаманад̇т̇ааяа г̇осийсадтим̣ маяаа сант̇арид̇анд̇и ад̇т̇о. анубхоми сагам̣ гамманд̇и ад̇д̇ано г̇осийсаад̇т̇аран̣агаммасса б̣алзна ааж̇аанийяаа ваад̇аж̇аваа синд̇хаваа сийгхавааханаад̣̇ийни вибаагапалаани анубхомийд̇и ад̇т̇о. ахо гаарам̣ барамагааранд̇и сукзд̇д̇з сан̇гхз маяаа судту гад̇ам̣ гаарам̣ аббагамби гижжам̣ махабпалад̣̇аанад̇о барамагаарам̣ уд̇д̇амагижжам̣ ахо вимхаяанд̇и ад̇т̇о. яат̇аа д̇ин̣ад̣̇осаад̣̇ивирахид̇зсу кзд̇д̇зсу ваббид̇ам̣ саалиб̣ийж̇ам̣ махабпалам̣ д̣̇зд̇и, звамзва рааг̇ад̣̇осаад̣̇ид̣̇осарахид̇з барисуд̣̇д̇хагааяаважийсамаажаарз сан̇гхакзд̇д̇з г̇осийсаад̇т̇аран̣агаммам̣ маяаа гад̇ам̣, ид̣̇ам̣ махабпалам̣ д̣̇зд̇ийд̇и вуд̇д̇ам̣ ход̇и. на ан̃н̃ам̣ галамаг̇гхад̇ийд̇и ан̃н̃ам̣ б̣аахирасаасанз гад̇ам̣ гаммам̣ сан̇гхз гад̇асса гаарасса бууж̇аасаггаарасса галам̣ сол̣асим̣ галам̣ годтаасам̣ на аг̇гхад̇ийд̇и самб̣анд̇хо.

21-23. Pañcamāpadāne ārāmadvārā nikkhammāti ārāmadvārato saṅghassa nikkhamanadvāramaggehi attho. Gosīsaṃ santhataṃ mayāti tasmiṃ nikkhamanadvāramagge ‘‘bhagavato bhikkhusaṅghassa ca pādā mā kaddamaṃ akkamantū’’ti akkamanatthāya gosīsaṭṭhiṃ mayā santharitanti attho. Anubhomi sakaṃ kammanti attano gosīsaattharaṇakammassa balena ājānīyā vātajavā sindhavā sīghavāhanādīni vipākaphalāni anubhomīti attho. Ahokāraṃ paramakāranti sukhette saṅghe mayā suṭṭhu kataṃ kāraṃ appakampi kiccaṃ mahapphaladānato paramakāraṃ uttamakiccaṃ aho vimhayanti attho. Yathā tiṇadosādivirahitesu khettesu vappitaṃ sālibījaṃ mahapphalaṃ deti, evameva rāgadosādidosarahite parisuddhakāyavacīsamācāre saṅghakhette gosīsaattharaṇakammaṃ mayā kataṃ, idaṃ mahapphalaṃ detīti vuttaṃ hoti. Na aññaṃ kalamagghatīti aññaṃ bāhirasāsane kataṃ kammaṃ saṅghe katassa kārassa pūjāsakkārassa kalaṃ soḷasiṃ kalaṃ koṭṭhāsaṃ na agghatīti sambandho.

чадтасад̇д̇амадтаманавамад̣̇асамаабад̣̇аанаани уд̇д̇аанаанзваад̇и.

Chaṭṭhasattamaṭṭhamanavamadasamāpadānāni uttānānevāti.

д̇им̣сад̇имаваг̇г̇аван̣н̣анаа самад̇д̇аа.

Tiṃsatimavaggavaṇṇanā samattā.

Next: 31. бад̣̇умагзсараваг̇г̇о • 31. Padumakesaravaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact