| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३०. चितकपूजकवग्गो
30. Citakapūjakavaggo
१. चितकपूजकत्थेरअपदानं
1. Citakapūjakattheraapadānaṃ
१.
1.
‘‘अजितो नाम नामेन, अहोसिं ब्राह्मणो तदा।
‘‘Ajito nāma nāmena, ahosiṃ brāhmaṇo tadā;
आहुतिं यिट्ठुकामोहं, नानापुप्फं समानयिं॥
Āhutiṃ yiṭṭhukāmohaṃ, nānāpupphaṃ samānayiṃ.
२.
2.
‘‘जलन्तं चितकं दिस्वा, सिखिनो लोकबन्धुनो।
‘‘Jalantaṃ citakaṃ disvā, sikhino lokabandhuno;
तञ्च पुप्फं समानेत्वा, चितके ओकिरिं अहं॥
Tañca pupphaṃ samānetvā, citake okiriṃ ahaṃ.
३.
3.
‘‘एकत्तिंसे इतो कप्पे, यं पुप्फमभिपूजयिं।
‘‘Ekattiṃse ito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
४.
4.
सुपज्जलितनामा ते, चक्कवत्ती महब्बला॥
Supajjalitanāmā te, cakkavattī mahabbalā.
५.
5.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा चितकपूजको थेरो इमा गाथायो अभासित्थाति।
Itthaṃ sudaṃ āyasmā citakapūjako thero imā gāthāyo abhāsitthāti.
चितकपूजकत्थेरस्सापदानं पठमं।
Citakapūjakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. चितकपूजकत्थेरअपदानादिवण्णना • 1-10. Citakapūjakattheraapadānādivaṇṇanā
