| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. จิตกปูชกเตฺถรอปทานํ
6. Citakapūjakattheraapadānaṃ
๔๙.
49.
‘‘วสามิ ราชายตเน, สามโจฺจ สปริชฺชโน;
‘‘Vasāmi rājāyatane, sāmacco saparijjano;
ปรินิพฺพุเต ภควติ, สิขิโน โลกพนฺธุโนฯ
Parinibbute bhagavati, sikhino lokabandhuno.
๕๐.
50.
‘‘ปสนฺนจิโตฺต สุมโน, จิตกํ อคมาสหํ;
‘‘Pasannacitto sumano, citakaṃ agamāsahaṃ;
ตูริยํ ตตฺถ วาเทตฺวา, คนฺธมาลํ สโมกิริํฯ
Tūriyaṃ tattha vādetvā, gandhamālaṃ samokiriṃ.
๕๑.
51.
‘‘จิตมฺหิ ปูชํ กตฺวาน, วนฺทิตฺวา จิตกํ อหํ;
‘‘Citamhi pūjaṃ katvāna, vanditvā citakaṃ ahaṃ;
ปสนฺนจิโตฺต สุมโน, สกํ ภวนุปาคมิํฯ
Pasannacitto sumano, sakaṃ bhavanupāgamiṃ.
๕๒.
52.
‘‘ภวเน อุปวิโฎฺฐหํ, จิตปูชํ อนุสฺสริํ;
‘‘Bhavane upaviṭṭhohaṃ, citapūjaṃ anussariṃ;
เตน กเมฺมน ทฺวิปทินฺท, โลกเชฎฺฐ นราสภฯ
Tena kammena dvipadinda, lokajeṭṭha narāsabha.
๕๓.
53.
‘‘อนุโภตฺวาน สมฺปตฺติํ, เทเวสุ มานุเสสุ จ;
‘‘Anubhotvāna sampattiṃ, devesu mānusesu ca;
ปโตฺตมฺหิ อจลํ ฐานํ, หิตฺวา ชยปราชยํฯ
Pattomhi acalaṃ ṭhānaṃ, hitvā jayaparājayaṃ.
๕๔.
54.
‘‘เอกตฺติํเส อิโต กเปฺป, ยํ ปุปฺผมภิโรปยิํ;
‘‘Ekattiṃse ito kappe, yaṃ pupphamabhiropayiṃ;
ทุคฺคติํ นาภิชานามิ, จิตปูชายิทํ ผลํฯ
Duggatiṃ nābhijānāmi, citapūjāyidaṃ phalaṃ.
๕๕.
55.
‘‘เอกูนติํสกปฺปมฺหิ, อิโต โสฬส ราชาโน;
‘‘Ekūnatiṃsakappamhi, ito soḷasa rājāno;
อุคฺคตา นาม นาเมน, จกฺกวตฺตี มหพฺพลาฯ
Uggatā nāma nāmena, cakkavattī mahabbalā.
๕๖.
56.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา จิตกปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā citakapūjako thero imā gāthāyo abhāsitthāti.
จิตกปูชกเตฺถรสฺสาปทานํ ฉฎฺฐํฯ
Citakapūjakattherassāpadānaṃ chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๖. จิตกปูชกเตฺถรอปทานวณฺณนา • 6. Citakapūjakattheraapadānavaṇṇanā
