| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. චිතකපූජකත්‌ථෙරඅපදානං
6. Citakapūjakattheraapadānaṃ
49.
49.
‘‘වසාමි රාජායතනෙ, සාමච්‌චො සපරිජ්‌ජනො;
‘‘Vasāmi rājāyatane, sāmacco saparijjano;
පරිනිබ්‌බුතෙ භගවති, සිඛිනො ලොකබන්‌ධුනො.
Parinibbute bhagavati, sikhino lokabandhuno.
50.
50.
‘‘පසන්‌නචිත්‌තො සුමනො, චිතකං අගමාසහං;
‘‘Pasannacitto sumano, citakaṃ agamāsahaṃ;
තූරියං තත්‌ථ වාදෙත්‌වා, ගන්‌ධමාලං සමොකිරිං.
Tūriyaṃ tattha vādetvā, gandhamālaṃ samokiriṃ.
51.
51.
‘‘චිතම්‌හි පූජං කත්‌වාන, වන්‌දිත්‌වා චිතකං අහං;
‘‘Citamhi pūjaṃ katvāna, vanditvā citakaṃ ahaṃ;
පසන්‌නචිත්‌තො සුමනො, සකං භවනුපාගමිං.
Pasannacitto sumano, sakaṃ bhavanupāgamiṃ.
52.
52.
‘‘භවනෙ උපවිට්‌ඨොහං, චිතපූජං අනුස්‌සරිං;
‘‘Bhavane upaviṭṭhohaṃ, citapūjaṃ anussariṃ;
තෙන කම්‌මෙන ද්‌විපදින්‌ද, ලොකජෙට්‌ඨ නරාසභ.
Tena kammena dvipadinda, lokajeṭṭha narāsabha.
53.
53.
‘‘අනුභොත්‌වාන සම්‌පත්‌තිං, දෙවෙසු මානුසෙසු ච;
‘‘Anubhotvāna sampattiṃ, devesu mānusesu ca;
පත්‌තොම්‌හි අචලං ඨානං, හිත්‌වා ජයපරාජයං.
Pattomhi acalaṃ ṭhānaṃ, hitvā jayaparājayaṃ.
54.
54.
‘‘එකත්‌තිංසෙ ඉතො කප්‌පෙ, යං පුප්‌ඵමභිරොපයිං;
‘‘Ekattiṃse ito kappe, yaṃ pupphamabhiropayiṃ;
දුග්‌ගතිං නාභිජානාමි, චිතපූජායිදං ඵලං.
Duggatiṃ nābhijānāmi, citapūjāyidaṃ phalaṃ.
55.
55.
‘‘එකූනතිංසකප්‌පම්‌හි, ඉතො සොළස රාජානො;
‘‘Ekūnatiṃsakappamhi, ito soḷasa rājāno;
උග්‌ගතා නාම නාමෙන, චක්‌කවත්‌තී මහබ්‌බලා.
Uggatā nāma nāmena, cakkavattī mahabbalā.
56.
56.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා චිතකපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā citakapūjako thero imā gāthāyo abhāsitthāti.
චිතකපූජකත්‌ථෙරස්‌සාපදානං ඡට්‌ඨං.
Citakapūjakattherassāpadānaṃ chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 6. චිතකපූජකත්‌ථෙරඅපදානවණ්‌ණනා • 6. Citakapūjakattheraapadānavaṇṇanā
