| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. චිතකපූජකත්‌ථෙරඅපදානං
3. Citakapūjakattheraapadānaṃ
9.
9.
‘‘ආනන්‌දො නාම සම්‌බුද්‌ධො, සයම්‌භූ අපරාජිතො;
‘‘Ānando nāma sambuddho, sayambhū aparājito;
අරඤ්‌ඤෙ පරිනිබ්‌බායි, අමනුස්‌සම්‌හි කානනෙ.
Araññe parinibbāyi, amanussamhi kānane.
10.
10.
‘‘දෙවලොකා ඉධාගන්‌ත්‌වා, චිතං කත්‌වානහං තදා;
‘‘Devalokā idhāgantvā, citaṃ katvānahaṃ tadā;
සරීරං තත්‌ථ ඣාපෙසිං, සක්‌කාරඤ්‌ච අකාසහං.
Sarīraṃ tattha jhāpesiṃ, sakkārañca akāsahaṃ.
11.
11.
‘‘එකනවුතිතො කප්‌පෙ, යං කම්‌මමකරිං තදා;
‘‘Ekanavutito kappe, yaṃ kammamakariṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
12.
12.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා චිතකපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā citakapūjako thero imā gāthāyo abhāsitthāti.
චිතකපූජකත්‌ථෙරස්‌සාපදානං තතියං.
Citakapūjakattherassāpadānaṃ tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ථොමකත්‌ථෙරඅපදානාදිවණ්‌ණනා • 1-10. Thomakattheraapadānādivaṇṇanā
