| Library / Tipiṭaka / තිපිටක • Tipiṭaka / අපදානපාළි • Apadānapāḷi |
30. චිතකපූජකවග්‌ගො
30. Citakapūjakavaggo
1. චිතකපූජකත්‌ථෙරඅපදානං
1. Citakapūjakattheraapadānaṃ
1.
1.
‘‘අජිතො නාම නාමෙන, අහොසිං බ්‍රාහ්‌මණො තදා;
‘‘Ajito nāma nāmena, ahosiṃ brāhmaṇo tadā;
ආහුතිං යිට්‌ඨුකාමොහං, නානාපුප්‌ඵං සමානයිං.
Āhutiṃ yiṭṭhukāmohaṃ, nānāpupphaṃ samānayiṃ.
2.
2.
‘‘ජලන්‌තං චිතකං දිස්‌වා, සිඛිනො ලොකබන්‌ධුනො;
‘‘Jalantaṃ citakaṃ disvā, sikhino lokabandhuno;
තඤ්‌ච පුප්‌ඵං සමානෙත්‌වා, චිතකෙ ඔකිරිං අහං.
Tañca pupphaṃ samānetvā, citake okiriṃ ahaṃ.
3.
3.
‘‘එකත්‌තිංසෙ ඉතො කප්‌පෙ, යං පුප්‌ඵමභිපූජයිං;
‘‘Ekattiṃse ito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
4.
4.
සුපජ්‌ජලිතනාමා තෙ, චක්‌කවත්‌තී මහබ්‌බලා.
Supajjalitanāmā te, cakkavattī mahabbalā.
5.
5.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා චිතකපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā citakapūjako thero imā gāthāyo abhāsitthāti.
චිතකපූජකත්‌ථෙරස්‌සාපදානං පඨමං.
Citakapūjakattherassāpadānaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. චිතකපූජකත්‌ථෙරඅපදානාදිවණ්‌ණනා • 1-10. Citakapūjakattheraapadānādivaṇṇanā
