| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. жид̇агабууж̇агад̇т̇зраабад̣̇аанаван̣н̣анаа
6. Citakapūjakattheraapadānavaṇṇanā
васаами рааж̇ааяад̇анзд̇иаад̣̇игам̣ ааяасмад̇о жид̇агабууж̇агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇о барам̣ уббаннуббаннабхавз виваддуубаниссаяаани бун̃н̃аани убажинанд̇о сикисса бхаг̇авад̇о гаалз рааж̇ааяад̇анаругкад̣̇звад̇аа худ̇ваа ниб̣б̣ад̇д̇о анд̇аранд̇араа д̣̇звад̇аахи сад̣̇д̇хим̣ д̇хаммам̣ суд̇ваа басанно бхаг̇авад̇и бариниб̣б̣уд̇з сабаривааро г̇анд̇хад̣̇ийбад̇хуубабубпабхзриаад̣̇ийни г̇аахаабзд̇ваа бхаг̇авад̇о аал̣аханадтаанам̣ г̇анд̇ваа д̣̇ийбаад̣̇ийни бууж̇зд̇ваа анзгзхи д̇ууриязхи анзгзхи ваад̣̇ид̇зхи д̇ам̣ бууж̇зси. д̇ад̇о бадтааяа сагабхаванам̣ убавидтоби бхаг̇аванд̇амзва сарид̇ваа саммукаа вияа ванд̣̇ад̇и. со д̇знзва бун̃н̃зна д̇зна жид̇д̇аббасаад̣̇зна рааж̇ааяад̇анад̇о гаалам̣ гад̇о д̇усид̇аад̣̇ийсу ниб̣б̣ад̇д̇о д̣̇иб̣б̣асамбад̇д̇им̣ анубхавид̇ваа д̇ад̇о мануссзсу мануссасамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о бхаг̇авад̇и уббаннажид̇д̇аббасаад̣̇о бхаг̇авад̇о саасанз баб̣б̣аж̇ид̇ваа нажирассзва арахаа ахоси.
Vasāmi rājāyatanetiādikaṃ āyasmato citakapūjakattherassa apadānaṃ. Ayampi purimabuddhesu katādhikāro tato paraṃ uppannuppannabhave vivaṭṭūpanissayāni puññāni upacinanto sikhissa bhagavato kāle rājāyatanarukkhadevatā hutvā nibbatto antarantarā devatāhi saddhiṃ dhammaṃ sutvā pasanno bhagavati parinibbute saparivāro gandhadīpadhūpapupphabheriādīni gāhāpetvā bhagavato āḷahanaṭṭhānaṃ gantvā dīpādīni pūjetvā anekehi tūriyehi anekehi vāditehi taṃ pūjesi. Tato paṭṭhāya sakabhavanaṃ upaviṭṭhopi bhagavantameva saritvā sammukhā viya vandati. So teneva puññena tena cittappasādena rājāyatanato kālaṃ kato tusitādīsu nibbatto dibbasampattiṃ anubhavitvā tato manussesu manussasampattiṃ anubhavitvā imasmiṃ buddhuppāde kulagehe nibbatto viññutaṃ patto bhagavati uppannacittappasādo bhagavato sāsane pabbajitvā nacirasseva arahā ahosi.
49. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о васаами рааж̇ааяад̇анзд̇иаад̣̇имааха. рааж̇ааяад̇анзд̇и д̣̇зварааж̇уунам̣ ааяад̇анам̣ рааж̇ааяад̇анам̣, д̇асса ругкасса наамад̇хзяяо ваа. бариниб̣б̣уд̇з бхаг̇авад̇ийд̇и барисаманд̇ад̇о гин̃жи анавасзсзд̇ваа канд̇хабариниб̣б̣аанагаалз бариниб̣б̣аанасамаяз бариниб̣б̣аанаббад̇д̇асса сикино логаб̣анд̇хунод̇и самб̣анд̇хо.
49. So aparabhāge attano pubbakammaṃ saritvā somanassajāto pubbacaritāpadānaṃ pakāsento vasāmi rājāyatanetiādimāha. Rājāyataneti devarājūnaṃ āyatanaṃ rājāyatanaṃ, tassa rukkhassa nāmadheyyo vā. Parinibbute bhagavatīti parisamantato kiñci anavasesetvā khandhaparinibbānakāle parinibbānasamaye parinibbānappattassa sikhino lokabandhunoti sambandho.
50. жид̇агам̣ аг̇амаасаханд̇и жанд̣̇анааг̇аруд̣̇звад̣̇ааругаббуурад̇агголаад̣̇исуг̇анд̇хад̣̇ааруухи жид̇ам̣ раасиг̇ад̇анд̇и жид̇ам̣, жид̇амзва жид̇агам̣, б̣уд̣̇д̇хаг̇ааравзна жид̇агам̣ бууж̇анад̇т̇ааяа жид̇агасса самийбам̣ ахам̣ аг̇амаасинд̇и ад̇т̇о. д̇ад̇т̇а г̇анд̇ваа гад̇агижжам̣ д̣̇ассзнд̇о д̇уурияам̣ д̇ад̇т̇а ваад̣̇зд̇ваад̇иаад̣̇имааха. д̇ам̣ саб̣б̣ам̣ сувин̃н̃зяяамзваад̇и.
50.Citakaṃ agamāsahanti candanāgarudevadārukappūratakkolādisugandhadārūhi citaṃ rāsigatanti citaṃ, citameva citakaṃ, buddhagāravena citakaṃ pūjanatthāya citakassa samīpaṃ ahaṃ agamāsinti attho. Tattha gantvā katakiccaṃ dassento tūriyaṃ tattha vādetvātiādimāha. Taṃ sabbaṃ suviññeyyamevāti.
жид̇агабууж̇агад̇т̇зраабад̣̇аанаван̣н̣анаа самад̇д̇аа.
Citakapūjakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. жид̇агабууж̇агад̇т̇зраабад̣̇аанам̣ • 6. Citakapūjakattheraapadānaṃ
