| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
5. жид̇д̇ааг̇аараваг̇г̇о
5. Cittāgāravaggo
1. рааж̇ааг̇аарасигкаабад̣̇аван̣н̣анаа
1. Rājāgārasikkhāpadavaṇṇanā
жид̇д̇ааг̇аараваг̇г̇асса батамз рааж̇ааг̇ааранд̇и ран̃н̃о гийл̣анагхарам̣. жид̇д̇ааг̇ааранд̇и гийл̣анажид̇д̇асаалам̣. аарааманд̇и гийл̣анаубаванам̣. уяяаананд̇и гийл̣ануяяаанам̣. богкаран̣инд̇и гийл̣анабогкаран̣им̣. д̣̇ассанааяаад̇и ‘‘зд̇зсу яам̣гин̃жи бассиссаамий’’д̇и г̇ажчанд̇ияаа бад̣̇з бад̣̇з д̣̇уггадам̣, яад̇т̇а тад̇ваа бассад̇и, д̇ад̇т̇а бад̣̇ам̣ ануд̣̇д̇харид̇ваа бан̃жааби бассанд̇ияаа згаава аабад̇д̇и. сажз бана д̇ам̣ д̇ам̣ вилогзд̇ваа бассад̇и, г̇ийвам̣ баривад̇д̇анаббаяог̇аг̇ан̣анааяа аабад̇д̇ияо, на уммийланаг̇ан̣анааяа.
Cittāgāravaggassa paṭhame rājāgāranti rañño kīḷanagharaṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharaṇinti kīḷanapokkharaṇiṃ. Dassanāyāti ‘‘etesu yaṃkiñci passissāmī’’ti gacchantiyā pade pade dukkaṭaṃ, yattha ṭhatvā passati, tattha padaṃ anuddharitvā pañcāpi passantiyā ekāva āpatti. Sace pana taṃ taṃ viloketvā passati, gīvaṃ parivattanappayogagaṇanāya āpattiyo, na ummīlanagaṇanāya.
саавад̇т̇ияам̣ чаб̣б̣аг̇г̇ияаа бхигкунияо аараб̣бха жид̇д̇ааг̇аарам̣ д̣̇ассанааяа г̇аманавад̇т̇усмим̣ бан̃н̃ад̇д̇ам̣, бхигкусса саб̣б̣ад̇т̇а д̣̇уггадам̣, авасзсо винижчаяо нажжад̣̇ассанасигкаабад̣̇з вуд̇д̇анаязнзва взд̣̇ид̇аб̣б̣од̇и.
Sāvatthiyaṃ chabbaggiyā bhikkhuniyo ārabbha cittāgāraṃ dassanāya gamanavatthusmiṃ paññattaṃ, bhikkhussa sabbattha dukkaṭaṃ, avaseso vinicchayo naccadassanasikkhāpade vuttanayeneva veditabboti.
рааж̇ааг̇аарасигкаабад̣̇аван̣н̣анаа нидтид̇аа.
Rājāgārasikkhāpadavaṇṇanā niṭṭhitā.
2. аасанд̣̇ибарибхун̃ж̇анасигкаабад̣̇аван̣н̣анаа
2. Āsandiparibhuñjanasikkhāpadavaṇṇanā
д̣̇уд̇ияз аасанд̣̇ий наама ад̇игганд̇аббамаан̣аа вужжад̇и. баллан̇го наама сам̣хааримзна ваал̣зна гад̇од̇и вуд̇д̇о. барибхун̃ж̇зяяаад̇и зд̇т̇а бана нисийд̣̇ананибаж̇ж̇анаббаяог̇аг̇ан̣анааяа баажид̇д̇ияам̣ взд̣̇ид̇аб̣б̣ам̣.
Dutiye āsandī nāma atikkantappamāṇā vuccati. Pallaṅko nāma saṃhārimena vāḷena katoti vutto. Paribhuñjeyyāti ettha pana nisīdananipajjanappayogagaṇanāya pācittiyaṃ veditabbaṃ.
саавад̇т̇ияам̣ самб̣ахулаа бхигкунияо аараб̣бха аасанд̣̇ибаллан̇габарибхог̇авад̇т̇усмим̣ бан̃н̃ад̇д̇ам̣, аасанд̣̇ияаа баад̣̇з чинд̣̇ид̇ваа, баллан̇гасса ваал̣з бхинд̣̇ид̇ваа барибхун̃ж̇анд̇ияаа, уммад̇д̇игаад̣̇ийнан̃жа анаабад̇д̇и. аасанд̣̇ибаллан̇гад̇аа, нисийд̣̇анам̣ нибаж̇ж̇анам̣ ваад̇и имаанзд̇т̇а д̣̇вз ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ sambahulā bhikkhuniyo ārabbha āsandipallaṅkaparibhogavatthusmiṃ paññattaṃ, āsandiyā pāde chinditvā, pallaṅkassa vāḷe bhinditvā paribhuñjantiyā, ummattikādīnañca anāpatti. Āsandipallaṅkatā, nisīdanaṃ nipajjanaṃ vāti imānettha dve aṅgāni. Samuṭṭhānādīni eḷakalomasadisānīti.
аасанд̣̇ибарибхун̃ж̇анасигкаабад̣̇аван̣н̣анаа нидтид̇аа.
Āsandiparibhuñjanasikkhāpadavaṇṇanā niṭṭhitā.
3. суд̇д̇аганд̇анасигкаабад̣̇аван̣н̣анаа
3. Suttakantanasikkhāpadavaṇṇanā
д̇ад̇ияз суд̇д̇анд̇и чаннам̣ ан̃н̃ад̇арам̣. ганд̇зяяаад̇и зд̇т̇а яад̇д̇агам̣ хад̇т̇зна ан̃чид̇ам̣ ход̇и, д̇асмим̣ д̇аггамхи взтид̇з згаа аабад̇д̇и. ид̣̇ан̃хи санд̇хааяа бад̣̇абхааж̇анийяз (баажи. 988) ‘‘уж̇ж̇авуж̇ж̇авз’’д̇и вуд̇д̇ам̣.
Tatiye suttanti channaṃ aññataraṃ. Kanteyyāti ettha yattakaṃ hatthena añchitaṃ hoti, tasmiṃ takkamhi veṭhite ekā āpatti. Idañhi sandhāya padabhājanīye (pāci. 988) ‘‘ujjavujjave’’ti vuttaṃ.
саавад̇т̇ияам̣ чаб̣б̣аг̇г̇ияаа бхигкунияо аараб̣бха суд̇д̇ам̣ ганд̇анавад̇т̇усмим̣ бан̃н̃ад̇д̇ам̣, ганд̇анад̇о буб̣б̣з габбаасавижинанам̣ аад̣̇им̣ гад̇ваа саб̣б̣аббаяог̇зсу хад̇т̇аваараг̇ан̣анааяа д̣̇уггадам̣. ганд̇ид̇асуд̇д̇ам̣ ганд̇анд̇ияаа, уммад̇д̇игаад̣̇ийнан̃жа анаабад̇д̇и. аганд̇ид̇ад̇аа, ганд̇ананд̇и имаанзд̇т̇а д̣̇вз ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ chabbaggiyā bhikkhuniyo ārabbha suttaṃ kantanavatthusmiṃ paññattaṃ, kantanato pubbe kappāsavicinanaṃ ādiṃ katvā sabbappayogesu hatthavāragaṇanāya dukkaṭaṃ. Kantitasuttaṃ kantantiyā, ummattikādīnañca anāpatti. Akantitatā, kantananti imānettha dve aṅgāni. Samuṭṭhānādīni eḷakalomasadisānīti.
суд̇д̇аганд̇анасигкаабад̣̇аван̣н̣анаа нидтид̇аа.
Suttakantanasikkhāpadavaṇṇanā niṭṭhitā.
4. г̇ихивзяяааважжасигкаабад̣̇аван̣н̣анаа
4. Gihiveyyāvaccasikkhāpadavaṇṇanā
жад̇уд̇т̇з г̇ихивзяяааважжанд̇и г̇ихийнам̣ взяяааважжам̣. сажзби хи маад̇аабид̇аро ад̇д̇ано гин̃жи гаммам̣ агаараабзд̇ваа д̇зсам̣ яааг̇убажанаад̣̇ийни гаронд̇и, буб̣б̣аббаяог̇зсу баяог̇аг̇ан̣анааяа д̣̇уггадаани аабаж̇ж̇ид̇ваа яааг̇уаад̣̇ийсу бхааж̇анаг̇ан̣анааяа, каад̣̇анийяаад̣̇ийсу бууваг̇ан̣анааяа баажид̇д̇ияам̣ аабаж̇ж̇ад̇и.
Catutthe gihiveyyāvaccanti gihīnaṃ veyyāvaccaṃ. Sacepi hi mātāpitaro attano kiñci kammaṃ akārāpetvā tesaṃ yāgupacanādīni karonti, pubbappayogesu payogagaṇanāya dukkaṭāni āpajjitvā yāguādīsu bhājanagaṇanāya, khādanīyādīsu pūvagaṇanāya pācittiyaṃ āpajjati.
саавад̇т̇ияам̣ самб̣ахулаа бхигкунияо аараб̣бха г̇ихийнам̣ взяяааважжагаран̣авад̇т̇усмим̣ бан̃н̃ад̇д̇ам̣, мануссзхи сан̇гхасса яааг̇убаанз ваа бхад̇д̇з ваа жзд̇ияабууж̇ааяа ваа гарийяамаанааяа д̇зсам̣ сахааяабхаавзна яааг̇убажанаад̣̇ийни, ад̇д̇ано взяяааважжагарасса жа д̇ааниязва гаронд̇ияаа, уммад̇д̇игаад̣̇ийнан̃жа анаабад̇д̇и. г̇ихивзяяааважжагаран̣ам̣, анун̃н̃аад̇агааран̣аабхаавод̇и имаанзд̇т̇а д̣̇вз ан̇г̇аани. самудтаанаад̣̇ийни зл̣агаломасад̣̇исаанзваад̇и.
Sāvatthiyaṃ sambahulā bhikkhuniyo ārabbha gihīnaṃ veyyāvaccakaraṇavatthusmiṃ paññattaṃ, manussehi saṅghassa yāgupāne vā bhatte vā cetiyapūjāya vā karīyamānāya tesaṃ sahāyabhāvena yāgupacanādīni, attano veyyāvaccakarassa ca tāniyeva karontiyā, ummattikādīnañca anāpatti. Gihiveyyāvaccakaraṇaṃ, anuññātakāraṇābhāvoti imānettha dve aṅgāni. Samuṭṭhānādīni eḷakalomasadisānevāti.
г̇ихивзяяааважжасигкаабад̣̇аван̣н̣анаа нидтид̇аа.
Gihiveyyāvaccasikkhāpadavaṇṇanā niṭṭhitā.
5. ад̇хигаран̣асигкаабад̣̇аван̣н̣анаа
5. Adhikaraṇasikkhāpadavaṇṇanā
бан̃жамз ад̇хигаран̣анд̇и жад̇уннам̣ ан̃н̃ад̇арам̣. баажид̇д̇ияанд̇и ид̇ха жийварасиб̣б̣анз вияа д̇хурам̣ нигкид̇д̇амад̇д̇з баажид̇д̇ияам̣, згаахамби барихааро над̇т̇и.
Pañcame adhikaraṇanti catunnaṃ aññataraṃ. Pācittiyanti idha cīvarasibbane viya dhuraṃ nikkhittamatte pācittiyaṃ, ekāhampi parihāro natthi.
саавад̇т̇ияам̣ т̇уллананд̣̇ам̣ аараб̣бха ад̇хигаран̣ам̣ навуубасаманавад̇т̇усмим̣ бан̃н̃ад̇д̇ам̣, сзсамзд̇т̇а жийварасиб̣б̣анасигкаабад̣̇з вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ thullanandaṃ ārabbha adhikaraṇaṃ navūpasamanavatthusmiṃ paññattaṃ, sesamettha cīvarasibbanasikkhāpade vuttanayeneva veditabbanti.
ад̇хигаран̣асигкаабад̣̇аван̣н̣анаа нидтид̇аа.
Adhikaraṇasikkhāpadavaṇṇanā niṭṭhitā.
6. бхож̇анад̣̇аанасигкаабад̣̇аван̣н̣анаа
6. Bhojanadānasikkhāpadavaṇṇanā
чадтз сахад̇т̇аад̇и гааязна ваа гааяаббадиб̣ад̣̇д̇хзна ваа ниссаг̇г̇иязна ваа табзд̇ваа бан̃жасахад̇хаммигз авасзсаанам̣ ан̃н̃ад̇ра уд̣̇агад̣̇анд̇абонаа яам̣гин̃жи аж̇жхохаран̣ийяам̣ д̣̇ад̣̇анд̇ияаа баажид̇д̇ияам̣.
Chaṭṭhe sahatthāti kāyena vā kāyappaṭibaddhena vā nissaggiyena vā ṭhapetvā pañcasahadhammike avasesānaṃ aññatra udakadantaponā yaṃkiñci ajjhoharaṇīyaṃ dadantiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха аг̇ааригасса каад̣̇анийяабхож̇анийяад̣̇аанавад̇т̇усмим̣ бан̃н̃ад̇д̇ам̣, уд̣̇агад̣̇анд̇абонз д̣̇уггадам̣. яаа бана д̣̇аабзд̇и на д̣̇зд̇и, убанигкибид̇ваа д̣̇зд̇и, б̣аахиралзбам̣ д̣̇зд̇и, д̇ассаа, уммад̇д̇игаад̣̇ийнан̃жа анаабад̇д̇и. ан̃н̃ад̇ра уд̣̇агад̣̇анд̇абонаа аж̇жхохаран̣ияам̣, табзд̇ваа бан̃жа сахад̇хаммигз ан̃н̃асса сахад̇т̇аа д̣̇аананд̇и имаанзд̇т̇а д̣̇вз ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ thullanandaṃ ārabbha agārikassa khādanīyabhojanīyadānavatthusmiṃ paññattaṃ, udakadantapone dukkaṭaṃ. Yā pana dāpeti na deti, upanikkhipitvā deti, bāhiralepaṃ deti, tassā, ummattikādīnañca anāpatti. Aññatra udakadantaponā ajjhoharaṇiyaṃ, ṭhapetvā pañca sahadhammike aññassa sahatthā dānanti imānettha dve aṅgāni. Samuṭṭhānādīni eḷakalomasadisānīti.
бхож̇анад̣̇аанасигкаабад̣̇аван̣н̣анаа нидтид̇аа.
Bhojanadānasikkhāpadavaṇṇanā niṭṭhitā.
7. аавасат̇ажийварасигкаабад̣̇аван̣н̣анаа
7. Āvasathacīvarasikkhāpadavaṇṇanā
сад̇д̇амз аавасат̇ажийваранд̇и ‘‘уд̇унияо бхигкунияо барибхун̃ж̇анд̇уу’’д̇и д̣̇иннажийварам̣. аниссаж̇ж̇ид̇ваад̇и жад̇уд̇т̇з д̣̇ивасз д̇ховид̇ваа ан̃н̃иссаа анд̇амасо сааман̣зрияааби уд̇унияаа ад̣̇ад̇ваа. баажид̇д̇ияанд̇и звам̣ аниссаж̇ж̇ид̇ваа барибхун̃ж̇анд̇ияаа баажид̇д̇ияам̣.
Sattame āvasathacīvaranti ‘‘utuniyo bhikkhuniyo paribhuñjantū’’ti dinnacīvaraṃ. Anissajjitvāti catutthe divase dhovitvā aññissā antamaso sāmaṇeriyāpi utuniyā adatvā. Pācittiyanti evaṃ anissajjitvā paribhuñjantiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха аавасат̇ажийварам̣ аниссаж̇ж̇ид̇ваа барибхун̃ж̇анавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, ниссаж̇ж̇ид̇з д̣̇вигад̣̇уггадам̣. д̇асмим̣ бана ниссаж̇ж̇ид̇асан̃н̃ааяа, буна барияааязна ваа, ан̃н̃аасам̣ уд̇унийнам̣ абхаавзна ваа, ажчиннанадтажийваригааяа ваа, аабад̣̇аасу ваа барибхун̃ж̇анд̇ияаа, уммад̇д̇игаад̣̇ийнан̃жа анаабад̇д̇и. аавасат̇ажийварад̇аа, жад̇уд̇т̇ад̣̇ивасад̇аа, д̇ховид̇ваа аниссаж̇ж̇анам̣, анун̃н̃аад̇агааран̣аабхаавод̇и имаанзд̇т̇а жад̇д̇аари ан̇г̇аани. самудтаанаад̣̇ийни гат̇инасад̣̇исаани, ид̣̇ам̣ бана гирияаагирияанд̇и.
Sāvatthiyaṃ thullanandaṃ ārabbha āvasathacīvaraṃ anissajjitvā paribhuñjanavatthusmiṃ paññattaṃ, tikapācittiyaṃ, nissajjite dvikadukkaṭaṃ. Tasmiṃ pana nissajjitasaññāya, puna pariyāyena vā, aññāsaṃ utunīnaṃ abhāvena vā, acchinnanaṭṭhacīvarikāya vā, āpadāsu vā paribhuñjantiyā, ummattikādīnañca anāpatti. Āvasathacīvaratā, catutthadivasatā, dhovitvā anissajjanaṃ, anuññātakāraṇābhāvoti imānettha cattāri aṅgāni. Samuṭṭhānādīni kathinasadisāni, idaṃ pana kiriyākiriyanti.
аавасат̇ажийварасигкаабад̣̇аван̣н̣анаа нидтид̇аа.
Āvasathacīvarasikkhāpadavaṇṇanā niṭṭhitā.
8. аавасат̇авихаарасигкаабад̣̇аван̣н̣анаа
8. Āvasathavihārasikkhāpadavaṇṇanā
адтамз аавасат̇анд̇и гаваадаб̣ад̣̇д̇хавихаарам̣. аниссаж̇ж̇ид̇ваад̇и рагкан̣ад̇т̇ааяа ад̣̇ад̇ваа, ‘‘ид̣̇ам̣ ж̇аг̇г̇зяяаасий’’д̇и звам̣ анаабужчид̇ваад̇и ад̇т̇о. жааригам̣ баггамзяяа баажид̇д̇ияанд̇и зд̇т̇а сагаг̇аамад̇о ан̃н̃ам̣ г̇аамам̣ згарад̇д̇иваасад̇т̇ааяаби баггаманд̇ияаа баригкид̇д̇асса аавасат̇асса баригкзбам̣, абаригкид̇д̇асса убажаарам̣ батамабаад̣̇зна ад̇игганд̇амад̇д̇з д̣̇уггадам̣, д̣̇уд̇иязна баажид̇д̇ияам̣.
Aṭṭhame āvasathanti kavāṭabaddhavihāraṃ. Anissajjitvāti rakkhaṇatthāya adatvā, ‘‘idaṃ jaggeyyāsī’’ti evaṃ anāpucchitvāti attho. Cārikaṃ pakkameyya pācittiyanti ettha sakagāmato aññaṃ gāmaṃ ekarattivāsatthāyapi pakkamantiyā parikkhittassa āvasathassa parikkhepaṃ, aparikkhittassa upacāraṃ paṭhamapādena atikkantamatte dukkaṭaṃ, dutiyena pācittiyaṃ.
саавад̇т̇ияам̣ т̇уллананд̣̇ам̣ аараб̣бха аавасат̇ам̣ аниссаж̇ж̇ид̇ваа жааригам̣ баггаманавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, агаваадаб̣ад̣̇д̇хз д̣̇уггадам̣, ниссаж̇ж̇ид̇з д̣̇вигад̣̇уггадам̣. д̇асмим̣ бана ниссаж̇ж̇ид̇асан̃н̃ааяа, сад̇и анд̇арааяз, бадиж̇аг̇г̇игам̣ бариязсид̇ваа алабханд̇ияаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. сагаваадаб̣ад̣̇д̇хад̇аа, вуд̇д̇анаязна баггаманам̣, анун̃н̃аад̇агааран̣аабхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни гат̇инасад̣̇исаанийд̇и, ид̣̇ам̣ бана гирияаагирияанд̇и.
Sāvatthiyaṃ thullanandaṃ ārabbha āvasathaṃ anissajjitvā cārikaṃ pakkamanavatthusmiṃ paññattaṃ, tikapācittiyaṃ, akavāṭabaddhe dukkaṭaṃ, nissajjite dvikadukkaṭaṃ. Tasmiṃ pana nissajjitasaññāya, sati antarāye, paṭijaggikaṃ pariyesitvā alabhantiyā, gilānāya, āpadāsu, ummattikādīnañca anāpatti. Sakavāṭabaddhatā, vuttanayena pakkamanaṃ, anuññātakāraṇābhāvoti imānettha tīṇi aṅgāni. Samuṭṭhānādīni kathinasadisānīti, idaṃ pana kiriyākiriyanti.
аавасат̇авихаарасигкаабад̣̇аван̣н̣анаа нидтид̇аа.
Āvasathavihārasikkhāpadavaṇṇanā niṭṭhitā.
9. д̇иражчаанавиж̇ж̇аабарияаабун̣анасигкаабад̣̇аван̣н̣анаа
9. Tiracchānavijjāpariyāpuṇanasikkhāpadavaṇṇanā
навамз д̇иражчаанавиж̇ж̇анд̇и яам̣гин̃жи б̣аахирагам̣ анад̇т̇асам̣хид̇ам̣ хад̇т̇иассарат̇ад̇ханут̇арусиббааат̇аб̣б̣ан̣акиланавасийгаран̣асосаабанаманд̇ааг̇ад̣̇аббаяог̇аад̣̇ибхзд̣̇ам̣ баруубагхаад̇агарам̣ виж̇ж̇ам̣. барияаабун̣зяяаад̇и зд̇т̇а яасса гассажи санд̇игз д̇ам̣ бад̣̇аад̣̇ивасзна барияаабун̣анд̇ияаа бад̣̇аг̇ан̣анааяа жзва агкараг̇ан̣анааяа жа баажид̇д̇ияанд̇и.
Navame tiracchānavijjanti yaṃkiñci bāhirakaṃ anatthasaṃhitaṃ hatthiassarathadhanutharusippaāthabbaṇakhilanavasīkaraṇasosāpanamantāgadappayogādibhedaṃ parūpaghātakaraṃ vijjaṃ. Pariyāpuṇeyyāti ettha yassa kassaci santike taṃ padādivasena pariyāpuṇantiyā padagaṇanāya ceva akkharagaṇanāya ca pācittiyanti.
д̇иражчаанавиж̇ж̇аабарияаабун̣анасигкаабад̣̇аван̣н̣анаа нидтид̇аа.
Tiracchānavijjāpariyāpuṇanasikkhāpadavaṇṇanā niṭṭhitā.
10. д̇иражчаанавиж̇ж̇ааваажанасигкаабад̣̇аван̣н̣анаа
10. Tiracchānavijjāvācanasikkhāpadavaṇṇanā
д̣̇асамз ваажзяяаад̇и бад̣̇ам̣ висзсо. убхаяамби саавад̇т̇ияам̣ чаб̣б̣аг̇г̇ияаа жзва самб̣ахулаа бхигкунияо жа аараб̣бха д̇иражчаанавиж̇ж̇ам̣ барияаабун̣анаваажанавад̇т̇усмим̣ бан̃н̃ад̇д̇ам̣. лзкз, д̇хааран̣ааяа жа, г̇уд̇д̇ад̇т̇ааяа жа яагкабарид̇д̇анааг̇аман̣д̣алаад̣̇игз саб̣б̣абарид̇д̇з, уммад̇д̇игаад̣̇ийнан̃жа анаабад̇д̇и. д̇иражчаанавиж̇ж̇ад̇аа, барияаабун̣анаваажанаа, анун̃н̃аад̇агааран̣аабхаавод̇и имаанзд̇т̇а д̣̇вийсуби д̇ийн̣и ан̇г̇аани. самудтаанаад̣̇ийни бад̣̇асод̇хаммасад̣̇исаанийд̇и.
Dasame vāceyyāti padaṃ viseso. Ubhayampi sāvatthiyaṃ chabbaggiyā ceva sambahulā bhikkhuniyo ca ārabbha tiracchānavijjaṃ pariyāpuṇanavācanavatthusmiṃ paññattaṃ. Lekhe, dhāraṇāya ca, guttatthāya ca yakkhaparittanāgamaṇḍalādike sabbaparitte, ummattikādīnañca anāpatti. Tiracchānavijjatā, pariyāpuṇanavācanā, anuññātakāraṇābhāvoti imānettha dvīsupi tīṇi aṅgāni. Samuṭṭhānādīni padasodhammasadisānīti.
д̇иражчаанавиж̇ж̇ааваажанасигкаабад̣̇аван̣н̣анаа нидтид̇аа.
Tiracchānavijjāvācanasikkhāpadavaṇṇanā niṭṭhitā.
жид̇д̇ааг̇аараваг̇г̇о бан̃жамо.
Cittāgāravaggo pañcamo.
