| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੫. ਚਿਤ੍ਤਾਗਾਰવਗ੍ਗੋ
5. Cittāgāravaggo
੨੩੫. ਰਾਜਾਗਾਰਂ વਾ ਚਿਤ੍ਤਾਗਾਰਂ વਾ ਆਰਾਮਂ વਾ ਉਯ੍ਯਾਨਂ વਾ ਪੋਕ੍ਖਰਣਿਂ વਾ ਦਸ੍ਸਨਾਯ ਗਚ੍ਛਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਗਚ੍ਛਤਿ, ਆਪਤ੍ਤਿ ਦੁਕ੍ਕਟਸ੍ਸ; ਯਤ੍ਥ ਠਿਤਾ ਪਸ੍ਸਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
235. Rājāgāraṃ vā cittāgāraṃ vā ārāmaṃ vā uyyānaṃ vā pokkharaṇiṃ vā dassanāya gacchantī dve āpattiyo āpajjati. Gacchati, āpatti dukkaṭassa; yattha ṭhitā passati, āpatti pācittiyassa.
ਆਸਨ੍ਦਿਂ વਾ ਪਲ੍ਲਙ੍ਕਂ વਾ ਪਰਿਭੁਞ੍ਜਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਰਿਭੁਞ੍ਜਤਿ, ਪਯੋਗੇ ਦੁਕ੍ਕਟਂ; ਪਰਿਭੁਤ੍ਤੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Āsandiṃ vā pallaṅkaṃ vā paribhuñjantī dve āpattiyo āpajjati. Paribhuñjati, payoge dukkaṭaṃ; paribhutte, āpatti pācittiyassa.
ਸੁਤ੍ਤਂ ਕਨ੍ਤਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਕਨ੍ਤਤਿ, ਪਯੋਗੇ ਦੁਕ੍ਕਟਂ; ਉਜ੍ਜવੁਜ੍ਜવੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Suttaṃ kantantī dve āpattiyo āpajjati. Kantati, payoge dukkaṭaṃ; ujjavujjave, āpatti pācittiyassa.
ਗਿਹਿવੇਯ੍ਯਾવਚ੍ਚਂ ਕਰੋਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਕਰੋਤਿ, ਪਯੋਗੇ ਦੁਕ੍ਕਟਂ; ਕਤੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Gihiveyyāvaccaṃ karontī dve āpattiyo āpajjati. Karoti, payoge dukkaṭaṃ; kate, āpatti pācittiyassa.
ਭਿਕ੍ਖੁਨਿਯਾ – ‘‘ਏਹਾਯ੍ਯੇ ਇਮਂ ਅਧਿਕਰਣਂ વੂਪਸਮੇਹੀ’’ਤਿ વੁਚ੍ਚਮਾਨਾ – ‘‘ਸਾਧੂ’’ਤਿ ਪਟਿਸ੍ਸੁਣਿਤ੍વਾ ਨੇવ વੂਪਸਮੇਨ੍ਤੀ ਨ વੂਪਸਮਾਯ ਉਸ੍ਸੁਕ੍ਕਂ ਕਰੋਨ੍ਤੀ ਏਕਂ ਆਪਤ੍ਤਿਂ ਆਪਜ੍ਜਤਿ। ਪਾਚਿਤ੍ਤਿਯਂ।
Bhikkhuniyā – ‘‘ehāyye imaṃ adhikaraṇaṃ vūpasamehī’’ti vuccamānā – ‘‘sādhū’’ti paṭissuṇitvā neva vūpasamentī na vūpasamāya ussukkaṃ karontī ekaṃ āpattiṃ āpajjati. Pācittiyaṃ.
ਅਗਾਰਿਕਸ੍ਸ વਾ ਪਰਿਬ੍ਬਾਜਕਸ੍ਸ વਾ ਪਰਿਬ੍ਬਾਜਿਕਾਯ વਾ ਸਹਤ੍ਥਾ ਖਾਦਨੀਯਂ વਾ ਭੋਜਨੀਯਂ વਾ ਦੇਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਦੇਤਿ, ਪਯੋਗੇ ਦੁਕ੍ਕਟਂ; ਦਿਨ੍ਨੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Agārikassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dentī dve āpattiyo āpajjati. Deti, payoge dukkaṭaṃ; dinne, āpatti pācittiyassa.
ਆવਸਥਚੀવਰਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਰਿਭੁਞ੍ਜਤਿ, ਪਯੋਗੇ ਦੁਕ੍ਕਟਂ; ਪਰਿਭੁਤ੍ਤੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Āvasathacīvaraṃ anissajjitvā paribhuñjantī dve āpattiyo āpajjati. Paribhuñjati, payoge dukkaṭaṃ; paribhutte, āpatti pācittiyassa.
ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਠਮਂ ਪਾਦਂ ਪਰਿਕ੍ਖੇਪਂ ਅਤਿਕ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ; ਦੁਤਿਯਂ ਪਾਦਂ ਅਤਿਕ੍ਕਾਮੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Āvasathaṃ anissajjitvā cārikaṃ pakkamantī dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
ਤਿਰਚ੍ਛਾਨવਿਜ੍ਜਂ ਪਰਿਯਾਪੁਣਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। ਪਰਿਯਾਪੁਣਾਤਿ, ਪਯੋਗੇ ਦੁਕ੍ਕਟਂ; ਪਦੇ ਪਦੇ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Tiracchānavijjaṃ pariyāpuṇantī dve āpattiyo āpajjati. Pariyāpuṇāti, payoge dukkaṭaṃ; pade pade āpatti pācittiyassa.
ਤਿਰਚ੍ਛਾਨવਿਜ੍ਜਂ વਾਚੇਨ੍ਤੀ ਦ੍વੇ ਆਪਤ੍ਤਿਯੋ ਆਪਜ੍ਜਤਿ। વਾਚੇਤਿ, ਪਯੋਗੇ ਦੁਕ੍ਕਟਂ; ਪਦੇ ਪਦੇ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Tiracchānavijjaṃ vācentī dve āpattiyo āpajjati. Vāceti, payoge dukkaṭaṃ; pade pade āpatti pācittiyassa.
ਚਿਤ੍ਤਾਗਾਰવਗ੍ਗੋ ਪਞ੍ਚਮੋ।
Cittāgāravaggo pañcamo.
