| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၃. စိတ္တကဓရကုမ္မင္ဂပဉ္ဟော
3. Cittakadharakummaṅgapañho
၃. ‘‘ဘန္တေ နာဂသေန, ‘စိတ္တကဓရကုမ္မသ္သ 1 ဧကံ အင္ဂံ ဂဟေတဗ္ဗ’န္တိ ယံ ဝဒေသိ, ကတမံ တံ ဧကံ အင္ဂံ ဂဟေတဗ္ဗ’’န္တိ? ‘‘ယထာ, မဟာရာဇ, စိတ္တကဓရကုမ္မော ဥဒကဘယာ ဥဒကံ ပရိဝဇ္ဇေတ္ဝာ ဝိစရတိ, တာယ စ ပန ဥဒကံ ပရိဝဇ္ဇနာယ အာယုနာ န ပရိဟာယတိ, ဧဝမေဝ ခော, မဟာရာဇ, ယောဂိနာ ယောဂာဝစရေန ပမာဒေ ဘယဒသ္သာဝိနာ ဘဝိတဗ္ဗံ, အပ္ပမာဒေ ဂုဏဝိသေသဒသ္သာဝိနာ။ တာယ စ ပန ဘယဒသ္သာဝိတာယ န ပရိဟာယတိ သာမညာ, နိဗ္ဗာနသ္သ သန္တိကေ ဥပေတိ 2။ ဣဒံ, မဟာရာဇ, စိတ္တကဓရကုမ္မသ္သ ဧကံ အင္ဂံ ဂဟေတဗ္ဗံ။ ဘာသိတမ္ပေတံ, မဟာရာဇ, ဘဂဝတာ ဒေဝာတိဒေဝေန ဓမ္မပဒေ –
3. ‘‘Bhante nāgasena, ‘cittakadharakummassa 3 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cittakadharakummo udakabhayā udakaṃ parivajjetvā vicarati, tāya ca pana udakaṃ parivajjanāya āyunā na parihāyati, evameva kho, mahārāja, yoginā yogāvacarena pamāde bhayadassāvinā bhavitabbaṃ, appamāde guṇavisesadassāvinā. Tāya ca pana bhayadassāvitāya na parihāyati sāmaññā, nibbānassa santike upeti 4. Idaṃ, mahārāja, cittakadharakummassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘အပ္ပမာဒရတော ဘိက္ခု၊ ပမာဒေ ဘယဒသ္သိ ဝာ။
‘‘‘Appamādarato bhikkhu, pamāde bhayadassi vā;
အဘဗ္ဗော ပရိဟာနာယ၊ နိဗ္ဗာနသ္သေဝ သန္တိကေ’’’တိ။
Abhabbo parihānāya, nibbānasseva santike’’’ti.
စိတ္တကဓရကုမ္မင္ဂပဉ္ဟော စတုတ္ထော။
Cittakadharakummaṅgapañho catuttho.
Footnotes:
