| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༣. ཙིཏྟཀདྷརཀུམྨངྒཔཉྷོ
3. Cittakadharakummaṅgapañho
༣. ‘‘བྷནྟེ ནཱགསེན, ‘ཙིཏྟཀདྷརཀུམྨསྶ 1 ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི? ‘‘ཡཐཱ, མཧཱརཱཛ, ཙིཏྟཀདྷརཀུམྨོ ཨུདཀབྷཡཱ ཨུདཀཾ པརིཝཛྫེཏྭཱ ཝིཙརཏི, ཏཱཡ ཙ པན ཨུདཀཾ པརིཝཛྫནཱཡ ཨཱཡུནཱ ན པརིཧཱཡཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན པམཱདེ བྷཡདསྶཱཝིནཱ བྷཝིཏབྦཾ, ཨཔྤམཱདེ གུཎཝིསེསདསྶཱཝིནཱ། ཏཱཡ ཙ པན བྷཡདསྶཱཝིཏཱཡ ན པརིཧཱཡཏི སཱམཉྙཱ, ནིབྦཱནསྶ སནྟིཀེ ཨུཔེཏི 2། ཨིདཾ, མཧཱརཱཛ, ཙིཏྟཀདྷརཀུམྨསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན དྷམྨཔདེ –
3. ‘‘Bhante nāgasena, ‘cittakadharakummassa 3 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cittakadharakummo udakabhayā udakaṃ parivajjetvā vicarati, tāya ca pana udakaṃ parivajjanāya āyunā na parihāyati, evameva kho, mahārāja, yoginā yogāvacarena pamāde bhayadassāvinā bhavitabbaṃ, appamāde guṇavisesadassāvinā. Tāya ca pana bhayadassāvitāya na parihāyati sāmaññā, nibbānassa santike upeti 4. Idaṃ, mahārāja, cittakadharakummassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘ཨཔྤམཱདརཏོ བྷིཀྑུ, པམཱདེ བྷཡདསྶི ཝཱ།
‘‘‘Appamādarato bhikkhu, pamāde bhayadassi vā;
ཨབྷབྦོ པརིཧཱནཱཡ, ནིབྦཱནསྶེཝ སནྟིཀེ’’’ཏི༎
Abhabbo parihānāya, nibbānasseva santike’’’ti.
ཙིཏྟཀདྷརཀུམྨངྒཔཉྷོ ཙཏུཏྠོ།
Cittakadharakummaṅgapañho catuttho.
Footnotes:
