| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਚਿਤ੍ਤਕਧਰਕੁਮ੍ਮਙ੍ਗਪਞ੍ਹੋ
3. Cittakadharakummaṅgapañho
੩. ‘‘ਭਨ੍ਤੇ ਨਾਗਸੇਨ, ‘ਚਿਤ੍ਤਕਧਰਕੁਮ੍ਮਸ੍ਸ 1 ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਚਿਤ੍ਤਕਧਰਕੁਮ੍ਮੋ ਉਦਕਭਯਾ ਉਦਕਂ ਪਰਿવਜ੍ਜੇਤ੍વਾ વਿਚਰਤਿ, ਤਾਯ ਚ ਪਨ ਉਦਕਂ ਪਰਿવਜ੍ਜਨਾਯ ਆਯੁਨਾ ਨ ਪਰਿਹਾਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਮਾਦੇ ਭਯਦਸ੍ਸਾવਿਨਾ ਭવਿਤਬ੍ਬਂ, ਅਪ੍ਪਮਾਦੇ ਗੁਣવਿਸੇਸਦਸ੍ਸਾવਿਨਾ। ਤਾਯ ਚ ਪਨ ਭਯਦਸ੍ਸਾવਿਤਾਯ ਨ ਪਰਿਹਾਯਤਿ ਸਾਮਞ੍ਞਾ, ਨਿਬ੍ਬਾਨਸ੍ਸ ਸਨ੍ਤਿਕੇ ਉਪੇਤਿ 2। ਇਦਂ, ਮਹਾਰਾਜ, ਚਿਤ੍ਤਕਧਰਕੁਮ੍ਮਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਧਮ੍ਮਪਦੇ –
3. ‘‘Bhante nāgasena, ‘cittakadharakummassa 3 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cittakadharakummo udakabhayā udakaṃ parivajjetvā vicarati, tāya ca pana udakaṃ parivajjanāya āyunā na parihāyati, evameva kho, mahārāja, yoginā yogāvacarena pamāde bhayadassāvinā bhavitabbaṃ, appamāde guṇavisesadassāvinā. Tāya ca pana bhayadassāvitāya na parihāyati sāmaññā, nibbānassa santike upeti 4. Idaṃ, mahārāja, cittakadharakummassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘ਅਪ੍ਪਮਾਦਰਤੋ ਭਿਕ੍ਖੁ, ਪਮਾਦੇ ਭਯਦਸ੍ਸਿ વਾ।
‘‘‘Appamādarato bhikkhu, pamāde bhayadassi vā;
ਅਭਬ੍ਬੋ ਪਰਿਹਾਨਾਯ, ਨਿਬ੍ਬਾਨਸ੍ਸੇવ ਸਨ੍ਤਿਕੇ’’’ਤਿ॥
Abhabbo parihānāya, nibbānasseva santike’’’ti.
ਚਿਤ੍ਤਕਧਰਕੁਮ੍ਮਙ੍ਗਪਞ੍ਹੋ ਚਤੁਤ੍ਥੋ।
Cittakadharakummaṅgapañho catuttho.
Footnotes:
