| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. жид̇д̇агад̇т̇зраг̇аат̇ааван̣н̣анаа
2. Cittakattheragāthāvaṇṇanā
нийлаасуг̇ийваад̇и ааяасмад̇о жид̇д̇агад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇араб̣уд̣̇д̇хагаалад̇о бадтааяа виваддуубаниссаяам̣ гусалам̣ аажинанд̇о ид̇о зганавуд̇з габбз мануссаяонияам̣ ниб̣б̣ад̇д̇ид̇ваа вин̃н̃уд̇д̇ам̣ бад̇д̇о вибассим̣ бхаг̇аванд̇ам̣ бассид̇ваа басаннамаанасо бубпзхи бууж̇ам̣ гад̇ваа ванд̣̇ид̇ваа ‘‘санд̇ад̇хаммзна наама зд̇т̇а бхавид̇аб̣б̣а’’нд̇и сад̇т̇ари ниб̣б̣аанз жа ад̇химужжи. со д̇зна бун̃н̃агаммзна д̇ад̇о жуд̇о д̇аавад̇им̣сабхаванз ниб̣б̣ад̇д̇о абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз вибхавасамбаннасса б̣раахман̣асса буд̇д̇о худ̇ваа ниб̣б̣ад̇д̇и жид̇д̇аго наама наамзна. со бхаг̇авад̇и рааж̇аг̇ахам̣ г̇анд̇ваа взл̣уванз вихаранд̇з сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа жарияаанугуулам̣ гаммадтаанам̣ г̇ахзд̇ваа аран̃н̃ааяад̇анам̣ бависид̇ваа бхааванаануяуд̇д̇о жхаанам̣ ниб̣б̣ад̇д̇зд̇ваа жхаанабаад̣̇агам̣ вибассанам̣ вад̣дхзд̇ваа нажирзнзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.1-7) –
Nīlāsugīvāti āyasmato cittakattherassa gāthā. Kā uppatti? So kira padumuttarabuddhakālato paṭṭhāya vivaṭṭūpanissayaṃ kusalaṃ ācinanto ito ekanavute kappe manussayoniyaṃ nibbattitvā viññuttaṃ patto vipassiṃ bhagavantaṃ passitvā pasannamānaso pupphehi pūjaṃ katvā vanditvā ‘‘santadhammena nāma ettha bhavitabba’’nti satthari nibbāne ca adhimucci. So tena puññakammena tato cuto tāvatiṃsabhavane nibbatto aparāparaṃ puññāni katvā devamanussesu saṃsaranto imasmiṃ buddhuppāde rājagahe vibhavasampannassa brāhmaṇassa putto hutvā nibbatti cittako nāma nāmena. So bhagavati rājagahaṃ gantvā veḷuvane viharante satthāraṃ upasaṅkamitvā dhammaṃ sutvā paṭiladdhasaddho pabbajitvā cariyānukūlaṃ kammaṭṭhānaṃ gahetvā araññāyatanaṃ pavisitvā bhāvanānuyutto jhānaṃ nibbattetvā jhānapādakaṃ vipassanaṃ vaḍḍhetvā nacireneva arahattaṃ pāpuṇi. Tena vuttaṃ apadāne (apa. thera 2.50.1-7) –
‘‘ган̣игаарам̣ва ж̇од̇анд̇ам̣, нисиннам̣ баб̣б̣ад̇анд̇арз;
‘‘Kaṇikāraṃva jotantaṃ, nisinnaṃ pabbatantare;
ад̣̇д̣̇асам̣ вираж̇ам̣ б̣уд̣̇д̇хам̣, вибассим̣ логанааяагам̣.
Addasaṃ virajaṃ buddhaṃ, vipassiṃ lokanāyakaṃ.
‘‘д̇ийн̣и гин̇ган̣ибубпаани, баг̇г̇аяха абхиробаяим̣;
‘‘Tīṇi kiṅkaṇipupphāni, paggayha abhiropayiṃ;
самб̣уд̣̇д̇хам̣ абхибууж̇зд̇ваа, г̇ажчаами д̣̇агкин̣аамуко.
Sambuddhaṃ abhipūjetvā, gacchāmi dakkhiṇāmukho.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣сам̣ аг̇ажчахам̣.
Jahitvā mānusaṃ dehaṃ, tāvatiṃsaṃ agacchahaṃ.
‘‘зганавуд̇з ид̇о габбз, яам̣ б̣уд̣̇д̇хамабхибууж̇аяим̣;
‘‘Ekanavute ito kappe, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сад̇т̇аарам̣ ванд̣̇ид̇ум̣ рааж̇аг̇ахам̣ убаг̇ад̇о д̇ад̇т̇а бхигкуухи ‘‘гим̣, аавусо, аран̃н̃з аббамад̇д̇о вихаасий’’д̇и будто ад̇д̇ано аббамаад̣̇авихааранивзд̣̇анзна ан̃н̃ам̣ б̣яаагаронд̇о ‘‘нийлаасуг̇ийваа’’д̇и г̇аат̇ам̣ абхааси.
Arahattaṃ pana patvā satthāraṃ vandituṃ rājagahaṃ upagato tattha bhikkhūhi ‘‘kiṃ, āvuso, araññe appamatto vihāsī’’ti puṭṭho attano appamādavihāranivedanena aññaṃ byākaronto ‘‘nīlāsugīvā’’ti gāthaṃ abhāsi.
22. д̇ад̇т̇а нийлаасуг̇ийваад̇и нийласуг̇ийваа, г̇аат̇аасукад̇т̇ан̃хзд̇т̇а д̣̇ийгхо гад̇о, рааж̇иванд̇ад̇ааяа сунд̣̇арааяа г̇ийвааяа саманнааг̇ад̇од̇и ад̇т̇о. д̇з язбхуяязна жа нийлаван̣н̣ад̇ааяа нийлаа. собханаган̣тад̇ааяа суг̇ийваа. сикинод̇и мад̇т̇агз ж̇аад̇ааяа сикааяа сассиригабхаавзна сикино. мораад̇и маяуураа. гаарамбхияанд̇и гаарамб̣аругкз. гаарамбхияанд̇и ваа д̇асса ванасса наамам̣. д̇асмаа гаарамбхияанд̇и гаарамбханаамагз ванзд̇и ад̇т̇о. абхинад̣̇анд̇ийд̇и баавуссагаалз мзгхаг̇аж̇ж̇ид̇ам̣ суд̇ваа гзгаасад̣̇д̣̇ам̣ гаронд̇аа уд̇усамбад̣̇аасид̣̇д̇хзна сарзна хам̣саад̣̇игз абхибхаванд̇аа вияа над̣̇анд̇и. д̇зд̇и д̇з мораа. сийд̇аваад̇агийл̣ид̇аад̇и сийд̇зна мзгхаваад̇зна сан̃ж̇аад̇агийл̣ид̇аа мад̇хуравассид̇ам̣ вассанд̇аа. суд̇д̇анд̇и бхад̇д̇асаммад̣̇авинод̣̇анад̇т̇ам̣ саяид̇ам̣, гааяагиламат̇абадибассамбханааяа ваа анун̃н̃аад̇авзлааяам̣ субанд̇ам̣. жхааяанд̇и самат̇авибассанаажхаанзхи жхааяанасийлам̣ бхааванаануяуд̇д̇ам̣. ниб̣од̇хзнд̇ийд̇и баб̣од̇хзнд̇и. ‘‘имзби наама нид̣̇д̣̇ам̣ анубаг̇анд̇ваа ж̇ааг̇аранд̇аа ад̇д̇анаа гад̇д̇аб̣б̣ам̣ гаронд̇и, гиман̇г̇ам̣ банааха’’нд̇и звам̣ самбаж̇ан̃н̃уббаад̣̇анзна саяанад̇о вудтаабзнд̇ийд̇и ад̇хиббааяо.
22. Tattha nīlāsugīvāti nīlasugīvā, gāthāsukhatthañhettha dīgho kato, rājivantatāya sundarāya gīvāya samannāgatoti attho. Te yebhuyyena ca nīlavaṇṇatāya nīlā. Sobhanakaṇṭhatāya sugīvā. Sikhinoti matthake jātāya sikhāya sassirikabhāvena sikhino. Morāti mayūrā. Kārambhiyanti kārambarukkhe. Kārambhiyanti vā tassa vanassa nāmaṃ. Tasmā kārambhiyanti kārambhanāmake vaneti attho. Abhinadantīti pāvussakāle meghagajjitaṃ sutvā kekāsaddaṃ karontā utusampadāsiddhena sarena haṃsādike abhibhavantā viya nadanti. Teti te morā. Sītavātakīḷitāti sītena meghavātena sañjātakīḷitā madhuravassitaṃ vassantā. Suttanti bhattasammadavinodanatthaṃ sayitaṃ, kāyakilamathapaṭipassambhanāya vā anuññātavelāyaṃ supantaṃ. Jhāyanti samathavipassanājhānehi jhāyanasīlaṃ bhāvanānuyuttaṃ. Nibodhentīti pabodhenti. ‘‘Imepi nāma niddaṃ anupagantvā jāgarantā attanā kattabbaṃ karonti, kimaṅgaṃ panāha’’nti evaṃ sampajaññuppādanena sayanato vuṭṭhāpentīti adhippāyo.
жид̇д̇агад̇т̇зраг̇аат̇ааван̣н̣анаа нидтид̇аа.
Cittakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. жид̇д̇агад̇т̇зраг̇аат̇аа • 2. Cittakattheragāthā
