| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
5. பஞ்சமவக்³கோ³
5. Pañcamavaggo
(49) 7. சித்தாரம்மணகதா²
(49) 7. Cittārammaṇakathā
436. சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மணந்தி? ஆமந்தா. நனு அத்தி² கோசி ‘‘ஸராக³ங் சித்தங் ஸராக³ங் சித்த’’ந்தி பஜானாதீதி? ஆமந்தா. ஹஞ்சி அத்தி² கோசி ‘‘ஸராக³ங் சித்தங் ஸராக³ங் சித்த’’ந்தி பஜானாதி, நோ ச வத ரே வத்தப்³பே³ – ‘‘சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மண’’ந்தி.
436. Cetopariyāye ñāṇaṃ cittārammaṇaññeva na aññārammaṇanti? Āmantā. Nanu atthi koci ‘‘sarāgaṃ cittaṃ sarāgaṃ citta’’nti pajānātīti? Āmantā. Hañci atthi koci ‘‘sarāgaṃ cittaṃ sarāgaṃ citta’’nti pajānāti, no ca vata re vattabbe – ‘‘cetopariyāye ñāṇaṃ cittārammaṇaññeva na aññārammaṇa’’nti.
நனு அத்தி² கோசி வீதராக³ங் சித்தங்…பே॰… ஸதோ³ஸங் சித்தங்… வீததோ³ஸங் சித்தங்… ஸமோஹங் சித்தங்… வீதமோஹங் சித்தங்… ஸங்கி²த்தங் சித்தங்… விக்கி²த்தங் சித்தங்… மஹக்³க³தங் சித்தங்… அமஹக்³க³தங் சித்தங்… ஸஉத்தரங் சித்தங்… அனுத்தரங் சித்தங்… ஸமாஹிதங் சித்தங்… அஸமாஹிதங் சித்தங்… விமுத்தங் சித்தங்…பே॰… அவிமுத்தங் சித்தங் ‘‘அவிமுத்தங் சித்த’’ந்தி பஜானாதீதி? ஆமந்தா. ஹஞ்சி அத்தி² கோசி ‘‘அவிமுத்தங் சித்தங் அவிமுத்தங் சித்த’’ந்தி பஜானாதி, நோ ச வத ரே வத்தப்³பே³ – ‘‘சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மண’’ந்தி.
Nanu atthi koci vītarāgaṃ cittaṃ…pe… sadosaṃ cittaṃ… vītadosaṃ cittaṃ… samohaṃ cittaṃ… vītamohaṃ cittaṃ… saṃkhittaṃ cittaṃ… vikkhittaṃ cittaṃ… mahaggataṃ cittaṃ… amahaggataṃ cittaṃ… sauttaraṃ cittaṃ… anuttaraṃ cittaṃ… samāhitaṃ cittaṃ… asamāhitaṃ cittaṃ… vimuttaṃ cittaṃ…pe… avimuttaṃ cittaṃ ‘‘avimuttaṃ citta’’nti pajānātīti? Āmantā. Hañci atthi koci ‘‘avimuttaṃ cittaṃ avimuttaṃ citta’’nti pajānāti, no ca vata re vattabbe – ‘‘cetopariyāye ñāṇaṃ cittārammaṇaññeva na aññārammaṇa’’nti.
437. ப²ஸ்ஸாரம்மணே ஞாணங் வத்தப்³ப³ங் – ‘‘சேதோபரியாயே ஞாண’’ந்தி? ஆமந்தா . ஹஞ்சி ப²ஸ்ஸாரம்மணே ஞாணங் வத்தப்³ப³ங் சேதோபரியாயே ஞாணங், நோ ச வத ரே வத்தப்³பே³ – ‘‘சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மண’’ந்தி. வேத³னாரம்மணே ஞாணங்…பே॰… ஸஞ்ஞாரம்மணே ஞாணங்… சேதனாரம்மணே ஞாணங்… சித்தாரம்மணே ஞாணங்… ஸத்³தா⁴ரம்மணே ஞாணங்… வீரியாரம்மணே ஞாணங்… ஸதாரம்மணே ஞாணங்… ஸமாதா⁴ரம்மணே ஞாணங்… பஞ்ஞாரம்மணே ஞாணங்… ராகா³ரம்மணே ஞாணங் … தோ³ஸாரம்மணே ஞாணங்… மோஹாரம்மணே ஞாணங்…பே॰… அனொத்தப்பாரம்மணே ஞாணங் வத்தப்³ப³ங் – ‘‘சேதோபரியாயே ஞாண’’ந்தி? ஆமந்தா. ஹஞ்சி அனொத்தப்பாரம்மணே ஞாணங் வத்தப்³ப³ங் சேதோபரியாயே ஞாணங், நோ ச வத ரே வத்தப்³பே³ – ‘‘சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மண’’ந்தி.
437. Phassārammaṇe ñāṇaṃ vattabbaṃ – ‘‘cetopariyāye ñāṇa’’nti? Āmantā . Hañci phassārammaṇe ñāṇaṃ vattabbaṃ cetopariyāye ñāṇaṃ, no ca vata re vattabbe – ‘‘cetopariyāye ñāṇaṃ cittārammaṇaññeva na aññārammaṇa’’nti. Vedanārammaṇe ñāṇaṃ…pe… saññārammaṇe ñāṇaṃ… cetanārammaṇe ñāṇaṃ… cittārammaṇe ñāṇaṃ… saddhārammaṇe ñāṇaṃ… vīriyārammaṇe ñāṇaṃ… satārammaṇe ñāṇaṃ… samādhārammaṇe ñāṇaṃ… paññārammaṇe ñāṇaṃ… rāgārammaṇe ñāṇaṃ … dosārammaṇe ñāṇaṃ… mohārammaṇe ñāṇaṃ…pe… anottappārammaṇe ñāṇaṃ vattabbaṃ – ‘‘cetopariyāye ñāṇa’’nti? Āmantā. Hañci anottappārammaṇe ñāṇaṃ vattabbaṃ cetopariyāye ñāṇaṃ, no ca vata re vattabbe – ‘‘cetopariyāye ñāṇaṃ cittārammaṇaññeva na aññārammaṇa’’nti.
ப²ஸ்ஸாரம்மணே ஞாணங் ந வத்தப்³ப³ங் – ‘‘சேதோபரியாயே ஞாண’’ந்தி? ஆமந்தா. ப²ஸ்ஸபரியாயே ஞாணந்தி? ந ஹேவங் வத்தப்³பே³…பே॰… வேத³னாரம்மணே ஞாணங்…பே॰… ஸஞ்ஞாரம்மணே ஞாணங்…பே॰… அனொத்தப்பாரம்மணே ஞாணங் ந வத்தப்³ப³ங் – ‘‘சேதோபரியாயே ஞாண’’ந்தி? ஆமந்தா. அனொத்தப்பபரியாயே ஞாணந்தி? ந ஹேவங் வத்தப்³பே³…பே॰….
Phassārammaṇe ñāṇaṃ na vattabbaṃ – ‘‘cetopariyāye ñāṇa’’nti? Āmantā. Phassapariyāye ñāṇanti? Na hevaṃ vattabbe…pe… vedanārammaṇe ñāṇaṃ…pe… saññārammaṇe ñāṇaṃ…pe… anottappārammaṇe ñāṇaṃ na vattabbaṃ – ‘‘cetopariyāye ñāṇa’’nti? Āmantā. Anottappapariyāye ñāṇanti? Na hevaṃ vattabbe…pe….
438. ந வத்தப்³ப³ங் – ‘‘சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மண’’ந்தி? ஆமந்தா. நனு சேதோபரியாயே ஞாணந்தி? ஆமந்தா. ஹஞ்சி சேதோபரியாயே ஞாணங், தேன வத ரே வத்தப்³பே³ – ‘‘சேதோபரியாயே ஞாணங் சித்தாரம்மணஞ்ஞேவ ந அஞ்ஞாரம்மண’’ந்தி.
438. Na vattabbaṃ – ‘‘cetopariyāye ñāṇaṃ cittārammaṇaññeva na aññārammaṇa’’nti? Āmantā. Nanu cetopariyāye ñāṇanti? Āmantā. Hañci cetopariyāye ñāṇaṃ, tena vata re vattabbe – ‘‘cetopariyāye ñāṇaṃ cittārammaṇaññeva na aññārammaṇa’’nti.
சித்தாரம்மணகதா² நிட்டி²தா.
Cittārammaṇakathā niṭṭhitā.
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. சித்தாரம்மணகதா²வண்ணனா • 7. Cittārammaṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. சித்தாரம்மணகதா²வண்ணனா • 7. Cittārammaṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. சித்தாரம்மணகதா²வண்ணனா • 7. Cittārammaṇakathāvaṇṇanā
