| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. சித்தாரம்மணகதா²வண்ணனா
7. Cittārammaṇakathāvaṇṇanā
436-438. இதா³னி சித்தாரம்மணகதா² நாம ஹோதி. தத்த² சேதோபரியாயே ஞாணந்தி வசனமத்தமேவ க³ஹெத்வா ‘‘தங் ஞாணங் சித்தாரம்மணமேவா’’தி யேஸங் லத்³தி⁴, ஸெய்யதா²பி ஏதரஹி அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத²ஸ்ஸ ‘‘யோ ஸராகா³தி³வஸேன சித்தங் ஜானாதி, தஸ்ஸ ராகா³த³யோபி ஆரம்மணா ஹொந்தி, தஸ்மா ந வத்தப்³ப³ங் தங் சித்தாரம்மணஞ்ஞேவா’’தி சோத³னத்த²ங் நனு அத்தி² கோசீதிஆதி³ ஆரத்³த⁴ங். ப²ஸ்ஸாரம்மணேதி ப²ஸ்ஸஸங்கா²தே ஆரம்மணே. வேத³னாரம்மணேதிஆதீ³ஸுபி ஏஸேவ நயோ. புன ப²ஸ்ஸாரம்மணே ஞாணங் ந வத்தப்³ப³ந்தி புட்டோ² ப²ஸ்ஸஸ்ஸ பு²ஸனலக்க²ணங் மனஸிகரோதோ ப²ஸ்ஸோவாரம்மணங் ஹோதீதி படிஜானாதி. கிங் பனேதங் ப²ஸ்ஸபரியாயே ஞாணந்தி புட்டோ² பன தாதி³ஸஸ்ஸ ஸுத்தபத³ஸ்ஸ அபா⁴வா படிக்கி²பதி. வேத³னாதீ³ஸுபி ஏஸேவ நயோ. இதா³னி யங் நிஸ்ஸாய லத்³தி⁴, ததே³வ த³ஸ்ஸெத்வா லத்³தி⁴ங் பதிட்டா²பேதுங் நனு சேதோபரியாயே ஞாணந்திஆதி³மாஹ. ஸா பனேஸா வசனமத்தாபி⁴னிவேஸேன பதிட்டா²பிதாபி அப்பதிட்டா²பிதாவ ஹோதீதி.
436-438. Idāni cittārammaṇakathā nāma hoti. Tattha cetopariyāye ñāṇanti vacanamattameva gahetvā ‘‘taṃ ñāṇaṃ cittārammaṇamevā’’ti yesaṃ laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Athassa ‘‘yo sarāgādivasena cittaṃ jānāti, tassa rāgādayopi ārammaṇā honti, tasmā na vattabbaṃ taṃ cittārammaṇaññevā’’ti codanatthaṃ nanu atthi kocītiādi āraddhaṃ. Phassārammaṇeti phassasaṅkhāte ārammaṇe. Vedanārammaṇetiādīsupi eseva nayo. Puna phassārammaṇe ñāṇaṃ na vattabbanti puṭṭho phassassa phusanalakkhaṇaṃ manasikaroto phassovārammaṇaṃ hotīti paṭijānāti. Kiṃ panetaṃ phassapariyāye ñāṇanti puṭṭho pana tādisassa suttapadassa abhāvā paṭikkhipati. Vedanādīsupi eseva nayo. Idāni yaṃ nissāya laddhi, tadeva dassetvā laddhiṃ patiṭṭhāpetuṃ nanu cetopariyāye ñāṇantiādimāha. Sā panesā vacanamattābhinivesena patiṭṭhāpitāpi appatiṭṭhāpitāva hotīti.
சித்தாரம்மணகதா²வண்ணனா.
Cittārammaṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (49) 7. சித்தாரம்மணகதா² • (49) 7. Cittārammaṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. சித்தாரம்மணகதா²வண்ணனா • 7. Cittārammaṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. சித்தாரம்மணகதா²வண்ணனா • 7. Cittārammaṇakathāvaṇṇanā
