| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. жид̇д̇аарамман̣агат̇ааван̣н̣анаа
7. Cittārammaṇakathāvaṇṇanā
436-438. ид̣̇аани жид̇д̇аарамман̣агат̇аа наама ход̇и. д̇ад̇т̇а жзд̇обарияааяз н̃аан̣анд̇и важанамад̇д̇амзва г̇ахзд̇ваа ‘‘д̇ам̣ н̃аан̣ам̣ жид̇д̇аарамман̣амзваа’’д̇и язсам̣ лад̣̇д̇хи, сзяяат̇ааби зд̇арахи анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇асса ‘‘яо сарааг̇аад̣̇ивасзна жид̇д̇ам̣ ж̇аанаад̇и, д̇асса рааг̇аад̣̇аяоби аарамман̣аа хонд̇и, д̇асмаа на вад̇д̇аб̣б̣ам̣ д̇ам̣ жид̇д̇аарамман̣ан̃н̃зваа’’д̇и жод̣̇анад̇т̇ам̣ нану ад̇т̇и гожийд̇иаад̣̇и аарад̣̇д̇хам̣. пассаарамман̣зд̇и пассасан̇каад̇з аарамман̣з. взд̣̇анаарамман̣зд̇иаад̣̇ийсуби зсзва наяо. буна пассаарамман̣з н̃аан̣ам̣ на вад̇д̇аб̣б̣анд̇и будто пассасса пусаналагкан̣ам̣ манасигарод̇о пассоваарамман̣ам̣ ход̇ийд̇и бадиж̇аанаад̇и. гим̣ банзд̇ам̣ пассабарияааяз н̃аан̣анд̇и будто бана д̇аад̣̇исасса суд̇д̇абад̣̇асса абхааваа бадигкибад̇и. взд̣̇анаад̣̇ийсуби зсзва наяо. ид̣̇аани яам̣ ниссааяа лад̣̇д̇хи, д̇ад̣̇зва д̣̇ассзд̇ваа лад̣̇д̇хим̣ бад̇идтаабзд̇ум̣ нану жзд̇обарияааяз н̃аан̣анд̇иаад̣̇имааха. саа банзсаа важанамад̇д̇аабхинивзсзна бад̇идтаабид̇ааби аббад̇идтаабид̇аава ход̇ийд̇и.
436-438. Idāni cittārammaṇakathā nāma hoti. Tattha cetopariyāye ñāṇanti vacanamattameva gahetvā ‘‘taṃ ñāṇaṃ cittārammaṇamevā’’ti yesaṃ laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Athassa ‘‘yo sarāgādivasena cittaṃ jānāti, tassa rāgādayopi ārammaṇā honti, tasmā na vattabbaṃ taṃ cittārammaṇaññevā’’ti codanatthaṃ nanu atthi kocītiādi āraddhaṃ. Phassārammaṇeti phassasaṅkhāte ārammaṇe. Vedanārammaṇetiādīsupi eseva nayo. Puna phassārammaṇe ñāṇaṃ na vattabbanti puṭṭho phassassa phusanalakkhaṇaṃ manasikaroto phassovārammaṇaṃ hotīti paṭijānāti. Kiṃ panetaṃ phassapariyāye ñāṇanti puṭṭho pana tādisassa suttapadassa abhāvā paṭikkhipati. Vedanādīsupi eseva nayo. Idāni yaṃ nissāya laddhi, tadeva dassetvā laddhiṃ patiṭṭhāpetuṃ nanu cetopariyāye ñāṇantiādimāha. Sā panesā vacanamattābhinivesena patiṭṭhāpitāpi appatiṭṭhāpitāva hotīti.
жид̇д̇аарамман̣агат̇ааван̣н̣анаа.
Cittārammaṇakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (49) 7. жид̇д̇аарамман̣агат̇аа • (49) 7. Cittārammaṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. жид̇д̇аарамман̣агат̇ааван̣н̣анаа • 7. Cittārammaṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. жид̇д̇аарамман̣агат̇ааван̣н̣анаа • 7. Cittārammaṇakathāvaṇṇanā
