| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਚਿਤ੍ਤਾਰਮ੍ਮਣਕਥਾવਣ੍ਣਨਾ
7. Cittārammaṇakathāvaṇṇanā
੪੩੬-੪੩੮. ਇਦਾਨਿ ਚਿਤ੍ਤਾਰਮ੍ਮਣਕਥਾ ਨਾਮ ਹੋਤਿ। ਤਤ੍ਥ ਚੇਤੋਪਰਿਯਾਯੇ ਞਾਣਨ੍ਤਿ વਚਨਮਤ੍ਤਮੇવ ਗਹੇਤ੍વਾ ‘‘ਤਂ ਞਾਣਂ ਚਿਤ੍ਤਾਰਮ੍ਮਣਮੇવਾ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥਸ੍ਸ ‘‘ਯੋ ਸਰਾਗਾਦਿવਸੇਨ ਚਿਤ੍ਤਂ ਜਾਨਾਤਿ, ਤਸ੍ਸ ਰਾਗਾਦਯੋਪਿ ਆਰਮ੍ਮਣਾ ਹੋਨ੍ਤਿ, ਤਸ੍ਮਾ ਨ વਤ੍ਤਬ੍ਬਂ ਤਂ ਚਿਤ੍ਤਾਰਮ੍ਮਣਞ੍ਞੇવਾ’’ਤਿ ਚੋਦਨਤ੍ਥਂ ਨਨੁ ਅਤ੍ਥਿ ਕੋਚੀਤਿਆਦਿ ਆਰਦ੍ਧਂ। ਫਸ੍ਸਾਰਮ੍ਮਣੇਤਿ ਫਸ੍ਸਸਙ੍ਖਾਤੇ ਆਰਮ੍ਮਣੇ। વੇਦਨਾਰਮ੍ਮਣੇਤਿਆਦੀਸੁਪਿ ਏਸੇવ ਨਯੋ। ਪੁਨ ਫਸ੍ਸਾਰਮ੍ਮਣੇ ਞਾਣਂ ਨ વਤ੍ਤਬ੍ਬਨ੍ਤਿ ਪੁਟ੍ਠੋ ਫਸ੍ਸਸ੍ਸ ਫੁਸਨਲਕ੍ਖਣਂ ਮਨਸਿਕਰੋਤੋ ਫਸ੍ਸੋવਾਰਮ੍ਮਣਂ ਹੋਤੀਤਿ ਪਟਿਜਾਨਾਤਿ। ਕਿਂ ਪਨੇਤਂ ਫਸ੍ਸਪਰਿਯਾਯੇ ਞਾਣਨ੍ਤਿ ਪੁਟ੍ਠੋ ਪਨ ਤਾਦਿਸਸ੍ਸ ਸੁਤ੍ਤਪਦਸ੍ਸ ਅਭਾવਾ ਪਟਿਕ੍ਖਿਪਤਿ। વੇਦਨਾਦੀਸੁਪਿ ਏਸੇવ ਨਯੋ। ਇਦਾਨਿ ਯਂ ਨਿਸ੍ਸਾਯ ਲਦ੍ਧਿ, ਤਦੇવ ਦਸ੍ਸੇਤ੍વਾ ਲਦ੍ਧਿਂ ਪਤਿਟ੍ਠਾਪੇਤੁਂ ਨਨੁ ਚੇਤੋਪਰਿਯਾਯੇ ਞਾਣਨ੍ਤਿਆਦਿਮਾਹ। ਸਾ ਪਨੇਸਾ વਚਨਮਤ੍ਤਾਭਿਨਿવੇਸੇਨ ਪਤਿਟ੍ਠਾਪਿਤਾਪਿ ਅਪ੍ਪਤਿਟ੍ਠਾਪਿਤਾવ ਹੋਤੀਤਿ।
436-438. Idāni cittārammaṇakathā nāma hoti. Tattha cetopariyāye ñāṇanti vacanamattameva gahetvā ‘‘taṃ ñāṇaṃ cittārammaṇamevā’’ti yesaṃ laddhi, seyyathāpi etarahi andhakānaṃ; te sandhāya pucchā sakavādissa, paṭiññā itarassa. Athassa ‘‘yo sarāgādivasena cittaṃ jānāti, tassa rāgādayopi ārammaṇā honti, tasmā na vattabbaṃ taṃ cittārammaṇaññevā’’ti codanatthaṃ nanu atthi kocītiādi āraddhaṃ. Phassārammaṇeti phassasaṅkhāte ārammaṇe. Vedanārammaṇetiādīsupi eseva nayo. Puna phassārammaṇe ñāṇaṃ na vattabbanti puṭṭho phassassa phusanalakkhaṇaṃ manasikaroto phassovārammaṇaṃ hotīti paṭijānāti. Kiṃ panetaṃ phassapariyāye ñāṇanti puṭṭho pana tādisassa suttapadassa abhāvā paṭikkhipati. Vedanādīsupi eseva nayo. Idāni yaṃ nissāya laddhi, tadeva dassetvā laddhiṃ patiṭṭhāpetuṃ nanu cetopariyāye ñāṇantiādimāha. Sā panesā vacanamattābhinivesena patiṭṭhāpitāpi appatiṭṭhāpitāva hotīti.
ਚਿਤ੍ਤਾਰਮ੍ਮਣਕਥਾવਣ੍ਣਨਾ।
Cittārammaṇakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੪੯) ੭. ਚਿਤ੍ਤਾਰਮ੍ਮਣਕਥਾ • (49) 7. Cittārammaṇakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਚਿਤ੍ਤਾਰਮ੍ਮਣਕਥਾવਣ੍ਣਨਾ • 7. Cittārammaṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਚਿਤ੍ਤਾਰਮ੍ਮਣਕਥਾવਣ੍ਣਨਾ • 7. Cittārammaṇakathāvaṇṇanā
