| Library / Tipiṭaka / திபிடக • Tipiṭaka / தே²ரீகா³தா²-அட்ட²கதா² • Therīgāthā-aṭṭhakathā |
5. சித்தாதே²ரீகா³தா²வண்ணனா
5. Cittātherīgāthāvaṇṇanā
கிஞ்சாபி கொ²ம்ஹி கிஸிகாதிஆதி³கா சித்தாய தே²ரியா கா³தா². அயம்பி புரிமபு³த்³தே⁴ஸு கதாதி⁴காரா தத்த² தத்த² ப⁴வே விவட்டூபனிஸ்ஸயங் குஸலங் உபசினந்தீ இதோ சதுன்னவுதிகப்பே சந்த³பா⁴கா³ய நதி³யா தீரே கின்னரயோனியங் நிப்³ப³த்தி. ஸா ஏகதி³வஸங் ஏகங் பச்சேகபு³த்³த⁴ங் ருக்க²மூலே நிஸின்னங் தி³ஸ்வா பஸன்னமானஸா நளபுப்பே²ஹி பூஜங் கத்வா வந்தி³த்வா அஞ்ஜலிங் பக்³க³ஹெத்வா பத³க்கி²ணங் கத்வா பக்காமி. ஸா தேன புஞ்ஞகம்மேன தே³வமனுஸ்ஸேஸு ஸங்ஸரந்தீ இமஸ்மிங் பு³த்³து⁴ப்பாதே³ ராஜக³ஹே க³ஹபதிமஹாஸாலகுலே நிப்³ப³த்தித்வா விஞ்ஞுதங் பத்வா ஸத்து² ராஜக³ஹப்பவேஸனே படிலத்³த⁴ஸத்³தா⁴ பச்சா² மஹாபஜாபதிகோ³தமியா ஸந்திகே பப்³ப³ஜித்வா மஹல்லிகாகாலே கி³ஜ்ஜ²கூடபப்³ப³தங் அபி⁴ருஹித்வா ஸமணத⁴ம்மங் கரொந்தீ விபஸ்ஸனங் வட்³டெ⁴த்வா ஸஹ படிஸம்பி⁴தா³ஹி அரஹத்தங் பாபுணி. தேன வுத்தங் அபதா³னே –
Kiñcāpi khomhi kisikātiādikā cittāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī ito catunnavutikappe candabhāgāya nadiyā tīre kinnarayoniyaṃ nibbatti. Sā ekadivasaṃ ekaṃ paccekabuddhaṃ rukkhamūle nisinnaṃ disvā pasannamānasā naḷapupphehi pūjaṃ katvā vanditvā añjaliṃ paggahetvā padakkhiṇaṃ katvā pakkāmi. Sā tena puññakammena devamanussesu saṃsarantī imasmiṃ buddhuppāde rājagahe gahapatimahāsālakule nibbattitvā viññutaṃ patvā satthu rājagahappavesane paṭiladdhasaddhā pacchā mahāpajāpatigotamiyā santike pabbajitvā mahallikākāle gijjhakūṭapabbataṃ abhiruhitvā samaṇadhammaṃ karontī vipassanaṃ vaḍḍhetvā saha paṭisambhidāhi arahattaṃ pāpuṇi. Tena vuttaṃ apadāne –
‘‘சந்த³பா⁴கா³னதீ³தீரே , அஹோஸிங் கின்னரீ ததா³;
‘‘Candabhāgānadītīre , ahosiṃ kinnarī tadā;
அத்³த³ஸங் விரஜங் பு³த்³த⁴ங், ஸயம்பு⁴ங் அபராஜிதங்.
Addasaṃ virajaṃ buddhaṃ, sayambhuṃ aparājitaṃ.
‘‘பஸன்னசித்தா ஸுமனா, வேத³ஜாதா கதஞ்ஜலீ;
‘‘Pasannacittā sumanā, vedajātā katañjalī;
நளமாலங் க³ஹெத்வான, ஸயம்பு⁴ங் அபி⁴பூஜயிங்.
Naḷamālaṃ gahetvāna, sayambhuṃ abhipūjayiṃ.
‘‘தேன கம்மேன ஸுகதேன, சேதனாபணிதீ⁴ஹி ச;
‘‘Tena kammena sukatena, cetanāpaṇidhīhi ca;
ஜஹித்வா கின்னரீதே³ஹங், அக³ச்சி²ங் தித³ஸங் க³திங்.
Jahitvā kinnarīdehaṃ, agacchiṃ tidasaṃ gatiṃ.
‘‘ச²த்திங்ஸதே³வராஜூனங், மஹேஸித்தமகாரயிங்;
‘‘Chattiṃsadevarājūnaṃ, mahesittamakārayiṃ;
த³ஸன்னங் சக்கவத்தீனங், மஹேஸித்தமகாரயிங்;
Dasannaṃ cakkavattīnaṃ, mahesittamakārayiṃ;
ஸங்வேஜெத்வான மே சித்தங், பப்³ப³ஜிங் அனகா³ரியங்.
Saṃvejetvāna me cittaṃ, pabbajiṃ anagāriyaṃ.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
ஸப்³பா³ஸவபரிக்கீ²ணா, நத்தி² தா³னி புனப்³ப⁴வோ.
Sabbāsavaparikkhīṇā, natthi dāni punabbhavo.
‘‘சதுன்னவுதிதோ கப்பே, யங் புப்ப²மபி⁴பூஜயிங்;
‘‘Catunnavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, புப்ப²பூஜாயித³ங் ப²லங்.
Duggatiṃ nābhijānāmi, pupphapūjāyidaṃ phalaṃ.
‘‘கிலேஸா ஜா²பிதா மய்ஹங்…பே॰… கதங் பு³த்³த⁴ஸ்ஸ ஸாஸன’’ந்தி.
‘‘Kilesā jhāpitā mayhaṃ…pe… kataṃ buddhassa sāsana’’nti.
ஸா பன அரஹத்தங் பத்வா அத்தனோ படிபத்திங் பச்சவெக்கி²த்வா –
Sā pana arahattaṃ patvā attano paṭipattiṃ paccavekkhitvā –
27.
27.
‘‘கிஞ்சாபி கொ²ம்ஹி கிஸிகா, கி³லானா பா³ள்ஹது³ப்³ப³லா;
‘‘Kiñcāpi khomhi kisikā, gilānā bāḷhadubbalā;
த³ண்ட³மோலுப்³ப⁴ க³ச்சா²மி, பப்³ப³தங் அபி⁴ரூஹிய.
Daṇḍamolubbha gacchāmi, pabbataṃ abhirūhiya.
28.
28.
‘‘ஸங்கா⁴டிங் நிக்கி²பித்வான, பத்தகஞ்ச நிகுஜ்ஜிய;
‘‘Saṅghāṭiṃ nikkhipitvāna, pattakañca nikujjiya;
ஸேலே க²ம்பே⁴ஸிமத்தானங், தமோக²ந்த⁴ங் பதா³லியா’’தி. –
Sele khambhesimattānaṃ, tamokhandhaṃ padāliyā’’ti. –
இமா த்³வே கா³தா² அபா⁴ஸி.
Imā dve gāthā abhāsi.
தத்த² கிஞ்சாபி கொ²ம்ஹி கிஸிகாதி யதி³பி அஹங் ஜராஜிண்ணா அப்பமங்ஸலோஹிதபா⁴வேன கிஸஸரீரா அம்ஹி. கி³லானா பா³ள்ஹது³ப்³ப³லாதி தா⁴த்வாதி³விகாரேன கி³லானா, தேனேவ கே³லஞ்ஞேன அதிவிய து³ப்³ப³லா. த³ண்ட³மோலுப்³ப⁴ க³ச்சா²மீதி யத்த² கத்த²சி க³ச்ச²ந்தீ கத்தரயட்டி²ங் ஆலம்பி³த்வாவ க³ச்சா²மி. பப்³ப³தங் அபி⁴ரூஹியாதி ஏவங் பூ⁴தாபி விவேககாமதாய கி³ஜ்ஜ²கூடபப்³ப³தங் அபி⁴ருஹித்வா.
Tattha kiñcāpi khomhi kisikāti yadipi ahaṃ jarājiṇṇā appamaṃsalohitabhāvena kisasarīrā amhi. Gilānā bāḷhadubbalāti dhātvādivikārena gilānā, teneva gelaññena ativiya dubbalā. Daṇḍamolubbha gacchāmīti yattha katthaci gacchantī kattarayaṭṭhiṃ ālambitvāva gacchāmi. Pabbataṃ abhirūhiyāti evaṃ bhūtāpi vivekakāmatāya gijjhakūṭapabbataṃ abhiruhitvā.
ஸங்கா⁴டிங் நிக்கி²பித்வானாதி ஸந்தருத்தரா ஏவ ஹுத்வா யதா²ஸங்ஹதங் அங்ஸே ட²பிதங் ஸங்கா⁴டிங் ஹத்த²பாஸே ட²பெத்வா. பத்தகஞ்ச நிகுஜ்ஜியாதி மய்ஹங் வலஞ்ஜனமத்திகாபத்தங் அதோ⁴முக²ங் கத்வா ஏகமந்தே ட²பெத்வா. ஸேலே க²ம்பே⁴ஸிமத்தானங், தமோக²ந்த⁴ங் பதா³லியாதி பப்³ப³தே நிஸின்னா இமினா தீ³கே⁴ன அத்³து⁴னா அபதா³லிதபுப்³ப³ங் மோஹக்க²ந்த⁴ங் பதா³லெத்வா, தேனேவ ச மோஹக்க²ந்த⁴பதா³லனேன அத்தானங் அத்தபா⁴வங் க²ம்பே⁴ஸிங், மம ஸந்தானங் ஆயதிங் அனுப்பத்தித⁴ம்மதாபாத³னேன விக்க²ம்பே⁴ஸிந்தி அத்தோ².
Saṅghāṭiṃnikkhipitvānāti santaruttarā eva hutvā yathāsaṃhataṃ aṃse ṭhapitaṃ saṅghāṭiṃ hatthapāse ṭhapetvā. Pattakañca nikujjiyāti mayhaṃ valañjanamattikāpattaṃ adhomukhaṃ katvā ekamante ṭhapetvā. Sele khambhesimattānaṃ, tamokhandhaṃ padāliyāti pabbate nisinnā iminā dīghena addhunā apadālitapubbaṃ mohakkhandhaṃ padāletvā, teneva ca mohakkhandhapadālanena attānaṃ attabhāvaṃ khambhesiṃ, mama santānaṃ āyatiṃ anuppattidhammatāpādanena vikkhambhesinti attho.
சித்தாதே²ரீகா³தா²வண்ணனா நிட்டி²தா.
Cittātherīgāthāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / தே²ரீகா³தா²பாளி • Therīgāthāpāḷi / 5. சித்தாதே²ரீகா³தா² • 5. Cittātherīgāthā
