| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
2. д̣̇уд̇ияаваг̇г̇о
2. Dutiyavaggo
(16) 7. жид̇д̇адтид̇игат̇аа
(16) 7. Cittaṭṭhitikathā
335. згам̣ жид̇д̇ам̣ д̣̇ивасам̣ д̇идтад̇ийд̇и? ааманд̇аа. убад̣дхад̣̇ивасо уббаад̣̇агкан̣о, убад̣дхад̣̇ивасо ваяагкан̣од̇и? на хзвам̣ вад̇д̇аб̣б̣з.
335. Ekaṃ cittaṃ divasaṃ tiṭṭhatīti? Āmantā. Upaḍḍhadivaso uppādakkhaṇo, upaḍḍhadivaso vayakkhaṇoti? Na hevaṃ vattabbe.
згам̣ жид̇д̇ам̣ д̣̇вз д̣̇ивасз д̇идтад̇ийд̇и? ааманд̇аа. д̣̇ивасо уббаад̣̇агкан̣о, д̣̇ивасо ваяагкан̣од̇и? на хзвам̣ вад̇д̇аб̣б̣з.
Ekaṃ cittaṃ dve divase tiṭṭhatīti? Āmantā. Divaso uppādakkhaṇo, divaso vayakkhaṇoti? Na hevaṃ vattabbe.
згам̣ жид̇д̇ам̣ жад̇д̇ааро д̣̇ивасз д̇идтад̇и… адта д̣̇ивасз д̇идтад̇и… д̣̇аса д̣̇ивасз д̇идтад̇и… вийсад̇и д̣̇ивасз д̇идтад̇и… маасам̣ д̇идтад̇и… д̣̇вз маасз д̇идтад̇и… жад̇д̇ааро маасз д̇идтад̇и… адта маасз д̇идтад̇и… д̣̇аса маасз д̇идтад̇и… сам̣важчарам̣ д̇идтад̇и… д̣̇вз вассаани д̇идтад̇и… жад̇д̇аари вассаани д̇идтад̇и… адта вассаани д̇идтад̇и… д̣̇аса вассаани д̇идтад̇и… вийсад̇и вассаани д̇идтад̇и… д̇им̣са вассаани д̇идтад̇и… жад̇д̇аарийса вассаани д̇идтад̇и… бан̃н̃ааса вассаани д̇идтад̇и… вассасад̇ам̣ д̇идтад̇и… д̣̇вз вассасад̇аани д̇идтад̇и… жад̇д̇аари вассасад̇аани д̇идтад̇и… бан̃жа вассасад̇аани д̇идтад̇и… вассасахассам̣ д̇идтад̇и… д̣̇вз вассасахассаани д̇идтад̇и… жад̇д̇аари вассасахассаани д̇идтад̇и… адта вассасахассаани д̇идтад̇и… сол̣аса вассасахассаани д̇идтад̇и… габбам̣ д̇идтад̇и… д̣̇вз габбз д̇идтад̇и… жад̇д̇ааро габбз д̇идтад̇и… адта габбз д̇идтад̇и… сол̣аса габбз д̇идтад̇и… б̣аад̇д̇им̣са габбз д̇идтад̇и… жад̇усадти габбз д̇идтад̇и… бан̃жа габбасад̇аани д̇идтад̇и… габбасахассаани д̇идтад̇и… д̣̇вз габбасахассаани д̇идтад̇и… жад̇д̇аари габбасахассаани д̇идтад̇и… адта габбасахассаани д̇идтад̇и… сол̣аса габбасахассаани д̇идтад̇и… вийсад̇и габбасахассаани д̇идтад̇и… жад̇д̇аарийса габбасахассаани д̇идтад̇и… садти габбасахассаани д̇идтад̇и… жад̇ураасийд̇и габбасахассаани д̇идтад̇ийд̇и? ааманд̇аа. д̣̇взжад̇д̇аарийса габбасахассаани уббаад̣̇агкан̣о, д̣̇взжад̇д̇аарийса габбасахассаани ваяагкан̣од̇и? на хзвам̣ вад̇д̇аб̣б̣з.
Ekaṃ cittaṃ cattāro divase tiṭṭhati… aṭṭha divase tiṭṭhati… dasa divase tiṭṭhati… vīsati divase tiṭṭhati… māsaṃ tiṭṭhati… dve māse tiṭṭhati… cattāro māse tiṭṭhati… aṭṭha māse tiṭṭhati… dasa māse tiṭṭhati… saṃvaccharaṃ tiṭṭhati… dve vassāni tiṭṭhati… cattāri vassāni tiṭṭhati… aṭṭha vassāni tiṭṭhati… dasa vassāni tiṭṭhati… vīsati vassāni tiṭṭhati… tiṃsa vassāni tiṭṭhati… cattārīsa vassāni tiṭṭhati… paññāsa vassāni tiṭṭhati… vassasataṃ tiṭṭhati… dve vassasatāni tiṭṭhati… cattāri vassasatāni tiṭṭhati… pañca vassasatāni tiṭṭhati… vassasahassaṃ tiṭṭhati… dve vassasahassāni tiṭṭhati… cattāri vassasahassāni tiṭṭhati… aṭṭha vassasahassāni tiṭṭhati… soḷasa vassasahassāni tiṭṭhati… kappaṃ tiṭṭhati… dve kappe tiṭṭhati… cattāro kappe tiṭṭhati… aṭṭha kappe tiṭṭhati… soḷasa kappe tiṭṭhati… bāttiṃsa kappe tiṭṭhati… catusaṭṭhi kappe tiṭṭhati… pañca kappasatāni tiṭṭhati… kappasahassāni tiṭṭhati… dve kappasahassāni tiṭṭhati… cattāri kappasahassāni tiṭṭhati… aṭṭha kappasahassāni tiṭṭhati… soḷasa kappasahassāni tiṭṭhati… vīsati kappasahassāni tiṭṭhati… cattārīsa kappasahassāni tiṭṭhati… saṭṭhi kappasahassāni tiṭṭhati… caturāsīti kappasahassāni tiṭṭhatīti? Āmantā. Dvecattārīsa kappasahassāni uppādakkhaṇo, dvecattārīsa kappasahassāni vayakkhaṇoti? Na hevaṃ vattabbe.
згам̣ жид̇д̇ам̣ д̣̇ивасам̣ д̇идтад̇ийд̇и? ааманд̇аа. ад̇т̇ан̃н̃з д̇хаммаа згаахам̣ б̣ахумби уббаж̇ж̇ид̇ваа нируж̇жханд̇ийд̇и? ааманд̇аа. д̇з д̇хаммаа жид̇д̇зна лахубаривад̇д̇аад̇и? на хзвам̣ вад̇д̇аб̣б̣з.
Ekaṃ cittaṃ divasaṃ tiṭṭhatīti? Āmantā. Atthaññe dhammā ekāhaṃ bahumpi uppajjitvā nirujjhantīti? Āmantā. Te dhammā cittena lahuparivattāti? Na hevaṃ vattabbe.
д̇з д̇хаммаа жид̇д̇зна лахубаривад̇д̇аад̇и? ааманд̇аа. нану вуд̇д̇ам̣ бхаг̇авад̇аа – ‘‘наахам̣, бхигкавз, ан̃н̃ам̣ згад̇хаммамби саманубассаами звам̣ лахубаривад̇д̇ам̣ яат̇аяид̣̇ам̣ жид̇д̇ам̣. яааван̃жид̣̇ам̣, бхигкавз, убамааби на сугараа яаава лахубаривад̇д̇ам̣ жид̇д̇а’’нд̇и 1. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘д̇з д̇хаммаа жид̇д̇зна лахубаривад̇д̇аа’’д̇и.
Te dhammā cittena lahuparivattāti? Āmantā. Nanu vuttaṃ bhagavatā – ‘‘nāhaṃ, bhikkhave, aññaṃ ekadhammampi samanupassāmi evaṃ lahuparivattaṃ yathayidaṃ cittaṃ. Yāvañcidaṃ, bhikkhave, upamāpi na sukarā yāva lahuparivattaṃ citta’’nti 2. Attheva suttantoti? Āmantā. Tena hi na vattabbaṃ – ‘‘te dhammā cittena lahuparivattā’’ti.
д̇з д̇хаммаа жид̇д̇зна лахубаривад̇д̇аад̇и? ааманд̇аа. нану вуд̇д̇ам̣ бхаг̇авад̇аа – ‘‘сзяяат̇ааби, бхигкавз, маггадо аран̃н̃з баванз жарамаано саакам̣ г̇ан̣хад̇и, д̇ам̣ мун̃жид̇ваа ан̃н̃ам̣ г̇ан̣хад̇и, д̇ам̣ мун̃жид̇ваа ан̃н̃ам̣ г̇ан̣хад̇и; звамзва ко, бхигкавз, яамид̣̇ам̣ 3 вужжад̇и жид̇д̇ам̣ ид̇иби мано ид̇иби вин̃н̃аан̣ам̣ ид̇иби д̇ам̣ рад̇д̇ияаа жа д̣̇ивасасса жа ан̃н̃ад̣̇зва уббаж̇ж̇ад̇и ан̃н̃ам̣ нируж̇жхад̇ий’’д̇и 4. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘д̇з д̇хаммаа жид̇д̇зна лахубаривад̇д̇аа’’д̇и.
Te dhammā cittena lahuparivattāti? Āmantā. Nanu vuttaṃ bhagavatā – ‘‘seyyathāpi, bhikkhave, makkaṭo araññe pavane caramāno sākhaṃ gaṇhati, taṃ muñcitvā aññaṃ gaṇhati, taṃ muñcitvā aññaṃ gaṇhati; evameva kho, bhikkhave, yamidaṃ 5 vuccati cittaṃ itipi mano itipi viññāṇaṃ itipi taṃ rattiyā ca divasassa ca aññadeva uppajjati aññaṃ nirujjhatī’’ti 6. Attheva suttantoti? Āmantā. Tena hi na vattabbaṃ – ‘‘te dhammā cittena lahuparivattā’’ti.
336. згам̣ жид̇д̇ам̣ д̣̇ивасам̣ д̇идтад̇ийд̇и? ааманд̇аа. жагкувин̃н̃аан̣ам̣ д̣̇ивасам̣ д̇идтад̇ийд̇и? на хзвам̣ вад̇д̇аб̣б̣з. сод̇авин̃н̃аан̣ам̣…бз… гхаанавин̃н̃аан̣ам̣… ж̇ивхаавин̃н̃аан̣ам̣… гааяавин̃н̃аан̣ам̣… агусалам̣ жид̇д̇ам̣… рааг̇асахаг̇ад̇ам̣… д̣̇осасахаг̇ад̇ам̣… мохасахаг̇ад̇ам̣… маанасахаг̇ад̇ам̣… д̣̇идтисахаг̇ад̇ам̣… вижигижчаасахаг̇ад̇ам̣… т̇инасахаг̇ад̇ам̣… уд̣̇д̇хажжасахаг̇ад̇ам̣… ахиригасахаг̇ад̇ам̣… анод̇д̇аббасахаг̇ад̇ам̣ жид̇д̇ам̣ д̣̇ивасам̣ д̇идтад̇ийд̇и? на хзвам̣ вад̇д̇аб̣б̣з…бз….
336. Ekaṃ cittaṃ divasaṃ tiṭṭhatīti? Āmantā. Cakkhuviññāṇaṃ divasaṃ tiṭṭhatīti? Na hevaṃ vattabbe. Sotaviññāṇaṃ…pe… ghānaviññāṇaṃ… jivhāviññāṇaṃ… kāyaviññāṇaṃ… akusalaṃ cittaṃ… rāgasahagataṃ… dosasahagataṃ… mohasahagataṃ… mānasahagataṃ… diṭṭhisahagataṃ… vicikicchāsahagataṃ… thinasahagataṃ… uddhaccasahagataṃ… ahirikasahagataṃ… anottappasahagataṃ cittaṃ divasaṃ tiṭṭhatīti? Na hevaṃ vattabbe…pe….
згам̣ жид̇д̇ам̣ д̣̇ивасам̣ д̇идтад̇ийд̇и? ааманд̇аа. язнзва жид̇д̇зна жагкунаа руубам̣ бассад̇и, д̇знзва жид̇д̇зна сод̇зна сад̣̇д̣̇ам̣ сун̣аад̇и…бз… гхаанзна г̇анд̇хам̣ гхааяад̇и… ж̇ивхааяа расам̣ сааяад̇и… гааязна подтаб̣б̣ам̣ пусад̇и… манасаа д̇хаммам̣ виж̇аанаад̇и…бз… язнзва жид̇д̇зна манасаа д̇хаммам̣ виж̇аанаад̇и, д̇знзва жид̇д̇зна жагкунаа руубам̣ бассад̇и…бз… сод̇зна сад̣̇д̣̇ам̣ сун̣аад̇и… гхаанзна г̇анд̇хам̣ гхааяад̇и… ж̇ивхааяа расам̣ сааяад̇и…бз… гааязна подтаб̣б̣ам̣ пусад̇ийд̇и? на хзвам̣ вад̇д̇аб̣б̣з…бз….
Ekaṃ cittaṃ divasaṃ tiṭṭhatīti? Āmantā. Yeneva cittena cakkhunā rūpaṃ passati, teneva cittena sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti…pe… yeneva cittena manasā dhammaṃ vijānāti, teneva cittena cakkhunā rūpaṃ passati…pe… sotena saddaṃ suṇāti… ghānena gandhaṃ ghāyati… jivhāya rasaṃ sāyati…pe… kāyena phoṭṭhabbaṃ phusatīti? Na hevaṃ vattabbe…pe….
згам̣ жид̇д̇ам̣ д̣̇ивасам̣ д̇идтад̇ийд̇и? ааманд̇аа. язнзва жид̇д̇зна абхиггамад̇и, д̇знзва жид̇д̇зна бадиггамад̇и; язнзва жид̇д̇зна бадиггамад̇и, д̇знзва жид̇д̇зна абхиггамад̇и; язнзва жид̇д̇зна аалогзд̇и, д̇знзва жид̇д̇зна вилогзд̇и; язнзва жид̇д̇зна вилогзд̇и, д̇знзва жид̇д̇зна аалогзд̇и; язнзва жид̇д̇зна самин̃ж̇зд̇и, д̇знзва жид̇д̇зна басаарзд̇и ; язнзва жид̇д̇зна басаарзд̇и, д̇знзва жид̇д̇зна самин̃ж̇зд̇ийд̇и? на хзвам̣ вад̇д̇аб̣б̣з…бз….
Ekaṃ cittaṃ divasaṃ tiṭṭhatīti? Āmantā. Yeneva cittena abhikkamati, teneva cittena paṭikkamati; yeneva cittena paṭikkamati, teneva cittena abhikkamati; yeneva cittena āloketi, teneva cittena viloketi; yeneva cittena viloketi, teneva cittena āloketi; yeneva cittena samiñjeti, teneva cittena pasāreti ; yeneva cittena pasāreti, teneva cittena samiñjetīti? Na hevaṃ vattabbe…pe….
337. аагаасаанан̃жааяад̇ануубаг̇аанам̣ д̣̇зваанам̣ згам̣ жид̇д̇ам̣ яаавад̇ааяугам̣ д̇идтад̇ийд̇и? ааманд̇аа. мануссаанам̣ згам̣ жид̇д̇ам̣ яаавад̇ааяугам̣ д̇идтад̇ийд̇и? на хзвам̣ вад̇д̇аб̣б̣з.
337. Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti? Āmantā. Manussānaṃ ekaṃ cittaṃ yāvatāyukaṃ tiṭṭhatīti? Na hevaṃ vattabbe.
аагаасаанан̃жааяад̇ануубаг̇аанам̣ д̣̇зваанам̣ згам̣ жид̇д̇ам̣ яаавад̇ааяугам̣ д̇идтад̇ийд̇и? ааманд̇аа. жаад̇умахаарааж̇игаанам̣ д̣̇зваанам̣…бз… д̇аавад̇им̣саанам̣ д̣̇зваанам̣… яаамаанам̣ д̣̇зваанам̣… д̇усид̇аанам̣ д̣̇зваанам̣… ниммаанарад̇ийнам̣ д̣̇зваанам̣… бараниммид̇авасавад̇д̇ийнам̣ д̣̇зваанам̣… б̣рахмабаарисаж̇ж̇аанам̣ д̣̇зваанам̣… б̣рахмабурохид̇аанам̣ д̣̇зваанам̣… махааб̣рахмаанам̣ д̣̇зваанам̣… барид̇д̇аабхаанам̣ д̣̇зваанам̣… аббамаан̣аабхаанам̣ д̣̇зваанам̣… аабхассараанам̣ д̣̇зваанам̣… барид̇д̇асубхаанам̣ д̣̇зваанам̣… аббамаан̣асубхаанам̣ д̣̇зваанам̣… субхагин̣хаанам̣ д̣̇зваанам̣ … взхабпалаанам̣ д̣̇зваанам̣… авихаанам̣ д̣̇зваанам̣… ад̇аббаанам̣ д̣̇зваанам̣… суд̣̇ассаанам̣ д̣̇зваанам̣… суд̣̇ассийнам̣ д̣̇зваанам̣… аганидтаанам̣ д̣̇зваанам̣ згам̣ жид̇д̇ам̣ яаавад̇ааяугам̣ д̇идтад̇ийд̇и? на хзвам̣ вад̇д̇аб̣б̣з.
Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti? Āmantā. Cātumahārājikānaṃ devānaṃ…pe… tāvatiṃsānaṃ devānaṃ… yāmānaṃ devānaṃ… tusitānaṃ devānaṃ… nimmānaratīnaṃ devānaṃ… paranimmitavasavattīnaṃ devānaṃ… brahmapārisajjānaṃ devānaṃ… brahmapurohitānaṃ devānaṃ… mahābrahmānaṃ devānaṃ… parittābhānaṃ devānaṃ… appamāṇābhānaṃ devānaṃ… ābhassarānaṃ devānaṃ… parittasubhānaṃ devānaṃ… appamāṇasubhānaṃ devānaṃ… subhakiṇhānaṃ devānaṃ … vehapphalānaṃ devānaṃ… avihānaṃ devānaṃ… atappānaṃ devānaṃ… sudassānaṃ devānaṃ… sudassīnaṃ devānaṃ… akaniṭṭhānaṃ devānaṃ ekaṃ cittaṃ yāvatāyukaṃ tiṭṭhatīti? Na hevaṃ vattabbe.
аагаасаанан̃жааяад̇ануубаг̇аанам̣ д̣̇зваанам̣ вийсад̇и габбасахассаани ааяуббамаан̣ам̣, аагаасаанан̃жааяад̇ануубаг̇аанам̣ д̣̇зваанам̣ згам̣ жид̇д̇ам̣ вийсад̇и габбасахассаани д̇идтад̇ийд̇и? ааманд̇аа. мануссаанам̣ вассасад̇ам̣ ааяуббамаан̣ам̣, мануссаанам̣ згам̣ жид̇д̇ам̣ вассасад̇ам̣ д̇идтад̇ийд̇и? на хзвам̣ вад̇д̇аб̣б̣з.
Ākāsānañcāyatanūpagānaṃ devānaṃ vīsati kappasahassāni āyuppamāṇaṃ, ākāsānañcāyatanūpagānaṃ devānaṃ ekaṃ cittaṃ vīsati kappasahassāni tiṭṭhatīti? Āmantā. Manussānaṃ vassasataṃ āyuppamāṇaṃ, manussānaṃ ekaṃ cittaṃ vassasataṃ tiṭṭhatīti? Na hevaṃ vattabbe.
аагаасаанан̃жааяад̇ануубаг̇аанам̣ д̣̇зваанам̣ вийсад̇и габбасахассаани ааяуббамаан̣ам̣, аагаасаанан̃жааяад̇ануубаг̇аанам̣ д̣̇зваанам̣ згам̣ жид̇д̇ам̣ вийсад̇и габбасахассаани д̇идтад̇ийд̇и? ааманд̇аа. жаад̇умахаарааж̇игаанам̣ д̣̇зваанам̣ бан̃жа вассасад̇аани ааяуббамаан̣ам̣, жаад̇умахаарааж̇игаанам̣ д̣̇зваанам̣ згам̣ жид̇д̇ам̣ бан̃жа вассасад̇аани д̇идтад̇и… вассасахассам̣ д̇идтад̇и… д̣̇вз вассасахассаани д̇идтад̇и… жад̇д̇аари вассасахассаани д̇идтад̇и… адта вассасахассаани д̇идтад̇и… сол̣аса вассасахассаани д̇идтад̇и… габбасса д̇ад̇ияабхааг̇ам̣ д̇идтад̇и… убад̣дхагаббам̣ д̇идтад̇и… згам̣ габбам̣ д̇идтад̇и… д̣̇вз габбз д̇идтад̇и… жад̇д̇ааро габбз д̇идтад̇и… адта габбз д̇идтад̇и… сол̣аса габбз д̇идтад̇и… б̣аад̇д̇им̣са габбз д̇идтад̇и… жад̇усадти габбз д̇идтад̇и… бан̃жа габбасад̇аани д̇идтад̇и… габбасахассам̣ д̇идтад̇и… д̣̇вз габбасахассаани д̇идтад̇и… жад̇д̇аари габбасахассаани д̇идтад̇и… адта габбасахассаани д̇идтад̇и… аганидтаанам̣ д̣̇зваанам̣ сол̣аса габбасахассаани ааяуббамаан̣ам̣, аганидтаанам̣ д̣̇зваанам̣ згам̣ жид̇д̇ам̣ сол̣аса габбасахассаани д̇идтад̇ийд̇и? на хзвам̣ вад̇д̇аб̣б̣з.
Ākāsānañcāyatanūpagānaṃ devānaṃ vīsati kappasahassāni āyuppamāṇaṃ, ākāsānañcāyatanūpagānaṃ devānaṃ ekaṃ cittaṃ vīsati kappasahassāni tiṭṭhatīti? Āmantā. Cātumahārājikānaṃ devānaṃ pañca vassasatāni āyuppamāṇaṃ, cātumahārājikānaṃ devānaṃ ekaṃ cittaṃ pañca vassasatāni tiṭṭhati… vassasahassaṃ tiṭṭhati… dve vassasahassāni tiṭṭhati… cattāri vassasahassāni tiṭṭhati… aṭṭha vassasahassāni tiṭṭhati… soḷasa vassasahassāni tiṭṭhati… kappassa tatiyabhāgaṃ tiṭṭhati… upaḍḍhakappaṃ tiṭṭhati… ekaṃ kappaṃ tiṭṭhati… dve kappe tiṭṭhati… cattāro kappe tiṭṭhati… aṭṭha kappe tiṭṭhati… soḷasa kappe tiṭṭhati… bāttiṃsa kappe tiṭṭhati… catusaṭṭhi kappe tiṭṭhati… pañca kappasatāni tiṭṭhati… kappasahassaṃ tiṭṭhati… dve kappasahassāni tiṭṭhati… cattāri kappasahassāni tiṭṭhati… aṭṭha kappasahassāni tiṭṭhati… akaniṭṭhānaṃ devānaṃ soḷasa kappasahassāni āyuppamāṇaṃ, akaniṭṭhānaṃ devānaṃ ekaṃ cittaṃ soḷasa kappasahassāni tiṭṭhatīti? Na hevaṃ vattabbe.
аагаасаанан̃жааяад̇ануубаг̇аанам̣ д̣̇зваанам̣ жид̇д̇ам̣ мухуд̇д̇ам̣ мухуд̇д̇ам̣ уббаж̇ж̇ад̇и мухуд̇д̇ам̣ мухуд̇д̇ам̣ нируж̇жхад̇ийд̇и? ааманд̇аа. аагаасаанан̃жааяад̇ануубаг̇аа д̣̇зваа мухуд̇д̇ам̣ мухуд̇д̇ам̣ жаванд̇и мухуд̇д̇ам̣ мухуд̇д̇ам̣ уббаж̇ж̇анд̇ийд̇и? на хзвам̣ вад̇д̇аб̣б̣з.
Ākāsānañcāyatanūpagānaṃ devānaṃ cittaṃ muhuttaṃ muhuttaṃ uppajjati muhuttaṃ muhuttaṃ nirujjhatīti? Āmantā. Ākāsānañcāyatanūpagā devā muhuttaṃ muhuttaṃ cavanti muhuttaṃ muhuttaṃ uppajjantīti? Na hevaṃ vattabbe.
аагаасаанан̃жааяад̇ануубаг̇аанам̣ д̣̇зваанам̣ згам̣ жид̇д̇ам̣ яаавад̇ааяугам̣ д̇идтад̇ийд̇и ? ааманд̇аа. аагаасаанан̃жааяад̇ануубаг̇аа д̣̇зваа язнзва жид̇д̇зна уббаж̇ж̇анд̇и, д̇знзва жид̇д̇зна жаванд̇ийд̇и? на хзвам̣ вад̇д̇аб̣б̣з…бз….
Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti ? Āmantā. Ākāsānañcāyatanūpagā devā yeneva cittena uppajjanti, teneva cittena cavantīti? Na hevaṃ vattabbe…pe….
жид̇д̇адтид̇игат̇аа нидтид̇аа.
Cittaṭṭhitikathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
