| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒. ทุติยวโคฺค
2. Dutiyavaggo
(๑๖) ๗. จิตฺตฎฺฐิติกถา
(16) 7. Cittaṭṭhitikathā
๓๓๕. เอกํ จิตฺตํ ทิวสํ ติฎฺฐตีติ? อามนฺตาฯ อุปฑฺฒทิวโส อุปฺปาทกฺขโณ, อุปฑฺฒทิวโส วยกฺขโณติ? น เหวํ วตฺตเพฺพฯ
335. Ekaṃ cittaṃ divasaṃ tiṭṭhatīti? Āmantā. Upaḍḍhadivaso uppādakkhaṇo, upaḍḍhadivaso vayakkhaṇoti? Na hevaṃ vattabbe.
เอกํ จิตฺตํ เทฺว ทิวเส ติฎฺฐตีติ? อามนฺตาฯ ทิวโส อุปฺปาทกฺขโณ, ทิวโส วยกฺขโณติ? น เหวํ วตฺตเพฺพฯ
Ekaṃ cittaṃ dve divase tiṭṭhatīti? Āmantā. Divaso uppādakkhaṇo, divaso vayakkhaṇoti? Na hevaṃ vattabbe.
เอกํ จิตฺตํ จตฺตาโร ทิวเส ติฎฺฐติ… อฎฺฐ ทิวเส ติฎฺฐติ… ทส ทิวเส ติฎฺฐติ… วีสติ ทิวเส ติฎฺฐติ… มาสํ ติฎฺฐติ… เทฺว มาเส ติฎฺฐติ… จตฺตาโร มาเส ติฎฺฐติ… อฎฺฐ มาเส ติฎฺฐติ… ทส มาเส ติฎฺฐติ… สํวจฺฉรํ ติฎฺฐติ… เทฺว วสฺสานิ ติฎฺฐติ… จตฺตาริ วสฺสานิ ติฎฺฐติ… อฎฺฐ วสฺสานิ ติฎฺฐติ… ทส วสฺสานิ ติฎฺฐติ… วีสติ วสฺสานิ ติฎฺฐติ… ติํส วสฺสานิ ติฎฺฐติ… จตฺตารีส วสฺสานิ ติฎฺฐติ… ปญฺญาส วสฺสานิ ติฎฺฐติ… วสฺสสตํ ติฎฺฐติ… เทฺว วสฺสสตานิ ติฎฺฐติ… จตฺตาริ วสฺสสตานิ ติฎฺฐติ… ปญฺจ วสฺสสตานิ ติฎฺฐติ… วสฺสสหสฺสํ ติฎฺฐติ… เทฺว วสฺสสหสฺสานิ ติฎฺฐติ… จตฺตาริ วสฺสสหสฺสานิ ติฎฺฐติ… อฎฺฐ วสฺสสหสฺสานิ ติฎฺฐติ… โสฬส วสฺสสหสฺสานิ ติฎฺฐติ… กปฺปํ ติฎฺฐติ… เทฺว กเปฺป ติฎฺฐติ… จตฺตาโร กเปฺป ติฎฺฐติ… อฎฺฐ กเปฺป ติฎฺฐติ… โสฬส กเปฺป ติฎฺฐติ… พาตฺติํส กเปฺป ติฎฺฐติ… จตุสฎฺฐิ กเปฺป ติฎฺฐติ… ปญฺจ กปฺปสตานิ ติฎฺฐติ… กปฺปสหสฺสานิ ติฎฺฐติ… เทฺว กปฺปสหสฺสานิ ติฎฺฐติ… จตฺตาริ กปฺปสหสฺสานิ ติฎฺฐติ… อฎฺฐ กปฺปสหสฺสานิ ติฎฺฐติ… โสฬส กปฺปสหสฺสานิ ติฎฺฐติ… วีสติ กปฺปสหสฺสานิ ติฎฺฐติ… จตฺตารีส กปฺปสหสฺสานิ ติฎฺฐติ… สฎฺฐิ กปฺปสหสฺสานิ ติฎฺฐติ… จตุราสีติ กปฺปสหสฺสานิ ติฎฺฐตีติ? อามนฺตาฯ เทฺวจตฺตารีส กปฺปสหสฺสานิ อุปฺปาทกฺขโณ, เทฺวจตฺตารีส กปฺปสหสฺสานิ วยกฺขโณติ? น เหวํ วตฺตเพฺพฯ
Ekaṃ cittaṃ cattāro divase tiṭṭhati… aṭṭha divase tiṭṭhati… dasa divase tiṭṭhati… vīsati divase tiṭṭhati… māsaṃ tiṭṭhati… dve māse tiṭṭhati… cattāro māse tiṭṭhati… aṭṭha māse tiṭṭhati… dasa māse tiṭṭhati… saṃvaccharaṃ tiṭṭhati… dve vassāni tiṭṭhati… cattāri vassāni tiṭṭhati… aṭṭha vassāni tiṭṭhati… dasa vassāni tiṭṭhati… vīsati vassāni tiṭṭhati… tiṃsa vassāni tiṭṭhati… cattārīsa vassāni tiṭṭhati… paññāsa vassāni tiṭṭhati… vassasataṃ tiṭṭhati… dve vassasatāni tiṭṭhati… cattāri vassasatāni tiṭṭhati… pañca vassasatāni tiṭṭhati… vassasahassaṃ tiṭṭhati… dve vassasahassāni tiṭṭhati… cattāri vassasahassāni tiṭṭhati… aṭṭha vassasahassāni tiṭṭhati… soḷasa vassasahassāni tiṭṭhati… kappaṃ tiṭṭhati… dve kappe tiṭṭhati… cattāro kappe tiṭṭhati… aṭṭha kappe tiṭṭhati… soḷasa kappe tiṭṭhati… bāttiṃsa kappe tiṭṭhati… catusaṭṭhi kappe tiṭṭhati… pañca kappasatāni tiṭṭhati… kappasahassāni tiṭṭhati… dve kappasahassāni tiṭṭhati… cattāri kappasahassāni tiṭṭhati… aṭṭha kappasahassāni tiṭṭhati… soḷasa kappasahassāni tiṭṭhati… vīsati kappasahassāni tiṭṭhati… cattārīsa kappasahassāni tiṭṭhati… saṭṭhi kappasahassāni tiṭṭhati… caturāsīti kappasahassāni tiṭṭhatīti? Āmantā. Dvecattārīsa kappasahassāni uppādakkhaṇo, dvecattārīsa kappasahassāni vayakkhaṇoti? Na hevaṃ vattabbe.
เอกํ จิตฺตํ ทิวสํ ติฎฺฐตีติ? อามนฺตาฯ อตฺถเญฺญ ธมฺมา เอกาหํ พหุมฺปิ อุปฺปชฺชิตฺวา นิรุชฺฌนฺตีติ? อามนฺตาฯ เต ธมฺมา จิเตฺตน ลหุปริวตฺตาติ? น เหวํ วตฺตเพฺพฯ
Ekaṃ cittaṃ divasaṃ tiṭṭhatīti? Āmantā. Atthaññe dhammā ekāhaṃ bahumpi uppajjitvā nirujjhantīti? Āmantā. Te dhammā cittena lahuparivattāti? Na hevaṃ vattabbe.
เต ธมฺมา จิเตฺตน ลหุปริวตฺตาติ? อามนฺตาฯ นนุ วุตฺตํ ภควตา – ‘‘นาหํ, ภิกฺขเว, อญฺญํ เอกธมฺมมฺปิ สมนุปสฺสามิ เอวํ ลหุปริวตฺตํ ยถยิทํ จิตฺตํฯ ยาวญฺจิทํ, ภิกฺขเว, อุปมาปิ น สุกรา ยาว ลหุปริวตฺตํ จิตฺต’’นฺติ 1ฯ อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘เต ธมฺมา จิเตฺตน ลหุปริวตฺตา’’ติฯ
Te dhammā cittena lahuparivattāti? Āmantā. Nanu vuttaṃ bhagavatā – ‘‘nāhaṃ, bhikkhave, aññaṃ ekadhammampi samanupassāmi evaṃ lahuparivattaṃ yathayidaṃ cittaṃ. Yāvañcidaṃ, bhikkhave, upamāpi na sukarā yāva lahuparivattaṃ citta’’nti 2. Attheva suttantoti? Āmantā. Tena hi na vattabbaṃ – ‘‘te dhammā cittena lahuparivattā’’ti.
เต ธมฺมา จิเตฺตน ลหุปริวตฺตาติ? อามนฺตาฯ นนุ วุตฺตํ ภควตา – ‘‘เสยฺยถาปิ, ภิกฺขเว, มกฺกโฎ อรเญฺญ ปวเน จรมาโน สาขํ คณฺหติ, ตํ มุญฺจิตฺวา อญฺญํ คณฺหติ, ตํ มุญฺจิตฺวา อญฺญํ คณฺหติ; เอวเมว โข, ภิกฺขเว, ยมิทํ 3 วุจฺจติ จิตฺตํ อิติปิ มโน อิติปิ วิญฺญาณํ อิติปิ ตํ รตฺติยา จ ทิวสสฺส จ อญฺญเทว อุปฺปชฺชติ อญฺญํ นิรุชฺฌตี’’ติ 4ฯ อเตฺถว สุตฺตโนฺตติ? อามนฺตาฯ เตน หิ น วตฺตพฺพํ – ‘‘เต ธมฺมา จิเตฺตน ลหุปริวตฺตา’’ติฯ
Te dhammā cittena lahuparivattāti? Āmantā. Nanu vuttaṃ bhagavatā – ‘‘seyyathāpi, bhikkhave, makkaṭo araññe pavane caramāno sākhaṃ gaṇhati, taṃ muñcitvā aññaṃ gaṇhati, taṃ muñcitvā aññaṃ gaṇhati; evameva kho, bhikkhave, yamidaṃ 5 vuccati cittaṃ itipi mano itipi viññāṇaṃ itipi taṃ rattiyā ca divasassa ca aññadeva uppajjati aññaṃ nirujjhatī’’ti 6. Attheva suttantoti? Āmantā. Tena hi na vattabbaṃ – ‘‘te dhammā cittena lahuparivattā’’ti.
๓๓๖. เอกํ จิตฺตํ ทิวสํ ติฎฺฐตีติ? อามนฺตาฯ จกฺขุวิญฺญาณํ ทิวสํ ติฎฺฐตีติ? น เหวํ วตฺตเพฺพฯ โสตวิญฺญาณํ…เป.… ฆานวิญฺญาณํ… ชิวฺหาวิญฺญาณํ… กายวิญฺญาณํ… อกุสลํ จิตฺตํ… ราคสหคตํ… โทสสหคตํ… โมหสหคตํ… มานสหคตํ… ทิฎฺฐิสหคตํ… วิจิกิจฺฉาสหคตํ… ถินสหคตํ… อุทฺธจฺจสหคตํ… อหิริกสหคตํ… อโนตฺตปฺปสหคตํ จิตฺตํ ทิวสํ ติฎฺฐตีติ? น เหวํ วตฺตเพฺพ…เป.…ฯ
336. Ekaṃ cittaṃ divasaṃ tiṭṭhatīti? Āmantā. Cakkhuviññāṇaṃ divasaṃ tiṭṭhatīti? Na hevaṃ vattabbe. Sotaviññāṇaṃ…pe… ghānaviññāṇaṃ… jivhāviññāṇaṃ… kāyaviññāṇaṃ… akusalaṃ cittaṃ… rāgasahagataṃ… dosasahagataṃ… mohasahagataṃ… mānasahagataṃ… diṭṭhisahagataṃ… vicikicchāsahagataṃ… thinasahagataṃ… uddhaccasahagataṃ… ahirikasahagataṃ… anottappasahagataṃ cittaṃ divasaṃ tiṭṭhatīti? Na hevaṃ vattabbe…pe….
เอกํ จิตฺตํ ทิวสํ ติฎฺฐตีติ? อามนฺตาฯ เยเนว จิเตฺตน จกฺขุนา รูปํ ปสฺสติ, เตเนว จิเตฺตน โสเตน สทฺทํ สุณาติ…เป.… ฆาเนน คนฺธํ ฆายติ… ชิวฺหาย รสํ สายติ… กาเยน โผฎฺฐพฺพํ ผุสติ… มนสา ธมฺมํ วิชานาติ…เป.… เยเนว จิเตฺตน มนสา ธมฺมํ วิชานาติ, เตเนว จิเตฺตน จกฺขุนา รูปํ ปสฺสติ…เป.… โสเตน สทฺทํ สุณาติ… ฆาเนน คนฺธํ ฆายติ… ชิวฺหาย รสํ สายติ…เป.… กาเยน โผฎฺฐพฺพํ ผุสตีติ? น เหวํ วตฺตเพฺพ…เป.…ฯ
Ekaṃ cittaṃ divasaṃ tiṭṭhatīti? Āmantā. Yeneva cittena cakkhunā rūpaṃ passati, teneva cittena sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti…pe… yeneva cittena manasā dhammaṃ vijānāti, teneva cittena cakkhunā rūpaṃ passati…pe… sotena saddaṃ suṇāti… ghānena gandhaṃ ghāyati… jivhāya rasaṃ sāyati…pe… kāyena phoṭṭhabbaṃ phusatīti? Na hevaṃ vattabbe…pe….
เอกํ จิตฺตํ ทิวสํ ติฎฺฐตีติ? อามนฺตาฯ เยเนว จิเตฺตน อภิกฺกมติ, เตเนว จิเตฺตน ปฎิกฺกมติ; เยเนว จิเตฺตน ปฎิกฺกมติ, เตเนว จิเตฺตน อภิกฺกมติ; เยเนว จิเตฺตน อาโลเกติ, เตเนว จิเตฺตน วิโลเกติ; เยเนว จิเตฺตน วิโลเกติ, เตเนว จิเตฺตน อาโลเกติ; เยเนว จิเตฺตน สมิเญฺชติ, เตเนว จิเตฺตน ปสาเรติ ; เยเนว จิเตฺตน ปสาเรติ, เตเนว จิเตฺตน สมิเญฺชตีติ? น เหวํ วตฺตเพฺพ…เป.…ฯ
Ekaṃ cittaṃ divasaṃ tiṭṭhatīti? Āmantā. Yeneva cittena abhikkamati, teneva cittena paṭikkamati; yeneva cittena paṭikkamati, teneva cittena abhikkamati; yeneva cittena āloketi, teneva cittena viloketi; yeneva cittena viloketi, teneva cittena āloketi; yeneva cittena samiñjeti, teneva cittena pasāreti ; yeneva cittena pasāreti, teneva cittena samiñjetīti? Na hevaṃ vattabbe…pe….
๓๓๗. อากาสานญฺจายตนูปคานํ เทวานํ เอกํ จิตฺตํ ยาวตายุกํ ติฎฺฐตีติ? อามนฺตาฯ มนุสฺสานํ เอกํ จิตฺตํ ยาวตายุกํ ติฎฺฐตีติ? น เหวํ วตฺตเพฺพฯ
337. Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti? Āmantā. Manussānaṃ ekaṃ cittaṃ yāvatāyukaṃ tiṭṭhatīti? Na hevaṃ vattabbe.
อากาสานญฺจายตนูปคานํ เทวานํ เอกํ จิตฺตํ ยาวตายุกํ ติฎฺฐตีติ? อามนฺตาฯ จาตุมหาราชิกานํ เทวานํ…เป.… ตาวติํสานํ เทวานํ… ยามานํ เทวานํ… ตุสิตานํ เทวานํ… นิมฺมานรตีนํ เทวานํ… ปรนิมฺมิตวสวตฺตีนํ เทวานํ… พฺรหฺมปาริสชฺชานํ เทวานํ… พฺรหฺมปุโรหิตานํ เทวานํ… มหาพฺรหฺมานํ เทวานํ… ปริตฺตาภานํ เทวานํ… อปฺปมาณาภานํ เทวานํ… อาภสฺสรานํ เทวานํ… ปริตฺตสุภานํ เทวานํ… อปฺปมาณสุภานํ เทวานํ… สุภกิณฺหานํ เทวานํ … เวหปฺผลานํ เทวานํ… อวิหานํ เทวานํ… อตปฺปานํ เทวานํ… สุทสฺสานํ เทวานํ… สุทสฺสีนํ เทวานํ… อกนิฎฺฐานํ เทวานํ เอกํ จิตฺตํ ยาวตายุกํ ติฎฺฐตีติ? น เหวํ วตฺตเพฺพฯ
Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti? Āmantā. Cātumahārājikānaṃ devānaṃ…pe… tāvatiṃsānaṃ devānaṃ… yāmānaṃ devānaṃ… tusitānaṃ devānaṃ… nimmānaratīnaṃ devānaṃ… paranimmitavasavattīnaṃ devānaṃ… brahmapārisajjānaṃ devānaṃ… brahmapurohitānaṃ devānaṃ… mahābrahmānaṃ devānaṃ… parittābhānaṃ devānaṃ… appamāṇābhānaṃ devānaṃ… ābhassarānaṃ devānaṃ… parittasubhānaṃ devānaṃ… appamāṇasubhānaṃ devānaṃ… subhakiṇhānaṃ devānaṃ … vehapphalānaṃ devānaṃ… avihānaṃ devānaṃ… atappānaṃ devānaṃ… sudassānaṃ devānaṃ… sudassīnaṃ devānaṃ… akaniṭṭhānaṃ devānaṃ ekaṃ cittaṃ yāvatāyukaṃ tiṭṭhatīti? Na hevaṃ vattabbe.
อากาสานญฺจายตนูปคานํ เทวานํ วีสติ กปฺปสหสฺสานิ อายุปฺปมาณํ, อากาสานญฺจายตนูปคานํ เทวานํ เอกํ จิตฺตํ วีสติ กปฺปสหสฺสานิ ติฎฺฐตีติ? อามนฺตาฯ มนุสฺสานํ วสฺสสตํ อายุปฺปมาณํ, มนุสฺสานํ เอกํ จิตฺตํ วสฺสสตํ ติฎฺฐตีติ? น เหวํ วตฺตเพฺพฯ
Ākāsānañcāyatanūpagānaṃ devānaṃ vīsati kappasahassāni āyuppamāṇaṃ, ākāsānañcāyatanūpagānaṃ devānaṃ ekaṃ cittaṃ vīsati kappasahassāni tiṭṭhatīti? Āmantā. Manussānaṃ vassasataṃ āyuppamāṇaṃ, manussānaṃ ekaṃ cittaṃ vassasataṃ tiṭṭhatīti? Na hevaṃ vattabbe.
อากาสานญฺจายตนูปคานํ เทวานํ วีสติ กปฺปสหสฺสานิ อายุปฺปมาณํ, อากาสานญฺจายตนูปคานํ เทวานํ เอกํ จิตฺตํ วีสติ กปฺปสหสฺสานิ ติฎฺฐตีติ? อามนฺตาฯ จาตุมหาราชิกานํ เทวานํ ปญฺจ วสฺสสตานิ อายุปฺปมาณํ, จาตุมหาราชิกานํ เทวานํ เอกํ จิตฺตํ ปญฺจ วสฺสสตานิ ติฎฺฐติ… วสฺสสหสฺสํ ติฎฺฐติ… เทฺว วสฺสสหสฺสานิ ติฎฺฐติ… จตฺตาริ วสฺสสหสฺสานิ ติฎฺฐติ… อฎฺฐ วสฺสสหสฺสานิ ติฎฺฐติ… โสฬส วสฺสสหสฺสานิ ติฎฺฐติ… กปฺปสฺส ตติยภาคํ ติฎฺฐติ… อุปฑฺฒกปฺปํ ติฎฺฐติ… เอกํ กปฺปํ ติฎฺฐติ… เทฺว กเปฺป ติฎฺฐติ… จตฺตาโร กเปฺป ติฎฺฐติ… อฎฺฐ กเปฺป ติฎฺฐติ… โสฬส กเปฺป ติฎฺฐติ… พาตฺติํส กเปฺป ติฎฺฐติ… จตุสฎฺฐิ กเปฺป ติฎฺฐติ… ปญฺจ กปฺปสตานิ ติฎฺฐติ… กปฺปสหสฺสํ ติฎฺฐติ… เทฺว กปฺปสหสฺสานิ ติฎฺฐติ… จตฺตาริ กปฺปสหสฺสานิ ติฎฺฐติ… อฎฺฐ กปฺปสหสฺสานิ ติฎฺฐติ… อกนิฎฺฐานํ เทวานํ โสฬส กปฺปสหสฺสานิ อายุปฺปมาณํ, อกนิฎฺฐานํ เทวานํ เอกํ จิตฺตํ โสฬส กปฺปสหสฺสานิ ติฎฺฐตีติ? น เหวํ วตฺตเพฺพฯ
Ākāsānañcāyatanūpagānaṃ devānaṃ vīsati kappasahassāni āyuppamāṇaṃ, ākāsānañcāyatanūpagānaṃ devānaṃ ekaṃ cittaṃ vīsati kappasahassāni tiṭṭhatīti? Āmantā. Cātumahārājikānaṃ devānaṃ pañca vassasatāni āyuppamāṇaṃ, cātumahārājikānaṃ devānaṃ ekaṃ cittaṃ pañca vassasatāni tiṭṭhati… vassasahassaṃ tiṭṭhati… dve vassasahassāni tiṭṭhati… cattāri vassasahassāni tiṭṭhati… aṭṭha vassasahassāni tiṭṭhati… soḷasa vassasahassāni tiṭṭhati… kappassa tatiyabhāgaṃ tiṭṭhati… upaḍḍhakappaṃ tiṭṭhati… ekaṃ kappaṃ tiṭṭhati… dve kappe tiṭṭhati… cattāro kappe tiṭṭhati… aṭṭha kappe tiṭṭhati… soḷasa kappe tiṭṭhati… bāttiṃsa kappe tiṭṭhati… catusaṭṭhi kappe tiṭṭhati… pañca kappasatāni tiṭṭhati… kappasahassaṃ tiṭṭhati… dve kappasahassāni tiṭṭhati… cattāri kappasahassāni tiṭṭhati… aṭṭha kappasahassāni tiṭṭhati… akaniṭṭhānaṃ devānaṃ soḷasa kappasahassāni āyuppamāṇaṃ, akaniṭṭhānaṃ devānaṃ ekaṃ cittaṃ soḷasa kappasahassāni tiṭṭhatīti? Na hevaṃ vattabbe.
อากาสานญฺจายตนูปคานํ เทวานํ จิตฺตํ มุหุตฺตํ มุหุตฺตํ อุปฺปชฺชติ มุหุตฺตํ มุหุตฺตํ นิรุชฺฌตีติ? อามนฺตาฯ อากาสานญฺจายตนูปคา เทวา มุหุตฺตํ มุหุตฺตํ จวนฺติ มุหุตฺตํ มุหุตฺตํ อุปฺปชฺชนฺตีติ? น เหวํ วตฺตเพฺพฯ
Ākāsānañcāyatanūpagānaṃ devānaṃ cittaṃ muhuttaṃ muhuttaṃ uppajjati muhuttaṃ muhuttaṃ nirujjhatīti? Āmantā. Ākāsānañcāyatanūpagā devā muhuttaṃ muhuttaṃ cavanti muhuttaṃ muhuttaṃ uppajjantīti? Na hevaṃ vattabbe.
อากาสานญฺจายตนูปคานํ เทวานํ เอกํ จิตฺตํ ยาวตายุกํ ติฎฺฐตีติ ? อามนฺตาฯ อากาสานญฺจายตนูปคา เทวา เยเนว จิเตฺตน อุปฺปชฺชนฺติ, เตเนว จิเตฺตน จวนฺตีติ? น เหวํ วตฺตเพฺพ…เป.…ฯ
Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti ? Āmantā. Ākāsānañcāyatanūpagā devā yeneva cittena uppajjanti, teneva cittena cavantīti? Na hevaṃ vattabbe…pe….
จิตฺตฎฺฐิติกถา นิฎฺฐิตาฯ
Cittaṭṭhitikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๗. จิตฺตฎฺฐิติกถาวณฺณนา • 7. Cittaṭṭhitikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๗. จิตฺตฎฺฐิติกถาวณฺณนา • 7. Cittaṭṭhitikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๗. จิตฺตฎฺฐิติกถาวณฺณนา • 7. Cittaṭṭhitikathāvaṇṇanā
