| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨. ਦੁਤਿਯવਗ੍ਗੋ
2. Dutiyavaggo
(੧੬) ੭. ਚਿਤ੍ਤਟ੍ਠਿਤਿਕਥਾ
(16) 7. Cittaṭṭhitikathā
੩੩੫. ਏਕਂ ਚਿਤ੍ਤਂ ਦਿવਸਂ ਤਿਟ੍ਠਤੀਤਿ? ਆਮਨ੍ਤਾ। ਉਪਡ੍ਢਦਿવਸੋ ਉਪ੍ਪਾਦਕ੍ਖਣੋ, ਉਪਡ੍ਢਦਿવਸੋ વਯਕ੍ਖਣੋਤਿ? ਨ ਹੇવਂ વਤ੍ਤਬ੍ਬੇ।
335. Ekaṃ cittaṃ divasaṃ tiṭṭhatīti? Āmantā. Upaḍḍhadivaso uppādakkhaṇo, upaḍḍhadivaso vayakkhaṇoti? Na hevaṃ vattabbe.
ਏਕਂ ਚਿਤ੍ਤਂ ਦ੍વੇ ਦਿવਸੇ ਤਿਟ੍ਠਤੀਤਿ? ਆਮਨ੍ਤਾ। ਦਿવਸੋ ਉਪ੍ਪਾਦਕ੍ਖਣੋ, ਦਿવਸੋ વਯਕ੍ਖਣੋਤਿ? ਨ ਹੇવਂ વਤ੍ਤਬ੍ਬੇ।
Ekaṃ cittaṃ dve divase tiṭṭhatīti? Āmantā. Divaso uppādakkhaṇo, divaso vayakkhaṇoti? Na hevaṃ vattabbe.
ਏਕਂ ਚਿਤ੍ਤਂ ਚਤ੍ਤਾਰੋ ਦਿવਸੇ ਤਿਟ੍ਠਤਿ… ਅਟ੍ਠ ਦਿવਸੇ ਤਿਟ੍ਠਤਿ… ਦਸ ਦਿવਸੇ ਤਿਟ੍ਠਤਿ… વੀਸਤਿ ਦਿવਸੇ ਤਿਟ੍ਠਤਿ… ਮਾਸਂ ਤਿਟ੍ਠਤਿ… ਦ੍વੇ ਮਾਸੇ ਤਿਟ੍ਠਤਿ… ਚਤ੍ਤਾਰੋ ਮਾਸੇ ਤਿਟ੍ਠਤਿ… ਅਟ੍ਠ ਮਾਸੇ ਤਿਟ੍ਠਤਿ… ਦਸ ਮਾਸੇ ਤਿਟ੍ਠਤਿ… ਸਂવਚ੍ਛਰਂ ਤਿਟ੍ਠਤਿ… ਦ੍વੇ વਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ વਸ੍ਸਾਨਿ ਤਿਟ੍ਠਤਿ… ਅਟ੍ਠ વਸ੍ਸਾਨਿ ਤਿਟ੍ਠਤਿ… ਦਸ વਸ੍ਸਾਨਿ ਤਿਟ੍ਠਤਿ… વੀਸਤਿ વਸ੍ਸਾਨਿ ਤਿਟ੍ਠਤਿ… ਤਿਂਸ વਸ੍ਸਾਨਿ ਤਿਟ੍ਠਤਿ… ਚਤ੍ਤਾਰੀਸ વਸ੍ਸਾਨਿ ਤਿਟ੍ਠਤਿ… ਪਞ੍ਞਾਸ વਸ੍ਸਾਨਿ ਤਿਟ੍ਠਤਿ… વਸ੍ਸਸਤਂ ਤਿਟ੍ਠਤਿ… ਦ੍વੇ વਸ੍ਸਸਤਾਨਿ ਤਿਟ੍ਠਤਿ… ਚਤ੍ਤਾਰਿ વਸ੍ਸਸਤਾਨਿ ਤਿਟ੍ਠਤਿ… ਪਞ੍ਚ વਸ੍ਸਸਤਾਨਿ ਤਿਟ੍ਠਤਿ… વਸ੍ਸਸਹਸ੍ਸਂ ਤਿਟ੍ਠਤਿ… ਦ੍વੇ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਸੋਲ਼ਸ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਕਪ੍ਪਂ ਤਿਟ੍ਠਤਿ… ਦ੍વੇ ਕਪ੍ਪੇ ਤਿਟ੍ਠਤਿ… ਚਤ੍ਤਾਰੋ ਕਪ੍ਪੇ ਤਿਟ੍ਠਤਿ… ਅਟ੍ਠ ਕਪ੍ਪੇ ਤਿਟ੍ਠਤਿ… ਸੋਲ਼ਸ ਕਪ੍ਪੇ ਤਿਟ੍ਠਤਿ… ਬਾਤ੍ਤਿਂਸ ਕਪ੍ਪੇ ਤਿਟ੍ਠਤਿ… ਚਤੁਸਟ੍ਠਿ ਕਪ੍ਪੇ ਤਿਟ੍ਠਤਿ… ਪਞ੍ਚ ਕਪ੍ਪਸਤਾਨਿ ਤਿਟ੍ਠਤਿ… ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਦ੍વੇ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਸੋਲ਼ਸ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… વੀਸਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰੀਸ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਸਟ੍ਠਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤੁਰਾਸੀਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਆਮਨ੍ਤਾ। ਦ੍વੇਚਤ੍ਤਾਰੀਸ ਕਪ੍ਪਸਹਸ੍ਸਾਨਿ ਉਪ੍ਪਾਦਕ੍ਖਣੋ, ਦ੍વੇਚਤ੍ਤਾਰੀਸ ਕਪ੍ਪਸਹਸ੍ਸਾਨਿ વਯਕ੍ਖਣੋਤਿ? ਨ ਹੇવਂ વਤ੍ਤਬ੍ਬੇ।
Ekaṃ cittaṃ cattāro divase tiṭṭhati… aṭṭha divase tiṭṭhati… dasa divase tiṭṭhati… vīsati divase tiṭṭhati… māsaṃ tiṭṭhati… dve māse tiṭṭhati… cattāro māse tiṭṭhati… aṭṭha māse tiṭṭhati… dasa māse tiṭṭhati… saṃvaccharaṃ tiṭṭhati… dve vassāni tiṭṭhati… cattāri vassāni tiṭṭhati… aṭṭha vassāni tiṭṭhati… dasa vassāni tiṭṭhati… vīsati vassāni tiṭṭhati… tiṃsa vassāni tiṭṭhati… cattārīsa vassāni tiṭṭhati… paññāsa vassāni tiṭṭhati… vassasataṃ tiṭṭhati… dve vassasatāni tiṭṭhati… cattāri vassasatāni tiṭṭhati… pañca vassasatāni tiṭṭhati… vassasahassaṃ tiṭṭhati… dve vassasahassāni tiṭṭhati… cattāri vassasahassāni tiṭṭhati… aṭṭha vassasahassāni tiṭṭhati… soḷasa vassasahassāni tiṭṭhati… kappaṃ tiṭṭhati… dve kappe tiṭṭhati… cattāro kappe tiṭṭhati… aṭṭha kappe tiṭṭhati… soḷasa kappe tiṭṭhati… bāttiṃsa kappe tiṭṭhati… catusaṭṭhi kappe tiṭṭhati… pañca kappasatāni tiṭṭhati… kappasahassāni tiṭṭhati… dve kappasahassāni tiṭṭhati… cattāri kappasahassāni tiṭṭhati… aṭṭha kappasahassāni tiṭṭhati… soḷasa kappasahassāni tiṭṭhati… vīsati kappasahassāni tiṭṭhati… cattārīsa kappasahassāni tiṭṭhati… saṭṭhi kappasahassāni tiṭṭhati… caturāsīti kappasahassāni tiṭṭhatīti? Āmantā. Dvecattārīsa kappasahassāni uppādakkhaṇo, dvecattārīsa kappasahassāni vayakkhaṇoti? Na hevaṃ vattabbe.
ਏਕਂ ਚਿਤ੍ਤਂ ਦਿવਸਂ ਤਿਟ੍ਠਤੀਤਿ? ਆਮਨ੍ਤਾ। ਅਤ੍ਥਞ੍ਞੇ ਧਮ੍ਮਾ ਏਕਾਹਂ ਬਹੁਮ੍ਪਿ ਉਪ੍ਪਜ੍ਜਿਤ੍વਾ ਨਿਰੁਜ੍ਝਨ੍ਤੀਤਿ? ਆਮਨ੍ਤਾ। ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿવਤ੍ਤਾਤਿ? ਨ ਹੇવਂ વਤ੍ਤਬ੍ਬੇ।
Ekaṃ cittaṃ divasaṃ tiṭṭhatīti? Āmantā. Atthaññe dhammā ekāhaṃ bahumpi uppajjitvā nirujjhantīti? Āmantā. Te dhammā cittena lahuparivattāti? Na hevaṃ vattabbe.
ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿવਤ੍ਤਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਏવਂ ਲਹੁਪਰਿવਤ੍ਤਂ ਯਥਯਿਦਂ ਚਿਤ੍ਤਂ। ਯਾવਞ੍ਚਿਦਂ, ਭਿਕ੍ਖવੇ, ਉਪਮਾਪਿ ਨ ਸੁਕਰਾ ਯਾવ ਲਹੁਪਰਿવਤ੍ਤਂ ਚਿਤ੍ਤ’’ਨ੍ਤਿ 1। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿવਤ੍ਤਾ’’ਤਿ।
Te dhammā cittena lahuparivattāti? Āmantā. Nanu vuttaṃ bhagavatā – ‘‘nāhaṃ, bhikkhave, aññaṃ ekadhammampi samanupassāmi evaṃ lahuparivattaṃ yathayidaṃ cittaṃ. Yāvañcidaṃ, bhikkhave, upamāpi na sukarā yāva lahuparivattaṃ citta’’nti 2. Attheva suttantoti? Āmantā. Tena hi na vattabbaṃ – ‘‘te dhammā cittena lahuparivattā’’ti.
ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿવਤ੍ਤਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਸੇਯ੍ਯਥਾਪਿ, ਭਿਕ੍ਖવੇ, ਮਕ੍ਕਟੋ ਅਰਞ੍ਞੇ ਪવਨੇ ਚਰਮਾਨੋ ਸਾਖਂ ਗਣ੍ਹਤਿ, ਤਂ ਮੁਞ੍ਚਿਤ੍વਾ ਅਞ੍ਞਂ ਗਣ੍ਹਤਿ, ਤਂ ਮੁਞ੍ਚਿਤ੍વਾ ਅਞ੍ਞਂ ਗਣ੍ਹਤਿ; ਏવਮੇવ ਖੋ, ਭਿਕ੍ਖવੇ, ਯਮਿਦਂ 3 વੁਚ੍ਚਤਿ ਚਿਤ੍ਤਂ ਇਤਿਪਿ ਮਨੋ ਇਤਿਪਿ વਿਞ੍ਞਾਣਂ ਇਤਿਪਿ ਤਂ ਰਤ੍ਤਿਯਾ ਚ ਦਿવਸਸ੍ਸ ਚ ਅਞ੍ਞਦੇવ ਉਪ੍ਪਜ੍ਜਤਿ ਅਞ੍ਞਂ ਨਿਰੁਜ੍ਝਤੀ’’ਤਿ 4। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿવਤ੍ਤਾ’’ਤਿ।
Te dhammā cittena lahuparivattāti? Āmantā. Nanu vuttaṃ bhagavatā – ‘‘seyyathāpi, bhikkhave, makkaṭo araññe pavane caramāno sākhaṃ gaṇhati, taṃ muñcitvā aññaṃ gaṇhati, taṃ muñcitvā aññaṃ gaṇhati; evameva kho, bhikkhave, yamidaṃ 5 vuccati cittaṃ itipi mano itipi viññāṇaṃ itipi taṃ rattiyā ca divasassa ca aññadeva uppajjati aññaṃ nirujjhatī’’ti 6. Attheva suttantoti? Āmantā. Tena hi na vattabbaṃ – ‘‘te dhammā cittena lahuparivattā’’ti.
੩੩੬. ਏਕਂ ਚਿਤ੍ਤਂ ਦਿવਸਂ ਤਿਟ੍ਠਤੀਤਿ? ਆਮਨ੍ਤਾ। ਚਕ੍ਖੁવਿਞ੍ਞਾਣਂ ਦਿવਸਂ ਤਿਟ੍ਠਤੀਤਿ? ਨ ਹੇવਂ વਤ੍ਤਬ੍ਬੇ। ਸੋਤવਿਞ੍ਞਾਣਂ…ਪੇ॰… ਘਾਨવਿਞ੍ਞਾਣਂ… ਜਿવ੍ਹਾવਿਞ੍ਞਾਣਂ… ਕਾਯવਿਞ੍ਞਾਣਂ… ਅਕੁਸਲਂ ਚਿਤ੍ਤਂ… ਰਾਗਸਹਗਤਂ… ਦੋਸਸਹਗਤਂ… ਮੋਹਸਹਗਤਂ… ਮਾਨਸਹਗਤਂ… ਦਿਟ੍ਠਿਸਹਗਤਂ… વਿਚਿਕਿਚ੍ਛਾਸਹਗਤਂ… ਥਿਨਸਹਗਤਂ… ਉਦ੍ਧਚ੍ਚਸਹਗਤਂ… ਅਹਿਰਿਕਸਹਗਤਂ… ਅਨੋਤ੍ਤਪ੍ਪਸਹਗਤਂ ਚਿਤ੍ਤਂ ਦਿવਸਂ ਤਿਟ੍ਠਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
336. Ekaṃ cittaṃ divasaṃ tiṭṭhatīti? Āmantā. Cakkhuviññāṇaṃ divasaṃ tiṭṭhatīti? Na hevaṃ vattabbe. Sotaviññāṇaṃ…pe… ghānaviññāṇaṃ… jivhāviññāṇaṃ… kāyaviññāṇaṃ… akusalaṃ cittaṃ… rāgasahagataṃ… dosasahagataṃ… mohasahagataṃ… mānasahagataṃ… diṭṭhisahagataṃ… vicikicchāsahagataṃ… thinasahagataṃ… uddhaccasahagataṃ… ahirikasahagataṃ… anottappasahagataṃ cittaṃ divasaṃ tiṭṭhatīti? Na hevaṃ vattabbe…pe….
ਏਕਂ ਚਿਤ੍ਤਂ ਦਿવਸਂ ਤਿਟ੍ਠਤੀਤਿ? ਆਮਨ੍ਤਾ। ਯੇਨੇવ ਚਿਤ੍ਤੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਤੇਨੇવ ਚਿਤ੍ਤੇਨ ਸੋਤੇਨ ਸਦ੍ਦਂ ਸੁਣਾਤਿ…ਪੇ॰… ਘਾਨੇਨ ਗਨ੍ਧਂ ਘਾਯਤਿ… ਜਿવ੍ਹਾਯ ਰਸਂ ਸਾਯਤਿ… ਕਾਯੇਨ ਫੋਟ੍ਠਬ੍ਬਂ ਫੁਸਤਿ… ਮਨਸਾ ਧਮ੍ਮਂ વਿਜਾਨਾਤਿ…ਪੇ॰… ਯੇਨੇવ ਚਿਤ੍ਤੇਨ ਮਨਸਾ ਧਮ੍ਮਂ વਿਜਾਨਾਤਿ, ਤੇਨੇવ ਚਿਤ੍ਤੇਨ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ॰… ਸੋਤੇਨ ਸਦ੍ਦਂ ਸੁਣਾਤਿ… ਘਾਨੇਨ ਗਨ੍ਧਂ ਘਾਯਤਿ… ਜਿવ੍ਹਾਯ ਰਸਂ ਸਾਯਤਿ…ਪੇ॰… ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ekaṃ cittaṃ divasaṃ tiṭṭhatīti? Āmantā. Yeneva cittena cakkhunā rūpaṃ passati, teneva cittena sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti…pe… yeneva cittena manasā dhammaṃ vijānāti, teneva cittena cakkhunā rūpaṃ passati…pe… sotena saddaṃ suṇāti… ghānena gandhaṃ ghāyati… jivhāya rasaṃ sāyati…pe… kāyena phoṭṭhabbaṃ phusatīti? Na hevaṃ vattabbe…pe….
ਏਕਂ ਚਿਤ੍ਤਂ ਦਿવਸਂ ਤਿਟ੍ਠਤੀਤਿ? ਆਮਨ੍ਤਾ। ਯੇਨੇવ ਚਿਤ੍ਤੇਨ ਅਭਿਕ੍ਕਮਤਿ, ਤੇਨੇવ ਚਿਤ੍ਤੇਨ ਪਟਿਕ੍ਕਮਤਿ; ਯੇਨੇવ ਚਿਤ੍ਤੇਨ ਪਟਿਕ੍ਕਮਤਿ, ਤੇਨੇવ ਚਿਤ੍ਤੇਨ ਅਭਿਕ੍ਕਮਤਿ; ਯੇਨੇવ ਚਿਤ੍ਤੇਨ ਆਲੋਕੇਤਿ, ਤੇਨੇવ ਚਿਤ੍ਤੇਨ વਿਲੋਕੇਤਿ; ਯੇਨੇવ ਚਿਤ੍ਤੇਨ વਿਲੋਕੇਤਿ, ਤੇਨੇવ ਚਿਤ੍ਤੇਨ ਆਲੋਕੇਤਿ; ਯੇਨੇવ ਚਿਤ੍ਤੇਨ ਸਮਿਞ੍ਜੇਤਿ, ਤੇਨੇવ ਚਿਤ੍ਤੇਨ ਪਸਾਰੇਤਿ ; ਯੇਨੇવ ਚਿਤ੍ਤੇਨ ਪਸਾਰੇਤਿ, ਤੇਨੇવ ਚਿਤ੍ਤੇਨ ਸਮਿਞ੍ਜੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ekaṃ cittaṃ divasaṃ tiṭṭhatīti? Āmantā. Yeneva cittena abhikkamati, teneva cittena paṭikkamati; yeneva cittena paṭikkamati, teneva cittena abhikkamati; yeneva cittena āloketi, teneva cittena viloketi; yeneva cittena viloketi, teneva cittena āloketi; yeneva cittena samiñjeti, teneva cittena pasāreti ; yeneva cittena pasāreti, teneva cittena samiñjetīti? Na hevaṃ vattabbe…pe….
੩੩੭. ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ ਏਕਂ ਚਿਤ੍ਤਂ ਯਾવਤਾਯੁਕਂ ਤਿਟ੍ਠਤੀਤਿ? ਆਮਨ੍ਤਾ। ਮਨੁਸ੍ਸਾਨਂ ਏਕਂ ਚਿਤ੍ਤਂ ਯਾવਤਾਯੁਕਂ ਤਿਟ੍ਠਤੀਤਿ? ਨ ਹੇવਂ વਤ੍ਤਬ੍ਬੇ।
337. Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti? Āmantā. Manussānaṃ ekaṃ cittaṃ yāvatāyukaṃ tiṭṭhatīti? Na hevaṃ vattabbe.
ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ ਏਕਂ ਚਿਤ੍ਤਂ ਯਾવਤਾਯੁਕਂ ਤਿਟ੍ਠਤੀਤਿ? ਆਮਨ੍ਤਾ। ਚਾਤੁਮਹਾਰਾਜਿਕਾਨਂ ਦੇવਾਨਂ…ਪੇ॰… ਤਾવਤਿਂਸਾਨਂ ਦੇવਾਨਂ… ਯਾਮਾਨਂ ਦੇવਾਨਂ… ਤੁਸਿਤਾਨਂ ਦੇવਾਨਂ… ਨਿਮ੍ਮਾਨਰਤੀਨਂ ਦੇવਾਨਂ… ਪਰਨਿਮ੍ਮਿਤવਸવਤ੍ਤੀਨਂ ਦੇવਾਨਂ… ਬ੍ਰਹ੍ਮਪਾਰਿਸਜ੍ਜਾਨਂ ਦੇવਾਨਂ… ਬ੍ਰਹ੍ਮਪੁਰੋਹਿਤਾਨਂ ਦੇવਾਨਂ… ਮਹਾਬ੍ਰਹ੍ਮਾਨਂ ਦੇવਾਨਂ… ਪਰਿਤ੍ਤਾਭਾਨਂ ਦੇવਾਨਂ… ਅਪ੍ਪਮਾਣਾਭਾਨਂ ਦੇવਾਨਂ… ਆਭਸ੍ਸਰਾਨਂ ਦੇવਾਨਂ… ਪਰਿਤ੍ਤਸੁਭਾਨਂ ਦੇવਾਨਂ… ਅਪ੍ਪਮਾਣਸੁਭਾਨਂ ਦੇવਾਨਂ… ਸੁਭਕਿਣ੍ਹਾਨਂ ਦੇવਾਨਂ … વੇਹਪ੍ਫਲਾਨਂ ਦੇવਾਨਂ… ਅવਿਹਾਨਂ ਦੇવਾਨਂ… ਅਤਪ੍ਪਾਨਂ ਦੇવਾਨਂ… ਸੁਦਸ੍ਸਾਨਂ ਦੇવਾਨਂ… ਸੁਦਸ੍ਸੀਨਂ ਦੇવਾਨਂ… ਅਕਨਿਟ੍ਠਾਨਂ ਦੇવਾਨਂ ਏਕਂ ਚਿਤ੍ਤਂ ਯਾવਤਾਯੁਕਂ ਤਿਟ੍ਠਤੀਤਿ? ਨ ਹੇવਂ વਤ੍ਤਬ੍ਬੇ।
Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti? Āmantā. Cātumahārājikānaṃ devānaṃ…pe… tāvatiṃsānaṃ devānaṃ… yāmānaṃ devānaṃ… tusitānaṃ devānaṃ… nimmānaratīnaṃ devānaṃ… paranimmitavasavattīnaṃ devānaṃ… brahmapārisajjānaṃ devānaṃ… brahmapurohitānaṃ devānaṃ… mahābrahmānaṃ devānaṃ… parittābhānaṃ devānaṃ… appamāṇābhānaṃ devānaṃ… ābhassarānaṃ devānaṃ… parittasubhānaṃ devānaṃ… appamāṇasubhānaṃ devānaṃ… subhakiṇhānaṃ devānaṃ … vehapphalānaṃ devānaṃ… avihānaṃ devānaṃ… atappānaṃ devānaṃ… sudassānaṃ devānaṃ… sudassīnaṃ devānaṃ… akaniṭṭhānaṃ devānaṃ ekaṃ cittaṃ yāvatāyukaṃ tiṭṭhatīti? Na hevaṃ vattabbe.
ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ વੀਸਤਿ ਕਪ੍ਪਸਹਸ੍ਸਾਨਿ ਆਯੁਪ੍ਪਮਾਣਂ, ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ ਏਕਂ ਚਿਤ੍ਤਂ વੀਸਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਆਮਨ੍ਤਾ। ਮਨੁਸ੍ਸਾਨਂ વਸ੍ਸਸਤਂ ਆਯੁਪ੍ਪਮਾਣਂ, ਮਨੁਸ੍ਸਾਨਂ ਏਕਂ ਚਿਤ੍ਤਂ વਸ੍ਸਸਤਂ ਤਿਟ੍ਠਤੀਤਿ? ਨ ਹੇવਂ વਤ੍ਤਬ੍ਬੇ।
Ākāsānañcāyatanūpagānaṃ devānaṃ vīsati kappasahassāni āyuppamāṇaṃ, ākāsānañcāyatanūpagānaṃ devānaṃ ekaṃ cittaṃ vīsati kappasahassāni tiṭṭhatīti? Āmantā. Manussānaṃ vassasataṃ āyuppamāṇaṃ, manussānaṃ ekaṃ cittaṃ vassasataṃ tiṭṭhatīti? Na hevaṃ vattabbe.
ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ વੀਸਤਿ ਕਪ੍ਪਸਹਸ੍ਸਾਨਿ ਆਯੁਪ੍ਪਮਾਣਂ, ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ ਏਕਂ ਚਿਤ੍ਤਂ વੀਸਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਆਮਨ੍ਤਾ। ਚਾਤੁਮਹਾਰਾਜਿਕਾਨਂ ਦੇવਾਨਂ ਪਞ੍ਚ વਸ੍ਸਸਤਾਨਿ ਆਯੁਪ੍ਪਮਾਣਂ, ਚਾਤੁਮਹਾਰਾਜਿਕਾਨਂ ਦੇવਾਨਂ ਏਕਂ ਚਿਤ੍ਤਂ ਪਞ੍ਚ વਸ੍ਸਸਤਾਨਿ ਤਿਟ੍ਠਤਿ… વਸ੍ਸਸਹਸ੍ਸਂ ਤਿਟ੍ਠਤਿ… ਦ੍વੇ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਸੋਲ਼ਸ વਸ੍ਸਸਹਸ੍ਸਾਨਿ ਤਿਟ੍ਠਤਿ… ਕਪ੍ਪਸ੍ਸ ਤਤਿਯਭਾਗਂ ਤਿਟ੍ਠਤਿ… ਉਪਡ੍ਢਕਪ੍ਪਂ ਤਿਟ੍ਠਤਿ… ਏਕਂ ਕਪ੍ਪਂ ਤਿਟ੍ਠਤਿ… ਦ੍વੇ ਕਪ੍ਪੇ ਤਿਟ੍ਠਤਿ… ਚਤ੍ਤਾਰੋ ਕਪ੍ਪੇ ਤਿਟ੍ਠਤਿ… ਅਟ੍ਠ ਕਪ੍ਪੇ ਤਿਟ੍ਠਤਿ… ਸੋਲ਼ਸ ਕਪ੍ਪੇ ਤਿਟ੍ਠਤਿ… ਬਾਤ੍ਤਿਂਸ ਕਪ੍ਪੇ ਤਿਟ੍ਠਤਿ… ਚਤੁਸਟ੍ਠਿ ਕਪ੍ਪੇ ਤਿਟ੍ਠਤਿ… ਪਞ੍ਚ ਕਪ੍ਪਸਤਾਨਿ ਤਿਟ੍ਠਤਿ… ਕਪ੍ਪਸਹਸ੍ਸਂ ਤਿਟ੍ਠਤਿ… ਦ੍વੇ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਅਕਨਿਟ੍ਠਾਨਂ ਦੇવਾਨਂ ਸੋਲ਼ਸ ਕਪ੍ਪਸਹਸ੍ਸਾਨਿ ਆਯੁਪ੍ਪਮਾਣਂ, ਅਕਨਿਟ੍ਠਾਨਂ ਦੇવਾਨਂ ਏਕਂ ਚਿਤ੍ਤਂ ਸੋਲ਼ਸ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਨ ਹੇવਂ વਤ੍ਤਬ੍ਬੇ।
Ākāsānañcāyatanūpagānaṃ devānaṃ vīsati kappasahassāni āyuppamāṇaṃ, ākāsānañcāyatanūpagānaṃ devānaṃ ekaṃ cittaṃ vīsati kappasahassāni tiṭṭhatīti? Āmantā. Cātumahārājikānaṃ devānaṃ pañca vassasatāni āyuppamāṇaṃ, cātumahārājikānaṃ devānaṃ ekaṃ cittaṃ pañca vassasatāni tiṭṭhati… vassasahassaṃ tiṭṭhati… dve vassasahassāni tiṭṭhati… cattāri vassasahassāni tiṭṭhati… aṭṭha vassasahassāni tiṭṭhati… soḷasa vassasahassāni tiṭṭhati… kappassa tatiyabhāgaṃ tiṭṭhati… upaḍḍhakappaṃ tiṭṭhati… ekaṃ kappaṃ tiṭṭhati… dve kappe tiṭṭhati… cattāro kappe tiṭṭhati… aṭṭha kappe tiṭṭhati… soḷasa kappe tiṭṭhati… bāttiṃsa kappe tiṭṭhati… catusaṭṭhi kappe tiṭṭhati… pañca kappasatāni tiṭṭhati… kappasahassaṃ tiṭṭhati… dve kappasahassāni tiṭṭhati… cattāri kappasahassāni tiṭṭhati… aṭṭha kappasahassāni tiṭṭhati… akaniṭṭhānaṃ devānaṃ soḷasa kappasahassāni āyuppamāṇaṃ, akaniṭṭhānaṃ devānaṃ ekaṃ cittaṃ soḷasa kappasahassāni tiṭṭhatīti? Na hevaṃ vattabbe.
ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ ਚਿਤ੍ਤਂ ਮੁਹੁਤ੍ਤਂ ਮੁਹੁਤ੍ਤਂ ਉਪ੍ਪਜ੍ਜਤਿ ਮੁਹੁਤ੍ਤਂ ਮੁਹੁਤ੍ਤਂ ਨਿਰੁਜ੍ਝਤੀਤਿ? ਆਮਨ੍ਤਾ। ਆਕਾਸਾਨਞ੍ਚਾਯਤਨੂਪਗਾ ਦੇવਾ ਮੁਹੁਤ੍ਤਂ ਮੁਹੁਤ੍ਤਂ ਚવਨ੍ਤਿ ਮੁਹੁਤ੍ਤਂ ਮੁਹੁਤ੍ਤਂ ਉਪ੍ਪਜ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ।
Ākāsānañcāyatanūpagānaṃ devānaṃ cittaṃ muhuttaṃ muhuttaṃ uppajjati muhuttaṃ muhuttaṃ nirujjhatīti? Āmantā. Ākāsānañcāyatanūpagā devā muhuttaṃ muhuttaṃ cavanti muhuttaṃ muhuttaṃ uppajjantīti? Na hevaṃ vattabbe.
ਆਕਾਸਾਨਞ੍ਚਾਯਤਨੂਪਗਾਨਂ ਦੇવਾਨਂ ਏਕਂ ਚਿਤ੍ਤਂ ਯਾવਤਾਯੁਕਂ ਤਿਟ੍ਠਤੀਤਿ ? ਆਮਨ੍ਤਾ। ਆਕਾਸਾਨਞ੍ਚਾਯਤਨੂਪਗਾ ਦੇવਾ ਯੇਨੇવ ਚਿਤ੍ਤੇਨ ਉਪ੍ਪਜ੍ਜਨ੍ਤਿ, ਤੇਨੇવ ਚਿਤ੍ਤੇਨ ਚવਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ākāsānañcāyatanūpagānaṃ devānaṃ ekaṃ cittaṃ yāvatāyukaṃ tiṭṭhatīti ? Āmantā. Ākāsānañcāyatanūpagā devā yeneva cittena uppajjanti, teneva cittena cavantīti? Na hevaṃ vattabbe…pe….
ਚਿਤ੍ਤਟ੍ਠਿਤਿਕਥਾ ਨਿਟ੍ਠਿਤਾ।
Cittaṭṭhitikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਚਿਤ੍ਤਟ੍ਠਿਤਿਕਥਾવਣ੍ਣਨਾ • 7. Cittaṭṭhitikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਚਿਤ੍ਤਟ੍ਠਿਤਿਕਥਾવਣ੍ਣਨਾ • 7. Cittaṭṭhitikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਚਿਤ੍ਤਟ੍ਠਿਤਿਕਥਾવਣ੍ਣਨਾ • 7. Cittaṭṭhitikathāvaṇṇanā
