| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
7. சித்தட்டி²திகதா²வண்ணனா
7. Cittaṭṭhitikathāvaṇṇanā
335. ஏவந்தி ‘‘ஏகசித்தங் யாவதாயுகங் திட்ட²தீ’’தி வுத்தாகாரேன. அஞ்ஞத்தா²தி அரூபப⁴வதோ அஞ்ஞஸ்மிங். ஏதேனாதி ‘‘ஏகமேவ சித்தங் ஆருப்பே திட்ட²தி , யாவதாயுகங் திட்ட²தீ’’தி ஏவங்வாதி³னா து³தியாபி அட்³ட⁴கதா² பஸ்ஸிதப்³பா³ பட²மகதா²ய சிரகாலாவட்டா²னவசனஸ்ஸ அஞ்ஞத³த்து² பா⁴வவிபா⁴வனதோதி அதி⁴ப்பாயோ. புரிமாயாதி ‘‘யாவதாயுகங் திட்ட²தீ’’தி பஞ்ஹதோ புரிமாய. தத்த² ஹி ‘‘வஸ்ஸஸதங் திட்ட²தீ’’தி புச்சா²ய ‘‘ஆமந்தா’’தி அனுஞ்ஞா கதா, பச்சி²மாயங் பன ‘‘மனுஸ்ஸானங் ஏகங் சித்தங் யாவதாயுகங் திட்ட²தீ’’தி ‘‘ந ஹேவங் வத்தப்³பே³’’தி படிக்கே²போ கதோ. அவிரோதோ⁴ விபா⁴வேதப்³போ³, யதோ தத்தே²வ அனுஞ்ஞா கதா, ந பச்சா²தி அதி⁴ப்பாயோ . வஸ்ஸஸதாதீ³தி ச ஆதி³-ஸத்³தே³ன ந கேவலங் ‘‘த்³வே வஸ்ஸஸதானீ’’தி ஏவமாதி³யேவ ஸங்க³ஹிதங், அத² கோ² ‘‘ஏகங் சித்தங் தி³வஸங் திட்ட²தீ’’தி ஏவமாதி³பீதி த³ட்ட²ப்³ப³ங். ‘‘முஹுத்தங் முஹுத்தங் உப்பஜ்ஜதீதி பஞ்ஹோ ஸகவாதி³னா புச்சி²தோ விய வுத்தோ’’தி இத³ங் விசாரேதப்³ப³ங். ‘‘முஹுத்தங் முஹுத்தங் உப்பஜ்ஜதீ’’தி பஞ்ஹோ பரவாதி³ஸ்ஸ. ‘‘உப்பாத³வயத⁴ம்மினோ’’திஆதி³ஸுத்தத்த²வஸேன படிஞ்ஞா ஸகவாதி³ஸ்ஸாதி ஹி வுத்தங்.
335. Evanti ‘‘ekacittaṃ yāvatāyukaṃ tiṭṭhatī’’ti vuttākārena. Aññatthāti arūpabhavato aññasmiṃ. Etenāti ‘‘ekameva cittaṃ āruppe tiṭṭhati , yāvatāyukaṃ tiṭṭhatī’’ti evaṃvādinā dutiyāpi aḍḍhakathā passitabbā paṭhamakathāya cirakālāvaṭṭhānavacanassa aññadatthu bhāvavibhāvanatoti adhippāyo. Purimāyāti ‘‘yāvatāyukaṃ tiṭṭhatī’’ti pañhato purimāya. Tattha hi ‘‘vassasataṃ tiṭṭhatī’’ti pucchāya ‘‘āmantā’’ti anuññā katā, pacchimāyaṃ pana ‘‘manussānaṃ ekaṃ cittaṃ yāvatāyukaṃ tiṭṭhatī’’ti ‘‘na hevaṃ vattabbe’’ti paṭikkhepo kato. Avirodho vibhāvetabbo, yato tattheva anuññā katā, na pacchāti adhippāyo . Vassasatādīti ca ādi-saddena na kevalaṃ ‘‘dve vassasatānī’’ti evamādiyeva saṅgahitaṃ, atha kho ‘‘ekaṃ cittaṃ divasaṃ tiṭṭhatī’’ti evamādipīti daṭṭhabbaṃ. ‘‘Muhuttaṃ muhuttaṃ uppajjatīti pañho sakavādinā pucchito viya vutto’’ti idaṃ vicāretabbaṃ. ‘‘Muhuttaṃ muhuttaṃ uppajjatī’’ti pañho paravādissa. ‘‘Uppādavayadhammino’’tiādisuttatthavasena paṭiññā sakavādissāti hi vuttaṃ.
சித்தட்டி²திகதா²வண்ணனா நிட்டி²தா.
Cittaṭṭhitikathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (16) 7. சித்தட்டி²திகதா² • (16) 7. Cittaṭṭhitikathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. சித்தட்டி²திகதா²வண்ணனா • 7. Cittaṭṭhitikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. சித்தட்டி²திகதா²வண்ணனா • 7. Cittaṭṭhitikathāvaṇṇanā
