| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
7. жид̇д̇адтид̇игат̇ааван̣н̣анаа
7. Cittaṭṭhitikathāvaṇṇanā
335. званд̇и ‘‘згажид̇д̇ам̣ яаавад̇ааяугам̣ д̇идтад̇ий’’д̇и вуд̇д̇аагаарзна. ан̃н̃ад̇т̇аад̇и аруубабхавад̇о ан̃н̃асмим̣. зд̇знаад̇и ‘‘згамзва жид̇д̇ам̣ ааруббз д̇идтад̇и , яаавад̇ааяугам̣ д̇идтад̇ий’’д̇и звам̣ваад̣̇инаа д̣̇уд̇ияааби ад̣дхагат̇аа бассид̇аб̣б̣аа батамагат̇ааяа жирагаалаавадтаанаважанасса ан̃н̃ад̣̇ад̇т̇у бхаававибхааванад̇од̇и ад̇хиббааяо. буримааяаад̇и ‘‘яаавад̇ааяугам̣ д̇идтад̇ий’’д̇и бан̃хад̇о буримааяа. д̇ад̇т̇а хи ‘‘вассасад̇ам̣ д̇идтад̇ий’’д̇и бужчааяа ‘‘ааманд̇аа’’д̇и анун̃н̃аа гад̇аа, бажчимааяам̣ бана ‘‘мануссаанам̣ згам̣ жид̇д̇ам̣ яаавад̇ааяугам̣ д̇идтад̇ий’’д̇и ‘‘на хзвам̣ вад̇д̇аб̣б̣з’’д̇и бадигкзбо гад̇о. авирод̇хо вибхаавзд̇аб̣б̣о, яад̇о д̇ад̇т̇зва анун̃н̃аа гад̇аа, на бажчаад̇и ад̇хиббааяо . вассасад̇аад̣̇ийд̇и жа аад̣̇и-сад̣̇д̣̇зна на гзвалам̣ ‘‘д̣̇вз вассасад̇ааний’’д̇и звамаад̣̇иязва сан̇г̇ахид̇ам̣, ат̇а ко ‘‘згам̣ жид̇д̇ам̣ д̣̇ивасам̣ д̇идтад̇ий’’д̇и звамаад̣̇ибийд̇и д̣̇адтаб̣б̣ам̣. ‘‘мухуд̇д̇ам̣ мухуд̇д̇ам̣ уббаж̇ж̇ад̇ийд̇и бан̃хо сагаваад̣̇инаа бужчид̇о вияа вуд̇д̇о’’д̇и ид̣̇ам̣ вижаарзд̇аб̣б̣ам̣. ‘‘мухуд̇д̇ам̣ мухуд̇д̇ам̣ уббаж̇ж̇ад̇ий’’д̇и бан̃хо бараваад̣̇исса. ‘‘уббаад̣̇аваяад̇хаммино’’д̇иаад̣̇исуд̇д̇ад̇т̇авасзна бадин̃н̃аа сагаваад̣̇иссаад̇и хи вуд̇д̇ам̣.
335. Evanti ‘‘ekacittaṃ yāvatāyukaṃ tiṭṭhatī’’ti vuttākārena. Aññatthāti arūpabhavato aññasmiṃ. Etenāti ‘‘ekameva cittaṃ āruppe tiṭṭhati , yāvatāyukaṃ tiṭṭhatī’’ti evaṃvādinā dutiyāpi aḍḍhakathā passitabbā paṭhamakathāya cirakālāvaṭṭhānavacanassa aññadatthu bhāvavibhāvanatoti adhippāyo. Purimāyāti ‘‘yāvatāyukaṃ tiṭṭhatī’’ti pañhato purimāya. Tattha hi ‘‘vassasataṃ tiṭṭhatī’’ti pucchāya ‘‘āmantā’’ti anuññā katā, pacchimāyaṃ pana ‘‘manussānaṃ ekaṃ cittaṃ yāvatāyukaṃ tiṭṭhatī’’ti ‘‘na hevaṃ vattabbe’’ti paṭikkhepo kato. Avirodho vibhāvetabbo, yato tattheva anuññā katā, na pacchāti adhippāyo . Vassasatādīti ca ādi-saddena na kevalaṃ ‘‘dve vassasatānī’’ti evamādiyeva saṅgahitaṃ, atha kho ‘‘ekaṃ cittaṃ divasaṃ tiṭṭhatī’’ti evamādipīti daṭṭhabbaṃ. ‘‘Muhuttaṃ muhuttaṃ uppajjatīti pañho sakavādinā pucchito viya vutto’’ti idaṃ vicāretabbaṃ. ‘‘Muhuttaṃ muhuttaṃ uppajjatī’’ti pañho paravādissa. ‘‘Uppādavayadhammino’’tiādisuttatthavasena paṭiññā sakavādissāti hi vuttaṃ.
жид̇д̇адтид̇игат̇ааван̣н̣анаа нидтид̇аа.
Cittaṭṭhitikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (16) 7. жид̇д̇адтид̇игат̇аа • (16) 7. Cittaṭṭhitikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. жид̇д̇адтид̇игат̇ааван̣н̣анаа • 7. Cittaṭṭhitikathāvaṇṇanā
