Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    3. жид̇д̇аваг̇г̇о

    3. Cittavaggo

    1. мзгхияад̇т̇зравад̇т̇у

    1. Meghiyattheravatthu

    панд̣̇анам̣ жабалам̣ жид̇д̇анд̇и имам̣ д̇хаммад̣̇зсанам̣ сад̇т̇аа жаалигааяа баб̣б̣ад̇з вихаранд̇о ааяасманд̇ам̣ мзгхияам̣ аараб̣бха гат̇зси.

    Phandanaṃcapalaṃ cittanti imaṃ dhammadesanaṃ satthā cālikāya pabbate viharanto āyasmantaṃ meghiyaṃ ārabbha kathesi.

    д̇асса вад̇т̇ум̣ вибхааванад̇т̇ам̣ саб̣б̣ам̣ мзгхияасуд̇д̇анд̇ам̣ (уд̣̇аа. 31) вид̇т̇аарзд̇аб̣б̣ам̣. сад̇т̇аа бана д̇ийхи вид̇аггзхи анваасад̇д̇ад̇ааяа д̇асмим̣ амб̣аванз бад̇хаанам̣ ануяун̃ж̇ид̇ум̣ асаггун̣ид̇ваа ааг̇ад̇ам̣ мзгхияад̇т̇зрам̣ ааманд̇зд̇ваа, ‘‘ад̇ибхаарияам̣ д̇з, мзгхияа, гад̇ам̣ ‘ааг̇амзхи д̇аава, мзгхияа, згагомхи яаава ан̃н̃оби гожи бхигку ааг̇ажчад̇ий’д̇и мам̣ яаажанд̇ам̣ згагам̣ бахааяа г̇ажчанд̇зна бхигкунаа наама звам̣ жид̇д̇авасигзна бхавид̇ум̣ на ваддад̇и, жид̇д̇ам̣ наамзд̇ам̣ лахугам̣, д̇ам̣ ад̇д̇ано васз вад̇д̇зд̇ум̣ ваддад̇ий’’д̇и вад̇ваа имаа д̣̇вз г̇аат̇аа абхааси –

    Tassa vatthuṃ vibhāvanatthaṃ sabbaṃ meghiyasuttantaṃ (udā. 31) vitthāretabbaṃ. Satthā pana tīhi vitakkehi anvāsattatāya tasmiṃ ambavane padhānaṃ anuyuñjituṃ asakkuṇitvā āgataṃ meghiyattheraṃ āmantetvā, ‘‘atibhāriyaṃ te, meghiya, kataṃ ‘āgamehi tāva, meghiya, ekakomhi yāva aññopi koci bhikkhu āgacchatī’ti maṃ yācantaṃ ekakaṃ pahāya gacchantena bhikkhunā nāma evaṃ cittavasikena bhavituṃ na vaṭṭati, cittaṃ nāmetaṃ lahukaṃ, taṃ attano vase vattetuṃ vaṭṭatī’’ti vatvā imā dve gāthā abhāsi –

    33.

    33.

    ‘‘панд̣̇анам̣ жабалам̣ жид̇д̇ам̣, д̣̇уурагкам̣ д̣̇унниваараяам̣;

    ‘‘Phandanaṃ capalaṃ cittaṃ, dūrakkhaṃ dunnivārayaṃ;

    уж̇ум̣ гарод̇и мзд̇хаавий, усугаарова д̇зж̇анам̣.

    Ujuṃ karoti medhāvī, usukārova tejanaṃ.

    34.

    34.

    ‘‘ваариж̇ова т̇алз кид̇д̇о, огамогад̇ауб̣бхад̇о;

    ‘‘Vārijova thale khitto, okamokataubbhato;

    барибпанд̣̇ад̇ид̣̇ам̣ жид̇д̇ам̣, маарад̇хзяяам̣ бахаад̇авз’’д̇и.

    Paripphandatidaṃ cittaṃ, māradheyyaṃ pahātave’’ti.

    д̇ад̇т̇а панд̣̇ананд̇и руубаад̣̇ийсу аарамман̣зсу вибпанд̣̇амаанам̣. жабаланд̇и згаирияаабат̇зна асан̣таханд̇о г̇аамад̣̇аараго вияа згасмим̣ аарамман̣з асан̣таханад̇о жабалам̣. жид̇д̇анд̇и вин̃н̃аан̣ам̣, бхуумивад̇т̇уаарамман̣агирияаад̣̇ивижид̇д̇ад̇ааяа банзд̇ам̣ ‘‘жид̇д̇а’’нд̇и вуд̇д̇ам̣. д̣̇уурагканд̇и гидтасамб̣аад̇хз таанз гидтакаад̣̇агаг̇он̣ам̣ вияа згзгасмим̣ саббааяаарамман̣зязва д̣̇удтабанад̇о д̣̇уурагкам̣. д̣̇унниваараяанд̇и висабхааг̇аарамман̣ам̣ г̇ажчанд̇ам̣ бадисзд̇хзд̇ум̣ д̣̇угкад̇д̇аа д̣̇унниваараяам̣. усугаарова д̇зж̇ананд̇и яат̇аа наама усугааро аран̃н̃ад̇о згам̣ ван̇гад̣̇ан̣д̣агам̣ аахарид̇ваа нид̇д̇ажам̣ гад̇ваа ган̃ж̇ияад̇злзна магкзд̇ваа ан̇г̇аарагабаллз д̇аабзд̇ваа ругкаалагз уббийл̣зд̇ваа ниван̇гам̣ уж̇ум̣ ваалавиж̇жханаяог̇г̇ам̣ гарод̇и, гад̇ваа жа бана рааж̇арааж̇амахаамад̇д̇аанам̣ сиббам̣ д̣̇ассзд̇ваа маханд̇ам̣ саггаарасаммаанам̣ лабхад̇и, звамзва мзд̇хаавий бан̣д̣ид̇о вин̃н̃уу бурисо панд̣̇анаад̣̇исабхаавамзд̇ам̣ жид̇д̇ам̣ д̇худ̇ан̇г̇ааран̃н̃ааваасавасзна, нид̇д̇ажам̣ абаг̇ад̇аол̣ааригагилзсам̣ гад̇ваа сад̣̇д̇хаасинзхзна д̇змзд̇ваа гааяигажзд̇асигавийриязна д̇аабзд̇ваа самат̇авибассанаалагз уббийл̣зд̇ваа уж̇ум̣ агудилам̣ ниб̣б̣исзванам̣ гарод̇и, гад̇ваа жа бана сан̇каарз саммасид̇ваа маханд̇ам̣ авиж̇ж̇агканд̇хам̣ бад̣̇аалзд̇ваа, ‘‘д̇иссо виж̇ж̇аа, ча абхин̃н̃аа, нава логуд̇д̇арад̇хаммз’’д̇и имам̣ висзсам̣ хад̇т̇аг̇ад̇амзва гад̇ваа аг̇г̇ад̣̇агкин̣зяяабхаавам̣ лабхад̇и.

    Tattha phandananti rūpādīsu ārammaṇesu vipphandamānaṃ. Capalanti ekairiyāpathena asaṇṭhahanto gāmadārako viya ekasmiṃ ārammaṇe asaṇṭhahanato capalaṃ. Cittanti viññāṇaṃ, bhūmivatthuārammaṇakiriyādivicittatāya panetaṃ ‘‘citta’’nti vuttaṃ. Dūrakkhanti kiṭṭhasambādhe ṭhāne kiṭṭhakhādakagoṇaṃ viya ekekasmiṃ sappāyārammaṇeyeva duṭṭhapanato dūrakkhaṃ. Dunnivārayanti visabhāgārammaṇaṃ gacchantaṃ paṭisedhetuṃ dukkhattā dunnivārayaṃ. Usukārova tejananti yathā nāma usukāro araññato ekaṃ vaṅkadaṇḍakaṃ āharitvā nittacaṃ katvā kañjiyatelena makkhetvā aṅgārakapalle tāpetvā rukkhālake uppīḷetvā nivaṅkaṃ ujuṃ vālavijjhanayoggaṃ karoti, katvā ca pana rājarājamahāmattānaṃ sippaṃ dassetvā mahantaṃ sakkārasammānaṃ labhati, evameva medhāvī paṇḍito viññū puriso phandanādisabhāvametaṃ cittaṃ dhutaṅgāraññāvāsavasena, nittacaṃ apagataoḷārikakilesaṃ katvā saddhāsinehena temetvā kāyikacetasikavīriyena tāpetvā samathavipassanālake uppīḷetvā ujuṃ akuṭilaṃ nibbisevanaṃ karoti, katvā ca pana saṅkhāre sammasitvā mahantaṃ avijjakkhandhaṃ padāletvā, ‘‘tisso vijjā, cha abhiññā, nava lokuttaradhamme’’ti imaṃ visesaṃ hatthagatameva katvā aggadakkhiṇeyyabhāvaṃ labhati.

    ваариж̇оваад̇и мажчо вияа, т̇алз кид̇д̇од̇и хад̇т̇зна ваа баад̣̇зна ваа ж̇аалаад̣̇ийнам̣ ваа ан̃н̃ад̇арзна т̇алз чад̣д̣ид̇о. огамогад̇ауб̣бхад̇од̇и ‘‘огабун̣н̣зхи жийварзхий’’д̇и зд̇т̇а (махаава. 306) уд̣̇агам̣ огам̣, ‘‘огам̣ бахааяа анигзд̇асаарий’’д̇и зд̇т̇а (су. ни. 850) аалаяо, зд̇т̇а убхаяамби лаб̣бхад̇и. ‘‘огамогад̇ауб̣бхад̇о’’д̇и хи зд̇т̇а огамогад̇од̇и уд̣̇агасан̇каад̇аа аалаяаад̇и аяамад̇т̇о. уб̣бхад̇од̇и уд̣̇д̇хадо. барибпанд̣̇ад̇ид̣̇ам̣ жид̇д̇анд̇и яат̇аа со уд̣̇агаалаяад̇о уб̣бхад̇о т̇алз кид̇д̇о мажчо уд̣̇агам̣ алабханд̇о барибпанд̣̇ад̇и, звамид̣̇ам̣ бан̃жагаамаг̇ун̣аалаяаабхирад̇ам̣ жид̇д̇ам̣ д̇ад̇о уд̣̇д̇харид̇ваа маарад̇хзяяасан̇каад̇ам̣ ваддам̣ бахаад̇ум̣ вибассанаагаммадтаанз кид̇д̇ам̣ гааяигажзд̇асигавийриязна санд̇аабияамаанам̣ барибпанд̣̇ад̇и, сан̣таад̇ум̣ на саггод̇и. звам̣ санд̇зби д̇хурам̣ анигкибид̇ваа мзд̇хаавий буг̇г̇ало д̇ам̣ вуд̇д̇анаязнзва уж̇ум̣ гамманияам̣ гарод̇ийд̇и ад̇т̇о. абаро наяо – ид̣̇ам̣ маарад̇хзяяам̣ гилзсаваддам̣ авиж̇ахид̇ваа тид̇ам̣ жид̇д̇ам̣ со ваариж̇о вияа барибпанд̣̇ад̇и, д̇асмаа маарад̇хзяяам̣ бахаад̇авз, язна гилзсаваддасан̇каад̇зна маарад̇хзяязнзва барибпанд̣̇ад̇и, д̇ам̣ бахаад̇аб̣б̣анд̇и.

    Vārijovāti maccho viya, thale khittoti hatthena vā pādena vā jālādīnaṃ vā aññatarena thale chaḍḍito. Okamokataubbhatoti ‘‘okapuṇṇehi cīvarehī’’ti ettha (mahāva. 306) udakaṃ okaṃ, ‘‘okaṃ pahāya aniketasārī’’ti ettha (su. ni. 850) ālayo, ettha ubhayampi labbhati. ‘‘Okamokataubbhato’’ti hi ettha okamokatoti udakasaṅkhātā ālayāti ayamattho. Ubbhatoti uddhaṭo. Paripphandatidaṃ cittanti yathā so udakālayato ubbhato thale khitto maccho udakaṃ alabhanto paripphandati, evamidaṃ pañcakāmaguṇālayābhirataṃ cittaṃ tato uddharitvā māradheyyasaṅkhātaṃ vaṭṭaṃ pahātuṃ vipassanākammaṭṭhāne khittaṃ kāyikacetasikavīriyena santāpiyamānaṃ paripphandati, saṇṭhātuṃ na sakkoti. Evaṃ santepi dhuraṃ anikkhipitvā medhāvī puggalo taṃ vuttanayeneva ujuṃ kammaniyaṃ karotīti attho. Aparo nayo – idaṃ māradheyyaṃ kilesavaṭṭaṃ avijahitvā ṭhitaṃ cittaṃ so vārijo viya paripphandati, tasmā māradheyyaṃ pahātave, yena kilesavaṭṭasaṅkhātena māradheyyeneva paripphandati, taṃ pahātabbanti.

    г̇аат̇аабарияосаанз мзгхияад̇т̇зро сод̇аабад̇д̇ипалз бад̇идтид̇о, ан̃н̃зби б̣ахуу сод̇аабаннаад̣̇аяо ж̇аад̇аад̇и.

    Gāthāpariyosāne meghiyatthero sotāpattiphale patiṭṭhito, aññepi bahū sotāpannādayo jātāti.

    мзгхияад̇т̇зравад̇т̇у батамам̣.

    Meghiyattheravatthu paṭhamaṃ.

    2. ан̃н̃ад̇арабхигкувад̇т̇у

    2. Aññatarabhikkhuvatthu

    д̣̇унниг̇г̇ахасса лахунод̇и имам̣ д̇хаммад̣̇зсанам̣ сад̇т̇аа саавад̇т̇ияам̣ ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси.

    Dunniggahassalahunoti imaṃ dhammadesanaṃ satthā sāvatthiyaṃ jetavane viharanto aññataraṃ bhikkhuṃ ārabbha kathesi.

    госаларан̃н̃о гира виж̇ид̇з баб̣б̣ад̇абаад̣̇з маад̇игаг̇аамо наама зго гханаваасо г̇аамо ахоси. ат̇згад̣̇ивасам̣ садтимад̇д̇аа бхигкуу сад̇т̇у санд̇игз яаава арахад̇д̇аа гаммадтаанам̣ гат̇аабзд̇ваа д̇ам̣ г̇аамам̣ г̇анд̇ваа бин̣д̣ааяа бависим̣су. ат̇а нз яо д̇асса г̇аамасса саамиго маад̇иго наама, д̇асса маад̇аа д̣̇исваа г̇зхз нисийд̣̇аабзд̇ваа наанаг̇г̇арасзна яааг̇убхад̇д̇зна баривисид̇ваа, ‘‘бханд̇з, гад̇т̇а г̇анд̇угаамаа’’д̇и бужчи. ‘‘яат̇аа паасугадтаанам̣ махааубаасигз’’д̇и. саа ‘‘вассааваасадтаанам̣, аяяаа, бариязсанд̇и ман̃н̃з’’д̇и н̃ад̇ваа баад̣̇амуулз нибаж̇ж̇ид̇ваа, ‘‘сажз, аяяаа, имам̣ д̇змаасам̣ ид̇ха васиссанд̇и, ахам̣ д̇ийн̣и саран̣аани, бан̃жа сийлаани г̇ахзд̇ваа убосат̇агаммам̣ гариссаамий’’д̇и ааха. бхигкуу ‘‘маяам̣ имам̣ ниссааяа бхигкааяа агиламанд̇аа бхаваниссаран̣ам̣ гаад̇ум̣ сагкиссаамаа’’д̇и ад̇хиваасаяим̣су. саа д̇зсам̣ васанадтаанам̣ вихаарам̣ бадиж̇аг̇г̇ид̇ваа ад̣̇ааси.

    Kosalarañño kira vijite pabbatapāde mātikagāmo nāma eko ghanavāso gāmo ahosi. Athekadivasaṃ saṭṭhimattā bhikkhū satthu santike yāva arahattā kammaṭṭhānaṃ kathāpetvā taṃ gāmaṃ gantvā piṇḍāya pavisiṃsu. Atha ne yo tassa gāmassa sāmiko mātiko nāma, tassa mātā disvā gehe nisīdāpetvā nānaggarasena yāgubhattena parivisitvā, ‘‘bhante, kattha gantukāmā’’ti pucchi. ‘‘Yathā phāsukaṭṭhānaṃ mahāupāsike’’ti. Sā ‘‘vassāvāsaṭṭhānaṃ, ayyā, pariyesanti maññe’’ti ñatvā pādamūle nipajjitvā, ‘‘sace, ayyā, imaṃ temāsaṃ idha vasissanti, ahaṃ tīṇi saraṇāni, pañca sīlāni gahetvā uposathakammaṃ karissāmī’’ti āha. Bhikkhū ‘‘mayaṃ imaṃ nissāya bhikkhāya akilamantā bhavanissaraṇaṃ kātuṃ sakkhissāmā’’ti adhivāsayiṃsu. Sā tesaṃ vasanaṭṭhānaṃ vihāraṃ paṭijaggitvā adāsi.

    д̇з д̇ад̇т̇зва васанд̇аа згад̣̇ивасам̣ саннибад̇ид̇ваа ан̃н̃аман̃н̃ам̣ овад̣̇им̣су, ‘‘аавусо, амхзхи бамаад̣̇ажаарам̣ жарид̇ум̣ на ваддад̇и. амхааган̃хи сагаг̇зхам̣ вияа адта махаанираяаа вивадад̣̇ваарааязва, д̇харамаанагаб̣уд̣̇д̇хасса ко бана санд̇игз гаммадтаанам̣ г̇ахзд̇ваа маяам̣ ааг̇ад̇аа, б̣уд̣̇д̇хаа жа наама бад̣̇аанубад̣̇игам̣ вижаранд̇знааби сатзна аараад̇хзд̇ум̣ на саггаа, яат̇ааж̇жхаасаязнзва аараад̇хзд̇ум̣ саггаа, аббамад̇д̇аа хот̇а, д̣̇вийхи згадтаанз на таад̇аб̣б̣ам̣, на нисийд̣̇ид̇аб̣б̣ам̣, сааяам̣ ко бана т̇зруубадтаанагаалз баад̇ова бхигкаажаарагаалз згад̇о бхависсаама, сзсагаалз д̣̇вз згад̇о на бхависсаама, абижа ко бана апаасугзна бхигкунаа ааг̇анд̇ваа вихаарамаж̇жхз гхан̣д̣ияаа бахад̇ааяа гхан̣д̣исан̃н̃ааяа ааг̇анд̇ваа д̇асса бхзсаж̇ж̇ам̣ гариссаамаа’’д̇и.

    Te tattheva vasantā ekadivasaṃ sannipatitvā aññamaññaṃ ovadiṃsu, ‘‘āvuso, amhehi pamādacāraṃ carituṃ na vaṭṭati. Amhākañhi sakagehaṃ viya aṭṭha mahānirayā vivaṭadvārāyeva, dharamānakabuddhassa kho pana santike kammaṭṭhānaṃ gahetvā mayaṃ āgatā, buddhā ca nāma padānupadikaṃ vicarantenāpi saṭhena ārādhetuṃ na sakkā, yathājjhāsayeneva ārādhetuṃ sakkā, appamattā hotha, dvīhi ekaṭṭhāne na ṭhātabbaṃ, na nisīditabbaṃ, sāyaṃ kho pana therūpaṭṭhānakāle pātova bhikkhācārakāle ekato bhavissāma, sesakāle dve ekato na bhavissāma, apica kho pana aphāsukena bhikkhunā āgantvā vihāramajjhe ghaṇḍiyā pahatāya ghaṇḍisaññāya āgantvā tassa bhesajjaṃ karissāmā’’ti.

    д̇зсу звам̣ гад̇игам̣ гад̇ваа вихаранд̇зсу згад̣̇ивасам̣ саа убаасигаа саббид̇злапаан̣ид̇аад̣̇ийни г̇аахаабзд̇ваа д̣̇аасад̣̇аасигаммагараад̣̇ийхи баривуд̇аа сааяанхасамаяз д̇ам̣ вихаарам̣ г̇анд̇ваа вихаарамаж̇жхз бхигкуу ад̣̇исваа, ‘‘гахам̣ ну ко, аяяаа, г̇ад̇аа’’д̇и бурисз бужчид̇ваа, ‘‘ад̇д̇ано ад̇д̇ано рад̇д̇идтаанад̣̇иваадтаанзсу нисиннаа бхависсанд̇и, аяяз’’д̇и вуд̇д̇з, ‘‘гим̣ ну ко гад̇ваа д̣̇адтум̣ сагкиссаамий’’д̇и ааха. ат̇а нам̣ бхигкусан̇гхасса гад̇игавад̇д̇ам̣ ж̇аананамануссаа аахам̣су – ‘‘гхан̣д̣ияаа бахад̇ааяа саннибад̇иссанд̇и, аяяз’’д̇и. саа жа гхан̣д̣им̣ бахараабзси. бхигкуу гхан̣д̣исад̣̇д̣̇ам̣ суд̇ваа, ‘‘гассажи апаасугам̣ бхависсад̇ий’’д̇и сагасагадтаанзхи нигкамид̇ваа вихаарамаж̇жхз саннибад̇им̣су. д̣̇взби ж̇анаа згамаг̇г̇знааг̇ад̇аа наама над̇т̇и. убаасигаа згзгадтаанад̇о згзгамзва ааг̇ажчанд̇ам̣ д̣̇исваа, ‘‘мама буд̇д̇зхи ан̃н̃аман̃н̃ам̣ галахо гад̇о бхависсад̇ий’’д̇и жинд̇зд̇ваа бхигкусан̇гхам̣ ванд̣̇ид̇ваа бужчи – ‘‘галахам̣ ну ко, бханд̇з, гарид̇т̇аа’’д̇и? ‘‘на гарома, махааубаасигз’’д̇и. ‘‘сажз во, бханд̇з, галахо над̇т̇и, ат̇а гасмаа яат̇аа амхаагам̣ г̇зхам̣ ааг̇ажчанд̇аа саб̣б̣з згад̇ова ааг̇ажчат̇а, звам̣ анааг̇анд̇ваа згзгадтаанад̇о згзгаава ааг̇ад̇аа’’д̇и? ‘‘махааубаасигз, згзгасмим̣ таанз нисийд̣̇ид̇ваа саман̣ад̇хаммам̣ гаримхаа’’д̇и. ‘‘го зса , бханд̇з, саман̣ад̇хаммо наамаа’’д̇и? ‘‘д̣̇вад̇д̇им̣саагаарз саж̇жхааяам̣ гарома, ад̇д̇абхаавз жа каяаваяам̣ бадтабзма, махааубаасигз’’д̇и. ‘‘гим̣ бана, бханд̇з, д̣̇вад̇д̇им̣саагаарз саж̇жхааяам̣ гаад̇ум̣, ад̇д̇абхаавз жа каяаваяам̣ бадтабзд̇ум̣ д̇умхаагамзва ваддад̇и, уд̣̇ааху амхаагамбийд̇и, гассажиби аваарид̇о зса д̇хаммо, махааубаасигз’’д̇и. ‘‘д̇зна хи, бханд̇з, маяхамби д̣̇вад̇д̇им̣саагаарам̣ д̣̇зт̇а, ад̇д̇абхаавз жа каяаваяабадтабанам̣ аажигкат̇аа’’д̇и. ‘‘д̇зна хи уг̇г̇ан̣ха, махааубаасигз’’д̇и саб̣б̣ам̣ уг̇г̇ан̣хаабзсум̣.

    Tesu evaṃ katikaṃ katvā viharantesu ekadivasaṃ sā upāsikā sappitelaphāṇitādīni gāhāpetvā dāsadāsikammakarādīhi parivutā sāyanhasamaye taṃ vihāraṃ gantvā vihāramajjhe bhikkhū adisvā, ‘‘kahaṃ nu kho, ayyā, gatā’’ti purise pucchitvā, ‘‘attano attano rattiṭṭhānadivāṭṭhānesu nisinnā bhavissanti, ayye’’ti vutte, ‘‘kiṃ nu kho katvā daṭṭhuṃ sakkhissāmī’’ti āha. Atha naṃ bhikkhusaṅghassa katikavattaṃ jānanamanussā āhaṃsu – ‘‘ghaṇḍiyā pahatāya sannipatissanti, ayye’’ti. Sā ca ghaṇḍiṃ paharāpesi. Bhikkhū ghaṇḍisaddaṃ sutvā, ‘‘kassaci aphāsukaṃ bhavissatī’’ti sakasakaṭṭhānehi nikkhamitvā vihāramajjhe sannipatiṃsu. Dvepi janā ekamaggenāgatā nāma natthi. Upāsikā ekekaṭṭhānato ekekameva āgacchantaṃ disvā, ‘‘mama puttehi aññamaññaṃ kalaho kato bhavissatī’’ti cintetvā bhikkhusaṅghaṃ vanditvā pucchi – ‘‘kalahaṃ nu kho, bhante, karitthā’’ti? ‘‘Na karoma, mahāupāsike’’ti. ‘‘Sace vo, bhante, kalaho natthi, atha kasmā yathā amhākaṃ gehaṃ āgacchantā sabbe ekatova āgacchatha, evaṃ anāgantvā ekekaṭṭhānato ekekāva āgatā’’ti? ‘‘Mahāupāsike, ekekasmiṃ ṭhāne nisīditvā samaṇadhammaṃ karimhā’’ti. ‘‘Ko esa , bhante, samaṇadhammo nāmā’’ti? ‘‘Dvattiṃsākāre sajjhāyaṃ karoma, attabhāve ca khayavayaṃ paṭṭhapema, mahāupāsike’’ti. ‘‘Kiṃ pana, bhante, dvattiṃsākāre sajjhāyaṃ kātuṃ, attabhāve ca khayavayaṃ paṭṭhapetuṃ tumhākameva vaṭṭati, udāhu amhākampīti, kassacipi avārito esa dhammo, mahāupāsike’’ti. ‘‘Tena hi, bhante, mayhampi dvattiṃsākāraṃ detha, attabhāve ca khayavayapaṭṭhapanaṃ ācikkhathā’’ti. ‘‘Tena hi uggaṇha, mahāupāsike’’ti sabbaṃ uggaṇhāpesuṃ.

    саа д̇ад̇о бадтааяа д̣̇вад̇д̇им̣саагаарз саж̇жхааяам̣ гад̇ваа ад̇д̇ани каяаваяам̣ бадтабзд̇ваа д̇зхи бхигкуухи бурзд̇арамзва д̇аяо маг̇г̇з, д̇ийн̣и жа палаани баабун̣и. маг̇г̇знзва жассаа жад̇ассо бадисамбхид̣̇аа логияаабхин̃н̃аа жа ааг̇амим̣су. саа маг̇г̇апаласукад̇о вудтааяа д̣̇иб̣б̣ажагкунаа ологзд̇ваа, ‘‘гад̣̇аа ну ко мама буд̇д̇зхи аяам̣ д̇хаммо ад̇хиг̇ад̇о’’д̇и убад̇хаарзнд̇ий саб̣б̣збимз сарааг̇аа сад̣̇осаа самохаа жхаанавибассанаамад̇д̇амби д̇зсам̣ над̇т̇и, ‘‘гим̣ ну ко маяхам̣ буд̇д̇аанам̣ арахад̇д̇асса убаниссаяо ад̇т̇и, над̇т̇ий’’д̇и ааваж̇ж̇зд̇ваа, ‘‘ад̇т̇ий’’д̇и д̣̇исваа, ‘‘сзнаасанасаббааяам̣ ну ко ад̇т̇и, над̇т̇ий’’д̇и ааваж̇ж̇зд̇ваа д̇амби д̣̇исваа, ‘‘буг̇г̇аласаббааяам̣ ну ко лабханд̇и, на лабханд̇ий’’д̇и ааваж̇ж̇зси, буг̇г̇аласаббааяамби д̣̇исваа, ‘‘аахаарасаббааяам̣ ну ко лабханд̇и, на лабханд̇ий’’д̇и убад̇хаарзнд̇ий ‘‘аахаарасаббааяам̣ нзсам̣ над̇т̇ий’’д̇и д̣̇исваа д̇ад̇о бадтааяа наанаавид̇хам̣ яааг̇ум̣, анзгаббагаарам̣ каж̇ж̇агам̣, наанаг̇г̇арасан̃жа бхож̇анам̣ самбаад̣̇зд̇ваа г̇зхз бхигкуу нисийд̣̇аабзд̇ваа д̣̇агкин̣од̣̇агам̣ д̣̇ад̇ваа, ‘‘бханд̇з , д̇умхаагам̣ яам̣ яам̣ ружжад̇и, д̇ам̣ д̇ам̣ г̇ахзд̇ваа барибхун̃ж̇ат̇аа’’д̇и нияяаад̣̇зси. д̇з яат̇ааружи яааг̇уаад̣̇ийни г̇ахзд̇ваа барибхун̃ж̇анд̇и. д̇зсам̣ саббааяаахаарам̣ лабханд̇аанам̣ жид̇д̇ам̣ згаг̇г̇ам̣ ахоси.

    Sā tato paṭṭhāya dvattiṃsākāre sajjhāyaṃ katvā attani khayavayaṃ paṭṭhapetvā tehi bhikkhūhi puretarameva tayo magge, tīṇi ca phalāni pāpuṇi. Maggeneva cassā catasso paṭisambhidā lokiyaabhiññā ca āgamiṃsu. Sā maggaphalasukhato vuṭṭhāya dibbacakkhunā oloketvā, ‘‘kadā nu kho mama puttehi ayaṃ dhammo adhigato’’ti upadhārentī sabbepime sarāgā sadosā samohā jhānavipassanāmattampi tesaṃ natthi, ‘‘kiṃ nu kho mayhaṃ puttānaṃ arahattassa upanissayo atthi, natthī’’ti āvajjetvā, ‘‘atthī’’ti disvā, ‘‘senāsanasappāyaṃ nu kho atthi, natthī’’ti āvajjetvā tampi disvā, ‘‘puggalasappāyaṃ nu kho labhanti, na labhantī’’ti āvajjesi, puggalasappāyampi disvā, ‘‘āhārasappāyaṃ nu kho labhanti, na labhantī’’ti upadhārentī ‘‘āhārasappāyaṃ nesaṃ natthī’’ti disvā tato paṭṭhāya nānāvidhaṃ yāguṃ, anekappakāraṃ khajjakaṃ, nānaggarasañca bhojanaṃ sampādetvā gehe bhikkhū nisīdāpetvā dakkhiṇodakaṃ datvā, ‘‘bhante , tumhākaṃ yaṃ yaṃ ruccati, taṃ taṃ gahetvā paribhuñjathā’’ti niyyādesi. Te yathāruci yāguādīni gahetvā paribhuñjanti. Tesaṃ sappāyāhāraṃ labhantānaṃ cittaṃ ekaggaṃ ahosi.

    д̇з згаг̇г̇зна жид̇д̇зна вибассанам̣ вад̣дхзд̇ваа на жирассзва саха бадисамбхид̣̇аахи арахад̇д̇ам̣ бад̇ваа жинд̇аяим̣су – ‘‘ахо махааубаасигаа амхаагам̣ бад̇идтаа ж̇аад̇аа, сажз маяам̣ саббааяаахаарам̣ на лабхимха, на но маг̇г̇апалабадивзд̇хо абхависса, ид̣̇аани вудтавассаа баваарзд̇ваа сад̇т̇у санд̇игам̣ г̇амиссаамаа’’д̇и. д̇з ‘‘сад̇т̇аарам̣ д̣̇адтугаамамхаа’’д̇и махааубаасигам̣ аабужчим̣су. ‘‘махааубаасигаа саад̇ху, аяяаа’’д̇и. д̇з ануг̇анд̇ваа бунаби, ‘‘бханд̇з, амхз ологзяяаат̇аа’’д̇и б̣ахууни бияаважанаани вад̇ваа бадинивад̇д̇и. д̇зби ко бхигкуу саавад̇т̇им̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисиннаа ‘‘гажжи, бхигкавз, каманийяам̣, гажжи яаабанийяам̣, на жа бин̣д̣агзна гиламид̇т̇аа’’д̇и вуд̇д̇з ‘‘каманийяам̣, бханд̇з, яаабанийяам̣, бханд̇з, бин̣д̣агзна бана нзва гиламимха. амхааган̃хи маад̇игамаад̇аа наамзгаа убаасигаа жид̇д̇аажаарам̣ н̃ад̇ваа, ‘ахо вад̇а но зваруубам̣ наама аахаарам̣ бадияаад̣̇зяяаа’д̇и жинд̇ид̇з яат̇аажинд̇ид̇ам̣ аахаарам̣ бадияаад̣̇зд̇ваа ад̣̇аасий’’д̇и д̇ассаа г̇ун̣агат̇ам̣ гат̇аяим̣су.

    Te ekaggena cittena vipassanaṃ vaḍḍhetvā na cirasseva saha paṭisambhidāhi arahattaṃ patvā cintayiṃsu – ‘‘aho mahāupāsikā amhākaṃ patiṭṭhā jātā, sace mayaṃ sappāyāhāraṃ na labhimha, na no maggaphalapaṭivedho abhavissa, idāni vuṭṭhavassā pavāretvā satthu santikaṃ gamissāmā’’ti. Te ‘‘satthāraṃ daṭṭhukāmamhā’’ti mahāupāsikaṃ āpucchiṃsu. ‘‘Mahāupāsikā sādhu, ayyā’’ti. Te anugantvā punapi, ‘‘bhante, amhe olokeyyāthā’’ti bahūni piyavacanāni vatvā paṭinivatti. Tepi kho bhikkhū sāvatthiṃ gantvā satthāraṃ vanditvā ekamantaṃ nisinnā ‘‘kacci, bhikkhave, khamanīyaṃ, kacci yāpanīyaṃ, na ca piṇḍakena kilamitthā’’ti vutte ‘‘khamanīyaṃ, bhante, yāpanīyaṃ, bhante, piṇḍakena pana neva kilamimha. Amhākañhi mātikamātā nāmekā upāsikā cittācāraṃ ñatvā, ‘aho vata no evarūpaṃ nāma āhāraṃ paṭiyādeyyā’ti cintite yathācintitaṃ āhāraṃ paṭiyādetvā adāsī’’ti tassā guṇakathaṃ kathayiṃsu.

    ан̃н̃ад̇аро бхигку д̇ассаа г̇ун̣агат̇ам̣ суд̇ваа д̇ад̇т̇а г̇анд̇угаамо худ̇ваа сад̇т̇у санд̇игз гаммадтаанам̣ г̇ахзд̇ваа, ‘‘бханд̇з, д̇ам̣ г̇аамам̣ г̇амиссаамий’’д̇и сад̇т̇аарам̣ аабужчид̇ваа ж̇зд̇аванад̇о нигкамид̇ваа анубуб̣б̣зна д̇ам̣ г̇аамам̣ бад̇ваа вихаарам̣ бависанад̣̇ивасзязва жинд̇зси – ‘‘аяам̣ гира убаасигаа жинд̇ид̇ажинд̇ид̇ам̣ ж̇аанаад̇и, ахан̃жа маг̇г̇агиланд̇о вихаарам̣ бадиж̇аг̇г̇ид̇ум̣ на сагкиссаами, ахо вад̇а мз вихаарабадиж̇аг̇г̇агам̣ мануссам̣ бзсзяяаа’’д̇и. убаасигаа г̇зхз нисиннаава ааваж̇ж̇знд̇ий д̇амад̇т̇ам̣ н̃ад̇ваа, ‘‘г̇ажча, вихаарам̣ бадиж̇аг̇г̇ид̇ваа зхий’’д̇и мануссам̣ бзсзси. ид̇ароби баанийяам̣ бивид̇угаамо ‘‘ахо вад̇а мз сагкарабаанагам̣ гад̇ваа бзсзяяаа’’д̇и жинд̇зси. убаасигаа д̇амби бзсзси. со бунад̣̇ивасз ‘‘баад̇ова синид̣̇д̇хаяааг̇ум̣ мз сауд̇д̇арибхан̇г̇ам̣ бзсзд̇уу’’д̇и жинд̇зси. убаасигаа д̇ат̇аа агааси . со яааг̇ум̣ бивид̇ваа, ‘‘ахо вад̇а мз зваруубам̣ каж̇ж̇агам̣ бзсзяяаа’’д̇и жинд̇зси. убаасигаа д̇амби бзсзси. со жинд̇зси – ‘‘аяам̣ убаасигаа маяаа саб̣б̣ам̣ жинд̇ид̇ажинд̇ид̇ам̣ бзсзси, ахам̣ зд̇ам̣ д̣̇адтугаамо, ахо вад̇а мз наанаг̇г̇арасабхож̇анам̣ г̇аахаабзд̇ваа саяамзва ааг̇ажчзяяаа’’д̇и. убаасигаа ‘‘мама буд̇д̇о мам̣ д̣̇адтугаамо, ааг̇аманам̣ мз бажжаасийсад̇ий’’д̇и бхож̇анам̣ г̇аахаабзд̇ваа вихаарам̣ г̇анд̇ваа д̇асса ад̣̇ааси. со гад̇абхад̇д̇агижжо ‘‘маад̇игамаад̇аа наама д̇вам̣, махааубаасигз’’д̇и бужчи. ‘‘аама, д̇аад̇аа’’д̇и. ‘‘д̇вам̣ баражид̇д̇ам̣ ж̇аанаасий’’д̇и? ‘‘гим̣ мам̣ бужчаси, д̇аад̇аа’’д̇и? ‘‘маяаа жинд̇ид̇ажинд̇ид̇ам̣ саб̣б̣амагааси, д̇зна д̇ам̣ бужчаамий’’д̇и. ‘‘баражид̇д̇аж̇аананагабхигкуу б̣ахуу, д̇аад̇аа’’д̇и? ‘‘наахам̣ ан̃н̃з бужчаами, д̇увам̣ бужчаами, убаасигз’’д̇и. звам̣ санд̇зби убаасигаа ‘‘баражид̇д̇ам̣ ж̇аанаамий’’д̇и авад̇ваа ‘‘баражид̇д̇ам̣ ж̇аананд̇аа наама звам̣ гаронд̇и буд̇д̇аа’’д̇и ааха. со ‘‘бхаарияам̣ вад̇ид̣̇ам̣ гаммам̣, бут̇уж̇ж̇анаа наама собханамби асобханамби жинд̇знд̇и, сажаахам̣ гин̃жи аяуд̇д̇ам̣ жинд̇аяиссаами, саха бхан̣д̣агзна жорам̣ жуул̣ааяа г̇ан̣ханд̇ий вияа мам̣ виббагаарам̣ баабзяяа, маяаа ид̇о балааяид̇ум̣ ваддад̇ий’’д̇и жинд̇зд̇ваа, ‘‘убаасигз, ахам̣ г̇амиссаамий’’д̇и ааха. ‘‘гахам̣, аяяаа’’д̇и? ‘‘сад̇т̇у санд̇игам̣, убаасигз’’д̇и. ‘‘васат̇а д̇аава, бханд̇з, ид̇хаа’’д̇и. ‘‘на васиссаами, убаасигз, г̇амиссаамзваа’’д̇и нигкамид̇ваа сад̇т̇у санд̇игам̣ аг̇амааси. ат̇а нам̣ сад̇т̇аа ‘‘гим̣ бхигку на д̇вам̣ д̇ад̇т̇а васасий’’д̇и бужчи. ‘‘аама, бханд̇з, на саггаа д̇ад̇т̇а васид̇у’’нд̇и. ‘‘гим̣ гааран̣аа бхигкуу’’д̇и? ‘‘бханд̇з, саа убаасигаа жинд̇ид̇ажинд̇ид̇ам̣ саб̣б̣ам̣ ж̇аанаад̇и, бут̇уж̇ж̇анаа жа наама собханамби асобханамби жинд̇знд̇и, сажаахам̣ гин̃жи аяуд̇д̇ам̣ жинд̇зссаами, саха бхан̣д̣агзна жорам̣ жуул̣ааяа г̇ан̣ханд̇ий вияа мам̣ виббагаарам̣ баабзссад̇ий’’д̇и жинд̇зд̇ваа ааг̇ад̇омхийд̇и. ‘‘бхигку, д̇ад̇т̇зва д̇аяаа васид̇ум̣ ваддад̇ий’’д̇и , ‘‘на саггоми, бханд̇з, наахам̣ д̇ад̇т̇а васиссаамий’’д̇и. ‘‘д̇зна хи д̇вам̣, бхигку, згамзва рагкид̇ум̣ сагкиссасий’’д̇и. ‘‘гим̣, бханд̇з’’д̇и? ‘‘д̇ава жид̇д̇амзва рагка, жид̇д̇ам̣ наамзд̇ам̣ д̣̇урагкам̣, д̇вам̣ ад̇д̇ано жид̇д̇амзва ниг̇г̇ан̣ха, маа ан̃н̃ам̣ гин̃жи жинд̇аяи, жид̇д̇ам̣ наамзд̇ам̣ д̣̇унниг̇г̇аха’’нд̇и вад̇ваа имам̣ г̇аат̇амааха –

    Aññataro bhikkhu tassā guṇakathaṃ sutvā tattha gantukāmo hutvā satthu santike kammaṭṭhānaṃ gahetvā, ‘‘bhante, taṃ gāmaṃ gamissāmī’’ti satthāraṃ āpucchitvā jetavanato nikkhamitvā anupubbena taṃ gāmaṃ patvā vihāraṃ pavisanadivaseyeva cintesi – ‘‘ayaṃ kira upāsikā cintitacintitaṃ jānāti, ahañca maggakilanto vihāraṃ paṭijaggituṃ na sakkhissāmi, aho vata me vihārapaṭijaggakaṃ manussaṃ peseyyā’’ti. Upāsikā gehe nisinnāva āvajjentī tamatthaṃ ñatvā, ‘‘gaccha, vihāraṃ paṭijaggitvā ehī’’ti manussaṃ pesesi. Itaropi pānīyaṃ pivitukāmo ‘‘aho vata me sakkharapānakaṃ katvā peseyyā’’ti cintesi. Upāsikā tampi pesesi. So punadivase ‘‘pātova siniddhayāguṃ me sauttaribhaṅgaṃ pesetū’’ti cintesi. Upāsikā tathā akāsi . So yāguṃ pivitvā, ‘‘aho vata me evarūpaṃ khajjakaṃ peseyyā’’ti cintesi. Upāsikā tampi pesesi. So cintesi – ‘‘ayaṃ upāsikā mayā sabbaṃ cintitacintitaṃ pesesi, ahaṃ etaṃ daṭṭhukāmo, aho vata me nānaggarasabhojanaṃ gāhāpetvā sayameva āgaccheyyā’’ti. Upāsikā ‘‘mama putto maṃ daṭṭhukāmo, āgamanaṃ me paccāsīsatī’’ti bhojanaṃ gāhāpetvā vihāraṃ gantvā tassa adāsi. So katabhattakicco ‘‘mātikamātā nāma tvaṃ, mahāupāsike’’ti pucchi. ‘‘Āma, tātā’’ti. ‘‘Tvaṃ paracittaṃ jānāsī’’ti? ‘‘Kiṃ maṃ pucchasi, tātā’’ti? ‘‘Mayā cintitacintitaṃ sabbamakāsi, tena taṃ pucchāmī’’ti. ‘‘Paracittajānanakabhikkhū bahū, tātā’’ti? ‘‘Nāhaṃ aññe pucchāmi, tuvaṃ pucchāmi, upāsike’’ti. Evaṃ santepi upāsikā ‘‘paracittaṃ jānāmī’’ti avatvā ‘‘paracittaṃ jānantā nāma evaṃ karonti puttā’’ti āha. So ‘‘bhāriyaṃ vatidaṃ kammaṃ, puthujjanā nāma sobhanampi asobhanampi cintenti, sacāhaṃ kiñci ayuttaṃ cintayissāmi, saha bhaṇḍakena coraṃ cūḷāya gaṇhantī viya maṃ vippakāraṃ pāpeyya, mayā ito palāyituṃ vaṭṭatī’’ti cintetvā, ‘‘upāsike, ahaṃ gamissāmī’’ti āha. ‘‘Kahaṃ, ayyā’’ti? ‘‘Satthu santikaṃ, upāsike’’ti. ‘‘Vasatha tāva, bhante, idhā’’ti. ‘‘Na vasissāmi, upāsike, gamissāmevā’’ti nikkhamitvā satthu santikaṃ agamāsi. Atha naṃ satthā ‘‘kiṃ bhikkhu na tvaṃ tattha vasasī’’ti pucchi. ‘‘Āma, bhante, na sakkā tattha vasitu’’nti. ‘‘Kiṃ kāraṇā bhikkhū’’ti? ‘‘Bhante, sā upāsikā cintitacintitaṃ sabbaṃ jānāti, puthujjanā ca nāma sobhanampi asobhanampi cintenti, sacāhaṃ kiñci ayuttaṃ cintessāmi, saha bhaṇḍakena coraṃ cūḷāya gaṇhantī viya maṃ vippakāraṃ pāpessatī’’ti cintetvā āgatomhīti. ‘‘Bhikkhu, tattheva tayā vasituṃ vaṭṭatī’’ti , ‘‘na sakkomi, bhante, nāhaṃ tattha vasissāmī’’ti. ‘‘Tena hi tvaṃ, bhikkhu, ekameva rakkhituṃ sakkhissasī’’ti. ‘‘Kiṃ, bhante’’ti? ‘‘Tava cittameva rakkha, cittaṃ nāmetaṃ durakkhaṃ, tvaṃ attano cittameva niggaṇha, mā aññaṃ kiñci cintayi, cittaṃ nāmetaṃ dunniggaha’’nti vatvā imaṃ gāthamāha –

    35.

    35.

    ‘‘д̣̇унниг̇г̇ахасса лахуно, яад̇т̇агааманибаад̇ино;

    ‘‘Dunniggahassa lahuno, yatthakāmanipātino;

    жид̇д̇асса д̣̇амат̇о саад̇ху, жид̇д̇ам̣ д̣̇анд̇ам̣ сукааваха’’нд̇и.

    Cittassa damatho sādhu, cittaṃ dantaṃ sukhāvaha’’nti.

    д̇ад̇т̇а жид̇д̇ам̣ наамзд̇ам̣ д̣̇угкзна ниг̇г̇аяхад̇ийд̇и д̣̇унниг̇г̇ахам̣. лахум̣ уббаж̇ж̇ад̇и жа нируж̇жхад̇и жаад̇и лаху. д̇асса д̣̇унниг̇г̇ахасса лахуно. яад̇т̇агааманибаад̇инод̇и яад̇т̇а гад̇т̇ажид̣̇зва нибад̇анасийласса. зд̇ан̃хи лабхид̇аб̣б̣адтаанам̣ ваа алабхид̇аб̣б̣адтаанам̣ ваа яуд̇д̇адтаанам̣ ваа аяуд̇д̇адтаанам̣ ваа на ж̇аанаад̇и, нзва ж̇аад̇им̣ ологзд̇и, на г̇од̇д̇ам̣, на ваяам̣. яад̇т̇а яад̇т̇а ижчад̇и, д̇ад̇т̇а д̇ад̇т̇зва нибад̇ад̇ийд̇и ‘‘яад̇т̇агааманибаад̇ий’’д̇и вужжад̇и. д̇асса зваруубасса жид̇д̇асса д̣̇амат̇о саад̇ху жад̇уухи арияамаг̇г̇зхи д̣̇анд̇абхааво яат̇аа ниб̣б̣исзванам̣ ход̇и, д̇ат̇аа гад̇абхааво саад̇ху. гим̣ гааран̣аа? ид̣̇ан̃хи жид̇д̇ам̣ д̣̇анд̇ам̣ сукаавахам̣ ниб̣б̣исзванам̣ гад̇ам̣ маг̇г̇апаласукам̣ барамад̇т̇аниб̣б̣аанасукан̃жа аавахад̇ийд̇и.

    Tattha cittaṃ nāmetaṃ dukkhena niggayhatīti dunniggahaṃ. Lahuṃ uppajjati ca nirujjhati cāti lahu. Tassa dunniggahassa lahuno. Yatthakāmanipātinoti yattha katthacideva nipatanasīlassa. Etañhi labhitabbaṭṭhānaṃ vā alabhitabbaṭṭhānaṃ vā yuttaṭṭhānaṃ vā ayuttaṭṭhānaṃ vā na jānāti, neva jātiṃ oloketi, na gottaṃ, na vayaṃ. Yattha yattha icchati, tattha tattheva nipatatīti ‘‘yatthakāmanipātī’’ti vuccati. Tassa evarūpassa cittassa damatho sādhu catūhi ariyamaggehi dantabhāvo yathā nibbisevanaṃ hoti, tathā katabhāvo sādhu. Kiṃ kāraṇā? Idañhi cittaṃ dantaṃ sukhāvahaṃ nibbisevanaṃ kataṃ maggaphalasukhaṃ paramatthanibbānasukhañca āvahatīti.

    д̣̇зсанаабарияосаанз самбад̇д̇абарисааяа б̣ахуу сод̇аабаннаад̣̇аяо ахзсум̣, махааж̇анасса саад̇т̇игаа д̇хаммад̣̇зсанаа ж̇аад̇аад̇и.

    Desanāpariyosāne sampattaparisāya bahū sotāpannādayo ahesuṃ, mahājanassa sātthikā dhammadesanā jātāti.

    сад̇т̇аа д̇асса бхигкуно имам̣ оваад̣̇ам̣ д̣̇ад̇ваа, ‘‘г̇ажча, бхигку, ан̃н̃ам̣ гин̃жи ажинд̇аяид̇ваа д̇ад̇т̇зва васаахий’’д̇и бахин̣и. со бхигку сад̇т̇у санд̇игаа оваад̣̇ам̣ лабхид̇ваа д̇ад̇т̇а аг̇амааси. гин̃жи б̣ахид̣̇д̇хаа жинд̇анам̣ наама на жинд̇зси. махааубаасигааби д̣̇иб̣б̣зна жагкунаа ологзнд̇ий т̇зрам̣ д̣̇исваа, ‘‘ид̣̇аани оваад̣̇ад̣̇ааяагам̣ аажарияам̣ лабхид̇ваа бунааг̇ад̇о мама буд̇д̇о’’д̇и ад̇д̇ано н̃аан̣знзва барижчинд̣̇ид̇ваа д̇асса саббааяаахаарам̣ бадияаад̣̇зд̇ваа ад̣̇ааси. со саббааяабхож̇анам̣ сзвид̇ваа гад̇ибаахзнзва арахад̇д̇ам̣ бад̇ваа маг̇г̇апаласукзна вийд̇инаамзнд̇о ‘‘ахо махааубаасигаа маяхам̣ бад̇идтаа ж̇аад̇аа, ахам̣ имам̣ ниссааяа бхаваниссаран̣ам̣ бад̇д̇омхий’’д̇и жинд̇зд̇ваа, ‘‘имасмим̣ д̇аава мз ад̇д̇абхаавз бад̇идтаа ж̇аад̇аа, сам̣саарз бана мз сам̣саранд̇асса ан̃н̃зсуби ад̇д̇абхаавзсу аяам̣ бад̇идтаа бхууд̇абуб̣б̣аа, но’’д̇и убад̇хаарзнд̇о згуунаад̇д̇абхаавасад̇ам̣ ануссари. сааби згуунаад̇д̇абхаавасад̇з д̇асса баад̣̇абарижааригаа ан̃н̃зсу бадиб̣ад̣̇д̇хажид̇д̇аа худ̇ваа д̇ам̣ ж̇ийвид̇аа воробзси. т̇зро д̇ассаа зд̇д̇агам̣ аг̇ун̣ам̣ д̣̇исваа, ‘‘ахо маяам̣ махааубаасигаа бхаарияам̣ гаммам̣ агаасий’’д̇и жинд̇зси.

    Satthā tassa bhikkhuno imaṃ ovādaṃ datvā, ‘‘gaccha, bhikkhu, aññaṃ kiñci acintayitvā tattheva vasāhī’’ti pahiṇi. So bhikkhu satthu santikā ovādaṃ labhitvā tattha agamāsi. Kiñci bahiddhā cintanaṃ nāma na cintesi. Mahāupāsikāpi dibbena cakkhunā olokentī theraṃ disvā, ‘‘idāni ovādadāyakaṃ ācariyaṃ labhitvā punāgato mama putto’’ti attano ñāṇeneva paricchinditvā tassa sappāyāhāraṃ paṭiyādetvā adāsi. So sappāyabhojanaṃ sevitvā katipāheneva arahattaṃ patvā maggaphalasukhena vītināmento ‘‘aho mahāupāsikā mayhaṃ patiṭṭhā jātā, ahaṃ imaṃ nissāya bhavanissaraṇaṃ pattomhī’’ti cintetvā, ‘‘imasmiṃ tāva me attabhāve patiṭṭhā jātā, saṃsāre pana me saṃsarantassa aññesupi attabhāvesu ayaṃ patiṭṭhā bhūtapubbā, no’’ti upadhārento ekūnaattabhāvasataṃ anussari. Sāpi ekūnaattabhāvasate tassa pādaparicārikā aññesu paṭibaddhacittā hutvā taṃ jīvitā voropesi. Thero tassā ettakaṃ aguṇaṃ disvā, ‘‘aho mayaṃ mahāupāsikā bhāriyaṃ kammaṃ akāsī’’ti cintesi.

    махааубаасигааби г̇зхз нисиннаава ‘‘гим̣ ну ко маяхам̣ буд̇д̇асса баб̣б̣аж̇ид̇агижжам̣ мад̇д̇агам̣ бад̇д̇ам̣, но’’д̇и убад̇хаараяамаанаа д̇асса арахад̇д̇абад̇д̇им̣ н̃ад̇ваа уд̇д̇ари убад̇хаарияамаанаа, ‘‘мама буд̇д̇о арахад̇д̇ам̣ бад̇ваа ахо вад̇а мз аяам̣ убаасигаа махад̇ий бад̇идтаа ж̇аад̇аа’’д̇и жинд̇зд̇ваа, ‘‘ад̇ийд̇зби ну ко мз аяам̣ бад̇идтаа бхууд̇абуб̣б̣аа, но’’д̇и убад̇хаарзнд̇о згуунаад̇д̇абхаавасад̇ам̣ ануссари, ‘‘ахам̣ ко бана згуунаад̇д̇абхаавасад̇з ан̃н̃зхи сад̣̇д̇хим̣ згад̇о худ̇ваа зд̇ам̣ ж̇ийвид̇аа воробзсим̣, аяам̣ мз зд̇д̇агам̣ аг̇ун̣ам̣ д̣̇исваа ‘ахо бхаарияам̣ гаммам̣ гад̇ам̣ убаасигааяаа’’д̇и жинд̇зси. ‘‘ад̇т̇и ну ко звам̣ сам̣саарз сам̣саранд̇ияаа мама буд̇д̇асса убагааро гад̇абуб̣б̣о’’д̇и убад̇хаараяамаанаа д̇ад̇о уд̇д̇арим̣ сад̇амам̣ ад̇д̇абхаавам̣ ануссарид̇ваа сад̇амз ад̇д̇абхаавз маяаа зд̇асса баад̣̇абарижааригааяа худ̇ваа зд̇асмим̣ ж̇ийвид̇аа воробанадтаанз ж̇ийвид̇ад̣̇аанам̣ д̣̇иннам̣, ахо маяаа мама буд̇д̇асса махааубагааро гад̇абуб̣б̣о’’д̇и г̇зхз нисиннаава уд̇д̇арим̣ висзсзд̇ваа ‘‘убад̇хаарзт̇аа’’д̇и ааха. со д̣̇иб̣б̣ааяа сод̇ад̇хаад̇уяаа сад̣̇д̣̇ам̣ суд̇ваа висзсзд̇ваа сад̇амам̣ ад̇д̇абхаавам̣ ануссарид̇ваа д̇ад̇т̇а д̇ааяа ад̇д̇ано ж̇ийвид̇асса д̣̇иннабхаавам̣ д̣̇исваа, ‘‘ахо мама имааяа махааубаасигааяа убагааро гад̇абуб̣б̣о’’д̇и ад̇д̇амано худ̇ваа д̇ассаа д̇ад̇т̇зва жад̇уусу маг̇г̇апалзсу бан̃хам̣ гат̇зд̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣ааяийд̇и.

    Mahāupāsikāpi gehe nisinnāva ‘‘kiṃ nu kho mayhaṃ puttassa pabbajitakiccaṃ mattakaṃ pattaṃ, no’’ti upadhārayamānā tassa arahattapattiṃ ñatvā uttari upadhāriyamānā, ‘‘mama putto arahattaṃ patvā aho vata me ayaṃ upāsikā mahatī patiṭṭhā jātā’’ti cintetvā, ‘‘atītepi nu kho me ayaṃ patiṭṭhā bhūtapubbā, no’’ti upadhārento ekūnaattabhāvasataṃ anussari, ‘‘ahaṃ kho pana ekūnaattabhāvasate aññehi saddhiṃ ekato hutvā etaṃ jīvitā voropesiṃ, ayaṃ me ettakaṃ aguṇaṃ disvā ‘aho bhāriyaṃ kammaṃ kataṃ upāsikāyā’’ti cintesi. ‘‘Atthi nu kho evaṃ saṃsāre saṃsarantiyā mama puttassa upakāro katapubbo’’ti upadhārayamānā tato uttariṃ satamaṃ attabhāvaṃ anussaritvā satame attabhāve mayā etassa pādaparicārikāya hutvā etasmiṃ jīvitā voropanaṭṭhāne jīvitadānaṃ dinnaṃ, aho mayā mama puttassa mahāupakāro katapubbo’’ti gehe nisinnāva uttariṃ visesetvā ‘‘upadhārethā’’ti āha. So dibbāya sotadhātuyā saddaṃ sutvā visesetvā satamaṃ attabhāvaṃ anussaritvā tattha tāya attano jīvitassa dinnabhāvaṃ disvā, ‘‘aho mama imāya mahāupāsikāya upakāro katapubbo’’ti attamano hutvā tassā tattheva catūsu maggaphalesu pañhaṃ kathetvā anupādisesāya nibbānadhātuyā parinibbāyīti.

    ан̃н̃ад̇арабхигкувад̇т̇у д̣̇уд̇ияам̣.

    Aññatarabhikkhuvatthu dutiyaṃ.

    3. ан̃н̃ад̇араугган̣тид̇абхигкувад̇т̇у

    3. Aññataraukkaṇṭhitabhikkhuvatthu

    суд̣̇уд̣̇д̣̇асанд̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о ан̃н̃ад̇арам̣ угган̣тид̇абхигкум̣ аараб̣бха гат̇зси.

    Sududdasanti imaṃ dhammadesanaṃ satthā sāvatthiyaṃ viharanto aññataraṃ ukkaṇṭhitabhikkhuṃ ārabbha kathesi.

    сад̇т̇ари гира саавад̇т̇ияам̣ вихаранд̇з зго сздтибуд̇д̇о ад̇д̇ано гулуубаг̇ад̇т̇зрам̣ убасан̇гамид̇ваа, ‘‘бханд̇з, ахам̣ д̣̇угкаа мужжид̇угаамо, згам̣ мз д̣̇угкад̇о мужжанагааран̣ам̣ гат̇зт̇аа’’д̇и ааха. ‘‘саад̇хаавусо, сажзси д̣̇угкаа мужжид̇угаамо, салаагабхад̇д̇ам̣ д̣̇зхи, багкигабхад̇д̇ам̣ д̣̇зхи, вассааваасигам̣ д̣̇зхи, жийвараад̣̇аяо бажжаяз д̣̇зхи, ад̇д̇ано саабад̇зяяам̣ д̇аяо годтаасз гад̇ваа згзна гамманд̇ам̣ баяож̇зхи, згзна буд̇д̇ад̣̇аарам̣ босзхи, згам̣ б̣уд̣̇д̇хасаасанз д̣̇зхий’’д̇и ааха. со ‘‘саад̇ху, бханд̇з’’д̇и вуд̇д̇абадибаадияаа саб̣б̣ам̣ гад̇ваа буна т̇зрам̣ бужчи – ‘‘д̇ад̇о уд̇д̇арим̣ ан̃н̃ам̣ гим̣ гароми, бханд̇з’’д̇и? ‘‘аавусо, д̇ийн̣и саран̣аани г̇ан̣ха, бан̃жа сийлаани г̇ан̣хаахий’’д̇и. д̇ааниби бадиг̇г̇ахзд̇ваа д̇ад̇о уд̇д̇арим̣ бужчи. ‘‘д̇зна хи д̣̇аса сийлаани г̇ан̣хаахий’’д̇и. ‘‘саад̇ху, бханд̇з’’д̇и г̇ан̣хи. со звам̣ анубуб̣б̣зна бун̃н̃агаммасса гад̇ад̇д̇аа анубуб̣б̣асздтибуд̇д̇о наама ж̇аад̇о. д̇ад̇о ‘‘уд̇д̇аримби гад̇д̇аб̣б̣ам̣ ад̇т̇и, бханд̇з’’д̇и буна бужчид̇ваа, ‘‘д̇зна хи баб̣б̣аж̇аахий’’д̇и вуд̇д̇о нигкамид̇ваа баб̣б̣аж̇и. д̇ассзго аабхид̇хаммигабхигку аажарияо ахоси. зго винаяад̇харо убаж̇жхааяо. д̇асса лад̣̇д̇хуубасамбад̣̇асса аажарияо ад̇д̇ано санд̇игам̣ ааг̇ад̇агаалз абхид̇хаммз бан̃хам̣ гат̇зси – ‘‘б̣уд̣̇д̇хасаасанз наама ид̣̇ам̣ гаад̇ум̣ ваддад̇и, ид̣̇ам̣ на ваддад̇ий’’д̇и. убаж̇жхааяобисса ад̇д̇ано санд̇игам̣ ааг̇ад̇агаалз винаяз бан̃хам̣ гат̇зси – ‘‘б̣уд̣̇д̇хасаасанз наама ид̣̇ам̣ гаад̇ум̣ ваддад̇и, ид̣̇ам̣ на ваддад̇и, ид̣̇ам̣ габбад̇и, ид̣̇ам̣ на габбад̇ий’’д̇и. со жинд̇зси – ‘‘ахо бхаарияам̣ ид̣̇ам̣ гаммам̣, ахам̣ д̣̇угкаа мужжид̇угаамо баб̣б̣аж̇ид̇о, ид̇ха жа мама хад̇т̇абасааран̣адтаанамби на бан̃н̃ааяад̇и, г̇зхз тад̇ваава д̣̇угкаа мужжид̇ум̣ саггаа, маяаа г̇ихинаа бхавид̇ум̣ ваддад̇ий’’д̇и. со д̇ад̇о бадтааяа угган̣тид̇о анабхирад̇о д̣̇вад̇д̇им̣саагаарз саж̇жхааяам̣ на гарод̇и, уд̣̇д̣̇зсам̣ на г̇ан̣хаад̇и, гисо лууко д̇хаманисант̇ад̇аг̇ад̇д̇о аалассияаабхибхууд̇о гажчубаригин̣н̣о ахоси.

    Satthari kira sāvatthiyaṃ viharante eko seṭṭhiputto attano kulūpagattheraṃ upasaṅkamitvā, ‘‘bhante, ahaṃ dukkhā muccitukāmo, ekaṃ me dukkhato muccanakāraṇaṃ kathethā’’ti āha. ‘‘Sādhāvuso, sacesi dukkhā muccitukāmo, salākabhattaṃ dehi, pakkhikabhattaṃ dehi, vassāvāsikaṃ dehi, cīvarādayo paccaye dehi, attano sāpateyyaṃ tayo koṭṭhāse katvā ekena kammantaṃ payojehi, ekena puttadāraṃ posehi, ekaṃ buddhasāsane dehī’’ti āha. So ‘‘sādhu, bhante’’ti vuttapaṭipāṭiyā sabbaṃ katvā puna theraṃ pucchi – ‘‘tato uttariṃ aññaṃ kiṃ karomi, bhante’’ti? ‘‘Āvuso, tīṇi saraṇāni gaṇha, pañca sīlāni gaṇhāhī’’ti. Tānipi paṭiggahetvā tato uttariṃ pucchi. ‘‘Tena hi dasa sīlāni gaṇhāhī’’ti. ‘‘Sādhu, bhante’’ti gaṇhi. So evaṃ anupubbena puññakammassa katattā anupubbaseṭṭhiputto nāma jāto. Tato ‘‘uttarimpi kattabbaṃ atthi, bhante’’ti puna pucchitvā, ‘‘tena hi pabbajāhī’’ti vutto nikkhamitvā pabbaji. Tasseko ābhidhammikabhikkhu ācariyo ahosi. Eko vinayadharo upajjhāyo. Tassa laddhūpasampadassa ācariyo attano santikaṃ āgatakāle abhidhamme pañhaṃ kathesi – ‘‘buddhasāsane nāma idaṃ kātuṃ vaṭṭati, idaṃ na vaṭṭatī’’ti. Upajjhāyopissa attano santikaṃ āgatakāle vinaye pañhaṃ kathesi – ‘‘buddhasāsane nāma idaṃ kātuṃ vaṭṭati, idaṃ na vaṭṭati, idaṃ kappati, idaṃ na kappatī’’ti. So cintesi – ‘‘aho bhāriyaṃ idaṃ kammaṃ, ahaṃ dukkhā muccitukāmo pabbajito, idha ca mama hatthapasāraṇaṭṭhānampi na paññāyati, gehe ṭhatvāva dukkhā muccituṃ sakkā, mayā gihinā bhavituṃ vaṭṭatī’’ti. So tato paṭṭhāya ukkaṇṭhito anabhirato dvattiṃsākāre sajjhāyaṃ na karoti, uddesaṃ na gaṇhāti, kiso lūkho dhamanisanthatagatto ālassiyābhibhūto kacchuparikiṇṇo ahosi.

    ат̇а нам̣ д̣̇ахарасааман̣зраа, ‘‘аавусо, гим̣ д̇вам̣ тид̇адтаанз тид̇ова нисиннадтаанз нисиннова ахоси, бан̣д̣урог̇аабхибхууд̇о гисо лууко д̇хаманисант̇ад̇аг̇ад̇д̇о аалассияаабхибхууд̇о гажчубаригин̣н̣о, гим̣ д̇з гад̇а’’нд̇и бужчим̣су. ‘‘угган̣тид̇омхи, аавусо’’д̇и. ‘‘гим̣ гааран̣аа’’д̇и? со д̇ам̣ бавад̇д̇им̣ аарожзси. д̇з д̇асса аажарияубаж̇жхааяаанам̣ аажигким̣су. аажарияубаж̇жхааяаа д̇ам̣ аад̣̇ааяа сад̇т̇у санд̇игам̣ аг̇амам̣су. сад̇т̇аа ‘‘гим̣, бхигкавз, ааг̇ад̇ад̇т̇аа’’д̇и ааха. ‘‘бханд̇з, аяам̣ бхигку д̇умхаагам̣ саасанз угган̣тид̇о’’д̇и. ‘‘звам̣ гира бхигкуу’’д̇и. ‘‘аама, бханд̇з’’д̇и. ‘‘гим̣ гааран̣аа’’д̇и? ‘‘ахам̣, бханд̇з, д̣̇угкаа мужжид̇угаамова баб̣б̣аж̇ид̇о, д̇асса мз аажарияо абхид̇хаммагат̇ам̣ гат̇зси, убаж̇жхааяо винаяагат̇ам̣ гат̇зси, сваахам̣ ‘ид̇ха мз хад̇т̇абасааран̣адтаанамби над̇т̇и, г̇ихинаа худ̇ваа саггаа д̣̇угкаа мужжид̇ум̣, г̇ихи бхависсаамий’д̇и саннидтаанамагаасим̣, бханд̇з’’д̇и. ‘‘сажз д̇вам̣, бхигку, згамзва рагкид̇ум̣ сагкиссаси, авасзсаанам̣ рагканагижжам̣ над̇т̇ий’’д̇и. ‘‘гим̣, бханд̇з’’д̇и? ‘‘д̇ава жид̇д̇амзва рагкид̇ум̣ сагкиссасий’’д̇и. ‘‘сагкиссаами, бханд̇з’’д̇и. ‘‘д̇зна хи ад̇д̇ано жид̇д̇амзва рагкаахи, саггаа д̣̇угкаа мужжид̇у’’нд̇и имам̣ оваад̣̇ам̣ д̣̇ад̇ваа имам̣ г̇аат̇амааха –

    Atha naṃ daharasāmaṇerā, ‘‘āvuso, kiṃ tvaṃ ṭhitaṭṭhāne ṭhitova nisinnaṭṭhāne nisinnova ahosi, paṇḍurogābhibhūto kiso lūkho dhamanisanthatagatto ālassiyābhibhūto kacchuparikiṇṇo, kiṃ te kata’’nti pucchiṃsu. ‘‘Ukkaṇṭhitomhi, āvuso’’ti. ‘‘Kiṃ kāraṇā’’ti? So taṃ pavattiṃ ārocesi. Te tassa ācariyupajjhāyānaṃ ācikkhiṃsu. Ācariyupajjhāyā taṃ ādāya satthu santikaṃ agamaṃsu. Satthā ‘‘kiṃ, bhikkhave, āgatatthā’’ti āha. ‘‘Bhante, ayaṃ bhikkhu tumhākaṃ sāsane ukkaṇṭhito’’ti. ‘‘Evaṃ kira bhikkhū’’ti. ‘‘Āma, bhante’’ti. ‘‘Kiṃ kāraṇā’’ti? ‘‘Ahaṃ, bhante, dukkhā muccitukāmova pabbajito, tassa me ācariyo abhidhammakathaṃ kathesi, upajjhāyo vinayakathaṃ kathesi, svāhaṃ ‘idha me hatthapasāraṇaṭṭhānampi natthi, gihinā hutvā sakkā dukkhā muccituṃ, gihi bhavissāmī’ti sanniṭṭhānamakāsiṃ, bhante’’ti. ‘‘Sace tvaṃ, bhikkhu, ekameva rakkhituṃ sakkhissasi, avasesānaṃ rakkhanakiccaṃ natthī’’ti. ‘‘Kiṃ, bhante’’ti? ‘‘Tava cittameva rakkhituṃ sakkhissasī’’ti. ‘‘Sakkhissāmi, bhante’’ti. ‘‘Tena hi attano cittameva rakkhāhi, sakkā dukkhā muccitu’’nti imaṃ ovādaṃ datvā imaṃ gāthamāha –

    36.

    36.

    ‘‘суд̣̇уд̣̇д̣̇асам̣ сунибун̣ам̣, яад̇т̇агааманибаад̇инам̣;

    ‘‘Sududdasaṃ sunipuṇaṃ, yatthakāmanipātinaṃ;

    жид̇д̇ам̣ рагкзт̇а мзд̇хаавий, жид̇д̇ам̣ г̇уд̇д̇ам̣ сукааваха’’нд̇и.

    Cittaṃ rakkhetha medhāvī, cittaṃ guttaṃ sukhāvaha’’nti.

    д̇ад̇т̇а суд̣̇уд̣̇д̣̇асанд̇и судту д̣̇уд̣̇д̣̇асам̣. сунибун̣анд̇и судту нибун̣ам̣ барамасан̣хам̣. яад̇т̇агааманибаад̇инанд̇и ж̇аад̇иаад̣̇ийни анологзд̇ваа лабхид̇аб̣б̣аалабхид̇аб̣б̣аяуд̇д̇ааяуд̇д̇адтаанзсу яад̇т̇а гад̇т̇ажи нибад̇анасийлам̣. жид̇д̇ам̣ рагкзт̇а мзд̇хаавийд̇и анд̇хаб̣аало д̣̇уммзд̇хо ад̇д̇ано жид̇д̇ам̣ рагкид̇ум̣ самад̇т̇о наама над̇т̇и, жид̇д̇авасиго худ̇ваа анаяаб̣яасанам̣ баабун̣аад̇и. мзд̇хаавий бана бан̣д̣ид̇ова жид̇д̇ам̣ рагкид̇ум̣ саггод̇и, д̇асмаа д̇вамби жид̇д̇амзва г̇обзхи. ид̣̇ан̃хи жид̇д̇ам̣ г̇уд̇д̇ам̣ сукаавахам̣ маг̇г̇апаланиб̣б̣аанасукаани аавахад̇ийд̇и.

    Tattha sududdasanti suṭṭhu duddasaṃ. Sunipuṇanti suṭṭhu nipuṇaṃ paramasaṇhaṃ. Yatthakāmanipātinanti jātiādīni anoloketvā labhitabbālabhitabbayuttāyuttaṭṭhānesu yattha katthaci nipatanasīlaṃ. Cittaṃ rakkhetha medhāvīti andhabālo dummedho attano cittaṃ rakkhituṃ samattho nāma natthi, cittavasiko hutvā anayabyasanaṃ pāpuṇāti. Medhāvī pana paṇḍitova cittaṃ rakkhituṃ sakkoti, tasmā tvampi cittameva gopehi. Idañhi cittaṃ guttaṃ sukhāvahaṃ maggaphalanibbānasukhāni āvahatīti.

    д̣̇зсанаабарияосаанз со бхигку сод̇аабад̇д̇ипалам̣ баабун̣и, ан̃н̃зби б̣ахуу сод̇аабаннаад̣̇аяо ахзсум̣, д̣̇зсанаа махааж̇анасса саад̇т̇игаа ахосийд̇и.

    Desanāpariyosāne so bhikkhu sotāpattiphalaṃ pāpuṇi, aññepi bahū sotāpannādayo ahesuṃ, desanā mahājanassa sātthikā ahosīti.

    ан̃н̃ад̇араугган̣тид̇абхигкувад̇т̇у д̇ад̇ияам̣.

    Aññataraukkaṇṭhitabhikkhuvatthu tatiyaṃ.

    4. сан̇гхарагкид̇абхааг̇инзяяад̇т̇зравад̇т̇у

    4. Saṅgharakkhitabhāgineyyattheravatthu

    д̣̇ууран̇г̇аманд̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о сан̇гхарагкид̇ам̣ наама бхигкум̣ аараб̣бха гат̇зси.

    Dūraṅgamanti imaṃ dhammadesanaṃ satthā sāvatthiyaṃ viharanto saṅgharakkhitaṃ nāma bhikkhuṃ ārabbha kathesi.

    саавад̇т̇ияам̣ гирзго гулабуд̇д̇о сад̇т̇у д̇хаммад̣̇зсанам̣ суд̇ваа нигкамид̇ваа баб̣б̣аж̇ид̇о лад̣̇д̇хуубасамбад̣̇о сан̇гхарагкид̇ад̇т̇зро наама худ̇ваа гад̇ибаахзнзва арахад̇д̇ам̣ баабун̣и. д̇асса ганидтабхаг̇иний буд̇д̇ам̣ лабхид̇ваа т̇зрасса наамам̣ агааси. со бхааг̇инзяяасан̇гхарагкид̇о наама худ̇ваа ваяаббад̇д̇о т̇зрассзва санд̇игз баб̣б̣аж̇ид̇ваа лад̣̇д̇хуубасамбад̣̇о ан̃н̃ад̇арасмим̣ г̇аамагаараамз вассам̣ убаг̇анд̇ваа, ‘‘згам̣ сад̇д̇ахад̇т̇ам̣, згам̣ адтахад̇т̇а’’нд̇и д̣̇вз вассааваасигасаадагз лабхид̇ваа адтахад̇т̇ам̣ ‘‘убаж̇жхааяасса мз бхависсад̇ий’’д̇и саллагкзд̇ваа ‘‘сад̇д̇ахад̇т̇ам̣ маяхам̣ бхависсад̇ий’’д̇и жинд̇зд̇ваа вудтавассо ‘‘убаж̇жхааяам̣ бассиссаамий’’д̇и ааг̇ажчанд̇о анд̇араамаг̇г̇з бин̣д̣ааяа жаранд̇о ааг̇анд̇ваа т̇зрз вихаарам̣ анааг̇ад̇зязва вихаарам̣ бависид̇ваа т̇зрасса д̣̇иваадтаанам̣ саммаж̇ж̇ид̇ваа баад̣̇од̣̇агам̣ убадтабзд̇ваа аасанам̣ бан̃н̃абзд̇ваа ааг̇аманамаг̇г̇ам̣ ологзнд̇о нисийд̣̇и. ат̇ассааг̇аманабхаавам̣ д̣̇исваа бажжуг̇г̇аманам̣ гад̇ваа бад̇д̇ажийварам̣ бадиг̇г̇ахзд̇ваа, ‘‘нисийд̣̇ат̇а, бханд̇з’’д̇и т̇зрам̣ нисийд̣̇аабзд̇ваа д̇аалаван̣дам̣ аад̣̇ааяа б̣ийж̇ид̇ваа баанийяам̣ д̣̇ад̇ваа баад̣̇з д̇ховид̇ваа д̇ам̣ саадагам̣ аанзд̇ваа баад̣̇амуулз табзд̇ваа, ‘‘бханд̇з, имам̣ барибхун̃ж̇ат̇аа’’д̇и вад̇ваа б̣ийж̇аяамаано адтааси.

    Sāvatthiyaṃ kireko kulaputto satthu dhammadesanaṃ sutvā nikkhamitvā pabbajito laddhūpasampado saṅgharakkhitatthero nāma hutvā katipāheneva arahattaṃ pāpuṇi. Tassa kaniṭṭhabhaginī puttaṃ labhitvā therassa nāmaṃ akāsi. So bhāgineyyasaṅgharakkhito nāma hutvā vayappatto therasseva santike pabbajitvā laddhūpasampado aññatarasmiṃ gāmakārāme vassaṃ upagantvā, ‘‘ekaṃ sattahatthaṃ, ekaṃ aṭṭhahattha’’nti dve vassāvāsikasāṭake labhitvā aṭṭhahatthaṃ ‘‘upajjhāyassa me bhavissatī’’ti sallakkhetvā ‘‘sattahatthaṃ mayhaṃ bhavissatī’’ti cintetvā vuṭṭhavasso ‘‘upajjhāyaṃ passissāmī’’ti āgacchanto antarāmagge piṇḍāya caranto āgantvā there vihāraṃ anāgateyeva vihāraṃ pavisitvā therassa divāṭṭhānaṃ sammajjitvā pādodakaṃ upaṭṭhapetvā āsanaṃ paññapetvā āgamanamaggaṃ olokento nisīdi. Athassāgamanabhāvaṃ disvā paccuggamanaṃ katvā pattacīvaraṃ paṭiggahetvā, ‘‘nisīdatha, bhante’’ti theraṃ nisīdāpetvā tālavaṇṭaṃ ādāya bījitvā pānīyaṃ datvā pāde dhovitvā taṃ sāṭakaṃ ānetvā pādamūle ṭhapetvā, ‘‘bhante, imaṃ paribhuñjathā’’ti vatvā bījayamāno aṭṭhāsi.

    ат̇а нам̣ т̇зро ааха – ‘‘сан̇гхарагкид̇а, маяхам̣ жийварам̣ барибун̣н̣ам̣, д̇вамзва барибхун̃ж̇аа’’д̇и. ‘‘бханд̇з, маяаа лад̣̇д̇хагаалад̇о бадтааяа аяам̣ д̇умхаагамзва саллагкид̇о, барибхог̇ам̣ гарот̇аа’’д̇и. ‘‘ход̇у, сан̇гхарагкид̇а, барибун̣н̣ам̣ мз жийварам̣, д̇вамзва барибхун̃ж̇аа’’д̇и. ‘‘бханд̇з, маа звам̣ гарот̇а, д̇умхзхи барибхуд̇д̇з маяхам̣ махабпалам̣ бхависсад̇ий’’д̇и. ат̇а нам̣ д̇асса бунаббунам̣ гат̇знд̇ассаби т̇зро на ижчиязва.

    Atha naṃ thero āha – ‘‘saṅgharakkhita, mayhaṃ cīvaraṃ paripuṇṇaṃ, tvameva paribhuñjā’’ti. ‘‘Bhante, mayā laddhakālato paṭṭhāya ayaṃ tumhākameva sallakkhito, paribhogaṃ karothā’’ti. ‘‘Hotu, saṅgharakkhita, paripuṇṇaṃ me cīvaraṃ, tvameva paribhuñjā’’ti. ‘‘Bhante, mā evaṃ karotha, tumhehi paribhutte mayhaṃ mahapphalaṃ bhavissatī’’ti. Atha naṃ tassa punappunaṃ kathentassapi thero na icchiyeva.

    звам̣ со б̣ийж̇аяамаано тид̇ова жинд̇зси – ‘‘ахам̣ т̇зрасса г̇ихигаалз бхааг̇инзяяо, баб̣б̣аж̇ид̇агаалз сад̣̇д̇хивихаариго, звамби маяаа сад̣̇д̇хим̣ убаж̇жхааяо барибхог̇ам̣ на гад̇д̇угаамо. имасмим̣ маяаа сад̣̇д̇хим̣ барибхог̇ам̣ агаронд̇з гим̣ мз саман̣абхаавзна, г̇ихи бхависсаамий’’д̇и. ат̇асса зд̇ад̣̇ахоси – ‘‘д̣̇уссан̣таабид̇о гхарааваасо, гим̣ ну ко гад̇ваа г̇ихибхууд̇о ж̇ийвиссаамий’’д̇и. д̇ад̇о жинд̇зси – ‘‘адтахад̇т̇асаадагам̣ виггин̣ид̇ваа згам̣ зл̣игам̣ г̇ан̣хиссаами, зл̣игаа наама киббам̣ виж̇ааяад̇и, сваахам̣ виж̇аад̇ам̣ виж̇аад̇ам̣ виггин̣ид̇ваа муулам̣ гариссаами, муулз б̣ахуу гад̇ваа згам̣ баж̇аабад̇им̣ аанзссаами, саа згам̣ буд̇д̇ам̣ виж̇ааяиссад̇и. ат̇асса мама маад̇уласса наамам̣ гад̇ваа жуул̣аяаанагз нисийд̣̇аабзд̇ваа мама буд̇д̇ан̃жа бхарияан̃жа аад̣̇ааяа маад̇улам̣ ванд̣̇ид̇ум̣ ааг̇амиссаами, ааг̇ажчанд̇з анд̇араамаг̇г̇з мама бхарияам̣ звам̣ вагкаами – ‘аанзхи д̇аава мз буд̇д̇ам̣ вахиссаамина’нд̇и. саа ‘гим̣ д̇з буд̇д̇зна, зхи, имам̣ яаанагам̣ бааж̇зхий’д̇и вад̇ваа буд̇д̇ам̣ г̇ахзд̇ваа, ‘ахам̣ нзссаами на’нд̇и нзд̇ваа санд̇хаарзд̇ум̣ асаггонд̇ий жаггабат̇з чад̣д̣зссад̇и. ат̇асса сарийрам̣ абхирухид̇ваа жаггам̣ г̇амиссад̇и, ат̇а нам̣ ‘д̇вам̣ мама буд̇д̇ам̣ нзва маяхам̣ ад̣̇ааси, нам̣ санд̇хаарзд̇ум̣ наасагки наасид̇осми д̇аяаа’д̇и вад̇ваа бад̇од̣̇аяадтияаа бидтияам̣ бахариссаамий’’д̇и.

    Evaṃ so bījayamāno ṭhitova cintesi – ‘‘ahaṃ therassa gihikāle bhāgineyyo, pabbajitakāle saddhivihāriko, evampi mayā saddhiṃ upajjhāyo paribhogaṃ na kattukāmo. Imasmiṃ mayā saddhiṃ paribhogaṃ akaronte kiṃ me samaṇabhāvena, gihi bhavissāmī’’ti. Athassa etadahosi – ‘‘dussaṇṭhāpito gharāvāso, kiṃ nu kho katvā gihibhūto jīvissāmī’’ti. Tato cintesi – ‘‘aṭṭhahatthasāṭakaṃ vikkiṇitvā ekaṃ eḷikaṃ gaṇhissāmi, eḷikā nāma khippaṃ vijāyati, svāhaṃ vijātaṃ vijātaṃ vikkiṇitvā mūlaṃ karissāmi, mūle bahū katvā ekaṃ pajāpatiṃ ānessāmi, sā ekaṃ puttaṃ vijāyissati. Athassa mama mātulassa nāmaṃ katvā cūḷayānake nisīdāpetvā mama puttañca bhariyañca ādāya mātulaṃ vandituṃ āgamissāmi, āgacchante antarāmagge mama bhariyaṃ evaṃ vakkhāmi – ‘ānehi tāva me puttaṃ vahissāmina’nti. Sā ‘kiṃ te puttena, ehi, imaṃ yānakaṃ pājehī’ti vatvā puttaṃ gahetvā, ‘ahaṃ nessāmi na’nti netvā sandhāretuṃ asakkontī cakkapathe chaḍḍessati. Athassa sarīraṃ abhiruhitvā cakkaṃ gamissati, atha naṃ ‘tvaṃ mama puttaṃ neva mayhaṃ adāsi, naṃ sandhāretuṃ nāsakkhi nāsitosmi tayā’ti vatvā patodayaṭṭhiyā piṭṭhiyaṃ paharissāmī’’ti.

    со звам̣ жинд̇знд̇ова тад̇ваа б̣ийж̇аяамаано т̇зрасса сийсз д̇аалаван̣дзна бахари. т̇зро ‘‘гим̣ ну ко ахам̣ сан̇гхарагкид̇зна сийсз бахад̇о’’д̇и убад̇хаарзнд̇о д̇зна жинд̇ид̇ажинд̇ид̇ам̣ саб̣б̣ам̣ н̃ад̇ваа, ‘‘сан̇гхарагкид̇а, маад̇уг̇аамасса бахаарам̣ д̣̇аад̇ум̣ наасагки, го зд̇т̇а махаллагад̇т̇зрасса д̣̇осо’’д̇и ааха. со ‘‘ахо надтомхи, н̃аад̇ам̣ гира мз убаж̇жхааязна жинд̇ид̇ажинд̇ид̇ам̣, гим̣ мз саман̣абхаавзнаа’’д̇и д̇аалаван̣дам̣ чад̣д̣зд̇ваа балааяид̇ум̣ аарад̣̇д̇хо.

    So evaṃ cintentova ṭhatvā bījayamāno therassa sīse tālavaṇṭena pahari. Thero ‘‘kiṃ nu kho ahaṃ saṅgharakkhitena sīse pahato’’ti upadhārento tena cintitacintitaṃ sabbaṃ ñatvā, ‘‘saṅgharakkhita, mātugāmassa pahāraṃ dātuṃ nāsakkhi, ko ettha mahallakattherassa doso’’ti āha. So ‘‘aho naṭṭhomhi, ñātaṃ kira me upajjhāyena cintitacintitaṃ, kiṃ me samaṇabhāvenā’’ti tālavaṇṭaṃ chaḍḍetvā palāyituṃ āraddho.

    ат̇а нам̣ д̣̇ахараа жа сааман̣зраа жа ануб̣анд̇хид̇ваа аад̣̇ааяа сад̇т̇у санд̇игам̣ аг̇амам̣су. сад̇т̇аа д̇з бхигкуу д̣̇исваава ‘‘гим̣, бхигкавз, ааг̇ад̇ад̇т̇а, зго во бхигку лад̣̇д̇хо’’д̇и бужчи. ‘‘аама, бханд̇з, имам̣ д̣̇ахарам̣ угган̣тид̇ваа балааяанд̇ам̣ г̇ахзд̇ваа д̇умхаагам̣ санд̇игам̣ ааг̇ад̇амхаа’’д̇и. ‘‘звам̣ гира бхигкуу’’д̇и? ‘‘аама, бханд̇з’’д̇и. ‘‘гимад̇т̇ам̣ д̇з бхигку звам̣ бхаарияам̣ гаммам̣ гад̇ам̣, нану д̇вам̣ аарад̣̇д̇хавийрияасса згасса б̣уд̣̇д̇хасса буд̇д̇о, маад̣̇исасса наама б̣уд̣̇д̇хасса саасанз баб̣б̣аж̇ид̇ваа ад̇д̇аанам̣ д̣̇амзд̇ваа сод̇аабаннод̇и ваа сагад̣̇ааг̇аамийд̇и ваа анааг̇аамийд̇и ваа арахаад̇и ваа вад̣̇аабзд̇ум̣ наасагки, гимад̇т̇ам̣ звам̣ бхаарияам̣ гаммамагаасий’’д̇и? ‘‘угган̣тид̇осми, бханд̇з’’д̇и. ‘‘гим̣ гааран̣аа угган̣тид̇осий’’д̇и? со звам̣ вассааваасигасаадагаанам̣ лад̣̇д̇хад̣̇ивасад̇о бадтааяа яаава т̇зрасса д̇аалаван̣дзна бахаараа саб̣б̣ам̣ д̇ам̣ бавад̇д̇им̣ аарожзд̇ваа, ‘‘иминаа гааран̣зна балаад̇осми, бханд̇з’’д̇и ааха. ат̇а нам̣ сад̇т̇аа ‘‘зхи бхигку, маа жинд̇аяи жид̇д̇ам̣ наамзд̇ам̣ д̣̇уурз хонд̇амби аарамман̣ам̣ самбадижчанагаж̇аад̇игам̣, рааг̇ад̣̇осамохаб̣анд̇ханаа мужжанад̇т̇ааяа вааяамид̇ум̣ ваддад̇ий’’д̇и вад̇ваа имам̣ г̇аат̇амааха –

    Atha naṃ daharā ca sāmaṇerā ca anubandhitvā ādāya satthu santikaṃ agamaṃsu. Satthā te bhikkhū disvāva ‘‘kiṃ, bhikkhave, āgatattha, eko vo bhikkhu laddho’’ti pucchi. ‘‘Āma, bhante, imaṃ daharaṃ ukkaṇṭhitvā palāyantaṃ gahetvā tumhākaṃ santikaṃ āgatamhā’’ti. ‘‘Evaṃ kira bhikkhū’’ti? ‘‘Āma, bhante’’ti. ‘‘Kimatthaṃ te bhikkhu evaṃ bhāriyaṃ kammaṃ kataṃ, nanu tvaṃ āraddhavīriyassa ekassa buddhassa putto, mādisassa nāma buddhassa sāsane pabbajitvā attānaṃ dametvā sotāpannoti vā sakadāgāmīti vā anāgāmīti vā arahāti vā vadāpetuṃ nāsakkhi, kimatthaṃ evaṃ bhāriyaṃ kammamakāsī’’ti? ‘‘Ukkaṇṭhitosmi, bhante’’ti. ‘‘Kiṃ kāraṇā ukkaṇṭhitosī’’ti? So evaṃ vassāvāsikasāṭakānaṃ laddhadivasato paṭṭhāya yāva therassa tālavaṇṭena pahārā sabbaṃ taṃ pavattiṃ ārocetvā, ‘‘iminā kāraṇena palātosmi, bhante’’ti āha. Atha naṃ satthā ‘‘ehi bhikkhu, mā cintayi cittaṃ nāmetaṃ dūre hontampi ārammaṇaṃ sampaṭicchanakajātikaṃ, rāgadosamohabandhanā muccanatthāya vāyamituṃ vaṭṭatī’’ti vatvā imaṃ gāthamāha –

    37.

    37.

    ‘‘д̣̇ууран̇г̇амам̣ згажарам̣, асарийрам̣ г̇ухаасаяам̣;

    ‘‘Dūraṅgamaṃ ekacaraṃ, asarīraṃ guhāsayaṃ;

    яз жид̇д̇ам̣ сам̣яамзссанд̇и, могканд̇и маараб̣анд̇ханаа’’д̇и.

    Ye cittaṃ saṃyamessanti, mokkhanti mārabandhanā’’ti.

    д̇ад̇т̇а д̣̇ууран̇г̇аманд̇и жид̇д̇асса хи маггадасуд̇д̇амад̇д̇агамби бурад̇т̇имаад̣̇ид̣̇исаабхааг̇зна г̇аманааг̇аманам̣ наама над̇т̇и, д̣̇уурз санд̇амби бана аарамман̣ам̣ самбадижчад̇ийд̇и д̣̇ууран̇г̇амам̣ наама ж̇аад̇ам̣. сад̇д̇адтажид̇д̇аани бана згад̇о ган̣н̣игаб̣ад̣̇д̇хаани згагкан̣з уббаж̇ж̇ид̇ум̣ самад̇т̇аани наама над̇т̇и. уббад̇д̇игаалз згзгамзва жид̇д̇ам̣ уббаж̇ж̇ад̇и, д̇асмим̣ нируд̣̇д̇хз буна згзгамзва уббаж̇ж̇ад̇ийд̇и згажарам̣ наама ж̇аад̇ам̣. жид̇д̇асса сарийрасан̣таанам̣ ваа нийлаад̣̇иббагааро ван̣н̣абхзд̣̇о ваа над̇т̇ийд̇и асарийрам̣ наама ж̇аад̇ам̣. г̇ухаа наама жад̇умахаабхууд̇аг̇ухаа, ид̣̇ан̃жа хад̣̇аяаруубам̣ ниссааяа бавад̇д̇ад̇ийд̇и г̇ухаасаяам̣ наама ж̇аад̇ам̣. яз жид̇д̇анд̇и яз гзжи бурисаа ваа ид̇т̇ияо ваа г̇ахадтаа ваа баб̣б̣аж̇ид̇аа ваа ануббаж̇ж̇анагагилзсасса уббаж̇ж̇ид̇ум̣ ад̣̇знд̇аа сад̇исаммосзна уббаннагилзсам̣ баж̇аханд̇аа жид̇д̇ам̣ сам̣яамзссанд̇и сам̣яад̇ам̣ авигкид̇д̇ам̣ гариссанд̇и. могканд̇и маараб̣анд̇ханаад̇и саб̣б̣зд̇з гилзсаб̣анд̇ханаабхаавзна маараб̣анд̇ханасан̇каад̇аа д̇збхуумагаваддаа мужжиссанд̇ийд̇и.

    Tattha dūraṅgamanti cittassa hi makkaṭasuttamattakampi puratthimādidisābhāgena gamanāgamanaṃ nāma natthi, dūre santampi pana ārammaṇaṃ sampaṭicchatīti dūraṅgamaṃ nāma jātaṃ. Sattaṭṭhacittāni pana ekato kaṇṇikabaddhāni ekakkhaṇe uppajjituṃ samatthāni nāma natthi. Uppattikāle ekekameva cittaṃ uppajjati, tasmiṃ niruddhe puna ekekameva uppajjatīti ekacaraṃ nāma jātaṃ. Cittassa sarīrasaṇṭhānaṃ vā nīlādippakāro vaṇṇabhedo vā natthīti asarīraṃ nāma jātaṃ. Guhā nāma catumahābhūtaguhā, idañca hadayarūpaṃ nissāya pavattatīti guhāsayaṃ nāma jātaṃ. Ye cittanti ye keci purisā vā itthiyo vā gahaṭṭhā vā pabbajitā vā anuppajjanakakilesassa uppajjituṃ adentā satisammosena uppannakilesaṃ pajahantā cittaṃ saṃyamessanti saṃyataṃ avikkhittaṃ karissanti. Mokkhanti mārabandhanāti sabbete kilesabandhanābhāvena mārabandhanasaṅkhātā tebhūmakavaṭṭā muccissantīti.

    д̣̇зсанаабарияосаанз бхааг̇инзяяасан̇гхарагкид̇ад̇т̇зро сод̇аабад̇д̇ипалам̣ баабун̣и, ан̃н̃зби б̣ахуу сод̇аабаннаад̣̇аяо ж̇аад̇аа, махааж̇анасса саад̇т̇игаа д̇хаммад̣̇зсанаа ахосийд̇и.

    Desanāpariyosāne bhāgineyyasaṅgharakkhitatthero sotāpattiphalaṃ pāpuṇi, aññepi bahū sotāpannādayo jātā, mahājanassa sātthikā dhammadesanā ahosīti.

    сан̇гхарагкид̇абхааг̇инзяяад̇т̇зравад̇т̇у жад̇уд̇т̇ам̣.

    Saṅgharakkhitabhāgineyyattheravatthu catutthaṃ.

    5. жид̇д̇ахад̇т̇ад̇т̇зравад̇т̇у

    5. Cittahatthattheravatthu

    анавадтид̇ажид̇д̇ассаад̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о жид̇д̇ахад̇т̇ад̇т̇зрам̣ аараб̣бха гат̇зси.

    Anavaṭṭhitacittassāti imaṃ dhammadesanaṃ satthā sāvatthiyaṃ viharanto cittahatthattheraṃ ārabbha kathesi.

    зго гира саавад̇т̇иваасий гулабуд̇д̇о надтаг̇он̣ам̣ бариязсанд̇о аран̃н̃ам̣ бависид̇ваа маж̇жханхигз гаалз г̇он̣ам̣ д̣̇исваа г̇ояуут̇з виссаж̇ж̇зд̇ваа, ‘‘авассам̣ аяяаанам̣ санд̇игз аахаарамад̇д̇ам̣ лабхиссаамий’’д̇и куббибаасаабийл̣ид̇о вихаарам̣ бависид̇ваа бхигкуунам̣ санд̇игам̣ г̇анд̇ваа ванд̣̇ид̇ваа згаманд̇ам̣ нисийд̣̇и. д̇асмим̣ ко бана самаяз бхигкуунам̣ аваггаарабаад̇ияам̣ бхуд̇д̇аавасзсагам̣ бхад̇д̇ам̣ ход̇и, д̇з д̇ам̣ чаад̇агабийл̣ид̇ам̣ д̣̇исваа, ‘‘ид̇о бхад̇д̇ам̣ г̇ахзд̇ваа бхун̃ж̇аахий’’д̇и вад̣̇им̣су. б̣уд̣̇д̇хагаалз жа бана анзгасуубаб̣яан̃ж̇анам̣ бхад̇д̇ам̣ уббаж̇ж̇ад̇и, со д̇ад̇о яаабанамад̇д̇ам̣ г̇ахзд̇ваа бхун̃ж̇ид̇ваа баанийяам̣ бивид̇ваа хад̇т̇з д̇ховид̇ваа бхигкуу ванд̣̇ид̇ваа, ‘‘гим̣, бханд̇з, аж̇ж̇а, аяяаа, ниманд̇анадтаанам̣ аг̇амам̣суу’’д̇и бужчи. ‘‘над̇т̇и, убаасага, бхигкуу иминаава нийхаарзна ниб̣ад̣̇д̇хам̣ лабханд̇ий’’д̇и. со ‘‘маяам̣ удтааяа самудтааяа рад̇д̇инд̣̇ивам̣ ниб̣ад̣̇д̇хам̣ гаммам̣ гаронд̇ааби звам̣ мад̇хураб̣яан̃ж̇анам̣ бхад̇д̇ам̣ на лабхаама, имз гира ниб̣ад̣̇д̇хам̣ бхун̃ж̇анд̇и, гим̣ мз г̇ихибхаавзна, бхигку бхависсаамий’’д̇и жинд̇зд̇ваа бхигкуу убасан̇гамид̇ваа баб̣б̣аж̇ж̇ам̣ яаажи. ат̇а нам̣ бхигкуу ‘‘саад̇ху убаасагаа’’д̇и баб̣б̣ааж̇зсум̣.

    Eko kira sāvatthivāsī kulaputto naṭṭhagoṇaṃ pariyesanto araññaṃ pavisitvā majjhanhike kāle goṇaṃ disvā goyūthe vissajjetvā, ‘‘avassaṃ ayyānaṃ santike āhāramattaṃ labhissāmī’’ti khuppipāsāpīḷito vihāraṃ pavisitvā bhikkhūnaṃ santikaṃ gantvā vanditvā ekamantaṃ nisīdi. Tasmiṃ kho pana samaye bhikkhūnaṃ avakkārapātiyaṃ bhuttāvasesakaṃ bhattaṃ hoti, te taṃ chātakapīḷitaṃ disvā, ‘‘ito bhattaṃ gahetvā bhuñjāhī’’ti vadiṃsu. Buddhakāle ca pana anekasūpabyañjanaṃ bhattaṃ uppajjati, so tato yāpanamattaṃ gahetvā bhuñjitvā pānīyaṃ pivitvā hatthe dhovitvā bhikkhū vanditvā, ‘‘kiṃ, bhante, ajja, ayyā, nimantanaṭṭhānaṃ agamaṃsū’’ti pucchi. ‘‘Natthi, upāsaka, bhikkhū imināva nīhārena nibaddhaṃ labhantī’’ti. So ‘‘mayaṃ uṭṭhāya samuṭṭhāya rattindivaṃ nibaddhaṃ kammaṃ karontāpi evaṃ madhurabyañjanaṃ bhattaṃ na labhāma, ime kira nibaddhaṃ bhuñjanti, kiṃ me gihibhāvena, bhikkhu bhavissāmī’’ti cintetvā bhikkhū upasaṅkamitvā pabbajjaṃ yāci. Atha naṃ bhikkhū ‘‘sādhu upāsakā’’ti pabbājesuṃ.

    со лад̣̇д̇хуубасамбад̣̇о саб̣б̣аббагаарам̣ вад̇д̇абадивад̇д̇ам̣ агааси. со б̣уд̣̇д̇хаанам̣ уббаннзна лаабхасаггаарзна гад̇ибаахажжаязна т̇ууласарийро ахоси. д̇ад̇о жинд̇зси – ‘‘гим̣ мз бхигкааяа жарид̇ваа ж̇ийвид̇зна, г̇ихий бхависсаамий’’д̇и. со виб̣бхамид̇ваа г̇зхам̣ баависи. д̇асса г̇зхз гаммам̣ гаронд̇асса гад̇ибаахзнзва сарийрам̣ милааяи. д̇ад̇о ‘‘гим̣ мз иминаа д̣̇угкзна, саман̣о бхависсаамий’’д̇и жинд̇зд̇ваа буна г̇анд̇ваа баб̣б̣аж̇и. со гад̇ибаахам̣ вийд̇инаамзд̇ваа буна угган̣тид̇ваа виб̣бхами, баб̣б̣аж̇ид̇агаалз бана бхигкуунам̣ убагаараго ход̇и. со гад̇ибаахзнзва бунаби угган̣тид̇ваа, ‘‘гим̣ мз г̇ихибхаавзна, баб̣б̣аж̇иссаамий’’д̇и г̇анд̇ваа бхигкуу ванд̣̇ид̇ваа баб̣б̣аж̇ж̇ам̣ яаажи. ат̇а нам̣ бхигкуу убагааравасзна буна баб̣б̣ааж̇аяим̣су. звам̣ со иминаа нияаамзнзва чагкад̇д̇ум̣ баб̣б̣аж̇ид̇ваа уббаб̣б̣аж̇ид̇о. д̇асса бхигкуу ‘‘зса жид̇д̇авасиго худ̇ваа вижарад̇ий’’д̇и жид̇д̇ахад̇т̇ад̇т̇зрод̇и наамам̣ гарим̣су.

    So laddhūpasampado sabbappakāraṃ vattapaṭivattaṃ akāsi. So buddhānaṃ uppannena lābhasakkārena katipāhaccayena thūlasarīro ahosi. Tato cintesi – ‘‘kiṃ me bhikkhāya caritvā jīvitena, gihī bhavissāmī’’ti. So vibbhamitvā gehaṃ pāvisi. Tassa gehe kammaṃ karontassa katipāheneva sarīraṃ milāyi. Tato ‘‘kiṃ me iminā dukkhena, samaṇo bhavissāmī’’ti cintetvā puna gantvā pabbaji. So katipāhaṃ vītināmetvā puna ukkaṇṭhitvā vibbhami, pabbajitakāle pana bhikkhūnaṃ upakārako hoti. So katipāheneva punapi ukkaṇṭhitvā, ‘‘kiṃ me gihibhāvena, pabbajissāmī’’ti gantvā bhikkhū vanditvā pabbajjaṃ yāci. Atha naṃ bhikkhū upakāravasena puna pabbājayiṃsu. Evaṃ so iminā niyāmeneva chakkhattuṃ pabbajitvā uppabbajito. Tassa bhikkhū ‘‘esa cittavasiko hutvā vicaratī’’ti cittahatthattheroti nāmaṃ kariṃsu.

    д̇ассзвам̣ абараабарам̣ вижаранд̇ассзва бхарияаа г̇аб̣бхиний ахоси. со сад̇д̇амз ваарз аран̃н̃ад̇о гасибхан̣д̣амаад̣̇ааяа г̇зхам̣ г̇анд̇ваа бхан̣д̣агам̣ табзд̇ваа ‘‘ад̇д̇ано гаасаавам̣ г̇ан̣хиссаамий’’д̇и г̇аб̣бхам̣ баависи . д̇асмим̣ кан̣з д̇асса бхарияаа нибаж̇ж̇ид̇ваа нид̣̇д̣̇ааяад̇и. д̇ассаа нивад̇т̇асаадаго абаг̇ад̇о ход̇и, мукад̇о жа лаалаа баг̇гхарад̇и, наасаа гхурагхурааяад̇и, мукам̣ виваддам̣, д̣̇анд̇ам̣ гхам̣сад̇и, саа д̇асса уд̣̇д̇хумаад̇агасарийрам̣ вияа убадтааси. со ‘‘анижжам̣ д̣̇угкам̣ ид̣̇а’’нд̇и сан̃н̃ам̣ лабхид̇ваа, ‘‘ахам̣ зд̇д̇агам̣ гаалам̣ баб̣б̣аж̇ид̇ваа имам̣ ниссааяа бхигкубхаавз сан̣таад̇ум̣ наасагки’’нд̇и гаасааяагодияам̣ г̇ахзд̇ваа уд̣̇арз б̣анд̇хид̇ваа г̇зхаа нигками.

    Tassevaṃ aparāparaṃ vicarantasseva bhariyā gabbhinī ahosi. So sattame vāre araññato kasibhaṇḍamādāya gehaṃ gantvā bhaṇḍakaṃ ṭhapetvā ‘‘attano kāsāvaṃ gaṇhissāmī’’ti gabbhaṃ pāvisi . Tasmiṃ khaṇe tassa bhariyā nipajjitvā niddāyati. Tassā nivatthasāṭako apagato hoti, mukhato ca lālā paggharati, nāsā ghuraghurāyati, mukhaṃ vivaṭṭaṃ, dantaṃ ghaṃsati, sā tassa uddhumātakasarīraṃ viya upaṭṭhāsi. So ‘‘aniccaṃ dukkhaṃ ida’’nti saññaṃ labhitvā, ‘‘ahaṃ ettakaṃ kālaṃ pabbajitvā imaṃ nissāya bhikkhubhāve saṇṭhātuṃ nāsakkhi’’nti kāsāyakoṭiyaṃ gahetvā udare bandhitvā gehā nikkhami.

    ат̇асса ананд̇араг̇зхз тид̇аа сассу д̇ам̣ д̇ат̇аа г̇ажчанд̇ам̣ д̣̇исваа, ‘‘аяам̣ бадиугган̣тид̇о бхависсад̇и, ид̣̇аанзва аран̃н̃ад̇о ааг̇анд̇ваа гаасаавам̣ уд̣̇арз б̣анд̇хид̇ваава г̇зхаа нигканд̇о вихаараабхимуко г̇ажчад̇и, гим̣ ну ко’’д̇и г̇зхам̣ бависид̇ваа нид̣̇д̣̇ааяамаанам̣ д̇хийд̇арам̣ бассид̇ваа ‘‘имам̣ д̣̇исваа со виббадисаарий худ̇ваа г̇ад̇о’’д̇и н̃ад̇ваа д̇хийд̇арам̣ бахарид̇ваа ‘‘удтзхи гаал̣аган̣н̣и, саамиго д̇з д̇ам̣ нид̣̇д̣̇ааяамаанам̣ д̣̇исваа виббадисаарий худ̇ваа г̇ад̇о, над̇т̇и со ид̇о бадтааяа д̇уяха’’нд̇и ааха. ‘‘абзхи абзхи, амма, гуд̇о д̇асса г̇аманам̣ ад̇т̇и, гад̇ибаахзнзва бунааг̇амиссад̇ий’’д̇и ааха. соби ‘‘анижжам̣ д̣̇угка’’нд̇и вад̇ваа г̇ажчанд̇о г̇ажчанд̇ова сод̇аабад̇д̇ипалам̣ баабун̣и. со г̇анд̇ваа бхигкуу ванд̣̇ид̇ваа баб̣б̣аж̇ж̇ам̣ яаажи. ‘‘на сагкиссаама мам̣яам̣ д̇ам̣ баб̣б̣ааж̇зд̇ум̣, гуд̇о д̇уяхам̣ саман̣абхааво, сад̇т̇аганисаанабаасаан̣асад̣̇исам̣ д̇ава сийса’’нд̇и. ‘‘бханд̇з, ид̣̇аани мам̣ анугамбааяа згаваарам̣ баб̣б̣ааж̇зт̇аа’’д̇и. д̇з д̇ам̣ убагааравасзна баб̣б̣ааж̇аяим̣су. со гад̇ибаахзнзва саха бадисамбхид̣̇аахи арахад̇д̇ам̣ баабун̣и.

    Athassa anantaragehe ṭhitā sassu taṃ tathā gacchantaṃ disvā, ‘‘ayaṃ paṭiukkaṇṭhito bhavissati, idāneva araññato āgantvā kāsāvaṃ udare bandhitvāva gehā nikkhanto vihārābhimukho gacchati, kiṃ nu kho’’ti gehaṃ pavisitvā niddāyamānaṃ dhītaraṃ passitvā ‘‘imaṃ disvā so vippaṭisārī hutvā gato’’ti ñatvā dhītaraṃ paharitvā ‘‘uṭṭhehi kāḷakaṇṇi, sāmiko te taṃ niddāyamānaṃ disvā vippaṭisārī hutvā gato, natthi so ito paṭṭhāya tuyha’’nti āha. ‘‘Apehi apehi, amma, kuto tassa gamanaṃ atthi, katipāheneva punāgamissatī’’ti āha. Sopi ‘‘aniccaṃ dukkha’’nti vatvā gacchanto gacchantova sotāpattiphalaṃ pāpuṇi. So gantvā bhikkhū vanditvā pabbajjaṃ yāci. ‘‘Na sakkhissāma maṃyaṃ taṃ pabbājetuṃ, kuto tuyhaṃ samaṇabhāvo, satthakanisānapāsāṇasadisaṃ tava sīsa’’nti. ‘‘Bhante, idāni maṃ anukampāya ekavāraṃ pabbājethā’’ti. Te taṃ upakāravasena pabbājayiṃsu. So katipāheneva saha paṭisambhidāhi arahattaṃ pāpuṇi.

    д̇зби нам̣ аахам̣су – ‘‘аавусо жид̇д̇ахад̇т̇а, д̇ава г̇аманасамаяам̣ д̇вамзва ж̇аанзяяааси, имасмим̣ ваарз д̇з жирааяид̇а’’нд̇и. ‘‘бханд̇з, сам̣саг̇г̇асса ад̇т̇ибхаавагаалз г̇ад̇амхаа, со но сам̣саг̇г̇о чинно, ид̣̇аани аг̇аманад̇хаммаа ж̇аад̇амхаа’’д̇и. бхигкуу сад̇т̇у санд̇игам̣ г̇анд̇ваа, ‘‘бханд̇з, аяам̣ бхигку амхзхи звам̣ вуд̇д̇о звам̣ наама гат̇зси, ан̃н̃ам̣ б̣яаагарод̇и, абхууд̇ам̣ вад̣̇ад̇ий’’д̇и аахам̣су. сад̇т̇аа ‘‘аама, бхигкавз, мама буд̇д̇о ад̇д̇ано анавадтид̇ажид̇д̇агаалз сад̣̇д̇хаммам̣ аж̇аананагаалз г̇аманааг̇аманам̣ агааси, ид̣̇аанисса бун̃н̃ан̃жа баабан̃жа бахийна’’нд̇и вад̇ваа имаа д̣̇вз г̇аат̇аа ааха –

    Tepi naṃ āhaṃsu – ‘‘āvuso cittahattha, tava gamanasamayaṃ tvameva jāneyyāsi, imasmiṃ vāre te cirāyita’’nti. ‘‘Bhante, saṃsaggassa atthibhāvakāle gatamhā, so no saṃsaggo chinno, idāni agamanadhammā jātamhā’’ti. Bhikkhū satthu santikaṃ gantvā, ‘‘bhante, ayaṃ bhikkhu amhehi evaṃ vutto evaṃ nāma kathesi, aññaṃ byākaroti, abhūtaṃ vadatī’’ti āhaṃsu. Satthā ‘‘āma, bhikkhave, mama putto attano anavaṭṭhitacittakāle saddhammaṃ ajānanakāle gamanāgamanaṃ akāsi, idānissa puññañca pāpañca pahīna’’nti vatvā imā dve gāthā āha –

    38.

    38.

    ‘‘анавадтид̇ажид̇д̇асса, сад̣̇д̇хаммам̣ авиж̇аанад̇о;

    ‘‘Anavaṭṭhitacittassa, saddhammaṃ avijānato;

    бариблавабасаад̣̇асса, бан̃н̃аа на барибуурад̇и.

    Pariplavapasādassa, paññā na paripūrati.

    39.

    39.

    ‘‘анавассуд̇ажид̇д̇асса, ананваахад̇ажзд̇асо;

    ‘‘Anavassutacittassa, ananvāhatacetaso;

    бун̃н̃абаабабахийнасса, над̇т̇и ж̇ааг̇арад̇о бхаяа’’нд̇и.

    Puññapāpapahīnassa, natthi jāgarato bhaya’’nti.

    д̇ад̇т̇а анавадтид̇ажид̇д̇ассаад̇и жид̇д̇ам̣ наамзд̇ам̣ гассажи ниб̣ад̣̇д̇хам̣ ваа т̇ааварам̣ ваа над̇т̇и. яо бана буг̇г̇ало ассабидтз табид̇агумбхан̣д̣ам̣ вияа жа т̇усараасимхи годдид̇акаан̣уго вияа жа каллаадасийсз табид̇агад̣̇амб̣абубпам̣ вияа жа на гад̇т̇ажи сан̣таад̇и, гад̣̇аажи б̣уд̣̇д̇хасааваго ход̇и, гад̣̇аажи ааж̇ийваго, гад̣̇аажи ниг̇ан̣то, гад̣̇аажи д̇аабасо. зваруубо буг̇г̇ало анавадтид̇ажид̇д̇о наама. д̇асса анавадтид̇ажид̇д̇асса. сад̣̇д̇хаммам̣ авиж̇аанад̇од̇и сад̇д̇ад̇им̣саб̣од̇хибагкияад̇хаммабхзд̣̇ам̣ имам̣ сад̣̇д̇хаммам̣ авиж̇аананд̇асса барид̇д̇асад̣̇д̇хад̇ааяа ваа ублавасад̣̇д̇хад̇ааяа ваа бариблавабасаад̣̇асса гаамааважараруубааважараад̣̇ибхзд̣̇аа бан̃н̃аа на барибуурад̇и. гаамааважарааяаби абарибуураяамаанааяа гуд̇ова руубааважарааруубааважаралогуд̇д̇арабан̃н̃аа барибууриссад̇ийд̇и д̣̇ийбзд̇и. анавассуд̇ажид̇д̇ассаад̇и рааг̇зна ад̇инд̇ажид̇д̇асса. ананваахад̇ажзд̇асод̇и ‘‘аахад̇ажид̇д̇о килаж̇аад̇о’’д̇и (д̣̇ий. ни. 3.319; вибха. 941; ма. ни. 1.185) ааг̇ад̇адтаанз д̣̇осзна жид̇д̇асса бахад̇абхааво вуд̇д̇о, ид̇ха бана д̣̇осзна аббадихад̇ажид̇д̇ассаад̇и ад̇т̇о. бун̃н̃абаабабахийнассаад̇и жад̇уд̇т̇амаг̇г̇зна бахийнабун̃н̃асса жзва бахийнабаабасса жа кийн̣аасавасса. над̇т̇и ж̇ааг̇арад̇о бхаяанд̇и кийн̣аасавасса ж̇ааг̇аранд̇ассзва абхаяабхааво гат̇ид̇о вияа. со бана сад̣̇д̇хаад̣̇ийхи бан̃жахи ж̇ааг̇арад̇хаммзхи саманнааг̇ад̇ад̇д̇аа ж̇ааг̇аро наама. д̇асмаа д̇асса ж̇ааг̇аранд̇ассааби аж̇ааг̇аранд̇ассааби гилзсабхаяам̣ над̇т̇и гилзсаанам̣ абажчаавад̇д̇анад̇о. на хи д̇ам̣ гилзсаа ануб̣анд̇ханд̇и д̇зна д̇зна маг̇г̇зна бахийнаанам̣ гилзсаанам̣ буна анубаг̇аманад̇о. д̇знзвааха – ‘‘сод̇аабад̇д̇имаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇и, сагад̣̇ааг̇аамианааг̇аамиарахад̇д̇амаг̇г̇зна яз гилзсаа бахийнаа, д̇з гилзсз на бунзд̇и на бажжзд̇и на бажжааг̇ажчад̇ий’’д̇и (жуул̣ани. мзд̇д̇аг̇уумаан̣авабужчаанид̣̇д̣̇зса 27).

    Tattha anavaṭṭhitacittassāti cittaṃ nāmetaṃ kassaci nibaddhaṃ vā thāvaraṃ vā natthi. Yo pana puggalo assapiṭṭhe ṭhapitakumbhaṇḍaṃ viya ca thusarāsimhi koṭṭitakhāṇuko viya ca khallāṭasīse ṭhapitakadambapupphaṃ viya ca na katthaci saṇṭhāti, kadāci buddhasāvako hoti, kadāci ājīvako, kadāci nigaṇṭho, kadāci tāpaso. Evarūpo puggalo anavaṭṭhitacitto nāma. Tassa anavaṭṭhitacittassa. Saddhammaṃ avijānatoti sattatiṃsabodhipakkhiyadhammabhedaṃ imaṃ saddhammaṃ avijānantassa parittasaddhatāya vā uplavasaddhatāya vā pariplavapasādassa kāmāvacararūpāvacarādibhedā paññā na paripūrati. Kāmāvacarāyapi aparipūrayamānāya kutova rūpāvacarārūpāvacaralokuttarapaññā paripūrissatīti dīpeti. Anavassutacittassāti rāgena atintacittassa. Ananvāhatacetasoti ‘‘āhatacitto khilajāto’’ti (dī. ni. 3.319; vibha. 941; ma. ni. 1.185) āgataṭṭhāne dosena cittassa pahatabhāvo vutto, idha pana dosena appaṭihatacittassāti attho. Puññapāpapahīnassāti catutthamaggena pahīnapuññassa ceva pahīnapāpassa ca khīṇāsavassa. Natthi jāgarato bhayanti khīṇāsavassa jāgarantasseva abhayabhāvo kathito viya. So pana saddhādīhi pañcahi jāgaradhammehi samannāgatattā jāgaro nāma. Tasmā tassa jāgarantassāpi ajāgarantassāpi kilesabhayaṃ natthi kilesānaṃ apacchāvattanato. Na hi taṃ kilesā anubandhanti tena tena maggena pahīnānaṃ kilesānaṃ puna anupagamanato. Tenevāha – ‘‘sotāpattimaggena ye kilesā pahīnā, te kilese na puneti na pacceti na paccāgacchati, sakadāgāmianāgāmiarahattamaggena ye kilesā pahīnā, te kilese na puneti na pacceti na paccāgacchatī’’ti (cūḷani. mettagūmāṇavapucchāniddesa 27).

    д̣̇зсанаа махааж̇анасса саад̇т̇игаа сапалаа ахоси.

    Desanā mahājanassa sātthikā saphalā ahosi.

    ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘бхаарияаа вад̇имз, аавусо, гилзсаа наама, зваруубасса арахад̇д̇асса убаниссааяасамбанно гулабуд̇д̇о гилзсзхи аалол̣ид̇о сад̇д̇аваарз г̇ихий худ̇ваа сад̇д̇аваарз баб̣б̣аж̇ид̇о’’д̇и. сад̇т̇аа д̇зсам̣ д̇ам̣ гат̇аабавад̇д̇им̣ суд̇ваа д̇ан̇кан̣аануруубзна г̇аманзна д̇хаммасабхам̣ г̇анд̇ваа б̣уд̣̇д̇хаасанз нисинно ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа, ‘‘имааяа наамаа’’д̇и вуд̇д̇з звамзва, бхигкавз, гилзсаа наама бхаарияаа, сажз зд̇з руубино худ̇ваа гад̇т̇ажи багкибид̇ум̣ саггаа бхавзяяум̣, жаггаваал̣ам̣ ад̇исамб̣аад̇хам̣, б̣рахмалого ад̇инийжагод̇и огаасо нзсам̣ на бхавзяяа, маад̣̇исамби наамзд̇з бан̃н̃аасамбаннам̣ бурисааж̇аанзяяам̣ аалол̣знд̇и, авасзсзсу гаа гат̇аа? ‘‘ахан̃хи ад̣дханаал̣имад̇д̇ам̣ варагажорагам̣ гун̣тагуд̣̇аалан̃жа ниссааяа ча ваарз баб̣б̣аж̇ид̇ваа уббаб̣б̣аж̇ид̇абуб̣б̣о’’д̇и. ‘‘гад̣̇аа, бханд̇з, гад̣̇аа суг̇ад̇аа’’д̇и? ‘‘сун̣иссат̇а, бхигкавз’’д̇и. ‘‘аама, бханд̇з’’д̇и. ‘‘д̇зна хи сун̣аат̇аа’’д̇и ад̇ийд̇ам̣ аахари –

    Athekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘bhāriyā vatime, āvuso, kilesā nāma, evarūpassa arahattassa upanissāyasampanno kulaputto kilesehi āloḷito sattavāre gihī hutvā sattavāre pabbajito’’ti. Satthā tesaṃ taṃ kathāpavattiṃ sutvā taṅkhaṇānurūpena gamanena dhammasabhaṃ gantvā buddhāsane nisinno ‘‘kāya nuttha, bhikkhave, etarahi kathāya sannisinnā’’ti pucchitvā, ‘‘imāya nāmā’’ti vutte evameva, bhikkhave, kilesā nāma bhāriyā, sace ete rūpino hutvā katthaci pakkhipituṃ sakkā bhaveyyuṃ, cakkavāḷaṃ atisambādhaṃ, brahmaloko atinīcakoti okāso nesaṃ na bhaveyya, mādisampi nāmete paññāsampannaṃ purisājāneyyaṃ āloḷenti, avasesesu kā kathā? ‘‘Ahañhi aḍḍhanāḷimattaṃ varakacorakaṃ kuṇṭhakudālañca nissāya cha vāre pabbajitvā uppabbajitapubbo’’ti. ‘‘Kadā, bhante, kadā sugatā’’ti? ‘‘Suṇissatha, bhikkhave’’ti. ‘‘Āma, bhante’’ti. ‘‘Tena hi suṇāthā’’ti atītaṃ āhari –

    ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з гуд̣̇аалабан̣д̣ид̇о наама б̣аахирагабаб̣б̣аж̇ж̇ам̣ баб̣б̣аж̇ид̇ваа адта маасз химаванд̇з васид̇ваа вассаарад̇д̇асамаяз бхуумияаа д̇инд̇ааяа ‘‘г̇зхз мз ад̣дханаал̣имад̇д̇о варагажораго жа гун̣тагуд̣̇аалаго жа ад̇т̇и, варагажорагаб̣ийж̇ам̣ маа нассий’’д̇и уббаб̣б̣аж̇ид̇ваа згам̣ таанам̣ гуд̣̇аалзна гасид̇ваа д̇ам̣ б̣ийж̇ам̣ вабид̇ваа вад̇им̣ гад̇ваа баггагаалз уд̣̇д̇харид̇ваа наал̣имад̇д̇аб̣ийж̇ам̣ табзд̇ваа сзсам̣ каад̣̇и. со ‘‘гим̣ мз д̣̇аани г̇зхзна, буна адта маасз баб̣б̣аж̇иссаамий’’д̇и жинд̇зд̇ваа нигкамид̇ваа баб̣б̣аж̇и. иминаава нийхаарзна наал̣имад̇д̇ам̣ варагажораган̃жа гун̣тагуд̣̇аалан̃жа ниссааяа сад̇д̇аваарз г̇ихий худ̇ваа сад̇д̇аваарз баб̣б̣аж̇ид̇ваа сад̇д̇амз бана ваарз жинд̇зси – ‘‘ахам̣ ча ваарз имам̣ гун̣тагуд̣̇аалам̣ ниссааяа г̇ихий худ̇ваа баб̣б̣аж̇ид̇о, гад̇т̇ажид̣̇зва нам̣ чад̣д̣зссаамий’’д̇и. со г̇ан̇г̇ааяа д̇ийрам̣ г̇анд̇ваа, ‘‘бад̇ид̇адтаанам̣ бассанд̇о од̇арид̇ваа г̇ан̣хзяяам̣, яат̇аасса бад̇ид̇адтаанам̣ на бассаами, д̇ат̇аа нам̣ чад̣д̣зссаамий’’д̇и жинд̇зд̇ваа наал̣имад̇д̇ам̣ б̣ийж̇ам̣ билод̇игааяа б̣анд̇хид̇ваа билод̇игам̣ гуд̣̇аалапалагз б̣анд̇хид̇ваа гуд̣̇аалам̣ аг̇г̇ад̣̇ан̣д̣агз г̇ахзд̇ваа г̇ан̇г̇ааяа д̇ийрз тид̇о агкийни нимийлзд̇ваа убарисийсз д̇игкад̇д̇ум̣ аавиж̇жхид̇ваа г̇ан̇г̇ааяам̣ кибид̇ваа нивад̇д̇ид̇ваа ологзнд̇о бад̇ид̇адтаанам̣ ад̣̇исваа ‘‘ж̇ид̇ам̣ мз, ж̇ид̇ам̣ мз’’д̇и д̇игкад̇д̇ум̣ сад̣̇д̣̇амагааси.

    Atīte bārāṇasiyaṃ brahmadatte rajjaṃ kārente kudālapaṇḍito nāma bāhirakapabbajjaṃ pabbajitvā aṭṭha māse himavante vasitvā vassārattasamaye bhūmiyā tintāya ‘‘gehe me aḍḍhanāḷimatto varakacorako ca kuṇṭhakudālako ca atthi, varakacorakabījaṃ mā nassī’’ti uppabbajitvā ekaṃ ṭhānaṃ kudālena kasitvā taṃ bījaṃ vapitvā vatiṃ katvā pakkakāle uddharitvā nāḷimattabījaṃ ṭhapetvā sesaṃ khādi. So ‘‘kiṃ me dāni gehena, puna aṭṭha māse pabbajissāmī’’ti cintetvā nikkhamitvā pabbaji. Imināva nīhārena nāḷimattaṃ varakacorakañca kuṇṭhakudālañca nissāya sattavāre gihī hutvā sattavāre pabbajitvā sattame pana vāre cintesi – ‘‘ahaṃ cha vāre imaṃ kuṇṭhakudālaṃ nissāya gihī hutvā pabbajito, katthacideva naṃ chaḍḍessāmī’’ti. So gaṅgāya tīraṃ gantvā, ‘‘patitaṭṭhānaṃ passanto otaritvā gaṇheyyaṃ, yathāssa patitaṭṭhānaṃ na passāmi, tathā naṃ chaḍḍessāmī’’ti cintetvā nāḷimattaṃ bījaṃ pilotikāya bandhitvā pilotikaṃ kudālaphalake bandhitvā kudālaṃ aggadaṇḍake gahetvā gaṅgāya tīre ṭhito akkhīni nimīletvā uparisīse tikkhattuṃ āvijjhitvā gaṅgāyaṃ khipitvā nivattitvā olokento patitaṭṭhānaṃ adisvā ‘‘jitaṃ me, jitaṃ me’’ti tikkhattuṃ saddamakāsi.

    д̇асмим̣ кан̣з б̣аараан̣асирааж̇аа бажжанд̇ам̣ вуубасамзд̇ваа ааг̇анд̇ваа над̣̇ийд̇ийрз канд̇хааваарам̣ ниваасзд̇ваа нхаанад̇т̇ааяа над̣̇им̣ од̇ин̣н̣о д̇ам̣ сад̣̇д̣̇ам̣ ассоси. рааж̇уунан̃жа наама ‘‘ж̇ид̇ам̣ мз’’д̇и сад̣̇д̣̇о аманаабо ход̇и, со д̇асса санд̇игам̣ г̇анд̇ваа, ‘‘ахам̣ ид̣̇аани амид̇д̇амад̣̇д̣̇анам̣ гад̇ваа ‘ж̇ид̇ам̣ мз’д̇и ааг̇ад̇о, д̇вам̣ бана ‘ж̇ид̇ам̣ мз, ж̇ид̇ам̣ мз’д̇и вираваси, гим̣ наамзд̇а’’нд̇и бужчи. гуд̣̇аалабан̣д̣ид̇о ‘‘д̇вам̣ б̣аахирагажорз ж̇ини, д̇аяаа ж̇ид̇ам̣ буна аваж̇ид̇амзва ход̇и, маяаа бана аж̇жхад̇д̇иго лобхажоро ж̇ид̇о, со буна мам̣ на ж̇иниссад̇и, д̇ассзва ж̇аяо саад̇хуу’’д̇и вад̇ваа имам̣ г̇аат̇амааха –

    Tasmiṃ khaṇe bārāṇasirājā paccantaṃ vūpasametvā āgantvā nadītīre khandhāvāraṃ nivāsetvā nhānatthāya nadiṃ otiṇṇo taṃ saddaṃ assosi. Rājūnañca nāma ‘‘jitaṃ me’’ti saddo amanāpo hoti, so tassa santikaṃ gantvā, ‘‘ahaṃ idāni amittamaddanaṃ katvā ‘jitaṃ me’ti āgato, tvaṃ pana ‘jitaṃ me, jitaṃ me’ti viravasi, kiṃ nāmeta’’nti pucchi. Kudālapaṇḍito ‘‘tvaṃ bāhirakacore jini, tayā jitaṃ puna avajitameva hoti, mayā pana ajjhattiko lobhacoro jito, so puna maṃ na jinissati, tasseva jayo sādhū’’ti vatvā imaṃ gāthamāha –

    ‘‘на д̇ам̣ ж̇ид̇ам̣ саад̇ху ж̇ид̇ам̣, яам̣ ж̇ид̇ам̣ аваж̇ийяад̇и;

    ‘‘Na taṃ jitaṃ sādhu jitaṃ, yaṃ jitaṃ avajīyati;

    д̇ам̣ ко ж̇ид̇ам̣ саад̇ху ж̇ид̇ам̣, яам̣ ж̇ид̇ам̣ нааваж̇ийяад̇ий’’д̇и. (ж̇аа. 1.1.70);

    Taṃ kho jitaṃ sādhu jitaṃ, yaṃ jitaṃ nāvajīyatī’’ti. (jā. 1.1.70);

    д̇ам̣ кан̣ам̣язва жа г̇ан̇г̇ам̣ ологзнд̇о аабогасин̣ам̣ ниб̣б̣ад̇д̇зд̇ваа ад̇хиг̇ад̇ависзсо аагаасз баллан̇гзна нисийд̣̇и. рааж̇аа махаабурисасса д̇хаммагат̇ам̣ суд̇ваа ванд̣̇ид̇ваа баб̣б̣аж̇ж̇ам̣ яаажид̇ваа сад̣̇д̇хим̣ б̣алагааязна баб̣б̣аж̇и. яож̇анамад̇д̇аа барисаа ахоси. абароби сааманд̇арааж̇аа д̇асса баб̣б̣аж̇ид̇абхаавам̣ суд̇ваа, ‘‘д̇асса раж̇ж̇ам̣ г̇ан̣хиссаамий’’д̇и ааг̇анд̇ваа д̇ат̇аа самид̣̇д̇хам̣ наг̇арам̣ сун̃н̃ам̣ д̣̇исваа, ‘‘зваруубам̣ наг̇арам̣ чад̣д̣зд̇ваа баб̣б̣аж̇ид̇о рааж̇аа орагз таанз на баб̣б̣аж̇иссад̇и, маяааби баб̣б̣аж̇ид̇ум̣ ваддад̇ий’’д̇и жинд̇зд̇ваа д̇ад̇т̇а г̇анд̇ваа махаабурисам̣ убасан̇гамид̇ваа баб̣б̣аж̇ж̇ам̣ яаажид̇ваа сабаривааро баб̣б̣аж̇и. зд̇знзва нийхаарзна сад̇д̇а рааж̇аано баб̣б̣аж̇им̣су. сад̇д̇аяож̇аниго ассамо ахоси. сад̇д̇а рааж̇аано бхог̇з чад̣д̣зд̇ваа зд̇д̇агам̣ ж̇анам̣ г̇ахзд̇ваа баб̣б̣аж̇им̣су. махаабурисо б̣рахмажарияаваасам̣ васид̇ваа б̣рахмалогуубаг̇о ахоси.

    Taṃ khaṇaṃyeva ca gaṅgaṃ olokento āpokasiṇaṃ nibbattetvā adhigataviseso ākāse pallaṅkena nisīdi. Rājā mahāpurisassa dhammakathaṃ sutvā vanditvā pabbajjaṃ yācitvā saddhiṃ balakāyena pabbaji. Yojanamattā parisā ahosi. Aparopi sāmantarājā tassa pabbajitabhāvaṃ sutvā, ‘‘tassa rajjaṃ gaṇhissāmī’’ti āgantvā tathā samiddhaṃ nagaraṃ suññaṃ disvā, ‘‘evarūpaṃ nagaraṃ chaḍḍetvā pabbajito rājā orake ṭhāne na pabbajissati, mayāpi pabbajituṃ vaṭṭatī’’ti cintetvā tattha gantvā mahāpurisaṃ upasaṅkamitvā pabbajjaṃ yācitvā saparivāro pabbaji. Eteneva nīhārena satta rājāno pabbajiṃsu. Sattayojaniko assamo ahosi. Satta rājāno bhoge chaḍḍetvā ettakaṃ janaṃ gahetvā pabbajiṃsu. Mahāpuriso brahmacariyavāsaṃ vasitvā brahmalokūpago ahosi.

    сад̇т̇аа имам̣ д̇хаммад̣̇зсанам̣ аахарид̇ваа, ‘‘ахам̣, бхигкавз, д̇ад̣̇аа гуд̣̇аалабан̣д̣ид̇о ахосим̣, гилзсаа наамзд̇з звам̣ бхаарияаа’’д̇и ааха.

    Satthā imaṃ dhammadesanaṃ āharitvā, ‘‘ahaṃ, bhikkhave, tadā kudālapaṇḍito ahosiṃ, kilesā nāmete evaṃ bhāriyā’’ti āha.

    жид̇д̇ахад̇т̇ад̇т̇зравад̇т̇у бан̃жамам̣.

    Cittahatthattheravatthu pañcamaṃ.

    6. бан̃жасад̇абхигкувад̇т̇у

    6. Pañcasatabhikkhuvatthu

    гумбхуубаманд̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о аарад̣̇д̇хавибассагз бхигкуу аараб̣бха гат̇зси.

    Kumbhūpamanti imaṃ dhammadesanaṃ satthā sāvatthiyaṃ viharanto āraddhavipassake bhikkhū ārabbha kathesi.

    саавад̇т̇ияам̣ гира бан̃жасад̇аа бхигкуу сад̇т̇у санд̇игз яаава арахад̇д̇аа гаммадтаанам̣ г̇ахзд̇ваа, ‘‘саман̣ад̇хаммам̣ гариссаамаа’’д̇и яож̇анасад̇амаг̇г̇ам̣ г̇анд̇ваа згам̣ махааваасаг̇аамам̣ аг̇амам̣су. ат̇а д̇з мануссаа д̣̇исваа бан̃н̃ад̇д̇аасанз нисийд̣̇аабзд̇ваа бан̣ийд̇зхи яааг̇убхад̇д̇аад̣̇ийхи баривисид̇ваа, ‘‘гахам̣, бханд̇з, г̇ажчат̇аа’’д̇и бужчид̇ваа, ‘‘яат̇аапаасугадтаана’’нд̇и вуд̇д̇з, ‘‘бханд̇з, имам̣ д̇змаасам̣ ид̇хзва васат̇а, маяамби д̇умхаагам̣ санд̇игз саран̣зсу бад̇идтааяа бан̃жа сийлаани рагкиссаамаа’’д̇и яаажид̇ваа д̇зсам̣ ад̇хиваасанам̣ вид̣̇ид̇ваа, ‘‘авид̣̇уурз таанз маханд̇о ванасан̣д̣о ад̇т̇и, зд̇т̇а васат̇а, бханд̇з’’д̇и вад̇ваа уяяож̇зсум̣. бхигкуу д̇ам̣ ванасан̣д̣ам̣ бависим̣су. д̇асмим̣ ванасан̣д̣з ад̇хивад̇т̇аа д̣̇звад̇аа ‘‘сийлаванд̇о, аяяаа, имам̣ ванасан̣д̣ам̣ ануббад̇д̇аа, аяуд̇д̇ам̣ ко бана асмаагам̣ аяязсу ид̇ха васанд̇зсу буд̇д̇ад̣̇аарз г̇ахзд̇ваа ругкз абхируяха васид̇у’’нд̇и ругкад̇о од̇арид̇ваа бхуумияам̣ нисийд̣̇ид̇ваа жинд̇аяим̣су, ‘‘аяяаа, имасмим̣ таанз аж̇ж̇згарад̇д̇им̣ васид̇ваа ад̣̇д̇хаа свз г̇амиссанд̇ий’’д̇и. бхигкууби бунад̣̇ивасз анд̇ог̇аамз бин̣д̣ааяа жарид̇ваа буна д̇амзва ванасан̣д̣ам̣ ааг̇амим̣су. д̣̇звад̇аа ‘‘бхигкусан̇гхо сваад̇анааяа гзнажи ниманд̇ид̇о бхависсад̇и, д̇асмаа бунааг̇ажчад̇и , аж̇ж̇а г̇аманам̣ на бхависсад̇и, свз г̇амиссад̇и ман̃н̃з’’д̇и иминаа убааязна ад̣дхамаасамад̇д̇ам̣ бхуумияамзва ажчим̣су.

    Sāvatthiyaṃ kira pañcasatā bhikkhū satthu santike yāva arahattā kammaṭṭhānaṃ gahetvā, ‘‘samaṇadhammaṃ karissāmā’’ti yojanasatamaggaṃ gantvā ekaṃ mahāvāsagāmaṃ agamaṃsu. Atha te manussā disvā paññattāsane nisīdāpetvā paṇītehi yāgubhattādīhi parivisitvā, ‘‘kahaṃ, bhante, gacchathā’’ti pucchitvā, ‘‘yathāphāsukaṭṭhāna’’nti vutte, ‘‘bhante, imaṃ temāsaṃ idheva vasatha, mayampi tumhākaṃ santike saraṇesu patiṭṭhāya pañca sīlāni rakkhissāmā’’ti yācitvā tesaṃ adhivāsanaṃ viditvā, ‘‘avidūre ṭhāne mahanto vanasaṇḍo atthi, ettha vasatha, bhante’’ti vatvā uyyojesuṃ. Bhikkhū taṃ vanasaṇḍaṃ pavisiṃsu. Tasmiṃ vanasaṇḍe adhivatthā devatā ‘‘sīlavanto, ayyā, imaṃ vanasaṇḍaṃ anuppattā, ayuttaṃ kho pana asmākaṃ ayyesu idha vasantesu puttadāre gahetvā rukkhe abhiruyha vasitu’’nti rukkhato otaritvā bhūmiyaṃ nisīditvā cintayiṃsu, ‘‘ayyā, imasmiṃ ṭhāne ajjekarattiṃ vasitvā addhā sve gamissantī’’ti. Bhikkhūpi punadivase antogāme piṇḍāya caritvā puna tameva vanasaṇḍaṃ āgamiṃsu. Devatā ‘‘bhikkhusaṅgho svātanāya kenaci nimantito bhavissati, tasmā punāgacchati , ajja gamanaṃ na bhavissati, sve gamissati maññe’’ti iminā upāyena aḍḍhamāsamattaṃ bhūmiyameva acchiṃsu.

    д̇ад̇о жинд̇аяим̣су – ‘‘бхад̣̇анд̇аа имам̣ д̇змаасам̣ ид̇хзва ман̃н̃з васиссанд̇и, ид̇хзва ко бана имзсу васанд̇зсу амхаагам̣ ругкз абхирухид̇ваа нисийд̣̇ид̇умби на яуд̇д̇ам̣, д̇змаасам̣ буд̇д̇ад̣̇аарз г̇ахзд̇ваа бхуумияам̣ нисийд̣̇анадтаанааниби д̣̇угкаани, гин̃жи гад̇ваа имз бхигкуу балаабзд̇ум̣ ваддад̇ий’’д̇и. д̇аа д̇зсу д̇зсу рад̇д̇идтаанад̣̇иваадтаанзсу жзва жан̇гаманагодийсу жа чиннасийсаани габ̣анд̇хаани д̣̇ассзд̇ум̣ амануссасад̣̇д̣̇ан̃жа бхаавзд̇ум̣ аарабхим̣су. бхигкуунам̣ кибид̇агаасаад̣̇аяо рог̇аа бавад̇д̇им̣су. д̇з ан̃н̃аман̃н̃ам̣ ‘‘д̇уяхам̣, аавусо, гим̣ руж̇ж̇ад̇ий’’д̇и бужчанд̇аа, ‘‘маяхам̣ кибид̇арог̇о, маяхам̣ гаасо’’д̇и вад̇ваа, ‘‘аавусо, ахам̣ аж̇ж̇а жан̇гаманагодияам̣ чиннасийсам̣ ад̣̇д̣̇асам̣, ахам̣ рад̇д̇идтаанз габ̣анд̇хам̣ ад̣̇д̣̇асам̣ , ахам̣ д̣̇иваадтаанз амануссасад̣̇д̣̇ам̣ ассосим̣, бариваж̇ж̇зд̇аб̣б̣аяуд̇д̇агамид̣̇ам̣ таанам̣, амхаагам̣ ид̇ха апаасугам̣ ахоси, сад̇т̇у санд̇игам̣ г̇амиссаамаа’’д̇и нигкамид̇ваа анубуб̣б̣зна сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ нисийд̣̇им̣су.

    Tato cintayiṃsu – ‘‘bhadantā imaṃ temāsaṃ idheva maññe vasissanti, idheva kho pana imesu vasantesu amhākaṃ rukkhe abhiruhitvā nisīditumpi na yuttaṃ, temāsaṃ puttadāre gahetvā bhūmiyaṃ nisīdanaṭṭhānānipi dukkhāni, kiñci katvā ime bhikkhū palāpetuṃ vaṭṭatī’’ti. Tā tesu tesu rattiṭṭhānadivāṭṭhānesu ceva caṅkamanakoṭīsu ca chinnasīsāni kabandhāni dassetuṃ amanussasaddañca bhāvetuṃ ārabhiṃsu. Bhikkhūnaṃ khipitakāsādayo rogā pavattiṃsu. Te aññamaññaṃ ‘‘tuyhaṃ, āvuso, kiṃ rujjatī’’ti pucchantā, ‘‘mayhaṃ khipitarogo, mayhaṃ kāso’’ti vatvā, ‘‘āvuso, ahaṃ ajja caṅkamanakoṭiyaṃ chinnasīsaṃ addasaṃ, ahaṃ rattiṭṭhāne kabandhaṃ addasaṃ , ahaṃ divāṭṭhāne amanussasaddaṃ assosiṃ, parivajjetabbayuttakamidaṃ ṭhānaṃ, amhākaṃ idha aphāsukaṃ ahosi, satthu santikaṃ gamissāmā’’ti nikkhamitvā anupubbena satthu santikaṃ gantvā vanditvā ekamantaṃ nisīdiṃsu.

    ат̇а нз сад̇т̇аа ааха – ‘‘гим̣, бхигкавз, д̇асмим̣ таанз васид̇ум̣ на сагкиссат̇аа’’д̇и? ‘‘аама, бханд̇з, амхаагам̣ д̇асмим̣ таанз васанд̇аанам̣ зваруубаани бхзраваарамман̣аани убадтаханд̇и, зваруубам̣ апаасугам̣ ход̇и, д̇зна маяам̣ ‘важ̇ж̇зд̇аб̣б̣аяуд̇д̇агамид̣̇ам̣ таана’нд̇и д̇ам̣ чад̣д̣зд̇ваа д̇умхаагам̣ санд̇игам̣ ааг̇ад̇аа’’д̇и. ‘‘бхигкавз, д̇ад̇т̇зва д̇умхаагам̣ г̇анд̇ум̣ ваддад̇ий’’д̇и. ‘‘на саггаа, бханд̇з’’д̇и. ‘‘бхигкавз, д̇умхз аавуд̇хам̣ аг̇г̇ахзд̇ваа г̇ад̇аа, ид̣̇аани аавуд̇хам̣ г̇ахзд̇ваа г̇ажчат̇аа’’д̇и. ‘‘гад̇араавуд̇хам̣, бханд̇з’’д̇и? сад̇т̇аа ‘‘ахам̣ аавуд̇хам̣ во д̣̇ассаами, маяаа д̣̇иннам̣ аавуд̇хам̣ г̇ахзд̇ваа г̇ажчат̇аа’’д̇и вад̇ваа –

    Atha ne satthā āha – ‘‘kiṃ, bhikkhave, tasmiṃ ṭhāne vasituṃ na sakkhissathā’’ti? ‘‘Āma, bhante, amhākaṃ tasmiṃ ṭhāne vasantānaṃ evarūpāni bheravārammaṇāni upaṭṭhahanti, evarūpaṃ aphāsukaṃ hoti, tena mayaṃ ‘vajjetabbayuttakamidaṃ ṭhāna’nti taṃ chaḍḍetvā tumhākaṃ santikaṃ āgatā’’ti. ‘‘Bhikkhave, tattheva tumhākaṃ gantuṃ vaṭṭatī’’ti. ‘‘Na sakkā, bhante’’ti. ‘‘Bhikkhave, tumhe āvudhaṃ aggahetvā gatā, idāni āvudhaṃ gahetvā gacchathā’’ti. ‘‘Katarāvudhaṃ, bhante’’ti? Satthā ‘‘ahaṃ āvudhaṃ vo dassāmi, mayā dinnaṃ āvudhaṃ gahetvā gacchathā’’ti vatvā –

    ‘‘гаран̣ийяамад̇т̇агусалзна, яанд̇а санд̇ам̣ бад̣̇ам̣ абхисамзжжа;

    ‘‘Karaṇīyamatthakusalena, yanta santaṃ padaṃ abhisamecca;

    сагго уж̇уу жа сухуж̇уу жа, суважо жасса муд̣̇у анад̇имааний’’д̇и. (ку. баа. 9.1; су. ни. 143) –

    Sakko ujū ca suhujū ca, suvaco cassa mudu anatimānī’’ti. (khu. pā. 9.1; su. ni. 143) –

    сагалам̣ мзд̇д̇асуд̇д̇ам̣ гат̇зд̇ваа, ‘‘бхигкавз, имам̣ д̇умхз б̣ахи вихаарасса ванасан̣д̣ад̇о бадтааяа саж̇жхааяанд̇аа анд̇овихаарам̣ бависзяяаат̇аа’’д̇и уяяож̇зси. д̇з сад̇т̇аарам̣ ванд̣̇ид̇ваа нигкамид̇ваа анубуб̣б̣зна д̇ам̣ таанам̣ бад̇ваа б̣ахивихаарз г̇ан̣асаж̇жхааяам̣ гад̇ваа саж̇жхааяамаанаа ванасан̣д̣ам̣ бависим̣су. сагалаванасан̣д̣з д̣̇звад̇аа мзд̇д̇ажид̇д̇ам̣ бадилабхид̇ваа д̇зсам̣ бажжуг̇г̇аманам̣ гад̇ваа бад̇д̇ажийварабадиг̇г̇ахан̣ам̣ аабужчим̣су, хад̇т̇абаад̣̇асамб̣ааханам̣ аабужчим̣су, д̇зсам̣ д̇ад̇т̇а д̇ад̇т̇а аарагкам̣ сам̣вид̣̇ахим̣су, баггад̇хуубанад̇злам̣ вияа саннисиннаа ахзсум̣. гад̇т̇ажи амануссасад̣̇д̣̇о наама наахоси. д̇зсам̣ бхигкуунам̣ жид̇д̇ам̣ згаг̇г̇ам̣ ахоси. д̇з рад̇д̇идтаанад̣̇иваадтаанзсу нисиннаа вибассанааяа жид̇д̇ам̣ од̇аарзд̇ваа ад̇д̇ани каяаваяам̣ бадтабзд̇ваа, ‘‘аяам̣ ад̇д̇абхааво наама бхиж̇ж̇анагадтзна ат̇ааварадтзна гулаалабхааж̇анасад̣̇исо’’д̇и вибассанам̣ вад̣дхаяим̣су. саммаасамб̣уд̣̇д̇хо г̇анд̇хагудияаа нисиннова д̇зсам̣ вибассанааяа аарад̣̇д̇хабхаавам̣ н̃ад̇ваа д̇з бхигкуу ааманд̇зд̇ваа, ‘‘звамзва, бхигкавз, аяам̣ ад̇д̇абхааво наама бхиж̇ж̇анагадтзна ат̇ааварадтзна гулаалабхааж̇анасад̣̇исо зваа’’д̇и вад̇ваа обхаасам̣ парид̇ваа яож̇анасад̇з тид̇оби абхимукз нисинно вияа чаб̣б̣ан̣н̣арам̣сияо виссаж̇ж̇зд̇ваа д̣̇иссамаанзна руубзна имам̣ г̇аат̇амааха –

    Sakalaṃ mettasuttaṃ kathetvā, ‘‘bhikkhave, imaṃ tumhe bahi vihārassa vanasaṇḍato paṭṭhāya sajjhāyantā antovihāraṃ paviseyyāthā’’ti uyyojesi. Te satthāraṃ vanditvā nikkhamitvā anupubbena taṃ ṭhānaṃ patvā bahivihāre gaṇasajjhāyaṃ katvā sajjhāyamānā vanasaṇḍaṃ pavisiṃsu. Sakalavanasaṇḍe devatā mettacittaṃ paṭilabhitvā tesaṃ paccuggamanaṃ katvā pattacīvarapaṭiggahaṇaṃ āpucchiṃsu, hatthapādasambāhanaṃ āpucchiṃsu, tesaṃ tattha tattha ārakkhaṃ saṃvidahiṃsu, pakkadhūpanatelaṃ viya sannisinnā ahesuṃ. Katthaci amanussasaddo nāma nāhosi. Tesaṃ bhikkhūnaṃ cittaṃ ekaggaṃ ahosi. Te rattiṭṭhānadivāṭṭhānesu nisinnā vipassanāya cittaṃ otāretvā attani khayavayaṃ paṭṭhapetvā, ‘‘ayaṃ attabhāvo nāma bhijjanakaṭṭhena athāvaraṭṭhena kulālabhājanasadiso’’ti vipassanaṃ vaḍḍhayiṃsu. Sammāsambuddho gandhakuṭiyā nisinnova tesaṃ vipassanāya āraddhabhāvaṃ ñatvā te bhikkhū āmantetvā, ‘‘evameva, bhikkhave, ayaṃ attabhāvo nāma bhijjanakaṭṭhena athāvaraṭṭhena kulālabhājanasadiso evā’’ti vatvā obhāsaṃ pharitvā yojanasate ṭhitopi abhimukhe nisinno viya chabbaṇṇaraṃsiyo vissajjetvā dissamānena rūpena imaṃ gāthamāha –

    40.

    40.

    ‘‘гумбхуубамам̣ гааяамим̣ма вид̣̇ид̇ваа, наг̇аруубамам̣ жид̇д̇амид̣̇ам̣ табзд̇ваа;

    ‘‘Kumbhūpamaṃ kāyamiṃma viditvā, nagarūpamaṃ cittamidaṃ ṭhapetvā;

    яод̇хзт̇а маарам̣ бан̃н̃аавуд̇хзна, ж̇ид̇ан̃жа рагкз анивзсано сияаа’’д̇и.

    Yodhetha māraṃ paññāvudhena, jitañca rakkhe anivesano siyā’’ti.

    д̇ад̇т̇а гумбхуубаманд̇и аб̣алад̣̇уб̣б̣аладтзна анад̣̇д̇ханияад̇аавагаалигадтзна имам̣ гзсаад̣̇исамуухасан̇каад̇ам̣ гааяам̣ гумбхуубамам̣ гулаалабхааж̇анасад̣̇исам̣ вид̣̇ид̇ваа. наг̇аруубамам̣ жид̇д̇амид̣̇ам̣ табзд̇ваад̇и наг̇арам̣ наама б̣ахид̣̇д̇хаа т̇ирам̣ ход̇и, г̇амбхийрабарикам̣ баагаарабаригкид̇д̇ам̣ д̣̇ваараддаалагаяуд̇д̇ам̣, анд̇осувибхад̇д̇авийт̇ижад̇уггасин̇гхаадагасамбаннам̣ анд̇араабан̣ам̣, д̇ам̣ ‘‘вилумбиссаамаа’’д̇и б̣ахид̣̇д̇хаа жораа ааг̇анд̇ваа бависид̇ум̣ асаггонд̇аа баб̣б̣ад̇ам̣ аасаж̇ж̇а бадихад̇аа вияа г̇ажчанд̇и, звамзва бан̣д̣ид̇о гулабуд̇д̇о ад̇д̇ано вибассанаажид̇д̇ам̣ т̇ирам̣ наг̇арасад̣̇исам̣ гад̇ваа табзд̇ваа наг̇арз тид̇о згад̇од̇хаараад̣̇инаанаббагаараавуд̇хзна жораг̇ан̣ам̣ вияа вибассанаамаязна жа арияамаг̇г̇амаязна жа бан̃н̃аавуд̇хзна д̇ам̣д̇ам̣маг̇г̇аваж̇жхам̣ гилзсамаарам̣ бадиб̣ааханд̇о д̇ам̣ д̇ам̣ гилзсамаарам̣ яод̇хзт̇а, бахарзяяаат̇аад̇и ад̇т̇о. ж̇ид̇ан̃жа рагкзд̇и ж̇ид̇ан̃жа уббаад̣̇ид̇ам̣ д̇арун̣авибассанам̣ ааваасасаббааяауд̇усаббааяабхож̇анасаббааяабуг̇г̇аласаббааяад̇хаммассаванасаббааяаад̣̇ийни аасзванд̇о анд̇аранд̇араа самаабад̇д̇им̣ самаабаж̇ж̇ид̇ваа д̇ад̇о вудтааяа суд̣̇д̇хажид̇д̇зна сан̇каарз саммасанд̇о рагкзяяа.

    Tattha kumbhūpamanti abaladubbalaṭṭhena anaddhaniyatāvakālikaṭṭhena imaṃ kesādisamūhasaṅkhātaṃ kāyaṃ kumbhūpamaṃ kulālabhājanasadisaṃ viditvā. Nagarūpamaṃ cittamidaṃ ṭhapetvāti nagaraṃ nāma bahiddhā thiraṃ hoti, gambhīraparikhaṃ pākāraparikkhittaṃ dvāraṭṭālakayuttaṃ, antosuvibhattavīthicatukkasiṅghāṭakasampannaṃ antarāpaṇaṃ, taṃ ‘‘vilumpissāmā’’ti bahiddhā corā āgantvā pavisituṃ asakkontā pabbataṃ āsajja paṭihatā viya gacchanti, evameva paṇḍito kulaputto attano vipassanācittaṃ thiraṃ nagarasadisaṃ katvā ṭhapetvā nagare ṭhito ekatodhārādinānappakārāvudhena coragaṇaṃ viya vipassanāmayena ca ariyamaggamayena ca paññāvudhena taṃtaṃmaggavajjhaṃ kilesamāraṃ paṭibāhanto taṃ taṃ kilesamāraṃ yodhetha, pahareyyāthāti attho. Jitañca rakkheti jitañca uppāditaṃ taruṇavipassanaṃ āvāsasappāyautusappāyabhojanasappāyapuggalasappāyadhammassavanasappāyādīni āsevanto antarantarā samāpattiṃ samāpajjitvā tato vuṭṭhāya suddhacittena saṅkhāre sammasanto rakkheyya.

    анивзсано сияаад̇и анаалаяо бхавзяяа. яат̇аа наама яод̇хо сан̇г̇аамасийсз б̣алагодтагам̣ гад̇ваа амид̇д̇зхи сад̣̇д̇хим̣ яуж̇жханд̇о чаад̇о ваа бибаасид̇о ваа худ̇ваа саннаахз ваа сит̇илз аавуд̇хз ваа бад̇ид̇з б̣алагодтагам̣ бависид̇ваа виссамид̇ваа бхун̃ж̇ид̇ваа бивид̇ваа саннахид̇ваа аавуд̇хам̣ г̇ахзд̇ваа буна нигкамид̇ваа яуж̇жханд̇о барасзнам̣ мад̣̇д̣̇ад̇и, аж̇ид̇ам̣ ж̇инаад̇и, ж̇ид̇ам̣ рагкад̇и. со хи сажз б̣алагодтагз тид̇о звам̣ виссаманд̇о д̇ам̣ ассаад̣̇знд̇о ажчзяяа, раж̇ж̇ам̣ барахад̇т̇аг̇ад̇ам̣ гарзяяа, звамзва, бхигку, бадилад̣̇д̇хам̣ д̇арун̣авибассанам̣ бунаббунам̣ самаабад̇д̇им̣ самаабаж̇ж̇ид̇ваа д̇ад̇о вудтааяа суд̣̇д̇хажид̇д̇зна сан̇каарз саммасанд̇о рагкид̇ум̣ саггод̇и, уд̇д̇аримаг̇г̇апалабадилаабхзна гилзсамаарам̣ ж̇инаад̇и. сажз бана со самаабад̇д̇имзва ассаад̣̇зд̇и, суд̣̇д̇хажид̇д̇зна бунаббунам̣ сан̇каарз на саммасад̇и, маг̇г̇апалабадивзд̇хам̣ гаад̇ум̣ на саггод̇и. д̇асмаа рагкид̇аб̣б̣аяуд̇д̇агам̣ рагканд̇о анивзсано сияаа, самаабад̇д̇им̣ нивзсанам̣ гад̇ваа д̇ад̇т̇а на нивзсзяяа, аалаяам̣ на гарзяяаад̇и ад̇т̇о. ‘‘ад̣̇д̇хаа д̇умхзби звам̣ гарот̇аа’’д̇и звам̣ сад̇т̇аа д̇зсам̣ бхигкуунам̣ д̇хаммам̣ д̣̇зсзси.

    Anivesanosiyāti anālayo bhaveyya. Yathā nāma yodho saṅgāmasīse balakoṭṭhakaṃ katvā amittehi saddhiṃ yujjhanto chāto vā pipāsito vā hutvā sannāhe vā sithile āvudhe vā patite balakoṭṭhakaṃ pavisitvā vissamitvā bhuñjitvā pivitvā sannahitvā āvudhaṃ gahetvā puna nikkhamitvā yujjhanto parasenaṃ maddati, ajitaṃ jināti, jitaṃ rakkhati. So hi sace balakoṭṭhake ṭhito evaṃ vissamanto taṃ assādento accheyya, rajjaṃ parahatthagataṃ kareyya, evameva, bhikkhu, paṭiladdhaṃ taruṇavipassanaṃ punappunaṃ samāpattiṃ samāpajjitvā tato vuṭṭhāya suddhacittena saṅkhāre sammasanto rakkhituṃ sakkoti, uttarimaggaphalapaṭilābhena kilesamāraṃ jināti. Sace pana so samāpattimeva assādeti, suddhacittena punappunaṃ saṅkhāre na sammasati, maggaphalapaṭivedhaṃ kātuṃ na sakkoti. Tasmā rakkhitabbayuttakaṃ rakkhanto anivesano siyā, samāpattiṃ nivesanaṃ katvā tattha na niveseyya, ālayaṃ na kareyyāti attho. ‘‘Addhā tumhepi evaṃ karothā’’ti evaṃ satthā tesaṃ bhikkhūnaṃ dhammaṃ desesi.

    д̣̇зсанаавасаанз бан̃жасад̇аа бхигкуу нисиннадтаанз нисиннааязва саха бадисамбхид̣̇аахи арахад̇д̇ам̣ бад̇ваа д̇ат̇ааг̇ад̇асса суван̣н̣аван̣н̣ам̣ сарийрам̣ ван̣н̣аяанд̇аа т̇омзнд̇аа ванд̣̇анд̇аава ааг̇ажчим̣сууд̇и.

    Desanāvasāne pañcasatā bhikkhū nisinnaṭṭhāne nisinnāyeva saha paṭisambhidāhi arahattaṃ patvā tathāgatassa suvaṇṇavaṇṇaṃ sarīraṃ vaṇṇayantā thomentā vandantāva āgacchiṃsūti.

    бан̃жасад̇абхигкувад̇т̇у чадтам̣.

    Pañcasatabhikkhuvatthu chaṭṭhaṃ.

    7. бууд̇иг̇ад̇д̇ад̇иссад̇т̇зравад̇т̇у

    7. Pūtigattatissattheravatthu

    ажирам̣ вад̇аяам̣ гааяод̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о бууд̇иг̇ад̇д̇ад̇иссад̇т̇зрам̣ аараб̣бха гат̇зси.

    Aciraṃvatayaṃ kāyoti imaṃ dhammadesanaṃ satthā sāvatthiyaṃ viharanto pūtigattatissattheraṃ ārabbha kathesi.

    зго гира саавад̇т̇иваасий гулабуд̇д̇о сад̇т̇у санд̇игз д̇хаммам̣ суд̇ваа саасанз урам̣ д̣̇ад̇ваа баб̣б̣аж̇ид̇о, со лад̣̇д̇хуубасамбад̣̇о д̇иссад̇т̇зро наама ахоси. г̇ажчанд̇з г̇ажчанд̇з гаалз д̇асса сарийрз рог̇о уд̣̇абаад̣̇и. саасабамад̇д̇ияо бил̣агаа удтахим̣су. д̇аа анубуб̣б̣зна муг̇г̇амад̇д̇аа галааяамад̇д̇аа голадтимад̇д̇аа аамалагамад̇д̇аа б̣зл̣увасалаадумад̇д̇аа б̣зл̣увамад̇д̇аа худ̇ваа бабхиж̇ж̇им̣су, сагаласарийрам̣ чид̣̇д̣̇аавачид̣̇д̣̇ам̣ ахоси. бууд̇иг̇ад̇д̇ад̇иссад̇т̇зрод̇взвасса наамам̣ уд̣̇абаад̣̇и. ат̇асса абарабхааг̇з адтийни бхиж̇ж̇им̣су. со аббадиж̇аг̇г̇ияо ахоси. ниваасанабаарубанам̣ буб̣б̣алохид̇амагкид̇ам̣ ж̇аалабуувасад̣̇исам̣ ахоси. сад̣̇д̇хивихааригаад̣̇аяо бадиж̇аг̇г̇ид̇ум̣ асаггонд̇аа чад̣д̣аяим̣су. со анаат̇о худ̇ваа нибаж̇ж̇и.

    Eko kira sāvatthivāsī kulaputto satthu santike dhammaṃ sutvā sāsane uraṃ datvā pabbajito, so laddhūpasampado tissatthero nāma ahosi. Gacchante gacchante kāle tassa sarīre rogo udapādi. Sāsapamattiyo piḷakā uṭṭhahiṃsu. Tā anupubbena muggamattā kalāyamattā kolaṭṭhimattā āmalakamattā beḷuvasalāṭumattā beḷuvamattā hutvā pabhijjiṃsu, sakalasarīraṃ chiddāvachiddaṃ ahosi. Pūtigattatissattherotvevassa nāmaṃ udapādi. Athassa aparabhāge aṭṭhīni bhijjiṃsu. So appaṭijaggiyo ahosi. Nivāsanapārupanaṃ pubbalohitamakkhitaṃ jālapūvasadisaṃ ahosi. Saddhivihārikādayo paṭijaggituṃ asakkontā chaḍḍayiṃsu. So anātho hutvā nipajji.

    б̣уд̣̇д̇хаанан̃жа наама д̣̇вз ваарз логавологанам̣ авиж̇ахид̇ам̣ ход̇и. бажжуусагаалз логам̣ вологзнд̇аа жаггаваал̣амукаваддид̇о бадтааяа г̇анд̇хагудиабхимукам̣ н̃аан̣ам̣ гад̇ваа ологзнд̇и, сааяам̣ ологзнд̇аа г̇анд̇хагудид̇о бадтааяа б̣аахираабхимукам̣ н̃аан̣ам̣ гад̇ваа ологзнд̇и. д̇асмим̣ бана самаяз бхаг̇авад̇о н̃аан̣аж̇ааласса анд̇о бууд̇иг̇ад̇д̇ад̇иссад̇т̇зро бан̃н̃ааяи. сад̇т̇аа д̇асса бхигкуно арахад̇д̇асса убаниссаяам̣ д̣̇исваа, ‘‘аяам̣ сад̣̇д̇хивихааригаад̣̇ийхи чад̣д̣ид̇о, ид̣̇аанисса мам̣ табзд̇ваа ан̃н̃ам̣ бадисаран̣ам̣ над̇т̇ий’’д̇и г̇анд̇хагудид̇о нигкамид̇ваа вихааражааригам̣ жарамаано вияа аг̇г̇исаалам̣ г̇анд̇ваа угкалим̣ д̇ховид̇ваа уд̣̇агам̣ д̣̇ад̇ваа уд̣̇д̇ханам̣ ааробзд̇ваа уд̣̇агасса д̇ад̇д̇абхаавам̣ ааг̇амаяамаано аг̇г̇исаалааяамзва адтааси. д̇ад̇д̇абхаавам̣ ж̇аанид̇ваа г̇анд̇ваа д̇асса бхигкуно нибаннаман̃жагодияам̣ г̇ан̣хи, д̇ад̣̇аа бхигкуу ‘‘абзт̇а, бханд̇з, маяам̣ г̇ан̣хиссаамаа’’д̇и ман̃жагам̣ г̇ахзд̇ваа аг̇г̇исаалам̣ аанаяим̣су. сад̇т̇аа амб̣ан̣ам̣ аахараабзд̇ваа ун̣ход̣̇агам̣ аасин̃жид̇ваа д̇зхи бхигкуухи д̇асса баарубанам̣ г̇аахаабзд̇ваа ун̣ход̣̇агз мад̣̇д̣̇аабзд̇ваа манд̣̇аад̇абз виссаж̇ж̇аабзси. ат̇асса санд̇игз тад̇ваа сарийрам̣ ун̣ход̣̇агзна д̇змзд̇ваа гхам̣сид̇ваа нхаабзси, д̇асса нахаанабарияосаанз баарубанам̣ сугки. ат̇а нам̣ д̇ам̣ ниваасаабзд̇ваа нивад̇т̇агаасаавам̣ уд̣̇агз мад̣̇д̣̇аабзд̇ваа аад̇абз виссаж̇ж̇аабзси. ат̇асса г̇ад̇д̇з уд̣̇агз чиннамад̇д̇з д̇амби сугки. со згам̣ гаасаавам̣ ниваасзд̇ваа згам̣ баарубид̇ваа саллахугасарийро згаг̇г̇ажид̇д̇о ман̃жагз нибаж̇ж̇и. сад̇т̇аа д̇асса уссийсагз тад̇ваа, ‘‘бхигку аяам̣ д̇ава гааяо абзд̇авин̃н̃аан̣о нирубагааро худ̇ваа галин̇г̇арам̣ вияа бат̇авияам̣ сзссад̇ий’’д̇и вад̇ваа имам̣ г̇аат̇амааха –

    Buddhānañca nāma dve vāre lokavolokanaṃ avijahitaṃ hoti. Paccūsakāle lokaṃ volokentā cakkavāḷamukhavaṭṭito paṭṭhāya gandhakuṭiabhimukhaṃ ñāṇaṃ katvā olokenti, sāyaṃ olokentā gandhakuṭito paṭṭhāya bāhirābhimukhaṃ ñāṇaṃ katvā olokenti. Tasmiṃ pana samaye bhagavato ñāṇajālassa anto pūtigattatissatthero paññāyi. Satthā tassa bhikkhuno arahattassa upanissayaṃ disvā, ‘‘ayaṃ saddhivihārikādīhi chaḍḍito, idānissa maṃ ṭhapetvā aññaṃ paṭisaraṇaṃ natthī’’ti gandhakuṭito nikkhamitvā vihāracārikaṃ caramāno viya aggisālaṃ gantvā ukkhaliṃ dhovitvā udakaṃ datvā uddhanaṃ āropetvā udakassa tattabhāvaṃ āgamayamāno aggisālāyameva aṭṭhāsi. Tattabhāvaṃ jānitvā gantvā tassa bhikkhuno nipannamañcakoṭiyaṃ gaṇhi, tadā bhikkhū ‘‘apetha, bhante, mayaṃ gaṇhissāmā’’ti mañcakaṃ gahetvā aggisālaṃ ānayiṃsu. Satthā ambaṇaṃ āharāpetvā uṇhodakaṃ āsiñcitvā tehi bhikkhūhi tassa pārupanaṃ gāhāpetvā uṇhodake maddāpetvā mandātape vissajjāpesi. Athassa santike ṭhatvā sarīraṃ uṇhodakena temetvā ghaṃsitvā nhāpesi, tassa nahānapariyosāne pārupanaṃ sukkhi. Atha naṃ taṃ nivāsāpetvā nivatthakāsāvaṃ udake maddāpetvā ātape vissajjāpesi. Athassa gatte udake chinnamatte tampi sukkhi. So ekaṃ kāsāvaṃ nivāsetvā ekaṃ pārupitvā sallahukasarīro ekaggacitto mañcake nipajji. Satthā tassa ussīsake ṭhatvā, ‘‘bhikkhu ayaṃ tava kāyo apetaviññāṇo nirupakāro hutvā kaliṅgaraṃ viya pathaviyaṃ sessatī’’ti vatvā imaṃ gāthamāha –

    41.

    41.

    ‘‘ажирам̣ вад̇аяам̣ гааяо, бат̇авим̣ ад̇хисзссад̇и;

    ‘‘Aciraṃ vatayaṃ kāyo, pathaviṃ adhisessati;

    чуд̣̇д̇хо абзд̇авин̃н̃аан̣о, нирад̇т̇ам̣ва галин̇г̇ара’’нд̇и.

    Chuddho apetaviññāṇo, niratthaṃva kaliṅgara’’nti.

    д̇ад̇т̇а ажирам̣ вад̇аад̇и бхигку на жирассзва аяам̣ гааяо бат̇авим̣ ад̇хисзссад̇и, имиссаа багад̇исаяанзна саяид̇ааяа бат̇авияаа убари саяиссад̇и . чуд̣̇д̇ход̇и абавид̣̇д̇хо, абаг̇ад̇авин̃н̃аан̣ад̇ааяа д̇ужчо худ̇ваа сзссад̇ийд̇и д̣̇ассзд̇и. яат̇аа гим̣? нирад̇т̇ам̣ва галин̇г̇арам̣ нирубагаарам̣ нирад̇т̇агам̣ гадтакан̣д̣ам̣ вияа. д̣̇аб̣б̣асамбхаарад̇т̇игаа хи мануссаа аран̃н̃ам̣ бависид̇ваа уж̇угам̣ уж̇угасан̣таанзна ван̇гам̣ ван̇гасан̣таанзна чинд̣̇ид̇ваа д̣̇аб̣б̣асамбхаарам̣ г̇ан̣ханд̇и, авасзсам̣ бана сусиран̃жа бууд̇иган̃жа асаараган̃жа г̇ан̣тиж̇аад̇ан̃жа чинд̣̇ид̇ваа д̇ад̇т̇зва чад̣д̣знд̇и. ан̃н̃з д̣̇аб̣б̣асамбхаарад̇т̇игаа ааг̇анд̇ваа д̇ам̣ г̇ахзд̇ааро наама над̇т̇и, ологзд̇ваа ад̇д̇ано убагаарагамзва г̇ан̣ханд̇и, ид̇арам̣ бат̇авийг̇ад̇амзва ход̇и. д̇ам̣ бана д̇зна д̇зна убааязна ман̃жабадибаад̣̇агам̣ ваа баад̣̇агат̇алигам̣ ваа палагабийтам̣ ваа гаад̇ум̣ саггааби бхавзяяа. имасмим̣ бана ад̇д̇абхаавз д̣̇вад̇д̇им̣сааяа годтаасзсу згагодтаасоби ман̃жабадибаад̣̇агаад̣̇ивасзна ан̃н̃зна ваа убагаарамукзна г̇аяхуубаг̇о наама над̇т̇и, гзвалам̣ нирад̇т̇ам̣ва галин̇г̇арам̣ аяам̣ гааяо абаг̇ад̇авин̃н̃аан̣о гад̇ибаахзнзва бат̇авияам̣ сзссад̇ийд̇и.

    Tattha aciraṃ vatāti bhikkhu na cirasseva ayaṃ kāyo pathaviṃ adhisessati, imissā pakatisayanena sayitāya pathaviyā upari sayissati . Chuddhoti apaviddho, apagataviññāṇatāya tuccho hutvā sessatīti dasseti. Yathā kiṃ? Niratthaṃva kaliṅgaraṃ nirupakāraṃ niratthakaṃ kaṭṭhakhaṇḍaṃ viya. Dabbasambhāratthikā hi manussā araññaṃ pavisitvā ujukaṃ ujukasaṇṭhānena vaṅkaṃ vaṅkasaṇṭhānena chinditvā dabbasambhāraṃ gaṇhanti, avasesaṃ pana susirañca pūtikañca asārakañca gaṇṭhijātañca chinditvā tattheva chaḍḍenti. Aññe dabbasambhāratthikā āgantvā taṃ gahetāro nāma natthi, oloketvā attano upakārakameva gaṇhanti, itaraṃ pathavīgatameva hoti. Taṃ pana tena tena upāyena mañcapaṭipādakaṃ vā pādakathalikaṃ vā phalakapīṭhaṃ vā kātuṃ sakkāpi bhaveyya. Imasmiṃ pana attabhāve dvattiṃsāya koṭṭhāsesu ekakoṭṭhāsopi mañcapaṭipādakādivasena aññena vā upakāramukhena gayhūpago nāma natthi, kevalaṃ niratthaṃva kaliṅgaraṃ ayaṃ kāyo apagataviññāṇo katipāheneva pathaviyaṃ sessatīti.

    д̣̇зсанаавасаанз бууд̇иг̇ад̇д̇ад̇иссад̇т̇зро саха бадисамбхид̣̇аахи арахад̇д̇ам̣ баабун̣и, ан̃н̃зби б̣ахуу сод̇аабаннаад̣̇аяо ахзсум̣. т̇зроби арахад̇д̇ам̣ бад̇ваава бариниб̣б̣ааяи. сад̇т̇аа д̇асса сарийрагижжам̣ гаараабзд̇ваа д̇хаад̇уяо г̇ахзд̇ваа жзд̇ияам̣ гаараабзси. бхигкуу сад̇т̇аарам̣ бужчим̣су – ‘‘бханд̇з, бууд̇иг̇ад̇д̇ад̇иссад̇т̇зро гухим̣ ниб̣б̣ад̇д̇о’’д̇и. ‘‘бариниб̣б̣уд̇о, бхигкавз’’д̇и. ‘‘бханд̇з, зваруубасса бана арахад̇д̇уубаниссаяасамбаннасса бхигкуно гим̣ гааран̣аа г̇ад̇д̇ам̣ буд̇игам̣ ж̇аад̇ам̣, гим̣ гааран̣аа адтийни бхиннаани, гимасса гааран̣ам̣ арахад̇д̇асса убаниссаяабхаавам̣ бад̇д̇а’’нд̇и? ‘‘бхигкавз, саб̣б̣амзд̇ам̣ зд̇асса ад̇д̇анаа гад̇агаммзнзва ниб̣б̣ад̇д̇а’’нд̇и. ‘‘гим̣ бана д̇зна, бханд̇з, гад̇а’’нд̇и? ‘‘д̇зна хи, бхигкавз, сун̣аат̇аа’’д̇и ад̇ийд̇ам̣ аахари –

    Desanāvasāne pūtigattatissatthero saha paṭisambhidāhi arahattaṃ pāpuṇi, aññepi bahū sotāpannādayo ahesuṃ. Theropi arahattaṃ patvāva parinibbāyi. Satthā tassa sarīrakiccaṃ kārāpetvā dhātuyo gahetvā cetiyaṃ kārāpesi. Bhikkhū satthāraṃ pucchiṃsu – ‘‘bhante, pūtigattatissatthero kuhiṃ nibbatto’’ti. ‘‘Parinibbuto, bhikkhave’’ti. ‘‘Bhante, evarūpassa pana arahattūpanissayasampannassa bhikkhuno kiṃ kāraṇā gattaṃ putikaṃ jātaṃ, kiṃ kāraṇā aṭṭhīni bhinnāni, kimassa kāraṇaṃ arahattassa upanissayabhāvaṃ patta’’nti? ‘‘Bhikkhave, sabbametaṃ etassa attanā katakammeneva nibbatta’’nti. ‘‘Kiṃ pana tena, bhante, kata’’nti? ‘‘Tena hi, bhikkhave, suṇāthā’’ti atītaṃ āhari –

    аяам̣ гассабасаммаасамб̣уд̣̇д̇хагаалз саагун̣иго худ̇ваа б̣ахуу сагун̣з вад̇хид̇ваа иссараж̇анам̣ убадтахи. д̇зсам̣ д̣̇иннаавасзсз виггин̣аад̇и, ‘‘виггид̇аавасзсаа маарзд̇ваа табид̇аа бууд̇игаа бхависсанд̇ий’’д̇и яат̇аа уббад̇ид̇ум̣ на саггонд̇и, д̇ат̇аа д̇зсам̣ ж̇ан̇гхадтийни жа багкадтийни жа бхинд̣̇ид̇ваа раасим̣ гад̇ваа табзд̇и, д̇з бунад̣̇ивасз виггин̣аад̇и. ад̇иб̣ахуунам̣ бана лад̣̇д̇хагаалз ад̇д̇аноби ад̇т̇ааяа бажаабзд̇и. д̇ассзгад̣̇ивасам̣ расабхож̇анз баггз зго кийн̣аасаво бин̣д̣ааяа жаранд̇о г̇зхад̣̇ваарз адтааси. со т̇зрам̣ д̣̇исваа жид̇д̇ам̣ басаад̣̇зд̇ваа, ‘‘маяаа б̣ахуу баан̣аа маарзд̇ваа каад̣̇ид̇аа, аяяо жа мз г̇зхад̣̇ваарз тид̇о, анд̇ог̇зхз жа расабхож̇анам̣ сам̣виж̇ж̇ад̇и, бин̣д̣абаад̇амасса д̣̇ассаамий’’д̇и д̇асса бад̇д̇ам̣ аад̣̇ааяа буурзд̇ваа расабин̣д̣абаад̇ам̣ д̣̇ад̇ваа т̇зрам̣ бан̃жабад̇идтид̇зна ванд̣̇ид̇ваа, ‘‘бханд̇з, д̇умхзхи д̣̇идтад̇хаммасса мад̇т̇агам̣ баабун̣зяяа’’нд̇и ааха. т̇зро ‘‘звам̣ ход̇уу’’д̇и анумод̣̇анам̣ агааси. ‘‘бхигкавз, д̇ад̣̇аа гад̇агаммавасзнзд̇ам̣ д̇иссасса нибпаннам̣, сагун̣аанам̣ адтибхзд̣̇ананиссанд̣̇зна д̇иссасса г̇ад̇д̇ан̃жа бууд̇игам̣ ж̇аад̇ам̣, адтийни жа бхиннаани, кийн̣аасавасса расабин̣д̣абаад̇ад̣̇аананиссанд̣̇зна арахад̇д̇ам̣ бад̇д̇о’’д̇и.

    Ayaṃ kassapasammāsambuddhakāle sākuṇiko hutvā bahū sakuṇe vadhitvā issarajanaṃ upaṭṭhahi. Tesaṃ dinnāvasese vikkiṇāti, ‘‘vikkitāvasesā māretvā ṭhapitā pūtikā bhavissantī’’ti yathā uppatituṃ na sakkonti, tathā tesaṃ jaṅghaṭṭhīni ca pakkhaṭṭhīni ca bhinditvā rāsiṃ katvā ṭhapeti, te punadivase vikkiṇāti. Atibahūnaṃ pana laddhakāle attanopi atthāya pacāpeti. Tassekadivasaṃ rasabhojane pakke eko khīṇāsavo piṇḍāya caranto gehadvāre aṭṭhāsi. So theraṃ disvā cittaṃ pasādetvā, ‘‘mayā bahū pāṇā māretvā khāditā, ayyo ca me gehadvāre ṭhito, antogehe ca rasabhojanaṃ saṃvijjati, piṇḍapātamassa dassāmī’’ti tassa pattaṃ ādāya pūretvā rasapiṇḍapātaṃ datvā theraṃ pañcapatiṭṭhitena vanditvā, ‘‘bhante, tumhehi diṭṭhadhammassa matthakaṃ pāpuṇeyya’’nti āha. Thero ‘‘evaṃ hotū’’ti anumodanaṃ akāsi. ‘‘Bhikkhave, tadā katakammavasenetaṃ tissassa nipphannaṃ, sakuṇānaṃ aṭṭhibhedananissandena tissassa gattañca pūtikaṃ jātaṃ, aṭṭhīni ca bhinnāni, khīṇāsavassa rasapiṇḍapātadānanissandena arahattaṃ patto’’ti.

    бууд̇иг̇ад̇д̇ад̇иссад̇т̇зравад̇т̇у сад̇д̇амам̣.

    Pūtigattatissattheravatthu sattamaṃ.

    8. нанд̣̇аг̇обаалагавад̇т̇у

    8. Nandagopālakavatthu

    д̣̇исо д̣̇исанд̇и имам̣ д̇хаммад̣̇зсанам̣ сад̇т̇аа госалаж̇анабад̣̇з нанд̣̇аг̇обаалагам̣ аараб̣бха гат̇зси.

    Diso disanti imaṃ dhammadesanaṃ satthā kosalajanapade nandagopālakaṃ ārabbha kathesi.

    саавад̇т̇ияам̣ гира анаат̇абин̣д̣игасса г̇ахабад̇ино нанд̣̇о наама г̇обаалаго г̇ояуут̇ам̣ рагкад̇и ад̣дхо махад̣̇д̇хано махаабхог̇о. со гира яат̇аа гзн̣ияо ж̇адило баб̣б̣аж̇ж̇аавзсзна, звам̣ г̇обаалагад̇д̇зна рааж̇аб̣алим̣ барихаранд̇о ад̇д̇ано гудумб̣ам̣ рагкад̇и. со гаалзна гаалам̣ бан̃жа г̇орасз аад̣̇ааяа анаат̇абин̣д̣игасса санд̇игам̣ ааг̇анд̇ваа сад̇т̇аарам̣ бассад̇и, д̇хаммам̣ сун̣аад̇и, ад̇д̇ано васанадтаанам̣ ааг̇аманад̇т̇ааяа сад̇т̇аарам̣ яаажад̇и. сад̇т̇аа д̇асса н̃аан̣абарибаагам̣ ааг̇амаяамаано ааг̇анд̇ваа барибаггабхаавам̣ н̃ад̇ваа згад̣̇ивасам̣ махаабхигкусан̇гхабаривуд̇о жааригам̣ жаранд̇о маг̇г̇аа оггамма д̇асса васанадтаанаасаннз ан̃н̃ад̇арасмим̣ ругкамуулз нисийд̣̇и. нанд̣̇о сад̇т̇у санд̇игам̣ аг̇анд̇ваа ванд̣̇ид̇ваа бадисант̇аарам̣ гад̇ваа сад̇т̇аарам̣ ниманд̇зд̇ваа сад̇т̇аахам̣ б̣уд̣̇д̇хаббамукасса бхигкусан̇гхасса бан̣ийд̇ам̣ бан̃жаг̇орасад̣̇аанам̣ ад̣̇ааси. сад̇д̇амз д̣̇ивасз сад̇т̇аа анумод̣̇анам̣ гад̇ваа д̣̇аанагат̇аад̣̇ибхзд̣̇ам̣ анубуб̣б̣им̣ гат̇ам̣ гат̇зси. гат̇аабарияосаанз нанд̣̇аг̇обаалаго сод̇аабад̇д̇ипалз бад̇идтааяа сад̇т̇у бад̇д̇ам̣ г̇ахзд̇ваа сад̇т̇аарам̣ ануг̇ажчанд̇о д̣̇уурам̣ г̇анд̇ваа, ‘‘д̇идта, убаасагаа’’д̇и нивад̇д̇ияамаано ванд̣̇ид̇ваа нивад̇д̇и. ат̇а нам̣ зго луд̣̇д̣̇аго виж̇жхид̇ваа маарзси. бажчад̇о ааг̇ажчанд̇аа бхигкуу нам̣ д̣̇исваа г̇анд̇ваа сад̇т̇аарам̣ аахам̣су – ‘‘нанд̣̇о, бханд̇з, г̇обаалаго д̇умхаагам̣ ид̇хааг̇ад̇ад̇д̇аа махаад̣̇аанам̣ д̣̇ад̇ваа ануг̇анд̇ваа нивад̇д̇знд̇о маарид̇о, сажз д̇умхз нааг̇ажчиссат̇а, наасса маран̣ам̣ абхависсаа’’д̇и. сад̇т̇аа , ‘‘бхигкавз, маяи ааг̇ад̇зби анааг̇ад̇зби д̇асса жад̇ассо д̣̇исаа жад̇ассо ануд̣̇исаа жа г̇ажчанд̇ассааби маран̣ад̇о мужжануубааяо наама над̇т̇и. яан̃хи нзва жораа, на взрино гаронд̇и, д̇ам̣ имзсам̣ сад̇д̇аанам̣ анд̇обад̣̇удтам̣ мижчаабан̣ихид̇ам̣ жид̇д̇амзва гарод̇ий’’д̇и вад̇ваа имам̣ г̇аат̇амааха –

    Sāvatthiyaṃ kira anāthapiṇḍikassa gahapatino nando nāma gopālako goyūthaṃ rakkhati aḍḍho mahaddhano mahābhogo. So kira yathā keṇiyo jaṭilo pabbajjāvesena, evaṃ gopālakattena rājabaliṃ pariharanto attano kuṭumbaṃ rakkhati. So kālena kālaṃ pañca gorase ādāya anāthapiṇḍikassa santikaṃ āgantvā satthāraṃ passati, dhammaṃ suṇāti, attano vasanaṭṭhānaṃ āgamanatthāya satthāraṃ yācati. Satthā tassa ñāṇaparipākaṃ āgamayamāno āgantvā paripakkabhāvaṃ ñatvā ekadivasaṃ mahābhikkhusaṅghaparivuto cārikaṃ caranto maggā okkamma tassa vasanaṭṭhānāsanne aññatarasmiṃ rukkhamūle nisīdi. Nando satthu santikaṃ agantvā vanditvā paṭisanthāraṃ katvā satthāraṃ nimantetvā satthāhaṃ buddhappamukhassa bhikkhusaṅghassa paṇītaṃ pañcagorasadānaṃ adāsi. Sattame divase satthā anumodanaṃ katvā dānakathādibhedaṃ anupubbiṃ kathaṃ kathesi. Kathāpariyosāne nandagopālako sotāpattiphale patiṭṭhāya satthu pattaṃ gahetvā satthāraṃ anugacchanto dūraṃ gantvā, ‘‘tiṭṭha, upāsakā’’ti nivattiyamāno vanditvā nivatti. Atha naṃ eko luddako vijjhitvā māresi. Pacchato āgacchantā bhikkhū naṃ disvā gantvā satthāraṃ āhaṃsu – ‘‘nando, bhante, gopālako tumhākaṃ idhāgatattā mahādānaṃ datvā anugantvā nivattento mārito, sace tumhe nāgacchissatha, nāssa maraṇaṃ abhavissā’’ti. Satthā , ‘‘bhikkhave, mayi āgatepi anāgatepi tassa catasso disā catasso anudisā ca gacchantassāpi maraṇato muccanūpāyo nāma natthi. Yañhi neva corā, na verino karonti, taṃ imesaṃ sattānaṃ antopaduṭṭhaṃ micchāpaṇihitaṃ cittameva karotī’’ti vatvā imaṃ gāthamāha –

    42.

    42.

    ‘‘д̣̇исо д̣̇исам̣ яам̣ д̇ам̣ гаяираа, взрий ваа бана взринам̣;

    ‘‘Diso disaṃ yaṃ taṃ kayirā, verī vā pana verinaṃ;

    мижчаабан̣ихид̇ам̣ жид̇д̇ам̣, баабияо нам̣ д̇ад̇о гарз’’д̇и.

    Micchāpaṇihitaṃ cittaṃ, pāpiyo naṃ tato kare’’ti.

    д̇ад̇т̇а д̣̇исо д̣̇исанд̇и жоро жорам̣. ‘‘д̣̇исваа’’д̇и баатасзсо. яам̣ д̇ам̣ гаяираад̇и яам̣ д̇ам̣ д̇асса анаяаб̣яасанам̣ гарзяяа. д̣̇уд̇ияабад̣̇зби зсзва наяо. ид̣̇ам̣ вуд̇д̇ам̣ ход̇и – зго згасса мид̇д̇ад̣̇уб̣бхий жоро буд̇д̇ад̣̇ааракзд̇д̇авад̇т̇у г̇омахим̣саад̣̇ийсу абараж̇жханд̇о яасса абараж̇жхад̇и, д̇амби д̇ат̇зва ад̇д̇ани абараж̇жханд̇ам̣ жорам̣ д̣̇исваа, взри ваа бана гзнажид̣̇зва гааран̣зна б̣ад̣̇д̇хавзрам̣ взрим̣ д̣̇исваа ад̇д̇ано гагкал̣ад̇ааяа д̣̇аарун̣ад̇ааяа яам̣ д̇ам̣ д̇асса анаяаб̣яасанам̣ гарзяяа, буд̇д̇ад̣̇аарам̣ ваа бийл̣зяяа, кзд̇д̇аад̣̇ийни ваа наасзяяа, ж̇ийвид̇аа ваа бана нам̣ воробзяяа, д̣̇асасу агусалагаммабат̇зсу мижчаатабид̇ад̇д̇аа мижчаабахин̣ид̇ам̣ жид̇д̇ам̣ баабияо нам̣ д̇ад̇о гарз д̇ам̣ бурисам̣ д̇ад̇о баабад̇арам̣ гарзяяа. вуд̇д̇аббагаарзхи, д̣̇исо д̣̇исасса ваа взрий взрино ваа имасмим̣язва ад̇д̇абхаавз д̣̇угкам̣ ваа уббаад̣̇зяяа, ж̇ийвид̇агкаяам̣ ваа гарзяяа. ид̣̇ам̣ бана агусалагаммабат̇зсу мижчаатабид̇ам̣ жид̇д̇ам̣ д̣̇идтзва д̇хаммз анаяаб̣яасанам̣ баабзд̇и, ад̇д̇абхаавасад̇асахассзсуби жад̇уусу абааязсу кибид̇ваа сийсам̣ угкибид̇ум̣ на д̣̇зд̇ийд̇и.

    Tattha diso disanti coro coraṃ. ‘‘Disvā’’ti pāṭhaseso. Yaṃ taṃ kayirāti yaṃ taṃ tassa anayabyasanaṃ kareyya. Dutiyapadepi eseva nayo. Idaṃ vuttaṃ hoti – eko ekassa mittadubbhī coro puttadārakhettavatthu gomahiṃsādīsu aparajjhanto yassa aparajjhati, tampi tatheva attani aparajjhantaṃ coraṃ disvā, veri vā pana kenacideva kāraṇena baddhaveraṃ veriṃ disvā attano kakkhaḷatāya dāruṇatāya yaṃ taṃ tassa anayabyasanaṃ kareyya, puttadāraṃ vā pīḷeyya, khettādīni vā nāseyya, jīvitā vā pana naṃ voropeyya, dasasu akusalakammapathesu micchāṭhapitattā micchāpahiṇitaṃ cittaṃ pāpiyo naṃ tato kare taṃ purisaṃ tato pāpataraṃ kareyya. Vuttappakārehi, diso disassa vā verī verino vā imasmiṃyeva attabhāve dukkhaṃ vā uppādeyya, jīvitakkhayaṃ vā kareyya. Idaṃ pana akusalakammapathesu micchāṭhapitaṃ cittaṃ diṭṭheva dhamme anayabyasanaṃ pāpeti, attabhāvasatasahassesupi catūsu apāyesu khipitvā sīsaṃ ukkhipituṃ na detīti.

    д̣̇зсанаабарияосаанз б̣ахуу сод̇аабад̇д̇ипалаад̣̇ийни бад̇д̇аа. махааж̇анасса саад̇т̇игаа д̣̇зсанаа ж̇аад̇аа. убаасагзна бана бхаванд̇арз гад̇агаммам̣ бхигкуухи на бужчид̇ам̣, д̇асмаа сад̇т̇аараа на гат̇ид̇анд̇и.

    Desanāpariyosāne bahū sotāpattiphalādīni pattā. Mahājanassa sātthikā desanā jātā. Upāsakena pana bhavantare katakammaṃ bhikkhūhi na pucchitaṃ, tasmā satthārā na kathitanti.

    нанд̣̇аг̇обаалагавад̇т̇у адтамам̣.

    Nandagopālakavatthu aṭṭhamaṃ.

    9. сорзяяад̇т̇зравад̇т̇у

    9. Soreyyattheravatthu

    на д̇ам̣ маад̇аа бид̇аа гаяираад̇и имам̣ д̇хаммад̣̇зсанам̣ сад̇т̇аа саавад̇т̇ияам̣ ж̇зд̇аванз вихаранд̇о сорзяяад̇т̇зрам̣ аараб̣бха гат̇зси.

    Nataṃ mātā pitā kayirāti imaṃ dhammadesanaṃ satthā sāvatthiyaṃ jetavane viharanto soreyyattheraṃ ārabbha kathesi.

    вад̇т̇у сорзяяанаг̇арз самудтид̇ам̣, саавад̇т̇ияам̣ нидтаабзси. саммаасамб̣уд̣̇д̇хз саавад̇т̇ияам̣ вихаранд̇з сорзяяанаг̇арз сорзяяасздтибуд̇д̇о згзна сахааяагзна сад̣̇д̇хим̣ сукаяаанагз нисийд̣̇ид̇ваа маханд̇зна бариваарзна нхаанад̇т̇ааяа наг̇араа нигками. д̇асмим̣ кан̣з махаагажжааяанад̇т̇зро сорзяяанаг̇арам̣ бин̣д̣ааяа бависид̇угаамо худ̇ваа б̣ахинаг̇арз сан̇гхаадим̣ баарубад̇и. т̇зрасса жа суван̣н̣аван̣н̣ам̣ сарийрам̣. сорзяяасздтибуд̇д̇о д̇ам̣ д̣̇исваа жинд̇зси – ‘‘ахо вад̇а аяам̣ ваа т̇зро мама бхарияаа бхавзяяа, мама ваа бхарияааяа сарийраван̣н̣о зд̇асса сарийраван̣н̣о вияа бхавзяяаа’’д̇и. д̇асса жинд̇ид̇амад̇д̇зязва бурисалин̇г̇ам̣ анд̇арад̇хааяи, ид̇т̇илин̇г̇ам̣ баад̇урахоси. со лаж̇ж̇амаано яаанагаа оруяха балааяи. бариж̇ано д̇ам̣ асан̃ж̇аананд̇о ‘‘гимзд̇а’’нд̇и ааха. сааби д̇аггасиламаг̇г̇ам̣ бадибаж̇ж̇и. сахааяагобиссаа ид̇о жид̇о жа вижарид̇вааби наад̣̇д̣̇аса. саб̣б̣з нхааяид̇ваа г̇зхам̣ аг̇амим̣су. ‘‘гахам̣ сздтибуд̇д̇о’’д̇и жа вуд̇д̇з, ‘‘нхад̇ваа ааг̇ад̇о бхависсад̇ийд̇и ман̃н̃имхаа’’д̇и вад̣̇им̣су. ат̇асса маад̇аабид̇аро д̇ад̇т̇а д̇ад̇т̇а бариязсид̇ваа абассанд̇аа род̣̇ид̇ваа барид̣̇звид̇ваа, ‘‘мад̇о бхависсад̇ий’’д̇и мад̇агабхад̇д̇ам̣ ад̣̇ам̣су. саа згам̣ д̇аггасилаг̇аамим̣ сад̇т̇аваахам̣ д̣̇исваа яаанагасса бажчад̇о бажчад̇о ануб̣анд̇хи.

    Vatthu soreyyanagare samuṭṭhitaṃ, sāvatthiyaṃ niṭṭhāpesi. Sammāsambuddhe sāvatthiyaṃ viharante soreyyanagare soreyyaseṭṭhiputto ekena sahāyakena saddhiṃ sukhayānake nisīditvā mahantena parivārena nhānatthāya nagarā nikkhami. Tasmiṃ khaṇe mahākaccāyanatthero soreyyanagaraṃ piṇḍāya pavisitukāmo hutvā bahinagare saṅghāṭiṃ pārupati. Therassa ca suvaṇṇavaṇṇaṃ sarīraṃ. Soreyyaseṭṭhiputto taṃ disvā cintesi – ‘‘aho vata ayaṃ vā thero mama bhariyā bhaveyya, mama vā bhariyāya sarīravaṇṇo etassa sarīravaṇṇo viya bhaveyyā’’ti. Tassa cintitamatteyeva purisaliṅgaṃ antaradhāyi, itthiliṅgaṃ pāturahosi. So lajjamāno yānakā oruyha palāyi. Parijano taṃ asañjānanto ‘‘kimeta’’nti āha. Sāpi takkasilamaggaṃ paṭipajji. Sahāyakopissā ito cito ca vicaritvāpi nāddasa. Sabbe nhāyitvā gehaṃ agamiṃsu. ‘‘Kahaṃ seṭṭhiputto’’ti ca vutte, ‘‘nhatvā āgato bhavissatīti maññimhā’’ti vadiṃsu. Athassa mātāpitaro tattha tattha pariyesitvā apassantā roditvā paridevitvā, ‘‘mato bhavissatī’’ti matakabhattaṃ adaṃsu. Sā ekaṃ takkasilagāmiṃ satthavāhaṃ disvā yānakassa pacchato pacchato anubandhi.

    ат̇а нам̣ мануссаа д̣̇исваа, ‘‘амхаагам̣ яаанагасса бажчад̇о бажчад̇о ануг̇ажчад̇и, маяам̣ ‘гассзсаа д̣̇ааригаа’д̇и д̇ам̣ на ж̇аанаамаа’’д̇и вад̣̇им̣су. сааби ‘‘д̇умхз ад̇д̇ано яаанагам̣ бааж̇зт̇а, ахам̣ бад̣̇асаа г̇амиссаамий’’д̇и г̇ажчанд̇ий ан̇г̇улимуд̣̇д̣̇игам̣ д̣̇ад̇ваа згасмим̣ яаанагз огаасам̣ гаарзси. мануссаа жинд̇аяим̣су – ‘‘д̇аггасиланаг̇арз амхаагам̣ сздтибуд̇д̇асса бхарияаа над̇т̇и, д̇асса аажигкиссаама, махаабан̣н̣аагааро но бхависсад̇ий’’д̇и. д̇з г̇зхам̣ г̇анд̇ваа, ‘‘саами, амхзхи д̇умхаагам̣ згам̣ ид̇т̇ирад̇анам̣ аанийд̇а’’нд̇и аахам̣су. со д̇ам̣ суд̇ваа д̇ам̣ баггосаабзд̇ваа ад̇д̇ано ваяаануруубам̣ абхируубам̣ баасаад̣̇игам̣ д̣̇исваа уббаннасинзхо г̇зхз агааси. бурисаа хи ид̇т̇ияо, ид̇т̇ияо ваа бурисаа абхууд̇абуб̣б̣аа наама над̇т̇и. бурисаа хи барасса д̣̇аарзсу ад̇ижарид̇ваа гаалам̣ гад̇ваа б̣ахууни вассасад̇асахассаани нираяз бажжид̇ваа мануссаж̇аад̇им̣ ааг̇ажчанд̇аа ад̇д̇абхаавасад̇з ид̇т̇ибхаавам̣ аабаж̇ж̇анд̇и.

    Atha naṃ manussā disvā, ‘‘amhākaṃ yānakassa pacchato pacchato anugacchati, mayaṃ ‘kassesā dārikā’ti taṃ na jānāmā’’ti vadiṃsu. Sāpi ‘‘tumhe attano yānakaṃ pājetha, ahaṃ padasā gamissāmī’’ti gacchantī aṅgulimuddikaṃ datvā ekasmiṃ yānake okāsaṃ kāresi. Manussā cintayiṃsu – ‘‘takkasilanagare amhākaṃ seṭṭhiputtassa bhariyā natthi, tassa ācikkhissāma, mahāpaṇṇākāro no bhavissatī’’ti. Te gehaṃ gantvā, ‘‘sāmi, amhehi tumhākaṃ ekaṃ itthiratanaṃ ānīta’’nti āhaṃsu. So taṃ sutvā taṃ pakkosāpetvā attano vayānurūpaṃ abhirūpaṃ pāsādikaṃ disvā uppannasineho gehe akāsi. Purisā hi itthiyo, itthiyo vā purisā abhūtapubbā nāma natthi. Purisā hi parassa dāresu aticaritvā kālaṃ katvā bahūni vassasatasahassāni niraye paccitvā manussajātiṃ āgacchantā attabhāvasate itthibhāvaṃ āpajjanti.

    аананд̣̇ад̇т̇зроби габбасад̇асахассам̣ буурид̇абаарамий арияасааваго сам̣саарз сам̣саранд̇о згасмим̣ ад̇д̇абхаавз гаммаарагулз ниб̣б̣ад̇д̇о. барад̣̇аарагаммам̣ гад̇ваа нираяз бажжид̇ваа баггаавасзсзна жуд̣̇д̣̇асасу ад̇д̇абхаавзсу бурисасса баад̣̇абарижааригаа ид̇т̇ий ахоси, сад̇д̇асу ад̇д̇абхаавзсу б̣ийж̇уд̣̇д̇харан̣ам̣ баабун̣и. ид̇т̇ияо бана д̣̇аанаад̣̇ийни бун̃н̃аани гад̇ваа ид̇т̇ибхаавз чанд̣̇ам̣ вирааж̇зд̇ваа, ‘‘ид̣̇ам̣ но бун̃н̃ам̣ бурисад̇д̇абхаавабадилаабхааяа сам̣вад̇д̇ад̇уу’’д̇и жид̇д̇ам̣ ад̇хидтахид̇ваа гаалам̣ гад̇ваа бурисад̇д̇абхаавам̣ бадилабханд̇и, бад̇ид̣̇звад̇аа худ̇ваа саамигз саммаабадибад̇д̇ивасзнааби бурисад̇д̇абхаавам̣ бадилабханд̇зва.

    Ānandattheropi kappasatasahassaṃ pūritapāramī ariyasāvako saṃsāre saṃsaranto ekasmiṃ attabhāve kammārakule nibbatto. Paradārakammaṃ katvā niraye paccitvā pakkāvasesena cuddasasu attabhāvesu purisassa pādaparicārikā itthī ahosi, sattasu attabhāvesu bījuddharaṇaṃ pāpuṇi. Itthiyo pana dānādīni puññāni katvā itthibhāve chandaṃ virājetvā, ‘‘idaṃ no puññaṃ purisattabhāvapaṭilābhāya saṃvattatū’’ti cittaṃ adhiṭṭhahitvā kālaṃ katvā purisattabhāvaṃ paṭilabhanti, patidevatā hutvā sāmike sammāpaṭipattivasenāpi purisattabhāvaṃ paṭilabhanteva.

    аяам̣ бана сздтибуд̇д̇о т̇зрз аяонисо жид̇д̇ам̣ уббаад̣̇зд̇ваа имасмим̣язва ад̇д̇абхаавз ид̇т̇ибхаавам̣ бадилабхи. д̇аггасилааяам̣ сздтибуд̇д̇зна сад̣̇д̇хим̣ сам̣ваасаманвааяа бана д̇ассаа гужчияам̣ г̇аб̣бхо бад̇идтааси. саа д̣̇асамаасажжаязна буд̇д̇ам̣ лабхид̇ваа д̇асса бад̣̇асаа г̇аманагаалз абарамби буд̇д̇ам̣ бадилабхи. звамассаа гужчияам̣ вуд̇т̇аа д̣̇вз, сорзяяанаг̇арз д̇ам̣ бадижжа ниб̣б̣ад̇д̇аа д̣̇взд̇и жад̇д̇ааро буд̇д̇аа ахзсум̣. д̇асмим̣ гаалз сорзяяанаг̇арад̇о д̇ассаа сахааяаго сздтибуд̇д̇о бан̃жахи сагадасад̇зхи д̇аггасилам̣ г̇анд̇ваа сукаяаанагз нисинно наг̇арам̣ баависи. ат̇а нам̣ саа убарибаасаад̣̇ад̇алз ваад̇абаанам̣ виварид̇ваа анд̇аравийт̇им̣ ологаяамаанаа тид̇аа д̣̇исваа сан̃ж̇аанид̇ваа д̣̇аасим̣ бзсзд̇ваа баггосаабзд̇ваа махаад̇алз нисийд̣̇аабзд̇ваа маханд̇ам̣ саггаарасаммаанам̣ агааси. ат̇а нам̣ со ааха – ‘‘бхад̣̇д̣̇з, д̇вам̣ ид̇о буб̣б̣з амхзхи на д̣̇идтабуб̣б̣аа, ат̇а жа бана но маханд̇ам̣ саггаарам̣ гароси, ж̇аанааси д̇вам̣ амхз’’д̇и. ‘‘аама, саами, ж̇аанаами, нану д̇умхз сорзяяанаг̇араваасино’’д̇и? ‘‘аама, бхад̣̇д̣̇з’’д̇и. саа маад̇аабид̇уунан̃жа бхарияааяа жа буд̇д̇аанан̃жа арог̇абхаавам̣ бужчи. ид̇аро ‘‘аама, бхад̣̇д̣̇з, арог̇аа’’д̇и вад̇ваа ‘‘ж̇аанааси д̇вам̣ зд̇з’’д̇и ааха. ‘‘аама саами, ж̇аанаами. д̇зсам̣ зго буд̇д̇о ад̇т̇и, со гахам̣, саамий’’д̇и? ‘‘бхад̣̇д̣̇з, маа зд̇ам̣ гат̇зхи, маяам̣ д̇зна сад̣̇д̇хим̣ згад̣̇ивасам̣ сукаяаанагз нисийд̣̇ид̇ваа нхааяид̇ум̣ нигканд̇аа нзвасса г̇ад̇им̣ ж̇аанаама, ид̇о жид̇о жа вижарид̇ваа д̇ам̣ ад̣̇исваа маад̇аабид̇уунам̣ аарожаяимхаа, д̇збисса род̣̇ид̇ваа ганд̣̇ид̇ваа бзд̇агижжам̣ гирим̣суу’’д̇и. ‘‘ахам̣ со, саамий’’д̇и. ‘‘абзхи, бхад̣̇д̣̇з, гим̣ гат̇зси маяхам̣ сахааяо д̣̇звагумааро вияа зго бурисо’’д̇и? ‘‘ход̇у, саами, ахам̣ со’’д̇и. ‘‘ат̇а ид̣̇ам̣ гим̣ наамаа’’д̇и? ‘‘д̇ам̣ д̣̇ивасам̣ д̇з аяяо махаагажжааяанад̇т̇зро д̣̇идто’’д̇и? ‘‘аама, д̣̇идто’’д̇и. ахам̣ аяяам̣ махаагажжааяанад̇т̇зрам̣ ологзд̇ваа, ‘‘ахо вад̇а аяам̣ ваа т̇зро мама бхарияаа бхавзяяа , зд̇асса ваа сарийраван̣н̣о вияа мама бхарияааяа сарийраван̣н̣о бхавзяяаа’’д̇и жинд̇зсим̣. жинд̇ид̇агкан̣зязва мз бурисалин̇г̇ам̣ анд̇арад̇хааяи, ид̇т̇илин̇г̇ам̣ баад̇убхави. ат̇аахам̣ лаж̇ж̇амаанаа гассажи гин̃жи вад̇д̇ум̣ асаггун̣ид̇ваа д̇ад̇о балааяид̇ваа ид̇хааг̇ад̇аа, саамийд̇и.

    Ayaṃ pana seṭṭhiputto there ayoniso cittaṃ uppādetvā imasmiṃyeva attabhāve itthibhāvaṃ paṭilabhi. Takkasilāyaṃ seṭṭhiputtena saddhiṃ saṃvāsamanvāya pana tassā kucchiyaṃ gabbho patiṭṭhāsi. Sā dasamāsaccayena puttaṃ labhitvā tassa padasā gamanakāle aparampi puttaṃ paṭilabhi. Evamassā kucchiyaṃ vutthā dve, soreyyanagare taṃ paṭicca nibbattā dveti cattāro puttā ahesuṃ. Tasmiṃ kāle soreyyanagarato tassā sahāyako seṭṭhiputto pañcahi sakaṭasatehi takkasilaṃ gantvā sukhayānake nisinno nagaraṃ pāvisi. Atha naṃ sā uparipāsādatale vātapānaṃ vivaritvā antaravīthiṃ olokayamānā ṭhitā disvā sañjānitvā dāsiṃ pesetvā pakkosāpetvā mahātale nisīdāpetvā mahantaṃ sakkārasammānaṃ akāsi. Atha naṃ so āha – ‘‘bhadde, tvaṃ ito pubbe amhehi na diṭṭhapubbā, atha ca pana no mahantaṃ sakkāraṃ karosi, jānāsi tvaṃ amhe’’ti. ‘‘Āma, sāmi, jānāmi, nanu tumhe soreyyanagaravāsino’’ti? ‘‘Āma, bhadde’’ti. Sā mātāpitūnañca bhariyāya ca puttānañca arogabhāvaṃ pucchi. Itaro ‘‘āma, bhadde, arogā’’ti vatvā ‘‘jānāsi tvaṃ ete’’ti āha. ‘‘Āma sāmi, jānāmi. Tesaṃ eko putto atthi, so kahaṃ, sāmī’’ti? ‘‘Bhadde, mā etaṃ kathehi, mayaṃ tena saddhiṃ ekadivasaṃ sukhayānake nisīditvā nhāyituṃ nikkhantā nevassa gatiṃ jānāma, ito cito ca vicaritvā taṃ adisvā mātāpitūnaṃ ārocayimhā, tepissa roditvā kanditvā petakiccaṃ kiriṃsū’’ti. ‘‘Ahaṃ so, sāmī’’ti. ‘‘Apehi, bhadde, kiṃ kathesi mayhaṃ sahāyo devakumāro viya eko puriso’’ti? ‘‘Hotu, sāmi, ahaṃ so’’ti. ‘‘Atha idaṃ kiṃ nāmā’’ti? ‘‘Taṃ divasaṃ te ayyo mahākaccāyanatthero diṭṭho’’ti? ‘‘Āma, diṭṭho’’ti. Ahaṃ ayyaṃ mahākaccāyanattheraṃ oloketvā, ‘‘aho vata ayaṃ vā thero mama bhariyā bhaveyya , etassa vā sarīravaṇṇo viya mama bhariyāya sarīravaṇṇo bhaveyyā’’ti cintesiṃ. Cintitakkhaṇeyeva me purisaliṅgaṃ antaradhāyi, itthiliṅgaṃ pātubhavi. Athāhaṃ lajjamānā kassaci kiñci vattuṃ asakkuṇitvā tato palāyitvā idhāgatā, sāmīti.

    ‘‘ахо вад̇а д̇з бхаарияам̣ гаммам̣ гад̇ам̣, гасмаа маяхам̣ наажигки, абижа бана д̇з т̇зро камаабид̇о’’д̇и? ‘‘на камаабид̇о, саами. ж̇аанааси бана д̇вам̣ гахам̣ т̇зро’’д̇и? ‘‘имамзва наг̇арам̣ убаниссааяа вихарад̇ий’’д̇и. ‘‘сажз бин̣д̣ааяа жаранд̇о ид̇хааг̇ажчзяяа, ахам̣ мама аяяасса бхигкаахаарам̣ д̣̇ад̣̇зяяам̣, саамий’’д̇и. ‘‘д̇зна хи сийгхам̣ саггаарам̣ гарохи, амхаагам̣ аяяам̣ камаабзссаамаа’’д̇и со т̇зрасса васанадтаанам̣ г̇анд̇ваа ванд̣̇ид̇ваа згаманд̇ам̣ нисинно, ‘‘бханд̇з, свз маяхам̣ бхигкам̣ г̇ан̣хат̇аа’’д̇и ааха. ‘‘нану д̇вам̣, сздтибуд̇д̇а, ааг̇анд̇угосий’’д̇и. ‘‘бханд̇з, маа амхаагам̣ ааг̇анд̇угабхаавам̣ бужчат̇а, свз мз бхигкам̣ г̇ан̣хат̇аа’’д̇и. т̇зро ад̇хиваасзси, г̇зхзби т̇зрасса махаасаггааро бадияад̇д̇о. т̇зро бунад̣̇ивасз д̇ам̣ г̇зхад̣̇ваарам̣ аг̇амааси. ат̇а нам̣ нисийд̣̇аабзд̇ваа бан̣ийд̇знаахаарзна баривисид̇ваа сздтибуд̇д̇о д̇ам̣ ид̇т̇им̣ г̇ахзд̇ваа т̇зрасса баад̣̇амуулз нибаж̇ж̇аабзд̇ваа, ‘‘бханд̇з, маяхам̣ сахааяигааяа камат̇аа’’д̇и ааха. ‘‘гимзд̇а’’нд̇и? ‘‘аяам̣, бханд̇з, буб̣б̣з маяхам̣ бияасахааяаго худ̇ваа д̇умхз ологзд̇ваа звам̣ наама жинд̇зси, ат̇асса бурисалин̇г̇ам̣ анд̇арад̇хааяи, ид̇т̇илин̇г̇ам̣ баад̇убхави, камат̇а, бханд̇з’’д̇и. ‘‘д̇зна хи удтахат̇а, камаами во аха’’нд̇и. т̇зрзна ‘‘камаамий’’д̇и вуд̇д̇амад̇д̇зязва ид̇т̇илин̇г̇ам̣ анд̇арад̇хааяи, бурисалин̇г̇ам̣ баад̇убхави.

    ‘‘Aho vata te bhāriyaṃ kammaṃ kataṃ, kasmā mayhaṃ nācikkhi, apica pana te thero khamāpito’’ti? ‘‘Na khamāpito, sāmi. Jānāsi pana tvaṃ kahaṃ thero’’ti? ‘‘Imameva nagaraṃ upanissāya viharatī’’ti. ‘‘Sace piṇḍāya caranto idhāgaccheyya, ahaṃ mama ayyassa bhikkhāhāraṃ dadeyyaṃ, sāmī’’ti. ‘‘Tena hi sīghaṃ sakkāraṃ karohi, amhākaṃ ayyaṃ khamāpessāmā’’ti so therassa vasanaṭṭhānaṃ gantvā vanditvā ekamantaṃ nisinno, ‘‘bhante, sve mayhaṃ bhikkhaṃ gaṇhathā’’ti āha. ‘‘Nanu tvaṃ, seṭṭhiputta, āgantukosī’’ti. ‘‘Bhante, mā amhākaṃ āgantukabhāvaṃ pucchatha, sve me bhikkhaṃ gaṇhathā’’ti. Thero adhivāsesi, gehepi therassa mahāsakkāro paṭiyatto. Thero punadivase taṃ gehadvāraṃ agamāsi. Atha naṃ nisīdāpetvā paṇītenāhārena parivisitvā seṭṭhiputto taṃ itthiṃ gahetvā therassa pādamūle nipajjāpetvā, ‘‘bhante, mayhaṃ sahāyikāya khamathā’’ti āha. ‘‘Kimeta’’nti? ‘‘Ayaṃ, bhante, pubbe mayhaṃ piyasahāyako hutvā tumhe oloketvā evaṃ nāma cintesi, athassa purisaliṅgaṃ antaradhāyi, itthiliṅgaṃ pātubhavi, khamatha, bhante’’ti. ‘‘Tena hi uṭṭhahatha, khamāmi vo aha’’nti. Therena ‘‘khamāmī’’ti vuttamatteyeva itthiliṅgaṃ antaradhāyi, purisaliṅgaṃ pātubhavi.

    бурисалин̇г̇з баад̇убхууд̇амад̇д̇зязва д̇ам̣ д̇аггасилааяа сздтибуд̇д̇о ааха – ‘‘самма сахааяага, имз д̣̇вз д̣̇аарагаа д̇ава гужчияам̣ вуд̇т̇ад̇д̇аа мам̣ бадижжа ниб̣б̣ад̇д̇ад̇д̇аа убхиннамбино буд̇д̇аа зва, ид̇хзва васиссаама, маа угган̣тий’’д̇и. ‘‘самма, ахам̣ згзнад̇д̇абхаавзна батамам̣ бурисо худ̇ваа ид̇т̇ибхаавам̣ бад̇ваа буна бурисо ж̇аад̇од̇и виббагаараббад̇д̇о, батамам̣ мам̣ бадижжа д̣̇вз буд̇д̇аа ниб̣б̣ад̇д̇аа, ид̣̇аани мз гужчид̇о д̣̇вз буд̇д̇аа нигканд̇аа, сваахам̣ згзнад̇д̇абхаавзна виббагаараббад̇д̇о, буна ‘г̇зхз васиссад̇ий’д̇и сан̃н̃ам̣ маа гари, ахам̣ мама аяяасса санд̇игз баб̣б̣аж̇иссаами. имз д̣̇вз д̣̇аарагаа д̇ава бхаараад̇и, имзсу маа бамаж̇ж̇ий’’д̇и вад̇ваа буд̇д̇з сийсз барижумб̣ид̇ваа баримаж̇ж̇ид̇ваа урз нибаж̇ж̇аабзд̇ваа бид̇у нияяаад̣̇зд̇ваа нигкамид̇ваа т̇зрасса санд̇игз баб̣б̣аж̇ж̇ам̣ яаажи. т̇зроби нам̣ баб̣б̣ааж̇зд̇ваа убасамбаад̣̇зд̇ваа г̇ан̣хид̇ваава жааригам̣ жарамаано анубуб̣б̣зна саавад̇т̇им̣ аг̇амааси. д̇асса сорзяяад̇т̇зрод̇и наамам̣ ахоси. ж̇анабад̣̇аваасино д̇ам̣ бавад̇д̇им̣ н̃ад̇ваа сан̇кубхид̇ваа год̇уухалаж̇аад̇аа д̇ам̣ убасан̇гамид̇ваа бужчим̣су – ‘‘звам̣ гира, бханд̇з’’д̇и? ‘‘аама, аавусо’’д̇и. ‘‘бханд̇з, зваруубамби гааран̣ам̣ наама ход̇и’’? ‘‘д̇умхаагам̣ гужчияам̣ гира д̣̇вз буд̇д̇аа ниб̣б̣ад̇д̇аа, д̇умхз бадижжа д̣̇вз ж̇аад̇аа, д̇зсам̣ во гад̇арзсу б̣алавасинзхо ход̇ий’’д̇и? ‘‘гужчияам̣ вуд̇т̇агзсу, аавусо’’д̇и. ааг̇ад̇ааг̇ад̇аа ниб̣ад̣̇д̇хам̣ д̇ат̇зва бужчим̣су.

    Purisaliṅge pātubhūtamatteyeva taṃ takkasilāya seṭṭhiputto āha – ‘‘samma sahāyaka, ime dve dārakā tava kucchiyaṃ vutthattā maṃ paṭicca nibbattattā ubhinnampino puttā eva, idheva vasissāma, mā ukkaṇṭhī’’ti. ‘‘Samma, ahaṃ ekenattabhāvena paṭhamaṃ puriso hutvā itthibhāvaṃ patvā puna puriso jātoti vippakārappatto, paṭhamaṃ maṃ paṭicca dve puttā nibbattā, idāni me kucchito dve puttā nikkhantā, svāhaṃ ekenattabhāvena vippakārappatto, puna ‘gehe vasissatī’ti saññaṃ mā kari, ahaṃ mama ayyassa santike pabbajissāmi. Ime dve dārakā tava bhārāti, imesu mā pamajjī’’ti vatvā putte sīse paricumbitvā parimajjitvā ure nipajjāpetvā pitu niyyādetvā nikkhamitvā therassa santike pabbajjaṃ yāci. Theropi naṃ pabbājetvā upasampādetvā gaṇhitvāva cārikaṃ caramāno anupubbena sāvatthiṃ agamāsi. Tassa soreyyattheroti nāmaṃ ahosi. Janapadavāsino taṃ pavattiṃ ñatvā saṅkhubhitvā kotūhalajātā taṃ upasaṅkamitvā pucchiṃsu – ‘‘evaṃ kira, bhante’’ti? ‘‘Āma, āvuso’’ti. ‘‘Bhante, evarūpampi kāraṇaṃ nāma hoti’’? ‘‘Tumhākaṃ kucchiyaṃ kira dve puttā nibbattā, tumhe paṭicca dve jātā, tesaṃ vo kataresu balavasineho hotī’’ti? ‘‘Kucchiyaṃ vutthakesu, āvuso’’ti. Āgatāgatā nibaddhaṃ tatheva pucchiṃsu.

    т̇зро ‘‘гужчияам̣ вуд̇д̇агзсу зва синзхо б̣алаваа’’д̇и бунаббунам̣ гат̇знд̇о харааяамаано згова нисийд̣̇ад̇и, згова д̇идтад̇и. со звам̣ згад̇д̇уубаг̇ад̇о ад̇д̇абхаавз каяаваяам̣ самудтаабзд̇ваа саха бадисамбхид̣̇аахи арахад̇д̇ам̣ баабун̣и. ат̇а нам̣ ааг̇ад̇ааг̇ад̇аа бужчанд̇и – ‘‘бханд̇з, звам̣ гира наама ахосий’’д̇и? ‘‘аамаавусо’’д̇и. ‘‘гад̇арзсу синзхо б̣алаваа’’д̇и? ‘‘маяхам̣ гад̇т̇ажи синзхо наама над̇т̇ий’’д̇и. бхигкуу ‘‘аяам̣ абхууд̇ам̣ гат̇зси, буримад̣̇ивасзсу ‘гужчияам̣ вуд̇т̇абуд̇д̇зсу синзхо б̣алаваа’д̇и вад̇ваа ид̣̇аани ‘маяхам̣ гад̇т̇ажи синзхо над̇т̇ий’д̇и вад̣̇ад̇и, ан̃н̃ам̣ б̣яаагарод̇и, бханд̇з’’д̇и аахам̣су. сад̇т̇аа ‘‘на, бхигкавз, мама буд̇д̇о ан̃н̃ам̣ б̣яаагарод̇и, мама буд̇д̇асса саммаабан̣ихид̇зна жид̇д̇зна маг̇г̇асса д̣̇идтагаалад̇о бадтааяа на гад̇т̇ажи синзхо ж̇аад̇о, яам̣ самбад̇д̇им̣ нзва маад̇аа, на бид̇аа гаад̇ум̣ саггод̇и, д̇ам̣ имзсам̣ сад̇д̇аанам̣ аб̣бханд̇арз бавад̇д̇ам̣ саммаабан̣ихид̇ам̣ жид̇д̇амзва д̣̇зд̇ий’’д̇и вад̇ваа имам̣ г̇аат̇амааха –

    Thero ‘‘kucchiyaṃ vuttakesu eva sineho balavā’’ti punappunaṃ kathento harāyamāno ekova nisīdati, ekova tiṭṭhati. So evaṃ ekattūpagato attabhāve khayavayaṃ samuṭṭhāpetvā saha paṭisambhidāhi arahattaṃ pāpuṇi. Atha naṃ āgatāgatā pucchanti – ‘‘bhante, evaṃ kira nāma ahosī’’ti? ‘‘Āmāvuso’’ti. ‘‘Kataresu sineho balavā’’ti? ‘‘Mayhaṃ katthaci sineho nāma natthī’’ti. Bhikkhū ‘‘ayaṃ abhūtaṃ kathesi, purimadivasesu ‘kucchiyaṃ vutthaputtesu sineho balavā’ti vatvā idāni ‘mayhaṃ katthaci sineho natthī’ti vadati, aññaṃ byākaroti, bhante’’ti āhaṃsu. Satthā ‘‘na, bhikkhave, mama putto aññaṃ byākaroti, mama puttassa sammāpaṇihitena cittena maggassa diṭṭhakālato paṭṭhāya na katthaci sineho jāto, yaṃ sampattiṃ neva mātā, na pitā kātuṃ sakkoti, taṃ imesaṃ sattānaṃ abbhantare pavattaṃ sammāpaṇihitaṃ cittameva detī’’ti vatvā imaṃ gāthamāha –

    43.

    43.

    ‘‘на д̇ам̣ маад̇аа бид̇аа гаяираа, ан̃н̃з вааби жа н̃аад̇агаа;

    ‘‘Na taṃ mātā pitā kayirā, aññe vāpi ca ñātakā;

    саммаабан̣ихид̇ам̣ жид̇д̇ам̣, сзяяасо нам̣ д̇ад̇о гарз’’д̇и.

    Sammāpaṇihitaṃ cittaṃ, seyyaso naṃ tato kare’’ti.

    д̇ад̇т̇ана д̇анд̇и д̇ам̣ гааран̣ам̣ нзва маад̇аа гарзяяа, на бид̇аа, на ан̃н̃з н̃аад̇агаа. саммаабан̣ихид̇анд̇и д̣̇асасу гусалагаммабат̇зсу саммаа табид̇ам̣. сзяяасо нам̣ д̇ад̇о гарзд̇и д̇ад̇о гааран̣ад̇о сзяяасо нам̣ варад̇арам̣ уд̇д̇арид̇арам̣ гарзяяа, гарод̇ийд̇и ад̇т̇о. маад̇аабид̇аро хи буд̇д̇аанам̣ д̇ханам̣ д̣̇ад̣̇амаанаа згасмим̣язва ад̇д̇абхаавз гаммам̣ агад̇ваа сукзна ж̇ийвигагаббанам̣ д̇ханам̣ д̣̇аад̇ум̣ саггонд̇и. висаакааяа маад̇аабид̇ароби д̇аава махад̣̇д̇ханаа махаабхог̇аа, д̇ассаа згасмим̣язва ад̇д̇абхаавз сукзна ж̇ийвигагаббанам̣ д̇ханам̣ ад̣̇ам̣су. жад̇уусу бана д̣̇ийбзсу жаггавад̇д̇исирим̣ д̣̇аад̇ум̣ самад̇т̇аа маад̇аабид̇ароби наама буд̇д̇аанам̣ над̇т̇и, баг̇зва д̣̇иб̣б̣асамбад̇д̇им̣ ваа батамаж̇жхаанаад̣̇исамбад̇д̇им̣ ваа, логуд̇д̇арасамбад̇д̇ид̣̇аанз гат̇аава над̇т̇и, саммаабан̣ихид̇ам̣ бана жид̇д̇ам̣ саб̣б̣амбзд̇ам̣ самбад̇д̇им̣ д̣̇аад̇ум̣ саггод̇и. д̇зна вуд̇д̇ам̣ ‘‘сзяяасо нам̣ д̇ад̇о гарз’’д̇и.

    Tatthana tanti taṃ kāraṇaṃ neva mātā kareyya, na pitā, na aññe ñātakā. Sammāpaṇihitanti dasasu kusalakammapathesu sammā ṭhapitaṃ. Seyyasonaṃ tato kareti tato kāraṇato seyyaso naṃ varataraṃ uttaritaraṃ kareyya, karotīti attho. Mātāpitaro hi puttānaṃ dhanaṃ dadamānā ekasmiṃyeva attabhāve kammaṃ akatvā sukhena jīvikakappanaṃ dhanaṃ dātuṃ sakkonti. Visākhāya mātāpitaropi tāva mahaddhanā mahābhogā, tassā ekasmiṃyeva attabhāve sukhena jīvikakappanaṃ dhanaṃ adaṃsu. Catūsu pana dīpesu cakkavattisiriṃ dātuṃ samatthā mātāpitaropi nāma puttānaṃ natthi, pageva dibbasampattiṃ vā paṭhamajjhānādisampattiṃ vā, lokuttarasampattidāne kathāva natthi, sammāpaṇihitaṃ pana cittaṃ sabbampetaṃ sampattiṃ dātuṃ sakkoti. Tena vuttaṃ ‘‘seyyaso naṃ tato kare’’ti.

    д̣̇зсанаавасаанз б̣ахуу сод̇аабад̇д̇ипалаад̣̇ийни бад̇д̇аа. д̣̇зсанаа махааж̇анасса саад̇т̇игаа ж̇аад̇аад̇и.

    Desanāvasāne bahū sotāpattiphalādīni pattā. Desanā mahājanassa sātthikā jātāti.

    сорзяяад̇т̇зравад̇т̇у навамам̣.

    Soreyyattheravatthu navamaṃ.

    жид̇д̇аваг̇г̇аван̣н̣анаа нидтид̇аа.

    Cittavaggavaṇṇanā niṭṭhitā.

    д̇ад̇ияо ваг̇г̇о.

    Tatiyo vaggo.




    Next: 4. бубпаваг̇г̇о • 4. Pupphavaggo




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 3. жид̇д̇аваг̇г̇о • 3. Cittavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact