| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. жид̇д̇аяамагам̣
8. Cittayamakaṃ
уд̣̇д̣̇зсаваараван̣н̣анаа
Uddesavāravaṇṇanā
1-62. ид̣̇аани д̇зсан̃н̃зва муулаяамагз д̣̇зсид̇аанам̣ гусалаад̣̇ид̇хаммаанам̣ лаб̣бхамаанавасзна згад̣̇зсамзва сан̇г̇ан̣хид̇ваа анусаяаяамагаананд̇арам̣ д̣̇зсид̇асса жид̇д̇аяамагасса ад̇т̇аван̣н̣анаа ход̇и. д̇ад̇т̇а баал̣ивавад̇т̇аанам̣ д̇аава взд̣̇ид̇аб̣б̣ам̣. имасмин̃хи жид̇д̇аяамагз маад̇игаатабанам̣, табид̇амаад̇игааяа виссаж̇ж̇ананд̇и д̣̇вз ваараа хонд̇и. д̇ад̇т̇а маад̇игаатабанз буг̇г̇алавааро, д̇хаммавааро, буг̇г̇алад̇хаммаваарод̇и аад̣̇ид̇ова д̇аяо суд̣̇д̇хигамахааваараа хонд̇и.
1-62. Idāni tesaññeva mūlayamake desitānaṃ kusalādidhammānaṃ labbhamānavasena ekadesameva saṅgaṇhitvā anusayayamakānantaraṃ desitassa cittayamakassa atthavaṇṇanā hoti. Tattha pāḷivavatthānaṃ tāva veditabbaṃ. Imasmiñhi cittayamake mātikāṭhapanaṃ, ṭhapitamātikāya vissajjananti dve vārā honti. Tattha mātikāṭhapane puggalavāro, dhammavāro, puggaladhammavāroti āditova tayo suddhikamahāvārā honti.
д̇ад̇т̇а ‘‘яасса жид̇д̇ам̣ уббаж̇ж̇ад̇и, на нируж̇жхад̇ий’’д̇и звам̣ буг̇г̇алавасзна жид̇д̇асса уббаж̇ж̇ананируж̇жханаад̣̇ибхзд̣̇ам̣ д̣̇ийбзнд̇о г̇ад̇о буг̇г̇алавааро наама. ‘‘яам̣ жид̇д̇ам̣ уббаж̇ж̇ад̇и, на нируж̇жхад̇ий’’д̇и звам̣ д̇хаммавасзнзва жид̇д̇асса уббаж̇ж̇ананируж̇жханаад̣̇ибхзд̣̇ам̣ д̣̇ийбзнд̇о г̇ад̇о д̇хаммавааро наама. ‘‘яасса яам̣ жид̇д̇ам̣ уббаж̇ж̇ад̇и, на нируж̇жхад̇ий’’д̇и звам̣ убхаяавасзна жид̇д̇асса уббаж̇ж̇ананируж̇жханаад̣̇ибхзд̣̇ам̣ д̣̇ийбзнд̇о г̇ад̇о буг̇г̇алад̇хаммавааро наама. д̇ад̇о ‘‘яасса сарааг̇ам̣ жид̇д̇а’’нд̇и сол̣асаннам̣ бад̣̇аанам̣ васзна абарз сарааг̇аад̣̇ибад̣̇ависзсид̇аа сол̣аса буг̇г̇алаваараа, сол̣аса д̇хаммаваараа, сол̣аса буг̇г̇алад̇хаммаваараад̇и адтажад̇д̇аалийсам̣ миссагаваараа хонд̇и. д̇з сарааг̇аад̣̇ибад̣̇амад̇д̇ам̣ д̣̇ассзд̇ваа сан̇кид̇д̇аа. д̇ад̇о ‘‘яасса гусалам̣ жид̇д̇а’’нд̇иаад̣̇инаа наязна часадтид̣̇висад̇асан̇каанам̣ абхид̇хаммамаад̇игаабад̣̇аанам̣ васзна абарз гусалаад̣̇ибад̣̇ависзсид̇аа часадтид̣̇висад̇абуг̇г̇алаваараа, часадтид̣̇висад̇ад̇хаммаваараа часадтид̣̇висад̇абуг̇г̇алад̇хаммаваараад̇и адтанавуд̇исад̇д̇асад̇аа миссагаваараа хонд̇и. д̇зби гусалаад̣̇ибад̣̇амад̇д̇ам̣ д̣̇ассзд̇ваа сан̇кид̇д̇ааязва. яаанибзд̇т̇а санид̣̇ассанаад̣̇ийни бад̣̇аани жид̇д̇зна сад̣̇д̇хим̣ на яуж̇ж̇анд̇и, д̇аани могхабужчаавасзна табид̇аани.
Tattha ‘‘yassa cittaṃ uppajjati, na nirujjhatī’’ti evaṃ puggalavasena cittassa uppajjananirujjhanādibhedaṃ dīpento gato puggalavāro nāma. ‘‘Yaṃ cittaṃ uppajjati, na nirujjhatī’’ti evaṃ dhammavaseneva cittassa uppajjananirujjhanādibhedaṃ dīpento gato dhammavāro nāma. ‘‘Yassa yaṃ cittaṃ uppajjati, na nirujjhatī’’ti evaṃ ubhayavasena cittassa uppajjananirujjhanādibhedaṃ dīpento gato puggaladhammavāro nāma. Tato ‘‘yassa sarāgaṃ citta’’nti soḷasannaṃ padānaṃ vasena apare sarāgādipadavisesitā soḷasa puggalavārā, soḷasa dhammavārā, soḷasa puggaladhammavārāti aṭṭhacattālīsaṃ missakavārā honti. Te sarāgādipadamattaṃ dassetvā saṅkhittā. Tato ‘‘yassa kusalaṃ citta’’ntiādinā nayena chasaṭṭhidvisatasaṅkhānaṃ abhidhammamātikāpadānaṃ vasena apare kusalādipadavisesitā chasaṭṭhidvisatapuggalavārā, chasaṭṭhidvisatadhammavārā chasaṭṭhidvisatapuggaladhammavārāti aṭṭhanavutisattasatā missakavārā honti. Tepi kusalādipadamattaṃ dassetvā saṅkhittāyeva. Yānipettha sanidassanādīni padāni cittena saddhiṃ na yujjanti, tāni moghapucchāvasena ṭhapitāni.
д̇зсу бана д̇ийсу ваарзсу саб̣б̣абатамз суд̣̇д̇хигабуг̇г̇аламахааваарз уббаад̣̇анирод̇хагааласамбхзд̣̇авааро, уббаад̣̇уббаннавааро, нирод̇хуббаннавааро, уббаад̣̇авааро, нирод̇хавааро, уббаад̣̇анирод̇хавааро уббаж̇ж̇амаананирод̇хавааро, уббаж̇ж̇амаануббаннавааро, нируж̇жхамаануббаннавааро, уббаннуббаад̣̇авааро, ад̇ийд̇аанааг̇ад̇авааро, уббаннуббаж̇ж̇амаанавааро, нируд̣̇д̇ханируж̇жхамаанавааро, ад̇игганд̇агаалаваарод̇и жуд̣̇д̣̇аса анд̇араваараа. д̇зсу уббаад̣̇авааро, нирод̇хавааро, уббаад̣̇анирод̇хаваарод̇и имзсу д̇ийсу ваарзсу ануломабадиломавасзна ча ча гад̇ваа адтаараса яамагаани. уббаннуббаад̣̇аваарз ад̇ийд̇аанааг̇ад̇агаалавасзна ануломад̇о д̣̇вз, бадиломад̇о д̣̇взд̇и жад̇д̇аари яамагаани. сзсзсу аад̣̇ид̇о нид̣̇д̣̇идтзсу д̇ийсу, ананд̇арз нид̣̇д̣̇идтзсу д̇ийсу; авасаанз нид̣̇д̣̇идтзсу жад̇уусууд̇и д̣̇асасу ваарзсу ануломад̇о згам̣, бадиломад̇о зганд̇и д̣̇вз д̣̇вз гад̇ваа вийсад̇и яамагаани. звам̣ саб̣б̣зсуби жуд̣̇д̣̇асасу анд̇араваарзсу д̣̇ваажад̇д̇аалийса яамагаани, жад̇ураасийд̇и бужчаа адтасадтиад̇т̇асад̇ам̣ ход̇и. яат̇аа жа згасмим̣ суд̣̇д̇хигабуг̇г̇аламахааваарз, д̇ат̇аа суд̣̇д̇хигад̇хаммаваарзби суд̣̇д̇хигабуг̇г̇алад̇хаммаваарзбийд̇и д̇ийсу махааваарзсу чаб̣б̣ийсад̇ияамагасад̇ам̣, д̇ад̇о д̣̇иг̇ун̣аа бужчаа, д̇ад̇о д̣̇иг̇ун̣аа ад̇т̇аа жа взд̣̇ид̇аб̣б̣аа. ид̣̇ам̣ бана ваарад̇д̇аяам̣ сарааг̇аад̣̇ивасзна сол̣асаг̇ун̣ам̣, гусалаад̣̇ивасзна часадтид̣̇висад̇аг̇ун̣ам̣ гад̇ваа имасмим̣ жид̇д̇аяамагз анзгаани яамагасахассаани, д̇ад̇о д̣̇иг̇ун̣аа бужчаа, д̇ад̇о д̣̇иг̇ун̣аа ад̇т̇аа жа хонд̇ийд̇и . баато бана сам̣кид̇д̇од̇и. звам̣ д̇аава имасмим̣ жид̇д̇аяамагз баал̣ивавад̇т̇аанам̣ взд̣̇ид̇аб̣б̣ам̣.
Tesu pana tīsu vāresu sabbapaṭhame suddhikapuggalamahāvāre uppādanirodhakālasambhedavāro, uppāduppannavāro, nirodhuppannavāro, uppādavāro, nirodhavāro, uppādanirodhavāro uppajjamānanirodhavāro, uppajjamānuppannavāro, nirujjhamānuppannavāro, uppannuppādavāro, atītānāgatavāro, uppannuppajjamānavāro, niruddhanirujjhamānavāro, atikkantakālavāroti cuddasa antaravārā. Tesu uppādavāro, nirodhavāro, uppādanirodhavāroti imesu tīsu vāresu anulomapaṭilomavasena cha cha katvā aṭṭhārasa yamakāni. Uppannuppādavāre atītānāgatakālavasena anulomato dve, paṭilomato dveti cattāri yamakāni. Sesesu ādito niddiṭṭhesu tīsu, anantare niddiṭṭhesu tīsu; avasāne niddiṭṭhesu catūsūti dasasu vāresu anulomato ekaṃ, paṭilomato ekanti dve dve katvā vīsati yamakāni. Evaṃ sabbesupi cuddasasu antaravāresu dvācattālīsa yamakāni, caturāsīti pucchā aṭṭhasaṭṭhiatthasataṃ hoti. Yathā ca ekasmiṃ suddhikapuggalamahāvāre, tathā suddhikadhammavārepi suddhikapuggaladhammavārepīti tīsu mahāvāresu chabbīsatiyamakasataṃ, tato diguṇā pucchā, tato diguṇā atthā ca veditabbā. Idaṃ pana vārattayaṃ sarāgādivasena soḷasaguṇaṃ, kusalādivasena chasaṭṭhidvisataguṇaṃ katvā imasmiṃ cittayamake anekāni yamakasahassāni, tato diguṇā pucchā, tato diguṇā atthā ca hontīti . Pāṭho pana saṃkhittoti. Evaṃ tāva imasmiṃ cittayamake pāḷivavatthānaṃ veditabbaṃ.
маад̇игаатабанаван̣н̣анаа.
Mātikāṭhapanavaṇṇanā.
нид̣̇д̣̇зсо
Niddeso
1. буг̇г̇алаваараван̣н̣анаа
1. Puggalavāravaṇṇanā
63. ид̣̇аани табид̇аануггамзна маад̇игам̣ виссаж̇ж̇зд̇ум̣ яасса жид̇д̇ам̣ уббаж̇ж̇ад̇и на нируж̇жхад̇ийд̇иаад̣̇и аарад̣̇д̇хам̣. д̇ад̇т̇а уббаж̇ж̇ад̇ийд̇и уббаад̣̇агкан̣асаман̇г̇ид̇ааяа уббаж̇ж̇ад̇и на нируж̇жхад̇ийд̇и нирод̇хагкан̣ам̣ аббад̇д̇ад̇ааяа на нируж̇жхад̇и. д̇асса жид̇д̇анд̇и д̇асса буг̇г̇аласса д̇ад̇о бадтааяа жид̇д̇ам̣ нируж̇жхиссад̇и нуббаж̇ж̇иссад̇ийд̇и бужчад̇и. д̇зсам̣ жид̇д̇анд̇и язсам̣ барижчиннаваддад̣̇угкаанам̣ кийн̣аасаваанам̣ саб̣б̣абажчимасса жуд̇ижид̇д̇асса уббаад̣̇агкан̣о вад̇д̇ад̇и, зд̇зсам̣ д̇ад̣̇зва жуд̇ижид̇д̇ам̣ уббаад̣̇аббад̇д̇ад̇ааяа уббаж̇ж̇ад̇и наама, бхан̇г̇ам̣ аббад̇д̇ад̇ааяа на нируж̇жхад̇и. ид̣̇аани бана бхан̇г̇ам̣ бад̇ваа д̇ам̣ д̇зсам̣ жид̇д̇ам̣ нируж̇жхиссад̇и, д̇ад̇о аббадисанд̇хигад̇д̇аа ан̃н̃ам̣ нуббаж̇ж̇иссад̇и. ид̇арзсанд̇и бажчимажид̇д̇асаман̇г̇им̣ кийн̣аасавам̣ табзд̇ваа авасзсаанам̣ сзгкаасзгкабут̇уж̇ж̇анаанам̣ нируж̇жхиссад̇и жзва уббаж̇ж̇иссад̇и жаад̇и яам̣ д̇ам̣ уббаад̣̇агкан̣аббад̇д̇ам̣ д̇ам̣ нируж̇жхиссад̇зва. ан̃н̃ам̣ бана д̇асмим̣ ваа ан̃н̃асмим̣ ваа ад̇д̇абхаавз уббаж̇ж̇иссад̇и жзва нируж̇жхиссад̇и жа. д̣̇уд̇ияабужчаависсаж̇ж̇анзби д̇ат̇ааруубассзва кийн̣аасавасса жид̇д̇ам̣ санд̇хааяа ‘ааманд̇аа’д̇и вуд̇д̇ам̣. нуббаж̇ж̇ад̇и нируж̇жхад̇ийд̇и бхан̇г̇агкан̣з арахад̇о бажчимажид̇д̇амби сзсаанам̣ бхиж̇ж̇амаанажид̇д̇амби. д̇ад̇о бадтааяа бана арахад̇о жид̇д̇ам̣ на нируж̇жхиссад̇ийд̇и саггаа вад̇д̇ум̣ уббаж̇ж̇иссад̇ийд̇и бана на саггаа. сзсаанам̣ уббаж̇ж̇иссад̇ийд̇и саггаа вад̇д̇ум̣, на нируж̇жхиссад̇ийд̇и на саггаа. д̇асмаа ‘но’д̇и бадисзд̇хо гад̇о. д̣̇уд̇ияабан̃хз яасса жид̇д̇ам̣ на нируж̇жхиссад̇и, уббаж̇ж̇иссад̇ийд̇и со буг̇г̇алоязва над̇т̇и, д̇асмаа над̇т̇ийд̇и бадигкзбо гад̇о.
63. Idāni ṭhapitānukkamena mātikaṃ vissajjetuṃ yassa cittaṃ uppajjati na nirujjhatītiādi āraddhaṃ. Tattha uppajjatīti uppādakkhaṇasamaṅgitāya uppajjati na nirujjhatīti nirodhakkhaṇaṃ appattatāya na nirujjhati. Tassa cittanti tassa puggalassa tato paṭṭhāya cittaṃ nirujjhissati nuppajjissatīti pucchati. Tesaṃ cittanti yesaṃ paricchinnavaṭṭadukkhānaṃ khīṇāsavānaṃ sabbapacchimassa cuticittassa uppādakkhaṇo vattati, etesaṃ tadeva cuticittaṃ uppādappattatāya uppajjati nāma, bhaṅgaṃ appattatāya na nirujjhati. Idāni pana bhaṅgaṃ patvā taṃ tesaṃ cittaṃ nirujjhissati, tato appaṭisandhikattā aññaṃ nuppajjissati. Itaresanti pacchimacittasamaṅgiṃ khīṇāsavaṃ ṭhapetvā avasesānaṃ sekkhāsekkhaputhujjanānaṃ nirujjhissati ceva uppajjissati cāti yaṃ taṃ uppādakkhaṇappattaṃ taṃ nirujjhissateva. Aññaṃ pana tasmiṃ vā aññasmiṃ vā attabhāve uppajjissati ceva nirujjhissati ca. Dutiyapucchāvissajjanepi tathārūpasseva khīṇāsavassa cittaṃ sandhāya ‘āmantā’ti vuttaṃ. Nuppajjati nirujjhatīti bhaṅgakkhaṇe arahato pacchimacittampi sesānaṃ bhijjamānacittampi. Tato paṭṭhāya pana arahato cittaṃ na nirujjhissatīti sakkā vattuṃ uppajjissatīti pana na sakkā. Sesānaṃ uppajjissatīti sakkā vattuṃ, na nirujjhissatīti na sakkā. Tasmā ‘no’ti paṭisedho kato. Dutiyapañhe yassa cittaṃ na nirujjhissati, uppajjissatīti so puggaloyeva natthi, tasmā natthīti paṭikkhepo kato.
65-82. уббаннанд̇и уббаад̣̇асаман̇г̇инобзд̇ам̣ наамам̣. уббаад̣̇ам̣ бад̇ваа анируд̣̇д̇хассааби. д̇ад̇т̇а уббаад̣̇асаман̇г̇ид̇ам̣ санд̇хааяа ‘ааманд̇аа’д̇и, уббаад̣̇ам̣ бад̇ваа анируд̣̇д̇хабхаавам̣ санд̇хааяа ‘‘д̇зсам̣ жид̇д̇ам̣ уббанна’’нд̇и вуд̇д̇ам̣. ануббаннанд̇и уббаад̣̇ам̣ аббад̇д̇ам̣. д̇зсам̣ жид̇д̇ам̣ уббаж̇ж̇ид̇т̇аад̇и зд̇т̇ааби саб̣б̣зсам̣ д̇аава жид̇д̇ам̣ кан̣абажжуббаннамзва худ̇ваа уббаад̣̇агкан̣ам̣ ад̇ийд̇ад̇д̇аа уббаж̇ж̇ид̇т̇а наама, нирод̇хасамаабаннаанам̣ нирод̇хад̇о буб̣б̣з уббаннабуб̣б̣ад̇д̇аа, асан̃н̃асад̇д̇аанам̣ сан̃н̃ийбхавз уббаннабуб̣б̣ад̇д̇аа. уббаж̇ж̇ид̇т̇а жзва уббаж̇ж̇ад̇и жаад̇и уббаад̣̇ам̣ бад̇д̇ад̇д̇аа уббаж̇ж̇ид̇т̇а, анад̇ийд̇ад̇д̇аа уббаж̇ж̇ад̇и наамаад̇и ад̇т̇о.
65-82. Uppannanti uppādasamaṅginopetaṃ nāmaṃ. Uppādaṃ patvā aniruddhassāpi. Tattha uppādasamaṅgitaṃ sandhāya ‘āmantā’ti, uppādaṃ patvā aniruddhabhāvaṃ sandhāya ‘‘tesaṃ cittaṃ uppanna’’nti vuttaṃ. Anuppannanti uppādaṃ appattaṃ. Tesaṃ cittaṃ uppajjitthāti etthāpi sabbesaṃ tāva cittaṃ khaṇapaccuppannameva hutvā uppādakkhaṇaṃ atītattā uppajjittha nāma, nirodhasamāpannānaṃ nirodhato pubbe uppannapubbattā, asaññasattānaṃ saññībhave uppannapubbattā. Uppajjittha ceva uppajjati cāti uppādaṃ pattattā uppajjittha, anatītattā uppajjati nāmāti attho.
уббаад̣̇агкан̣з анааг̇ад̇ан̃жаад̇и уббаад̣̇агкан̣з жа жид̇д̇ам̣ анааг̇ад̇ан̃жа жид̇д̇анд̇и ад̇т̇о.
Uppādakkhaṇeanāgatañcāti uppādakkhaṇe ca cittaṃ anāgatañca cittanti attho.
83. ад̇игганд̇агаалаваарз уббаж̇ж̇амаанам̣ кан̣анд̇и уббаад̣̇агкан̣ам̣. д̇ад̇т̇а гин̃жааби уббаад̣̇агкан̣о уббаж̇ж̇амаано наама на ход̇и, уббаж̇ж̇амаанасса бана кан̣ад̇д̇аа звам̣ вуд̇д̇о. кан̣ам̣ вийд̇игганд̇ам̣ ад̇игганд̇агааланд̇и на жирам̣ вийд̇игганд̇ам̣ д̇амзва бана уббаад̣̇агкан̣ам̣ вийд̇игганд̇ам̣ худ̇ваа ад̇игганд̇агааланд̇и сан̇кам̣ г̇ажчад̇и. нируж̇жхамаанам̣ кан̣анд̇и нирод̇хагкан̣ам̣. д̇ад̇т̇а гин̃жааби нирод̇хагкан̣о нируж̇жхамаано наама на ход̇и, нируж̇жхамаанасса бана кан̣ад̇д̇аа звам̣ вуд̇д̇о. кан̣ам̣ вийд̇игганд̇ам̣ ад̇игганд̇агааланд̇и гим̣ д̇асса жид̇д̇ам̣ звам̣ нирод̇хагкан̣амби вийд̇игганд̇ам̣ худ̇ваа ад̇игганд̇агаалам̣ наама ход̇ийд̇и бужчад̇и. д̇ад̇т̇а яасмаа бхан̇г̇агкан̣з жид̇д̇ам̣ уббаад̣̇агкан̣ам̣ кан̣ам̣ вийд̇игганд̇ам̣ худ̇ваа ад̇игганд̇агаалам̣ ход̇и, нирод̇хагкан̣ам̣ кан̣ам̣ вийд̇игганд̇ам̣ худ̇ваа ад̇игганд̇агаалам̣ наама на ход̇и. ад̇ийд̇ам̣ бана жид̇д̇ам̣ убхоби кан̣з кан̣ам̣ вийд̇игганд̇ам̣ худ̇ваа ад̇игганд̇агаалам̣ наама, д̇асмаа ‘‘бхан̇г̇агкан̣з жид̇д̇ам̣ уббаад̣̇агкан̣ам̣ вийд̇игганд̇ам̣, бхан̇г̇агкан̣ам̣ авийд̇игганд̇ам̣, ад̇ийд̇ам̣ жид̇д̇ам̣ уббаад̣̇агкан̣ан̃жа вийд̇игганд̇ам̣ бхан̇г̇агкан̣ан̃жа вийд̇игганд̇анд̇и виссаж̇ж̇анамааха. д̣̇уд̇ияабан̃хасса виссаж̇ж̇анз яасмаа ад̇ийд̇ам̣ жид̇д̇ам̣ убхоби кан̣з вийд̇игганд̇ам̣ худ̇ваа ад̇игганд̇агаалам̣ наама ход̇и, д̇асмаа ад̇ийд̇ам̣ жид̇д̇анд̇и вуд̇д̇ам̣. бадиломабан̃хасса виссаж̇ж̇анз яасмаа уббаад̣̇агкан̣з жа жид̇д̇ам̣ анааг̇ад̇ан̃жа жид̇д̇ам̣ убхоби кан̣з кан̣ам̣ вийд̇игганд̇ам̣ худ̇ваа ад̇игганд̇агаалам̣ наама на ход̇и, д̇зсам̣ кан̣аанам̣ авийд̇игганд̇ад̇д̇аа. д̇асмаа ‘‘уббаад̣̇агкан̣з жид̇д̇ам̣ анааг̇ад̇ам̣ жид̇д̇а’’нд̇и вуд̇д̇ам̣. д̣̇уд̇ияависсаж̇ж̇анам̣ баагадамзва.
83. Atikkantakālavāre uppajjamānaṃ khaṇanti uppādakkhaṇaṃ. Tattha kiñcāpi uppādakkhaṇo uppajjamāno nāma na hoti, uppajjamānassa pana khaṇattā evaṃ vutto. Khaṇaṃ vītikkantaṃ atikkantakālanti na ciraṃ vītikkantaṃ tameva pana uppādakkhaṇaṃ vītikkantaṃ hutvā atikkantakālanti saṅkhaṃ gacchati. Nirujjhamānaṃ khaṇanti nirodhakkhaṇaṃ. Tattha kiñcāpi nirodhakkhaṇo nirujjhamāno nāma na hoti, nirujjhamānassa pana khaṇattā evaṃ vutto. Khaṇaṃ vītikkantaṃ atikkantakālanti kiṃ tassa cittaṃ evaṃ nirodhakkhaṇampi vītikkantaṃ hutvā atikkantakālaṃ nāma hotīti pucchati. Tattha yasmā bhaṅgakkhaṇe cittaṃ uppādakkhaṇaṃ khaṇaṃ vītikkantaṃ hutvā atikkantakālaṃ hoti, nirodhakkhaṇaṃ khaṇaṃ vītikkantaṃ hutvā atikkantakālaṃ nāma na hoti. Atītaṃ pana cittaṃ ubhopi khaṇe khaṇaṃ vītikkantaṃ hutvā atikkantakālaṃ nāma, tasmā ‘‘bhaṅgakkhaṇe cittaṃ uppādakkhaṇaṃ vītikkantaṃ, bhaṅgakkhaṇaṃ avītikkantaṃ, atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantanti vissajjanamāha. Dutiyapañhassa vissajjane yasmā atītaṃ cittaṃ ubhopi khaṇe vītikkantaṃ hutvā atikkantakālaṃ nāma hoti, tasmā atītaṃ cittanti vuttaṃ. Paṭilomapañhassa vissajjane yasmā uppādakkhaṇe ca cittaṃ anāgatañca cittaṃ ubhopi khaṇe khaṇaṃ vītikkantaṃ hutvā atikkantakālaṃ nāma na hoti, tesaṃ khaṇānaṃ avītikkantattā. Tasmā ‘‘uppādakkhaṇe cittaṃ anāgataṃ citta’’nti vuttaṃ. Dutiyavissajjanaṃ pākaṭameva.
84-113. д̇хаммаваарзби иминаавубааязна саб̣б̣ависсаж̇ж̇анзсу ад̇т̇о взд̣̇ид̇аб̣б̣о. буг̇г̇алад̇хаммавааро д̇хаммаваараг̇ад̇игоязва.
84-113. Dhammavārepi imināvupāyena sabbavissajjanesu attho veditabbo. Puggaladhammavāro dhammavāragatikoyeva.
114-116. саб̣б̣зби миссагаваараа яасса сарааг̇ам̣ жид̇д̇анд̇иаад̣̇инаа наязна мукамад̇д̇ам̣ д̣̇ассзд̇ваа сан̇кид̇д̇аа. вид̇т̇ааро бана нзсам̣ хздтаа вуд̇д̇анаязнзва взд̣̇ид̇аб̣б̣о. д̇зсу бана ‘‘яасса сарааг̇ам̣ жид̇д̇ам̣ уббаж̇ж̇ад̇и, на нируж̇жхад̇и; д̇асса жид̇д̇ам̣ нируж̇жхиссад̇и, нуббаж̇ж̇иссад̇ий’’д̇и звам̣ вид̇т̇аарзд̇аб̣б̣ад̇ааяа бужчаава сад̣̇исаа ход̇и. яасмаа бана сарааг̇ам̣ жид̇д̇ам̣ бажчимажид̇д̇ам̣ на ход̇и, д̇асмаа ‘‘яасса сарааг̇ам̣ жид̇д̇ам̣ уббаж̇ж̇ад̇и, на нируж̇жхад̇и; д̇асса жид̇д̇ам̣ нируж̇жхиссад̇и, нуббаж̇ж̇иссад̇ийд̇и но’’д̇и звам̣ виссаж̇ж̇ид̇аб̣б̣ад̇д̇аа виссаж̇ж̇анам̣ асад̣̇исам̣ ход̇и. д̇ам̣ д̇ам̣ д̇ассаа д̇ассаа бужчааяа ануруубавасзна взд̣̇ид̇аб̣б̣анд̇и.
114-116. Sabbepi missakavārā yassa sarāgaṃ cittantiādinā nayena mukhamattaṃ dassetvā saṅkhittā. Vitthāro pana nesaṃ heṭṭhā vuttanayeneva veditabbo. Tesu pana ‘‘yassa sarāgaṃ cittaṃ uppajjati, na nirujjhati; tassa cittaṃ nirujjhissati, nuppajjissatī’’ti evaṃ vitthāretabbatāya pucchāva sadisā hoti. Yasmā pana sarāgaṃ cittaṃ pacchimacittaṃ na hoti, tasmā ‘‘yassa sarāgaṃ cittaṃ uppajjati, na nirujjhati; tassa cittaṃ nirujjhissati, nuppajjissatīti no’’ti evaṃ vissajjitabbattā vissajjanaṃ asadisaṃ hoti. Taṃ taṃ tassā tassā pucchāya anurūpavasena veditabbanti.
жид̇д̇аяамагаван̣н̣анаа нидтид̇аа.
Cittayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 8. жид̇д̇аяамагам̣ • 8. Cittayamakaṃ
