| Library / Tipiṭaka / තිපිටක • Tipiṭaka / යමකපාළි • Yamakapāḷi |
8. චිත්‌තයමකං
8. Cittayamakaṃ
(ක) උද්‌දෙසො
(Ka) uddeso
1. සුද්‌ධචිත්‌තසාමඤ්‌ඤං
1. Suddhacittasāmaññaṃ
1. පුග්‌ගලවාරො
1. Puggalavāro
(1) උප්‌පාදනිරොධකාලසම්‌භෙදවාරො
(1) Uppādanirodhakālasambhedavāro
1. (ක) යස්‌ස චිත්‌තං උප්‌පජ්‌ජති න නිරුජ්‌ඣති තස්‌ස චිත්‌තං නිරුජ්‌ඣිස්‌සති න උප්‌පජ්‌ජිස්‌සති?
1. (Ka) yassa cittaṃ uppajjati na nirujjhati tassa cittaṃ nirujjhissati na uppajjissati?
(ඛ) යස්‌ස වා පන චිත්‌තං නිරුජ්‌ඣිස්‌සති න උප්‌පජ්‌ජිස්‌සති තස්‌ස චිත්‌තං උප්‌පජ්‌ජති න නිරුජ්‌ඣති?
(Kha) yassa vā pana cittaṃ nirujjhissati na uppajjissati tassa cittaṃ uppajjati na nirujjhati?
(ක) යස්‌ස චිත්‌තං න උප්‌පජ්‌ජති නිරුජ්‌ඣති තස්‌ස චිත්‌තං න නිරුජ්‌ඣිස්‌සති උප්‌පජ්‌ජිස්‌සති?
(Ka) yassa cittaṃ na uppajjati nirujjhati tassa cittaṃ na nirujjhissati uppajjissati?
(ඛ) යස්‌ස වා පන චිත්‌තං න නිරුජ්‌ඣිස්‌සති උප්‌පජ්‌ජිස්‌සති තස්‌ස චිත්‌තං න උප්‌පජ්‌ජති නිරුජ්‌ඣති?
(Kha) yassa vā pana cittaṃ na nirujjhissati uppajjissati tassa cittaṃ na uppajjati nirujjhati?
(2) උප්‌පාදුප්‌පන්‌නවාරො
(2) Uppāduppannavāro
2. (ක) යස්‌ස චිත්‌තං උප්‌පජ්‌ජති තස්‌ස චිත්‌තං උප්‌පන්‌නං?
2. (Ka) yassa cittaṃ uppajjati tassa cittaṃ uppannaṃ?
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං උප්‌පජ්‌ජති?
(Kha) yassa vā pana cittaṃ uppannaṃ tassa cittaṃ uppajjati?
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න උප්‌පන්‌නං?
(Ka) yassa cittaṃ na uppajjati tassa cittaṃ na uppannaṃ?
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජති?
(Kha) yassa vā pana cittaṃ na uppannaṃ tassa cittaṃ na uppajjati?
(3) නිරොධුප්‌පන්‌නවාරො
(3) Nirodhuppannavāro
3. (ක) යස්‌ස චිත්‌තං නිරුජ්‌ඣති තස්‌ස චිත්‌තං උප්‌පන්‌නං?
3. (Ka) yassa cittaṃ nirujjhati tassa cittaṃ uppannaṃ?
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං නිරුජ්‌ඣති?
(Kha) yassa vā pana cittaṃ uppannaṃ tassa cittaṃ nirujjhati?
(ක) යස්‌ස චිත්‌තං න නිරුජ්‌ඣති තස්‌ස චිත්‌තං න උප්‌පන්‌නං?
(Ka) yassa cittaṃ na nirujjhati tassa cittaṃ na uppannaṃ?
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න නිරුජ්‌ඣති?
(Kha) yassa vā pana cittaṃ na uppannaṃ tassa cittaṃ na nirujjhati?
(4) උප්‌පාදවාරො
(4) Uppādavāro
4. (ක) යස්‌ස චිත්‌තං උප්‌පජ්‌ජති තස්‌ස චිත්‌තං උප්‌පජ්‌ජිත්‌ථ?
4. (Ka) yassa cittaṃ uppajjati tassa cittaṃ uppajjittha?
(ඛ) යස්‌ස වා පන චිත්‌තං උප්‌පජ්‌ජිත්‌ථ තස්‌ස චිත්‌තං උප්‌පජ්‌ජති?
(Kha) yassa vā pana cittaṃ uppajjittha tassa cittaṃ uppajjati?
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න උප්‌පජ්‌ජිත්‌ථ?
(Ka) yassa cittaṃ na uppajjati tassa cittaṃ na uppajjittha?
(ඛ) යස්‌ස වා පන චිත්‌තං න උප්‌පජ්‌ජිත්‌ථ තස්‌ස චිත්‌තං න උප්‌පජ්‌ජති?
(Kha) yassa vā pana cittaṃ na uppajjittha tassa cittaṃ na uppajjati?
5. (ක) යස්‌ස චිත්‌තං උප්‌පජ්‌ජති තස්‌ස චිත්‌තං උප්‌පජ්‌ජිස්‌සති?
5. (Ka) yassa cittaṃ uppajjati tassa cittaṃ uppajjissati?
(ඛ) යස්‌ස වා පන චිත්‌තං උප්‌පජ්‌ජිස්‌සති තස්‌ස චිත්‌තං උප්‌පජ්‌ජති?
(Kha) yassa vā pana cittaṃ uppajjissati tassa cittaṃ uppajjati?
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න උප්‌පජ්‌ජිස්‌සති?
(Ka) yassa cittaṃ na uppajjati tassa cittaṃ na uppajjissati?
(ඛ) යස්‌ස වා පන චිත්‌තං න උප්‌පජ්‌ජිස්‌සති තස්‌ස චිත්‌තං න උප්‌පජ්‌ජති?
(Kha) yassa vā pana cittaṃ na uppajjissati tassa cittaṃ na uppajjati?
6. (ක) යස්‌ස චිත්‌තං උප්‌පජ්‌ජිත්‌ථ තස්‌ස චිත්‌තං උප්‌පජ්‌ජිස්‌සති?
6. (Ka) yassa cittaṃ uppajjittha tassa cittaṃ uppajjissati?
(ඛ) යස්‌ස වා පන චිත්‌තං උප්‌පජ්‌ජිස්‌සති තස්‌ස චිත්‌තං උප්‌පජ්‌ජිත්‌ථ?
(Kha) yassa vā pana cittaṃ uppajjissati tassa cittaṃ uppajjittha?
(ක) යස්‌ස චිත්‌තං න උප්‌පජ්‌ජිත්‌ථ තස්‌ස චිත්‌තං න උප්‌පජ්‌ජිස්‌සති?
(Ka) yassa cittaṃ na uppajjittha tassa cittaṃ na uppajjissati?
(ඛ) යස්‌ස වා පන චිත්‌තං න උප්‌පජ්‌ජිස්‌සති තස්‌ස චිත්‌තං න උප්‌පජ්‌ජිත්‌ථ?
(Kha) yassa vā pana cittaṃ na uppajjissati tassa cittaṃ na uppajjittha?
(5) නිරොධවාරො
(5) Nirodhavāro
7. (ක) යස්‌ස චිත්‌තං නිරුජ්‌ඣති තස්‌ස චිත්‌තං නිරුජ්‌ඣිත්‌ථ?
7. (Ka) yassa cittaṃ nirujjhati tassa cittaṃ nirujjhittha?
(ඛ) යස්‌ස වා පන චිත්‌තං නිරුජ්‌ඣිත්‌ථ තස්‌ස චිත්‌තං නිරුජ්‌ඣති?
(Kha) yassa vā pana cittaṃ nirujjhittha tassa cittaṃ nirujjhati?
(ක) යස්‌ස චිත්‌තං න නිරුජ්‌ඣති තස්‌ස චිත්‌තං න නිරුජ්‌ඣිත්‌ථ?
(Ka) yassa cittaṃ na nirujjhati tassa cittaṃ na nirujjhittha?
(ඛ) යස්‌ස වා පන චිත්‌තං න නිරුජ්‌ඣිත්‌ථ තස්‌ස චිත්‌තං න නිරුජ්‌ඣති?
(Kha) yassa vā pana cittaṃ na nirujjhittha tassa cittaṃ na nirujjhati?
8. (ක) යස්‌ස චිත්‌තං නිරුජ්‌ඣති තස්‌ස චිත්‌තං නිරුජ්‌ඣිස්‌සති?
8. (Ka) yassa cittaṃ nirujjhati tassa cittaṃ nirujjhissati?
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං නිරුජ්‌ඣති?
(Kha) yassa vā pana cittaṃ nirujjhissati tassa cittaṃ nirujjhati?
(ක) යස්‌ස චිත්‌තං න නිරුජ්‌ඣති තස්‌ස චිත්‌තං න නිරුජ්‌ඣිස්‌සති?
(Ka) yassa cittaṃ na nirujjhati tassa cittaṃ na nirujjhissati?
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න නිරුජ්‌ඣති?
(Kha) yassa vā pana cittaṃ na nirujjhissati tassa cittaṃ na nirujjhati?
9. (ක) යස්‌ස චිත්‌තං නිරුජ්‌ඣිත්‌ථ තස්‌ස චිත්‌තං නිරුජ්‌ඣිස්‌සති?
9. (Ka) yassa cittaṃ nirujjhittha tassa cittaṃ nirujjhissati?
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං නිරුජ්‌ඣිත්‌ථ?
(Kha) yassa vā pana cittaṃ nirujjhissati tassa cittaṃ nirujjhittha?
(ක) යස්‌ස චිත්‌තං න නිරුජ්‌ඣිත්‌ථ තස්‌ස චිත්‌තං න නිරුජ්‌ඣිස්‌සති?
(Ka) yassa cittaṃ na nirujjhittha tassa cittaṃ na nirujjhissati?
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න නිරුජ්‌ඣිත්‌ථ?
(Kha) yassa vā pana cittaṃ na nirujjhissati tassa cittaṃ na nirujjhittha?
(6) උප්‌පාදනිරොධවාරො
(6) Uppādanirodhavāro
10. (ක) යස්‌ස චිත්‌තං උප්‌පජ්‌ජති තස්‌ස චිත්‌තං නිරුජ්‌ඣිත්‌ථ?
10. (Ka) yassa cittaṃ uppajjati tassa cittaṃ nirujjhittha?
(ඛ) යස්‌ස වා පන චිත්‌තං නිරුජ්‌ඣිත්‌ථ තස්‌ස චිත්‌තං උප්‌පජ්‌ජති?
(Kha) yassa vā pana cittaṃ nirujjhittha tassa cittaṃ uppajjati?
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න නිරුජ්‌ඣිත්‌ථ?
(Ka) yassa cittaṃ na uppajjati tassa cittaṃ na nirujjhittha?
(ඛ) යස්‌ස වා පන චිත්‌තං න නිරුජ්‌ඣිත්‌ථ තස්‌ස චිත්‌තං න උප්‌පජ්‌ජති?
(Kha) yassa vā pana cittaṃ na nirujjhittha tassa cittaṃ na uppajjati?
11. (ක) යස්‌ස චිත්‌තං උප්‌පජ්‌ජති තස්‌ස චිත්‌තං නිරුජ්‌ඣිස්‌සති?
11. (Ka) yassa cittaṃ uppajjati tassa cittaṃ nirujjhissati?
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං උප්‌පජ්‌ජති?
(Kha) yassa vā pana cittaṃ nirujjhissati tassa cittaṃ uppajjati?
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න නිරුජ්‌ඣිස්‌සති?
(Ka) yassa cittaṃ na uppajjati tassa cittaṃ na nirujjhissati?
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න උප්‌පජ්‌ජති?
(Kha) yassa vā pana cittaṃ na nirujjhissati tassa cittaṃ na uppajjati?
12. (ක) යස්‌ස චිත්‌තං උප්‌පජ්‌ජිත්‌ථ තස්‌ස චිත්‌තං නිරුජ්‌ඣිස්‌සති?
12. (Ka) yassa cittaṃ uppajjittha tassa cittaṃ nirujjhissati?
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං උප්‌පජ්‌ජිත්‌ථ?
(Kha) yassa vā pana cittaṃ nirujjhissati tassa cittaṃ uppajjittha?
(ක) යස්‌ස චිත්‌තං න උප්‌පජ්‌ජිත්‌ථ තස්‌ස චිත්‌තං න නිරුජ්‌ඣිස්‌සති?
(Ka) yassa cittaṃ na uppajjittha tassa cittaṃ na nirujjhissati?
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න උප්‌පජ්‌ජිත්‌ථ?
(Kha) yassa vā pana cittaṃ na nirujjhissati tassa cittaṃ na uppajjittha?
(7) උප්‌පජ්‌ජමාන-නනිරොධවාරො
(7) Uppajjamāna-nanirodhavāro
13. (ක) යස්‌ස චිත්‌තං උප්‌පජ්‌ජති තස්‌ස චිත්‌තං න නිරුජ්‌ඣති?
13. (Ka) yassa cittaṃ uppajjati tassa cittaṃ na nirujjhati?
(ඛ) යස්‌ස වා පන චිත්‌තං න නිරුජ්‌ඣති තස්‌ස චිත්‌තං උප්‌පජ්‌ජති?
(Kha) yassa vā pana cittaṃ na nirujjhati tassa cittaṃ uppajjati?
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං නිරුජ්‌ඣති?
(Ka) yassa cittaṃ na uppajjati tassa cittaṃ nirujjhati?
(ඛ) යස්‌ස වා පන චිත්‌තං නිරුජ්‌ඣති තස්‌ස චිත්‌තං න උප්‌පජ්‌ජති?
(Kha) yassa vā pana cittaṃ nirujjhati tassa cittaṃ na uppajjati?
(8) උප්‌පජ්‌ජමානුප්‌පන්‌නවාරො
(8) Uppajjamānuppannavāro
14. (ක) යස්‌ස චිත්‌තං උප්‌පජ්‌ජමානං තස්‌ස චිත්‌තං උප්‌පන්‌නං?
14. (Ka) yassa cittaṃ uppajjamānaṃ tassa cittaṃ uppannaṃ?
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං උප්‌පජ්‌ජමානං?
(Kha) yassa vā pana cittaṃ uppannaṃ tassa cittaṃ uppajjamānaṃ?
(ක) යස්‌ස චිත්‌තං න උප්‌පජ්‌ජමානං තස්‌ස චිත්‌තං න උප්‌පන්‌නං?
(Ka) yassa cittaṃ na uppajjamānaṃ tassa cittaṃ na uppannaṃ?
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජමානං?
(Kha) yassa vā pana cittaṃ na uppannaṃ tassa cittaṃ na uppajjamānaṃ?
(9) නිරුජ්‌ඣමානුප්‌පන්‌නවාරො
(9) Nirujjhamānuppannavāro
15. (ක) යස්‌ස චිත්‌තං නිරුජ්‌ඣමානං තස්‌ස චිත්‌තං උප්‌පන්‌නං?
15. (Ka) yassa cittaṃ nirujjhamānaṃ tassa cittaṃ uppannaṃ?
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං නිරුජ්‌ඣමානං?
(Kha) yassa vā pana cittaṃ uppannaṃ tassa cittaṃ nirujjhamānaṃ?
(ක) යස්‌ස චිත්‌තං න නිරුජ්‌ඣමානං තස්‌ස චිත්‌තං න උප්‌පන්‌නං?
(Ka) yassa cittaṃ na nirujjhamānaṃ tassa cittaṃ na uppannaṃ?
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න නිරුජ්‌ඣමානං?
(Kha) yassa vā pana cittaṃ na uppannaṃ tassa cittaṃ na nirujjhamānaṃ?
(10) උප්‌පන්‌නුප්‌පාදවාරො
(10) Uppannuppādavāro
16. (ක) යස්‌ස චිත්‌තං උප්‌පන්‌නං තස්‌ස චිත්‌තං උප්‌පජ්‌ජිත්‌ථ?
16. (Ka) yassa cittaṃ uppannaṃ tassa cittaṃ uppajjittha?
(ඛ) යස්‌ස වා පන චිත්‌තං උප්‌පජ්‌ජිත්‌ථ තස්‌ස චිත්‌තං උප්‌පන්‌නං?
(Kha) yassa vā pana cittaṃ uppajjittha tassa cittaṃ uppannaṃ?
(ක) යස්‌ස චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජිත්‌ථ?
(Ka) yassa cittaṃ na uppannaṃ tassa cittaṃ na uppajjittha?
(ඛ) යස්‌ස වා පන චිත්‌තං න උප්‌පජ්‌ජිත්‌ථ තස්‌ස චිත්‌තං න උප්‌පන්‌නං?
(Kha) yassa vā pana cittaṃ na uppajjittha tassa cittaṃ na uppannaṃ?
(ක) යස්‌ස චිත්‌තං උප්‌පන්‌නං තස්‌ස චිත්‌තං උප්‌පජ්‌ජිස්‌සති?
(Ka) yassa cittaṃ uppannaṃ tassa cittaṃ uppajjissati?
(ඛ) යස්‌ස වා පන චිත්‌තං උප්‌පජ්‌ජිස්‌සති තස්‌ස චිත්‌තං උප්‌පන්‌නං?
(Kha) yassa vā pana cittaṃ uppajjissati tassa cittaṃ uppannaṃ?
(ක) යස්‌ස චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජිස්‌සති?
(Ka) yassa cittaṃ na uppannaṃ tassa cittaṃ na uppajjissati?
(ඛ) යස්‌ස වා පන චිත්‌තං න උප්‌පජ්‌ජිස්‌සති තස්‌ස චිත්‌තං න උප්‌පන්‌නං?
(Kha) yassa vā pana cittaṃ na uppajjissati tassa cittaṃ na uppannaṃ?
(11) අතීතානාගතවාරො
(11) Atītānāgatavāro
17. (ක) යස්‌ස චිත්‌තං උප්‌පජ්‌ජිත්‌ථ නො ච තස්‌ස චිත්‌තං උප්‌පන්‌නං, තස්‌ස චිත්‌තං උප්‌පජ්‌ජිස්‌සති?
17. (Ka) yassa cittaṃ uppajjittha no ca tassa cittaṃ uppannaṃ, tassa cittaṃ uppajjissati?
(ඛ) යස්‌ස වා පන චිත්‌තං උප්‌පජ්‌ජිස්‌සති නො ච තස්‌ස චිත්‌තං උප්‌පන්‌නං, තස්‌ස චිත්‌තං උප්‌පජ්‌ජිත්‌ථ?
(Kha) yassa vā pana cittaṃ uppajjissati no ca tassa cittaṃ uppannaṃ, tassa cittaṃ uppajjittha?
(ක) යස්‌ස චිත්‌තං න උප්‌පජ්‌ජිත්‌ථ නො ච තස්‌ස චිත්‌තං න උප්‌පන්‌නං, තස්‌ස චිත්‌තං න උප්‌පජ්‌ජිස්‌සති?
(Ka) yassa cittaṃ na uppajjittha no ca tassa cittaṃ na uppannaṃ, tassa cittaṃ na uppajjissati?
(ඛ) යස්‌ස වා පන චිත්‌තං න උප්‌පජ්‌ජිස්‌සති නො ච තස්‌ස චිත්‌තං න උප්‌පන්‌නං, තස්‌ස චිත්‌තං න උප්‌පජ්‌ජිත්‌ථ?
(Kha) yassa vā pana cittaṃ na uppajjissati no ca tassa cittaṃ na uppannaṃ, tassa cittaṃ na uppajjittha?
(12) උප්‌පන්‌නුප්‌පජ්‌ජමානවාරො
(12) Uppannuppajjamānavāro
18. (ක) උප්‌පන්‌නං උප්‌පජ්‌ජමානං?
18. (Ka) uppannaṃ uppajjamānaṃ?
(ඛ) උප්‌පජ්‌ජමානං උප්‌පන්‌නං?
(Kha) uppajjamānaṃ uppannaṃ?
(ක) න උප්‌පන්‌නං න උප්‌පජ්‌ජමානං?
(Ka) na uppannaṃ na uppajjamānaṃ?
(ඛ) න උප්‌පජ්‌ජමානං න උප්‌පන්‌නං?
(Kha) na uppajjamānaṃ na uppannaṃ?
(13) නිරුද්‌ධනිරුජ්‌ඣමානවාරො
(13) Niruddhanirujjhamānavāro
19. (ක) නිරුද්‌ධං නිරුජ්‌ඣමානං?
19. (Ka) niruddhaṃ nirujjhamānaṃ?
(ඛ) නිරුජ්‌ඣමානං නිරුද්‌ධං?
(Kha) nirujjhamānaṃ niruddhaṃ?
(ක) න නිරුද්‌ධං න නිරුජ්‌ඣමානං?
(Ka) na niruddhaṃ na nirujjhamānaṃ?
(ඛ) න නිරුජ්‌ඣමානං න නිරුද්‌ධං?
(Kha) na nirujjhamānaṃ na niruddhaṃ?
(14) අතික්‌කන්‌තකාලවාරො
(14) Atikkantakālavāro
20. (ක) යස්‌ස චිත්‌තං උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තං?
20. (Ka) yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
(ඛ) යස්‌ස වා පන චිත්‌තං නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තං?
(Kha) yassa vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
(ක) යස්‌ස චිත්‌තං න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තං?
(Ka) yassa cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
(ඛ) යස්‌ස වා පන චිත්‌තං න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තං?
(Kha) yassa vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittaṃ?
1. සුද්‌ධචිත්‌තසාමඤ්‌ඤං
1. Suddhacittasāmaññaṃ
2. ධම්‌මවාරො
2. Dhammavāro
(1) උප්‌පාදනිරොධකාලසම්‌භෙදවාරො
(1) Uppādanirodhakālasambhedavāro
21. (ක) යං චිත්‌තං උප්‌පජ්‌ජති න නිරුජ්‌ඣති තං චිත්‌තං නිරුජ්‌ඣිස්‌සති න උප්‌පජ්‌ජිස්‌සති?
21. (Ka) yaṃ cittaṃ uppajjati na nirujjhati taṃ cittaṃ nirujjhissati na uppajjissati?
(ඛ) යං වා පන චිත්‌තං නිරුජ්‌ඣිස්‌සති න උප්‌පජ්‌ජිස්‌සති තං චිත්‌තං උප්‌පජ්‌ජති න නිරුජ්‌ඣති?
(Kha) yaṃ vā pana cittaṃ nirujjhissati na uppajjissati taṃ cittaṃ uppajjati na nirujjhati?
(ක) යං චිත්‌තං න උප්‌පජ්‌ජති නිරුජ්‌ඣති තං චිත්‌තං න නිරුජ්‌ඣිස්‌සති උප්‌පජ්‌ජිස්‌සති?
(Ka) yaṃ cittaṃ na uppajjati nirujjhati taṃ cittaṃ na nirujjhissati uppajjissati?
(ඛ) යං වා පන චිත්‌තං න නිරුජ්‌ඣිස්‌සති උප්‌පජ්‌ජිස්‌සති තං චිත්‌තං න උප්‌පජ්‌ජති නිරුජ්‌ඣති?
(Kha) yaṃ vā pana cittaṃ na nirujjhissati uppajjissati taṃ cittaṃ na uppajjati nirujjhati?
(2) උප්‌පාදුප්‌පන්‌නවාරො
(2) Uppāduppannavāro
22. (ක) යං චිත්‌තං උප්‌පජ්‌ජති තං චිත්‌තං උප්‌පන්‌නං?
22. (Ka) yaṃ cittaṃ uppajjati taṃ cittaṃ uppannaṃ?
(ඛ) යං වා පන චිත්‌තං උප්‌පන්‌නං තං චිත්‌තං උප්‌පජ්‌ජති?
(Kha) yaṃ vā pana cittaṃ uppannaṃ taṃ cittaṃ uppajjati?
(ක) යං චිත්‌තං න උප්‌පජ්‌ජති තං චිත්‌තං න උප්‌පන්‌නං?
(Ka) yaṃ cittaṃ na uppajjati taṃ cittaṃ na uppannaṃ?
(ඛ) යං වා පන චිත්‌තං න උප්‌පන්‌නං තං චිත්‌තං න උප්‌පජ්‌ජති?
(Kha) yaṃ vā pana cittaṃ na uppannaṃ taṃ cittaṃ na uppajjati?
(3) නිරොධුප්‌පන්‌නවාරො
(3) Nirodhuppannavāro
23. (ක) යං චිත්‌තං නිරුජ්‌ඣති තං චිත්‌තං උප්‌පන්‌නං?
23. (Ka) yaṃ cittaṃ nirujjhati taṃ cittaṃ uppannaṃ?
(ඛ) යං වා පන චිත්‌තං උප්‌පන්‌නං තං චිත්‌තං නිරුජ්‌ඣති?
(Kha) yaṃ vā pana cittaṃ uppannaṃ taṃ cittaṃ nirujjhati?
(ක) යං චිත්‌තං න නිරුජ්‌ඣති තං චිත්‌තං න උප්‌පන්‌නං?
(Ka) yaṃ cittaṃ na nirujjhati taṃ cittaṃ na uppannaṃ?
(ඛ) යං වා පන චිත්‌තං න උප්‌පන්‌නං තං චිත්‌තං න නිරුජ්‌ඣති?
(Kha) yaṃ vā pana cittaṃ na uppannaṃ taṃ cittaṃ na nirujjhati?
(4) උප්‌පාදවාරො
(4) Uppādavāro
24. (ක) යං චිත්‌තං උප්‌පජ්‌ජති තං චිත්‌තං උප්‌පජ්‌ජිත්‌ථ?
24. (Ka) yaṃ cittaṃ uppajjati taṃ cittaṃ uppajjittha?
(ඛ) යං වා පන චිත්‌තං උප්‌පජ්‌ජිත්‌ථ තං චිත්‌තං උප්‌පජ්‌ජති?
(Kha) yaṃ vā pana cittaṃ uppajjittha taṃ cittaṃ uppajjati?
(ක) යං චිත්‌තං න උප්‌පජ්‌ජති තං චිත්‌තං න උප්‌පජ්‌ජිත්‌ථ?
(Ka) yaṃ cittaṃ na uppajjati taṃ cittaṃ na uppajjittha?
(ඛ) යං වා පන චිත්‌තං න උප්‌පජ්‌ජිත්‌ථ තං චිත්‌තං න උප්‌පජ්‌ජති?
(Kha) yaṃ vā pana cittaṃ na uppajjittha taṃ cittaṃ na uppajjati?
25. (ක) යං චිත්‌තං උප්‌පජ්‌ජති තං චිත්‌තං උප්‌පජ්‌ජිස්‌සති?
25. (Ka) yaṃ cittaṃ uppajjati taṃ cittaṃ uppajjissati?
(ඛ) යං වා පන චිත්‌තං උප්‌පජ්‌ජිස්‌සති තං චිත්‌තං උප්‌පජ්‌ජති?
(Kha) yaṃ vā pana cittaṃ uppajjissati taṃ cittaṃ uppajjati?
(ක) යං චිත්‌තං න උප්‌පජ්‌ජති තං චිත්‌තං න උප්‌පජ්‌ජිස්‌සති?
(Ka) yaṃ cittaṃ na uppajjati taṃ cittaṃ na uppajjissati?
(ඛ) යං වා පන චිත්‌තං න උප්‌පජ්‌ජිස්‌සති තං චිත්‌තං න උප්‌පජ්‌ජති?
(Kha) yaṃ vā pana cittaṃ na uppajjissati taṃ cittaṃ na uppajjati?
26. (ක) යං චිත්‌තං උප්‌පජ්‌ජිත්‌ථ තං චිත්‌තං උප්‌පජ්‌ජිස්‌සති?
26. (Ka) yaṃ cittaṃ uppajjittha taṃ cittaṃ uppajjissati?
(ඛ) යං වා පන චිත්‌තං උප්‌පජ්‌ජිස්‌සති තං චිත්‌තං උප්‌පජ්‌ජිත්‌ථ?
(Kha) yaṃ vā pana cittaṃ uppajjissati taṃ cittaṃ uppajjittha?
(ක) යං චිත්‌තං න උප්‌පජ්‌ජිත්‌ථ තං චිත්‌තං න උප්‌පජ්‌ජිස්‌සති?
(Ka) yaṃ cittaṃ na uppajjittha taṃ cittaṃ na uppajjissati?
(ඛ) යං වා පන චිත්‌තං න උප්‌පජ්‌ජිස්‌සති තං චිත්‌තං න උප්‌පජ්‌ජිත්‌ථ?
(Kha) yaṃ vā pana cittaṃ na uppajjissati taṃ cittaṃ na uppajjittha?
(5) නිරොධවාරො
(5) Nirodhavāro
27. (ක) යං චිත්‌තං නිරුජ්‌ඣති තං චිත්‌තං නිරුජ්‌ඣිත්‌ථ?
27. (Ka) yaṃ cittaṃ nirujjhati taṃ cittaṃ nirujjhittha?
(ඛ) යං වා පන චිත්‌තං නිරුජ්‌ඣිත්‌ථ තං චිත්‌තං නිරුජ්‌ඣති?
(Kha) yaṃ vā pana cittaṃ nirujjhittha taṃ cittaṃ nirujjhati?
(ක) යං චිත්‌තං න නිරුජ්‌ඣති තං චිත්‌තං න නිරුජ්‌ඣිත්‌ථ?
(Ka) yaṃ cittaṃ na nirujjhati taṃ cittaṃ na nirujjhittha?
(ඛ) යං වා පන චිත්‌තං න නිරුජ්‌ඣිත්‌ථ තං චිත්‌තං න නිරුජ්‌ඣති?
(Kha) yaṃ vā pana cittaṃ na nirujjhittha taṃ cittaṃ na nirujjhati?
28. (ක) යං චිත්‌තං නිරුජ්‌ඣති තං චිත්‌තං නිරුජ්‌ඣිස්‌සති?
28. (Ka) yaṃ cittaṃ nirujjhati taṃ cittaṃ nirujjhissati?
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං නිරුජ්‌ඣති?
(Kha) yaṃ vā pana cittaṃ nirujjhissati taṃ cittaṃ nirujjhati?
(ක) යං චිත්‌තං න නිරුජ්‌ඣති තං චිත්‌තං න නිරුජ්‌ඣිස්‌සති?
(Ka) yaṃ cittaṃ na nirujjhati taṃ cittaṃ na nirujjhissati?
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න නිරුජ්‌ඣති?
(Kha) yaṃ vā pana cittaṃ na nirujjhissati taṃ cittaṃ na nirujjhati?
29. (ක) යං චිත්‌තං නිරුජ්‌ඣිත්‌ථ තං චිත්‌තං නිරුජ්‌ඣිස්‌සති?
29. (Ka) yaṃ cittaṃ nirujjhittha taṃ cittaṃ nirujjhissati?
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං නිරුජ්‌ඣිත්‌ථ?
(Kha) yaṃ vā pana cittaṃ nirujjhissati taṃ cittaṃ nirujjhittha?
(ක) යං චිත්‌තං න නිරුජ්‌ඣිත්‌ථ තං චිත්‌තං න නිරුජ්‌ඣිස්‌සති?
(Ka) yaṃ cittaṃ na nirujjhittha taṃ cittaṃ na nirujjhissati?
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න නිරුජ්‌ඣිත්‌ථ?
(Kha) yaṃ vā pana cittaṃ na nirujjhissati taṃ cittaṃ na nirujjhittha?
(6) උප්‌පාදනිරොධවාරො
(6) Uppādanirodhavāro
30. (ක) යං චිත්‌තං උප්‌පජ්‌ජති තං චිත්‌තං නිරුජ්‌ඣිත්‌ථ?
30. (Ka) yaṃ cittaṃ uppajjati taṃ cittaṃ nirujjhittha?
(ඛ) යං වා පන චිත්‌තං නිරුජ්‌ඣිත්‌ථ තං චිත්‌තං උප්‌පජ්‌ජති?
(Kha) yaṃ vā pana cittaṃ nirujjhittha taṃ cittaṃ uppajjati?
(ක) යං චිත්‌තං න උප්‌පජ්‌ජති තං චිත්‌තං න නිරුජ්‌ඣිත්‌ථ?
(Ka) yaṃ cittaṃ na uppajjati taṃ cittaṃ na nirujjhittha?
(ඛ) යං වා පන චිත්‌තං න නිරුජ්‌ඣිත්‌ථ තං චිත්‌තං න උප්‌පජ්‌ජති?
(Kha) yaṃ vā pana cittaṃ na nirujjhittha taṃ cittaṃ na uppajjati?
31. (ක) යං චිත්‌තං උප්‌පජ්‌ජති තං චිත්‌තං නිරුජ්‌ඣිස්‌සති?
31. (Ka) yaṃ cittaṃ uppajjati taṃ cittaṃ nirujjhissati?
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං උප්‌පජ්‌ජති?
(Kha) yaṃ vā pana cittaṃ nirujjhissati taṃ cittaṃ uppajjati?
(ක) යං චිත්‌තං න උප්‌පජ්‌ජති තං චිත්‌තං න නිරුජ්‌ඣිස්‌සති?
(Ka) yaṃ cittaṃ na uppajjati taṃ cittaṃ na nirujjhissati?
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න උප්‌පජ්‌ජති?
(Kha) yaṃ vā pana cittaṃ na nirujjhissati taṃ cittaṃ na uppajjati?
32. (ක) යං චිත්‌තං උප්‌පජ්‌ජිත්‌ථ තං චිත්‌තං නිරුජ්‌ඣිස්‌සති?
32. (Ka) yaṃ cittaṃ uppajjittha taṃ cittaṃ nirujjhissati?
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං උප්‌පජ්‌ජිත්‌ථ?
(Kha) yaṃ vā pana cittaṃ nirujjhissati taṃ cittaṃ uppajjittha?
(ක) යං චිත්‌තං න උප්‌පජ්‌ජිත්‌ථ තං චිත්‌තං න නිරුජ්‌ඣිස්‌සති?
(Ka) yaṃ cittaṃ na uppajjittha taṃ cittaṃ na nirujjhissati?
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න උප්‌පජ්‌ජිත්‌ථ?
(Kha) yaṃ vā pana cittaṃ na nirujjhissati taṃ cittaṃ na uppajjittha?
(7) උප්‌පජ්‌ජමාන-නනිරොධවාරො
(7) Uppajjamāna-nanirodhavāro
33. (ක) යං චිත්‌තං උප්‌පජ්‌ජති තං චිත්‌තං න නිරුජ්‌ඣති?
33. (Ka) yaṃ cittaṃ uppajjati taṃ cittaṃ na nirujjhati?
(ඛ) යං වා පන චිත්‌තං න නිරුජ්‌ඣති තං චිත්‌තං උප්‌පජ්‌ජති?
(Kha) yaṃ vā pana cittaṃ na nirujjhati taṃ cittaṃ uppajjati?
(ක) යං චිත්‌තං න උප්‌පජ්‌ජති තං චිත්‌තං නිරුජ්‌ඣති?
(Ka) yaṃ cittaṃ na uppajjati taṃ cittaṃ nirujjhati?
(ඛ) යං වා පන චිත්‌තං නිරුජ්‌ඣති තං චිත්‌තං න උප්‌පජ්‌ජති?
(Kha) yaṃ vā pana cittaṃ nirujjhati taṃ cittaṃ na uppajjati?
(8) උප්‌පජ්‌ජමානුප්‌පන්‌නවාරො
(8) Uppajjamānuppannavāro
34. (ක) යං චිත්‌තං උප්‌පජ්‌ජමානං තං චිත්‌තං උප්‌පන්‌නං?
34. (Ka) yaṃ cittaṃ uppajjamānaṃ taṃ cittaṃ uppannaṃ?
(ඛ) යං වා පන චිත්‌තං උප්‌පන්‌නං තං චිත්‌තං උප්‌පජ්‌ජමානං?
(Kha) yaṃ vā pana cittaṃ uppannaṃ taṃ cittaṃ uppajjamānaṃ?
(ක) යං චිත්‌තං න උප්‌පජ්‌ජමානං තං චිත්‌තං න උප්‌පන්‌නං?
(Ka) yaṃ cittaṃ na uppajjamānaṃ taṃ cittaṃ na uppannaṃ?
(ඛ) යං වා පන චිත්‌තං න උප්‌පන්‌නං තං චිත්‌තං න උප්‌පජ්‌ජමානං?
(Kha) yaṃ vā pana cittaṃ na uppannaṃ taṃ cittaṃ na uppajjamānaṃ?
(9) නිරුජ්‌ඣමානුප්‌පන්‌නවාරො
(9) Nirujjhamānuppannavāro
35. (ක) යං චිත්‌තං නිරුජ්‌ඣමානං තං චිත්‌තං උප්‌පන්‌නං?
35. (Ka) yaṃ cittaṃ nirujjhamānaṃ taṃ cittaṃ uppannaṃ?
(ඛ) යං වා පන චිත්‌තං උප්‌පන්‌නං තං චිත්‌තං නිරුජ්‌ඣමානං?
(Kha) yaṃ vā pana cittaṃ uppannaṃ taṃ cittaṃ nirujjhamānaṃ?
(ක) යං චිත්‌තං න නිරුජ්‌ඣමානං තං චිත්‌තං න උප්‌පන්‌නං?
(Ka) yaṃ cittaṃ na nirujjhamānaṃ taṃ cittaṃ na uppannaṃ?
(ඛ) යං වා පන චිත්‌තං න උප්‌පන්‌නං තං චිත්‌තං න නිරුජ්‌ඣමානං?
(Kha) yaṃ vā pana cittaṃ na uppannaṃ taṃ cittaṃ na nirujjhamānaṃ?
(10) උප්‌පන්‌නුප්‌පාදවාරො
(10) Uppannuppādavāro
36. (ක) යං චිත්‌තං උප්‌පන්‌නං තං චිත්‌තං උප්‌පජ්‌ජිත්‌ථ?
36. (Ka) yaṃ cittaṃ uppannaṃ taṃ cittaṃ uppajjittha?
(ඛ) යං වා පන චිත්‌තං උප්‌පජ්‌ජිත්‌ථ තං චිත්‌තං උප්‌පන්‌නං?
(Kha) yaṃ vā pana cittaṃ uppajjittha taṃ cittaṃ uppannaṃ?
(ක) යං චිත්‌තං න උප්‌පන්‌නං තං චිත්‌තං න උප්‌පජ්‌ජිත්‌ථ?
(Ka) yaṃ cittaṃ na uppannaṃ taṃ cittaṃ na uppajjittha?
(ඛ) යං වා පන චිත්‌තං න උප්‌පජ්‌ජිත්‌ථ තං චිත්‌තං න උප්‌පන්‌නං?
(Kha) yaṃ vā pana cittaṃ na uppajjittha taṃ cittaṃ na uppannaṃ?
(ක) යං චිත්‌තං උප්‌පන්‌නං තං චිත්‌තං උප්‌පජ්‌ජිස්‌සති?
(Ka) yaṃ cittaṃ uppannaṃ taṃ cittaṃ uppajjissati?
(ඛ) යං වා පන චිත්‌තං උප්‌පජ්‌ජිස්‌සති තං චිත්‌තං උප්‌පන්‌නං?
(Kha) yaṃ vā pana cittaṃ uppajjissati taṃ cittaṃ uppannaṃ?
(ක) යං චිත්‌තං න උප්‌පන්‌නං තං චිත්‌තං න උප්‌පජ්‌ජිස්‌සති?
(Ka) yaṃ cittaṃ na uppannaṃ taṃ cittaṃ na uppajjissati?
(ඛ) යං වා පන චිත්‌තං න උප්‌පජ්‌ජිස්‌සති තං චිත්‌තං න උප්‌පන්‌නං?
(Kha) yaṃ vā pana cittaṃ na uppajjissati taṃ cittaṃ na uppannaṃ?
(11) අතීතානාගතවාරො
(11) Atītānāgatavāro
37. (ක) යං චිත්‌තං උප්‌පජ්‌ජිත්‌ථ නො ච තං චිත්‌තං උප්‌පන්‌නං, තං චිත්‌තං උප්‌පජ්‌ජිස්‌සති?
37. (Ka) yaṃ cittaṃ uppajjittha no ca taṃ cittaṃ uppannaṃ, taṃ cittaṃ uppajjissati?
(ඛ) යං වා පන චිත්‌තං උප්‌පජ්‌ජිස්‌සති නො ච තං චිත්‌තං උප්‌පන්‌නං, තං චිත්‌තං උප්‌පජ්‌ජිත්‌ථ?
(Kha) yaṃ vā pana cittaṃ uppajjissati no ca taṃ cittaṃ uppannaṃ, taṃ cittaṃ uppajjittha?
(ක) යං චිත්‌තං න උප්‌පජ්‌ජිත්‌ථ නො ච තං චිත්‌තං න උප්‌පන්‌නං, තං චිත්‌තං න උප්‌පජ්‌ජිස්‌සති?
(Ka) yaṃ cittaṃ na uppajjittha no ca taṃ cittaṃ na uppannaṃ, taṃ cittaṃ na uppajjissati?
(ඛ) යං වා පන චිත්‌තං න උප්‌පජ්‌ජිස්‌සති නො ච තං චිත්‌තං න උප්‌පන්‌නං, තං චිත්‌තං න උප්‌පජ්‌ජිත්‌ථ?
(Kha) yaṃ vā pana cittaṃ na uppajjissati no ca taṃ cittaṃ na uppannaṃ, taṃ cittaṃ na uppajjittha?
(12) උප්‌පන්‌නුප්‌පජ්‌ජමානවාරො
(12) Uppannuppajjamānavāro
38. (ක) උප්‌පන්‌නං උප්‌පජ්‌ජමානං?
38. (Ka) uppannaṃ uppajjamānaṃ?
(ඛ) උප්‌පජ්‌ජමානං උප්‌පන්‌නං?
(Kha) uppajjamānaṃ uppannaṃ?
(ක) න උප්‌පන්‌නං න උප්‌පජ්‌ජමානං?
(Ka) na uppannaṃ na uppajjamānaṃ?
(ඛ) න උප්‌පජ්‌ජමානං න උප්‌පන්‌නං?
(Kha) na uppajjamānaṃ na uppannaṃ?
(13) නිරුද්‌ධනිරුජ්‌ඣමානවාරො
(13) Niruddhanirujjhamānavāro
39. (ක) නිරුද්‌ධං නිරුජ්‌ඣමානං?
39. (Ka) niruddhaṃ nirujjhamānaṃ?
(ඛ) නිරුජ්‌ඣමානං නිරුද්‌ධං?
(Kha) nirujjhamānaṃ niruddhaṃ?
(ක) න නිරුද්‌ධං න නිරුජ්‌ඣමානං?
(Ka) na niruddhaṃ na nirujjhamānaṃ?
(ඛ) න නිරුජ්‌ඣමානං න නිරුද්‌ධං?
(Kha) na nirujjhamānaṃ na niruddhaṃ?
(14) අතික්‌කන්‌තකාලවාරො
(14) Atikkantakālavāro
40. (ක) යං චිත්‌තං උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තං?
40. (Ka) yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
(ඛ) යං වා පන චිත්‌තං නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තං?
(Kha) yaṃ vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
(ක) යං චිත්‌තං න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තං?
(Ka) yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
(ඛ) යං වා පන චිත්‌තං න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තං?
(Kha) yaṃ vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittaṃ?
1. සුද්‌ධචිත්‌තසාමඤ්‌ඤ
1. Suddhacittasāmañña
3. පුග්‌ගලධම්‌මවාරො
3. Puggaladhammavāro
(1) උප්‌පාදනිරොධකාලසම්‌භෙදවාරො
(1) Uppādanirodhakālasambhedavāro
41. (ක) යස්‌ස යං චිත්‌තං උප්‌පජ්‌ජති න නිරුජ්‌ඣති තස්‌ස තං චිත්‌තං නිරුජ්‌ඣිස්‌සති න උප්‌පජ්‌ජිස්‌සති?
41. (Ka) yassa yaṃ cittaṃ uppajjati na nirujjhati tassa taṃ cittaṃ nirujjhissati na uppajjissati?
(ඛ) යස්‌ස වා පන යං චිත්‌තං නිරුජ්‌ඣිස්‌සති න උප්‌පජ්‌ජිස්‌සති තස්‌ස තං චිත්‌තං උප්‌පජ්‌ජති න නිරුජ්‌ඣති?
(Kha) yassa vā pana yaṃ cittaṃ nirujjhissati na uppajjissati tassa taṃ cittaṃ uppajjati na nirujjhati?
(ක) යස්‌ස යං චිත්‌තං න උප්‌පජ්‌ජති නිරුජ්‌ඣති තස්‌ස තං චිත්‌තං න නිරුජ්‌ඣිස්‌සති උප්‌පජ්‌ජිස්‌සති?
(Ka) yassa yaṃ cittaṃ na uppajjati nirujjhati tassa taṃ cittaṃ na nirujjhissati uppajjissati?
(ඛ) යස්‌ස වා පන යං චිත්‌තං න නිරුජ්‌ඣිස්‌සති උප්‌පජ්‌ජිස්‌සති තස්‌ස තං චිත්‌තං න උප්‌පජ්‌ජති නිරුජ්‌ඣති?
(Kha) yassa vā pana yaṃ cittaṃ na nirujjhissati uppajjissati tassa taṃ cittaṃ na uppajjati nirujjhati?
(2) උප්‌පාදුප්‌පන්‌නවාරො
(2) Uppāduppannavāro
42. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං උප්‌පන්‌නං?
42. (Ka) yassa yaṃ cittaṃ uppajjati tassa taṃ cittaṃ uppannaṃ?
(ඛ) යස්‌ස වා පන යං චිත්‌තං උප්‌පන්‌නං තස්‌ස තං චිත්‌තං උප්‌පජ්‌ජති?
(Kha) yassa vā pana yaṃ cittaṃ uppannaṃ tassa taṃ cittaṃ uppajjati?
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න උප්‌පන්‌නං?
(Ka) yassa yaṃ cittaṃ na uppajjati tassa taṃ cittaṃ na uppannaṃ?
(ඛ) යස්‌ස වා පන යං චිත්‌තං න උප්‌පන්‌නං තස්‌ස තං චිත්‌තං න උප්‌පජ්‌ජති?
(Kha) yassa vā pana yaṃ cittaṃ na uppannaṃ tassa taṃ cittaṃ na uppajjati?
(3) නිරොධුප්‌පන්‌නවාරො
(3) Nirodhuppannavāro
43. (ක) යස්‌ස යං චිත්‌තං නිරුජ්‌ඣති තස්‌ස තං චිත්‌තං උප්‌පන්‌නං?
43. (Ka) yassa yaṃ cittaṃ nirujjhati tassa taṃ cittaṃ uppannaṃ?
(ඛ) යස්‌ස වා පන යං චිත්‌තං උප්‌පන්‌නං තස්‌ස තං චිත්‌තං නිරුජ්‌ඣති?
(Kha) yassa vā pana yaṃ cittaṃ uppannaṃ tassa taṃ cittaṃ nirujjhati?
(ක) යස්‌ස යං චිත්‌තං න නිරුජ්‌ඣති තස්‌ස තං චිත්‌තං න උප්‌පන්‌නං?
(Ka) yassa yaṃ cittaṃ na nirujjhati tassa taṃ cittaṃ na uppannaṃ?
(ඛ) යස්‌ස වා පන යං චිත්‌තං න උප්‌පන්‌නං තස්‌ස තං චිත්‌තං න නිරුජ්‌ඣති?
(Kha) yassa vā pana yaṃ cittaṃ na uppannaṃ tassa taṃ cittaṃ na nirujjhati?
(4) උප්‌පාදවාරො
(4) Uppādavāro
44. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං උප්‌පජ්‌ජිත්‌ථ?
44. (Ka) yassa yaṃ cittaṃ uppajjati tassa taṃ cittaṃ uppajjittha?
(ඛ) යස්‌ස වා පන යං චිත්‌තං උප්‌පජ්‌ජිත්‌ථ තස්‌ස තං චිත්‌තං උප්‌පජ්‌ජති?
(Kha) yassa vā pana yaṃ cittaṃ uppajjittha tassa taṃ cittaṃ uppajjati?
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න උප්‌පජ්‌ජිත්‌ථ?
(Ka) yassa yaṃ cittaṃ na uppajjati tassa taṃ cittaṃ na uppajjittha?
(ඛ) යස්‌ස වා පන යං චිත්‌තං න උප්‌පජ්‌ජිත්‌ථ තස්‌ස තං චිත්‌තං න උප්‌පජ්‌ජති?
(Kha) yassa vā pana yaṃ cittaṃ na uppajjittha tassa taṃ cittaṃ na uppajjati?
45. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං උප්‌පජ්‌ජිස්‌සති?
45. (Ka) yassa yaṃ cittaṃ uppajjati tassa taṃ cittaṃ uppajjissati?
(ඛ) යස්‌ස වා පන යං චිත්‌තං උප්‌පජ්‌ජිස්‌සති තස්‌ස තං චිත්‌තං උප්‌පජ්‌ජති?
(Kha) yassa vā pana yaṃ cittaṃ uppajjissati tassa taṃ cittaṃ uppajjati?
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න උප්‌පජ්‌ජිස්‌සති?
(Ka) yassa yaṃ cittaṃ na uppajjati tassa taṃ cittaṃ na uppajjissati?
(ඛ) යස්‌ස වා පන යං චිත්‌තං න උප්‌පජ්‌ජිස්‌සති තස්‌ස තං චිත්‌තං න උප්‌පජ්‌ජති?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjati?
46. (ක) යස්‌ස යං චිත්‌තං උප්‌පජ්‌ජිත්‌ථ තස්‌ස තං චිත්‌තං උප්‌පජ්‌ජිස්‌සති?
46. (Ka) yassa yaṃ cittaṃ uppajjittha tassa taṃ cittaṃ uppajjissati?
(ඛ) යස්‌ස වා පන යං චිත්‌තං උප්‌පජ්‌ජිස්‌සති තස්‌ස තං චිත්‌තං උප්‌පජ්‌ජිත්‌ථ?
(Kha) yassa vā pana yaṃ cittaṃ uppajjissati tassa taṃ cittaṃ uppajjittha?
(ක) යස්‌ස යං චිත්‌තං න උප්‌පජ්‌ජිත්‌ථ තස්‌ස තං චිත්‌තං න උප්‌පජ්‌ජිස්‌සති?
(Ka) yassa yaṃ cittaṃ na uppajjittha tassa taṃ cittaṃ na uppajjissati?
(ඛ) යස්‌ස වා පන යං චිත්‌තං න උප්‌පජ්‌ජිස්‌සති තස්‌ස තං චිත්‌තං න උප්‌පජ්‌ජිත්‌ථ?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjittha?
(5) නිරොධවාරො
(5) Nirodhavāro
47. (ක) යස්‌ස යං චිත්‌තං නිරුජ්‌ඣති තස්‌ස තං චිත්‌තං නිරුජ්‌ඣිත්‌ථ?
47. (Ka) yassa yaṃ cittaṃ nirujjhati tassa taṃ cittaṃ nirujjhittha?
(ඛ) යස්‌ස වා පන යං චිත්‌තං නිරුජ්‌ඣිත්‌ථ තස්‌ස තං චිත්‌තං නිරුජ්‌ඣති?
(Kha) yassa vā pana yaṃ cittaṃ nirujjhittha tassa taṃ cittaṃ nirujjhati?
(ක) යස්‌ස යං චිත්‌තං න නිරුජ්‌ඣති තස්‌ස තං චිත්‌තං න නිරුජ්‌ඣිත්‌ථ?
(Ka) yassa yaṃ cittaṃ na nirujjhati tassa taṃ cittaṃ na nirujjhittha?
(ඛ) යස්‌ස වා පන යං චිත්‌තං න නිරුජ්‌ඣිත්‌ථ තස්‌ස තං චිත්‌තං න නිරුජ්‌ඣති?
(Kha) yassa vā pana yaṃ cittaṃ na nirujjhittha tassa taṃ cittaṃ na nirujjhati?
48. (ක) යස්‌ස යං චිත්‌තං නිරුජ්‌ඣති තස්‌ස තං චිත්‌තං නිරුජ්‌ඣිස්‌සති?
48. (Ka) yassa yaṃ cittaṃ nirujjhati tassa taṃ cittaṃ nirujjhissati?
(ඛ) යස්‌ස වා පන යං චිත්‌තං නිරුජ්‌ඣිස්‌සති තස්‌ස තං චිත්‌තං නිරුජ්‌ඣති?
(Kha) yassa vā pana yaṃ cittaṃ nirujjhissati tassa taṃ cittaṃ nirujjhati?
(ක) යස්‌ස යං චිත්‌තං න නිරුජ්‌ඣති තස්‌ස තං චිත්‌තං න නිරුජ්‌ඣිස්‌සති?
(Ka) yassa yaṃ cittaṃ na nirujjhati tassa taṃ cittaṃ na nirujjhissati?
(ඛ) යස්‌ස වා පන යං චිත්‌තං න නිරුජ්‌ඣිස්‌සති තස්‌ස තං චිත්‌තං න නිරුජ්‌ඣති?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhati?
49. (ක) යස්‌ස යං චිත්‌තං නිරුජ්‌ඣිත්‌ථ තස්‌ස තං චිත්‌තං නිරුජ්‌ඣිස්‌සති?
49. (Ka) yassa yaṃ cittaṃ nirujjhittha tassa taṃ cittaṃ nirujjhissati?
(ඛ) යස්‌ස වා පන යං චිත්‌තං නිරුජ්‌ඣිස්‌සති තස්‌ස තං චිත්‌තං නිරුජ්‌ඣිත්‌ථ?
(Kha) yassa vā pana yaṃ cittaṃ nirujjhissati tassa taṃ cittaṃ nirujjhittha?
(ක) යස්‌ස යං චිත්‌තං න නිරුජ්‌ඣිත්‌ථ තස්‌ස තං චිත්‌තං න නිරුජ්‌ඣිස්‌සති?
(Ka) yassa yaṃ cittaṃ na nirujjhittha tassa taṃ cittaṃ na nirujjhissati?
(ඛ) යස්‌ස වා පන යං චිත්‌තං න නිරුජ්‌ඣිස්‌සති තස්‌ස තං චිත්‌තං න නිරුජ්‌ඣිත්‌ථ?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhittha?
(6) උප්‌පාදනිරොධවාරො
(6) Uppādanirodhavāro
50. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං නිරුජ්‌ඣිත්‌ථ?
50. (Ka) yassa yaṃ cittaṃ uppajjati tassa taṃ cittaṃ nirujjhittha?
(ඛ) යස්‌ස වා පන යං චිත්‌තං නිරුජ්‌ඣිත්‌ථ තස්‌ස තං චිත්‌තං උප්‌පජ්‌ජති?
(Kha) yassa vā pana yaṃ cittaṃ nirujjhittha tassa taṃ cittaṃ uppajjati?
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න නිරුජ්‌ඣිත්‌ථ?
(Ka) yassa yaṃ cittaṃ na uppajjati tassa taṃ cittaṃ na nirujjhittha?
(ඛ) යස්‌ස වා පන යං චිත්‌තං න නිරුජ්‌ඣිත්‌ථ තස්‌ස තං චිත්‌තං න උප්‌පජ්‌ජති?
(Kha) yassa vā pana yaṃ cittaṃ na nirujjhittha tassa taṃ cittaṃ na uppajjati?
51. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං නිරුජ්‌ඣිස්‌සති?
51. (Ka) yassa yaṃ cittaṃ uppajjati tassa taṃ cittaṃ nirujjhissati?
(ඛ) යස්‌ස වා පන යං චිත්‌තං නිරුජ්‌ඣිස්‌සති තස්‌ස තං චිත්‌තං උප්‌පජ්‌ජති?
(Kha) yassa vā pana yaṃ cittaṃ nirujjhissati tassa taṃ cittaṃ uppajjati?
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න නිරුජ්‌ඣිස්‌සති?
(Ka) yassa yaṃ cittaṃ na uppajjati tassa taṃ cittaṃ na nirujjhissati?
(ඛ) යස්‌ස වා පන යං චිත්‌තං න නිරුජ්‌ඣිස්‌සති තස්‌ස තං චිත්‌තං න උප්‌පජ්‌ජති?
(Kha) yassa vā pana yaṃ cittaṃ na nirujjhissati tassa taṃ cittaṃ na uppajjati?
52. (ක) යස්‌ස යං චිත්‌තං උප්‌පජ්‌ජිත්‌ථ තස්‌ස තං චිත්‌තං නිරුජ්‌ඣිස්‌සති?
52. (Ka) yassa yaṃ cittaṃ uppajjittha tassa taṃ cittaṃ nirujjhissati?
(ඛ) යස්‌ස වා පන යං චිත්‌තං නිරුජ්‌ඣිස්‌සති තස්‌ස තං චිත්‌තං උප්‌පජ්‌ජිත්‌ථ?
(Kha) yassa vā pana yaṃ cittaṃ nirujjhissati tassa taṃ cittaṃ uppajjittha?
(ක) යස්‌ස යං චිත්‌තං න උප්‌පජ්‌ජිත්‌ථ තස්‌ස තං චිත්‌තං න නිරුජ්‌ඣිස්‌සති?
(Ka) yassa yaṃ cittaṃ na uppajjittha tassa taṃ cittaṃ na nirujjhissati?
(ඛ) යස්‌ස වා පන යං චිත්‌තං න නිරුජ්‌ඣිස්‌සති තස්‌ස තං චිත්‌තං න උප්‌පජ්‌ජිත්‌ථ?
(Kha) yassa vā pana yaṃ cittaṃ na nirujjhissati tassa taṃ cittaṃ na uppajjittha?
(7) උප්‌පජ්‌ජමාන-නනිරොධවාරො
(7) Uppajjamāna-nanirodhavāro
53. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං න නිරුජ්‌ඣති?
53. (Ka) yassa yaṃ cittaṃ uppajjati tassa taṃ cittaṃ na nirujjhati?
(ඛ) යස්‌ස වා පන යං චිත්‌තං න නිරුජ්‌ඣති තස්‌ස තං චිත්‌තං උප්‌පජ්‌ජති?
(Kha) yassa vā pana yaṃ cittaṃ na nirujjhati tassa taṃ cittaṃ uppajjati?
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං නිරුජ්‌ඣති?
(Ka) yassa yaṃ cittaṃ na uppajjati tassa taṃ cittaṃ nirujjhati?
(ඛ) යස්‌ස වා පන යං චිත්‌තං නිරුජ්‌ඣති තස්‌ස තං චිත්‌තං න උප්‌පජ්‌ජති?
(Kha) yassa vā pana yaṃ cittaṃ nirujjhati tassa taṃ cittaṃ na uppajjati?
(8) උප්‌පජ්‌ජමානුප්‌පන්‌නවාරො
(8) Uppajjamānuppannavāro
54. (ක) යස්‌ස යං චිත්‌තං උප්‌පජ්‌ජමානං තස්‌ස තං චිත්‌තං උප්‌පන්‌නං?
54. (Ka) yassa yaṃ cittaṃ uppajjamānaṃ tassa taṃ cittaṃ uppannaṃ?
(ඛ) යස්‌ස වා පන යං චිත්‌තං උප්‌පන්‌නං තස්‌ස තං චිත්‌තං උප්‌පජ්‌ජමානං?
(Kha) yassa vā pana yaṃ cittaṃ uppannaṃ tassa taṃ cittaṃ uppajjamānaṃ?
(ක) යස්‌ස යං චිත්‌තං න උප්‌පජ්‌ජමානං තස්‌ස තං චිත්‌තං න උප්‌පන්‌නං?
(Ka) yassa yaṃ cittaṃ na uppajjamānaṃ tassa taṃ cittaṃ na uppannaṃ?
(ඛ) යස්‌ස වා පන යං චිත්‌තං න උප්‌පන්‌නං තස්‌ස තං චිත්‌තං න උප්‌පජ්‌ජමානං?
(Kha) yassa vā pana yaṃ cittaṃ na uppannaṃ tassa taṃ cittaṃ na uppajjamānaṃ?
(9) නිරුජ්‌ඣමානුප්‌පන්‌නවාරො
(9) Nirujjhamānuppannavāro
55. (ක) යස්‌ස යං චිත්‌තං නිරුජ්‌ඣමානං තස්‌ස තං චිත්‌තං උප්‌පන්‌නං?
55. (Ka) yassa yaṃ cittaṃ nirujjhamānaṃ tassa taṃ cittaṃ uppannaṃ?
(ඛ) යස්‌ස වා පන යං චිත්‌තං උප්‌පන්‌නං තස්‌ස තං චිත්‌තං නිරුජ්‌ඣමානං?
(Kha) yassa vā pana yaṃ cittaṃ uppannaṃ tassa taṃ cittaṃ nirujjhamānaṃ?
(ක) යස්‌ස යං චිත්‌තං න නිරුජ්‌ඣමානං තස්‌ස තං චිත්‌තං න උප්‌පන්‌නං?
(Ka) yassa yaṃ cittaṃ na nirujjhamānaṃ tassa taṃ cittaṃ na uppannaṃ?
(ඛ) යස්‌ස වා පන යං චිත්‌තං න උප්‌පන්‌නං තස්‌ස තං චිත්‌තං න නිරුජ්‌ඣමානං?
(Kha) yassa vā pana yaṃ cittaṃ na uppannaṃ tassa taṃ cittaṃ na nirujjhamānaṃ?
(10) උප්‌පන්‌නුප්‌පාදවාරො
(10) Uppannuppādavāro
56. (ක) යස්‌ස යං චිත්‌තං උප්‌පන්‌නං තස්‌ස තං චිත්‌තං උප්‌පජ්‌ජිත්‌ථ?
56. (Ka) yassa yaṃ cittaṃ uppannaṃ tassa taṃ cittaṃ uppajjittha?
(ඛ) යස්‌ස වා පන යං චිත්‌තං උප්‌පජ්‌ජිත්‌ථ තස්‌ස තං චිත්‌තං උප්‌පන්‌නං?
(Kha) yassa vā pana yaṃ cittaṃ uppajjittha tassa taṃ cittaṃ uppannaṃ?
(ක) යස්‌ස යං චිත්‌තං න උප්‌පන්‌නං තස්‌ස තං චිත්‌තං න උප්‌පජ්‌ජිත්‌ථ?
(Ka) yassa yaṃ cittaṃ na uppannaṃ tassa taṃ cittaṃ na uppajjittha?
(ඛ) යස්‌ස වා පන යං චිත්‌තං න උප්‌පජ්‌ජිත්‌ථ තස්‌ස තං චිත්‌තං න උප්‌පන්‌නං?
(Kha) yassa vā pana yaṃ cittaṃ na uppajjittha tassa taṃ cittaṃ na uppannaṃ?
(ක) යස්‌ස යං චිත්‌තං උප්‌පන්‌නං තස්‌ස තං චිත්‌තං උප්‌පජ්‌ජිස්‌සති?
(Ka) yassa yaṃ cittaṃ uppannaṃ tassa taṃ cittaṃ uppajjissati?
(ඛ) යස්‌ස වා පන යං චිත්‌තං උප්‌පජ්‌ජිස්‌සති තස්‌ස තං චිත්‌තං උප්‌පන්‌නං?
(Kha) yassa vā pana yaṃ cittaṃ uppajjissati tassa taṃ cittaṃ uppannaṃ?
(ක) යස්‌ස යං චිත්‌තං න උප්‌පන්‌නං තස්‌ස තං චිත්‌තං න උප්‌පජ්‌ජිස්‌සති?
(Ka) yassa yaṃ cittaṃ na uppannaṃ tassa taṃ cittaṃ na uppajjissati?
(ඛ) යස්‌ස වා පන යං චිත්‌තං න උප්‌පජ්‌ජිස්‌සති තස්‌ස තං චිත්‌තං න උප්‌පන්‌නං?
(Kha) yassa vā pana yaṃ cittaṃ na uppajjissati tassa taṃ cittaṃ na uppannaṃ?
(11) අතීතානාගතවාරො
(11) Atītānāgatavāro
57. (ක) යස්‌ස යං චිත්‌තං උප්‌පජ්‌ජිත්‌ථ නො ච තස්‌ස තං චිත්‌තං උප්‌පන්‌නං, තස්‌ස තං චිත්‌තං උප්‌පජ්‌ජිස්‌සති?
57. (Ka) yassa yaṃ cittaṃ uppajjittha no ca tassa taṃ cittaṃ uppannaṃ, tassa taṃ cittaṃ uppajjissati?
(ඛ) යස්‌ස වා පන යං චිත්‌තං උප්‌පජ්‌ජිස්‌සති නො ච තස්‌ස තං චිත්‌තං උප්‌පන්‌නං, තස්‌ස තං චිත්‌තං උප්‌පජ්‌ජිත්‌ථ?
(Kha) yassa vā pana yaṃ cittaṃ uppajjissati no ca tassa taṃ cittaṃ uppannaṃ, tassa taṃ cittaṃ uppajjittha?
(ක) යස්‌ස යං චිත්‌තං න උප්‌පජ්‌ජිත්‌ථ නො ච තස්‌ස තං චිත්‌තං න උප්‌පන්‌නං, තස්‌ස තං චිත්‌තං න උප්‌පජ්‌ජිස්‌සති?
(Ka) yassa yaṃ cittaṃ na uppajjittha no ca tassa taṃ cittaṃ na uppannaṃ, tassa taṃ cittaṃ na uppajjissati?
(ඛ) යස්‌ස වා පන යං චිත්‌තං න උප්‌පජ්‌ජිස්‌සති නො ච තස්‌ස තං චිත්‌තං න උප්‌පන්‌නං, තස්‌ස තං චිත්‌තං න උප්‌පජ්‌ජිත්‌ථ?
(Kha) yassa vā pana yaṃ cittaṃ na uppajjissati no ca tassa taṃ cittaṃ na uppannaṃ, tassa taṃ cittaṃ na uppajjittha?
(12) උප්‌පන්‌නුප්‌පජ්‌ජමානවාරො
(12) Uppannuppajjamānavāro
58. (ක) උප්‌පන්‌නං උප්‌පජ්‌ජමානං?
58. (Ka) uppannaṃ uppajjamānaṃ?
(ඛ) උප්‌පජ්‌ජමානං උප්‌පන්‌නං?
(Kha) uppajjamānaṃ uppannaṃ?
(ක) න උප්‌පන්‌නං න උප්‌පජ්‌ජමානං?
(Ka) na uppannaṃ na uppajjamānaṃ?
(ඛ) න උප්‌පජ්‌ජමානං න උප්‌පන්‌නං?
(Kha) na uppajjamānaṃ na uppannaṃ?
(13) නිරුද්‌ධනිරුජ්‌ඣමානවාරො
(13) Niruddhanirujjhamānavāro
59. (ක) නිරුද්‌ධං නිරුජ්‌ඣමානං?
59. (Ka) niruddhaṃ nirujjhamānaṃ?
(ඛ) නිරුජ්‌ඣමානං නිරුද්‌ධං?
(Kha) nirujjhamānaṃ niruddhaṃ?
(ක) න නිරුද්‌ධං න නිරුජ්‌ඣමානං?
(Ka) na niruddhaṃ na nirujjhamānaṃ?
(ඛ) න නිරුජ්‌ඣමානං න නිරුද්‌ධං?
(Kha) na nirujjhamānaṃ na niruddhaṃ?
(14) අතික්‌කන්‌තකාලවාරො
(14) Atikkantakālavāro
60. (ක) යස්‌ස යං චිත්‌තං උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස තං චිත්‌තං?
60. (Ka) yassa yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
(ඛ) යස්‌ස වා පන යං චිත්‌තං නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස තං චිත්‌තං?
(Kha) yassa vā pana yaṃ cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
(ක) යස්‌ස යං චිත්‌තං න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස තං චිත්‌තං?
(Ka) yassa yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
(ඛ) යස්‌ස වා පන යං චිත්‌තං න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං , න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස තං චිත්‌තං?
(Kha) yassa vā pana yaṃ cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ , na uppajjamānaṃ khaṇaṃ khaṇaṃ vītikkantaṃ atikkantakālaṃ tassa taṃ cittaṃ?
2. සුත්‌තන්‌තචිත්‌තමිස්‌සකවිසෙසො
2. Suttantacittamissakaviseso
61. යස්‌ස සරාගං චිත්‌තං උප්‌පජ්‌ජති…පෙ.… යස්‌ස වීතරාගං චිත්‌තං උප්‌පජ්‌ජති… යස්‌ස සදොසං චිත්‌තං උප්‌පජ්‌ජති… යස්‌ස වීතදොසං චිත්‌තං උප්‌පජ්‌ජති… යස්‌ස සමොහං චිත්‌තං උප්‌පජ්‌ජති… යස්‌ස වීතමොහං චිත්‌තං උප්‌පජ්‌ජති … යස්‌ස සංඛිත්‌තං චිත්‌තං උප්‌පජ්‌ජති… යස්‌ස වික්‌ඛිත්‌තං චිත්‌තං උප්‌පජ්‌ජති… යස්‌ස මහග්‌ගතං චිත්‌තං උප්‌පජ්‌ජති… යස්‌ස අමහග්‌ගතං චිත්‌තං උප්‌පජ්‌ජති… යස්‌ස සඋත්‌තරං චිත්‌තං උප්‌පජ්‌ජති… යස්‌ස අනුත්‌තරං චිත්‌තං උප්‌පජ්‌ජති… යස්‌ස සමාහිතං චිත්‌තං උප්‌පජ්‌ජති… යස්‌ස අසමාහිතං චිත්‌තං උප්‌පජ්‌ජති… යස්‌ස විමුත්‌තං චිත්‌තං උප්‌පජ්‌ජති… යස්‌ස අවිමුත්‌තං චිත්‌තං උප්‌පජ්‌ජති…?
61. Yassa sarāgaṃ cittaṃ uppajjati…pe… yassa vītarāgaṃ cittaṃ uppajjati… yassa sadosaṃ cittaṃ uppajjati… yassa vītadosaṃ cittaṃ uppajjati… yassa samohaṃ cittaṃ uppajjati… yassa vītamohaṃ cittaṃ uppajjati … yassa saṃkhittaṃ cittaṃ uppajjati… yassa vikkhittaṃ cittaṃ uppajjati… yassa mahaggataṃ cittaṃ uppajjati… yassa amahaggataṃ cittaṃ uppajjati… yassa sauttaraṃ cittaṃ uppajjati… yassa anuttaraṃ cittaṃ uppajjati… yassa samāhitaṃ cittaṃ uppajjati… yassa asamāhitaṃ cittaṃ uppajjati… yassa vimuttaṃ cittaṃ uppajjati… yassa avimuttaṃ cittaṃ uppajjati…?
3. අභිධම්‌මචිත්‌තමිස්‌සකවිසෙසො
3. Abhidhammacittamissakaviseso
62. යස්‌ස කුසලං චිත්‌තං උප්‌පජ්‌ජති…පෙ.… යස්‌ස අකුසලං චිත්‌තං උප්‌පජ්‌ජති… යස්‌ස අබ්‍යාකතං චිත්‌තං උප්‌පජ්‌ජති… යස්‌ස සුඛාය වෙදනාය සම්‌පයුත්‌තං චිත්‌තං උප්‌පජ්‌ජති…?
62. Yassa kusalaṃ cittaṃ uppajjati…pe… yassa akusalaṃ cittaṃ uppajjati… yassa abyākataṃ cittaṃ uppajjati… yassa sukhāya vedanāya sampayuttaṃ cittaṃ uppajjati…?
(එතෙන උපායෙන යාව සරණඅරණා උද්‌ධරිතබ්‌බා.)
(Etena upāyena yāva saraṇaaraṇā uddharitabbā.)
(ක) යස්‌ස අරණං චිත්‌තං උප්‌පජ්‌ජති න නිරුජ්‌ඣති තස්‌ස අරණං චිත්‌තං නිරුජ්‌ඣිස්‌සති න උප්‌පජ්‌ජිස්‌සති?
(Ka) yassa araṇaṃ cittaṃ uppajjati na nirujjhati tassa araṇaṃ cittaṃ nirujjhissati na uppajjissati?
(ඛ) යස්‌ස වා පන අරණං චිත්‌තං නිරුජ්‌ඣිස්‌සති න උප්‌පජ්‌ජිස්‌සති තස්‌ස අරණං චිත්‌තං උප්‌පජ්‌ජති න නිරුජ්‌ඣති?
(Kha) yassa vā pana araṇaṃ cittaṃ nirujjhissati na uppajjissati tassa araṇaṃ cittaṃ uppajjati na nirujjhati?
(ඛ) නිද්‌දෙසො
(Kha) niddeso
1. සුද්‌ධචිත්‌තසාමඤ්‌ඤං
1. Suddhacittasāmaññaṃ
1. පුග්‌ගලවාරො
1. Puggalavāro
(1) උප්‌පාදනිරොධකාලසම්‌භෙදවාරො
(1) Uppādanirodhakālasambhedavāro
63. (ක) යස්‌ස චිත්‌තං උප්‌පජ්‌ජති න නිරුජ්‌ඣති තස්‌ස චිත්‌තං නිරුජ්‌ඣිස්‌සති න උප්‌පජ්‌ජිස්‌සතීති?
63. (Ka) yassa cittaṃ uppajjati na nirujjhati tassa cittaṃ nirujjhissati na uppajjissatīti?
පච්‌ඡිමචිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පජ්‌ජති න නිරුජ්‌ඣති, නිරුජ්‌ඣිස්‌සති න උප්‌පජ්‌ජිස්‌සති. ඉතරෙසං චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පජ්‌ජති න නිරුජ්‌ඣති, නිරුජ්‌ඣිස්‌සති චෙව උප්‌පජ්‌ජිස්‌සති ච.
Pacchimacittassa uppādakkhaṇe tesaṃ cittaṃ uppajjati na nirujjhati, nirujjhissati na uppajjissati. Itaresaṃ cittassa uppādakkhaṇe tesaṃ cittaṃ uppajjati na nirujjhati, nirujjhissati ceva uppajjissati ca.
(ඛ) යස්‌ස වා පන චිත්‌තං නිරුජ්‌ඣිස්‌සති න උප්‌පජ්‌ජිස්‌සති තස්‌ස චිත්‌තං උප්‌පජ්‌ජති න නිරුජ්‌ඣතීති? ආමන්‌තා.
(Kha) yassa vā pana cittaṃ nirujjhissati na uppajjissati tassa cittaṃ uppajjati na nirujjhatīti? Āmantā.
(ක) යස්‌ස චිත්‌තං න උප්‌පජ්‌ජති නිරුජ්‌ඣති තස්‌ස චිත්‌තං න නිරුජ්‌ඣිස්‌සති උප්‌පජ්‌ජිස්‌සතීති? නො.
(Ka) yassa cittaṃ na uppajjati nirujjhati tassa cittaṃ na nirujjhissati uppajjissatīti? No.
(ඛ) යස්‌ස වා පන චිත්‌තං න නිරුජ්‌ඣිස්‌සති උප්‌පජ්‌ජිස්‌සති තස්‌ස චිත්‌තං න උප්‌පජ්‌ජති නිරුජ්‌ඣතීති? නත්‌ථි.
(Kha) yassa vā pana cittaṃ na nirujjhissati uppajjissati tassa cittaṃ na uppajjati nirujjhatīti? Natthi.
(2) උප්‌පාදුප්‌පන්‌නවාරො
(2) Uppāduppannavāro
64. (ක) යස්‌ස චිත්‌තං උප්‌පජ්‌ජති තස්‌ස චිත්‌තං උප්‌පන්‌නන්‌ති? ආමන්‌තා.
64. (Ka) yassa cittaṃ uppajjati tassa cittaṃ uppannanti? Āmantā.
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං උප්‌පජ්‌ජතීති?
(Kha) yassa vā pana cittaṃ uppannaṃ tassa cittaṃ uppajjatīti?
චිත්‌තස්‌ස භඞ්‌ගක්‌ඛණෙ තෙසං චිත්‌තං උප්‌පන්‌නං, නො ච තෙසං චිත්‌තං උප්‌පජ්‌ජති. චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පන්‌නඤ්‌චෙව උප්‌පජ්‌ජති ච.
Cittassa bhaṅgakkhaṇe tesaṃ cittaṃ uppannaṃ, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppannañceva uppajjati ca.
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න උප්‌පන්‌නන්‌ති?
(Ka) yassa cittaṃ na uppajjati tassa cittaṃ na uppannanti?
චිත්‌තස්‌ස භඞ්‌ගක්‌ඛණෙ තෙසං චිත්‌තං න උප්‌පජ්‌ජති, නො ච තෙසං චිත්‌තං න උප්‌පන්‌නං. නිරොධසමාපන්‌නානං අසඤ්‌ඤසත්‌තානං තෙසං චිත්‌තං න චෙව උප්‌පජ්‌ජති න ච උප්‌පන්‌නං.
Cittassa bhaṅgakkhaṇe tesaṃ cittaṃ na uppajjati, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva uppajjati na ca uppannaṃ.
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජතීති? ආමන්‌තා.
(Kha) yassa vā pana cittaṃ na uppannaṃ tassa cittaṃ na uppajjatīti? Āmantā.
(3) නිරොධුප්‌පන්‌නවාරො
(3) Nirodhuppannavāro
65. (ක) යස්‌ස චිත්‌තං නිරුජ්‌ඣති තස්‌ස චිත්‌තං උප්‌පන්‌නන්‌ති? ආමන්‌තා.
65. (Ka) yassa cittaṃ nirujjhati tassa cittaṃ uppannanti? Āmantā.
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං නිරුජ්‌ඣතීති?
(Kha) yassa vā pana cittaṃ uppannaṃ tassa cittaṃ nirujjhatīti?
චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පන්‌නං, නො ච තෙසං චිත්‌තං නිරුජ්‌ඣති. චිත්‌තස්‌ස භඞ්‌ගක්‌ඛණෙ තෙසං චිත්‌තං උප්‌පන්‌නඤ්‌චෙව නිරුජ්‌ඣති ච.
Cittassa uppādakkhaṇe tesaṃ cittaṃ uppannaṃ, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ uppannañceva nirujjhati ca.
(ක) යස්‌ස චිත්‌තං න නිරුජ්‌ඣති තස්‌ස චිත්‌තං න උප්‌පන්‌නන්‌ති?
(Ka) yassa cittaṃ na nirujjhati tassa cittaṃ na uppannanti?
චිත්‌තස්‌ස උප්‌පාදක්‌ඛණෙ තෙසං චිත්‌තං න නිරුජ්‌ඣති, නො ච තෙසං චිත්‌තං න උප්‌පන්‌නං. නිරොධසමාපන්‌නානං අසඤ්‌ඤසත්‌තානං තෙසං චිත්‌තං න චෙව නිරුජ්‌ඣති න ච උප්‌පන්‌නං .
Cittassa uppādakkhaṇe tesaṃ cittaṃ na nirujjhati, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva nirujjhati na ca uppannaṃ .
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න නිරුජ්‌ඣතීති? ආමන්‌තා.
(Kha) yassa vā pana cittaṃ na uppannaṃ tassa cittaṃ na nirujjhatīti? Āmantā.
(4) උප්‌පාදවාරො
(4) Uppādavāro
66. (ක) යස්‌ස චිත්‌තං උප්‌පජ්‌ජති තස්‌ස චිත්‌තං උප්‌පජ්‌ජිත්‌ථාති? ආමන්‌තා.
66. (Ka) yassa cittaṃ uppajjati tassa cittaṃ uppajjitthāti? Āmantā.
(ඛ) යස්‌ස වා පන චිත්‌තං උප්‌පජ්‌ජිත්‌ථ තස්‌ස චිත්‌තං උප්‌පජ්‌ජතීති?
(Kha) yassa vā pana cittaṃ uppajjittha tassa cittaṃ uppajjatīti?
චිත්‌තස්‌ස භඞ්‌ගක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං උප්‌පජ්‌ජිත්‌ථ, නො ච තෙසං චිත්‌තං උප්‌පජ්‌ජති. චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පජ්‌ජිත්‌ථ චෙව උප්‌පජ්‌ජති ච.
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ uppajjittha, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppajjittha ceva uppajjati ca.
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න උප්‌පජ්‌ජිත්‌ථාති? උප්‌පජ්‌ජිත්‌ථ.
(Ka) yassa cittaṃ na uppajjati tassa cittaṃ na uppajjitthāti? Uppajjittha.
(ඛ) යස්‌ස වා පන චිත්‌තං න උප්‌පජ්‌ජිත්‌ථ තස්‌ස චිත්‌තං න උප්‌පජ්‌ජතීති? නත්‌ථි.
(Kha) yassa vā pana cittaṃ na uppajjittha tassa cittaṃ na uppajjatīti? Natthi.
67. (ක) යස්‌ස චිත්‌තං උප්‌පජ්‌ජති තස්‌ස චිත්‌තං උප්‌පජ්‌ජිස්‌සතීති?
67. (Ka) yassa cittaṃ uppajjati tassa cittaṃ uppajjissatīti?
පච්‌ඡිමචිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පජ්‌ජති, නො ච තෙසං චිත්‌තං උප්‌පජ්‌ජිස්‌සති. ඉතරෙසං චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පජ්‌ජති චෙව උප්‌පජ්‌ජිස්‌සති ච.
Pacchimacittassa uppādakkhaṇe tesaṃ cittaṃ uppajjati, no ca tesaṃ cittaṃ uppajjissati. Itaresaṃ cittassa uppādakkhaṇe tesaṃ cittaṃ uppajjati ceva uppajjissati ca.
(ඛ) යස්‌ස වා පන චිත්‌තං උප්‌පජ්‌ජිස්‌සති තස්‌ස චිත්‌තං උප්‌පජ්‌ජතීති?
(Kha) yassa vā pana cittaṃ uppajjissati tassa cittaṃ uppajjatīti?
චිත්‌තස්‌ස භඞ්‌ගක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං උප්‌පජ්‌ජිස්‌සති, නො ච තෙසං චිත්‌තං උප්‌පජ්‌ජති. චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පජ්‌ජිස්‌සති චෙව උප්‌පජ්‌ජති ච.
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ uppajjissati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ uppajjissati ceva uppajjati ca.
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න උප්‌පජ්‌ජිස්‌සතීති?
(Ka) yassa cittaṃ na uppajjati tassa cittaṃ na uppajjissatīti?
චිත්‌තස්‌ස භඞ්‌ගක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං න උප්‌පජ්‌ජති, නො ච තෙසං චිත්‌තං න උප්‌පජ්‌ජිස්‌සති. පච්‌ඡිමචිත්‌තස්‌ස භඞ්‌ගක්‌ඛණෙ තෙසං චිත්‌තං න චෙව උප්‌පජ්‌ජති න ච උප්‌පජ්‌ජිස්‌සති.
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ na uppajjissati. Pacchimacittassa bhaṅgakkhaṇe tesaṃ cittaṃ na ceva uppajjati na ca uppajjissati.
(ඛ) යස්‌ස වා පන චිත්‌තං න උප්‌පජ්‌ජිස්‌සති තස්‌ස චිත්‌තං න උප්‌පජ්‌ජතීති?
(Kha) yassa vā pana cittaṃ na uppajjissati tassa cittaṃ na uppajjatīti?
පච්‌ඡිමචිත්‌තස්‌ස උප්‌පාදක්‌ඛණෙ තෙසං චිත්‌තං න උප්‌පජ්‌ජිස්‌සති, නො ච තෙසං චිත්‌තං න උප්‌පජ්‌ජති. පච්‌ඡිමචිත්‌තස්‌ස භඞ්‌ගක්‌ඛණෙ තෙසං චිත්‌තං න චෙව උප්‌පජ්‌ජිස්‌සති න ච උප්‌පජ්‌ජති.
Pacchimacittassa uppādakkhaṇe tesaṃ cittaṃ na uppajjissati, no ca tesaṃ cittaṃ na uppajjati. Pacchimacittassa bhaṅgakkhaṇe tesaṃ cittaṃ na ceva uppajjissati na ca uppajjati.
68. (ක) යස්‌ස චිත්‌තං උප්‌පජ්‌ජිත්‌ථ තස්‌ස චිත්‌තං උප්‌පජ්‌ජිස්‌සතීති?
68. (Ka) yassa cittaṃ uppajjittha tassa cittaṃ uppajjissatīti?
පච්‌ඡිමචිත්‌තසමඞ්‌ගීනං තෙසං චිත්‌තං උප්‌පජ්‌ජිත්‌ථ, නො ච තෙසං චිත්‌තං උප්‌පජ්‌ජිස්‌සති. ඉතරෙසං තෙසං චිත්‌තං උප්‌පජ්‌ජිත්‌ථ චෙව උප්‌පජ්‌ජිස්‌සති ච.
Pacchimacittasamaṅgīnaṃ tesaṃ cittaṃ uppajjittha, no ca tesaṃ cittaṃ uppajjissati. Itaresaṃ tesaṃ cittaṃ uppajjittha ceva uppajjissati ca.
(ඛ) යස්‌ස වා පන චිත්‌තං උප්‌පජ්‌ජිස්‌සති තස්‌ස චිත්‌තං උප්‌පජ්‌ජිත්‌ථාති? ආමන්‌තා.
(Kha) yassa vā pana cittaṃ uppajjissati tassa cittaṃ uppajjitthāti? Āmantā.
(ක) යස්‌ස චිත්‌තං න උප්‌පජ්‌ජිත්‌ථ තස්‌ස චිත්‌තං න උප්‌පජ්‌ජිස්‌සතීති? නත්‌ථි.
(Ka) yassa cittaṃ na uppajjittha tassa cittaṃ na uppajjissatīti? Natthi.
(ඛ) යස්‌ස වා පන චිත්‌තං න උප්‌පජ්‌ජිස්‌සති තස්‌ස චිත්‌තං න උප්‌පජ්‌ජිත්‌ථාති? උප්‌පජ්‌ජිත්‌ථ.
(Kha) yassa vā pana cittaṃ na uppajjissati tassa cittaṃ na uppajjitthāti? Uppajjittha.
(5) නිරොධවාරො
(5) Nirodhavāro
69. (ක) යස්‌ස චිත්‌තං නිරුජ්‌ඣති තස්‌ස චිත්‌තං නිරුජ්‌ඣිත්‌ථාති? ආමන්‌තා.
69. (Ka) yassa cittaṃ nirujjhati tassa cittaṃ nirujjhitthāti? Āmantā.
(ඛ) යස්‌ස වා පන චිත්‌තං නිරුජ්‌ඣිත්‌ථ තස්‌ස චිත්‌තං නිරුජ්‌ඣතීති?
(Kha) yassa vā pana cittaṃ nirujjhittha tassa cittaṃ nirujjhatīti?
චිත්‌තස්‌ස උප්‌පාදක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං නිරුජ්‌ඣිත්‌ථ, නො ච තෙසං චිත්‌තං නිරුජ්‌ඣති. චිත්‌තස්‌ස භඞ්‌ගක්‌ඛණෙ තෙසං චිත්‌තං නිරුජ්‌ඣිත්‌ථ චෙව නිරුජ්‌ඣති ච.
Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ nirujjhittha ceva nirujjhati ca.
(ක) යස්‌ස චිත්‌තං න නිරුජ්‌ඣති තස්‌ස චිත්‌තං න නිරුජ්‌ඣිත්‌ථාති? නිරුජ්‌ඣිත්‌ථ.
(Ka) yassa cittaṃ na nirujjhati tassa cittaṃ na nirujjhitthāti? Nirujjhittha.
(ඛ) යස්‌ස වා පන චිත්‌තං න නිරුජ්‌ඣිත්‌ථ තස්‌ස චිත්‌තං න නිරුජ්‌ඣතීති? නත්‌ථි.
(Kha) yassa vā pana cittaṃ na nirujjhittha tassa cittaṃ na nirujjhatīti? Natthi.
70. (ක) යස්‌ස චිත්‌තං නිරුජ්‌ඣති තස්‌ස චිත්‌තං නිරුජ්‌ඣිස්‌සතීති?
70. (Ka) yassa cittaṃ nirujjhati tassa cittaṃ nirujjhissatīti?
පච්‌ඡිමචිත්‌තස්‌ස භඞ්‌ගක්‌ඛණෙ තෙසං චිත්‌තං නිරුජ්‌ඣති, නො ච තෙසං චිත්‌තං නිරුජ්‌ඣිස්‌සති. ඉතරෙසං චිත්‌තස්‌ස භඞ්‌ගක්‌ඛණෙ තෙසං චිත්‌තං නිරුජ්‌ඣති චෙව නිරුජ්‌ඣිස්‌සති ච.
Pacchimacittassa bhaṅgakkhaṇe tesaṃ cittaṃ nirujjhati, no ca tesaṃ cittaṃ nirujjhissati. Itaresaṃ cittassa bhaṅgakkhaṇe tesaṃ cittaṃ nirujjhati ceva nirujjhissati ca.
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං නිරුජ්‌ඣතීති?
(Kha) yassa vā pana cittaṃ nirujjhissati tassa cittaṃ nirujjhatīti?
චිත්‌තස්‌ස උප්‌පාදක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං නිරුජ්‌ඣිස්‌සති, නො ච තෙසං චිත්‌තං නිරුජ්‌ඣති. චිත්‌තස්‌ස භඞ්‌ගක්‌ඛණෙ තෙසං චිත්‌තං නිරුජ්‌ඣිස්‌සති චෙව නිරුජ්‌ඣති ච.
Cittassa uppādakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ nirujjhissati ceva nirujjhati ca.
(ක) යස්‌ස චිත්‌තං න නිරුජ්‌ඣති තස්‌ස චිත්‌තං න නිරුජ්‌ඣිස්‌සතීති? නිරුජ්‌ඣිස්‌සති.
(Ka) yassa cittaṃ na nirujjhati tassa cittaṃ na nirujjhissatīti? Nirujjhissati.
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න නිරුජ්‌ඣතීති? නිරුජ්‌ඣති.
(Kha) yassa vā pana cittaṃ na nirujjhissati tassa cittaṃ na nirujjhatīti? Nirujjhati.
71. (ක) යස්‌ස චිත්‌තං නිරුජ්‌ඣිත්‌ථ තස්‌ස චිත්‌තං නිරුජ්‌ඣිස්‌සතීති?
71. (Ka) yassa cittaṃ nirujjhittha tassa cittaṃ nirujjhissatīti?
පච්‌ඡිමචිත්‌තස්‌ස භඞ්‌ගක්‌ඛණෙ තෙසං චිත්‌තං නිරුජ්‌ඣිත්‌ථ, නො ච තෙසං චිත්‌තං නිරුජ්‌ඣිස්‌සති. ඉතරෙසං තෙසං චිත්‌තං නිරුජ්‌ඣිත්‌ථ චෙව නිරුජ්‌ඣිස්‌සති ච.
Pacchimacittassa bhaṅgakkhaṇe tesaṃ cittaṃ nirujjhittha, no ca tesaṃ cittaṃ nirujjhissati. Itaresaṃ tesaṃ cittaṃ nirujjhittha ceva nirujjhissati ca.
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං නිරුජ්‌ඣිත්‌ථාති? ආමන්‌තා.
(Kha) yassa vā pana cittaṃ nirujjhissati tassa cittaṃ nirujjhitthāti? Āmantā.
(ක) යස්‌ස චිත්‌තං න නිරුජ්‌ඣිත්‌ථ තස්‌ස චිත්‌තං න නිරුජ්‌ඣිස්‌සතීති? නත්‌ථි.
(Ka) yassa cittaṃ na nirujjhittha tassa cittaṃ na nirujjhissatīti? Natthi.
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න නිරුජ්‌ඣිත්‌ථාති? නිරුජ්‌ඣිත්‌ථ.
(Kha) yassa vā pana cittaṃ na nirujjhissati tassa cittaṃ na nirujjhitthāti? Nirujjhittha.
(6) උප්‌පාදනිරොධවාරො
(6) Uppādanirodhavāro
72. (ක) යස්‌ස චිත්‌තං උප්‌පජ්‌ජති තස්‌ස චිත්‌තං නිරුජ්‌ඣිත්‌ථාති? ආමන්‌තා.
72. (Ka) yassa cittaṃ uppajjati tassa cittaṃ nirujjhitthāti? Āmantā.
(ඛ) යස්‌ස වා පන චිත්‌තං නිරුජ්‌ඣිත්‌ථ තස්‌ස චිත්‌තං උප්‌පජ්‌ජතීති?
(Kha) yassa vā pana cittaṃ nirujjhittha tassa cittaṃ uppajjatīti?
චිත්‌තස්‌ස භඞ්‌ගක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං නිරුජ්‌ඣිත්‌ථ, නො ච තෙසං චිත්‌තං උප්‌පජ්‌ජති. චිත්‌තස්‌ස උප්‌පාදක්‌ඛණෙ තෙසං චිත්‌තං නිරුජ්‌ඣිත්‌ථ චෙව උප්‌පජ්‌ජති ච.
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ nirujjhittha, no ca tesaṃ cittaṃ uppajjati. Cittassa uppādakkhaṇe tesaṃ cittaṃ nirujjhittha ceva uppajjati ca.
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න නිරුජ්‌ඣිත්‌ථාති? නිරුජ්‌ඣිත්‌ථ.
(Ka) yassa cittaṃ na uppajjati tassa cittaṃ na nirujjhitthāti? Nirujjhittha.
(ඛ) යස්‌ස වා පන චිත්‌තං න නිරුජ්‌ඣිත්‌ථ තස්‌ස චිත්‌තං න උප්‌පජ්‌ජතීති? නත්‌ථි.
(Kha) yassa vā pana cittaṃ na nirujjhittha tassa cittaṃ na uppajjatīti? Natthi.
73. (ක) යස්‌ස චිත්‌තං උප්‌පජ්‌ජති තස්‌ස චිත්‌තං නිරුජ්‌ඣිස්‌සතීති? ආමන්‌තා.
73. (Ka) yassa cittaṃ uppajjati tassa cittaṃ nirujjhissatīti? Āmantā.
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං උප්‌පජ්‌ජතීති?
(Kha) yassa vā pana cittaṃ nirujjhissati tassa cittaṃ uppajjatīti?
චිත්‌තස්‌ස භඞ්‌ගක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං නිරුජ්‌ඣිස්‌සති, නො ච තෙසං චිත්‌තං උප්‌පජ්‌ජති. චිත්‌තස්‌ස උප්‌පාදක්‌ඛණෙ තෙසං චිත්‌තං නිරුජ්‌ඣිස්‌සති චෙව උප්‌පජ්‌ජති ච.
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ nirujjhissati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ nirujjhissati ceva uppajjati ca.
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං න නිරුජ්‌ඣිස්‌සතීති?
(Ka) yassa cittaṃ na uppajjati tassa cittaṃ na nirujjhissatīti?
චිත්‌තස්‌ස භඞ්‌ගක්‌ඛණෙ නිරොධසමාපන්‌නානං අසඤ්‌ඤසත්‌තානං තෙසං චිත්‌තං න උප්‌පජ්‌ජති, නො ච තෙසං චිත්‌තං න නිරුජ්‌ඣිස්‌සති. පච්‌ඡිමචිත්‌තස්‌ස භඞ්‌ගක්‌ඛණෙ තෙසං චිත්‌තං න චෙව උප්‌පජ්‌ජති න ච නිරුජ්‌ඣිස්‌සති.
Cittassa bhaṅgakkhaṇe nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ na nirujjhissati. Pacchimacittassa bhaṅgakkhaṇe tesaṃ cittaṃ na ceva uppajjati na ca nirujjhissati.
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න උප්‌පජ්‌ජතීති? ආමන්‌තා.
(Kha) yassa vā pana cittaṃ na nirujjhissati tassa cittaṃ na uppajjatīti? Āmantā.
74. (ක) යස්‌ස චිත්‌තං උප්‌පජ්‌ජිත්‌ථ තස්‌ස චිත්‌තං නිරුජ්‌ඣිස්‌සතීති?
74. (Ka) yassa cittaṃ uppajjittha tassa cittaṃ nirujjhissatīti?
පච්‌ඡිමචිත්‌තස්‌ස භඞ්‌ගක්‌ඛණෙ තෙසං චිත්‌තං උප්‌පජ්‌ජිත්‌ථ, නො ච තෙසං චිත්‌තං නිරුජ්‌ඣිස්‌සති. ඉතරෙසං තෙසං චිත්‌තං උප්‌පජ්‌ජිත්‌ථ චෙව නිරුජ්‌ඣිස්‌සති ච.
Pacchimacittassa bhaṅgakkhaṇe tesaṃ cittaṃ uppajjittha, no ca tesaṃ cittaṃ nirujjhissati. Itaresaṃ tesaṃ cittaṃ uppajjittha ceva nirujjhissati ca.
(ඛ) යස්‌ස වා පන චිත්‌තං නිරුජ්‌ඣිස්‌සති තස්‌ස චිත්‌තං උප්‌පජ්‌ජිත්‌ථාති? ආමන්‌තා.
(Kha) yassa vā pana cittaṃ nirujjhissati tassa cittaṃ uppajjitthāti? Āmantā.
(ක) යස්‌ස චිත්‌තං න උප්‌පජ්‌ජිත්‌ථ තස්‌ස චිත්‌තං න නිරුජ්‌ඣිස්‌සතීති? නත්‌ථි.
(Ka) yassa cittaṃ na uppajjittha tassa cittaṃ na nirujjhissatīti? Natthi.
(ඛ) යස්‌ස වා පන චිත්‌තං න නිරුජ්‌ඣිස්‌සති තස්‌ස චිත්‌තං න උප්‌පජ්‌ජිත්‌ථාති? උප්‌පජ්‌ජිත්‌ථ.
(Kha) yassa vā pana cittaṃ na nirujjhissati tassa cittaṃ na uppajjitthāti? Uppajjittha.
(7) උප්‌පජ්‌ජමානනනිරොධවාරො
(7) Uppajjamānananirodhavāro
75. (ක) යස්‌ස චිත්‌තං උප්‌පජ්‌ජති තස්‌ස චිත්‌තං න නිරුජ්‌ඣතීති? ආමන්‌තා.
75. (Ka) yassa cittaṃ uppajjati tassa cittaṃ na nirujjhatīti? Āmantā.
(ඛ) යස්‌ස වා පන චිත්‌තං න නිරුජ්‌ඣති තස්‌ස චිත්‌තං උප්‌පජ්‌ජතීති?
(Kha) yassa vā pana cittaṃ na nirujjhati tassa cittaṃ uppajjatīti?
නිරොධසමාපන්‌නානං අසඤ්‌ඤසත්‌තානං තෙසං චිත්‌තං න නිරුජ්‌ඣති, නො ච තෙසං චිත්‌තං උප්‌පජ්‌ජති. චිත්‌තස්‌ස උප්‌පාදක්‌ඛණෙ තෙසං චිත්‌තං න නිරුජ්‌ඣති චෙව උප්‌පජ්‌ජති ච.
Nirodhasamāpannānaṃ asaññasattānaṃ tesaṃ cittaṃ na nirujjhati, no ca tesaṃ cittaṃ uppajjati. Cittassa uppādakkhaṇe tesaṃ cittaṃ na nirujjhati ceva uppajjati ca.
(ක) යස්‌ස චිත්‌තං න උප්‌පජ්‌ජති තස්‌ස චිත්‌තං නිරුජ්‌ඣතීති?
(Ka) yassa cittaṃ na uppajjati tassa cittaṃ nirujjhatīti?
නිරොධසමාපන්‌නානං අසඤ්‌ඤසත්‌තානං තෙසං චිත්‌තං න උප්‌පජ්‌ජති, නො ච තෙසං චිත්‌තං නිරුජ්‌ඣති. චිත්‌තස්‌ස භඞ්‌ගක්‌ඛණෙ තෙසං චිත්‌තං න උප්‌පජ්‌ජති චෙව නිරුජ්‌ඣති ච.
Nirodhasamāpannānaṃ asaññasattānaṃ tesaṃ cittaṃ na uppajjati, no ca tesaṃ cittaṃ nirujjhati. Cittassa bhaṅgakkhaṇe tesaṃ cittaṃ na uppajjati ceva nirujjhati ca.
(ඛ) යස්‌ස වා පන චිත්‌තං නිරුජ්‌ඣති තස්‌ස චිත්‌තං න උප්‌පජ්‌ජතීති? ආමන්‌තා.
(Kha) yassa vā pana cittaṃ nirujjhati tassa cittaṃ na uppajjatīti? Āmantā.
(8) උප්‌පජ්‌ජමානුප්‌පන්‌නවාරො
(8) Uppajjamānuppannavāro
76. (ක) යස්‌ස චිත්‌තං උප්‌පජ්‌ජමානං තස්‌ස චිත්‌තං උප්‌පන්‌නන්‌ති? ආමන්‌තා.
76. (Ka) yassa cittaṃ uppajjamānaṃ tassa cittaṃ uppannanti? Āmantā.
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං උප්‌පජ්‌ජමානන්‌ති?
(Kha) yassa vā pana cittaṃ uppannaṃ tassa cittaṃ uppajjamānanti?
චිත්‌තස්‌ස භඞ්‌ගක්‌ඛණෙ තෙසං චිත්‌තං උප්‌පන්‌නං, නො ච තෙසං චිත්‌තං උප්‌පජ්‌ජමානං. චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පන්‌නඤ්‌චෙව උප්‌පජ්‌ජමානඤ්‌ච.
Cittassa bhaṅgakkhaṇe tesaṃ cittaṃ uppannaṃ, no ca tesaṃ cittaṃ uppajjamānaṃ. Cittassa uppādakkhaṇe tesaṃ cittaṃ uppannañceva uppajjamānañca.
(ක) යස්‌ස චිත්‌තං න උප්‌පජ්‌ජමානං තස්‌ස චිත්‌තං න උප්‌පන්‌නන්‌ති?
(Ka) yassa cittaṃ na uppajjamānaṃ tassa cittaṃ na uppannanti?
චිත්‌තස්‌ස භඞ්‌ගක්‌ඛණෙ තෙසං චිත්‌තං න උප්‌පජ්‌ජමානං, නො ච තෙසං චිත්‌තං න උප්‌පන්‌නං. නිරොධසමාපන්‌නානං අසඤ්‌ඤසත්‌තානං තෙසං චිත්‌තං න චෙව උප්‌පජ්‌ජමානං න ච උප්‌පන්‌නං.
Cittassa bhaṅgakkhaṇe tesaṃ cittaṃ na uppajjamānaṃ, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva uppajjamānaṃ na ca uppannaṃ.
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජමානන්‌ති? ආමන්‌තා.
(Kha) yassa vā pana cittaṃ na uppannaṃ tassa cittaṃ na uppajjamānanti? Āmantā.
(9) නිරුජ්‌ඣමානුප්‌පන්‌නවාරො
(9) Nirujjhamānuppannavāro
77. (ක) යස්‌ස චිත්‌තං නිරුජ්‌ඣමානං තස්‌ස චිත්‌තං උප්‌පන්‌නන්‌ති? ආමන්‌තා.
77. (Ka) yassa cittaṃ nirujjhamānaṃ tassa cittaṃ uppannanti? Āmantā.
(ඛ) යස්‌ස වා පන චිත්‌තං උප්‌පන්‌නං තස්‌ස චිත්‌තං නිරුජ්‌ඣමානන්‌ති?
(Kha) yassa vā pana cittaṃ uppannaṃ tassa cittaṃ nirujjhamānanti?
චිත්‌තස්‌ස උප්‌පාදක්‌ඛණෙ තෙසං චිත්‌තං උප්‌පන්‌නං, නො ච තෙසං චිත්‌තං නිරුජ්‌ඣමානං. චිත්‌තස්‌ස භඞ්‌ගක්‌ඛණෙ තෙසං චිත්‌තං උප්‌පන්‌නඤ්‌චෙව නිරුජ්‌ඣමානඤ්‌ච.
Cittassa uppādakkhaṇe tesaṃ cittaṃ uppannaṃ, no ca tesaṃ cittaṃ nirujjhamānaṃ. Cittassa bhaṅgakkhaṇe tesaṃ cittaṃ uppannañceva nirujjhamānañca.
(ක) යස්‌ස චිත්‌තං න නිරුජ්‌ඣමානං තස්‌ස චිත්‌තං න උප්‌පන්‌නන්‌ති?
(Ka) yassa cittaṃ na nirujjhamānaṃ tassa cittaṃ na uppannanti?
චිත්‌තස්‌ස උප්‌පාදක්‌ඛණෙ තෙසං චිත්‌තං න නිරුජ්‌ඣමානං, නො ච තෙසං චිත්‌තං න උප්‌පන්‌නං. නිරොධසමාපන්‌නානං අසඤ්‌ඤසත්‌තානං තෙසං චිත්‌තං න චෙව නිරුජ්‌ඣමානං න ච උප්‌පන්‌නං.
Cittassa uppādakkhaṇe tesaṃ cittaṃ na nirujjhamānaṃ, no ca tesaṃ cittaṃ na uppannaṃ. Nirodhasamāpannānaṃ asaññasattānaṃ tesaṃ cittaṃ na ceva nirujjhamānaṃ na ca uppannaṃ.
(ඛ) යස්‌ස වා පන චිත්‌තං න උප්‌පන්‌නං තස්‌ස චිත්‌තං න නිරුජ්‌ඣමානන්‌ති? ආමන්‌තා.
(Kha) yassa vā pana cittaṃ na uppannaṃ tassa cittaṃ na nirujjhamānanti? Āmantā.
(10) උප්‌පන්‌නුප්‌පාදවාරො
(10) Uppannuppādavāro
78. (ක) යස්‌ස චිත්‌තං උප්‌පන්‌නං තස්‌ස චිත්‌තං උප්‌පජ්‌ජිත්‌ථාති? ආමන්‌තා.
78. (Ka) yassa cittaṃ uppannaṃ tassa cittaṃ uppajjitthāti? Āmantā.
(ඛ) යස්‌ස වා පන චිත්‌තං උප්‌පජ්‌ජිත්‌ථ තස්‌ස චිත්‌තං උප්‌පන්‌නන්‌ති?
(Kha) yassa vā pana cittaṃ uppajjittha tassa cittaṃ uppannanti?
නිරොධසමාපන්‌නානං අසඤ්‌ඤසත්‌තානං තෙසං චිත්‌තං උප්‌පජ්‌ජිත්‌ථ, නො ච තෙසං චිත්‌තං උප්‌පන්‌නං. චිත්‌තසමඞ්‌ගීනං තෙසං චිත්‌තං උප්‌පජ්‌ජිත්‌ථ චෙව උප්‌පන්‌නඤ්‌ච.
Nirodhasamāpannānaṃ asaññasattānaṃ tesaṃ cittaṃ uppajjittha, no ca tesaṃ cittaṃ uppannaṃ. Cittasamaṅgīnaṃ tesaṃ cittaṃ uppajjittha ceva uppannañca.
(ක) යස්‌ස චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජිත්‌ථාති? උප්‌පජ්‌ජිත්‌ථ.
(Ka) yassa cittaṃ na uppannaṃ tassa cittaṃ na uppajjitthāti? Uppajjittha.
(ඛ) යස්‌ස වා පන චිත්‌තං න උප්‌පජ්‌ජිත්‌ථ තස්‌ස චිත්‌තං න උප්‌පන්‌නන්‌ති? නත්‌ථි.
(Kha) yassa vā pana cittaṃ na uppajjittha tassa cittaṃ na uppannanti? Natthi.
79. (ක) යස්‌ස චිත්‌තං උප්‌පන්‌නං තස්‌ස චිත්‌තං උප්‌පජ්‌ජිස්‌සතීති?
79. (Ka) yassa cittaṃ uppannaṃ tassa cittaṃ uppajjissatīti?
පච්‌ඡිමචිත්‌තසමඞ්‌ගීනං තෙසං චිත්‌තං උප්‌පන්‌නං, නො ච තෙසං චිත්‌තං උප්‌පජ්‌ජිස්‌සති. ඉතරෙසං චිත්‌තසමඞ්‌ගීනං තෙසං චිත්‌තං උප්‌පන්‌නඤ්‌චෙව උප්‌පජ්‌ජිස්‌සති ච.
Pacchimacittasamaṅgīnaṃ tesaṃ cittaṃ uppannaṃ, no ca tesaṃ cittaṃ uppajjissati. Itaresaṃ cittasamaṅgīnaṃ tesaṃ cittaṃ uppannañceva uppajjissati ca.
(ඛ) යස්‌ස වා පන චිත්‌තං උප්‌පජ්‌ජිස්‌සති තස්‌ස චිත්‌තං උප්‌පන්‌නන්‌ති?
(Kha) yassa vā pana cittaṃ uppajjissati tassa cittaṃ uppannanti?
නිරොධසමාපන්‌නානං අසඤ්‌ඤසත්‌තානං තෙසං චිත්‌තං උප්‌පජ්‌ජිස්‌සති, නො ච තෙසං චිත්‌තං උප්‌පන්‌නං. චිත්‌තසමඞ්‌ගීනං තෙසං චිත්‌තං උප්‌පජ්‌ජිස්‌සති චෙව උප්‌පන්‌නඤ්‌ච.
Nirodhasamāpannānaṃ asaññasattānaṃ tesaṃ cittaṃ uppajjissati, no ca tesaṃ cittaṃ uppannaṃ. Cittasamaṅgīnaṃ tesaṃ cittaṃ uppajjissati ceva uppannañca.
(ක) යස්‌ස චිත්‌තං න උප්‌පන්‌නං තස්‌ස චිත්‌තං න උප්‌පජ්‌ජිස්‌සතීති? උප්‌පජ්‌ජිස්‌සති.
(Ka) yassa cittaṃ na uppannaṃ tassa cittaṃ na uppajjissatīti? Uppajjissati.
(ඛ) යස්‌ස වා පන චිත්‌තං න උප්‌පජ්‌ජිස්‌සති තස්‌ස චිත්‌තං න උප්‌පන්‌නන්‌ති? උප්‌පන්‌නං.
(Kha) yassa vā pana cittaṃ na uppajjissati tassa cittaṃ na uppannanti? Uppannaṃ.
(11) අතීතානාගතවාරො
(11) Atītānāgatavāro
80. (ක) යස්‌ස චිත්‌තං උප්‌පජ්‌ජිත්‌ථ නො ච තස්‌ස චිත්‌තං උප්‌පන්‌නං, තස්‌ස චිත්‌තං උප්‌පජ්‌ජිස්‌සතීති? ආමන්‌තා.
80. (Ka) yassa cittaṃ uppajjittha no ca tassa cittaṃ uppannaṃ, tassa cittaṃ uppajjissatīti? Āmantā.
(ඛ) යස්‌ස වා පන චිත්‌තං උප්‌පජ්‌ජිස්‌සති නො ච තස්‌ස චිත්‌තං උප්‌පන්‌නං, තස්‌ස චිත්‌තං උප්‌පජ්‌ජිත්‌ථාති? ආමන්‌තා.
(Kha) yassa vā pana cittaṃ uppajjissati no ca tassa cittaṃ uppannaṃ, tassa cittaṃ uppajjitthāti? Āmantā.
(ක) යස්‌ස චිත්‌තං න උප්‌පජ්‌ජිත්‌ථ නො ච තස්‌ස චිත්‌තං න උප්‌පන්‌නං, තස්‌ස චිත්‌තං න උප්‌පජ්‌ජිස්‌සතීති? නත්‌ථි.
(Ka) yassa cittaṃ na uppajjittha no ca tassa cittaṃ na uppannaṃ, tassa cittaṃ na uppajjissatīti? Natthi.
(ඛ) යස්‌ස වා පන චිත්‌තං න උප්‌පජ්‌ජිස්‌සති නො ච තස්‌ස චිත්‌තං න උප්‌පන්‌නං, තස්‌ස චිත්‌තං න උප්‌පජ්‌ජිත්‌ථාති? උප්‌පජ්‌ජිත්‌ථ.
(Kha) yassa vā pana cittaṃ na uppajjissati no ca tassa cittaṃ na uppannaṃ, tassa cittaṃ na uppajjitthāti? Uppajjittha.
(12) උප්‌පන්‌නුප්‌පජ්‌ජමානවාරො
(12) Uppannuppajjamānavāro
81. (ක) උප්‌පන්‌නං උප්‌පජ්‌ජමානන්‌ති?
81. (Ka) uppannaṃ uppajjamānanti?
භඞ්‌ගක්‌ඛණෙ උප්‌පන්‌නං, නො ච උප්‌පජ්‌ජමානං. උප්‌පාදක්‌ඛණෙ උප්‌පන්‌නඤ්‌චෙව උප්‌පජ්‌ජමානඤ්‌ච.
Bhaṅgakkhaṇe uppannaṃ, no ca uppajjamānaṃ. Uppādakkhaṇe uppannañceva uppajjamānañca.
(ඛ) උප්‌පජ්‌ජමානං උප්‌පන්‌නන්‌ති? ආමන්‌තා.
(Kha) uppajjamānaṃ uppannanti? Āmantā.
(ක) න උප්‌පන්‌නං න උප්‌පජ්‌ජමානන්‌ති? ආමන්‌තා.
(Ka) na uppannaṃ na uppajjamānanti? Āmantā.
(ඛ) න උප්‌පජ්‌ජමානං න උප්‌පන්‌නන්‌ති?
(Kha) na uppajjamānaṃ na uppannanti?
භඞ්‌ගක්‌ඛණෙ න උප්‌පජ්‌ජමානං, නො ච න උප්‌පන්‌නං. අතීතානාගතං චිත්‌තං න චෙව උප්‌පජ්‌ජමානං න ච උප්‌පන්‌නං.
Bhaṅgakkhaṇe na uppajjamānaṃ, no ca na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.
(13) නිරුද්‌ධනිරුජ්‌ඣමානවාරො
(13) Niruddhanirujjhamānavāro
82. (ක) නිරුද්‌ධං නිරුජ්‌ඣමානන්‌ති? නො.
82. (Ka) niruddhaṃ nirujjhamānanti? No.
(ඛ) නිරුජ්‌ඣමානං නිරුද්‌ධන්‌ති? නො.
(Kha) nirujjhamānaṃ niruddhanti? No.
(ක) න නිරුද්‌ධං න නිරුජ්‌ඣමානන්‌ති?
(Ka) na niruddhaṃ na nirujjhamānanti?
භඞ්‌ගක්‌ඛණෙ න නිරුද්‌ධං, නො ච න නිරුජ්‌ඣමානං. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුද්‌ධං න ච නිරුජ්‌ඣමානං.
Bhaṅgakkhaṇe na niruddhaṃ, no ca na nirujjhamānaṃ. Uppādakkhaṇe anāgatañca cittaṃ na ceva niruddhaṃ na ca nirujjhamānaṃ.
(ඛ) න නිරුජ්‌ඣමානං න නිරුද්‌ධන්‌ති?
(Kha) na nirujjhamānaṃ na niruddhanti?
අතීතං චිත්‌තං න නිරුජ්‌ඣමානං, නො ච න නිරුද්‌ධං. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුජ්‌ඣමානං න ච නිරුද්‌ධං.
Atītaṃ cittaṃ na nirujjhamānaṃ, no ca na niruddhaṃ. Uppādakkhaṇe anāgatañca cittaṃ na ceva nirujjhamānaṃ na ca niruddhaṃ.
(14) අතික්‌කන්‌තකාලවාරො
(14) Atikkantakālavāro
83. (ක) යස්‌ස චිත්‌තං උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තන්‌ති?
83. (Ka) yassa cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
භඞ්‌ගක්‌ඛණෙ චිත්‌තං උප්‌පාදක්‌ඛණං වීතක්‌කන්‌තං භඞ්‌ගක්‌ඛණං අවීතික්‌කන්‌තං, අතීතං චිත්‌තං උප්‌පාදක්‌ඛණඤ්‌ච වීතික්‌කන්‌තං භඞ්‌ගක්‌ඛණඤ්‌ච වීතික්‌කන්‌තං.
Bhaṅgakkhaṇe cittaṃ uppādakkhaṇaṃ vītakkantaṃ bhaṅgakkhaṇaṃ avītikkantaṃ, atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantaṃ.
(ඛ) යස්‌ස වා පන චිත්‌තං නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තන්‌ති?
(Kha) yassa vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
අතීතං චිත්‌තං.
Atītaṃ cittaṃ.
(ක) යස්‌ස චිත්‌තං න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තන්‌ති?
(Ka) yassa cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
උප්‌පාදක්‌ඛණෙ අනාගතං චිත්‌තං.
Uppādakkhaṇe anāgataṃ cittaṃ.
(ඛ) යස්‌ස වා පන චිත්‌තං න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තස්‌ස චිත්‌තන්‌ති?
(Kha) yassa vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ tassa cittanti?
භඞ්‌ගක්‌ඛණෙ චිත්‌තං භඞ්‌ගක්‌ඛණං අවීතික්‌කන්‌තං නො ච උප්‌පාදක්‌ඛණං අවීතික්‌කන්‌තං, උප්‌පාදක්‌ඛණෙ අනාගතඤ්‌ච චිත්‌තං භඞ්‌ගක්‌ඛණඤ්‌ච අවීතික්‌කන්‌තං උප්‌පාදක්‌ඛණඤ්‌ච අවීතික්‌කන්‌තං.
Bhaṅgakkhaṇe cittaṃ bhaṅgakkhaṇaṃ avītikkantaṃ no ca uppādakkhaṇaṃ avītikkantaṃ, uppādakkhaṇe anāgatañca cittaṃ bhaṅgakkhaṇañca avītikkantaṃ uppādakkhaṇañca avītikkantaṃ.
1. සුද්‌ධචිත්‌තසාමඤ්‌ඤ
1. Suddhacittasāmañña
2. ධම්‌මවාරො
2. Dhammavāro
(1) උප්‌පාදනිරොධකාලසම්‌භෙදවාරො
(1) Uppādanirodhakālasambhedavāro
84. (ක) යං චිත්‌තං උප්‌පජ්‌ජති න නිරුජ්‌ඣති තං චිත්‌තං නිරුජ්‌ඣිස්‌සති න උප්‌පජ්‌ජිස්‌සතීති? ආමන්‌තා.
84. (Ka) yaṃ cittaṃ uppajjati na nirujjhati taṃ cittaṃ nirujjhissati na uppajjissatīti? Āmantā.
(ඛ) යං වා පන චිත්‌තං නිරුජ්‌ඣිස්‌සති න උප්‌පජ්‌ජිස්‌සති තං චිත්‌තං උප්‌පජ්‌ජති න නිරුජ්‌ඣතීති? ආමන්‌තා.
(Kha) yaṃ vā pana cittaṃ nirujjhissati na uppajjissati taṃ cittaṃ uppajjati na nirujjhatīti? Āmantā.
(ක) යං චිත්‌තං න උප්‌පජ්‌ජති නිරුජ්‌ඣති තං චිත්‌තං න නිරුජ්‌ඣිස්‌සති උප්‌පජ්‌ජිස්‌සතීති? නො.
(Ka) yaṃ cittaṃ na uppajjati nirujjhati taṃ cittaṃ na nirujjhissati uppajjissatīti? No.
(ඛ) යං වා පන චිත්‌තං න නිරුජ්‌ඣිස්‌සති උප්‌පජ්‌ජිස්‌සති තං චිත්‌තං න උප්‌පජ්‌ජති නිරුජ්‌ඣතීති? නත්‌ථි.
(Kha) yaṃ vā pana cittaṃ na nirujjhissati uppajjissati taṃ cittaṃ na uppajjati nirujjhatīti? Natthi.
(2) උප්‌පාදුප්‌පන්‌නවාරො
(2) Uppāduppannavāro
85. (ක) යං චිත්‌තං උප්‌පජ්‌ජති තං චිත්‌තං උප්‌පන්‌නන්‌ති? ආමන්‌තා.
85. (Ka) yaṃ cittaṃ uppajjati taṃ cittaṃ uppannanti? Āmantā.
(ඛ) යං වා පන චිත්‌තං උප්‌පන්‌නං තං චිත්‌තං උප්‌පජ්‌ජතීති?
(Kha) yaṃ vā pana cittaṃ uppannaṃ taṃ cittaṃ uppajjatīti?
භඞ්‌ගක්‌ඛණෙ චිත්‌තං උප්‌පන්‌නං, නො ච තං චිත්‌තං උප්‌පජ්‌ජති. උප්‌පාදක්‌ඛණෙ චිත්‌තං උප්‌පන්‌නඤ්‌චෙව උප්‌පජ්‌ජති ච.
Bhaṅgakkhaṇe cittaṃ uppannaṃ, no ca taṃ cittaṃ uppajjati. Uppādakkhaṇe cittaṃ uppannañceva uppajjati ca.
(ක) යං චිත්‌තං න උප්‌පජ්‌ජති තං චිත්‌තං න උප්‌පන්‌නන්‌ති?
(Ka) yaṃ cittaṃ na uppajjati taṃ cittaṃ na uppannanti?
භඞ්‌ගක්‌ඛණෙ චිත්‌තං න උප්‌පජ්‌ජති, නො ච තං චිත්‌තං න උප්‌පන්‌නං. අතීතානාගතං චිත්‌තං න චෙව උප්‌පජ්‌ජති න ච උප්‌පන්‌නං.
Bhaṅgakkhaṇe cittaṃ na uppajjati, no ca taṃ cittaṃ na uppannaṃ. Atītānāgataṃ cittaṃ na ceva uppajjati na ca uppannaṃ.
(ඛ) යං වා පන චිත්‌තං න උප්‌පන්‌නං තං චිත්‌තං න උප්‌පජ්‌ජතීති? ආමන්‌තා.
(Kha) yaṃ vā pana cittaṃ na uppannaṃ taṃ cittaṃ na uppajjatīti? Āmantā.
(3) නිරොධුප්‌පන්‌නවාරො
(3) Nirodhuppannavāro
86. (ක) යං චිත්‌තං නිරුජ්‌ඣති තං චිත්‌තං උප්‌පන්‌නන්‌ති? ආමන්‌තා.
86. (Ka) yaṃ cittaṃ nirujjhati taṃ cittaṃ uppannanti? Āmantā.
(ඛ) යං වා පන චිත්‌තං උප්‌පන්‌නං තං චිත්‌තං නිරුජ්‌ඣතීති?
(Kha) yaṃ vā pana cittaṃ uppannaṃ taṃ cittaṃ nirujjhatīti?
උප්‌පාදක්‌ඛණෙ චිත්‌තං උප්‌පන්‌නං, නො ච තං චිත්‌තං නිරුජ්‌ඣති. භඞ්‌ගක්‌ඛණෙ චිත්‌තං උප්‌පන්‌නඤ්‌චෙව නිරුජ්‌ඣති ච.
Uppādakkhaṇe cittaṃ uppannaṃ, no ca taṃ cittaṃ nirujjhati. Bhaṅgakkhaṇe cittaṃ uppannañceva nirujjhati ca.
(ක) යං චිත්‌තං න නිරුජ්‌ඣති තං චිත්‌තං න උප්‌පන්‌නන්‌ති?
(Ka) yaṃ cittaṃ na nirujjhati taṃ cittaṃ na uppannanti?
උප්‌පාදක්‌ඛණෙ චිත්‌තං න නිරුජ්‌ඣති, නො ච තං චිත්‌තං න උප්‌පන්‌නං. අතීතානාගතං චිත්‌තං න චෙව නිරුජ්‌ඣති න ච උප්‌පන්‌නං.
Uppādakkhaṇe cittaṃ na nirujjhati, no ca taṃ cittaṃ na uppannaṃ. Atītānāgataṃ cittaṃ na ceva nirujjhati na ca uppannaṃ.
(ඛ) යං වා පන චිත්‌තං න උප්‌පන්‌නං තං චිත්‌තං න නිරුජ්‌ඣතීති? ආමන්‌තා.
(Kha) yaṃ vā pana cittaṃ na uppannaṃ taṃ cittaṃ na nirujjhatīti? Āmantā.
(4) උප්‌පාදවාරො
(4) Uppādavāro
87. (ක) යං චිත්‌තං උප්‌පජ්‌ජති තං චිත්‌තං උප්‌පජ්‌ජිත්‌ථාති? නො.
87. (Ka) yaṃ cittaṃ uppajjati taṃ cittaṃ uppajjitthāti? No.
(ඛ) යං වා පන චිත්‌තං උප්‌පජ්‌ජිත්‌ථ තං චිත්‌තං උප්‌පජ්‌ජතීති? නො.
(Kha) yaṃ vā pana cittaṃ uppajjittha taṃ cittaṃ uppajjatīti? No.
(ක) යං චිත්‌තං න උප්‌පජ්‌ජති තං චිත්‌තං න උප්‌පජ්‌ජිත්‌ථාති?
(Ka) yaṃ cittaṃ na uppajjati taṃ cittaṃ na uppajjitthāti?
අතීතං චිත්‌තං න උප්‌පජ්‌ජති, නො ච තං චිත්‌තං න උප්‌පජ්‌ජිත්‌ථ. භඞ්‌ගක්‌ඛණෙ අනාගතඤ්‌ච චිත්‌තං න චෙව උප්‌පජ්‌ජති න ච උප්‌පජ්‌ජිත්‌ථ.
Atītaṃ cittaṃ na uppajjati, no ca taṃ cittaṃ na uppajjittha. Bhaṅgakkhaṇe anāgatañca cittaṃ na ceva uppajjati na ca uppajjittha.
(ඛ) යං වා පන චිත්‌තං න උප්‌පජ්‌ජිත්‌ථ තං චිත්‌තං න උප්‌පජ්‌ජතීති?
(Kha) yaṃ vā pana cittaṃ na uppajjittha taṃ cittaṃ na uppajjatīti?
උප්‌පාදක්‌ඛණෙ චිත්‌තං න උප්‌පජ්‌ජිත්‌ථ, නො ච තං චිත්‌තං න උප්‌පජ්‌ජති. භඞ්‌ගක්‌ඛණෙ අනාගතඤ්‌ච චිත්‌තං න චෙව උප්‌පජ්‌ජිත්‌ථ න ච උප්‌පජ්‌ජති.
Uppādakkhaṇe cittaṃ na uppajjittha, no ca taṃ cittaṃ na uppajjati. Bhaṅgakkhaṇe anāgatañca cittaṃ na ceva uppajjittha na ca uppajjati.
88. (ක) යං චිත්‌තං උප්‌පජ්‌ජති තං චිත්‌තං උප්‌පජ්‌ජිස්‌සතීති? නො.
88. (Ka) yaṃ cittaṃ uppajjati taṃ cittaṃ uppajjissatīti? No.
(ඛ) යං වා පන චිත්‌තං උප්‌පජ්‌ජිස්‌සති තං චිත්‌තං උප්‌පජ්‌ජතීති? නො.
(Kha) yaṃ vā pana cittaṃ uppajjissati taṃ cittaṃ uppajjatīti? No.
(ක) යං චිත්‌තං න උප්‌පජ්‌ජති තං චිත්‌තං න උප්‌පජ්‌ජිස්‌සතීති?
(Ka) yaṃ cittaṃ na uppajjati taṃ cittaṃ na uppajjissatīti?
අනාගතං චිත්‌තං න උප්‌පජ්‌ජති, නො ච තං චිත්‌තං න උප්‌පජ්‌ජිස්‌සති. භඞ්‌ගක්‌ඛණෙ අතීතඤ්‌ච චිත්‌තං න චෙව උප්‌පජ්‌ජති න ච උප්‌පජ්‌ජිස්‌සති.
Anāgataṃ cittaṃ na uppajjati, no ca taṃ cittaṃ na uppajjissati. Bhaṅgakkhaṇe atītañca cittaṃ na ceva uppajjati na ca uppajjissati.
(ඛ) යං වා පන චිත්‌තං න උප්‌පජ්‌ජිස්‌සති තං චිත්‌තං න උප්‌පජ්‌ජතීති?
(Kha) yaṃ vā pana cittaṃ na uppajjissati taṃ cittaṃ na uppajjatīti?
උප්‌පාදක්‌ඛණෙ චිත්‌තං න උප්‌පජ්‌ජිස්‌සති, නො ච තං චිත්‌තං න උප්‌පජ්‌ජති. භඞ්‌ගක්‌ඛණෙ අතීතඤ්‌ච චිත්‌තං න චෙව උප්‌පජ්‌ජිස්‌සති න ච උප්‌පජ්‌ජති.
Uppādakkhaṇe cittaṃ na uppajjissati, no ca taṃ cittaṃ na uppajjati. Bhaṅgakkhaṇe atītañca cittaṃ na ceva uppajjissati na ca uppajjati.
89. (ක) යං චිත්‌තං උප්‌පජ්‌ජිත්‌ථ තං චිත්‌තං උප්‌පජ්‌ජිස්‌සතීති? නො.
89. (Ka) yaṃ cittaṃ uppajjittha taṃ cittaṃ uppajjissatīti? No.
(ඛ) යං වා පන චිත්‌තං උප්‌පජ්‌ජිස්‌සති තං චිත්‌තං උප්‌පජ්‌ජිත්‌ථාති? නො.
(Kha) yaṃ vā pana cittaṃ uppajjissati taṃ cittaṃ uppajjitthāti? No.
(ක) යං චිත්‌තං න උප්‌පජ්‌ජිත්‌ථ තං චිත්‌තං න උප්‌පජ්‌ජිස්‌සතීති?
(Ka) yaṃ cittaṃ na uppajjittha taṃ cittaṃ na uppajjissatīti?
අනාගතං චිත්‌තං න උප්‌පජ්‌ජිත්‌ථ, නො ච තං චිත්‌තං න උප්‌පජ්‌ජිස්‌සති. පච්‌චුප්‌පන්‌නං චිත්‌තං න චෙව උප්‌පජ්‌ජිත්‌ථ න ච උප්‌පජ්‌ජිස්‌සති.
Anāgataṃ cittaṃ na uppajjittha, no ca taṃ cittaṃ na uppajjissati. Paccuppannaṃ cittaṃ na ceva uppajjittha na ca uppajjissati.
(ඛ) යං වා පන චිත්‌තං න උප්‌පජ්‌ජිස්‌සති තං චිත්‌තං න උප්‌පජ්‌ජිත්‌ථාති?
(Kha) yaṃ vā pana cittaṃ na uppajjissati taṃ cittaṃ na uppajjitthāti?
අතීතං චිත්‌තං න උප්‌පජ්‌ජිස්‌සති, නො ච තං චිත්‌තං න උප්‌පජ්‌ජිත්‌ථ. පච්‌චුප්‌පන්‌නං චිත්‌තං න චෙව උප්‌පජ්‌ජිස්‌සති න ච උප්‌පජ්‌ජිත්‌ථ.
Atītaṃ cittaṃ na uppajjissati, no ca taṃ cittaṃ na uppajjittha. Paccuppannaṃ cittaṃ na ceva uppajjissati na ca uppajjittha.
(5) නිරොධවාරො
(5) Nirodhavāro
90. (ක) යං චිත්‌තං නිරුජ්‌ඣති තං චිත්‌තං නිරුජ්‌ඣිත්‌ථාති? නො.
90. (Ka) yaṃ cittaṃ nirujjhati taṃ cittaṃ nirujjhitthāti? No.
(ඛ) යං වා පන චිත්‌තං නිරුජ්‌ඣිත්‌ථ තං චිත්‌තං නිරුජ්‌ඣතීති? නො.
(Kha) yaṃ vā pana cittaṃ nirujjhittha taṃ cittaṃ nirujjhatīti? No.
(ක) යං චිත්‌තං න නිරුජ්‌ඣති තං චිත්‌තං න නිරුජ්‌ඣිත්‌ථාති?
(Ka) yaṃ cittaṃ na nirujjhati taṃ cittaṃ na nirujjhitthāti?
අතීතං චිත්‌තං න නිරුජ්‌ඣති, නො ච තං චිත්‌තං න නිරුජ්‌ඣිත්‌ථ. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුජ්‌ඣති න ච නිරුජ්‌ඣිත්‌ථ.
Atītaṃ cittaṃ na nirujjhati, no ca taṃ cittaṃ na nirujjhittha. Uppādakkhaṇe anāgatañca cittaṃ na ceva nirujjhati na ca nirujjhittha.
(ඛ) යං වා පන චිත්‌තං න නිරුජ්‌ඣිත්‌ථ තං චිත්‌තං න නිරුජ්‌ඣතීති?
(Kha) yaṃ vā pana cittaṃ na nirujjhittha taṃ cittaṃ na nirujjhatīti?
භඞ්‌ගක්‌ඛණෙ චිත්‌තං න නිරුජ්‌ඣිත්‌ථ, නො ච තං චිත්‌තං න නිරුජ්‌ඣති. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුජ්‌ඣිත්‌ථ න ච නිරුජ්‌ඣති.
Bhaṅgakkhaṇe cittaṃ na nirujjhittha, no ca taṃ cittaṃ na nirujjhati. Uppādakkhaṇe anāgatañca cittaṃ na ceva nirujjhittha na ca nirujjhati.
91. (ක) යං චිත්‌තං නිරුජ්‌ඣති තං චිත්‌තං නිරුජ්‌ඣිස්‌සතීති? නො.
91. (Ka) yaṃ cittaṃ nirujjhati taṃ cittaṃ nirujjhissatīti? No.
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං නිරුජ්‌ඣතීති? නො.
(Kha) yaṃ vā pana cittaṃ nirujjhissati taṃ cittaṃ nirujjhatīti? No.
(ක) යං චිත්‌තං න නිරුජ්‌ඣති තං චිත්‌තං න නිරුජ්‌ඣිස්‌සතීති?
(Ka) yaṃ cittaṃ na nirujjhati taṃ cittaṃ na nirujjhissatīti?
උප්‌පාදක්‌ඛණෙ අනාගතඤ්‌ච චිත්‌තං න නිරුජ්‌ඣති, නො ච තං චිත්‌තං න නිරුජ්‌ඣිස්‌සති. අතීතං චිත්‌තං න චෙව නිරුජ්‌ඣති න ච නිරුජ්‌ඣිස්‌සති.
Uppādakkhaṇe anāgatañca cittaṃ na nirujjhati, no ca taṃ cittaṃ na nirujjhissati. Atītaṃ cittaṃ na ceva nirujjhati na ca nirujjhissati.
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න නිරුජ්‌ඣතීති?
(Kha) yaṃ vā pana cittaṃ na nirujjhissati taṃ cittaṃ na nirujjhatīti?
භඞ්‌ගක්‌ඛණෙ චිත්‌තං න නිරුජ්‌ඣිස්‌සති, නො ච තං චිත්‌තං න නිරුජ්‌ඣති. අතීතං චිත්‌තං න චෙව නිරුජ්‌ඣිස්‌සති න ච නිරුජ්‌ඣති.
Bhaṅgakkhaṇe cittaṃ na nirujjhissati, no ca taṃ cittaṃ na nirujjhati. Atītaṃ cittaṃ na ceva nirujjhissati na ca nirujjhati.
92. (ක) යං චිත්‌තං නිරුජ්‌ඣිත්‌ථ තං චිත්‌තං නිරුජ්‌ඣිස්‌සතීති? නො.
92. (Ka) yaṃ cittaṃ nirujjhittha taṃ cittaṃ nirujjhissatīti? No.
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං නිරුජ්‌ඣිත්‌ථාති? නො.
(Kha) yaṃ vā pana cittaṃ nirujjhissati taṃ cittaṃ nirujjhitthāti? No.
(ක) යං චිත්‌තං න නිරුජ්‌ඣිත්‌ථ තං චිත්‌තං න නිරුජ්‌ඣිස්‌සතීති?
(Ka) yaṃ cittaṃ na nirujjhittha taṃ cittaṃ na nirujjhissatīti?
උප්‌පාදක්‌ඛණෙ අනාගතඤ්‌ච චිත්‌තං න නිරුජ්‌ඣිත්‌ථ, නො ච තං චිත්‌තං න නිරුජ්‌ඣිස්‌සති. භඞ්‌ගක්‌ඛණෙ චිත්‌තං න චෙව නිරුජ්‌ඣිත්‌ථ න ච නිරුජ්‌ඣිස්‌සති.
Uppādakkhaṇe anāgatañca cittaṃ na nirujjhittha, no ca taṃ cittaṃ na nirujjhissati. Bhaṅgakkhaṇe cittaṃ na ceva nirujjhittha na ca nirujjhissati.
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න නිරුජ්‌ඣිත්‌ථාති?
(Kha) yaṃ vā pana cittaṃ na nirujjhissati taṃ cittaṃ na nirujjhitthāti?
අතීතං චිත්‌තං න නිරුජ්‌ඣිස්‌සති, නො ච තං චිත්‌තං න නිරුජ්‌ඣිත්‌ථ. භඞ්‌ගක්‌ඛණෙ චිත්‌තං න චෙව නිරුජ්‌ඣිස්‌සති න ච නිරුජ්‌ඣිත්‌ථ.
Atītaṃ cittaṃ na nirujjhissati, no ca taṃ cittaṃ na nirujjhittha. Bhaṅgakkhaṇe cittaṃ na ceva nirujjhissati na ca nirujjhittha.
(6) උප්‌පාදනිරොධවාරො
(6) Uppādanirodhavāro
93. (ක) යං චිත්‌තං උප්‌පජ්‌ජති තං චිත්‌තං නිරුජ්‌ඣිත්‌ථාති? නො.
93. (Ka) yaṃ cittaṃ uppajjati taṃ cittaṃ nirujjhitthāti? No.
(ඛ) යං වා පන චිත්‌තං නිරුජ්‌ඣිත්‌ථ තං චිත්‌තං උප්‌පජ්‌ජතීති? නො.
(Kha) yaṃ vā pana cittaṃ nirujjhittha taṃ cittaṃ uppajjatīti? No.
(ක) යං චිත්‌තං න උප්‌පජ්‌ජති තං චිත්‌තං න නිරුජ්‌ඣිත්‌ථාති?
(Ka) yaṃ cittaṃ na uppajjati taṃ cittaṃ na nirujjhitthāti?
අතීතං චිත්‌තං න උප්‌පජ්‌ජති, නො ච තං චිත්‌තං න නිරුජ්‌ඣිත්‌ථ. භඞ්‌ගක්‌ඛණෙ අනාගතඤ්‌ච චිත්‌තං න චෙව උප්‌පජ්‌ජති න ච නිරුජ්‌ඣිත්‌ථ.
Atītaṃ cittaṃ na uppajjati, no ca taṃ cittaṃ na nirujjhittha. Bhaṅgakkhaṇe anāgatañca cittaṃ na ceva uppajjati na ca nirujjhittha.
(ඛ) යං වා පන චිත්‌තං න නිරුජ්‌ඣිත්‌ථ තං චිත්‌තං න උප්‌පජ්‌ජතීති?
(Kha) yaṃ vā pana cittaṃ na nirujjhittha taṃ cittaṃ na uppajjatīti?
උප්‌පාදක්‌ඛණෙ චිත්‌තං න නිරුජ්‌ඣිත්‌ථ, නො ච තං චිත්‌තං න උප්‌පජ්‌ජති. භඞ්‌ගක්‌ඛණෙ අනාගතඤ්‌ච චිත්‌තං න චෙව නිරුජ්‌ඣිත්‌ථ න ච උප්‌පජ්‌ජති.
Uppādakkhaṇe cittaṃ na nirujjhittha, no ca taṃ cittaṃ na uppajjati. Bhaṅgakkhaṇe anāgatañca cittaṃ na ceva nirujjhittha na ca uppajjati.
94. (ක) යං චිත්‌තං උප්‌පජ්‌ජති තං චිත්‌තං නිරුජ්‌ඣිස්‌සතීති? ආමන්‌තා.
94. (Ka) yaṃ cittaṃ uppajjati taṃ cittaṃ nirujjhissatīti? Āmantā.
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං උප්‌පජ්‌ජතීති?
(Kha) yaṃ vā pana cittaṃ nirujjhissati taṃ cittaṃ uppajjatīti?
අනාගතං චිත්‌තං නිරුජ්‌ඣිස්‌සති, නො ච තං චිත්‌තං උප්‌පජ්‌ජති. උප්‌පාදක්‌ඛණෙ චිත්‌තං නිරුජ්‌ඣිස්‌සති චෙව උප්‌පජ්‌ජති ච.
Anāgataṃ cittaṃ nirujjhissati, no ca taṃ cittaṃ uppajjati. Uppādakkhaṇe cittaṃ nirujjhissati ceva uppajjati ca.
(ක) යං චිත්‌තං න උප්‌පජ්‌ජති තං චිත්‌තං න නිරුජ්‌ඣිස්‌සතීති?
(Ka) yaṃ cittaṃ na uppajjati taṃ cittaṃ na nirujjhissatīti?
අනාගතං චිත්‌තං න උප්‌පජ්‌ජති, නො ච තං චිත්‌තං න නිරුජ්‌ඣිස්‌සති. භඞ්‌ගක්‌ඛණෙ අතීතඤ්‌ච චිත්‌තං න චෙව උප්‌පජ්‌ජති න ච නිරුජ්‌ඣිස්‌සති.
Anāgataṃ cittaṃ na uppajjati, no ca taṃ cittaṃ na nirujjhissati. Bhaṅgakkhaṇe atītañca cittaṃ na ceva uppajjati na ca nirujjhissati.
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න උප්‌පජ්‌ජතීති? ආමන්‌තා.
(Kha) yaṃ vā pana cittaṃ na nirujjhissati taṃ cittaṃ na uppajjatīti? Āmantā.
95. (ක) යං චිත්‌තං උප්‌පජ්‌ජිත්‌ථ තං චිත්‌තං නිරුජ්‌ඣිස්‌සතීති? නො.
95. (Ka) yaṃ cittaṃ uppajjittha taṃ cittaṃ nirujjhissatīti? No.
(ඛ) යං වා පන චිත්‌තං නිරුජ්‌ඣිස්‌සති තං චිත්‌තං උප්‌පජ්‌ජිත්‌ථාති? නො.
(Kha) yaṃ vā pana cittaṃ nirujjhissati taṃ cittaṃ uppajjitthāti? No.
(ක) යං චිත්‌තං න උප්‌පජ්‌ජිත්‌ථ තං චිත්‌තං න නිරුජ්‌ඣිස්‌සතීති?
(Ka) yaṃ cittaṃ na uppajjittha taṃ cittaṃ na nirujjhissatīti?
උප්‌පාදක්‌ඛණෙ අනාගතඤ්‌ච චිත්‌තං න උප්‌පජ්‌ජිත්‌ථ, නො ච තං චිත්‌තං න නිරුජ්‌ඣිස්‌සති. භඞ්‌ගක්‌ඛණෙ චිත්‌තං න චෙව උප්‌පජ්‌ජිත්‌ථ න ච නිරුජ්‌ඣිස්‌සති.
Uppādakkhaṇe anāgatañca cittaṃ na uppajjittha, no ca taṃ cittaṃ na nirujjhissati. Bhaṅgakkhaṇe cittaṃ na ceva uppajjittha na ca nirujjhissati.
(ඛ) යං වා පන චිත්‌තං න නිරුජ්‌ඣිස්‌සති තං චිත්‌තං න උප්‌පජ්‌ජිත්‌ථාති?
(Kha) yaṃ vā pana cittaṃ na nirujjhissati taṃ cittaṃ na uppajjitthāti?
අතීතං චිත්‌තං න නිරුජ්‌ඣිස්‌සති, නො ච තං චිත්‌තං න උප්‌පජ්‌ජිත්‌ථ. භඞ්‌ගක්‌ඛණෙ චිත්‌තං න චෙව නිරුජ්‌ඣිස්‌සති න ච උප්‌පජ්‌ජිත්‌ථ.
Atītaṃ cittaṃ na nirujjhissati, no ca taṃ cittaṃ na uppajjittha. Bhaṅgakkhaṇe cittaṃ na ceva nirujjhissati na ca uppajjittha.
(7) උප්‌පජ්‌ජමාන-නනිරොධවාරො
(7) Uppajjamāna-nanirodhavāro
96. (ක) යං චිත්‌තං උප්‌පජ්‌ජති තං චිත්‌තං න නිරුජ්‌ඣතීති? ආමන්‌තා.
96. (Ka) yaṃ cittaṃ uppajjati taṃ cittaṃ na nirujjhatīti? Āmantā.
(ඛ) යං වා පන චිත්‌තං න නිරුජ්‌ඣති තං චිත්‌තං උප්‌පජ්‌ජතීති?
(Kha) yaṃ vā pana cittaṃ na nirujjhati taṃ cittaṃ uppajjatīti?
අතීතානාගතං චිත්‌තං න නිරුජ්‌ඣති, නො ච තං චිත්‌තං උප්‌පජ්‌ජති. උප්‌පාදක්‌ඛණෙ චිත්‌තං න නිරුජ්‌ඣති චෙව උප්‌පජ්‌ජති ච.
Atītānāgataṃ cittaṃ na nirujjhati, no ca taṃ cittaṃ uppajjati. Uppādakkhaṇe cittaṃ na nirujjhati ceva uppajjati ca.
(ක) යං චිත්‌තං න උප්‌පජ්‌ජති තං චිත්‌තං නිරුජ්‌ඣතීති?
(Ka) yaṃ cittaṃ na uppajjati taṃ cittaṃ nirujjhatīti?
අතීතානාගතං චිත්‌තං න උප්‌පජ්‌ජති, නො ච තං චිත්‌තං නිරුජ්‌ඣති. භඞ්‌ගක්‌ඛණෙ චිත්‌තං න උප්‌පජ්‌ජති චෙව නිරුජ්‌ඣති ච.
Atītānāgataṃ cittaṃ na uppajjati, no ca taṃ cittaṃ nirujjhati. Bhaṅgakkhaṇe cittaṃ na uppajjati ceva nirujjhati ca.
(ඛ) යං වා පන චිත්‌තං නිරුජ්‌ඣති තං චිත්‌තං න උප්‌පජ්‌ජතීති? ආමන්‌තා.
(Kha) yaṃ vā pana cittaṃ nirujjhati taṃ cittaṃ na uppajjatīti? Āmantā.
(8) උප්‌පජ්‌ජමානුප්‌පන්‌නවාරො
(8) Uppajjamānuppannavāro
97. (ක) යං චිත්‌තං උප්‌පජ්‌ජමානං තං චිත්‌තං උප්‌පන්‌නන්‌ති? ආමන්‌තා.
97. (Ka) yaṃ cittaṃ uppajjamānaṃ taṃ cittaṃ uppannanti? Āmantā.
(ඛ) යං වා පන චිත්‌තං උප්‌පන්‌නං තං චිත්‌තං උප්‌පජ්‌ජමානන්‌ති?
(Kha) yaṃ vā pana cittaṃ uppannaṃ taṃ cittaṃ uppajjamānanti?
භඞ්‌ගක්‌ඛණෙ චිත්‌තං උප්‌පන්‌නං, නො ච තං චිත්‌තං උප්‌පජ්‌ජමානං. උප්‌පාදක්‌ඛණෙ චිත්‌තං උප්‌පන්‌නඤ්‌චෙව උප්‌පජ්‌ජමානඤ්‌ච.
Bhaṅgakkhaṇe cittaṃ uppannaṃ, no ca taṃ cittaṃ uppajjamānaṃ. Uppādakkhaṇe cittaṃ uppannañceva uppajjamānañca.
(ක) යං චිත්‌තං න උප්‌පජ්‌ජමානං තං චිත්‌තං න උප්‌පන්‌නන්‌ති?
(Ka) yaṃ cittaṃ na uppajjamānaṃ taṃ cittaṃ na uppannanti?
භඞ්‌ගක්‌ඛණෙ චිත්‌තං න උප්‌පජ්‌ජමානං, නො ච තං චිත්‌තං න උප්‌පන්‌නං. අතීතානාගතං චිත්‌තං න චෙව උප්‌පජ්‌ජමානං න ච උප්‌පන්‌නං.
Bhaṅgakkhaṇe cittaṃ na uppajjamānaṃ, no ca taṃ cittaṃ na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.
(ඛ) යං වා පන චිත්‌තං න උප්‌පන්‌නං තං චිත්‌තං න උප්‌පජ්‌ජමානන්‌ති? ආමන්‌තා.
(Kha) yaṃ vā pana cittaṃ na uppannaṃ taṃ cittaṃ na uppajjamānanti? Āmantā.
(9) නිරුජ්‌ඣමානුප්‌පන්‌නවාරො
(9) Nirujjhamānuppannavāro
98. (ක) යං චිත්‌තං නිරුජ්‌ඣමානං තං චිත්‌තං උප්‌පන්‌නන්‌ති? ආමන්‌තා.
98. (Ka) yaṃ cittaṃ nirujjhamānaṃ taṃ cittaṃ uppannanti? Āmantā.
(ඛ) යං වා පන චිත්‌තං උප්‌පන්‌නං තං චිත්‌තං නිරුජ්‌ඣමානන්‌ති?
(Kha) yaṃ vā pana cittaṃ uppannaṃ taṃ cittaṃ nirujjhamānanti?
උප්‌පාදක්‌ඛණෙ චිත්‌තං උප්‌පන්‌නං, නො ච තං චිත්‌තං නිරුජ්‌ඣමානං. භඞ්‌ගක්‌ඛණෙ චිත්‌තං උප්‌පන්‌නඤ්‌චෙව නිරුජ්‌ඣමානඤ්‌ච.
Uppādakkhaṇe cittaṃ uppannaṃ, no ca taṃ cittaṃ nirujjhamānaṃ. Bhaṅgakkhaṇe cittaṃ uppannañceva nirujjhamānañca.
(ක) යං චිත්‌තං න නිරුජ්‌ඣමානං තං චිත්‌තං න උප්‌පන්‌නන්‌ති?
(Ka) yaṃ cittaṃ na nirujjhamānaṃ taṃ cittaṃ na uppannanti?
උප්‌පාදක්‌ඛණෙ චිත්‌තං න නිරුජ්‌ඣමානං, නො ච තං චිත්‌තං න උප්‌පන්‌නං. අතීතානාගතං චිත්‌තං න චෙව නිරුජ්‌ඣමානං න ච උප්‌පන්‌නං .
Uppādakkhaṇe cittaṃ na nirujjhamānaṃ, no ca taṃ cittaṃ na uppannaṃ. Atītānāgataṃ cittaṃ na ceva nirujjhamānaṃ na ca uppannaṃ .
(ඛ) යං වා පන චිත්‌තං න උප්‌පන්‌නං තං චිත්‌තං න නිරුජ්‌ඣමානන්‌ති? ආමන්‌තා.
(Kha) yaṃ vā pana cittaṃ na uppannaṃ taṃ cittaṃ na nirujjhamānanti? Āmantā.
(10) උප්‌පන්‌නුප්‌පාදවාරො
(10) Uppannuppādavāro
99. (ක) යං චිත්‌තං උප්‌පන්‌නං තං චිත්‌තං උප්‌පජ්‌ජිත්‌ථාති? නො.
99. (Ka) yaṃ cittaṃ uppannaṃ taṃ cittaṃ uppajjitthāti? No.
(ඛ) යං වා පන චිත්‌තං උප්‌පජ්‌ජිත්‌ථ තං චිත්‌තං උප්‌පන්‌නන්‌ති? නො.
(Kha) yaṃ vā pana cittaṃ uppajjittha taṃ cittaṃ uppannanti? No.
(ක) යං චිත්‌තං න උප්‌පන්‌නං තං චිත්‌තං න උප්‌පජ්‌ජිත්‌ථාති?
(Ka) yaṃ cittaṃ na uppannaṃ taṃ cittaṃ na uppajjitthāti?
අතීතං චිත්‌තං න උප්‌පන්‌නං, නො ච තං චිත්‌තං න උප්‌පජ්‌ජිත්‌ථ. අනාගතං චිත්‌තං න චෙව උප්‌පන්‌නං න ච උප්‌පජ්‌ජිත්‌ථ.
Atītaṃ cittaṃ na uppannaṃ, no ca taṃ cittaṃ na uppajjittha. Anāgataṃ cittaṃ na ceva uppannaṃ na ca uppajjittha.
(ඛ) යං වා පන චිත්‌තං න උප්‌පජ්‌ජිත්‌ථ තං චිත්‌තං න උප්‌පන්‌නන්‌ති?
(Kha) yaṃ vā pana cittaṃ na uppajjittha taṃ cittaṃ na uppannanti?
පච්‌චුප්‌පන්‌නං චිත්‌තං න උප්‌පජ්‌ජිත්‌ථ, නො ච තං චිත්‌තං න උප්‌පන්‌නං. අනාගතං චිත්‌තං න චෙව උප්‌පජ්‌ජිත්‌ථ න ච උප්‌පන්‌නං.
Paccuppannaṃ cittaṃ na uppajjittha, no ca taṃ cittaṃ na uppannaṃ. Anāgataṃ cittaṃ na ceva uppajjittha na ca uppannaṃ.
100. (ක) යං චිත්‌තං උප්‌පන්‌නං තං චිත්‌තං උප්‌පජ්‌ජිස්‌සතීති? නො.
100. (Ka) yaṃ cittaṃ uppannaṃ taṃ cittaṃ uppajjissatīti? No.
(ඛ) යං වා පන චිත්‌තං උප්‌පජ්‌ජිස්‌සති තං චිත්‌තං උප්‌පන්‌නන්‌ති? නො.
(Kha) yaṃ vā pana cittaṃ uppajjissati taṃ cittaṃ uppannanti? No.
(ක) යං චිත්‌තං න උප්‌පන්‌නං තං චිත්‌තං න උප්‌පජ්‌ජිස්‌සතීති?
(Ka) yaṃ cittaṃ na uppannaṃ taṃ cittaṃ na uppajjissatīti?
අනාගතං චිත්‌තං න උප්‌පන්‌නං, නො ච තං චිත්‌තං න උප්‌පජ්‌ජිස්‌සති. අතීතං චිත්‌තං න චෙව උප්‌පන්‌නං න ච උප්‌පජ්‌ජිස්‌සති.
Anāgataṃ cittaṃ na uppannaṃ, no ca taṃ cittaṃ na uppajjissati. Atītaṃ cittaṃ na ceva uppannaṃ na ca uppajjissati.
(ඛ) යං වා පන චිත්‌තං න උප්‌පජ්‌ජිස්‌සති තං චිත්‌තං න උප්‌පන්‌නන්‌ති?
(Kha) yaṃ vā pana cittaṃ na uppajjissati taṃ cittaṃ na uppannanti?
පච්‌චුප්‌පන්‌නං චිත්‌තං න උප්‌පජ්‌ජිස්‌සති, නො ච තං චිත්‌තං න උප්‌පන්‌නං. අතීතං චිත්‌තං න චෙව උප්‌පජ්‌ජිස්‌සති න ච උප්‌පන්‌නං.
Paccuppannaṃ cittaṃ na uppajjissati, no ca taṃ cittaṃ na uppannaṃ. Atītaṃ cittaṃ na ceva uppajjissati na ca uppannaṃ.
(11) අතීතානාගතවාරො
(11) Atītānāgatavāro
101. (ක) යං චිත්‌තං උප්‌පජ්‌ජිත්‌ථ නො ච තං චිත්‌තං උප්‌පන්‌නං, තං චිත්‌තං උප්‌පජ්‌ජිස්‌සතීති? නො.
101. (Ka) yaṃ cittaṃ uppajjittha no ca taṃ cittaṃ uppannaṃ, taṃ cittaṃ uppajjissatīti? No.
(ඛ) යං වා පන චිත්‌තං උප්‌පජ්‌ජිස්‌සති නො ච තං චිත්‌තං උප්‌පන්‌නං, තං චිත්‌තං උප්‌පජ්‌ජිත්‌ථාති? නො.
(Kha) yaṃ vā pana cittaṃ uppajjissati no ca taṃ cittaṃ uppannaṃ, taṃ cittaṃ uppajjitthāti? No.
(ක) යං චිත්‌තං න උප්‌පජ්‌ජිත්‌ථ නො ච තං චිත්‌තං න උප්‌පන්‌නං, තං චිත්‌තං න උප්‌පජ්‌ජිස්‌සතීති? ආමන්‌තා .
(Ka) yaṃ cittaṃ na uppajjittha no ca taṃ cittaṃ na uppannaṃ, taṃ cittaṃ na uppajjissatīti? Āmantā .
(ඛ) යං වා පන චිත්‌තං න උප්‌පජ්‌ජිස්‌සති නො ච තං චිත්‌තං න උප්‌පන්‌නං, තං චිත්‌තං න උප්‌පජ්‌ජිත්‌ථාති? ආමන්‌තා.
(Kha) yaṃ vā pana cittaṃ na uppajjissati no ca taṃ cittaṃ na uppannaṃ, taṃ cittaṃ na uppajjitthāti? Āmantā.
(12) උප්‌පන්‌නුප්‌පජ්‌ජමානවාරො
(12) Uppannuppajjamānavāro
102. (ක) උප්‌පන්‌නං උප්‌පජ්‌ජමානන්‌ති?
102. (Ka) uppannaṃ uppajjamānanti?
භඞ්‌ගක්‌ඛණෙ උප්‌පන්‌නං, නො ච උප්‌පජ්‌ජමානං. උප්‌පාදක්‌ඛණෙ උප්‌පන්‌නඤ්‌චෙව උප්‌පජ්‌ජමානඤ්‌ච.
Bhaṅgakkhaṇe uppannaṃ, no ca uppajjamānaṃ. Uppādakkhaṇe uppannañceva uppajjamānañca.
(ඛ) උප්‌පජ්‌ජමානං උප්‌පන්‌නන්‌ති? ආමන්‌තා.
(Kha) uppajjamānaṃ uppannanti? Āmantā.
(ක) න උප්‌පන්‌නං න උප්‌පජ්‌ජමානන්‌ති? ආමන්‌තා.
(Ka) na uppannaṃ na uppajjamānanti? Āmantā.
(ඛ) න උප්‌පජ්‌ජමානං න උප්‌පන්‌නන්‌ති?
(Kha) na uppajjamānaṃ na uppannanti?
භඞ්‌ගක්‌ඛණෙ න උප්‌පජ්‌ජමානං, නො ච න උප්‌පන්‌නං. අතීතානාගතං චිත්‌තං න චෙව උප්‌පජ්‌ජමානං න ච උප්‌පන්‌නං.
Bhaṅgakkhaṇe na uppajjamānaṃ, no ca na uppannaṃ. Atītānāgataṃ cittaṃ na ceva uppajjamānaṃ na ca uppannaṃ.
(13) නිරුද්‌ධනිරුජ්‌ඣමානවාරො
(13) Niruddhanirujjhamānavāro
103. (ක) නිරුද්‌ධං නිරුජ්‌ඣමානන්‌ති? නො.
103. (Ka) niruddhaṃ nirujjhamānanti? No.
(ඛ) නිරුජ්‌ඣමානං නිරුද්‌ධන්‌ති? නො.
(Kha) nirujjhamānaṃ niruddhanti? No.
(ක) න නිරුද්‌ධං න නිරුජ්‌ඣමානන්‌ති?
(Ka) na niruddhaṃ na nirujjhamānanti?
භඞ්‌ගක්‌ඛණෙ න නිරුද්‌ධං, නො ච න නිරුජ්‌ඣමානං. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුද්‌ධං න ච නිරුජ්‌ඣමානං.
Bhaṅgakkhaṇe na niruddhaṃ, no ca na nirujjhamānaṃ. Uppādakkhaṇe anāgatañca cittaṃ na ceva niruddhaṃ na ca nirujjhamānaṃ.
(ඛ) න නිරුජ්‌ඣමානං න නිරුද්‌ධන්‌ති?
(Kha) na nirujjhamānaṃ na niruddhanti?
අතීතං චිත්‌තං න නිරුජ්‌ඣමානං, නො ච න නිරුද්‌ධං. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුජ්‌ඣමානං න ච නිරුද්‌ධං.
Atītaṃ cittaṃ na nirujjhamānaṃ, no ca na niruddhaṃ. Uppādakkhaṇe anāgatañca cittaṃ na ceva nirujjhamānaṃ na ca niruddhaṃ.
(14) අතික්‌කන්‌තකාලවාරො
(14) Atikkantakālavāro
104. (ක) යං චිත්‌තං උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තන්‌ති?
104. (Ka) yaṃ cittaṃ uppajjamānaṃ khaṇaṃ khaṇaṃ vītikkantaṃ atikkantakālaṃ, nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
භඞ්‌ගක්‌ඛණෙ චිත්‌තං උප්‌පාදක්‌ඛණං වීතික්‌කන්‌තං භඞ්‌ගක්‌ඛණං අවීතික්‌කන්‌තං , අතීතං චිත්‌තං උප්‌පාදක්‌ඛණඤ්‌ච වීතික්‌කන්‌තං භඞ්‌ගක්‌ඛණඤ්‌ච වීතික්‌කන්‌තං.
Bhaṅgakkhaṇe cittaṃ uppādakkhaṇaṃ vītikkantaṃ bhaṅgakkhaṇaṃ avītikkantaṃ , atītaṃ cittaṃ uppādakkhaṇañca vītikkantaṃ bhaṅgakkhaṇañca vītikkantaṃ.
(ඛ) යං වා පන චිත්‌තං නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තන්‌ති?
(Kha) yaṃ vā pana cittaṃ nirujjhamānaṃ khaṇaṃ khaṇaṃ vītikkantaṃ atikkantakālaṃ, uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
අතීතං චිත්‌තං .
Atītaṃ cittaṃ .
(ක) යං චිත්‌තං න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං, න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තන්‌ති?
(Ka) yaṃ cittaṃ na uppajjamānaṃ khaṇaṃ khaṇaṃ vītikkantaṃ atikkantakālaṃ, na nirujjhamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
උප්‌පාදක්‌ඛණෙ අනාගතං චිත්‌තං.
Uppādakkhaṇe anāgataṃ cittaṃ.
(ඛ) යං වා පන චිත්‌තං න නිරුජ්‌ඣමානං ඛණං ඛණං වීතික්‌කන්‌තං අතික්‌කන්‌තකාලං, න උප්‌පජ්‌ජමානං ඛණං ඛණං වීතික්‌කන්‌තං අතික්‌කන්‌තකාලං තං චිත්‌තන්‌ති?
(Kha) yaṃ vā pana cittaṃ na nirujjhamānaṃ khaṇaṃ khaṇaṃ vītikkantaṃ atikkantakālaṃ, na uppajjamānaṃ khaṇaṃ khaṇaṃ vītikkantaṃ atikkantakālaṃ taṃ cittanti?
භඞ්‌ගක්‌ඛණෙ චිත්‌තං භඞ්‌ගක්‌ඛණං අවීතික්‌කන්‌තං නො ච උප්‌පාදක්‌ඛණං අවීතික්‌කන්‌තං, උප්‌පාදක්‌ඛණෙ අනාගතඤ්‌ච චිත්‌තං භඞ්‌ගක්‌ඛණඤ්‌ච අවීතික්‌කන්‌තං උප්‌පාදක්‌ඛණඤ්‌ච අවීතික්‌කන්‌තං.
Bhaṅgakkhaṇe cittaṃ bhaṅgakkhaṇaṃ avītikkantaṃ no ca uppādakkhaṇaṃ avītikkantaṃ, uppādakkhaṇe anāgatañca cittaṃ bhaṅgakkhaṇañca avītikkantaṃ uppādakkhaṇañca avītikkantaṃ.
1. සුද්‌ධචිත්‌තසාමඤ්‌ඤ
1. Suddhacittasāmañña
3. පුග්‌ගලධම්‌මවාරො
3. Puggaladhammavāro
(1) උප්‌පාදනිරොධකාලසම්‌භෙදවාරො
(1) Uppādanirodhakālasambhedavāro
105. (ක) යස්‌ස යං චිත්‌තං උප්‌පජ්‌ජති න නිරුජ්‌ඣති තස්‌ස තං චිත්‌තං නිරුජ්‌ඣිස්‌සති න උප්‌පජ්‌ජිස්‌සතීති? ආමන්‌තා.
105. (Ka) yassa yaṃ cittaṃ uppajjati na nirujjhati tassa taṃ cittaṃ nirujjhissati na uppajjissatīti? Āmantā.
(ඛ) යස්‌ස වා පන යං චිත්‌තං නිරුජ්‌ඣිස්‌සති න උප්‌පජ්‌ජිස්‌සති තස්‌ස තං චිත්‌තං උප්‌පජ්‌ජති න නිරුජ්‌ඣතීති? ආමන්‌තා.
(Kha) yassa vā pana yaṃ cittaṃ nirujjhissati na uppajjissati tassa taṃ cittaṃ uppajjati na nirujjhatīti? Āmantā.
(ක) යස්‌ස යං චිත්‌තං න උප්‌පජ්‌ජති නිරුජ්‌ඣති තස්‌ස තං චිත්‌තං න නිරුජ්‌ඣිස්‌සති උප්‌පජ්‌ජිස්‌සතීති? නො.
(Ka) yassa yaṃ cittaṃ na uppajjati nirujjhati tassa taṃ cittaṃ na nirujjhissati uppajjissatīti? No.
(ඛ) යස්‌ස වා පන යං චිත්‌තං න නිරුජ්‌ඣිස්‌සති උප්‌පජ්‌ජිස්‌සති තස්‌ස තං චිත්‌තං න උප්‌පජ්‌ජති නිරුජ්‌ඣතීති? නත්‌ථි.
(Kha) yassa vā pana yaṃ cittaṃ na nirujjhissati uppajjissati tassa taṃ cittaṃ na uppajjati nirujjhatīti? Natthi.
(2) උප්‌පාදුප්‌පන්‌නවාරො
(2) Uppāduppannavāro
106. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං උප්‌පන්‌නන්‌ති? ආමන්‌තා.
106. (Ka) yassa yaṃ cittaṃ uppajjati tassa taṃ cittaṃ uppannanti? Āmantā.
(ඛ) යස්‌ස වා පන යං චිත්‌තං උප්‌පන්‌නං තස්‌ස තං චිත්‌තං උප්‌පජ්‌ජතීති?
(Kha) yassa vā pana yaṃ cittaṃ uppannaṃ tassa taṃ cittaṃ uppajjatīti?
භඞ්‌ගක්‌ඛණෙ චිත්‌තං උප්‌පන්‌නං, නො ච තස්‌ස තං චිත්‌තං උප්‌පජ්‌ජති. උප්‌පාදක්‌ඛණෙ චිත්‌තං උප්‌පන්‌නඤ්‌චෙව උප්‌පජ්‌ජති ච.
Bhaṅgakkhaṇe cittaṃ uppannaṃ, no ca tassa taṃ cittaṃ uppajjati. Uppādakkhaṇe cittaṃ uppannañceva uppajjati ca.
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න උප්‌පන්‌නන්‌ති?
(Ka) yassa yaṃ cittaṃ na uppajjati tassa taṃ cittaṃ na uppannanti?
භඞ්‌ගක්‌ඛණෙ චිත්‌තං න උප්‌පජ්‌ජති, නො ච තස්‌ස තං චිත්‌තං න උප්‌පන්‌නං. අතීතානාගතං චිත්‌තං න චෙව උප්‌පජ්‌ජති න ච උප්‌පන්‌නං.
Bhaṅgakkhaṇe cittaṃ na uppajjati, no ca tassa taṃ cittaṃ na uppannaṃ. Atītānāgataṃ cittaṃ na ceva uppajjati na ca uppannaṃ.
(ඛ) යස්‌ස වා පන යං චිත්‌තං න උප්‌පන්‌නං තස්‌ස තං චිත්‌තං න උප්‌පජ්‌ජතීති? ආමන්‌තා.
(Kha) yassa vā pana yaṃ cittaṃ na uppannaṃ tassa taṃ cittaṃ na uppajjatīti? Āmantā.
(3) නිරොධුප්‌පන්‌නවාරො
(3) Nirodhuppannavāro
107. (ක) යස්‌ස යං චිත්‌තං නිරුජ්‌ඣති තස්‌ස තං චිත්‌තං උප්‌පන්‌නන්‌ති? ආමන්‌තා.
107. (Ka) yassa yaṃ cittaṃ nirujjhati tassa taṃ cittaṃ uppannanti? Āmantā.
(ඛ) යස්‌ස වා පන යං චිත්‌තං උප්‌පන්‌නං තස්‌ස තං චිත්‌තං නිරුජ්‌ඣතීති?
(Kha) yassa vā pana yaṃ cittaṃ uppannaṃ tassa taṃ cittaṃ nirujjhatīti?
උප්‌පාදක්‌ඛණෙ චිත්‌තං උප්‌පන්‌නං, නො ච තස්‌ස තං චිත්‌තං නිරුජ්‌ඣති. භඞ්‌ගක්‌ඛණෙ චිත්‌තං උප්‌පන්‌නඤ්‌චෙව නිරුජ්‌ඣති ච.
Uppādakkhaṇe cittaṃ uppannaṃ, no ca tassa taṃ cittaṃ nirujjhati. Bhaṅgakkhaṇe cittaṃ uppannañceva nirujjhati ca.
(ක) යස්‌ස යං චිත්‌තං න නිරුජ්‌ඣති තස්‌ස තං චිත්‌තං න උප්‌පන්‌නන්‌ති?
(Ka) yassa yaṃ cittaṃ na nirujjhati tassa taṃ cittaṃ na uppannanti?
උප්‌පාදක්‌ඛණෙ චිත්‌තං න නිරුජ්‌ඣති, නො ච තස්‌ස තං චිත්‌තං න උප්‌පන්‌නං. අතීතානාගතං චිත්‌තං න චෙව නිරුජ්‌ඣති න ච උප්‌පන්‌නං.
Uppādakkhaṇe cittaṃ na nirujjhati, no ca tassa taṃ cittaṃ na uppannaṃ. Atītānāgataṃ cittaṃ na ceva nirujjhati na ca uppannaṃ.
(ඛ) යස්‌ස වා පන යං චිත්‌තං න උප්‌පන්‌නං තස්‌ස තං චිත්‌තං න නිරුජ්‌ඣතීති? ආමන්‌තා.
(Kha) yassa vā pana yaṃ cittaṃ na uppannaṃ tassa taṃ cittaṃ na nirujjhatīti? Āmantā.
(4) උප්‌පාදවාරො
(4) Uppādavāro
108. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං උප්‌පජ්‌ජිත්‌ථාති? නො.
108. (Ka) yassa yaṃ cittaṃ uppajjati tassa taṃ cittaṃ uppajjitthāti? No.
(ඛ) යස්‌ස වා පන යං චිත්‌තං උප්‌පජ්‌ජිත්‌ථ තස්‌ස තං චිත්‌තං උප්‌පජ්‌ජතීති? නො.
(Kha) yassa vā pana yaṃ cittaṃ uppajjittha tassa taṃ cittaṃ uppajjatīti? No.
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න උප්‌පජ්‌ජිත්‌ථාති?
(Ka) yassa yaṃ cittaṃ na uppajjati tassa taṃ cittaṃ na uppajjitthāti?
අතීතං චිත්‌තං න උප්‌පජ්‌ජති, නො ච තස්‌ස තං චිත්‌තං න උප්‌පජ්‌ජිත්‌ථ. භඞ්‌ගක්‌ඛණෙ අනාගතඤ්‌ච චිත්‌තං න චෙව උප්‌පජ්‌ජති න ච උප්‌පජ්‌ජිත්‌ථ.
Atītaṃ cittaṃ na uppajjati, no ca tassa taṃ cittaṃ na uppajjittha. Bhaṅgakkhaṇe anāgatañca cittaṃ na ceva uppajjati na ca uppajjittha.
(ඛ) යස්‌ස වා පන යං චිත්‌තං න උප්‌පජ්‌ජිත්‌ථ තස්‌ස තං චිත්‌තං න උප්‌පජ්‌ජතීති?
(Kha) yassa vā pana yaṃ cittaṃ na uppajjittha tassa taṃ cittaṃ na uppajjatīti?
උප්‌පාදක්‌ඛණෙ චිත්‌තං න උප්‌පජ්‌ජිත්‌ථ, නො ච තස්‌ස තං චිත්‌තං න උප්‌පජ්‌ජති. භඞ්‌ගක්‌ඛණෙ අනාගතඤ්‌ච චිත්‌තං න චෙව උප්‌පජ්‌ජිත්‌ථ න ච උප්‌පජ්‌ජති.
Uppādakkhaṇe cittaṃ na uppajjittha, no ca tassa taṃ cittaṃ na uppajjati. Bhaṅgakkhaṇe anāgatañca cittaṃ na ceva uppajjittha na ca uppajjati.
109. (ක) යස්‌ස යං චිත්‌තං උප්‌පජ්‌ජති තස්‌ස තං චිත්‌තං උප්‌පජ්‌ජිස්‌සතීති? නො.
109. (Ka) yassa yaṃ cittaṃ uppajjati tassa taṃ cittaṃ uppajjissatīti? No.
(ඛ) යස්‌ස වා පන යං චිත්‌තං උප්‌පජ්‌ජිස්‌සති තස්‌ස තං චිත්‌තං උප්‌පජ්‌ජතීති? නො.
(Kha) yassa vā pana yaṃ cittaṃ uppajjissati tassa taṃ cittaṃ uppajjatīti? No.
(ක) යස්‌ස යං චිත්‌තං න උප්‌පජ්‌ජති තස්‌ස තං චිත්‌තං න උප්‌පජ්‌ජිස්‌සතීති?
(Ka) yassa yaṃ cittaṃ na uppajjati tassa taṃ cittaṃ na uppajjissatīti?
අනාගතං චිත්‌තං න උප්‌පජ්‌ජති, නො ච තස්‌ස තං චිත්‌තං න උප්‌පජ්‌ජිස්‌සති. භඞ්‌ගක්‌ඛණෙ අතීතඤ්‌ච චිත්‌තං න චෙව උප්‌පජ්‌ජති න ච උප්‌පජ්‌ජිස්‌සති.
Anāgataṃ cittaṃ na uppajjati, no ca tassa taṃ cittaṃ na uppajjissati. Bhaṅgakkhaṇe atītañca cittaṃ na ceva uppajjati na ca uppajjissati.
(ඛ) යස්‌ස වා පන යං චිත්‌තං න උප්‌පජ්‌ජිස්‌සති තස්‌ස තං චිත්‌තං න උප්‌පජ්‌ජතීති?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjatīti?
උප්‌පාදක්‌ඛණෙ චිත්‌තං න උප්‌පජ්‌ජිස්‌සති, නො ච තස්‌ස තං චිත්‌තං න උප්‌පජ්‌ජති. භඞ්‌ගක්‌ඛණෙ අතීතඤ්‌ච චිත්‌තං න චෙව උප්‌පජ්‌ජිස්‌සති න ච උප්‌පජ්‌ජති.
Uppādakkhaṇe cittaṃ na uppajjissati, no ca tassa taṃ cittaṃ na uppajjati. Bhaṅgakkhaṇe atītañca cittaṃ na ceva uppajjissati na ca uppajjati.
110. (ක) යස්‌ස යං චිත්‌තං උප්‌පජ්‌ජිත්‌ථ තස්‌ස තං චිත්‌තං උප්‌පජ්‌ජිස්‌සතීති? නො.
110. (Ka) yassa yaṃ cittaṃ uppajjittha tassa taṃ cittaṃ uppajjissatīti? No.
(ඛ) යස්‌ස වා පන යං චිත්‌තං උප්‌පජ්‌ජිස්‌සති තස්‌ස තං චිත්‌තං උප්‌පජ්‌ජිත්‌ථාති? නො.
(Kha) yassa vā pana yaṃ cittaṃ uppajjissati tassa taṃ cittaṃ uppajjitthāti? No.
(ක) යස්‌ස යං චිත්‌තං න උප්‌පජ්‌ජිත්‌ථ තස්‌ස තං චිත්‌තං න උප්‌පජ්‌ජිස්‌සතීති?
(Ka) yassa yaṃ cittaṃ na uppajjittha tassa taṃ cittaṃ na uppajjissatīti?
අනාගතං චිත්‌තං න උප්‌පජ්‌ජිත්‌ථ, නො ච තස්‌ස තං චිත්‌තං න උප්‌පජ්‌ජිස්‌සති. පච්‌චුප්‌පන්‌නං චිත්‌තං න චෙව උප්‌පජ්‌ජිත්‌ථ න ච උප්‌පජ්‌ජිස්‌සති.
Anāgataṃ cittaṃ na uppajjittha, no ca tassa taṃ cittaṃ na uppajjissati. Paccuppannaṃ cittaṃ na ceva uppajjittha na ca uppajjissati.
(ඛ) යස්‌ස වා පන යං චිත්‌තං න උප්‌පජ්‌ජිස්‌සති තස්‌ස තං චිත්‌තං න උප්‌පජ්‌ජිත්‌ථාති?
(Kha) yassa vā pana yaṃ cittaṃ na uppajjissati tassa taṃ cittaṃ na uppajjitthāti?
අතීතං චිත්‌තං න උප්‌පජ්‌ජිස්‌සති, නො ච තස්‌ස තං චිත්‌තං න උප්‌පජ්‌ජිත්‌ථ. පච්‌චුප්‌පන්‌නං චිත්‌තං න චෙව උප්‌පජ්‌ජිස්‌සති න ච උප්‌පජ්‌ජිත්‌ථ.
Atītaṃ cittaṃ na uppajjissati, no ca tassa taṃ cittaṃ na uppajjittha. Paccuppannaṃ cittaṃ na ceva uppajjissati na ca uppajjittha.
(5) නිරොධවාරො
(5) Nirodhavāro
111. (ක) යස්‌ස යං චිත්‌තං නිරුජ්‌ඣති තස්‌ස තං චිත්‌තං නිරුජ්‌ඣිත්‌ථාති? නො.
111. (Ka) yassa yaṃ cittaṃ nirujjhati tassa taṃ cittaṃ nirujjhitthāti? No.
(ඛ) යස්‌ස වා පන යං චිත්‌තං නිරුජ්‌ඣිත්‌ථ තස්‌ස තං චිත්‌තං නිරුජ්‌ඣතීති? නො.
(Kha) yassa vā pana yaṃ cittaṃ nirujjhittha tassa taṃ cittaṃ nirujjhatīti? No.
(ක) යස්‌ස යං චිත්‌තං න නිරුජ්‌ඣති තස්‌ස තං චිත්‌තං න නිරුජ්‌ඣිත්‌ථාති?
(Ka) yassa yaṃ cittaṃ na nirujjhati tassa taṃ cittaṃ na nirujjhitthāti?
අතීතං චිත්‌තං න නිරුජ්‌ඣති, නො ච තස්‌ස තං චිත්‌තං න නිරුජ්‌ඣිත්‌ථ. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුජ්‌ඣති න ච නිරුජ්‌ඣිත්‌ථ.
Atītaṃ cittaṃ na nirujjhati, no ca tassa taṃ cittaṃ na nirujjhittha. Uppādakkhaṇe anāgatañca cittaṃ na ceva nirujjhati na ca nirujjhittha.
(ඛ) යස්‌ස වා පන යං චිත්‌තං න නිරුජ්‌ඣිත්‌ථ තස්‌ස තං චිත්‌තං න නිරුජ්‌ඣතීති?
(Kha) yassa vā pana yaṃ cittaṃ na nirujjhittha tassa taṃ cittaṃ na nirujjhatīti?
භඞ්‌ගක්‌ඛණෙ චිත්‌තං න නිරුජ්‌ඣිත්‌ථ, නො ච තස්‌ස තං චිත්‌තං න නිරුජ්‌ඣති. උප්‌පාදක්‌ඛණෙ අනාගතඤ්‌ච චිත්‌තං න චෙව නිරුජ්‌ඣිත්‌ථ න ච නිරුජ්‌ඣති.
Bhaṅgakkhaṇe cittaṃ na nirujjhittha, no ca tassa taṃ cittaṃ na nirujjhati. Uppādakkhaṇe anāgatañca cittaṃ na ceva nirujjhittha na ca nirujjhati.
112. (ක) යස්‌ස යං චිත්‌තං නිරුජ්‌ඣති තස්‌ස තං චිත්‌තං නිරුජ්‌ඣිස්‌සතීති? නො.
112. (Ka) yassa yaṃ cittaṃ nirujjhati tassa taṃ cittaṃ nirujjhissatīti? No.
(ඛ) යස්‌ස වා පන යං චිත්‌තං නිරුජ්‌ඣිස්‌සති තස්‌ස තං චිත්‌තං නිරුජ්‌ඣතීති? නො.
(Kha) yassa vā pana yaṃ cittaṃ nirujjhissati tassa taṃ cittaṃ nirujjhatīti? No.
(ක) යස්‌ස යං චිත්‌තං න නිරුජ්‌ඣති තස්‌ස තං චිත්‌තං න නිරුජ්‌ඣිස්‌සතීති?
(Ka) yassa yaṃ cittaṃ na nirujjhati tassa taṃ cittaṃ na nirujjhissatīti?
උප්‌පාදක්‌ඛණෙ අනාගතඤ්‌ච චිත්‌තං න නිරුජ්‌ඣති, නො ච තස්‌ස තං චිත්‌තං න නිරුජ්‌ඣිස්‌සති. අතීතං චිත්‌තං න චෙව නිරුජ්‌ඣති න ච නිරුජ්‌ඣිස්‌සති.
Uppādakkhaṇe anāgatañca cittaṃ na nirujjhati, no ca tassa taṃ cittaṃ na nirujjhissati. Atītaṃ cittaṃ na ceva nirujjhati na ca nirujjhissati.
(ඛ) යස්‌ස වා පන යං චිත්‌තං න නිරුජ්‌ඣිස්‌සති තස්‌ස තං චිත්‌තං න නිරුජ්‌ඣතීති?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhatīti?
භඞ්‌ගක්‌ඛණෙ චිත්‌තං න නිරුජ්‌ඣිස්‌සති, නො ච තස්‌ස තං චිත්‌තං න නිරුජ්‌ඣති. අතීතං චිත්‌තං න චෙව නිරුජ්‌ඣිස්‌සති න ච නිරුජ්‌ඣති.
Bhaṅgakkhaṇe cittaṃ na nirujjhissati, no ca tassa taṃ cittaṃ na nirujjhati. Atītaṃ cittaṃ na ceva nirujjhissati na ca nirujjhati.
113. (ක) යස්‌ස යං චිත්‌තං නිරුජ්‌ඣිත්‌ථ තස්‌ස තං චිත්‌තං නිරුජ්‌ඣිස්‌සතීති? නො.
113. (Ka) yassa yaṃ cittaṃ nirujjhittha tassa taṃ cittaṃ nirujjhissatīti? No.
(ඛ) යස්‌ස වා පන යං චිත්‌තං නිරුජ්‌ඣිස්‌සති තස්‌ස තං චිත්‌තං නිරුජ්‌ඣිත්‌ථාති? නො.
(Kha) yassa vā pana yaṃ cittaṃ nirujjhissati tassa taṃ cittaṃ nirujjhitthāti? No.
(ක) යස්‌ස යං චිත්‌තං න නිරුජ්‌ඣිත්‌ථ තස්‌ස තං චිත්‌තං න නිරුජ්‌ඣිස්‌සතීති?
(Ka) yassa yaṃ cittaṃ na nirujjhittha tassa taṃ cittaṃ na nirujjhissatīti?
උප්‌පාදක්‌ඛණෙ අනාගතඤ්‌ච චිත්‌තං න නිරුජ්‌ඣිත්‌ථ, නො ච තස්‌ස තං චිත්‌තං න නිරුජ්‌ඣිස්‌සති. භඞ්‌ගක්‌ඛණෙ චිත්‌තං න චෙව නිරුජ්‌ඣිත්‌ථ න ච නිරුජ්‌ඣිස්‌සති.
Uppādakkhaṇe anāgatañca cittaṃ na nirujjhittha, no ca tassa taṃ cittaṃ na nirujjhissati. Bhaṅgakkhaṇe cittaṃ na ceva nirujjhittha na ca nirujjhissati.
(ඛ) යස්‌ස වා පන යං චිත්‌තං න නිරුජ්‌ඣිස්‌සති තස්‌ස තං චිත්‌තං න නිරුජ්‌ඣිත්‌ථාති?
(Kha) yassa vā pana yaṃ cittaṃ na nirujjhissati tassa taṃ cittaṃ na nirujjhitthāti?
අතීතං චිත්‌තං න නිරුජ්‌ඣිස්‌සති, නො ච තස්‌ස තං චිත්‌තං න නිරුජ්‌ඣිත්‌ථ. භඞ්‌ගක්‌ඛණෙ චිත්‌තං න චෙව නිරුජ්‌ඣිස්‌සති න ච නිරුජ්‌ඣිත්‌ථ.
Atītaṃ cittaṃ na nirujjhissati, no ca tassa taṃ cittaṃ na nirujjhittha. Bhaṅgakkhaṇe cittaṃ na ceva nirujjhissati na ca nirujjhittha.
(යස්‌ස චිත්‌තකෙ සකභාවෙන නිද්‌දිට්‌ඨෙ, යං චිත්‌තකෙ ච යස්‌ස යං චිත්‌තකෙ ච එකත්‌තෙන නිද්‌දිට්‌ඨෙ.)
(Yassa cittake sakabhāvena niddiṭṭhe, yaṃ cittake ca yassa yaṃ cittake ca ekattena niddiṭṭhe.)
2. සුත්‌තන්‌තචිත්‌තමිස්‌සකවිසෙසො
2. Suttantacittamissakaviseso
114. යස්‌ස සරාගං චිත්‌තං උප්‌පජ්‌ජති න නිරුජ්‌ඣති තස්‌ස සරාගං චිත්‌තං නිරුජ්‌ඣිස්‌සති න උප්‌පජ්‌ජිස්‌සතීති?
114. Yassa sarāgaṃ cittaṃ uppajjati na nirujjhati tassa sarāgaṃ cittaṃ nirujjhissati na uppajjissatīti?
සරාගපච්‌ඡිමචිත්‌තස්‌ස උප්‌පාදක්‌ඛණෙ තෙසං සරාගං චිත්‌තං උප්‌පජ්‌ජති න නිරුජ්‌ඣති, නිරුජ්‌ඣිස්‌සති න උප්‌පජ්‌ජිස්‌සති. ඉතරෙසං සරාගචිත්‌තස්‌ස උප්‌පාදක්‌ඛණෙ තෙසං…පෙ.….
Sarāgapacchimacittassa uppādakkhaṇe tesaṃ sarāgaṃ cittaṃ uppajjati na nirujjhati, nirujjhissati na uppajjissati. Itaresaṃ sarāgacittassa uppādakkhaṇe tesaṃ…pe….
3. අභිධම්‌මචිත්‌තමිස්‌සකවිසෙසො
3. Abhidhammacittamissakaviseso
115. යස්‌ස කුසලං චිත්‌තං උප්‌පජ්‌ජති න නිරුජ්‌ඣති තස්‌ස කුසලං චිත්‌තං නිරුජ්‌ඣිස්‌සති න උප්‌පජ්‌ජිස්‌සතීති?
115. Yassa kusalaṃ cittaṃ uppajjati na nirujjhati tassa kusalaṃ cittaṃ nirujjhissati na uppajjissatīti?
පච්‌ඡිමකුසලචිත්‌තස්‌ස උප්‌පාදක්‌ඛණෙ තෙසං කුසලං චිත්‌තං උප්‌පජ්‌ජති න නිරුජ්‌ඣති, නිරුජ්‌ඣිස්‌සති න උප්‌පජ්‌ජිස්‌සති. ඉතරෙසං කුසලචිත්‌තස්‌ස උප්‌පාදක්‌ඛණෙ තෙසං…පෙ.….
Pacchimakusalacittassa uppādakkhaṇe tesaṃ kusalaṃ cittaṃ uppajjati na nirujjhati, nirujjhissati na uppajjissati. Itaresaṃ kusalacittassa uppādakkhaṇe tesaṃ…pe….
යස්‌ස වා පන…පෙ.…? ආමන්‌තා …පෙ.….
Yassa vā pana…pe…? Āmantā …pe….
116. යස්‌ස අකුසලං චිත්‌තං උප්‌පජ්‌ජති න නිරුජ්‌ඣති…පෙ.…. යස්‌ස අබ්‍යාකතං චිත්‌තං උප්‌පජ්‌ජති න නිරුජ්‌ඣති…පෙ.….
116. Yassa akusalaṃ cittaṃ uppajjati na nirujjhati…pe…. Yassa abyākataṃ cittaṃ uppajjati na nirujjhati…pe….
(මූලයමකං චිත්‌තයමකං ධම්‌මයමකන්‌ති තීණි යමකානි යාව සරණඅරණා ගච්‌ඡන්‌ති.)
(Mūlayamakaṃ cittayamakaṃ dhammayamakanti tīṇi yamakāni yāva saraṇaaraṇā gacchanti.)
චිත්‌තයමකං නිට්‌ඨිතං.
Cittayamakaṃ niṭṭhitaṃ.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 8. චිත්‌තයමකං • 8. Cittayamakaṃ
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 10. ඉන්‌ද්‍රියයමකං • 10. Indriyayamakaṃ
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 10. ඉන්‌ද්‍රියයමකං • 10. Indriyayamakaṃ
