| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
5. жийвараажчинд̣̇анасигкаабад̣̇ам̣
5. Cīvaraacchindanasikkhāpadaṃ
631. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа убананд̣̇о сагяабуд̇д̇о бхаад̇уно сад̣̇д̇хивихааригам̣ бхигкум̣ зд̇ад̣̇авожа – ‘‘зхаавусо, ж̇анабад̣̇ажааригам̣ баггамиссаамаа’’д̇и. ‘‘наахам̣, бханд̇з, г̇амиссаами; д̣̇уб̣б̣алажийваромхий’’д̇и. ‘‘зхаавусо, ахам̣ д̇з жийварам̣ д̣̇ассаамий’’д̇и д̇асса жийварам̣ ад̣̇ааси. ассоси ко со бхигку – ‘‘бхаг̇аваа гира ж̇анабад̣̇ажааригам̣ баггамиссад̇ий’’д̇и. ат̇а ко д̇асса бхигкуно зд̇ад̣̇ахоси – ‘‘на д̣̇аанаахам̣ ааяасмад̇аа убананд̣̇зна сагяабуд̇д̇зна сад̣̇д̇хим̣ ж̇анабад̣̇ажааригам̣ баггамиссаами, бхаг̇авад̇аа сад̣̇д̇хим̣ ж̇анабад̣̇ажааригам̣ баггамиссаамий’’д̇и. ат̇а ко ааяасмаа убананд̣̇о сагяабуд̇д̇о д̇ам̣ бхигкум̣ зд̇ад̣̇авожа – ‘‘зхи д̣̇аани, аавусо, ж̇анабад̣̇ажааригам̣ баггамиссаамаа’’д̇и. ‘‘наахам̣, бханд̇з, д̇аяаа сад̣̇д̇хим̣ ж̇анабад̣̇ажааригам̣ баггамиссаами, бхаг̇авад̇аа сад̣̇д̇хим̣ ж̇анабад̣̇ажааригам̣ баггамиссаамий’’д̇и. ‘‘яамби д̇яаахам̣, аавусо, жийварам̣ ад̣̇аасим̣, маяаа сад̣̇д̇хим̣ ж̇анабад̣̇ажааригам̣ баггамиссад̇ий’’д̇и, губид̇о анад̇д̇амано ажчинд̣̇и.
631. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā upanando sakyaputto bhātuno saddhivihārikaṃ bhikkhuṃ etadavoca – ‘‘ehāvuso, janapadacārikaṃ pakkamissāmā’’ti. ‘‘Nāhaṃ, bhante, gamissāmi; dubbalacīvaromhī’’ti. ‘‘Ehāvuso, ahaṃ te cīvaraṃ dassāmī’’ti tassa cīvaraṃ adāsi. Assosi kho so bhikkhu – ‘‘bhagavā kira janapadacārikaṃ pakkamissatī’’ti. Atha kho tassa bhikkhuno etadahosi – ‘‘na dānāhaṃ āyasmatā upanandena sakyaputtena saddhiṃ janapadacārikaṃ pakkamissāmi, bhagavatā saddhiṃ janapadacārikaṃ pakkamissāmī’’ti. Atha kho āyasmā upanando sakyaputto taṃ bhikkhuṃ etadavoca – ‘‘ehi dāni, āvuso, janapadacārikaṃ pakkamissāmā’’ti. ‘‘Nāhaṃ, bhante, tayā saddhiṃ janapadacārikaṃ pakkamissāmi, bhagavatā saddhiṃ janapadacārikaṃ pakkamissāmī’’ti. ‘‘Yampi tyāhaṃ, āvuso, cīvaraṃ adāsiṃ, mayā saddhiṃ janapadacārikaṃ pakkamissatī’’ti, kupito anattamano acchindi.
ат̇а ко со бхигку бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о бхигкусса саамам̣ жийварам̣ д̣̇ад̇ваа губид̇о анад̇д̇амано ажчинд̣̇иссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, бхигкусса саамам̣ жийварам̣ д̣̇ад̇ваа губид̇о анад̇д̇амано ажчинд̣̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса , бхигкусса саамам̣ жийварам̣ д̣̇ад̇ваа губид̇о анад̇д̇амано ажчинд̣̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho so bhikkhu bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto bhikkhussa sāmaṃ cīvaraṃ datvā kupito anattamano acchindissatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, bhikkhussa sāmaṃ cīvaraṃ datvā kupito anattamano acchindī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa , bhikkhussa sāmaṃ cīvaraṃ datvā kupito anattamano acchindissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
632. ‘‘яо бана бхигку бхигкусса саамам̣ жийварам̣ д̣̇ад̇ваа губид̇о анад̇д̇амано ажчинд̣̇зяяа ваа ажчинд̣̇аабзяяа ваа, ниссаг̇г̇ияам̣ баажид̇д̇ияа’’нд̇и.
632.‘‘Yo pana bhikkhu bhikkhussa sāmaṃ cīvaraṃ datvā kupito anattamano acchindeyya vā acchindāpeyya vā, nissaggiyaṃ pācittiya’’nti.
633. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
633.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
бхигкуссаад̇и ан̃н̃асса бхигкусса.
Bhikkhussāti aññassa bhikkhussa.
сааманд̇и саяам̣ д̣̇ад̇ваа.
Sāmanti sayaṃ datvā.
жийварам̣ наама чаннам̣ жийвараанам̣ ан̃н̃ад̇арам̣ жийварам̣, вигаббанубаг̇ам̣ бажчимам̣.
Cīvaraṃ nāma channaṃ cīvarānaṃ aññataraṃ cīvaraṃ, vikappanupagaṃ pacchimaṃ.
губид̇о анад̇д̇аманод̇и анабхирад̣̇д̇хо аахад̇ажид̇д̇о килаж̇аад̇о.
Kupitoanattamanoti anabhiraddho āhatacitto khilajāto.
ажчинд̣̇зяяаад̇и саяам̣ ажчинд̣̇ад̇и, ниссаг̇г̇ияам̣ баажид̇д̇ияам̣ 1.
Acchindeyyāti sayaṃ acchindati, nissaggiyaṃ pācittiyaṃ 2.
ажчинд̣̇аабзяяаад̇и ан̃н̃ам̣ аан̣аабзд̇и, аабад̇д̇и д̣̇уггадасса. сагим̣ аан̣ад̇д̇о б̣ахугамби ажчинд̣̇ад̇и, ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, жийварам̣ бхигкусса саамам̣ д̣̇ад̇ваа ажчиннам̣ ниссаг̇г̇ияам̣ имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и …бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Acchindāpeyyāti aññaṃ āṇāpeti, āpatti dukkaṭassa. Sakiṃ āṇatto bahukampi acchindati, nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, cīvaraṃ bhikkhussa sāmaṃ datvā acchinnaṃ nissaggiyaṃ imāhaṃ saṅghassa nissajjāmīti…pe… dadeyyāti …pe… dadeyyunti…pe… āyasmato dammīti.
634. убасамбаннз убасамбаннасан̃н̃ий жийварам̣ д̣̇ад̇ваа губид̇о анад̇д̇амано ажчинд̣̇ад̇и ваа ажчинд̣̇аабзд̇и ваа, ниссаг̇г̇ияам̣ баажид̇д̇ияам̣. убасамбаннз взмад̇иго жийварам̣ д̣̇ад̇ваа губид̇о анад̇д̇амано ажчинд̣̇ад̇и ваа ажчинд̣̇аабзд̇и ваа, ниссаг̇г̇ияам̣ баажид̇д̇ияам̣. убасамбаннз анубасамбаннасан̃н̃ий жийварам̣ д̣̇ад̇ваа губид̇о анад̇д̇амано ажчинд̣̇ад̇и ваа ажчинд̣̇аабзд̇и ваа, ниссаг̇г̇ияам̣ баажид̇д̇ияам̣.
634. Upasampanne upasampannasaññī cīvaraṃ datvā kupito anattamano acchindati vā acchindāpeti vā, nissaggiyaṃ pācittiyaṃ. Upasampanne vematiko cīvaraṃ datvā kupito anattamano acchindati vā acchindāpeti vā, nissaggiyaṃ pācittiyaṃ. Upasampanne anupasampannasaññī cīvaraṃ datvā kupito anattamano acchindati vā acchindāpeti vā, nissaggiyaṃ pācittiyaṃ.
ан̃н̃ам̣ баригкаарам̣ д̣̇ад̇ваа губид̇о анад̇д̇амано ажчинд̣̇ад̇и ваа ажчинд̣̇аабзд̇и ваа, аабад̇д̇и д̣̇уггадасса. анубасамбаннасса жийварам̣ ваа ан̃н̃ам̣ ваа баригкаарам̣ д̣̇ад̇ваа губид̇о анад̇д̇амано ажчинд̣̇ад̇и ваа ажчинд̣̇аабзд̇и ваа, аабад̇д̇и д̣̇уггадасса. анубасамбаннз убасамбаннасан̃н̃ий, аабад̇д̇и д̣̇уггадасса. анубасамбаннз взмад̇иго, аабад̇д̇и д̣̇уггадасса. анубасамбаннз анубасамбаннасан̃н̃ий, аабад̇д̇и д̣̇уггадасса.
Aññaṃ parikkhāraṃ datvā kupito anattamano acchindati vā acchindāpeti vā, āpatti dukkaṭassa. Anupasampannassa cīvaraṃ vā aññaṃ vā parikkhāraṃ datvā kupito anattamano acchindati vā acchindāpeti vā, āpatti dukkaṭassa. Anupasampanne upasampannasaññī, āpatti dukkaṭassa. Anupasampanne vematiko, āpatti dukkaṭassa. Anupasampanne anupasampannasaññī, āpatti dukkaṭassa.
635. анаабад̇д̇и – со ваа д̣̇зд̇и, д̇асса ваа виссасанд̇о г̇ан̣хаад̇и, уммад̇д̇агасса аад̣̇игаммигассаад̇и.
635. Anāpatti – so vā deti, tassa vā vissasanto gaṇhāti, ummattakassa ādikammikassāti.
жийвараажчинд̣̇анасигкаабад̣̇ам̣ нидтид̇ам̣ бан̃жамам̣.
Cīvaraacchindanasikkhāpadaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
