| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
5. சீவரஅச்சி²ந்த³னஸிக்கா²பத³வண்ணனா
5. Cīvaraacchindanasikkhāpadavaṇṇanā
631. பஞ்சமே யம்பி த்யாஹந்தி எத்த² யந்தி காரணவசனங், தஸ்மா ஏவமெத்த² ஸம்ப³ந்தோ⁴ வேதி³தப்³போ³ – மயா ஸத்³தி⁴ங் ஜனபத³சாரிகங் பக்கமிஸ்ஸதீதி யங் காரணங் நிஸ்ஸாய அஹங் தே, ஆவுஸோ, சீவரங் அதா³ஸிங், தங் ந கரோஸீதி குபிதோ அனத்தமனோ அச்சி²ந்தீ³தி. யந்தி வா சீவரங் பராமஸதி, தத்த² ‘‘மயா ஸத்³தி⁴ங் ஜனபத³சாரிகங் பக்கமிஸ்ஸதீதி யம்பி தே அஹங் சீவரங் அதா³ஸிங், தங் சீவரங் க³ண்ஹிஸ்ஸாமீதி குபிதோ அனத்தமனோ அச்சி²ந்தீ³’’தி ஸம்ப³ந்தி⁴தப்³ப³ங்.
631. Pañcame yampi tyāhanti ettha yanti kāraṇavacanaṃ, tasmā evamettha sambandho veditabbo – mayā saddhiṃ janapadacārikaṃ pakkamissatīti yaṃ kāraṇaṃ nissāya ahaṃ te, āvuso, cīvaraṃ adāsiṃ, taṃ na karosīti kupito anattamano acchindīti. Yanti vā cīvaraṃ parāmasati, tattha ‘‘mayā saddhiṃ janapadacārikaṃ pakkamissatīti yampi te ahaṃ cīvaraṃ adāsiṃ, taṃ cīvaraṃ gaṇhissāmīti kupito anattamano acchindī’’ti sambandhitabbaṃ.
633. ஆணத்தோ ப³ஹூனி க³ண்ஹாதி, ஏகங் பாசித்தியந்தி ‘‘சீவரங் க³ண்ஹா’’தி ஆணத்தியா ஏகசீவரவிஸயத்தா ஏகமேவ பாசித்தியங். வாசாய வாசாய து³க்கடந்தி எத்த² அச்சி²ன்னேஸு வத்து²க³ணனாய பாசித்தியானி. ஏகவாசாய ஸம்ப³ஹுலா ஆபத்தியோதி இத³ங் அச்சி²ன்னேஸு வத்து²க³ணனாய ஆபஜ்ஜிதப்³ப³ங் பாசித்தியாபத்திங் ஸந்தா⁴ய வுத்தங். ஆணத்தியா ஆபஜ்ஜிதப்³ப³ங் பன து³க்கடங் ஏகமேவ.
633.Āṇatto bahūni gaṇhāti, ekaṃ pācittiyanti ‘‘cīvaraṃ gaṇhā’’ti āṇattiyā ekacīvaravisayattā ekameva pācittiyaṃ. Vācāya vācāya dukkaṭanti ettha acchinnesu vatthugaṇanāya pācittiyāni. Ekavācāya sambahulā āpattiyoti idaṃ acchinnesu vatthugaṇanāya āpajjitabbaṃ pācittiyāpattiṃ sandhāya vuttaṃ. Āṇattiyā āpajjitabbaṃ pana dukkaṭaṃ ekameva.
634. ஏவந்தி இமினா ‘‘வத்து²க³ணனாய து³க்கடானீ’’தி இத³ங் பராமஸதி. ஏஸேவ நயோதி ஸிதி²லங் கா³ள்ஹஞ்ச பக்கி²த்தாஸு ஆபத்தியா ப³ஹுத்தங் ஏகத்தஞ்ச அதிதி³ஸ்ஸதி.
634.Evanti iminā ‘‘vatthugaṇanāya dukkaṭānī’’ti idaṃ parāmasati. Eseva nayoti sithilaṃ gāḷhañca pakkhittāsu āpattiyā bahuttaṃ ekattañca atidissati.
635. ஆவுஸோ, மயந்திஆதீ³ஸு க³ண்ஹிதுகாமதாய ஏவங் வுத்தேபி தேனேவ தி³ன்னத்தா அனாபத்தி. அம்ஹாகங் ஸந்திகே உபஜ்ஜ²ங் க³ண்ஹிஸ்ஸதீதி இத³ங் ஸாமணேரஸ்ஸபி தா³னங் தீ³பேதி. தஸ்மா கிஞ்சாபி பாளியங் ‘‘பி⁴க்கு²ஸ்ஸ ஸாமங் சீவரங் த³த்வா’’தி வுத்தங், ததா²பி அனுபஸம்பன்னகாலே த³த்வாபி உபஸம்பன்னகாலே அச்சி²ந்த³ந்தஸ்ஸ பாசித்தியமேவாதி வேதி³தப்³ப³ங். அச்சி²ந்த³னஸமயே உபஸம்பன்னபா⁴வோயேவ ஹெத்த² பமாணங். தே³தீதி துட்டோ² வா குபிதோ வா தே³தி. ருந்த⁴தா²தி நிவாரேத². ஏவங் பன தா³துங் ந வட்டதீதி எத்த² ஏவங் தி³ன்னங் ந தாவ தஸ்ஸ ஸந்தகந்தி அனதி⁴ட்ட²ஹித்வாவ பரிபு⁴ஞ்ஜிதப்³ப³ந்தி வேதி³தப்³ப³ங். ஆஹராபேதுங் பன வட்டதீதி ஏவங் தி³ன்னங் ப⁴திஸதி³ஸத்தா ஆஹராபேதுங் வட்டதி. சஜித்வா தி³ன்னந்தி வுத்தனயேன அத³த்வா அனபெக்கே²ன ஹுத்வா தஸ்ஸேவ தி³ன்னங். ப⁴ண்ட³க்³கே⁴ன காரேதப்³போ³தி ஸகஸஞ்ஞாய வினா க³ண்ஹந்தோ ப⁴ண்ட³ங் அக்³கா⁴பெத்வா ஆபத்தியா காரேதப்³போ³. விகப்பனுபக³பச்சி²மசீவரதா, ஸாமங் தி³ன்னதா, ஸகஸஞ்ஞிதா, உபஸம்பன்னதா, கோத⁴வஸேன அச்சி²ந்த³னங் அச்சி²ந்தா³பனங் வாதி இமானெத்த² பஞ்ச அங்கா³னி.
635.Āvuso, mayantiādīsu gaṇhitukāmatāya evaṃ vuttepi teneva dinnattā anāpatti. Amhākaṃ santike upajjhaṃ gaṇhissatīti idaṃ sāmaṇerassapi dānaṃ dīpeti. Tasmā kiñcāpi pāḷiyaṃ ‘‘bhikkhussa sāmaṃ cīvaraṃ datvā’’ti vuttaṃ, tathāpi anupasampannakāle datvāpi upasampannakāle acchindantassa pācittiyamevāti veditabbaṃ. Acchindanasamaye upasampannabhāvoyeva hettha pamāṇaṃ. Detīti tuṭṭho vā kupito vā deti. Rundhathāti nivāretha. Evaṃ pana dātuṃ na vaṭṭatīti ettha evaṃ dinnaṃ na tāva tassa santakanti anadhiṭṭhahitvāva paribhuñjitabbanti veditabbaṃ. Āharāpetuṃ pana vaṭṭatīti evaṃ dinnaṃ bhatisadisattā āharāpetuṃ vaṭṭati. Cajitvā dinnanti vuttanayena adatvā anapekkhena hutvā tasseva dinnaṃ. Bhaṇḍagghena kāretabboti sakasaññāya vinā gaṇhanto bhaṇḍaṃ agghāpetvā āpattiyā kāretabbo. Vikappanupagapacchimacīvaratā, sāmaṃ dinnatā, sakasaññitā, upasampannatā, kodhavasena acchindanaṃ acchindāpanaṃ vāti imānettha pañca aṅgāni.
சீவரஅச்சி²ந்த³னஸிக்கா²பத³வண்ணனா நிட்டி²தா.
Cīvaraacchindanasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. சீவரஅச்சி²ந்த³னஸிக்கா²பத³ங் • 5. Cīvaraacchindanasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. சீவரஅச்சி²ந்த³னஸிக்கா²பத³வண்ணனா • 5. Cīvaraacchindanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. சீவரஅச்சி²ந்த³னஸிக்கா²பத³வண்ணனா • 5. Cīvaraacchindanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. சீவரஅச்சி²ந்த³னஸிக்கா²பத³வண்ணனா • 5. Cīvaraacchindanasikkhāpadavaṇṇanā
