| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
5. சீவரஅச்சி²ந்த³னஸிக்கா²பத³வண்ணனா
5. Cīvaraacchindanasikkhāpadavaṇṇanā
631. பஞ்சமே யம்பி…பே॰… அச்சி²ந்தீ³தி எத்த² யங் தே அஹங் சீவரங் அதா³ஸிங், தங் ‘‘மயா ஸத்³தி⁴ங் பக்கமிஸ்ஸதீ’’தி ஸஞ்ஞாய அதா³ஸிங், ந அஞ்ஞதா²தி குபிதோ அச்சி²ந்தீ³தி ஏவங் அஜ்ஜா²ஹரித்வா யோஜேதப்³ப³ங்.
631. Pañcame yampi…pe… acchindīti ettha yaṃ te ahaṃ cīvaraṃ adāsiṃ, taṃ ‘‘mayā saddhiṃ pakkamissatī’’ti saññāya adāsiṃ, na aññathāti kupito acchindīti evaṃ ajjhāharitvā yojetabbaṃ.
633. ஏகங் து³க்கடந்தி யதி³ ஆணத்தோ அவஸ்ஸங் அச்சி²ந்த³தி, ஆணத்திக்க²ணே பாசித்தியமேவ. யதி³ ந அச்சி²ந்த³தி, ததா³ ஏவ து³க்கடந்தி த³ட்ட²ப்³ப³ங். ஏகவாசாய ஸம்ப³ஹுலா ஆபத்தியோதி யதி³ ஆணத்தோ அனந்தராயேன அச்சி²ந்த³தி, ஆணத்திக்க²ணேயேவ வத்து²க³ணனாய பாசித்தியஆபத்தியோ பயோக³கரணக்க²ணேயேவ ஆபத்தியா ஆபஜ்ஜிதப்³ப³தோ, சீவரங் பன அச்சி²ன்னேயேவ நிஸ்ஸக்³கி³யங் ஹோதி. யதி³ ஸோ ந அச்சி²ந்த³தி, ஆணத்திக்க²ணே ஏகமேவ து³க்கடந்தி த³ட்ட²ப்³ப³ங். ஏவங் அஞ்ஞத்தா²பி ஈதி³ஸேஸு நயோ ஞாதப்³போ³.
633.Ekaṃ dukkaṭanti yadi āṇatto avassaṃ acchindati, āṇattikkhaṇe pācittiyameva. Yadi na acchindati, tadā eva dukkaṭanti daṭṭhabbaṃ. Ekavācāya sambahulā āpattiyoti yadi āṇatto anantarāyena acchindati, āṇattikkhaṇeyeva vatthugaṇanāya pācittiyaāpattiyo payogakaraṇakkhaṇeyeva āpattiyā āpajjitabbato, cīvaraṃ pana acchinneyeva nissaggiyaṃ hoti. Yadi so na acchindati, āṇattikkhaṇe ekameva dukkaṭanti daṭṭhabbaṃ. Evaṃ aññatthāpi īdisesu nayo ñātabbo.
635. உபஜ்ஜ²ங் க³ண்ஹிஸ்ஸதீதி ஸாமணேரஸ்ஸ தா³னங் தீ³பேதி, தேன ச ஸாமணேரகாலே த³த்வா உபஸம்பன்னகாலே அச்சி²ந்த³தோபி பாசித்தியங் தீ³பேதி. ‘‘பி⁴க்கு²ஸ்ஸ ஸாமங் சீவரங் த³த்வா’’தி இத³ங் உக்கட்ட²வஸேன வுத்தங். ஆஹராபேதுங் பன வட்டதீதி கம்மே அகதே ப⁴திஸதி³ஸத்தா வுத்தங். விகப்பனுபக³பச்சி²மசீவரதா, ஸாமங் தி³ன்னதா, ஸகஸஞ்ஞிதா, உபஸம்பன்னதா, கோத⁴வஸேன அச்சி²ந்த³னங் வா அச்சி²ந்தா³பனங் வாதி இமானெத்த² பஞ்ச அங்கா³னி.
635.Upajjhaṃ gaṇhissatīti sāmaṇerassa dānaṃ dīpeti, tena ca sāmaṇerakāle datvā upasampannakāle acchindatopi pācittiyaṃ dīpeti. ‘‘Bhikkhussa sāmaṃ cīvaraṃ datvā’’ti idaṃ ukkaṭṭhavasena vuttaṃ. Āharāpetuṃ pana vaṭṭatīti kamme akate bhatisadisattā vuttaṃ. Vikappanupagapacchimacīvaratā, sāmaṃ dinnatā, sakasaññitā, upasampannatā, kodhavasena acchindanaṃ vā acchindāpanaṃ vāti imānettha pañca aṅgāni.
சீவரஅச்சி²ந்த³னஸிக்கா²பத³வண்ணனா நிட்டி²தா.
Cīvaraacchindanasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. சீவரஅச்சி²ந்த³னஸிக்கா²பத³ங் • 5. Cīvaraacchindanasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. சீவரஅச்சி²ந்த³னஸிக்கா²பத³வண்ணனா • 5. Cīvaraacchindanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. சீவரஅச்சி²ந்த³னஸிக்கா²பத³வண்ணனா • 5. Cīvaraacchindanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. சீவரஅச்சி²ந்த³னஸிக்கா²பத³வண்ணனா • 5. Cīvaraacchindanasikkhāpadavaṇṇanā
