| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. жийвараажчинд̣̇анасигкаабад̣̇аван̣н̣анаа
5. Cīvaraacchindanasikkhāpadavaṇṇanā
‘‘д̣̇ад̇ваа’’д̇и яам̣ гин̃жи бажжаасийсамаанассзва д̣̇аанамиха ад̇хиббзд̇ам̣, на ниссадтад̣̇аананд̇и ааха ‘‘взяяааважжаад̣̇ийний’’д̇иаад̣̇и. сагасан̃н̃ааяаад̇и ‘‘сага’’нд̇и сан̃н̃ааяа. иминаа баарааж̇игаабхаавам̣ д̣̇ассзд̇и. жаж̇ид̇ваа д̣̇иннамби хи сагасан̃н̃ааяа г̇ан̣хад̇о над̇т̇и баарааж̇игам̣. ажчинд̣̇анд̇ассаад̇и згад̇о аб̣ад̣̇д̇хаани, висум̣ табид̇аани жа б̣ахууни ажчинд̣̇ад̇о, ‘‘сан̇гхаадим̣ аахара, уд̇д̇араасан̇г̇ам̣ аахараа’’д̇и звам̣ аахараабаяад̇о жа. д̇знааха ‘‘вад̇т̇уг̇ан̣анааяа аабад̇д̇ияо’’д̇и. ‘‘маяаа д̣̇иннаани саб̣б̣аани аахараа’’д̇и вад̣̇ад̇оби згаважанзнзва самб̣ахулаа аабад̇д̇ияо. згам̣ жийварам̣ бана згааб̣ад̣̇д̇хаани жа б̣ахууни ажчинд̣̇ад̇о згаа аабад̇д̇и. ‘‘ажчинд̣̇аа’’д̇и аан̣ад̇д̇ияаа д̣̇уггаданд̇и ‘‘маяаа д̣̇иннаани саб̣б̣аани г̇ан̣хаа’’д̇и аан̣ад̇д̇ияаа згам̣ д̣̇уггадам̣, ажчиннзсу бана згаважанзнзва самб̣ахулаа баажид̇д̇ияо. д̇знааха ‘‘ажчиннзсу вад̇т̇уг̇ан̣анааяа аабад̇д̇ияо’’д̇и. ажчиннзсууд̇и д̇знаан̣ад̇д̇зна ажчиннзсу жийварзсу. яад̇т̇а бана бод̇т̇агзсу ‘‘ажчиннзсу яад̇д̇агаани аан̣ад̇д̇аани, д̇зсам̣ г̇ан̣анааяа аабад̇д̇ияо’’д̇и баато, д̇ад̇т̇а яад̇д̇агаани аан̣ад̇д̇аанийд̇и яад̇д̇агаани жийвараани г̇ан̣хид̇ум̣ аан̣ад̇д̇аанийд̇и ад̇т̇о. яам̣ бана саманд̇абаасаад̣̇игааяам̣ ‘‘жийварам̣ ‘г̇ан̣хаа’д̇и аан̣аабзд̇и, згам̣ д̣̇уггадам̣. аан̣ад̇д̇о б̣ахууни г̇ан̣хаад̇и, згам̣ баажид̇д̇ияа’’нд̇и (баараа. адта. 2.633) вуд̇д̇ам̣, д̇ам̣ згааб̣ад̣̇д̇хам̣ санд̇хааяа. зван̃жа гад̇ваа саманд̇абаасаад̣̇игааяа сад̣̇д̇хим̣ имааяа адтагат̇ааяа на гожи вирод̇хо. сажз бана ‘‘сан̇гхаадим̣ г̇ан̣ха, уд̇д̇араасан̇г̇ам̣ г̇ан̣хаа’’д̇и аан̣аабзд̇и, ваажааяа ваажааяа д̣̇уггадам̣. ажчиннзсу вад̇т̇уг̇ан̣анааяа аабад̇д̇ияо. зд̇т̇а жа ‘‘ид̣̇ам̣ мз, бханд̇з, жийварам̣ бхигкусса саамам̣ д̣̇ад̇ваа ажчиннам̣ ниссаг̇г̇ияа’’нд̇и (баараа. 633) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.
‘‘Datvā’’ti yaṃ kiñci paccāsīsamānasseva dānamiha adhippetaṃ, na nissaṭṭhadānanti āha ‘‘veyyāvaccādīnī’’tiādi. Sakasaññāyāti ‘‘saka’’nti saññāya. Iminā pārājikābhāvaṃ dasseti. Cajitvā dinnampi hi sakasaññāya gaṇhato natthi pārājikaṃ. Acchindantassāti ekato abaddhāni, visuṃ ṭhapitāni ca bahūni acchindato, ‘‘saṅghāṭiṃ āhara, uttarāsaṅgaṃ āharā’’ti evaṃ āharāpayato ca. Tenāha ‘‘vatthugaṇanāya āpattiyo’’ti. ‘‘Mayā dinnāni sabbāni āharā’’ti vadatopi ekavacaneneva sambahulā āpattiyo. Ekaṃ cīvaraṃ pana ekābaddhāni ca bahūni acchindato ekā āpatti. ‘‘Acchindā’’ti āṇattiyā dukkaṭanti ‘‘mayā dinnāni sabbāni gaṇhā’’ti āṇattiyā ekaṃ dukkaṭaṃ, acchinnesu pana ekavacaneneva sambahulā pācittiyo. Tenāha ‘‘acchinnesu vatthugaṇanāya āpattiyo’’ti. Acchinnesūti tenāṇattena acchinnesu cīvaresu. Yattha pana potthakesu ‘‘acchinnesu yattakāni āṇattāni, tesaṃ gaṇanāya āpattiyo’’ti pāṭho, tattha yattakāni āṇattānīti yattakāni cīvarāni gaṇhituṃ āṇattānīti attho. Yaṃ pana samantapāsādikāyaṃ ‘‘cīvaraṃ ‘gaṇhā’ti āṇāpeti, ekaṃ dukkaṭaṃ. Āṇatto bahūni gaṇhāti, ekaṃ pācittiya’’nti (pārā. aṭṭha. 2.633) vuttaṃ, taṃ ekābaddhaṃ sandhāya. Evañca katvā samantapāsādikāya saddhiṃ imāya aṭṭhakathāya na koci virodho. Sace pana ‘‘saṅghāṭiṃ gaṇha, uttarāsaṅgaṃ gaṇhā’’ti āṇāpeti, vācāya vācāya dukkaṭaṃ. Acchinnesu vatthugaṇanāya āpattiyo. Ettha ca ‘‘idaṃ me, bhante, cīvaraṃ bhikkhussa sāmaṃ datvā acchinnaṃ nissaggiya’’nti (pārā. 633) iminā nayena nissajjanavidhānaṃ veditabbaṃ.
д̇игабаажид̇д̇ияанд̇и убасамбаннз убасамбаннасан̃н̃ивзмад̇игаанубасамбаннасан̃н̃ийнам̣ васзна д̇ийн̣и баажид̇д̇ияаани. ан̃н̃ам̣ баригкааранд̇и бад̇д̇аад̣̇им̣ ан̃н̃ам̣ баригкаарам̣, анд̇амасо суужимбийд̇и ад̇т̇о. на гзвалам̣ анубасамбаннасса жийварам̣язва ажчинд̣̇ад̇о д̣̇уггаданд̇и ааха ‘‘анубасамбаннасса жаа’’д̇иаад̣̇и. д̇ад̇т̇а яам̣ гин̃жийд̇и жийварам̣ ваа ход̇у, бад̇д̇аад̣̇и, яам̣ гин̃жи баригкаарам̣ ваа. д̇асса виссаасам̣ г̇ан̣ханд̇ассаад̇и яасса д̣̇иннам̣, д̇асса виссаасзна г̇ан̣ханд̇асса, д̇ад̇ияад̇т̇з жзд̇ам̣ убаяог̇аважанам̣. убасамбаннад̇аад̇и ажчинд̣̇анасамаяз убасамбаннабхааво. гин̃жааби убасамбаннабхааво баал̣ияам̣, маад̇игадтагат̇ааяан̃жа д̣̇аанаг̇г̇ахан̣зсу д̣̇иссад̇и, д̇ат̇ааби анубасамбаннагаалз жийварам̣ д̣̇ад̇ваа убасамбаннагаалз ажчинд̣̇анд̇асса аабад̇д̇ид̇о ажчинд̣̇анагаалзязва убасамбаннад̇аа ан̇г̇анд̇и взд̣̇ид̇аб̣б̣ам̣.
Tikapācittiyanti upasampanne upasampannasaññivematikaanupasampannasaññīnaṃ vasena tīṇi pācittiyāni. Aññaṃ parikkhāranti pattādiṃ aññaṃ parikkhāraṃ, antamaso sūcimpīti attho. Na kevalaṃ anupasampannassa cīvaraṃyeva acchindato dukkaṭanti āha ‘‘anupasampannassa cā’’tiādi. Tattha yaṃ kiñcīti cīvaraṃ vā hotu, pattādi, yaṃ kiñci parikkhāraṃ vā. Tassa vissāsaṃ gaṇhantassāti yassa dinnaṃ, tassa vissāsena gaṇhantassa, tatiyatthe cetaṃ upayogavacanaṃ. Upasampannatāti acchindanasamaye upasampannabhāvo. Kiñcāpi upasampannabhāvo pāḷiyaṃ, mātikaṭṭhakathāyañca dānaggahaṇesu dissati, tathāpi anupasampannakāle cīvaraṃ datvā upasampannakāle acchindantassa āpattito acchindanakāleyeva upasampannatā aṅganti veditabbaṃ.
жийвараажчинд̣̇анасигкаабад̣̇аван̣н̣анаа нидтид̇аа.
Cīvaraacchindanasikkhāpadavaṇṇanā niṭṭhitā.
