| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. жийвараажчинд̣̇анасигкаабад̣̇аван̣н̣анаа
5. Cīvaraacchindanasikkhāpadavaṇṇanā
631. бан̃жамз яамби д̇яааханд̇и зд̇т̇а яанд̇и гааран̣аважанам̣, д̇асмаа звамзд̇т̇а самб̣анд̇хо взд̣̇ид̇аб̣б̣о – маяаа сад̣̇д̇хим̣ ж̇анабад̣̇ажааригам̣ баггамиссад̇ийд̇и яам̣ гааран̣ам̣ ниссааяа ахам̣ д̇з, аавусо, жийварам̣ ад̣̇аасим̣, д̇ам̣ на гаросийд̇и губид̇о анад̇д̇амано ажчинд̣̇ийд̇и. яанд̇и ваа жийварам̣ бараамасад̇и, д̇ад̇т̇а ‘‘маяаа сад̣̇д̇хим̣ ж̇анабад̣̇ажааригам̣ баггамиссад̇ийд̇и яамби д̇з ахам̣ жийварам̣ ад̣̇аасим̣, д̇ам̣ жийварам̣ г̇ан̣хиссаамийд̇и губид̇о анад̇д̇амано ажчинд̣̇ий’’д̇и самб̣анд̇хид̇аб̣б̣ам̣.
631. Pañcame yampi tyāhanti ettha yanti kāraṇavacanaṃ, tasmā evamettha sambandho veditabbo – mayā saddhiṃ janapadacārikaṃ pakkamissatīti yaṃ kāraṇaṃ nissāya ahaṃ te, āvuso, cīvaraṃ adāsiṃ, taṃ na karosīti kupito anattamano acchindīti. Yanti vā cīvaraṃ parāmasati, tattha ‘‘mayā saddhiṃ janapadacārikaṃ pakkamissatīti yampi te ahaṃ cīvaraṃ adāsiṃ, taṃ cīvaraṃ gaṇhissāmīti kupito anattamano acchindī’’ti sambandhitabbaṃ.
633. аан̣ад̇д̇о б̣ахууни г̇ан̣хаад̇и, згам̣ баажид̇д̇ияанд̇и ‘‘жийварам̣ г̇ан̣хаа’’д̇и аан̣ад̇д̇ияаа згажийварависаяад̇д̇аа згамзва баажид̇д̇ияам̣. ваажааяа ваажааяа д̣̇уггаданд̇и зд̇т̇а ажчиннзсу вад̇т̇уг̇ан̣анааяа баажид̇д̇ияаани. згаваажааяа самб̣ахулаа аабад̇д̇ияод̇и ид̣̇ам̣ ажчиннзсу вад̇т̇уг̇ан̣анааяа аабаж̇ж̇ид̇аб̣б̣ам̣ баажид̇д̇ияаабад̇д̇им̣ санд̇хааяа вуд̇д̇ам̣. аан̣ад̇д̇ияаа аабаж̇ж̇ид̇аб̣б̣ам̣ бана д̣̇уггадам̣ згамзва.
633.Āṇatto bahūni gaṇhāti, ekaṃ pācittiyanti ‘‘cīvaraṃ gaṇhā’’ti āṇattiyā ekacīvaravisayattā ekameva pācittiyaṃ. Vācāya vācāya dukkaṭanti ettha acchinnesu vatthugaṇanāya pācittiyāni. Ekavācāya sambahulā āpattiyoti idaṃ acchinnesu vatthugaṇanāya āpajjitabbaṃ pācittiyāpattiṃ sandhāya vuttaṃ. Āṇattiyā āpajjitabbaṃ pana dukkaṭaṃ ekameva.
634. званд̇и иминаа ‘‘вад̇т̇уг̇ан̣анааяа д̣̇уггадааний’’д̇и ид̣̇ам̣ бараамасад̇и. зсзва наяод̇и сит̇илам̣ г̇аал̣хан̃жа багкид̇д̇аасу аабад̇д̇ияаа б̣ахуд̇д̇ам̣ згад̇д̇ан̃жа ад̇ид̣̇иссад̇и.
634.Evanti iminā ‘‘vatthugaṇanāya dukkaṭānī’’ti idaṃ parāmasati. Eseva nayoti sithilaṃ gāḷhañca pakkhittāsu āpattiyā bahuttaṃ ekattañca atidissati.
635. аавусо, маяанд̇иаад̣̇ийсу г̇ан̣хид̇угаамад̇ааяа звам̣ вуд̇д̇зби д̇знзва д̣̇иннад̇д̇аа анаабад̇д̇и. амхаагам̣ санд̇игз убаж̇жхам̣ г̇ан̣хиссад̇ийд̇и ид̣̇ам̣ сааман̣зрассаби д̣̇аанам̣ д̣̇ийбзд̇и. д̇асмаа гин̃жааби баал̣ияам̣ ‘‘бхигкусса саамам̣ жийварам̣ д̣̇ад̇ваа’’д̇и вуд̇д̇ам̣, д̇ат̇ааби анубасамбаннагаалз д̣̇ад̇вааби убасамбаннагаалз ажчинд̣̇анд̇асса баажид̇д̇ияамзваад̇и взд̣̇ид̇аб̣б̣ам̣. ажчинд̣̇анасамаяз убасамбаннабхаавоязва хзд̇т̇а бамаан̣ам̣. д̣̇зд̇ийд̇и д̇удто ваа губид̇о ваа д̣̇зд̇и. рунд̇хат̇аад̇и ниваарзт̇а. звам̣ бана д̣̇аад̇ум̣ на ваддад̇ийд̇и зд̇т̇а звам̣ д̣̇иннам̣ на д̇аава д̇асса санд̇аганд̇и анад̇хидтахид̇ваава барибхун̃ж̇ид̇аб̣б̣анд̇и взд̣̇ид̇аб̣б̣ам̣. аахараабзд̇ум̣ бана ваддад̇ийд̇и звам̣ д̣̇иннам̣ бхад̇исад̣̇исад̇д̇аа аахараабзд̇ум̣ ваддад̇и. жаж̇ид̇ваа д̣̇иннанд̇и вуд̇д̇анаязна ад̣̇ад̇ваа анабзгкзна худ̇ваа д̇ассзва д̣̇иннам̣. бхан̣д̣аг̇гхзна гаарзд̇аб̣б̣од̇и сагасан̃н̃ааяа винаа г̇ан̣ханд̇о бхан̣д̣ам̣ аг̇гхаабзд̇ваа аабад̇д̇ияаа гаарзд̇аб̣б̣о. вигаббанубаг̇абажчимажийварад̇аа, саамам̣ д̣̇иннад̇аа, сагасан̃н̃ид̇аа, убасамбаннад̇аа, год̇хавасзна ажчинд̣̇анам̣ ажчинд̣̇аабанам̣ ваад̇и имаанзд̇т̇а бан̃жа ан̇г̇аани.
635.Āvuso, mayantiādīsu gaṇhitukāmatāya evaṃ vuttepi teneva dinnattā anāpatti. Amhākaṃ santike upajjhaṃ gaṇhissatīti idaṃ sāmaṇerassapi dānaṃ dīpeti. Tasmā kiñcāpi pāḷiyaṃ ‘‘bhikkhussa sāmaṃ cīvaraṃ datvā’’ti vuttaṃ, tathāpi anupasampannakāle datvāpi upasampannakāle acchindantassa pācittiyamevāti veditabbaṃ. Acchindanasamaye upasampannabhāvoyeva hettha pamāṇaṃ. Detīti tuṭṭho vā kupito vā deti. Rundhathāti nivāretha. Evaṃ pana dātuṃ na vaṭṭatīti ettha evaṃ dinnaṃ na tāva tassa santakanti anadhiṭṭhahitvāva paribhuñjitabbanti veditabbaṃ. Āharāpetuṃ pana vaṭṭatīti evaṃ dinnaṃ bhatisadisattā āharāpetuṃ vaṭṭati. Cajitvā dinnanti vuttanayena adatvā anapekkhena hutvā tasseva dinnaṃ. Bhaṇḍagghena kāretabboti sakasaññāya vinā gaṇhanto bhaṇḍaṃ agghāpetvā āpattiyā kāretabbo. Vikappanupagapacchimacīvaratā, sāmaṃ dinnatā, sakasaññitā, upasampannatā, kodhavasena acchindanaṃ acchindāpanaṃ vāti imānettha pañca aṅgāni.
жийвараажчинд̣̇анасигкаабад̣̇аван̣н̣анаа нидтид̇аа.
Cīvaraacchindanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. жийвараажчинд̣̇анасигкаабад̣̇ам̣ • 5. Cīvaraacchindanasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
