| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. жийвараажчинд̣̇анасигкаабад̣̇аван̣н̣анаа
5. Cīvaraacchindanasikkhāpadavaṇṇanā
632. сааманд̇и сагасан̃н̃ид̇аанияаманад̇т̇ам̣ вуд̇д̇ам̣. сагасан̃н̃ид̇ааязва хи ажчинд̣̇аабанаажчинд̣̇анзсу ниссаг̇г̇ияам̣, д̇асмаа ниссаг̇г̇ияамуулан̇г̇анид̣̇ассанамзд̇ам̣. ‘‘жийвара’’нд̇и вуд̇д̇ад̇д̇аа ‘‘ажийварам̣ ажчинд̣̇анд̇асса на ниссаг̇г̇ияа’’нд̇и вуд̇д̇амзва ход̇и. ‘‘д̣̇ад̇ваад̇и д̣̇ад̇ваа ваа д̣̇аабзд̇ваа ваа’’д̇и гин̃жааби бад̣̇абхааж̇анам̣ яуж̇ж̇ад̇и, ан̃н̃асса бана санд̇агам̣ ан̃н̃асса бхигкуно д̣̇аабзд̇ваа д̇ам̣ саяам̣ ваа ажчинд̣̇зяяа, д̇знзва ваа ажчинд̣̇аабзяяаад̇и анидтаббасан̇г̇абхаяаа на вуд̇д̇ам̣, ад̇т̇ад̇о бана ад̇д̇ано санд̇агам̣ ан̃н̃зна сад̣̇д̇хивихааригаад̣̇инаа д̣̇аабзд̇ваа, ан̃н̃асса санд̇агам̣ ваа д̇асса виссаасаа д̣̇аабзд̇ваа д̇ам̣ ажчинд̣̇зяяа ваа ажчинд̣̇аабзяяа ваа ниссаг̇г̇ияанд̇и взд̣̇ид̇аб̣б̣ам̣, д̇ан̃жа ко анабзгко д̣̇ад̇ваа. яад̣̇и звам̣ ‘‘жаж̇ид̇ваа д̣̇иннам̣ ажчинд̣̇ид̇ваа г̇ан̣ханд̇о бхан̣д̣аг̇гхзна гаарзд̇аб̣б̣о’’д̇и ид̣̇ам̣ гинд̇и жз? сагасан̃н̃ааяа аг̇г̇ахзд̇ваа ан̃н̃ааяа т̇зяяааяа г̇ан̣ханд̇ам̣ санд̇хааяа вуд̇д̇ам̣, д̇знзва вуд̇д̇ам̣ ‘‘сагасан̃н̃ааяа г̇ахид̇ад̇д̇аа банасса баарааж̇игам̣ над̇т̇ий’’д̇и, абижа ‘‘анаабад̇д̇и со ваа д̣̇зд̇и, д̇асса ваа виссасанд̇о г̇ан̣хаад̇ий’’д̇и важанад̇оби д̇ам̣ сид̣̇д̇хамзва. зд̇д̇аавад̇аа д̇аавагаалигам̣ гад̇ваа д̣̇иннам̣ ажчинд̣̇анд̇асса анаабад̇д̇и саад̇хид̇аа ход̇и. ‘‘амхаагам̣ санд̇игз убаж̇жхам̣ г̇ан̣хиссад̇ий’’д̇иаад̣̇иважанам̣ сааман̣зрасса д̣̇аанам̣ д̣̇ийбзд̇и, д̇ан̃жа ид̇ха наад̇хиббзд̇ам̣. баал̣ияам̣ (баараа. 633-634) убасамбаннз д̇игабаажид̇д̇ияам̣ вияа анубасамбаннз д̇игад̣̇уггадамби ааг̇ад̇анд̇и жз? на, д̇ад̣̇ад̇хиббааяааж̇аананад̇о. анубасамбаннагаалз звам̣ д̣̇ад̇ваа ан̃н̃асса санд̇игз убасамбаннам̣ д̣̇исваа губид̇о жз ажчинд̣̇ад̇и, убасамбаннассзва ваа ‘‘сигкам̣ бажжагкааяа д̇умхаагам̣ санд̇игз убасамбаж̇ж̇иссаамий’’д̇и вад̣̇анд̇асса д̣̇ад̇ваа буна ажчинд̣̇ад̇и жз, ниссаг̇г̇ияанд̇и аяамзд̇т̇а ад̇хиббааяо.
632.Sāmanti sakasaññitāniyamanatthaṃ vuttaṃ. Sakasaññitāyeva hi acchindāpanaacchindanesu nissaggiyaṃ, tasmā nissaggiyamūlaṅganidassanametaṃ. ‘‘Cīvara’’nti vuttattā ‘‘acīvaraṃ acchindantassa na nissaggiya’’nti vuttameva hoti. ‘‘Datvāti datvā vā dāpetvā vā’’ti kiñcāpi padabhājanaṃ yujjati, aññassa pana santakaṃ aññassa bhikkhuno dāpetvā taṃ sayaṃ vā acchindeyya, teneva vā acchindāpeyyāti aniṭṭhappasaṅgabhayā na vuttaṃ, atthato pana attano santakaṃ aññena saddhivihārikādinā dāpetvā, aññassa santakaṃ vā tassa vissāsā dāpetvā taṃ acchindeyya vā acchindāpeyya vā nissaggiyanti veditabbaṃ, tañca kho anapekkho datvā. Yadi evaṃ ‘‘cajitvā dinnaṃ acchinditvā gaṇhanto bhaṇḍagghena kāretabbo’’ti idaṃ kinti ce? Sakasaññāya aggahetvā aññāya theyyāya gaṇhantaṃ sandhāya vuttaṃ, teneva vuttaṃ ‘‘sakasaññāya gahitattā panassa pārājikaṃ natthī’’ti, apica ‘‘anāpatti so vā deti, tassa vā vissasanto gaṇhātī’’ti vacanatopi taṃ siddhameva. Ettāvatā tāvakālikaṃ katvā dinnaṃ acchindantassa anāpatti sādhitā hoti. ‘‘Amhākaṃ santike upajjhaṃ gaṇhissatī’’tiādivacanaṃ sāmaṇerassa dānaṃ dīpeti, tañca idha nādhippetaṃ. Pāḷiyaṃ (pārā. 633-634) upasampanne tikapācittiyaṃ viya anupasampanne tikadukkaṭampi āgatanti ce? Na, tadadhippāyājānanato. Anupasampannakāle evaṃ datvā aññassa santike upasampannaṃ disvā kupito ce acchindati, upasampannasseva vā ‘‘sikkhaṃ paccakkhāya tumhākaṃ santike upasampajjissāmī’’ti vadantassa datvā puna acchindati ce, nissaggiyanti ayamettha adhippāyo.
633. сагим̣ аан̣ад̇д̇о б̣ахугамби ажчинд̣̇ад̇и, ниссаг̇г̇ияанд̇и згаб̣ад̣̇д̇хад̇д̇аа згам̣ баажид̇д̇ияам̣, д̇ам̣ санд̇хааязд̇ам̣ вуд̇д̇ам̣ ‘‘аан̣ад̇д̇о б̣ахууни г̇ан̣хаад̇и, згам̣ баажид̇д̇ияа’’нд̇и. маад̇игаадтагат̇ааяам̣ бана ‘‘вад̇т̇уг̇ан̣анааяа аабад̇д̇ияо’’д̇и вуд̇д̇ам̣, д̇ам̣ аан̣ад̇д̇ияаа б̣ахуд̇д̇аа ‘‘саб̣б̣аани г̇ан̣хаа’’д̇и вад̣̇анд̇асса г̇аахам̣ санд̇хааяа вуд̇д̇ам̣, д̇знзва д̇ад̇т̇а вуд̇д̇ам̣ ‘‘згаваажааяа самб̣ахулаа аабад̇д̇ияо’’д̇и. звам̣ санд̇з баал̣иважанам̣, адтагат̇ааважанад̣̇ваяан̃жа ан̃н̃аман̃н̃ам̣ самзд̇и, барасанд̇агамби ниссаг̇г̇ияам̣ ход̇и бам̣сугуулан̃жа, д̇зна ‘‘д̣̇уссанд̇з б̣ад̣̇д̇харуубияам̣ вияаа’’д̇и вуд̇д̇ам̣, д̇ам̣ д̇ад̣̇ад̇т̇анияамад̣̇ассанад̇т̇ам̣ вуд̇д̇ам̣, яат̇аавачаад̣̇ид̇ам̣ ажчинд̣̇анажид̇д̇зна сажид̇д̇агам̣, важийгаммам̣ бана гзвалам̣ ажчинд̣̇аабзнд̇ассзва ‘‘д̣̇зхий’’д̇и б̣алаггаарзна г̇ан̣хад̇оби взд̣̇ид̇аб̣б̣ам̣, д̇ам̣ на яуд̇д̇ам̣ ‘‘анаабад̇д̇и со ваа д̣̇зд̇ий’’д̇и важанад̇о. ‘‘д̇удто ваа д̣̇удто ваа д̣̇зд̇и, анаабад̇д̇иязваа’’д̇и маад̇игаадтагат̇ааважанад̇о ваад̇и жз? на, убхаяад̇т̇а ад̇д̇ано ружияаа д̣̇аанам̣ санд̇хааяа вуд̇д̇ад̇д̇аа, басаяхаавахаарз анаабад̇д̇иббасан̇г̇ад̇о жа. ‘‘бхигкусса саамам̣ жийварам̣ д̣̇ад̇ваа’д̇и баал̣иважанад̇о жа маад̇игаадтагат̇ааяа ан̇г̇ававад̇т̇аанз ‘убасамбаннад̇аа’д̇и вуд̇д̇ад̇д̇аа жа убхаяад̇т̇а д̣̇аанахаран̣зсу бхигкубхааво ижчид̇аб̣б̣од̇и д̣̇ийбзд̇ий’’д̇и вад̣̇анд̇и, ид̣̇амаяуд̇д̇анд̇и но д̇аггод̇и аажарияо. гасмаа? анубасамбаннасса жийварам̣ д̣̇ад̇ваа д̇ам̣ убасамбаннагаалз ажчинд̣̇анд̇асса анаабад̇д̇иббасан̇г̇ад̇о. ‘‘анубасамбаннасса жийварам̣ ваа ан̃н̃ам̣ ваа баригкаарам̣ д̣̇ад̇ваа…бз… аабад̇д̇и д̣̇уггадассаа’’д̇и важанад̇о д̣̇уггадам̣ д̇ад̇т̇а ход̇ийд̇и жз? наасид̣̇д̇хад̇д̇аа, д̣̇аанагаалз зва убасамбаннад̇аа бамаан̣анд̇и асид̣̇д̇хамзд̇ам̣ адтагат̇ааяа ваа баал̣ияаа ваа яуд̇д̇ид̇о ваа, д̇асмаа д̇ам̣ на яуд̇д̇анд̇и ад̇т̇о. анубасамбаннасса жийварам̣ д̣̇ад̇ваа д̇ассзва анубасамбаннагаалзязва жийварам̣ ажчинд̣̇анд̇асса д̣̇уггадам̣, убасамбаннагаалз ваа д̣̇ад̇ваа анубасамбаннагаалз ажчинд̣̇анд̇асса д̣̇уггаданд̇и д̇асса важанасса ид̣̇ам̣ вигаббанд̇аран̃жа самбхавад̇и, д̇асмаа (баараа. 631 аад̣̇аяо) вигаббанд̇арасса самбхавад̇о жа на яуд̇д̇ам̣, яасмаа анубасамбаннагаалз д̣̇ад̇ваа убасамбаннагаалз ажчинд̣̇анд̇асса висум̣ д̣̇уггадам̣ на бан̃н̃ад̇д̇ам̣, д̇асмаа бураан̣ажийварад̇ховаабанаад̣̇исигкаабад̣̇зсу вияа абарабхааг̇з убасамбаннад̇аа жзд̇т̇а бамаан̣ам̣, д̇асмаа ‘‘убасамбаннад̇аа’’д̇и ан̇г̇зсу вуд̇д̇ад̇д̇аа жа д̇ам̣ на яуд̇д̇анд̇и ад̇т̇о. зд̇т̇а ‘‘бажжаасийсанд̇ассзва д̣̇аанамад̇хиббзд̇ам̣, на ниссадтад̣̇аана’’нд̇и д̇хаммасирид̇т̇зро вад̣̇ад̇и гира, виймам̣сид̇аб̣б̣ам̣.
633. Sakiṃ āṇatto bahukampi acchindati, nissaggiyanti ekabaddhattā ekaṃ pācittiyaṃ, taṃ sandhāyetaṃ vuttaṃ ‘‘āṇatto bahūni gaṇhāti, ekaṃ pācittiya’’nti. Mātikāṭṭhakathāyaṃ pana ‘‘vatthugaṇanāya āpattiyo’’ti vuttaṃ, taṃ āṇattiyā bahuttā ‘‘sabbāni gaṇhā’’ti vadantassa gāhaṃ sandhāya vuttaṃ, teneva tattha vuttaṃ ‘‘ekavācāya sambahulā āpattiyo’’ti. Evaṃ sante pāḷivacanaṃ, aṭṭhakathāvacanadvayañca aññamaññaṃ sameti, parasantakampi nissaggiyaṃ hoti paṃsukūlañca, tena ‘‘dussante baddharūpiyaṃ viyā’’ti vuttaṃ, taṃ tadatthaniyamadassanatthaṃ vuttaṃ, yathāvachāditaṃ acchindanacittena sacittakaṃ, vacīkammaṃ pana kevalaṃ acchindāpentasseva ‘‘dehī’’ti balakkārena gaṇhatopi veditabbaṃ, taṃ na yuttaṃ ‘‘anāpatti so vā detī’’ti vacanato. ‘‘Tuṭṭho vā duṭṭho vā deti, anāpattiyevā’’ti mātikāṭṭhakathāvacanato vāti ce? Na, ubhayattha attano ruciyā dānaṃ sandhāya vuttattā, pasayhāvahāre anāpattippasaṅgato ca. ‘‘Bhikkhussa sāmaṃ cīvaraṃ datvā’ti pāḷivacanato ca mātikāṭṭhakathāya aṅgavavatthāne ‘upasampannatā’ti vuttattā ca ubhayattha dānaharaṇesu bhikkhubhāvo icchitabboti dīpetī’’ti vadanti, idamayuttanti no takkoti ācariyo. Kasmā? Anupasampannassa cīvaraṃ datvā taṃ upasampannakāle acchindantassa anāpattippasaṅgato. ‘‘Anupasampannassa cīvaraṃ vā aññaṃ vā parikkhāraṃ datvā…pe… āpatti dukkaṭassā’’ti vacanato dukkaṭaṃ tattha hotīti ce? Nāsiddhattā, dānakāle eva upasampannatā pamāṇanti asiddhametaṃ aṭṭhakathāya vā pāḷiyā vā yuttito vā, tasmā taṃ na yuttanti attho. Anupasampannassa cīvaraṃ datvā tasseva anupasampannakāleyeva cīvaraṃ acchindantassa dukkaṭaṃ, upasampannakāle vā datvā anupasampannakāle acchindantassa dukkaṭanti tassa vacanassa idaṃ vikappantarañca sambhavati, tasmā (pārā. 631 ādayo) vikappantarassa sambhavato ca na yuttaṃ, yasmā anupasampannakāle datvā upasampannakāle acchindantassa visuṃ dukkaṭaṃ na paññattaṃ, tasmā purāṇacīvaradhovāpanādisikkhāpadesu viya aparabhāge upasampannatā cettha pamāṇaṃ, tasmā ‘‘upasampannatā’’ti aṅgesu vuttattā ca taṃ na yuttanti attho. Ettha ‘‘paccāsīsantasseva dānamadhippetaṃ, na nissaṭṭhadāna’’nti dhammasiritthero vadati kira, vīmaṃsitabbaṃ.
жийвараажчинд̣̇анасигкаабад̣̇аван̣н̣анаа нидтид̇аа.
Cīvaraacchindanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. жийвараажчинд̣̇анасигкаабад̣̇ам̣ • 5. Cīvaraacchindanasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
