| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. жийвараажчинд̣̇анасигкаабад̣̇аван̣н̣анаа
5. Cīvaraacchindanasikkhāpadavaṇṇanā
631. бан̃жамз яамби…бз… ажчинд̣̇ийд̇и зд̇т̇а яам̣ д̇з ахам̣ жийварам̣ ад̣̇аасим̣, д̇ам̣ ‘‘маяаа сад̣̇д̇хим̣ баггамиссад̇ий’’д̇и сан̃н̃ааяа ад̣̇аасим̣, на ан̃н̃ат̇аад̇и губид̇о ажчинд̣̇ийд̇и звам̣ аж̇жхаахарид̇ваа яож̇зд̇аб̣б̣ам̣.
631. Pañcame yampi…pe… acchindīti ettha yaṃ te ahaṃ cīvaraṃ adāsiṃ, taṃ ‘‘mayā saddhiṃ pakkamissatī’’ti saññāya adāsiṃ, na aññathāti kupito acchindīti evaṃ ajjhāharitvā yojetabbaṃ.
633. згам̣ д̣̇уггаданд̇и яад̣̇и аан̣ад̇д̇о авассам̣ ажчинд̣̇ад̇и, аан̣ад̇д̇игкан̣з баажид̇д̇ияамзва. яад̣̇и на ажчинд̣̇ад̇и, д̇ад̣̇аа зва д̣̇уггаданд̇и д̣̇адтаб̣б̣ам̣. згаваажааяа самб̣ахулаа аабад̇д̇ияод̇и яад̣̇и аан̣ад̇д̇о ананд̇арааязна ажчинд̣̇ад̇и, аан̣ад̇д̇игкан̣зязва вад̇т̇уг̇ан̣анааяа баажид̇д̇ияааабад̇д̇ияо баяог̇агаран̣агкан̣зязва аабад̇д̇ияаа аабаж̇ж̇ид̇аб̣б̣ад̇о, жийварам̣ бана ажчиннзязва ниссаг̇г̇ияам̣ ход̇и. яад̣̇и со на ажчинд̣̇ад̇и, аан̣ад̇д̇игкан̣з згамзва д̣̇уггаданд̇и д̣̇адтаб̣б̣ам̣. звам̣ ан̃н̃ад̇т̇ааби ийд̣̇исзсу наяо н̃аад̇аб̣б̣о.
633.Ekaṃ dukkaṭanti yadi āṇatto avassaṃ acchindati, āṇattikkhaṇe pācittiyameva. Yadi na acchindati, tadā eva dukkaṭanti daṭṭhabbaṃ. Ekavācāya sambahulā āpattiyoti yadi āṇatto anantarāyena acchindati, āṇattikkhaṇeyeva vatthugaṇanāya pācittiyaāpattiyo payogakaraṇakkhaṇeyeva āpattiyā āpajjitabbato, cīvaraṃ pana acchinneyeva nissaggiyaṃ hoti. Yadi so na acchindati, āṇattikkhaṇe ekameva dukkaṭanti daṭṭhabbaṃ. Evaṃ aññatthāpi īdisesu nayo ñātabbo.
635. убаж̇жхам̣ г̇ан̣хиссад̇ийд̇и сааман̣зрасса д̣̇аанам̣ д̣̇ийбзд̇и, д̇зна жа сааман̣зрагаалз д̣̇ад̇ваа убасамбаннагаалз ажчинд̣̇ад̇оби баажид̇д̇ияам̣ д̣̇ийбзд̇и. ‘‘бхигкусса саамам̣ жийварам̣ д̣̇ад̇ваа’’д̇и ид̣̇ам̣ уггадтавасзна вуд̇д̇ам̣. аахараабзд̇ум̣ бана ваддад̇ийд̇и гаммз агад̇з бхад̇исад̣̇исад̇д̇аа вуд̇д̇ам̣. вигаббанубаг̇абажчимажийварад̇аа, саамам̣ д̣̇иннад̇аа, сагасан̃н̃ид̇аа, убасамбаннад̇аа, год̇хавасзна ажчинд̣̇анам̣ ваа ажчинд̣̇аабанам̣ ваад̇и имаанзд̇т̇а бан̃жа ан̇г̇аани.
635.Upajjhaṃ gaṇhissatīti sāmaṇerassa dānaṃ dīpeti, tena ca sāmaṇerakāle datvā upasampannakāle acchindatopi pācittiyaṃ dīpeti. ‘‘Bhikkhussa sāmaṃ cīvaraṃ datvā’’ti idaṃ ukkaṭṭhavasena vuttaṃ. Āharāpetuṃ pana vaṭṭatīti kamme akate bhatisadisattā vuttaṃ. Vikappanupagapacchimacīvaratā, sāmaṃ dinnatā, sakasaññitā, upasampannatā, kodhavasena acchindanaṃ vā acchindāpanaṃ vāti imānettha pañca aṅgāni.
жийвараажчинд̣̇анасигкаабад̣̇аван̣н̣анаа нидтид̇аа.
Cīvaraacchindanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. жийвараажчинд̣̇анасигкаабад̣̇ам̣ • 5. Cīvaraacchindanasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. жийвараажчинд̣̇анасигкаабад̣̇аван̣н̣анаа • 5. Cīvaraacchindanasikkhāpadavaṇṇanā
