| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
жийварагканд̇хагагат̇ааван̣н̣анаа
Cīvarakkhandhakakathāvaṇṇanā
2726-7. жийварам̣ уббаж̇ж̇ад̇и зд̇аасууд̇и ‘‘уббаад̣̇аа’’д̇и ж̇анигаава вужжанд̇и, жийваравад̇т̇абарилаабхагкзд̇д̇анд̇и ад̇т̇о. яат̇ааха – ‘‘яат̇аавуд̇д̇аанам̣ жийвараанам̣ бадилаабхааяа кзд̇д̇ам̣ д̣̇ассзд̇ум̣ адтимаа бхигкавз маад̇игаад̇иаад̣̇имаахаа’’д̇и (махаава. адта. 379). жийварамаад̇игаад̇и жийваруббаад̣̇ахзд̇убхууд̇амаад̇аро. д̇знааха гат̇инагканд̇хагаван̣н̣анааяам̣ ‘‘маад̇игаад̇и маад̇аро, ж̇анзд̇д̇ияод̇и ад̇т̇о’’д̇и (махаава. адта. 310). маад̇игаад̇и жзд̇т̇а жийварад̣̇аанамад̇хиббзд̇ам̣. яат̇ааха ‘‘сиймааяа д̣̇аанам̣ згаа маад̇игаа, гад̇игааяа д̣̇аанам̣ д̣̇уд̇ияаа’’д̇иаад̣̇и. сиймааяа д̣̇зд̇и, гад̇игааяа д̣̇зд̇и, бхигкаабан̃н̃ад̇д̇ияаа д̣̇зд̇и, сан̇гхасса д̣̇зд̇и, убхад̇осан̇гхз д̣̇зд̇и, вассам̣вуд̇т̇асан̇гхасса д̣̇зд̇и, аад̣̇исса д̣̇зд̇и, буг̇г̇аласса д̣̇зд̇и. ‘‘имаа бана адта маад̇игаа’’д̇и вуд̇д̇амзва ниг̇аманавасзна вуд̇д̇ам̣.
2726-7. Cīvaraṃ uppajjati etāsūti ‘‘uppādā’’ti janikāva vuccanti, cīvaravatthaparilābhakkhettanti attho. Yathāha – ‘‘yathāvuttānaṃ cīvarānaṃ paṭilābhāya khettaṃ dassetuṃ aṭṭhimā bhikkhave mātikātiādimāhā’’ti (mahāva. aṭṭha. 379). Cīvaramātikāti cīvaruppādahetubhūtamātaro. Tenāha kathinakkhandhakavaṇṇanāyaṃ ‘‘mātikāti mātaro, janettiyoti attho’’ti (mahāva. aṭṭha. 310). Mātikāti cettha cīvaradānamadhippetaṃ. Yathāha ‘‘sīmāya dānaṃ ekā mātikā, katikāya dānaṃ dutiyā’’tiādi. Sīmāya deti, katikāya deti, bhikkhāpaññattiyā deti, saṅghassa deti, ubhatosaṅghe deti, vassaṃvutthasaṅghassa deti, ādissa deti, puggalassa deti. ‘‘Imā pana aṭṭha mātikā’’ti vuttameva nigamanavasena vuttaṃ.
2728. д̇ад̇т̇аад̇и д̇аасу адтамаад̇игаасу. сиймааяа д̣̇зд̇ийд̇и ‘‘сиймааяа д̣̇аммий’’д̇и звам̣ сиймам̣ бараамасид̇ваа д̣̇знд̇о сиймааяа д̣̇зд̇и, звам̣ д̣̇иннам̣ анд̇осиймаг̇ад̇зхи бхигкуухи бхааж̇зд̇аб̣б̣анд̇и ван̣н̣ид̇анд̇и яож̇анаа. д̇ад̇т̇а анд̇осиймаг̇ад̇зхийд̇и д̣̇ааяаго яам̣ сиймам̣ абзгкид̇ваа звамааха, д̇ассаа сиймааяа анд̇ог̇ад̇зхи саб̣б̣зхи. бхааж̇зд̇аб̣б̣анд̇и д̇ам̣ жийварам̣ бхааж̇зд̇аб̣б̣ам̣. вараван̣н̣инаад̇и ‘‘ид̇иби со бхаг̇аваа араха’’нд̇иаад̣̇инаа сагалалогаб̣яаабиг̇ун̣аад̇исаяаяуд̇д̇зна б̣яаамаббабхааяа, чаб̣б̣ан̣н̣аанам̣ рам̣сийнан̃жа васзна уд̇д̇амаббабхаад̇исаяаяуд̇д̇зна вараван̣н̣инаа ван̣н̣ид̇ам̣ гат̇ид̇ам̣. аяамзд̇т̇а бад̣̇аван̣н̣анаа, аяам̣ бана винижчаяо – сиймааяа д̣̇зд̇ийд̇и зд̇т̇а д̇аава кан̣д̣асиймаа убажаарасиймаа самаанасам̣ваасасиймаа авиббаваасасиймаа лаабхасиймаа г̇аамасиймаа ниг̇амасиймаа наг̇арасиймаа аб̣бханд̇арасиймаа уд̣̇агугкзбасиймаа ж̇анабад̣̇асиймаа радтасиймаа раж̇ж̇асиймаа д̣̇ийбасиймаа жаггаваал̣асиймаа ид̇и баннараса сиймаа взд̣̇ид̇аб̣б̣аа.
2728.Tatthāti tāsu aṭṭhamātikāsu. Sīmāya detīti ‘‘sīmāya dammī’’ti evaṃ sīmaṃ parāmasitvā dento sīmāya deti, evaṃ dinnaṃ antosīmagatehi bhikkhūhi bhājetabbanti vaṇṇitanti yojanā. Tattha antosīmagatehīti dāyako yaṃ sīmaṃ apekkhitvā evamāha, tassā sīmāya antogatehi sabbehi. Bhājetabbanti taṃ cīvaraṃ bhājetabbaṃ. Varavaṇṇināti ‘‘itipi so bhagavā araha’’ntiādinā sakalalokabyāpiguṇātisayayuttena byāmappabhāya, chabbaṇṇānaṃ raṃsīnañca vasena uttamappabhātisayayuttena varavaṇṇinā vaṇṇitaṃ kathitaṃ. Ayamettha padavaṇṇanā, ayaṃ pana vinicchayo – sīmāya detīti ettha tāva khaṇḍasīmā upacārasīmā samānasaṃvāsasīmā avippavāsasīmā lābhasīmā gāmasīmā nigamasīmā nagarasīmā abbhantarasīmā udakukkhepasīmā janapadasīmā raṭṭhasīmā rajjasīmā dīpasīmā cakkavāḷasīmā iti pannarasa sīmā veditabbā.
д̇ад̇т̇а кан̣д̣асиймаа сиймаагат̇ааяам̣ вуд̇д̇аа. убажаарасиймаа баригкид̇д̇асса вихаарасса баригкзбзна, абаригкид̇д̇асса вихаарасса баригкзбаарахадтаанзна барижчиннаа ход̇и. абижа бхигкуунам̣ д̇хувасаннибаад̇адтаанад̇о ваа барияанд̇з тид̇абхож̇анасаалад̇о ваа ниб̣ад̣̇д̇хавасанагаааваасад̇о ваа т̇аамамаж̇жхимасса бурисасса д̣̇виннам̣ лзд̣д̣убаад̇аанам̣ анд̇о убажаарасиймаа взд̣̇ид̇аб̣б̣аа. саа бана ааваасзсу вад̣дханд̇зсу вад̣дхад̇и, барихааяанд̇зсу барихааяад̇и. махаабажжарияам̣ бана ‘‘бхигкуусуби вад̣дханд̇зсу вад̣дхад̇ий’’д̇и (махаава. адта. 379) вуд̇д̇ам̣. д̇асмаа сажз вихаарз саннибад̇ид̇абхигкуухи сад̣̇д̇хим̣ згааб̣ад̣̇д̇хаа худ̇ваа яож̇анасад̇амби буурзд̇ваа нисийд̣̇анд̇и, яож̇анасад̇амби убажаарасиймаава ход̇и, саб̣б̣зсам̣ лаабхо баабун̣аад̇и. самаанасам̣ваасаавиббаваасасиймаад̣̇ваяамби вуд̇д̇амзва.
Tattha khaṇḍasīmā sīmākathāyaṃ vuttā. Upacārasīmā parikkhittassa vihārassa parikkhepena, aparikkhittassa vihārassa parikkhepārahaṭṭhānena paricchinnā hoti. Apica bhikkhūnaṃ dhuvasannipātaṭṭhānato vā pariyante ṭhitabhojanasālato vā nibaddhavasanakaāvāsato vā thāmamajjhimassa purisassa dvinnaṃ leḍḍupātānaṃ anto upacārasīmā veditabbā. Sā pana āvāsesu vaḍḍhantesu vaḍḍhati, parihāyantesu parihāyati. Mahāpaccariyaṃ pana ‘‘bhikkhūsupi vaḍḍhantesu vaḍḍhatī’’ti (mahāva. aṭṭha. 379) vuttaṃ. Tasmā sace vihāre sannipatitabhikkhūhi saddhiṃ ekābaddhā hutvā yojanasatampi pūretvā nisīdanti, yojanasatampi upacārasīmāva hoti, sabbesaṃ lābho pāpuṇāti. Samānasaṃvāsaavippavāsasīmādvayampi vuttameva.
лаабхасиймаа наама нзва саммаасамб̣уд̣̇д̇хзна анун̃н̃аад̇аа, на д̇хаммасан̇г̇аахагад̇т̇зрзхи табид̇аа, абижа ко рааж̇арааж̇амахаамад̇д̇аа вихаарам̣ гаарзд̇ваа г̇аавуд̇ам̣ ваа ад̣дхаяож̇анам̣ ваа яож̇анам̣ ваа саманд̇ад̇о барижчинд̣̇ид̇ваа ‘‘аяам̣ амхаагам̣ вихаарасса лаабхасиймаа’’д̇и наамаликид̇агз т̇амбхз никан̣ид̇ваа ‘‘яам̣ зд̇т̇анд̇арз уббаж̇ж̇ад̇и, саб̣б̣ам̣ д̇ам̣ амхаагам̣ вихаарасса д̣̇змаа’’д̇и сиймам̣ табзнд̇и, аяам̣ лаабхасиймаа наама. г̇ааманиг̇аманаг̇арааб̣бханд̇арауд̣̇агугкзбасиймааби вуд̇д̇аа зва.
Lābhasīmā nāma neva sammāsambuddhena anuññātā, na dhammasaṅgāhakattherehi ṭhapitā, apica kho rājarājamahāmattā vihāraṃ kāretvā gāvutaṃ vā aḍḍhayojanaṃ vā yojanaṃ vā samantato paricchinditvā ‘‘ayaṃ amhākaṃ vihārassa lābhasīmā’’ti nāmalikhitake thambhe nikhaṇitvā ‘‘yaṃ etthantare uppajjati, sabbaṃ taṃ amhākaṃ vihārassa demā’’ti sīmaṃ ṭhapenti, ayaṃ lābhasīmā nāma. Gāmanigamanagaraabbhantaraudakukkhepasīmāpi vuttā eva.
ж̇анабад̣̇асиймаа наама гаасигосаларадтаад̣̇ийнам̣ анд̇о б̣ахуу ж̇анабад̣̇аа хонд̇и, зд̇т̇а згзго ж̇анабад̣̇абарижчзд̣̇о ж̇анабад̣̇асиймаа. радтасиймаа наама гаасигосалаад̣̇ирадтабарижчзд̣̇о. раж̇ж̇асиймаа наама махаажол̣абхог̇о гзрал̣абхог̇од̇и звам̣ згзгасса ран̃н̃о аан̣аабавад̇д̇идтаанам̣. д̣̇ийбасиймаа наама самуд̣̇д̣̇анд̇зна самужчиннамахаад̣̇ийбаа жа анд̇арад̣̇ийбаа жа. жаггаваал̣асиймаа наама жаггаваал̣абаб̣б̣ад̇знзва барижчиннаа.
Janapadasīmā nāma kāsikosalaraṭṭhādīnaṃ anto bahū janapadā honti, ettha ekeko janapadaparicchedo janapadasīmā. Raṭṭhasīmā nāma kāsikosalādiraṭṭhaparicchedo. Rajjasīmā nāma mahācoḷabhogo keraḷabhogoti evaṃ ekekassa rañño āṇāpavattiṭṭhānaṃ. Dīpasīmā nāma samuddantena samucchinnamahādīpā ca antaradīpā ca. Cakkavāḷasīmā nāma cakkavāḷapabbateneva paricchinnā.
звамзд̇аасу сиймаасу кан̣д̣асиймааяа гзнажи гаммзна саннибад̇ид̇ам̣ сан̇гхам̣ д̣̇исваа ‘‘зд̇т̇зва сиймааяа сан̇гхасса д̣̇змий’’д̇и вуд̇д̇з яаавад̇игаа бхигкуу анд̇окан̣д̣асиймаг̇ад̇аа, д̇зхи бхааж̇зд̇аб̣б̣ам̣. д̇зсам̣язва хи д̇ам̣ баабун̣аад̇и, ан̃н̃зсам̣ сийманд̇аригааяа ваа убажаарасиймааяа ваа тид̇аанамби на баабун̣аад̇и. кан̣д̣асиймааяа тид̇з бана ругкз ваа баб̣б̣ад̇з ваа тид̇асса хздтаа ваа бат̇авияаа взмаж̇жхам̣ г̇ад̇асса баабун̣аад̇иязва.
Evametāsu sīmāsu khaṇḍasīmāya kenaci kammena sannipatitaṃ saṅghaṃ disvā ‘‘ettheva sīmāya saṅghassa demī’’ti vutte yāvatikā bhikkhū antokhaṇḍasīmagatā, tehi bhājetabbaṃ. Tesaṃyeva hi taṃ pāpuṇāti, aññesaṃ sīmantarikāya vā upacārasīmāya vā ṭhitānampi na pāpuṇāti. Khaṇḍasīmāya ṭhite pana rukkhe vā pabbate vā ṭhitassa heṭṭhā vā pathaviyā vemajjhaṃ gatassa pāpuṇātiyeva.
‘‘имиссаа убажаарасиймааяа сан̇гхасса д̣̇аммий’’д̇и д̣̇иннам̣ бана кан̣д̣асиймаасийманд̇аригаасу тид̇аанамби баабун̣аад̇и. ‘‘самаанасам̣ваасасиймааяа д̣̇аммий’’д̇и д̣̇иннам̣ бана кан̣д̣асиймаасийманд̇аригаасу тид̇аанам̣ на баабун̣аад̇и. авиббаваасасиймаалаабхасиймаасу д̣̇иннам̣ д̇аасу сиймаасу анд̇ог̇ад̇аанам̣язва баабун̣аад̇и. г̇аамасиймаад̣̇ийсу д̣̇иннам̣ д̇аасам̣ сиймаанам̣ аб̣бханд̇арз б̣ад̣̇д̇хасиймааяа тид̇аанамби баабун̣аад̇и. аб̣бханд̇арасиймаауд̣̇агугкзбасиймаасу д̣̇иннам̣ д̇ад̇т̇а анд̇ог̇ад̇аанам̣язва баабун̣аад̇и. ж̇анабад̣̇арадтараж̇ж̇ад̣̇ийбажаггаваал̣асиймаасуби г̇аамасиймаад̣̇ийсу вуд̇д̇асад̣̇исоязва винижчаяо.
‘‘Imissā upacārasīmāya saṅghassa dammī’’ti dinnaṃ pana khaṇḍasīmāsīmantarikāsu ṭhitānampi pāpuṇāti. ‘‘Samānasaṃvāsasīmāya dammī’’ti dinnaṃ pana khaṇḍasīmāsīmantarikāsu ṭhitānaṃ na pāpuṇāti. Avippavāsasīmālābhasīmāsu dinnaṃ tāsu sīmāsu antogatānaṃyeva pāpuṇāti. Gāmasīmādīsu dinnaṃ tāsaṃ sīmānaṃ abbhantare baddhasīmāya ṭhitānampi pāpuṇāti. Abbhantarasīmāudakukkhepasīmāsu dinnaṃ tattha antogatānaṃyeva pāpuṇāti. Janapadaraṭṭharajjadīpacakkavāḷasīmāsupi gāmasīmādīsu vuttasadisoyeva vinicchayo.
сажз бана ж̇амб̣уд̣̇ийбз тид̇о ‘‘д̇амб̣абан̣н̣ид̣̇ийбз сан̇гхасса д̣̇аммий’’д̇и вад̣̇ад̇и, д̇амб̣абан̣н̣ид̣̇ийбад̇о згоби г̇анд̇ваа саб̣б̣зсам̣ г̇ан̣хид̇ум̣ лабхад̇и. сажзби д̇ад̇рзва зго сабхааг̇абхигку сабхааг̇аанам̣ бхааг̇ам̣ г̇ан̣хаад̇и, на ваарзд̇аб̣б̣о. звам̣ д̇аава яо сиймам̣ бараамасид̇ваа д̣̇зд̇и, д̇асса д̣̇аанз винижчаяо взд̣̇ид̇аб̣б̣о.
Sace pana jambudīpe ṭhito ‘‘tambapaṇṇidīpe saṅghassa dammī’’ti vadati, tambapaṇṇidīpato ekopi gantvā sabbesaṃ gaṇhituṃ labhati. Sacepi tatreva eko sabhāgabhikkhu sabhāgānaṃ bhāgaṃ gaṇhāti, na vāretabbo. Evaṃ tāva yo sīmaṃ parāmasitvā deti, tassa dāne vinicchayo veditabbo.
яо бана ‘‘асугасиймааяаа’’д̇и вад̇д̇ум̣ на ж̇аанаад̇и, гзвалам̣ ‘‘сиймаа’’д̇и важанамад̇д̇амзва ж̇аананд̇о вихаарам̣ ааг̇анд̇ваа ‘‘сиймааяа д̣̇аммий’’д̇и ваа ‘‘сиймадтагасан̇гхасса д̣̇аммий’’д̇и ваа бхан̣ад̇и, со бужчид̇аб̣б̣о ‘‘сиймаа наама б̣ахувид̇хаа, гад̇арам̣ сиймам̣ санд̇хааяа бхан̣асий’’д̇и, сажз вад̣̇ад̇и ‘‘ахам̣ ‘асугасиймаа’д̇и на ж̇аанаами, сиймадтагасан̇гхо бхааж̇зд̇ваа г̇ан̣хад̇уу’’д̇и, гад̇арасиймааяа бхааж̇зд̇аб̣б̣ам̣? махаасийвад̇т̇зро гирааха ‘‘авиббаваасасиймааяаа’’д̇и. д̇ад̇о нам̣ аахам̣су ‘‘авиббаваасасиймаа наама д̇ияож̇анааби ход̇и, звам̣ санд̇з д̇ияож̇анз тид̇аа лаабхам̣ г̇ан̣хиссанд̇и, д̇ияож̇анз тад̇ваа ааг̇анд̇угавад̇д̇ам̣ буурзд̇ваа аараамам̣ бависид̇аб̣б̣ам̣ бхависсад̇и, г̇амиго д̇ияож̇анам̣ г̇анд̇ваа сзнаасанам̣ аабужчиссад̇и, ниссаяабадибаннасса д̇ияож̇анаад̇иггамз ниссаяо бадиббассамбхиссад̇и, баариваасигзна д̇ияож̇анам̣ ад̇иггамид̇ваа арун̣ам̣ удтаабзд̇аб̣б̣ам̣ бхависсад̇и, бхигкунияаа д̇ияож̇анз тад̇ваа аараамаббавзсанам̣ аабужчид̇аб̣б̣ам̣ бхависсад̇и, саб̣б̣амбзд̇ам̣ убажаарасиймаабарижчзд̣̇авасзнзва гад̇д̇ум̣ ваддад̇и. д̇асмаа убажаарасиймааяамзва бхааж̇зд̇аб̣б̣а’’нд̇и.
Yo pana ‘‘asukasīmāyā’’ti vattuṃ na jānāti, kevalaṃ ‘‘sīmā’’ti vacanamattameva jānanto vihāraṃ āgantvā ‘‘sīmāya dammī’’ti vā ‘‘sīmaṭṭhakasaṅghassa dammī’’ti vā bhaṇati, so pucchitabbo ‘‘sīmā nāma bahuvidhā, kataraṃ sīmaṃ sandhāya bhaṇasī’’ti, sace vadati ‘‘ahaṃ ‘asukasīmā’ti na jānāmi, sīmaṭṭhakasaṅgho bhājetvā gaṇhatū’’ti, katarasīmāya bhājetabbaṃ? Mahāsīvatthero kirāha ‘‘avippavāsasīmāyā’’ti. Tato naṃ āhaṃsu ‘‘avippavāsasīmā nāma tiyojanāpi hoti, evaṃ sante tiyojane ṭhitā lābhaṃ gaṇhissanti, tiyojane ṭhatvā āgantukavattaṃ pūretvā ārāmaṃ pavisitabbaṃ bhavissati, gamiko tiyojanaṃ gantvā senāsanaṃ āpucchissati, nissayapaṭipannassa tiyojanātikkame nissayo paṭippassambhissati, pārivāsikena tiyojanaṃ atikkamitvā aruṇaṃ uṭṭhāpetabbaṃ bhavissati, bhikkhuniyā tiyojane ṭhatvā ārāmappavesanaṃ āpucchitabbaṃ bhavissati, sabbampetaṃ upacārasīmāparicchedavaseneva kattuṃ vaṭṭati. Tasmā upacārasīmāyameva bhājetabba’’nti.
2729. яз вихаараа сан̇гхзна гад̇игааяа згалаабхагаа самааналаабхагаа зд̇т̇а зд̇зсу вихаарзсу д̣̇иннам̣ ‘‘гад̇игааяа д̣̇аммий’’д̇и д̣̇иннам̣ саб̣б̣зхи бхигкуухи саха бхааж̇зд̇аб̣б̣ам̣ жийварам̣ гад̇игааяа вужжад̇ийд̇и яож̇анаа.
2729. Ye vihārā saṅghena katikāya ekalābhakā samānalābhakā ettha etesu vihāresu dinnaṃ ‘‘katikāya dammī’’ti dinnaṃ sabbehi bhikkhūhi saha bhājetabbaṃ cīvaraṃ katikāya vuccatīti yojanā.
аяамзд̇т̇а винижчаяо – гад̇игаа наама самааналаабхагад̇игаа, д̇ад̇рзвам̣ гад̇игаа гаад̇аб̣б̣аа – згасмим̣ вихаарз саннибад̇ид̇зхи бхигкуухи яам̣ вихаарам̣ сан̇г̇ан̣хид̇угаамаа самааналаабхам̣ гаад̇ум̣ ижчанд̇и, асса наамам̣ г̇ахзд̇ваа ‘‘асуго наама вихааро бораан̣аго’’д̇и ваа ‘‘б̣уд̣̇д̇хаад̇хивуд̇т̇о’’д̇и ваа ‘‘аббалаабхо’’д̇и ваа яам̣ гин̃жи гааран̣ам̣ вад̇ваа ‘‘д̇ам̣ вихаарам̣ иминаа вихаарзна сад̣̇д̇хим̣ згалаабхам̣ гаад̇ум̣ сан̇гхасса ружжад̇ий’’д̇и д̇игкад̇д̇ум̣ саавзд̇аб̣б̣ам̣. зд̇д̇аавад̇аа д̇асмим̣ вихаарз нисинноби ид̇ха нисиннова ход̇и. д̇асмим̣ вихаарзби сан̇гхзна звамзва гаад̇аб̣б̣ам̣. зд̇д̇аавад̇аа ид̇ха нисинноби д̇асмим̣ вихаарз нисиннова ход̇и. згасмим̣ лаабхз бхааж̇ияамаанз ид̇арасмим̣ тид̇асса бхааг̇ам̣ г̇ахзд̇ум̣ ваддад̇и. звам̣ згзна вихаарзна сад̣̇д̇хим̣ б̣ахууби ааваасаа згалаабхаа гаад̇аб̣б̣аад̇и.
Ayamettha vinicchayo – katikā nāma samānalābhakatikā, tatrevaṃ katikā kātabbā – ekasmiṃ vihāre sannipatitehi bhikkhūhi yaṃ vihāraṃ saṅgaṇhitukāmā samānalābhaṃ kātuṃ icchanti, assa nāmaṃ gahetvā ‘‘asuko nāma vihāro porāṇako’’ti vā ‘‘buddhādhivuttho’’ti vā ‘‘appalābho’’ti vā yaṃ kiñci kāraṇaṃ vatvā ‘‘taṃ vihāraṃ iminā vihārena saddhiṃ ekalābhaṃ kātuṃ saṅghassa ruccatī’’ti tikkhattuṃ sāvetabbaṃ. Ettāvatā tasmiṃ vihāre nisinnopi idha nisinnova hoti. Tasmiṃ vihārepi saṅghena evameva kātabbaṃ. Ettāvatā idha nisinnopi tasmiṃ vihāre nisinnova hoti. Ekasmiṃ lābhe bhājiyamāne itarasmiṃ ṭhitassa bhāgaṃ gahetuṃ vaṭṭati. Evaṃ ekena vihārena saddhiṃ bahūpi āvāsā ekalābhā kātabbāti.
2730. жийварад̣̇ааяагзна д̇хувагаараа баагавад̇д̇аад̣̇инижжасаггаараа яад̇т̇а сан̇гхасса грийяанд̇и гарийяанд̇и д̇ад̇т̇а д̇асмим̣ вихаарз д̇знзва д̣̇ааяагзна сан̇гхасса д̣̇иннам̣ вихаарам̣ ‘‘бхигкаабан̃н̃ад̇д̇ияаа д̣̇инна’’нд̇и махзсинаа вуд̇д̇анд̇и яож̇анаа.
2730. Cīvaradāyakena dhuvakārā pākavattādiniccasakkārā yattha saṅghassa krīyanti karīyanti tattha tasmiṃ vihāre teneva dāyakena saṅghassa dinnaṃ vihāraṃ ‘‘bhikkhāpaññattiyā dinna’’nti mahesinā vuttanti yojanā.
д̇ад̇рааяам̣ винижчаяо – яасмим̣ вихаарз имасса жийварад̣̇ааяагасса санд̇агам̣ сан̇гхасса баагавад̇д̇ам̣ ваа вад̇д̇ад̇и, яасмим̣ ваа вихаарз бхигкуу ад̇д̇ано бхаарам̣ гад̇ваа сад̣̇аа г̇зхз бхож̇зд̇и, яад̇т̇а ваа д̇зна ааваасо гаарид̇о, салаагабхад̇д̇аад̣̇ийни ваа ниб̣ад̣̇д̇хаани, язна бана сагалоби вихааро бад̇идтаабид̇о, д̇ад̇т̇а вад̇д̇аб̣б̣амзва над̇т̇и, имз д̇хувагаараа наама. д̇асмаа сажз со ‘‘яад̇т̇а маяхам̣ д̇хувагаараа гарийяанд̇и, зд̇т̇а д̣̇аммий’’д̇и ваа ‘‘д̇ад̇т̇а д̣̇зт̇аа’’д̇и ваа бхан̣ад̇и, б̣ахуусу жзби таанзсу д̇хувагаараа хонд̇и, саб̣б̣ад̇т̇а д̣̇иннамзва ход̇и.
Tatrāyaṃ vinicchayo – yasmiṃ vihāre imassa cīvaradāyakassa santakaṃ saṅghassa pākavattaṃ vā vattati, yasmiṃ vā vihāre bhikkhū attano bhāraṃ katvā sadā gehe bhojeti, yattha vā tena āvāso kārito, salākabhattādīni vā nibaddhāni, yena pana sakalopi vihāro patiṭṭhāpito, tattha vattabbameva natthi, ime dhuvakārā nāma. Tasmā sace so ‘‘yattha mayhaṃ dhuvakārā karīyanti, ettha dammī’’ti vā ‘‘tattha dethā’’ti vā bhaṇati, bahūsu cepi ṭhānesu dhuvakārā honti, sabbattha dinnameva hoti.
сажз бана згасмим̣ вихаарз бхигкуу б̣ахуд̇араа хонд̇и, д̇зхи вад̇д̇аб̣б̣ам̣ ‘‘д̇умхаагам̣ д̇хувагаарз згад̇т̇а бхигкуу б̣ахуу, згад̇т̇а аббагаа’’д̇и, сажз ‘‘бхигкуг̇ан̣анааяа г̇ан̣хат̇аа’’д̇и бхан̣ад̇и, д̇ат̇аа бхааж̇зд̇ваа г̇ан̣хид̇ум̣ ваддад̇и. зд̇т̇а жа вад̇т̇абхзсаж̇ж̇аад̣̇и аббагамби сукзна бхааж̇ийяад̇и, яад̣̇и бана ман̃жо ваа бийтагам̣ ваа згамзва ход̇и, д̇ам̣ бужчид̇ваа яасса ваа вихаарасса згавихаарзби ваа яасса сзнаасанасса со вижаарзд̇и, д̇ад̇т̇а д̣̇аад̇аб̣б̣ам̣. сажз ‘‘асугабхигку г̇ан̣хад̇уу’’д̇и вад̣̇ад̇и, ваддад̇и.
Sace pana ekasmiṃ vihāre bhikkhū bahutarā honti, tehi vattabbaṃ ‘‘tumhākaṃ dhuvakāre ekattha bhikkhū bahū, ekattha appakā’’ti, sace ‘‘bhikkhugaṇanāya gaṇhathā’’ti bhaṇati, tathā bhājetvā gaṇhituṃ vaṭṭati. Ettha ca vatthabhesajjādi appakampi sukhena bhājīyati, yadi pana mañco vā pīṭhakaṃ vā ekameva hoti, taṃ pucchitvā yassa vā vihārassa ekavihārepi vā yassa senāsanassa so vicāreti, tattha dātabbaṃ. Sace ‘‘asukabhikkhu gaṇhatū’’ti vadati, vaṭṭati.
ат̇а ‘‘маяхам̣ д̇хувагаарз д̣̇зт̇аа’’д̇и вад̇ваа авижаарзд̇ваава г̇ажчад̇и, сан̇гхассаби вижаарзд̇ум̣ ваддад̇и. звам̣ бана вижаарзд̇аб̣б̣ам̣ – ‘‘сан̇гхад̇т̇зрасса васанадтаанз д̣̇зт̇аа’’д̇и вад̇д̇аб̣б̣ам̣. сажз д̇ад̇т̇а сзнаасанам̣ барибун̣н̣ам̣ ход̇и. яад̇т̇а наббаход̇и, д̇ад̇т̇а д̣̇аад̇аб̣б̣ам̣. сажз зго бхигку ‘‘маяхам̣ васанадтаанз сзнаасанабарибхог̇абхан̣д̣ам̣ над̇т̇ий’’д̇и вад̣̇ад̇и, д̇ад̇т̇а д̣̇аад̇аб̣б̣анд̇и.
Atha ‘‘mayhaṃ dhuvakāre dethā’’ti vatvā avicāretvāva gacchati, saṅghassapi vicāretuṃ vaṭṭati. Evaṃ pana vicāretabbaṃ – ‘‘saṅghattherassa vasanaṭṭhāne dethā’’ti vattabbaṃ. Sace tattha senāsanaṃ paripuṇṇaṃ hoti. Yattha nappahoti, tattha dātabbaṃ. Sace eko bhikkhu ‘‘mayhaṃ vasanaṭṭhāne senāsanaparibhogabhaṇḍaṃ natthī’’ti vadati, tattha dātabbanti.
2731. сан̇гхасса бана яам̣ д̣̇иннанд̇и вихаарам̣ бависид̇ваа ‘‘имаани жийвараани сан̇гхасса д̣̇аммий’’д̇и яам̣ жийварам̣ д̣̇иннам̣. ‘‘саммукийбхууд̇знаа’’д̇и вад̇д̇аб̣б̣з г̇аат̇ааб̣анд̇хзна рассад̇д̇ам̣. саммукибхууд̇знаад̇и жа убажаарасиймааяа тид̇зна. бхааж̇зд̇аб̣б̣анд̇и гхан̣дим̣ бахарид̇ваа гаалам̣ гхосзд̇ваа бхааж̇зд̇аб̣б̣ам̣. ид̣̇амзд̇т̇а мукамад̇д̇ад̣̇ассанам̣. винижчаяо адтагат̇ааяа (махаава. адта. 379) взд̣̇ид̇аб̣б̣о. сзяяат̇ид̣̇ам̣ – жийварад̣̇ааяагзна вихаарам̣ бависид̇ваа ‘‘имаани жийвараани сан̇гхасса д̣̇аммий’’д̇и д̣̇иннзсу бхааж̇ияамаанзсу сиймадтасса асамбад̇д̇ассаби бхааг̇ам̣ г̇ан̣ханд̇о на ваарзд̇аб̣б̣о. вихааро махаа ход̇и, т̇зраасанад̇о бадтааяа вад̇т̇зсу д̣̇ияяамаанзсу аласаж̇аад̇игаа махаат̇зраа бажчаа ааг̇ажчанд̇и, ‘‘бханд̇з, вийсад̇ивассаанам̣ д̣̇ияяад̇и, д̇умхаагам̣ тид̇игаа ад̇игганд̇аа’’д̇и на вад̇д̇аб̣б̣аа, тид̇игам̣ табзд̇ваа д̇зсам̣ д̣̇ад̇ваа бажчаа тид̇игааяа д̣̇аад̇аб̣б̣ам̣.
2731.Saṅghassa pana yaṃ dinnanti vihāraṃ pavisitvā ‘‘imāni cīvarāni saṅghassa dammī’’ti yaṃ cīvaraṃ dinnaṃ. ‘‘Sammukhībhūtenā’’ti vattabbe gāthābandhena rassattaṃ. Sammukhibhūtenāti ca upacārasīmāya ṭhitena. Bhājetabbanti ghaṇṭiṃ paharitvā kālaṃ ghosetvā bhājetabbaṃ. Idamettha mukhamattadassanaṃ. Vinicchayo aṭṭhakathāya (mahāva. aṭṭha. 379) veditabbo. Seyyathidaṃ – cīvaradāyakena vihāraṃ pavisitvā ‘‘imāni cīvarāni saṅghassa dammī’’ti dinnesu bhājiyamānesu sīmaṭṭhassa asampattassapi bhāgaṃ gaṇhanto na vāretabbo. Vihāro mahā hoti, therāsanato paṭṭhāya vatthesu diyyamānesu alasajātikā mahātherā pacchā āgacchanti, ‘‘bhante, vīsativassānaṃ diyyati, tumhākaṃ ṭhitikā atikkantā’’ti na vattabbā, ṭhitikaṃ ṭhapetvā tesaṃ datvā pacchā ṭhitikāya dātabbaṃ.
‘‘асугавихаарз гира б̣ахум̣ жийварам̣ уббанна’’нд̇и суд̇ваа яож̇ананд̇аригавихаарад̇оби бхигкуу ааг̇ажчанд̇и, самбад̇д̇асамбад̇д̇аанам̣ тид̇адтаанад̇о бадтааяа д̣̇аад̇аб̣б̣ам̣. асамбад̇д̇аанамби убажаарасиймам̣ бавидтаанам̣ анд̇зваасигаад̣̇ийсу г̇ан̣ханд̇зсу д̣̇аад̇аб̣б̣амзва. ‘‘б̣ахи убажаарасиймааяа тид̇аанам̣ д̣̇зт̇аа’’д̇и вад̣̇анд̇и, на д̣̇аад̇аб̣б̣ам̣. сажз бана убажаарасиймам̣ огганд̇зхи згааб̣ад̣̇д̇хаа худ̇ваа ад̇д̇ано вихаарад̣̇ваарз ваа анд̇овихаарзязва ваа хонд̇и, барисавасзна вад̣дхид̇аа наама сиймаа ход̇и, д̇асмаа д̣̇аад̇аб̣б̣ам̣. сан̇гханавагасса д̣̇иннзби бажчаа ааг̇ад̇аанам̣ д̣̇аад̇аб̣б̣амзва. д̣̇уд̇ияабхааг̇з бана т̇зраасанам̣ аарул̣хз ааг̇ад̇аанам̣ батамабхааг̇о на баабун̣аад̇и, д̣̇уд̇ияабхааг̇ад̇о вассаг̇г̇зна д̣̇аад̇аб̣б̣ам̣.
‘‘Asukavihāre kira bahuṃ cīvaraṃ uppanna’’nti sutvā yojanantarikavihāratopi bhikkhū āgacchanti, sampattasampattānaṃ ṭhitaṭṭhānato paṭṭhāya dātabbaṃ. Asampattānampi upacārasīmaṃ paviṭṭhānaṃ antevāsikādīsu gaṇhantesu dātabbameva. ‘‘Bahi upacārasīmāya ṭhitānaṃ dethā’’ti vadanti, na dātabbaṃ. Sace pana upacārasīmaṃ okkantehi ekābaddhā hutvā attano vihāradvāre vā antovihāreyeva vā honti, parisavasena vaḍḍhitā nāma sīmā hoti, tasmā dātabbaṃ. Saṅghanavakassa dinnepi pacchā āgatānaṃ dātabbameva. Dutiyabhāge pana therāsanaṃ āruḷhe āgatānaṃ paṭhamabhāgo na pāpuṇāti, dutiyabhāgato vassaggena dātabbaṃ.
згасмим̣ вихаарз д̣̇аса бхигкуу хонд̇и, д̣̇аса вад̇т̇аани ‘‘сан̇гхасса д̣̇змаа’’д̇и д̣̇знд̇и, баадзггам̣ бхааж̇зд̇аб̣б̣аани. сажз ‘‘саб̣б̣аанзва амхаагам̣ баабун̣анд̇ий’’д̇и г̇ахзд̇ваа г̇ажчанд̇и, д̣̇уббаабид̇аани жзва д̣̇уг̇г̇ахид̇аани жа, г̇ад̇аг̇ад̇адтаанз сан̇гхигаанзва хонд̇и. згам̣ бана уд̣̇д̇харид̇ваа ‘‘ид̣̇ам̣ д̇умхаагам̣ баабун̣аад̇ий’’д̇и сан̇гхад̇т̇зрасса д̣̇ад̇ваа сзсаани ‘‘имаани амхаагам̣ баабун̣анд̇ий’’д̇и г̇ахзд̇ум̣ ваддад̇и.
Ekasmiṃ vihāre dasa bhikkhū honti, dasa vatthāni ‘‘saṅghassa demā’’ti denti, pāṭekkaṃ bhājetabbāni. Sace ‘‘sabbāneva amhākaṃ pāpuṇantī’’ti gahetvā gacchanti, duppāpitāni ceva duggahitāni ca, gatagataṭṭhāne saṅghikāneva honti. Ekaṃ pana uddharitvā ‘‘idaṃ tumhākaṃ pāpuṇātī’’ti saṅghattherassa datvā sesāni ‘‘imāni amhākaṃ pāpuṇantī’’ti gahetuṃ vaṭṭati.
згамзва вад̇т̇ам̣ ‘‘сан̇гхасса д̣̇змаа’’д̇и аахаранд̇и, абхааж̇зд̇ваава ‘‘амхаагам̣ баабун̣аад̇ий’’д̇и г̇ан̣ханд̇и, д̣̇уббаабид̇ан̃жзва д̣̇уг̇г̇ахид̇ан̃жа, сад̇т̇агзна, бана халид̣̇д̣̇иаад̣̇инаа ваа лзкам̣ гад̇ваа згам̣ годтаасам̣ ‘‘имам̣ таанам̣ д̇умхаагам̣ баабун̣аад̇ий’’д̇и сан̇гхад̇т̇зрасса баабзд̇ваа сзсам̣ ‘‘амхаагам̣ баабун̣аад̇ий’’д̇и г̇ахзд̇ум̣ ваддад̇и. яам̣ бана вад̇т̇ассзва бубпам̣ ваа вали ваа, д̇зна барижчзд̣̇ам̣ гаад̇ум̣ на ваддад̇и. сажз згам̣ д̇анд̇ам̣ уд̣̇д̇харид̇ваа ‘‘ид̣̇ам̣ таанам̣ д̇умхаагам̣ баабун̣аад̇ий’’д̇и сан̇гхад̇т̇зрасса д̣̇ад̇ваа сзсам̣ ‘‘амхаагам̣ баабун̣аад̇ий’’д̇и г̇ан̣ханд̇и, ваддад̇и. кан̣д̣ам̣ кан̣д̣ам̣ чинд̣̇ид̇ваа бхааж̇ияамаанам̣ ваддад̇иязва.
Ekameva vatthaṃ ‘‘saṅghassa demā’’ti āharanti, abhājetvāva ‘‘amhākaṃ pāpuṇātī’’ti gaṇhanti, duppāpitañceva duggahitañca, satthakena, pana haliddiādinā vā lekhaṃ katvā ekaṃ koṭṭhāsaṃ ‘‘imaṃ ṭhānaṃ tumhākaṃ pāpuṇātī’’ti saṅghattherassa pāpetvā sesaṃ ‘‘amhākaṃ pāpuṇātī’’ti gahetuṃ vaṭṭati. Yaṃ pana vatthasseva pupphaṃ vā vali vā, tena paricchedaṃ kātuṃ na vaṭṭati. Sace ekaṃ tantaṃ uddharitvā ‘‘idaṃ ṭhānaṃ tumhākaṃ pāpuṇātī’’ti saṅghattherassa datvā sesaṃ ‘‘amhākaṃ pāpuṇātī’’ti gaṇhanti, vaṭṭati. Khaṇḍaṃ khaṇḍaṃ chinditvā bhājiyamānaṃ vaṭṭatiyeva.
згабхигкугз вихаарз сан̇гхасса жийварзсу уббаннзсу сажз буб̣б̣з вуд̇д̇анаязнзва со бхигку ‘‘саб̣б̣аани маяхам̣ баабун̣анд̇ий’’д̇и г̇ан̣хаад̇и, суг̇г̇ахид̇аани, тид̇игаа бана на д̇идтад̇и. сажз згзгам̣ уд̣̇д̇харид̇ваа ‘‘ид̣̇ам̣ маяхам̣ баабун̣аад̇ий’’д̇и г̇ан̣хаад̇и, тид̇игаа д̇идтад̇и. д̇ад̇т̇а тид̇игааяа адтид̇ааяа буна ан̃н̃асмим̣ жийварз уббаннз сажз зго бхигку ааг̇ажчад̇и, маж̇жхз чинд̣̇ид̇ваа д̣̇вийхиби г̇ахзд̇аб̣б̣ам̣. тид̇ааяа тид̇игааяа буна ан̃н̃асмим̣ жийварз уббаннз сажз навагад̇аро ааг̇ажчад̇и, тид̇игаа хздтаа орохад̇и. сажз вуд̣дхад̇аро ааг̇ажчад̇и, тид̇игаа уд̣̇д̇хам̣ аарохад̇и. ат̇а ан̃н̃о над̇т̇и, буна ад̇д̇ано баабзд̇ваа г̇ахзд̇аб̣б̣ам̣.
Ekabhikkhuke vihāre saṅghassa cīvaresu uppannesu sace pubbe vuttanayeneva so bhikkhu ‘‘sabbāni mayhaṃ pāpuṇantī’’ti gaṇhāti, suggahitāni, ṭhitikā pana na tiṭṭhati. Sace ekekaṃ uddharitvā ‘‘idaṃ mayhaṃ pāpuṇātī’’ti gaṇhāti, ṭhitikā tiṭṭhati. Tattha ṭhitikāya aṭṭhitāya puna aññasmiṃ cīvare uppanne sace eko bhikkhu āgacchati, majjhe chinditvā dvīhipi gahetabbaṃ. Ṭhitāya ṭhitikāya puna aññasmiṃ cīvare uppanne sace navakataro āgacchati, ṭhitikā heṭṭhā orohati. Sace vuḍḍhataro āgacchati, ṭhitikā uddhaṃ ārohati. Atha añño natthi, puna attano pāpetvā gahetabbaṃ.
‘‘сан̇гхасса д̣̇змаа’’д̇и ваа ‘‘бхигкусан̇гхасса д̣̇змаа’’д̇и ваа язна гзнажи аагаарзна сан̇гхам̣ аамасид̇ваа д̣̇иннам̣ бана бам̣сугуулигаанам̣ на ваддад̇и ‘‘г̇ахабад̇ижийварам̣ бадигкибаами, бам̣сугуулиган̇г̇ам̣ самаад̣̇ияаамий’’д̇и вуд̇д̇ад̇д̇аа, на бана агаббияад̇д̇аа. бхигкусан̇гхзна абалогзд̇ваа д̣̇иннамби на г̇ахзд̇аб̣б̣ам̣. яам̣ бана бхигку ад̇д̇ано санд̇агам̣ д̣̇зд̇и, д̇ам̣ бхигкуд̣̇ад̇д̇ияам̣ наама ваддад̇и. бам̣сугуулам̣ бана на ход̇и. звам̣ санд̇зби д̇худ̇ан̇г̇ам̣ на бхиж̇ж̇ад̇и. ‘‘бхигкуунам̣ д̣̇зма, т̇зраанам̣ д̣̇змаа’’д̇и вуд̇д̇з бана бам̣сугуулигаанамби ваддад̇и. ‘‘ид̣̇ам̣ вад̇т̇ам̣ сан̇гхасса д̣̇зма, иминаа убааханад̇т̇авигабад̇д̇ад̇т̇авигаааяог̇аам̣саб̣ад̣̇д̇хагаад̣̇ийни гарот̇аа’’д̇и д̣̇иннамби ваддад̇и.
‘‘Saṅghassa demā’’ti vā ‘‘bhikkhusaṅghassa demā’’ti vā yena kenaci ākārena saṅghaṃ āmasitvā dinnaṃ pana paṃsukūlikānaṃ na vaṭṭati ‘‘gahapaticīvaraṃ paṭikkhipāmi, paṃsukūlikaṅgaṃ samādiyāmī’’ti vuttattā, na pana akappiyattā. Bhikkhusaṅghena apaloketvā dinnampi na gahetabbaṃ. Yaṃ pana bhikkhu attano santakaṃ deti, taṃ bhikkhudattiyaṃ nāma vaṭṭati. Paṃsukūlaṃ pana na hoti. Evaṃ santepi dhutaṅgaṃ na bhijjati. ‘‘Bhikkhūnaṃ dema, therānaṃ demā’’ti vutte pana paṃsukūlikānampi vaṭṭati. ‘‘Idaṃ vatthaṃ saṅghassa dema, iminā upāhanatthavikapattatthavikaāyogaaṃsabaddhakādīni karothā’’ti dinnampi vaṭṭati.
бад̇д̇ад̇т̇авигаад̣̇ийнам̣ ад̇т̇ааяа д̣̇иннаани б̣ахууниби хонд̇и, жийварад̇т̇ааяаби бахонд̇и, д̇ад̇о жийварам̣ гад̇ваа баарубид̇ум̣ ваддад̇и. сажз бана сан̇гхо бхааж̇ид̇аад̇ирид̇д̇аани вад̇т̇аани чинд̣̇ид̇ваа убааханад̇т̇авигаад̣̇ийнам̣ ад̇т̇ааяа бхааж̇зд̇и, д̇ад̇о г̇ахзд̇ум̣ на ваддад̇и. саамигзхи вижаарид̇амзва хи ваддад̇и, на ид̇арам̣.
Pattatthavikādīnaṃ atthāya dinnāni bahūnipi honti, cīvaratthāyapi pahonti, tato cīvaraṃ katvā pārupituṃ vaṭṭati. Sace pana saṅgho bhājitātirittāni vatthāni chinditvā upāhanatthavikādīnaṃ atthāya bhājeti, tato gahetuṃ na vaṭṭati. Sāmikehi vicāritameva hi vaṭṭati, na itaraṃ.
‘‘бам̣сугуулигасан̇гхасса д̇хаммагаран̣аам̣саб̣ад̣̇д̇хаад̣̇ийнам̣ ад̇т̇ааяа д̣̇змаа’’д̇и вуд̇д̇зби г̇ахзд̇ум̣ ваддад̇и. баригкааро наама бам̣сугуулигаанамби ижчид̇аб̣б̣о. яам̣ д̇ад̇т̇а ад̇ирзгам̣ ход̇и, д̇ам̣ жийварзби убанзд̇ум̣ ваддад̇и. суд̇д̇ам̣ сан̇гхасса д̣̇знд̇и, бам̣сугуулигзхиби г̇ахзд̇аб̣б̣ам̣. аяам̣ д̇аава вихаарам̣ бависид̇ваа ‘‘имаани жийвараани сан̇гхасса д̣̇аммий’’д̇и д̣̇иннзсу винижчаяо.
‘‘Paṃsukūlikasaṅghassa dhammakaraṇaaṃsabaddhādīnaṃ atthāya demā’’ti vuttepi gahetuṃ vaṭṭati. Parikkhāro nāma paṃsukūlikānampi icchitabbo. Yaṃ tattha atirekaṃ hoti, taṃ cīvarepi upanetuṃ vaṭṭati. Suttaṃ saṅghassa denti, paṃsukūlikehipi gahetabbaṃ. Ayaṃ tāva vihāraṃ pavisitvā ‘‘imāni cīvarāni saṅghassa dammī’’ti dinnesu vinicchayo.
сажз бана б̣ахи убажаарасиймааяа ад̣̇д̇хаанабадибаннз бхигкуу д̣̇исваа ‘‘сан̇гхасса д̣̇аммий’’д̇и сан̇гхад̇т̇зрасса ваа сан̇гханавагасса ваа аарожзд̇и, сажзби яож̇анам̣ парид̇ваа барисаа тид̇аа ход̇и, згааб̣ад̣̇д̇хаа жз, саб̣б̣зсам̣ баабун̣аад̇и. яз бана д̣̇ваад̣̇асахи хад̇т̇зхи барисам̣ асамбад̇д̇аа, д̇зсам̣ на баабун̣аад̇ийд̇и.
Sace pana bahi upacārasīmāya addhānapaṭipanne bhikkhū disvā ‘‘saṅghassa dammī’’ti saṅghattherassa vā saṅghanavakassa vā āroceti, sacepi yojanaṃ pharitvā parisā ṭhitā hoti, ekābaddhā ce, sabbesaṃ pāpuṇāti. Ye pana dvādasahi hatthehi parisaṃ asampattā, tesaṃ na pāpuṇātīti.
2732. ид̣̇аани ‘‘убхад̇осан̇гхз д̣̇зд̇ий’’д̇и маад̇игам̣ виваранд̇о ааха ‘‘убхад̇осан̇гхамуд̣̇д̣̇иссаа’’д̇иаад̣̇и. убхад̇осан̇гхамуд̣̇д̣̇иссаад̇и бхигкусан̇гхам̣, бхигкунисан̇гхан̃жа уд̣̇д̣̇исид̇ваа. д̣̇зд̇ийд̇и ‘‘убхад̇осан̇гхасса д̣̇змий’’д̇и д̣̇зд̇и. ‘‘б̣аху ваа’’д̇и зд̇т̇а ‘‘б̣ахуу ваа’’д̇и вад̇д̇аб̣б̣з г̇аат̇ааб̣анд̇хавасзна рассад̇д̇ам̣. бхигкунийнам̣ бхигкуу т̇огаа ваа хонд̇у б̣ахуу ваа, буг̇г̇алаг̇г̇зна агад̇ваа убхад̇осан̇гхавасзна самабхааг̇ова гаад̇ум̣ ваддад̇ийд̇и яож̇анаа.
2732. Idāni ‘‘ubhatosaṅghe detī’’ti mātikaṃ vivaranto āha ‘‘ubhatosaṅghamuddissā’’tiādi. Ubhatosaṅghamuddissāti bhikkhusaṅghaṃ, bhikkhunisaṅghañca uddisitvā. Detīti ‘‘ubhatosaṅghassa demī’’ti deti. ‘‘Bahu vā’’ti ettha ‘‘bahū vā’’ti vattabbe gāthābandhavasena rassattaṃ. Bhikkhunīnaṃ bhikkhū thokā vā hontu bahū vā, puggalaggena akatvā ubhatosaṅghavasena samabhāgova kātuṃ vaṭṭatīti yojanā.
д̇ад̇рааяам̣ винижчаяо – ‘‘убхад̇осан̇гхасса д̣̇аммий’’д̇и вуд̇д̇зби ‘‘д̣̇взд̇хаасан̇гхасса д̣̇амми, д̣̇виннам̣ сан̇гхаанам̣ д̣̇амми, бхигкусан̇гхасса жа бхигкунисан̇гхасса жа д̣̇аммий’’д̇и вуд̇д̇зби убхад̇осан̇гхасса д̣̇иннамзва ход̇и, д̣̇вз бхааг̇з самз гад̇ваа зго д̣̇аад̇аб̣б̣о.
Tatrāyaṃ vinicchayo – ‘‘ubhatosaṅghassa dammī’’ti vuttepi ‘‘dvedhāsaṅghassa dammi, dvinnaṃ saṅghānaṃ dammi, bhikkhusaṅghassa ca bhikkhunisaṅghassa ca dammī’’ti vuttepi ubhatosaṅghassa dinnameva hoti, dve bhāge same katvā eko dātabbo.
‘‘убхад̇осан̇гхасса жа д̇уяхан̃жа д̣̇аммий’’д̇и вуд̇д̇з сажз д̣̇аса д̣̇аса бхигкуу, бхигкунияо жа хонд̇и, згавийсад̇и бадивийсз гад̇ваа зго буг̇г̇аласса д̣̇аад̇аб̣б̣о, д̣̇аса бхигкусан̇гхасса, д̣̇аса бхигкунисан̇гхасса. язна буг̇г̇алиго лад̣̇д̇хо, со сан̇гхад̇оби ад̇д̇ано вассаг̇г̇зна г̇ахзд̇ум̣ лабхад̇и. гасмаа? убхад̇осан̇гхаг̇г̇ахан̣зна г̇ахид̇ад̇д̇аа.
‘‘Ubhatosaṅghassa ca tuyhañca dammī’’ti vutte sace dasa dasa bhikkhū, bhikkhuniyo ca honti, ekavīsati paṭivīse katvā eko puggalassa dātabbo, dasa bhikkhusaṅghassa, dasa bhikkhunisaṅghassa. Yena puggaliko laddho, so saṅghatopi attano vassaggena gahetuṃ labhati. Kasmā? Ubhatosaṅghaggahaṇena gahitattā.
‘‘убхад̇осан̇гхасса жа жзд̇ияасса жа д̣̇аммий’’д̇и вуд̇д̇зби зсзва наяо. ид̇ха бана жзд̇ияасса сан̇гхад̇о баабун̣анагодтаасо наама над̇т̇и, згабуг̇г̇аласса бад̇д̇агодтаасасамова годтаасо ход̇и.
‘‘Ubhatosaṅghassa ca cetiyassa ca dammī’’ti vuttepi eseva nayo. Idha pana cetiyassa saṅghato pāpuṇanakoṭṭhāso nāma natthi, ekapuggalassa pattakoṭṭhāsasamova koṭṭhāso hoti.
‘‘убхад̇осан̇гхасса жа д̇уяхан̃жа жзд̇ияасса жаа’’д̇и вуд̇д̇з бана д̣̇ваавийсад̇и годтаасз гад̇ваа д̣̇аса бхигкуунам̣, д̣̇аса бхигкунийнам̣, зго буг̇г̇аласса, зго жзд̇ияасса д̣̇аад̇аб̣б̣о. д̇ад̇т̇а буг̇г̇ало сан̇гхад̇оби ад̇д̇ано вассаг̇г̇зна буна г̇ахзд̇ум̣ лабхад̇и. жзд̇ияасса згоязва.
‘‘Ubhatosaṅghassa ca tuyhañca cetiyassa cā’’ti vutte pana dvāvīsati koṭṭhāse katvā dasa bhikkhūnaṃ, dasa bhikkhunīnaṃ, eko puggalassa, eko cetiyassa dātabbo. Tattha puggalo saṅghatopi attano vassaggena puna gahetuṃ labhati. Cetiyassa ekoyeva.
‘‘бхигкусан̇гхасса жа бхигкунийнан̃жа д̣̇аммий’’д̇и вуд̇д̇з бана маж̇жхз бхинд̣̇ид̇ваа на д̣̇аад̇аб̣б̣ам̣, бхигкуу жа бхигкунияо жа г̇ан̣зд̇ваа д̣̇аад̇аб̣б̣ам̣.
‘‘Bhikkhusaṅghassa ca bhikkhunīnañca dammī’’ti vutte pana majjhe bhinditvā na dātabbaṃ, bhikkhū ca bhikkhuniyo ca gaṇetvā dātabbaṃ.
‘‘бхигкусан̇гхасса жа бхигкунийнан̃жа д̇уяхан̃жаа’’д̇и вуд̇д̇з бана буг̇г̇ало висум̣ на лабхад̇и, баабун̣анадтаанад̇о згамзва лабхад̇и. гасмаа? бхигкусан̇гхаг̇г̇ахан̣зна г̇ахид̇ад̇д̇аа.
‘‘Bhikkhusaṅghassa ca bhikkhunīnañca tuyhañcā’’ti vutte pana puggalo visuṃ na labhati, pāpuṇanaṭṭhānato ekameva labhati. Kasmā? Bhikkhusaṅghaggahaṇena gahitattā.
‘‘бхигкусан̇гхасса жа бхигкунийнан̃жа д̇уяхан̃жа жзд̇ияасса жаа’’д̇и вуд̇д̇зби жзд̇ияасса згабуг̇г̇алабадивийсо лаб̣бхад̇и, буг̇г̇аласса висум̣ на лаб̣бхад̇и. д̇асмаа згам̣ жзд̇ияасса д̣̇ад̇ваа авасзсам̣ бхигкуу жа бхигкунияо жа г̇ан̣зд̇ваа бхааж̇зд̇аб̣б̣ам̣.
‘‘Bhikkhusaṅghassa ca bhikkhunīnañca tuyhañca cetiyassa cā’’ti vuttepi cetiyassa ekapuggalapaṭivīso labbhati, puggalassa visuṃ na labbhati. Tasmā ekaṃ cetiyassa datvā avasesaṃ bhikkhū ca bhikkhuniyo ca gaṇetvā bhājetabbaṃ.
‘‘бхигкуунан̃жа бхигкунийнан̃жа д̣̇аммий’’д̇и вуд̇д̇зби на маж̇жхз бхинд̣̇ид̇ваа д̣̇аад̇аб̣б̣ам̣, буг̇г̇алаг̇ан̣анааяа зва вибхаж̇ид̇аб̣б̣ам̣.
‘‘Bhikkhūnañca bhikkhunīnañca dammī’’ti vuttepi na majjhe bhinditvā dātabbaṃ, puggalagaṇanāya eva vibhajitabbaṃ.
‘‘бхигкуунан̃жа бхигкунийнан̃жа д̇уяхан̃жа жзд̇ияасса жаа’’д̇и звам̣ вуд̇д̇зби жзд̇ияасса згабуг̇г̇алабадивийсо лаб̣бхад̇и, буг̇г̇аласса висум̣ над̇т̇и, бхигкуу жа бхигкунияо жа г̇ан̣зд̇ваа зва бхааж̇зд̇аб̣б̣ам̣. яат̇аа жа бхигкусан̇гхам̣ аад̣̇им̣ гад̇ваа наяо нийд̇о, звам̣ бхигкунисан̇гхам̣ аад̣̇им̣ гад̇вааби нзд̇аб̣б̣о.
‘‘Bhikkhūnañca bhikkhunīnañca tuyhañca cetiyassa cā’’ti evaṃ vuttepi cetiyassa ekapuggalapaṭivīso labbhati, puggalassa visuṃ natthi, bhikkhū ca bhikkhuniyo ca gaṇetvā eva bhājetabbaṃ. Yathā ca bhikkhusaṅghaṃ ādiṃ katvā nayo nīto, evaṃ bhikkhunisaṅghaṃ ādiṃ katvāpi netabbo.
‘‘бхигкусан̇гхасса жа д̇уяхан̃жаа’’д̇и вуд̇д̇з буг̇г̇аласса висум̣ на лаб̣бхад̇и, вассаг̇г̇знзва г̇ахзд̇аб̣б̣ам̣.
‘‘Bhikkhusaṅghassa ca tuyhañcā’’ti vutte puggalassa visuṃ na labbhati, vassaggeneva gahetabbaṃ.
‘‘бхигкусан̇гхасса жа жзд̇ияасса жаа’’д̇и вуд̇д̇з бана жзд̇ияасса висум̣ бадивийсо лаб̣бхад̇и.
‘‘Bhikkhusaṅghassa ca cetiyassa cā’’ti vutte pana cetiyassa visuṃ paṭivīso labbhati.
‘‘бхигкусан̇гхасса жа д̇уяхан̃жа жзд̇ияасса жаа’’д̇и вуд̇д̇зби жзд̇ияассзва лаб̣бхад̇и, на буг̇г̇аласса.
‘‘Bhikkhusaṅghassa ca tuyhañca cetiyassa cā’’ti vuttepi cetiyasseva labbhati, na puggalassa.
‘‘бхигкуунан̃жа д̇уяхан̃жаа’’д̇и вуд̇д̇зби висум̣ на лаб̣бхад̇и.
‘‘Bhikkhūnañca tuyhañcā’’ti vuttepi visuṃ na labbhati.
‘‘бхигкуунан̃жа жзд̇ияасса жаа’’д̇и вуд̇д̇з бана жзд̇ияасса лаб̣бхад̇и.
‘‘Bhikkhūnañca cetiyassa cā’’ti vutte pana cetiyassa labbhati.
‘‘бхигкуунан̃жа д̇уяхан̃жа жзд̇ияасса жаа’’д̇и вуд̇д̇зби жзд̇ияассзва висум̣ лаб̣бхад̇и, на буг̇г̇аласса. бхигкунисан̇гхам̣ аад̣̇им̣ гад̇вааби звамзва яож̇зд̇аб̣б̣ам̣.
‘‘Bhikkhūnañca tuyhañca cetiyassa cā’’ti vuttepi cetiyasseva visuṃ labbhati, na puggalassa. Bhikkhunisaṅghaṃ ādiṃ katvāpi evameva yojetabbaṃ.
буб̣б̣з б̣уд̣̇д̇хаббамукасса убхад̇осан̇гхасса д̣̇аанам̣ д̣̇знд̇и, бхаг̇аваа маж̇жхз нисийд̣̇ад̇и, д̣̇агкин̣ад̇о бхигкуу, ваамад̇о бхигкунияо нисийд̣̇анд̇и, бхаг̇аваа убхиннам̣ сан̇гхад̇т̇зро, д̇ад̣̇аа бхаг̇аваа ад̇д̇ано лад̣̇д̇хабажжаяз ад̇д̇анааби барибхун̃ж̇ад̇и, бхигкуунамби д̣̇аабзд̇и. зд̇арахи бана бан̣д̣ид̇амануссаа сад̇хаад̇угам̣ бадимам̣ ваа жзд̇ияам̣ ваа табзд̇ваа б̣уд̣̇д̇хаббамукасса убхад̇осан̇гхасса д̣̇аанам̣ д̣̇знд̇и, бадимааяа ваа жзд̇ияасса ваа бурад̇о аад̇хаарагз бад̇д̇ам̣ табзд̇ваа д̣̇агкин̣од̣̇агам̣ д̣̇ад̇ваа ‘‘б̣уд̣̇д̇хаанам̣ д̣̇змаа’’д̇и д̇ад̇т̇а яам̣ батамам̣ каад̣̇анийяам̣ бхож̇анийяам̣ д̣̇знд̇и, вихаарам̣ ваа аахарид̇ваа ‘‘ид̣̇ам̣ жзд̇ияасса д̣̇змаа’’д̇и бин̣д̣абаад̇ан̃жа маалааг̇анд̇хаад̣̇ийни жа д̣̇знд̇и, д̇ад̇т̇а гат̇ам̣ бадибаж̇ж̇ид̇аб̣б̣анд̇и? маалааг̇анд̇хаад̣̇ийни д̇аава жзд̇ияз ааробзд̇аб̣б̣аани, вад̇т̇зхи бадаагаа, д̇злзна бад̣̇ийбаа гаад̇аб̣б̣аа. бин̣д̣абаад̇амад̇хупаан̣ид̇аад̣̇ийни бана яо ниб̣ад̣̇д̇хам̣ жзд̇ияасса ж̇аг̇г̇аго ход̇и баб̣б̣аж̇ид̇о ваа г̇ахадто ваа, д̇асса д̣̇аад̇аб̣б̣аани. ниб̣ад̣̇д̇хаж̇аг̇г̇агз асад̇и аахадабад̇д̇ам̣ табзд̇ваа вад̇д̇ам̣ гад̇ваа барибхун̃ж̇ид̇ум̣ ваддад̇и. убагадтз гаалз бхун̃ж̇ид̇ваа бажчааби вад̇д̇ам̣ гаад̇ум̣ ваддад̇иязва.
Pubbe buddhappamukhassa ubhatosaṅghassa dānaṃ denti, bhagavā majjhe nisīdati, dakkhiṇato bhikkhū, vāmato bhikkhuniyo nisīdanti, bhagavā ubhinnaṃ saṅghatthero, tadā bhagavā attano laddhapaccaye attanāpi paribhuñjati, bhikkhūnampi dāpeti. Etarahi pana paṇḍitamanussā sadhātukaṃ paṭimaṃ vā cetiyaṃ vā ṭhapetvā buddhappamukhassa ubhatosaṅghassa dānaṃ denti, paṭimāya vā cetiyassa vā purato ādhārake pattaṃ ṭhapetvā dakkhiṇodakaṃ datvā ‘‘buddhānaṃ demā’’ti tattha yaṃ paṭhamaṃ khādanīyaṃ bhojanīyaṃ denti, vihāraṃ vā āharitvā ‘‘idaṃ cetiyassa demā’’ti piṇḍapātañca mālāgandhādīni ca denti, tattha kathaṃ paṭipajjitabbanti? Mālāgandhādīni tāva cetiye āropetabbāni, vatthehi paṭākā, telena padīpā kātabbā. Piṇḍapātamadhuphāṇitādīni pana yo nibaddhaṃ cetiyassa jaggako hoti pabbajito vā gahaṭṭho vā, tassa dātabbāni. Nibaddhajaggake asati āhaṭapattaṃ ṭhapetvā vattaṃ katvā paribhuñjituṃ vaṭṭati. Upakaṭṭhe kāle bhuñjitvā pacchāpi vattaṃ kātuṃ vaṭṭatiyeva.
маалааг̇анд̇хаад̣̇ийсу жа яам̣ гин̃жи ‘‘ид̣̇ам̣ харид̇ваа жзд̇ияасса бууж̇ам̣ гарот̇аа’’д̇и вуд̇д̇з д̣̇уурамби харид̇ваа бууж̇зд̇аб̣б̣ам̣. ‘‘бхигкам̣ сан̇гхасса хараа’’д̇и вуд̇д̇зби харид̇аб̣б̣ам̣. сажз бана ‘‘ахам̣ бин̣д̣ааяа жараами, аасанасаалааяа бхигкуу ад̇т̇и, д̇з хариссанд̇ий’’д̇и вуд̇д̇з ‘‘бханд̇з, д̇уяхам̣язва д̣̇аммий’’д̇и вад̣̇ад̇и, бхун̃ж̇ид̇ум̣ ваддад̇и. ат̇а бана ‘‘бхигкусан̇гхасса д̣̇ассаамий’’д̇и харанд̇асса г̇ажчад̇о анд̇араава гаало убагадто ход̇и, ад̇д̇ано баабзд̇ваа бхун̃ж̇ид̇ум̣ ваддад̇и.
Mālāgandhādīsu ca yaṃ kiñci ‘‘idaṃ haritvā cetiyassa pūjaṃ karothā’’ti vutte dūrampi haritvā pūjetabbaṃ. ‘‘Bhikkhaṃ saṅghassa harā’’ti vuttepi haritabbaṃ. Sace pana ‘‘ahaṃ piṇḍāya carāmi, āsanasālāya bhikkhū atthi, te harissantī’’ti vutte ‘‘bhante, tuyhaṃyeva dammī’’ti vadati, bhuñjituṃ vaṭṭati. Atha pana ‘‘bhikkhusaṅghassa dassāmī’’ti harantassa gacchato antarāva kālo upakaṭṭho hoti, attano pāpetvā bhuñjituṃ vaṭṭati.
2733. яам̣ бана жийварам̣ ‘‘яасмим̣ ааваасз вассам̣вуд̇т̇асса сан̇гхасса д̣̇аммий’’д̇и д̣̇зд̇и, д̇асмим̣язва ааваасз вуд̇т̇авассзна сан̇гхзна ваа г̇ан̣зна ваа буг̇г̇алзна ваа д̇ам̣ жийварам̣ бхааж̇зд̇аб̣б̣анд̇и ван̣н̣ид̇ам̣ д̣̇зсид̇анд̇и яож̇анаа.
2733. Yaṃ pana cīvaraṃ ‘‘yasmiṃ āvāse vassaṃvutthassa saṅghassa dammī’’ti deti, tasmiṃyeva āvāse vutthavassena saṅghena vā gaṇena vā puggalena vā taṃ cīvaraṃ bhājetabbanti vaṇṇitaṃ desitanti yojanā.
д̇ад̇рааяам̣ винижчаяо – вихаарам̣ бависид̇ваа ‘‘имаани жийвараани вассам̣вуд̇т̇асан̇гхасса д̣̇аммий’’д̇и д̣̇зд̇и, яаавад̇игаа бхигкуу д̇асмим̣ ааваасз вассам̣вуд̇т̇аа, яад̇д̇агаа вассажчзд̣̇ам̣ агад̇ваа буримавассам̣вуд̇т̇аа, д̇зхи бхааж̇зд̇аб̣б̣ам̣, ан̃н̃зсам̣ на баабун̣аад̇и. д̣̇исаабагганд̇ассааби сад̇и г̇аахагз яаава гат̇инасса уб̣бхаараа д̣̇аад̇аб̣б̣ам̣. анад̇т̇ад̇з бана гат̇инз анд̇охзманд̇з зван̃жа вад̇ваа д̣̇иннам̣ бажчимавассам̣вуд̇т̇аанамби баабун̣аад̇ийд̇и лагкан̣ан̃н̃уу вад̣̇анд̇и. адтагат̇аасу банзд̇ам̣ авижаарид̇ам̣.
Tatrāyaṃ vinicchayo – vihāraṃ pavisitvā ‘‘imāni cīvarāni vassaṃvutthasaṅghassa dammī’’ti deti, yāvatikā bhikkhū tasmiṃ āvāse vassaṃvutthā, yattakā vassacchedaṃ akatvā purimavassaṃvutthā, tehi bhājetabbaṃ, aññesaṃ na pāpuṇāti. Disāpakkantassāpi sati gāhake yāva kathinassa ubbhārā dātabbaṃ. Anatthate pana kathine antohemante evañca vatvā dinnaṃ pacchimavassaṃvutthānampi pāpuṇātīti lakkhaṇaññū vadanti. Aṭṭhakathāsu panetaṃ avicāritaṃ.
сажз бана б̣ахи убажаарасиймааяам̣ тид̇о ‘‘вассам̣вуд̇т̇асан̇гхасса д̣̇аммий’’д̇и вад̣̇ад̇и, самбад̇д̇аанам̣ саб̣б̣зсам̣ баабун̣аад̇и. ат̇а ‘‘асугавихаарз вассам̣вуд̇т̇асан̇гхассаа’’д̇и вад̣̇ад̇и, д̇ад̇ра вассам̣вуд̇т̇аанамзва яаава гат̇инассуб̣бхаараа баабун̣аад̇и. сажз бана г̇имхаанам̣ батамад̣̇ивасад̇о бадтааяа звам̣ вад̣̇ад̇и, д̇ад̇ра саммукийбхууд̇аанам̣язва саб̣б̣зсам̣ баабун̣аад̇и. гасмаа? бидтисамаяз уббаннад̇д̇аа. анд̇овассзязва ‘‘вассам̣ васанд̇аанам̣ д̣̇аммий’’д̇и вуд̇д̇з чиннавассаа на лабханд̇и, вассам̣ васанд̇аава лабханд̇и. жийварамаасз бана ‘‘вассам̣ васанд̇аанам̣ д̣̇аммий’’д̇и вуд̇д̇з бажчимигааяа вассуубаг̇ад̇аанам̣язва баабун̣аад̇и, буримигааяа вассуубаг̇ад̇аанан̃жа чиннавассаанан̃жа на баабун̣аад̇и.
Sace pana bahi upacārasīmāyaṃ ṭhito ‘‘vassaṃvutthasaṅghassa dammī’’ti vadati, sampattānaṃ sabbesaṃ pāpuṇāti. Atha ‘‘asukavihāre vassaṃvutthasaṅghassā’’ti vadati, tatra vassaṃvutthānameva yāva kathinassubbhārā pāpuṇāti. Sace pana gimhānaṃ paṭhamadivasato paṭṭhāya evaṃ vadati, tatra sammukhībhūtānaṃyeva sabbesaṃ pāpuṇāti. Kasmā? Piṭṭhisamaye uppannattā. Antovasseyeva ‘‘vassaṃ vasantānaṃ dammī’’ti vutte chinnavassā na labhanti, vassaṃ vasantāva labhanti. Cīvaramāse pana ‘‘vassaṃ vasantānaṃ dammī’’ti vutte pacchimikāya vassūpagatānaṃyeva pāpuṇāti, purimikāya vassūpagatānañca chinnavassānañca na pāpuṇāti.
жийварамаасад̇о бадтааяа яаава хзманд̇асса бажчимо д̣̇ивасо, д̇аава ‘‘вассааваасигам̣ д̣̇змаа’’д̇и вуд̇д̇з гат̇инам̣ ад̇т̇ад̇ам̣ ваа ход̇у анад̇т̇ад̇ам̣ ваа, ад̇ийд̇авассам̣вуд̇т̇аанамзва баабун̣аад̇и. г̇имхаанам̣ батамад̣̇ивасад̇о бадтааяа вуд̇д̇з бана маад̇игаа ааробзд̇аб̣б̣аа ‘‘ад̇ийд̇авассааваасасса бан̃жа маасаа абхигганд̇аа, анааг̇ад̇з жаад̇умаасажжаязна бхависсад̇и, гад̇аравассааваасасса д̣̇зсий’’д̇и. сажз ‘‘ад̇ийд̇авассам̣вуд̇т̇аанам̣ д̣̇аммий’’д̇и вад̣̇ад̇и, д̇ам̣ анд̇овассам̣ вуд̇т̇аанамзва баабун̣аад̇и. д̣̇исаабагганд̇аанамби сабхааг̇аа г̇ан̣хид̇ум̣ лабханд̇и.
Cīvaramāsato paṭṭhāya yāva hemantassa pacchimo divaso, tāva ‘‘vassāvāsikaṃ demā’’ti vutte kathinaṃ atthataṃ vā hotu anatthataṃ vā, atītavassaṃvutthānameva pāpuṇāti. Gimhānaṃ paṭhamadivasato paṭṭhāya vutte pana mātikā āropetabbā ‘‘atītavassāvāsassa pañca māsā abhikkantā, anāgate cātumāsaccayena bhavissati, kataravassāvāsassa desī’’ti. Sace ‘‘atītavassaṃvutthānaṃ dammī’’ti vadati, taṃ antovassaṃ vutthānameva pāpuṇāti. Disāpakkantānampi sabhāgā gaṇhituṃ labhanti.
сажз ‘‘анааг̇ад̇з вассааваасигам̣ д̣̇аммий’’д̇и вад̣̇ад̇и, д̇ам̣ табзд̇ваа вассуубанааяигад̣̇ивасз г̇ахзд̇аб̣б̣ам̣. ат̇а ‘‘аг̇уд̇д̇о вихааро, жорабхаяам̣ ад̇т̇и, на саггаа табзд̇ум̣, г̇ан̣хид̇ваа ваа аахин̣д̣ид̇у’’нд̇и вуд̇д̇з ‘‘самбад̇д̇аанам̣ д̣̇аммий’’д̇и вад̣̇ад̇и, бхааж̇зд̇ваа г̇ахзд̇аб̣б̣ам̣. сажз вад̣̇ад̇и ‘‘ид̇о мз, бханд̇з, д̇ад̇ияз вассз вассааваасигам̣ на д̣̇иннам̣, д̇ам̣ д̣̇аммий’’д̇и, д̇асмим̣ анд̇овассз вуд̇т̇абхигкуунам̣ баабун̣аад̇и. сажз д̇з д̣̇исаабагганд̇аа, ан̃н̃о виссаасиго г̇ан̣хаад̇и, д̣̇аад̇аб̣б̣ам̣. ат̇а згоязва авасидто, сзсаа гаалагад̇аа, саб̣б̣ам̣ згассзва баабун̣аад̇и. сажз згоби над̇т̇и, сан̇гхигам̣ ход̇и, саммукийбхууд̇зхи бхааж̇зд̇аб̣б̣анд̇и.
Sace ‘‘anāgate vassāvāsikaṃ dammī’’ti vadati, taṃ ṭhapetvā vassūpanāyikadivase gahetabbaṃ. Atha ‘‘agutto vihāro, corabhayaṃ atthi, na sakkā ṭhapetuṃ, gaṇhitvā vā āhiṇḍitu’’nti vutte ‘‘sampattānaṃ dammī’’ti vadati, bhājetvā gahetabbaṃ. Sace vadati ‘‘ito me, bhante, tatiye vasse vassāvāsikaṃ na dinnaṃ, taṃ dammī’’ti, tasmiṃ antovasse vutthabhikkhūnaṃ pāpuṇāti. Sace te disāpakkantā, añño vissāsiko gaṇhāti, dātabbaṃ. Atha ekoyeva avasiṭṭho, sesā kālakatā, sabbaṃ ekasseva pāpuṇāti. Sace ekopi natthi, saṅghikaṃ hoti, sammukhībhūtehi bhājetabbanti.
2734. яааг̇уяаа бана бийд̇ааяа ваа бхад̇д̇з ваа бхуд̇д̇з сажз бана аад̣̇исса ‘‘язна мз яааг̇у бийд̇аа, д̇асса д̣̇амми, язна мз бхад̇д̇ам̣ бхуд̇д̇ам̣, д̇асса д̣̇аммий’’д̇и барижчинд̣̇ид̇ваа жийварам̣ д̣̇зд̇и, винаяад̇харзна д̇ад̇т̇а д̇ад̇т̇зва д̣̇аанам̣ д̣̇аад̇аб̣б̣анд̇и яож̇анаа. зса наяо каад̣̇анийяажийварасзнаасанабхзсаж̇ж̇аад̣̇ийсу.
2734.Yāguyā pana pītāya vā bhatte vā bhutte sace pana ādissa ‘‘yena me yāgu pītā, tassa dammi, yena me bhattaṃ bhuttaṃ, tassa dammī’’ti paricchinditvā cīvaraṃ deti, vinayadharena tattha tattheva dānaṃ dātabbanti yojanā. Esa nayo khādanīyacīvarasenāsanabhesajjādīsu.
д̇ад̇рааяам̣ винижчаяо – бхигкуу аж̇ж̇ад̇анааяа ваа сваад̇анааяа ваа яааг̇уяаа ниманд̇зд̇ваа д̇зсам̣ гхарам̣ бавидтаанам̣ яааг̇ум̣ д̣̇зд̇и, яааг̇ум̣ д̣̇ад̇ваа бийд̇ааяа яааг̇уяаа ‘‘имаани жийвараани язхи маяхам̣ яааг̇у бийд̇аа, д̇зсам̣ д̣̇аммий’’д̇и д̣̇зд̇и, язхи ниманд̇ид̇зхи яааг̇у бийд̇аа, д̇зсам̣язва баабун̣анд̇и, язхи бана бхигкаажааравад̇д̇зна гхарад̣̇ваарзна г̇ажчанд̇зхи ваа гхарам̣ бавидтзхи ваа яааг̇у лад̣̇д̇хаа, язсам̣ ваа аасанасаалад̇о бад̇д̇ам̣ аахарид̇ваа мануссзхи нийд̇аа, яз ваа т̇зрзхи бзсид̇аа, д̇зсам̣ на баабун̣анд̇и.
Tatrāyaṃ vinicchayo – bhikkhū ajjatanāya vā svātanāya vā yāguyā nimantetvā tesaṃ gharaṃ paviṭṭhānaṃ yāguṃ deti, yāguṃ datvā pītāya yāguyā ‘‘imāni cīvarāni yehi mayhaṃ yāgu pītā, tesaṃ dammī’’ti deti, yehi nimantitehi yāgu pītā, tesaṃyeva pāpuṇanti, yehi pana bhikkhācāravattena gharadvārena gacchantehi vā gharaṃ paviṭṭhehi vā yāgu laddhā, yesaṃ vā āsanasālato pattaṃ āharitvā manussehi nītā, ye vā therehi pesitā, tesaṃ na pāpuṇanti.
сажз бана ниманд̇ид̇абхигкуухи сад̣̇д̇хим̣ ан̃н̃зби б̣ахуу ааг̇анд̇ваа анд̇ог̇зхан̃жа б̣ахиг̇зхан̃жа буурзд̇ваа нисиннаа, д̣̇ааяаго жа звам̣ вад̣̇ад̇и ‘‘ниманд̇ид̇аа ваа хонд̇у аниманд̇ид̇аа ваа, язсам̣ маяаа яааг̇у д̣̇иннаа, саб̣б̣зсам̣ имаани вад̇т̇аани хонд̇уу’’д̇и, саб̣б̣зсам̣ баабун̣анд̇и. язхи бана т̇зраанам̣ хад̇т̇ад̇о яааг̇у лад̣̇д̇хаа, д̇зсам̣ на баабун̣анд̇и. ат̇а со ‘‘язхи маяхам̣ яааг̇у бийд̇аа, саб̣б̣зсам̣ хонд̇уу’’д̇и вад̣̇ад̇и, саб̣б̣зсам̣ баабун̣анд̇и. бхад̇д̇акаад̣̇анийязсуби зсзва наяо.
Sace pana nimantitabhikkhūhi saddhiṃ aññepi bahū āgantvā antogehañca bahigehañca pūretvā nisinnā, dāyako ca evaṃ vadati ‘‘nimantitā vā hontu animantitā vā, yesaṃ mayā yāgu dinnā, sabbesaṃ imāni vatthāni hontū’’ti, sabbesaṃ pāpuṇanti. Yehi pana therānaṃ hatthato yāgu laddhā, tesaṃ na pāpuṇanti. Atha so ‘‘yehi mayhaṃ yāgu pītā, sabbesaṃ hontū’’ti vadati, sabbesaṃ pāpuṇanti. Bhattakhādanīyesupi eseva nayo.
жийварз ваад̇и буб̣б̣зби язна вассам̣ ваасзд̇ваа бхигкуунам̣ жийварам̣ д̣̇иннабуб̣б̣ам̣ ход̇и, со жз бхигкуу бхож̇зд̇ваа вад̣̇ад̇и ‘‘язсам̣ маяаа буб̣б̣з жийварам̣ д̣̇иннам̣, д̇зсам̣язва имам̣ жийварам̣ ваа суд̇д̇ам̣ ваа саббимад̇хупаан̣ид̇аад̣̇ийни ваа хонд̇уу’’д̇и, саб̣б̣ам̣ д̇зсам̣язва баабун̣аад̇и.
Cīvare vāti pubbepi yena vassaṃ vāsetvā bhikkhūnaṃ cīvaraṃ dinnapubbaṃ hoti, so ce bhikkhū bhojetvā vadati ‘‘yesaṃ mayā pubbe cīvaraṃ dinnaṃ, tesaṃyeva imaṃ cīvaraṃ vā suttaṃ vā sappimadhuphāṇitādīni vā hontū’’ti, sabbaṃ tesaṃyeva pāpuṇāti.
сзнаасанз ваад̇и ‘‘яо маяаа гаарид̇з вихаарз ваа баривзн̣з ваа васад̇и, д̇ассид̣̇ам̣ ход̇уу’’д̇и вуд̇д̇з д̇ассзва ход̇и.
Senāsane vāti ‘‘yo mayā kārite vihāre vā pariveṇe vā vasati, tassidaṃ hotū’’ti vutte tasseva hoti.
бхзсаж̇ж̇з ваад̇и ‘‘маяам̣ гаалзна гаалам̣ т̇зраанам̣ саббиаад̣̇ийни бхзсаж̇ж̇аани д̣̇зма, язхи д̇аани лад̣̇д̇хаани, д̇зсам̣язвид̣̇ам̣ ход̇уу’’д̇и вуд̇д̇з д̇зсам̣язва ход̇ийд̇и.
Bhesajje vāti ‘‘mayaṃ kālena kālaṃ therānaṃ sappiādīni bhesajjāni dema, yehi tāni laddhāni, tesaṃyevidaṃ hotū’’ti vutte tesaṃyeva hotīti.
2735. д̣̇ийяад̇зд̇и д̣̇аананд̇и гаммасаад̇ханзна жийварам̣ вужжад̇и. яам̣-сад̣̇д̣̇зна жийварасса бараамадтад̇д̇аа д̇ам̣-сад̣̇д̣̇знааби д̇ад̣̇зва бараамасид̇аб̣б̣анд̇и.
2735. Dīyateti dānanti kammasādhanena cīvaraṃ vuccati. Yaṃ-saddena cīvarassa parāmaṭṭhattā taṃ-saddenāpi tadeva parāmasitabbanti.
д̇ад̇рааяам̣ винижчаяо – ‘‘имам̣ жийварам̣ ид̇т̇аннаамасса д̣̇аммий’’д̇и звам̣ бараммукаа ваа ‘‘ид̣̇ам̣ мз, бханд̇з, д̇умхаагам̣ д̣̇аммий’’д̇и звам̣ саммукаа ваа баад̣̇амуулз табзд̇ваа ваа д̣̇зд̇и, д̇ам̣ д̇ассзва ход̇и. сажз бана ‘‘ид̣̇ам̣ д̇умхааган̃жа д̇умхаагам̣ анд̇зваасигаанан̃жа д̣̇аммий’’д̇и звам̣ вад̣̇ад̇и, т̇зрасса жа анд̇зваасигаанан̃жа баабун̣аад̇и. уд̣̇д̣̇зсам̣ г̇ахзд̇ум̣ ааг̇ад̇о г̇ахзд̇ваа г̇ажчанд̇о жа ад̇т̇и, д̇ассааби баабун̣аад̇и. ‘‘д̇умхзхи сад̣̇д̇хим̣ ниб̣ад̣̇д̇хажааригабхигкуунам̣ д̣̇аммий’’д̇и вуд̇д̇з уд̣̇д̣̇зсанд̇зваасигаанам̣ вад̇д̇ам̣ гад̇ваа уд̣̇д̣̇зсабарибужчаад̣̇ийни г̇ахзд̇ваа вижаранд̇аанам̣ саб̣б̣зсам̣ баабун̣аад̇ийд̇и.
Tatrāyaṃ vinicchayo – ‘‘imaṃ cīvaraṃ itthannāmassa dammī’’ti evaṃ parammukhā vā ‘‘idaṃ me, bhante, tumhākaṃ dammī’’ti evaṃ sammukhā vā pādamūle ṭhapetvā vā deti, taṃ tasseva hoti. Sace pana ‘‘idaṃ tumhākañca tumhākaṃ antevāsikānañca dammī’’ti evaṃ vadati, therassa ca antevāsikānañca pāpuṇāti. Uddesaṃ gahetuṃ āgato gahetvā gacchanto ca atthi, tassāpi pāpuṇāti. ‘‘Tumhehi saddhiṃ nibaddhacārikabhikkhūnaṃ dammī’’ti vutte uddesantevāsikānaṃ vattaṃ katvā uddesaparipucchādīni gahetvā vicarantānaṃ sabbesaṃ pāpuṇātīti.
2737. вад̣̇ад̇ижжзвамзва жзд̇и ижжзвам̣ яат̇аавуд̇д̇анаязна вад̣̇ад̇и жз. д̇анд̇и д̇ам̣ баригкаарам̣. д̇зсанд̇и маад̇уаад̣̇ийнам̣. сан̇гхассзва санд̇агам̣ ход̇ийд̇и яож̇анаа.
2737.Vadaticcevameva ceti iccevaṃ yathāvuttanayena vadati ce. Tanti taṃ parikkhāraṃ. Tesanti mātuādīnaṃ. Saṅghasseva santakaṃ hotīti yojanā.
2738. ‘‘бан̃жаннам̣…бз… ход̇ий’’д̇и иминаа буримаг̇аат̇аад̣̇ваязна вид̇т̇аарид̇амзвад̇т̇ам̣ сам̣кибид̇ваа д̣̇ассзд̇и. бан̃жаннам̣ сахад̇хаммигаанам̣. ажжаязд̇и гаалагирияааяа. д̣̇аананд̇и ‘‘маяи гаалагад̇з имам̣ баригкаарам̣ д̇уяхам̣ ход̇у, д̇ава санд̇агам̣ гарохий’’д̇иаад̣̇инаа барижжаж̇анам̣. гин̃жибийд̇и анд̇амасо д̣̇анд̇агадтамби. г̇ихийнам̣ бана д̣̇аанам̣ д̇ат̇аа д̣̇ааяагаанам̣ г̇ихийнамзва ажжаяз руухад̇ийд̇и яож̇анаа.
2738.‘‘Pañcannaṃ…pe… hotī’’ti iminā purimagāthādvayena vitthāritamevatthaṃ saṃkhipitvā dasseti. Pañcannaṃ sahadhammikānaṃ. Accayeti kālakiriyāya. Dānanti ‘‘mayi kālakate imaṃ parikkhāraṃ tuyhaṃ hotu, tava santakaṃ karohī’’tiādinā pariccajanaṃ. Kiñcipīti antamaso dantakaṭṭhampi. Gihīnaṃ pana dānaṃ tathā dāyakānaṃ gihīnameva accaye rūhatīti yojanā.
2739. бхигку ваа сааман̣зро ваа бхигкуниубассаяз гаалам̣ гарод̇и, асса бхигкусса ваа сааман̣зрасса ваа баригкаараа бхигкуунам̣язва санд̇агаа бхигкусан̇гхассзва санд̇агаад̇и яож̇анаа. бхигкусан̇гхассзва санд̇агаа гаалагад̇асса бхигкусан̇гхабарияаабаннад̇д̇аа.
2739. Bhikkhu vā sāmaṇero vā bhikkhuniupassaye kālaṃ karoti, assa bhikkhussa vā sāmaṇerassa vā parikkhārā bhikkhūnaṃyeva santakā bhikkhusaṅghasseva santakāti yojanā. Bhikkhusaṅghasseva santakā kālakatassa bhikkhusaṅghapariyāpannattā.
2740. сааман̣зрий ваад̇и зд̇т̇а ваа-сад̣̇д̣̇зна ‘‘сигкамаанаа ваа’’д̇и ид̣̇ам̣ сан̇г̇ан̣хаад̇и. вихаарасмим̣ бхигкуунам̣ ниваасанадтаанз. д̇ассаад̇и бхигкунияаа ваа сааман̣зрияаа ваа сигкамаанааяа ваа баригкаараа бхигкунийнам̣ санд̇агаа хонд̇ийд̇и яож̇анаа. санд̇агаад̇и зд̇т̇ааби бхигкуусу вуд̇д̇анаязнзвад̇т̇о г̇ахзд̇аб̣б̣о.
2740.Sāmaṇerī vāti ettha vā-saddena ‘‘sikkhamānā vā’’ti idaṃ saṅgaṇhāti. Vihārasmiṃ bhikkhūnaṃ nivāsanaṭṭhāne. Tassāti bhikkhuniyā vā sāmaṇeriyā vā sikkhamānāya vā parikkhārā bhikkhunīnaṃ santakā hontīti yojanā. Santakāti etthāpi bhikkhūsu vuttanayenevattho gahetabbo.
2741. д̣̇зхи нзд̇ваад̇и зд̇т̇а ‘‘имам̣ жийвара’’нд̇и багаран̣ад̇о лаб̣бхад̇и. ‘‘имам̣ жийварам̣ нзд̇ваа асугасса д̣̇зхий’’д̇и яам̣ жийварам̣ д̣̇иннам̣, д̇ам̣ д̇асса буримассзва санд̇агам̣ ход̇и. ‘‘ид̣̇ам̣ жийварам̣ асугасса д̣̇аммий’’д̇и яам̣ жийварам̣ д̣̇иннам̣, д̇ам̣ яасса бахияяад̇и, д̇асса бажчимассзва санд̇агам̣ ход̇ийд̇и яож̇анаа.
2741.Dehi netvāti ettha ‘‘imaṃ cīvara’’nti pakaraṇato labbhati. ‘‘Imaṃ cīvaraṃ netvā asukassa dehī’’ti yaṃ cīvaraṃ dinnaṃ, taṃ tassa purimasseva santakaṃ hoti. ‘‘Idaṃ cīvaraṃ asukassa dammī’’ti yaṃ cīvaraṃ dinnaṃ, taṃ yassa pahiyyati, tassa pacchimasseva santakaṃ hotīti yojanā.
2742. яат̇аавуд̇д̇аважанаббагаараануруубзна саамигз н̃ад̇ваа саамигзсу виссаасзна ваа д̇зсу мад̇зсу мад̇агажийварамби г̇ан̣хид̇ум̣ ваддад̇ийд̇и д̣̇ассзд̇ум̣ ааха ‘‘зва’’нд̇иаад̣̇и. ‘‘мад̇асса ваа амад̇асса ваа’’д̇и бад̣̇ажчзд̣̇о. виссаасам̣ вааби г̇ан̣хзяяаад̇и ж̇ийванд̇асса санд̇агам̣ виссаасаг̇г̇аахам̣ г̇ан̣хзяяа. г̇ан̣хз мад̇агажийваранд̇и мад̇асса жийварам̣ мад̇агабаригкааранийхаарзна баабзд̇ваа г̇ан̣хзяяа.
2742. Yathāvuttavacanappakārānurūpena sāmike ñatvā sāmikesu vissāsena vā tesu matesu matakacīvarampi gaṇhituṃ vaṭṭatīti dassetuṃ āha ‘‘eva’’ntiādi. ‘‘Matassa vā amatassa vā’’ti padacchedo. Vissāsaṃ vāpi gaṇheyyāti jīvantassa santakaṃ vissāsaggāhaṃ gaṇheyya. Gaṇhe matakacīvaranti matassa cīvaraṃ matakaparikkhāranīhārena pāpetvā gaṇheyya.
2743. раж̇ад̇з анзнаад̇и раж̇ананд̇и муулаад̣̇исаб̣б̣амааха. ванд̇ад̣̇осзнаад̇и саваасанасамужчиннарааг̇аад̣̇ид̣̇осзна. д̇аад̣̇инаад̇и руубаад̣̇ийсу чал̣аарамман̣зсу рааг̇аад̣̇ийнам̣ ануббад̇д̇ияаа адтасу логад̇хаммзсу ниб̣б̣игаарад̇ааяа згасад̣̇исзна.
2743. Rajate anenāti rajananti mūlādisabbamāha. Vantadosenāti savāsanasamucchinnarāgādidosena. Tādināti rūpādīsu chaḷārammaṇesu rāgādīnaṃ anuppattiyā aṭṭhasu lokadhammesu nibbikāratāya ekasadisena.
2744-5. ‘‘муулз’’д̇иаад̣̇ийсу нид̣̇д̇хааран̣з бхуммам̣. муулараж̇анз халид̣̇д̣̇им̣ табзд̇ваа саб̣б̣ам̣ муулараж̇анам̣ ваддад̇и. канд̇хзсу раж̇анзсу ман̃ж̇здтан̃жа д̇ун̇г̇ахаараган̃жа табзд̇ваа саб̣б̣ам̣ канд̇хараж̇анам̣ ваддад̇и. бад̇д̇зсу раж̇анзсу аллияаа бад̇д̇ам̣ д̇ат̇аа нийлияаа бад̇д̇ан̃жа табзд̇ваа саб̣б̣ам̣ бад̇д̇араж̇анам̣ ваддад̇и. бубпараж̇анзсу гусумбхан̃жа гим̣суган̃жа табзд̇ваа саб̣б̣ам̣ бубпараж̇анам̣ ваддад̇и. д̇ажараж̇анз лод̣̇д̣̇ан̃жа ган̣д̣улан̃жа табзд̇ваа саб̣б̣ам̣ д̇ажараж̇анам̣ ваддад̇и. палараж̇анам̣ саб̣б̣амби ваддад̇ийд̇и яож̇анаа.
2744-5.‘‘Mūle’’tiādīsu niddhāraṇe bhummaṃ. Mūlarajane haliddiṃ ṭhapetvā sabbaṃ mūlarajanaṃ vaṭṭati. Khandhesu rajanesu mañjeṭṭhañca tuṅgahārakañca ṭhapetvā sabbaṃ khandharajanaṃ vaṭṭati. Pattesu rajanesu alliyā pattaṃ tathā nīliyā pattañca ṭhapetvā sabbaṃ pattarajanaṃ vaṭṭati. Puppharajanesu kusumbhañca kiṃsukañca ṭhapetvā sabbaṃ puppharajanaṃ vaṭṭati. Tacarajane loddañca kaṇḍulañca ṭhapetvā sabbaṃ tacarajanaṃ vaṭṭati. Phalarajanaṃ sabbampi vaṭṭatīti yojanā.
ман̃ж̇здтанд̇и зго саган̣дагаругко, валливисзсо жа, яасса раж̇анам̣ ман̃ж̇здтаб̣ийж̇аван̣н̣ам̣ ход̇и. ман̃ж̇здтаругкасса канд̇хо сзд̇аван̣н̣од̇и со ид̇ха на г̇ахзд̇аб̣б̣о раж̇анаад̇хигаарад̇д̇аа. д̇ун̇г̇ахаараго наама зго саган̣дагаругко, яасса раж̇анам̣ харид̇аалаван̣н̣ам̣ ход̇и. аллийд̇и жуллад̇аабин̃чаругко, яасса бан̣н̣араж̇анам̣ халид̣̇д̣̇иван̣н̣ам̣ ход̇и. нийлийд̇и г̇ажчависзсо, яасса бана раж̇анам̣ нийлаван̣н̣ам̣ ход̇и. гим̣сугам̣ наама валлигим̣сугабубпам̣, яасса раж̇анам̣ лохид̇аван̣н̣ам̣ ход̇и.
Mañjeṭṭhanti eko sakaṇṭakarukkho, valliviseso ca, yassa rajanaṃ mañjeṭṭhabījavaṇṇaṃ hoti. Mañjeṭṭharukkhassa khandho setavaṇṇoti so idha na gahetabbo rajanādhikārattā. Tuṅgahārako nāma eko sakaṇṭakarukkho, yassa rajanaṃ haritālavaṇṇaṃ hoti. Allīti cullatāpiñcharukkho, yassa paṇṇarajanaṃ haliddivaṇṇaṃ hoti. Nīlīti gacchaviseso, yassa pana rajanaṃ nīlavaṇṇaṃ hoti. Kiṃsukaṃ nāma vallikiṃsukapupphaṃ, yassa rajanaṃ lohitavaṇṇaṃ hoti.
2746. гилидтасаадаганд̇и малийнасаадагам̣. д̇ховид̇унд̇и згаваарам̣ д̇ховид̇ум̣. аллияаа д̇ход̇ам̣ гира саммад̣̇зва раж̇анам̣ бадиг̇г̇ан̣хаад̇и.
2746.Kiliṭṭhasāṭakanti malīnasāṭakaṃ. Dhovitunti ekavāraṃ dhovituṃ. Alliyā dhotaṃ kira sammadeva rajanaṃ paṭiggaṇhāti.
2747. жийвараанам̣ гат̇аа сзсаад̇и бхзд̣̇агааран̣аббагаарагат̇аад̣̇игаа ид̇ха авуд̇д̇агат̇аа. батамз гат̇инз вуд̇д̇аад̇и сзсо. вибхаавинаад̇и канд̇хагабхаан̣агзна.
2747.Cīvarānaṃkathā sesāti bhedakāraṇappakārakathādikā idha avuttakathā. Paṭhame kathine vuttāti seso. Vibhāvināti khandhakabhāṇakena.
жийварагканд̇хагагат̇ааван̣н̣анаа.
Cīvarakkhandhakakathāvaṇṇanā.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
махааваг̇г̇авинижчаяаван̣н̣анаа нидтид̇аа.
Mahāvaggavinicchayavaṇṇanā niṭṭhitā.
