| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
10. சீவராபனிதா⁴னஸிக்கா²பத³வண்ணனா
10. Cīvarāpanidhānasikkhāpadavaṇṇanā
379. த³ஸமே யஸ்மா நிஸீத³னஸந்த²தங் சீவரனிஸீத³னம்பீதி உப⁴யம்பி ஸத³ஸமேவ, தஸ்மா தங் உப⁴யம்பி ஏகதோ கத்வா ‘‘நிஸீத³னங் நாம ஸத³ஸங் வுச்சதீ’’தி ஆஹ. தத்தா²பி சீவரக்³க³ஹணேன சீவரனிஸீத³னங் க³ஹிதமேவாதி அத்த²தோ ஸந்த²தனிஸீத³னமேவ வுத்தங் ஹோதி. யதி³ ஏவங் ‘‘நிஸீத³னஸந்த²தங் நாம ஸத³ஸங் வுச்சதீ’’தி வத்தப்³ப³ந்தி? ந, இதரஸ்ஸ அனிஸீத³னஅத³ஸபா⁴வப்பஸங்க³தோ. எத்த² நிஸீத³னஸந்த²தஸ்ஸ பாசித்தியவத்து²த்தா இதரம்பி பாசித்தியவத்து²மேவாதி வேதி³தப்³ப³ங் தஜ்ஜாதிகத்தா. ஸஸ்ஸாமிகே ஸூசிக⁴ரே ஸூசிக³ணனாய ஆபத்தியோதி போராணா.
379. Dasame yasmā nisīdanasanthataṃ cīvaranisīdanampīti ubhayampi sadasameva, tasmā taṃ ubhayampi ekato katvā ‘‘nisīdanaṃ nāma sadasaṃ vuccatī’’ti āha. Tatthāpi cīvaraggahaṇena cīvaranisīdanaṃ gahitamevāti atthato santhatanisīdanameva vuttaṃ hoti. Yadi evaṃ ‘‘nisīdanasanthataṃ nāma sadasaṃ vuccatī’’ti vattabbanti? Na, itarassa anisīdanaadasabhāvappasaṅgato. Ettha nisīdanasanthatassa pācittiyavatthuttā itarampi pācittiyavatthumevāti veditabbaṃ tajjātikattā. Sassāmike sūcighare sūcigaṇanāya āpattiyoti porāṇā.
சீவராபனிதா⁴னஸிக்கா²பத³வண்ணனா நிட்டி²தா.
Cīvarāpanidhānasikkhāpadavaṇṇanā niṭṭhitā.
ஸமத்தோ வண்ணனாக்கமேன ஸுராபானவக்³கோ³ ச²ட்டோ².
Samatto vaṇṇanākkamena surāpānavaggo chaṭṭho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 10. சீவராபனிதா⁴னஸிக்கா²பத³வண்ணனா • 10. Cīvarāpanidhānasikkhāpadavaṇṇanā
