| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
213. சீவரபடிக்³கா³ஹகஸம்முதிகதா²
213. Cīvarapaṭiggāhakasammutikathā
342. ‘‘யோ ந ச²ந்தா³க³திங் க³ச்ச²தீ’’திஆதீ³ஸு ஏவங் வினிச்ச²யோ வேதி³தப்³போ³தி யோஜனா. ஞாதகாதீ³னங் சீவரந்தி ஸம்ப³ந்தோ⁴. ஏகச்சஸ்மிந்தி ஜனே. வாஸத்³தோ³ விகப்பத்தோ². ஏதேஸு தீஸு அஞ்ஞதரேன காரணேன ச²ந்தா³க³திங் க³ச்ச²தி நாமாதி ஹி அத்தோ². ஆக³தஸ்ஸாபி சீவரந்தி ஸம்ப³ந்தோ⁴ பிஸத்³தோ³ க³ரஹத்தோ². பகே³வ பச்சா² ஆக³தஸ்ஸாதி ஹி அத்தோ². அவமஞ்ஞந்தி உஞ்ஞாதங். வோதி தும்ஹாகங். நத்தி² கிந்தி யோஜனா. முட்டா² ஸதி ஏதஸ்ஸாதி முட்ட²ஸ்ஸதி. ஆக³தானம்பி சீவரந்தி ஸம்ப³ந்தோ⁴. பிஸத்³தோ³ ஸம்பா⁴வனத்தோ². பகே³வ பட²மங் ஆக³தானந்தி ஹி அத்தோ². ஏதங் சீவரபடிக்³கா³ஹகட்டா²னங் நாமாதி யோஜனா. ஸந்தஸந்தோ வாதி கே²த³கே²தோ³ வா. இத³ஞ்சித³ஞ்சாதி இத³ஞ்ச இத³ஞ்ச சீவரங். தஸ்மாதி யஸ்மா ச க³ச்ச²தி, யஸ்மா ச ஜானாதி, தஸ்மா. யோதி பி⁴க்கு². ஸக்கோதீதி ஸம்ப³ந்தோ⁴. ஏவரூபோ பி⁴க்கு² ஸம்மனிதப்³போ³தி யோஜனா.
342. ‘‘Yo na chandāgatiṃ gacchatī’’tiādīsu evaṃ vinicchayo veditabboti yojanā. Ñātakādīnaṃ cīvaranti sambandho. Ekaccasminti jane. Vāsaddo vikappattho. Etesu tīsu aññatarena kāraṇena chandāgatiṃ gacchati nāmāti hi attho. Āgatassāpi cīvaranti sambandho pisaddo garahattho. Pageva pacchā āgatassāti hi attho. Avamaññanti uññātaṃ. Voti tumhākaṃ. Natthi kinti yojanā. Muṭṭhā sati etassāti muṭṭhassati. Āgatānampi cīvaranti sambandho. Pisaddo sambhāvanattho. Pageva paṭhamaṃ āgatānanti hi attho. Etaṃ cīvarapaṭiggāhakaṭṭhānaṃ nāmāti yojanā. Santasanto vāti khedakhedo vā. Idañcidañcāti idañca idañca cīvaraṃ. Tasmāti yasmā ca gacchati, yasmā ca jānāti, tasmā. Yoti bhikkhu. Sakkotīti sambandho. Evarūpo bhikkhu sammanitabboti yojanā.
அபலோகனேனபீதி ‘‘இத்த²ன்னாமங் பி⁴க்கு²ங் சீவரபடிக்³கா³ஹகங் காதுங் ஸங்க⁴ங் அபலோகேமீ’’தி அபலோகனேனபி, ஸம்மனிதுந்தி ஸம்ப³ந்தோ⁴. யத்த² பனாதி யஸ்மிங் பன து⁴ரவிஹாரே.
Apalokanenapīti ‘‘itthannāmaṃ bhikkhuṃ cīvarapaṭiggāhakaṃ kātuṃ saṅghaṃ apalokemī’’ti apalokanenapi, sammanitunti sambandho. Yattha panāti yasmiṃ pana dhuravihāre.
‘‘க³ஹிதட்டா²னேயேவா’’தி இமினா தத்தே²வாதி எத்த² தஸத்³த³ஸ்ஸ விஸயங் த³ஸ்ஸேதி. ‘‘ச²ட்³டெ³த்வா’’தி இமினா உஜ்ஜி²த்வாதி எத்த² உத⁴தா⁴துயா விஸ்ஸஜ்ஜனத்த²ங் த³ஸ்ஸேதி. சீவரபடிக்³கா³ஹகந்தி பத³ஸ்ஸ சீவரங் படிக்³க³ண்ஹாதீதி சீவரபடிக்³கா³ஹகோதி வசனத்த²ங் த³ஸ்ஸெந்தோ ஆஹ ‘‘யோ’’திஆதி³. தத்த² யோ படிக்³க³ண்ஹாதி, ஸோ சீவரபடிக்³கா³ஹகோ நாமாதி யோஜனா. ‘‘சீவரபடிஸாமக’’ந்தி இமினா சீவரங் க³ஹிதட்டா²னதோ நீஹரித்வா ப⁴ண்டா³கா³ரே த³ஹதி ட²பேதீதி சீவரனித³ஹகோதி அத்த²ங் த³ஸ்ஸேதி. யோ ந ச²ந்தா³திங் க³ச்ச²தீதிஆதீ³ஸு எத்த² ஏதேஸு ச இதோ பரஞ்சாதி யோஜனா.
‘‘Gahitaṭṭhāneyevā’’ti iminā tatthevāti ettha tasaddassa visayaṃ dasseti. ‘‘Chaḍḍetvā’’ti iminā ujjhitvāti ettha udhadhātuyā vissajjanatthaṃ dasseti. Cīvarapaṭiggāhakanti padassa cīvaraṃ paṭiggaṇhātīti cīvarapaṭiggāhakoti vacanatthaṃ dassento āha ‘‘yo’’tiādi. Tattha yo paṭiggaṇhāti, so cīvarapaṭiggāhako nāmāti yojanā. ‘‘Cīvarapaṭisāmaka’’nti iminā cīvaraṃ gahitaṭṭhānato nīharitvā bhaṇḍāgāre dahati ṭhapetīti cīvaranidahakoti atthaṃ dasseti. Yo na chandātiṃ gacchatītiādīsu ettha etesu ca ito parañcāti yojanā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 213. சீவரபடிக்³கா³ஹகஸம்முதிகதா² • 213. Cīvarapaṭiggāhakasammutikathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கம்ப³லானுஜானநாதி³கதா² • Kambalānujānanādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சீவரபடிக்³கா³ஹகஸம்முதிஆதி³கதா²வண்ணனா • Cīvarapaṭiggāhakasammutiādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ப⁴ண்டா³கா³ரஸம்முதிஆதி³கதா²வண்ணனா • Bhaṇḍāgārasammutiādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஜீவகவத்து²கதா²தி³வண்ணனா • Jīvakavatthukathādivaṇṇanā
