| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
213. жийварабадиг̇г̇аахагасаммуд̇игат̇аа
213. Cīvarapaṭiggāhakasammutikathā
342. д̇зна ко бана самаязна мануссаа жийварам̣ аад̣̇ааяа аараамам̣ ааг̇ажчанд̇и. д̇з бадиг̇г̇аахагам̣ алабхамаанаа бадихаранд̇и. жийварам̣ барид̇д̇ам̣ уббаж̇ж̇ад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бан̃жахан̇г̇зхи саманнааг̇ад̇ам̣ бхигкум̣ жийварабадиг̇г̇аахагам̣ самманнид̇ум̣ – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, г̇ахид̇ааг̇ахид̇ан̃жа ж̇аанзяяа. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о; яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
342. Tena kho pana samayena manussā cīvaraṃ ādāya ārāmaṃ āgacchanti. Te paṭiggāhakaṃ alabhamānā paṭiharanti. Cīvaraṃ parittaṃ uppajjati. Bhagavato etamatthaṃ ārocesuṃ. Anujānāmi, bhikkhave, pañcahaṅgehi samannāgataṃ bhikkhuṃ cīvarapaṭiggāhakaṃ sammannituṃ – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, gahitāgahitañca jāneyya. Evañca pana, bhikkhave, sammannitabbo. Paṭhamaṃ bhikkhu yācitabbo; yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣ сан̇гхо ид̇т̇аннаамам̣ бхигкум̣ жийварабадиг̇г̇аахагам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ saṅgho itthannāmaṃ bhikkhuṃ cīvarapaṭiggāhakaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ жийварабадиг̇г̇аахагам̣ самманнад̇и. яассааяасмад̇о камад̇и ид̇т̇аннаамасса бхигкуно жийварабадиг̇г̇аахагасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmaṃ bhikkhuṃ cīvarapaṭiggāhakaṃ sammannati. Yassāyasmato khamati itthannāmassa bhikkhuno cīvarapaṭiggāhakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку жийварабадиг̇г̇аахаго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu cīvarapaṭiggāhako. Khamati saṅghassa, tasmā tuṇhī, evametaṃ dhārayāmī’’ti.
д̇зна ко бана самаязна жийварабадиг̇г̇аахагаа бхигкуу жийварам̣ бадиг̇г̇ахзд̇ваа д̇ад̇т̇зва уж̇жхид̇ваа баггаманд̇и. жийварам̣ нассад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз , бан̃жахан̇г̇зхи саманнааг̇ад̇ам̣ бхигкум̣ жийваранид̣̇ахагам̣ самманнид̇ум̣ – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, нихид̇аанихид̇ан̃жа ж̇аанзяяа. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о; яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Tena kho pana samayena cīvarapaṭiggāhakā bhikkhū cīvaraṃ paṭiggahetvā tattheva ujjhitvā pakkamanti. Cīvaraṃ nassati. Bhagavato etamatthaṃ ārocesuṃ. Anujānāmi, bhikkhave , pañcahaṅgehi samannāgataṃ bhikkhuṃ cīvaranidahakaṃ sammannituṃ – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, nihitānihitañca jāneyya. Evañca pana, bhikkhave, sammannitabbo. Paṭhamaṃ bhikkhu yācitabbo; yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ жийваранид̣̇ахагам̣ самманнзяяа. зсаа н̃ад̇д̇и. ‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ жийваранид̣̇ахагам̣ самманнад̇и. яассааяасмад̇о камад̇и ид̇т̇аннаамасса бхигкуно жийваранид̣̇ахагасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ cīvaranidahakaṃ sammanneyya. Esā ñatti. ‘‘Suṇātu me, bhante, saṅgho. Saṅgho itthannāmaṃ bhikkhuṃ cīvaranidahakaṃ sammannati. Yassāyasmato khamati itthannāmassa bhikkhuno cīvaranidahakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку жийваранид̣̇ахаго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu cīvaranidahako. Khamati saṅghassa, tasmā tuṇhī, evametaṃ dhārayāmī’’ti.
жийварабадиг̇г̇аахагасаммуд̇игат̇аа нидтид̇аа.
Cīvarapaṭiggāhakasammutikathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гамб̣алаануж̇аананаад̣̇игат̇аа • Kambalānujānanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жийварабадиг̇г̇аахагасаммуд̇иаад̣̇игат̇ааван̣н̣анаа • Cīvarapaṭiggāhakasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхан̣д̣ааг̇аарасаммуд̇иаад̣̇игат̇ааван̣н̣анаа • Bhaṇḍāgārasammutiādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 213. жийварабадиг̇г̇аахагасаммуд̇игат̇аа • 213. Cīvarapaṭiggāhakasammutikathā
