| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๑๓. จีวรปฎิคฺคาหกสมฺมุติกถา
213. Cīvarapaṭiggāhakasammutikathā
๓๔๒. ‘‘โย น ฉนฺทาคติํ คจฺฉตี’’ติอาทีสุ เอวํ วินิจฺฉโย เวทิตโพฺพติ โยชนาฯ ญาตกาทีนํ จีวรนฺติ สมฺพโนฺธฯ เอกจฺจสฺมินฺติ ชเนฯ วาสโทฺท วิกปฺปโตฺถฯ เอเตสุ ตีสุ อญฺญตเรน การเณน ฉนฺทาคติํ คจฺฉติ นามาติ หิ อโตฺถฯ อาคตสฺสาปิ จีวรนฺติ สมฺพโนฺธ ปิสโทฺท ครหโตฺถฯ ปเคว ปจฺฉา อาคตสฺสาติ หิ อโตฺถฯ อวมญฺญนฺติ อุญฺญาตํฯ โวติ ตุมฺหากํฯ นตฺถิ กินฺติ โยชนาฯ มุฎฺฐา สติ เอตสฺสาติ มุฎฺฐสฺสติฯ อาคตานมฺปิ จีวรนฺติ สมฺพโนฺธฯ ปิสโทฺท สมฺภาวนโตฺถฯ ปเคว ปฐมํ อาคตานนฺติ หิ อโตฺถฯ เอตํ จีวรปฎิคฺคาหกฎฺฐานํ นามาติ โยชนาฯ สนฺตสโนฺต วาติ เขทเขโท วาฯ อิทญฺจิทญฺจาติ อิทญฺจ อิทญฺจ จีวรํฯ ตสฺมาติ ยสฺมา จ คจฺฉติ, ยสฺมา จ ชานาติ, ตสฺมาฯ โยติ ภิกฺขุฯ สโกฺกตีติ สมฺพโนฺธฯ เอวรูโป ภิกฺขุ สมฺมนิตโพฺพติ โยชนาฯ
342. ‘‘Yo na chandāgatiṃ gacchatī’’tiādīsu evaṃ vinicchayo veditabboti yojanā. Ñātakādīnaṃ cīvaranti sambandho. Ekaccasminti jane. Vāsaddo vikappattho. Etesu tīsu aññatarena kāraṇena chandāgatiṃ gacchati nāmāti hi attho. Āgatassāpi cīvaranti sambandho pisaddo garahattho. Pageva pacchā āgatassāti hi attho. Avamaññanti uññātaṃ. Voti tumhākaṃ. Natthi kinti yojanā. Muṭṭhā sati etassāti muṭṭhassati. Āgatānampi cīvaranti sambandho. Pisaddo sambhāvanattho. Pageva paṭhamaṃ āgatānanti hi attho. Etaṃ cīvarapaṭiggāhakaṭṭhānaṃ nāmāti yojanā. Santasanto vāti khedakhedo vā. Idañcidañcāti idañca idañca cīvaraṃ. Tasmāti yasmā ca gacchati, yasmā ca jānāti, tasmā. Yoti bhikkhu. Sakkotīti sambandho. Evarūpo bhikkhu sammanitabboti yojanā.
อปโลกเนนปีติ ‘‘อิตฺถนฺนามํ ภิกฺขุํ จีวรปฎิคฺคาหกํ กาตุํ สงฺฆํ อปโลเกมี’’ติ อปโลกเนนปิ, สมฺมนิตุนฺติ สมฺพโนฺธฯ ยตฺถ ปนาติ ยสฺมิํ ปน ธุรวิหาเรฯ
Apalokanenapīti ‘‘itthannāmaṃ bhikkhuṃ cīvarapaṭiggāhakaṃ kātuṃ saṅghaṃ apalokemī’’ti apalokanenapi, sammanitunti sambandho. Yattha panāti yasmiṃ pana dhuravihāre.
‘‘คหิตฎฺฐาเนเยวา’’ติ อิมินา ตเตฺถวาติ เอตฺถ ตสทฺทสฺส วิสยํ ทเสฺสติฯ ‘‘ฉเฑฺฑตฺวา’’ติ อิมินา อุชฺฌิตฺวาติ เอตฺถ อุธธาตุยา วิสฺสชฺชนตฺถํ ทเสฺสติฯ จีวรปฎิคฺคาหกนฺติ ปทสฺส จีวรํ ปฎิคฺคณฺหาตีติ จีวรปฎิคฺคาหโกติ วจนตฺถํ ทเสฺสโนฺต อาห ‘‘โย’’ติอาทิฯ ตตฺถ โย ปฎิคฺคณฺหาติ, โส จีวรปฎิคฺคาหโก นามาติ โยชนาฯ ‘‘จีวรปฎิสามก’’นฺติ อิมินา จีวรํ คหิตฎฺฐานโต นีหริตฺวา ภณฺฑาคาเร ทหติ ฐเปตีติ จีวรนิทหโกติ อตฺถํ ทเสฺสติฯ โย น ฉนฺทาติํ คจฺฉตีติอาทีสุ เอตฺถ เอเตสุ จ อิโต ปรญฺจาติ โยชนาฯ
‘‘Gahitaṭṭhāneyevā’’ti iminā tatthevāti ettha tasaddassa visayaṃ dasseti. ‘‘Chaḍḍetvā’’ti iminā ujjhitvāti ettha udhadhātuyā vissajjanatthaṃ dasseti. Cīvarapaṭiggāhakanti padassa cīvaraṃ paṭiggaṇhātīti cīvarapaṭiggāhakoti vacanatthaṃ dassento āha ‘‘yo’’tiādi. Tattha yo paṭiggaṇhāti, so cīvarapaṭiggāhako nāmāti yojanā. ‘‘Cīvarapaṭisāmaka’’nti iminā cīvaraṃ gahitaṭṭhānato nīharitvā bhaṇḍāgāre dahati ṭhapetīti cīvaranidahakoti atthaṃ dasseti. Yo na chandātiṃ gacchatītiādīsu ettha etesu ca ito parañcāti yojanā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๑๓. จีวรปฎิคฺคาหกสมฺมุติกถา • 213. Cīvarapaṭiggāhakasammutikathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / กมฺพลานุชานนาทิกถา • Kambalānujānanādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / จีวรปฎิคฺคาหกสมฺมุติอาทิกถาวณฺณนา • Cīvarapaṭiggāhakasammutiādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ภณฺฑาคารสมฺมุติอาทิกถาวณฺณนา • Bhaṇḍāgārasammutiādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ชีวกวตฺถุกถาทิวณฺณนา • Jīvakavatthukathādivaṇṇanā
