| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੫. ਚੀવਰਪਟਿਗ੍ਗਹਣਸਿਕ੍ਖਾਪਦਂ
5. Cīvarapaṭiggahaṇasikkhāpadaṃ
੫੦੮. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤੇਨ ਖੋ ਪਨ ਸਮਯੇਨ ਉਪ੍ਪਲવਣ੍ਣਾ ਭਿਕ੍ਖੁਨੀ ਸਾવਤ੍ਥਿਯਂ વਿਹਰਤਿ। ਅਥ ਖੋ ਉਪ੍ਪਲવਣ੍ਣਾ ਭਿਕ੍ਖੁਨੀ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਸਾવਤ੍ਥਿਂ ਪਿਣ੍ਡਾਯ ਪਾવਿਸਿ। ਸਾવਤ੍ਥਿਯਂ ਪਿਣ੍ਡਾਯ ਚਰਿਤ੍વਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤਾ ਯੇਨ ਅਨ੍ਧવਨਂ ਤੇਨੁਪਸਙ੍ਕਮਿ ਦਿવਾવਿਹਾਰਾਯ। ਅਨ੍ਧવਨਂ ਅਜ੍ਝੋਗਾਹੇਤ੍વਾ ਅਞ੍ਞਤਰਸ੍ਮਿਂ ਰੁਕ੍ਖਮੂਲੇ ਦਿવਾવਿਹਾਰਂ ਨਿਸੀਦਿ। ਤੇਨ ਖੋ ਪਨ ਸਮਯੇਨ ਚੋਰਾ ਕਤਕਮ੍ਮਾ ਗਾવਿਂ વਧਿਤ੍વਾ ਮਂਸਂ ਗਹੇਤ੍વਾ ਅਨ੍ਧવਨਂ ਪવਿਸਿਂਸੁ। ਅਦ੍ਦਸਾ ਖੋ ਚੋਰਗਾਮਣਿਕੋ ਉਪ੍ਪਲવਣ੍ਣਂ ਭਿਕ੍ਖੁਨਿਂ ਅਞ੍ਞਤਰਸ੍ਮਿਂ ਰੁਕ੍ਖਮੂਲੇ ਦਿવਾવਿਹਾਰਂ ਨਿਸਿਨ੍ਨਂ। ਦਿਸ੍વਾਨਸ੍ਸ ਏਤਦਹੋਸਿ – ‘‘ਸਚੇ ਮੇ ਪੁਤ੍ਤਭਾਤੁਕਾ ਪਸ੍ਸਿਸ੍ਸਨ੍ਤਿ વਿਹੇਠਿਸ੍ਸਨ੍ਤਿ ਇਮਂ ਭਿਕ੍ਖੁਨਿ’’ਨ੍ਤਿ ਅਞ੍ਞੇਨ ਮਗ੍ਗੇਨ ਅਗਮਾਸਿ। ਅਥ ਖੋ ਸੋ ਚੋਰਗਾਮਣਿਕੋ ਮਂਸੇ ਪਕ੍ਕੇ વਰਮਂਸਾਨਿ ਗਹੇਤ੍વਾ ਪਣ੍ਣਪੁਟਂ 1 ਬਨ੍ਧਿਤ੍વਾ ਉਪ੍ਪਲવਣ੍ਣਾਯ ਭਿਕ੍ਖੁਨਿਯਾ ਅવਿਦੂਰੇ ਰੁਕ੍ਖੇ ਆਲਗ੍ਗੇਤ੍વਾ – ‘‘ਯੋ ਪਸ੍ਸਤਿ ਸਮਣੋ વਾ ਬ੍ਰਾਹ੍ਮਣੋ વਾ ਦਿਨ੍ਨਂਯੇવ ਹਰਤੂ’’ਤਿ, વਤ੍વਾ ਪਕ੍ਕਾਮਿ। ਅਸ੍ਸੋਸਿ ਖੋ ਉਪ੍ਪਲવਣ੍ਣਾ ਭਿਕ੍ਖੁਨੀ ਸਮਾਧਿਮ੍ਹਾ વੁਟ੍ਠਹਿਤ੍વਾ ਤਸ੍ਸ ਚੋਰਗਾਮਣਿਕਸ੍ਸ ਇਮਂ વਾਚਂ ਭਾਸਮਾਨਸ੍ਸ। ਅਥ ਖੋ ਉਪ੍ਪਲવਣ੍ਣਾ ਭਿਕ੍ਖੁਨੀ ਤਂ ਮਂਸਂ ਗਹੇਤ੍વਾ ਉਪਸ੍ਸਯਂ ਅਗਮਾਸਿ। ਅਥ ਖੋ ਉਪ੍ਪਲવਣ੍ਣਾ ਭਿਕ੍ਖੁਨੀ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਤਂ ਮਂਸਂ ਸਮ੍ਪਾਦੇਤ੍વਾ ਉਤ੍ਤਰਾਸਙ੍ਗੇਨ ਭਣ੍ਡਿਕਂ ਬਨ੍ਧਿਤ੍વਾ વੇਹਾਸਂ ਅਬ੍ਭੁਗ੍ਗਨ੍ਤ੍વਾ વੇਲ਼ੁવਨੇ ਪਚ੍ਚੁਟ੍ਠਾਸਿ 2।
508. Tena samayena buddho bhagavā rājagahe viharati veḷuvane kalandakanivāpe. Tena kho pana samayena uppalavaṇṇā bhikkhunī sāvatthiyaṃ viharati. Atha kho uppalavaṇṇā bhikkhunī pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātappaṭikkantā yena andhavanaṃ tenupasaṅkami divāvihārāya. Andhavanaṃ ajjhogāhetvā aññatarasmiṃ rukkhamūle divāvihāraṃ nisīdi. Tena kho pana samayena corā katakammā gāviṃ vadhitvā maṃsaṃ gahetvā andhavanaṃ pavisiṃsu. Addasā kho coragāmaṇiko uppalavaṇṇaṃ bhikkhuniṃ aññatarasmiṃ rukkhamūle divāvihāraṃ nisinnaṃ. Disvānassa etadahosi – ‘‘sace me puttabhātukā passissanti viheṭhissanti imaṃ bhikkhuni’’nti aññena maggena agamāsi. Atha kho so coragāmaṇiko maṃse pakke varamaṃsāni gahetvā paṇṇapuṭaṃ 3 bandhitvā uppalavaṇṇāya bhikkhuniyā avidūre rukkhe ālaggetvā – ‘‘yo passati samaṇo vā brāhmaṇo vā dinnaṃyeva haratū’’ti, vatvā pakkāmi. Assosi kho uppalavaṇṇā bhikkhunī samādhimhā vuṭṭhahitvā tassa coragāmaṇikassa imaṃ vācaṃ bhāsamānassa. Atha kho uppalavaṇṇā bhikkhunī taṃ maṃsaṃ gahetvā upassayaṃ agamāsi. Atha kho uppalavaṇṇā bhikkhunī tassā rattiyā accayena taṃ maṃsaṃ sampādetvā uttarāsaṅgena bhaṇḍikaṃ bandhitvā vehāsaṃ abbhuggantvā veḷuvane paccuṭṭhāsi 4.
ਤੇਨ ਖੋ ਪਨ ਸਮਯੇਨ ਭਗવਾ ਗਾਮਂ ਪਿਣ੍ਡਾਯ ਪવਿਟ੍ਠੋ ਹੋਤਿ। ਆਯਸ੍ਮਾ ਉਦਾਯੀ ਓਹਿਯ੍ਯਕੋ ਹੋਤਿ વਿਹਾਰਪਾਲੋ। ਅਥ ਖੋ ਉਪ੍ਪਲવਣ੍ਣਾ ਭਿਕ੍ਖੁਨੀ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਉਦਾਯਿਂ ਏਤਦવੋਚ – ‘‘ਕਹਂ, ਭਨ੍ਤੇ, ਭਗવਾ’’ਤਿ? ‘‘ਪવਿਟ੍ਠੋ, ਭਗਿਨਿ, ਭਗવਾ ਗਾਮਂ ਪਿਣ੍ਡਾਯਾ’’ਤਿ। ‘‘ਇਮਂ, ਭਨ੍ਤੇ, ਮਂਸਂ ਭਗવਤੋ ਦੇਹੀ’’ਤਿ। ‘‘ਸਨ੍ਤਪ੍ਪਿਤੋ ਤਯਾ, ਭਗਿਨਿ, ਭਗવਾ ਮਂਸੇਨ। ਸਚੇ ਮੇ ਤ੍વਂ ਅਨ੍ਤਰવਾਸਕਂ ਦਦੇਯ੍ਯਾਸਿ, ਏવਂ ਅਹਮ੍ਪਿ ਸਨ੍ਤਪ੍ਪਿਤੋ ਭવੇਯ੍ਯਂ ਅਨ੍ਤਰવਾਸਕੇਨਾ’’ਤਿ। ‘‘ਮਯਂ ਖੋ, ਭਨ੍ਤੇ, ਮਾਤੁਗਾਮਾ ਨਾਮ ਕਿਚ੍ਛਲਾਭਾ। ਇਦਞ੍ਚ ਮੇ ਅਨ੍ਤਿਮਂ ਪਞ੍ਚਮਂ ਚੀવਰਂ। ਨਾਹਂ ਦਸ੍ਸਾਮੀ’’ਤਿ। ‘‘ਸੇਯ੍ਯਥਾਪਿ, ਭਗਿਨਿ, ਪੁਰਿਸੋ ਹਤ੍ਥਿਂ ਦਤ੍વਾ ਕਚ੍ਛੇ ਸਜ੍ਜੇਯ੍ਯ 5 ਏવਮੇવ ਖੋ ਤ੍વਂ ਭਗਿਨਿ ਭਗવਤੋ ਮਂਸਂ ਦਤ੍વਾ ਮਯਿ ਅਨ੍ਤਰવਾਸਕੇ ਸਜ੍ਜਸੀ’’ਤਿ 6। ਅਥ ਖੋ ਉਪ੍ਪਲવਣ੍ਣਾ ਭਿਕ੍ਖੁਨੀ ਆਯਸ੍ਮਤਾ ਉਦਾਯਿਨਾ ਨਿਪ੍ਪੀਲ਼ਿਯਮਾਨਾ ਅਨ੍ਤਰવਾਸਕਂ ਦਤ੍વਾ ਉਪਸ੍ਸਯਂ ਅਗਮਾਸਿ। ਭਿਕ੍ਖੁਨਿਯੋ ਉਪ੍ਪਲવਣ੍ਣਾਯ ਭਿਕ੍ਖੁਨਿਯਾ ਪਤ੍ਤਚੀવਰਂ ਪਟਿਗ੍ਗਣ੍ਹਨ੍ਤਿਯੋ ਉਪ੍ਪਲવਣ੍ਣਂ ਭਿਕ੍ਖੁਨਿਂ ਏਤਦવੋਚੁਂ – ‘‘ਕਹਂ ਤੇ, ਅਯ੍ਯੇ, ਅਨ੍ਤਰવਾਸਕੋ’’ਤਿ? ਉਪ੍ਪਲવਣ੍ਣਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੁਨਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯੋ ਉਦਾਯੀ ਭਿਕ੍ਖੁਨਿਯਾ ਚੀવਰਂ ਪਟਿਗ੍ਗਹੇਸ੍ਸਤਿ ਕਿਚ੍ਛਲਾਭੋ ਮਾਤੁਗਾਮੋ’’ਤਿ। ਅਥ ਖੋ ਤਾ ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਭਿਕ੍ਖੁਨਿਯਾ ਚੀવਰਂ ਪਟਿਗ੍ਗਹੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਉਦਾਯਿ, ਭਿਕ੍ਖੁਨਿਯਾ ਚੀવਰਂ ਪਟਿਗ੍ਗਹੇਸੀ’’ਤਿ? ‘‘ਸਚ੍ਚਂ , ਭਗવਾ’’ਤਿ। ‘‘ਞਾਤਿਕਾ ਤੇ, ਉਦਾਯਿ, ਅਞ੍ਞਾਤਿਕਾ’’ਤਿ? ‘‘ਅਞ੍ਞਾਤਿਕਾ, ਭਗવਾ’’ਤਿ। ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਿਕਾਯ ਨ ਜਾਨਾਤਿ ਪਤਿਰੂਪਂ વਾ ਅਪ੍ਪਤਿਰੂਪਂ વਾ ਸਨ੍ਤਂ વਾ ਅਸਨ੍ਤਂ વਾ। ਤਤ੍ਥ ਨਾਮ ਤ੍વਂ, ਮੋਘਪੁਰਿਸ, ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀવਰਂ ਪਟਿਗ੍ਗਹੇਸ੍ਸਸਿ! ਨੇਤਂ ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Tena kho pana samayena bhagavā gāmaṃ piṇḍāya paviṭṭho hoti. Āyasmā udāyī ohiyyako hoti vihārapālo. Atha kho uppalavaṇṇā bhikkhunī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘kahaṃ, bhante, bhagavā’’ti? ‘‘Paviṭṭho, bhagini, bhagavā gāmaṃ piṇḍāyā’’ti. ‘‘Imaṃ, bhante, maṃsaṃ bhagavato dehī’’ti. ‘‘Santappito tayā, bhagini, bhagavā maṃsena. Sace me tvaṃ antaravāsakaṃ dadeyyāsi, evaṃ ahampi santappito bhaveyyaṃ antaravāsakenā’’ti. ‘‘Mayaṃ kho, bhante, mātugāmā nāma kicchalābhā. Idañca me antimaṃ pañcamaṃ cīvaraṃ. Nāhaṃ dassāmī’’ti. ‘‘Seyyathāpi, bhagini, puriso hatthiṃ datvā kacche sajjeyya 7 evameva kho tvaṃ bhagini bhagavato maṃsaṃ datvā mayi antaravāsake sajjasī’’ti 8. Atha kho uppalavaṇṇā bhikkhunī āyasmatā udāyinā nippīḷiyamānā antaravāsakaṃ datvā upassayaṃ agamāsi. Bhikkhuniyo uppalavaṇṇāya bhikkhuniyā pattacīvaraṃ paṭiggaṇhantiyo uppalavaṇṇaṃ bhikkhuniṃ etadavocuṃ – ‘‘kahaṃ te, ayye, antaravāsako’’ti? Uppalavaṇṇā bhikkhunī bhikkhunīnaṃ etamatthaṃ ārocesi. Bhikkhuniyo ujjhāyanti khiyyanti vipācenti – ‘‘kathañhi nāma ayyo udāyī bhikkhuniyā cīvaraṃ paṭiggahessati kicchalābho mātugāmo’’ti. Atha kho tā bhikkhuniyo bhikkhūnaṃ etamatthaṃ ārocesuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī bhikkhuniyā cīvaraṃ paṭiggahessatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, udāyi, bhikkhuniyā cīvaraṃ paṭiggahesī’’ti? ‘‘Saccaṃ , bhagavā’’ti. ‘‘Ñātikā te, udāyi, aññātikā’’ti? ‘‘Aññātikā, bhagavā’’ti. ‘‘Aññātako, moghapurisa, aññātikāya na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, aññātikāya bhikkhuniyā hatthato cīvaraṃ paṭiggahessasi! Netaṃ moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੫੦੯. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀવਰਂ ਪਟਿਗ੍ਗਣ੍ਹੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
509.‘‘Yo pana bhikkhu aññātikāya bhikkhuniyā hatthato cīvaraṃ paṭiggaṇheyya, nissaggiyaṃ pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੫੧੦. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਕੁਕ੍ਕੁਚ੍ਚਾਯਨ੍ਤਾ ਭਿਕ੍ਖੁਨੀਨਂ ਪਾਰਿવਤ੍ਤਕਚੀવਰਂ ਨ ਪਟਿਗ੍ਗਣ੍ਹਨ੍ਤਿ। ਭਿਕ੍ਖੁਨਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਅਮ੍ਹਾਕਂ ਪਾਰਿવਤ੍ਤਕਚੀવਰਂ ਨ ਪਟਿਗ੍ਗਹੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤਾਸਂ ਭਿਕ੍ਖੁਨੀਨਂ ਉਜ੍ਝਾਯਨ੍ਤੀਨਂ ਖਿਯ੍ਯਨ੍ਤੀਨਂ વਿਪਾਚੇਨ੍ਤੀਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਪਞ੍ਚਨ੍ਨਂ ਪਾਰਿવਤ੍ਤਕਂ ਪਟਿਗ੍ਗਹੇਤੁਂ – ਭਿਕ੍ਖੁਸ੍ਸ, ਭਿਕ੍ਖੁਨਿਯਾ, ਸਿਕ੍ਖਮਾਨਾਯ, ਸਾਮਣੇਰਸ੍ਸ, ਸਾਮਣੇਰਿਯਾ। ਅਨੁਜਾਨਾਮਿ, ਭਿਕ੍ਖવੇ, ਇਮੇਸਂ ਪਞ੍ਚਨ੍ਨਂ ਪਾਰਿવਤ੍ਤਕਂ ਪਟਿਗ੍ਗਹੇਤੁਂ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ।
510. Tena kho pana samayena bhikkhū kukkuccāyantā bhikkhunīnaṃ pārivattakacīvaraṃ na paṭiggaṇhanti. Bhikkhuniyo ujjhāyanti khiyyanti vipācenti – ‘‘kathañhi nāma ayyā amhākaṃ pārivattakacīvaraṃ na paṭiggahessantī’’ti! Assosuṃ kho bhikkhū tāsaṃ bhikkhunīnaṃ ujjhāyantīnaṃ khiyyantīnaṃ vipācentīnaṃ. Atha kho te bhikkhū bhagavato etamatthaṃ ārocesu. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, pañcannaṃ pārivattakaṃ paṭiggahetuṃ – bhikkhussa, bhikkhuniyā, sikkhamānāya, sāmaṇerassa, sāmaṇeriyā. Anujānāmi, bhikkhave, imesaṃ pañcannaṃ pārivattakaṃ paṭiggahetuṃ. Evañca pana, bhikkhave, imaṃ sikkhāpadaṃ uddiseyyātha.
੫੧੧. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀવਰਂ ਪਟਿਗ੍ਗਣ੍ਹੇਯ੍ਯ, ਅਞ੍ਞਤ੍ਰ ਪਾਰਿવਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
511.‘‘Yo pana bhikkhu aññātikāya bhikkhuniyā hatthato cīvaraṃ paṭiggaṇheyya, aññatra pārivattakā, nissaggiyaṃ pācittiya’’nti.
੫੧੨. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
512.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਅਞ੍ਞਾਤਿਕਾ ਨਾਮ ਮਾਤਿਤੋ વਾ ਪਿਤਿਤੋ વਾ ਯਾવ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾ।
Aññātikā nāma mātito vā pitito vā yāva sattamā pitāmahayugā asambaddhā.
ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ।
Bhikkhunī nāma ubhatosaṅghe upasampannā.
ਚੀવਰਂ ਨਾਮ ਛਨ੍ਨਂ ਚੀવਰਾਨਂ ਅਞ੍ਞਤਰਂ ਚੀવਰਂ વਿਕਪ੍ਪਨੁਪਗਂ ਪਚ੍ਛਿਮਂ।
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
ਅਞ੍ਞਤ੍ਰ ਪਾਰਿવਤ੍ਤਕਾਤਿ ਠਪੇਤ੍વਾ ਪਾਰਿવਤ੍ਤਕਂ।
Aññatra pārivattakāti ṭhapetvā pārivattakaṃ.
ਪਟਿਗ੍ਗਣ੍ਹਾਤਿ, ਪਯੋਗੇ ਦੁਕ੍ਕਟਂ। ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ਇਦਂ ਮੇ, ਭਨ੍ਤੇ, ਚੀવਰਂ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਪਟਿਗ੍ਗਹਿਤਂ, ਅਞ੍ਞਤ੍ਰ ਪਾਰਿવਤ੍ਤਕਾ, ਨਿਸ੍ਸਗ੍ਗਿਯਂ। ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Paṭiggaṇhāti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, cīvaraṃ aññātikāya bhikkhuniyā hatthato paṭiggahitaṃ, aññatra pārivattakā, nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
੫੧੩. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਚੀવਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿવਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਿਕਾਯ વੇਮਤਿਕੋ ਚੀવਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿવਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਿਕਾਯ ਞਾਤਿਕਸਞ੍ਞੀ ਚੀવਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿવਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
513. Aññātikāya aññātikasaññī cīvaraṃ paṭiggaṇhāti, aññatra pārivattakā, nissaggiyaṃ pācittiyaṃ. Aññātikāya vematiko cīvaraṃ paṭiggaṇhāti, aññatra pārivattakā, nissaggiyaṃ pācittiyaṃ. Aññātikāya ñātikasaññī cīvaraṃ paṭiggaṇhāti, aññatra pārivattakā, nissaggiyaṃ pācittiyaṃ.
ਏਕਤੋਉਪਸਮ੍ਪਨ੍ਨਾਯ ਹਤ੍ਥਤੋ ਚੀવਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿવਤ੍ਤਕਾ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਿਕਾਯ ਅਞ੍ਞਾਤਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਿਕਾਯ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਿਕਾਯ ਞਾਤਿਕਸਞ੍ਞੀ, ਅਨਾਪਤ੍ਤਿ।
Ekatoupasampannāya hatthato cīvaraṃ paṭiggaṇhāti, aññatra pārivattakā, āpatti dukkaṭassa. Ñātikāya aññātikasaññī, āpatti dukkaṭassa. Ñātikāya vematiko, āpatti dukkaṭassa. Ñātikāya ñātikasaññī, anāpatti.
੫੧੪. ਅਨਾਪਤ੍ਤਿ ਞਾਤਿਕਾਯ, ਪਾਰਿવਤ੍ਤਕਂ ਪਰਿਤ੍ਤੇਨ વਾ વਿਪੁਲਂ, વਿਪੁਲੇਨ વਾ ਪਰਿਤ੍ਤਂ, ਭਿਕ੍ਖੁ વਿਸ੍ਸਾਸਂ ਗਣ੍ਹਾਤਿ, ਤਾવਕਾਲਿਕਂ ਗਣ੍ਹਾਤਿ , ਚੀવਰਂ ਠਪੇਤ੍વਾ ਅਞ੍ਞਂ ਪਰਿਕ੍ਖਾਰਂ ਗਣ੍ਹਾਤਿ, ਸਿਕ੍ਖਮਾਨਾਯ, ਸਾਮਣੇਰਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
514. Anāpatti ñātikāya, pārivattakaṃ parittena vā vipulaṃ, vipulena vā parittaṃ, bhikkhu vissāsaṃ gaṇhāti, tāvakālikaṃ gaṇhāti , cīvaraṃ ṭhapetvā aññaṃ parikkhāraṃ gaṇhāti, sikkhamānāya, sāmaṇeriyā, ummattakassa, ādikammikassāti.
ਚੀવਰਪਟਿਗ੍ਗਹਣਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ।
Cīvarapaṭiggahaṇasikkhāpadaṃ niṭṭhitaṃ pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
