| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
5. சீவரபடிக்³க³ஹணஸிக்கா²பத³வண்ணனா
5. Cīvarapaṭiggahaṇasikkhāpadavaṇṇanā
508. பஞ்சமே அபஞ்ஞத்தே ஸிக்கா²பதே³தி க³ணம்ஹா ஓஹீயனஸிக்கா²பதே³ (பாசி॰ 691-692) அபஞ்ஞத்தே. கொட்டா²ஸஸம்பத்தீதி கேஸாதி³பஞ்சகொட்டா²ஸானங் கல்யாணதா. ஹத்த²தலேயேவ த³ஸ்ஸெத்வாதி ஹத்த²தலதோ ஸேஸகாயஸ்ஸ அத³ஸ்ஸனங் தீ³பேதி.
508. Pañcame apaññatte sikkhāpadeti gaṇamhā ohīyanasikkhāpade (pāci. 691-692) apaññatte. Koṭṭhāsasampattīti kesādipañcakoṭṭhāsānaṃ kalyāṇatā. Hatthataleyeva dassetvāti hatthatalato sesakāyassa adassanaṃ dīpeti.
510. விஹத்த²தாயாதி விஹததாய, அமிஸ்ஸிததாய அபடிஸரணதாயாதி அத்தோ². தேனாஹ ‘‘ஸமபி⁴துன்னத்தா’’தி, ப்³யதி⁴தத்தாதி அத்தோ². பரிவத்தேதப்³ப³ங் பரிவத்தங், ததே³வ பாரிவத்தகங், பரிவத்தெத்வா தி³ய்யமானந்தி அத்தோ².
510.Vihatthatāyāti vihatatāya, amissitatāya apaṭisaraṇatāyāti attho. Tenāha ‘‘samabhitunnattā’’ti, byadhitattāti attho. Parivattetabbaṃ parivattaṃ, tadeva pārivattakaṃ, parivattetvā diyyamānanti attho.
புரிமஸிக்கா²பதே³ விய இத⁴ த்³வாத³ஸஹத்தோ² உபசாரனியமோ நத்தீ²தி ஆஹ ‘‘உபசாரங் முஞ்சித்வா’’தி. அஞ்ஞத்ர பாரிவத்தகாதி யங் அந்தமஸோ ஹரீடகக²ண்ட³ம்பி த³த்வா வா ‘‘த³ஸ்ஸாமீ’’தி ஆபோ⁴க³ங் கத்வா வா பரிவத்தகங் க³ண்ஹாதி, தங் ட²பெத்வா. ‘‘தங் அசித்தகபா⁴வேன ந ஸமேதீ’’தி இமினா ஞாதிபா⁴வாஜானநாதீ³ஸு விய பி⁴க்கு²னீபா⁴வாஜானநாதி³வஸேனாபி அசித்தகதங் பகாஸேதி.
Purimasikkhāpade viya idha dvādasahattho upacāraniyamo natthīti āha ‘‘upacāraṃ muñcitvā’’ti. Aññatra pārivattakāti yaṃ antamaso harīṭakakhaṇḍampi datvā vā ‘‘dassāmī’’ti ābhogaṃ katvā vā parivattakaṃ gaṇhāti, taṃ ṭhapetvā. ‘‘Taṃ acittakabhāvena na sametī’’ti iminā ñātibhāvājānanādīsu viya bhikkhunībhāvājānanādivasenāpi acittakataṃ pakāseti.
513-4. திகஞ்ச தங் பாசித்தியஞ்சாதி திகபாசித்தியங், பாசித்தியதிகந்தி அத்தோ². பத்தத்த²விகாதீ³தி அனதி⁴ட்டா²னுபக³ங் ஸந்தா⁴ய வத³தி. கோ பன வாதோ³ பத்தத்த²விகாதீ³ஸூதி மஹதியாபி தாவ பி⁴ஸிச்ச²வியா அனதி⁴ட்டா²னுபக³த்தா அனாபத்தி, விகப்பனுபக³பச்சி²மப்பமாணவிரஹிததாய அனதி⁴ட்டா²தப்³பே³ஸு கிமேவ வத்தப்³ப³ந்தி த³ஸ்ஸேதி. பத்தத்த²விகாதீ³னி பன விகப்பனுபக³பச்சி²மானி க³ண்ஹிதுங் ந வட்டதி ஏவ. படிக்³க³ஹணங் கிரியா, அபரிவத்தனங் அகிரியா. விகப்பனுபக³சீவரதா, பாரிவத்தகாபா⁴வோ, அஞ்ஞாதிகாய ஹத்த²தோ க³ஹணந்தி இமானெத்த² தீணி அங்கா³னி.
513-4. Tikañca taṃ pācittiyañcāti tikapācittiyaṃ, pācittiyatikanti attho. Pattatthavikādīti anadhiṭṭhānupagaṃ sandhāya vadati. Ko pana vādo pattatthavikādīsūti mahatiyāpi tāva bhisicchaviyā anadhiṭṭhānupagattā anāpatti, vikappanupagapacchimappamāṇavirahitatāya anadhiṭṭhātabbesu kimeva vattabbanti dasseti. Pattatthavikādīni pana vikappanupagapacchimāni gaṇhituṃ na vaṭṭati eva. Paṭiggahaṇaṃ kiriyā, aparivattanaṃ akiriyā. Vikappanupagacīvaratā, pārivattakābhāvo, aññātikāya hatthato gahaṇanti imānettha tīṇi aṅgāni.
சீவரபடிக்³க³ஹணஸிக்கா²பத³வண்ணனா நிட்டி²தா.
Cīvarapaṭiggahaṇasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. சீவரபடிக்³க³ஹணஸிக்கா²பத³ங் • 5. Cīvarapaṭiggahaṇasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. சீவரபடிக்³க³ஹணஸிக்கா²பத³வண்ணனா • 5. Cīvarapaṭiggahaṇasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. சீவரபடிக்³க³ஹணஸிக்கா²பத³வண்ணனா • 5. Cīvarapaṭiggahaṇasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. சீவரபடிக்³க³ஹணஸிக்கா²பத³வண்ணனா • 5. Cīvarapaṭiggahaṇasikkhāpadavaṇṇanā
