| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. жийварабадиг̇г̇ахан̣асигкаабад̣̇аван̣н̣анаа
5. Cīvarapaṭiggahaṇasikkhāpadavaṇṇanā
508. бан̃жамз абан̃н̃ад̇д̇з сигкаабад̣̇зд̇и г̇ан̣амхаа охийяанасигкаабад̣̇з абан̃н̃ад̇д̇з. вихааравааранд̇и вихаарабадиж̇аг̇г̇анаваарам̣. годтаасасамбад̇д̇ийд̇и сагалаа ан̇г̇абажжан̇г̇асамбад̇д̇и. саб̣б̣абарияанд̇анд̇и чадтасса ан̃н̃ажийварасса абхааваа бан̃жаннам̣ жийвараанам̣ згамзгам̣ саб̣б̣зсам̣ барияанд̇анд̇и саб̣б̣абарияанд̇ам̣. анд̇араваасагаад̣̇ийсу хи бан̃жасу згамзгам̣ ан̃н̃асса чадтасса абхааваа бан̃жаннам̣ анд̇амзва ход̇и. ат̇аваа бан̃жасу жийварзсу згамзгам̣ ад̇д̇ано ан̃н̃асса д̣̇уд̇ияасса абхааваа анд̇амзва ход̇ийд̇и саб̣б̣амзва барияанд̇анд̇и саб̣б̣абарияанд̇ам̣, саб̣б̣асо ваа барияанд̇анд̇и саб̣б̣абарияанд̇ам̣. д̇знааха – ‘‘ан̃н̃ам̣…бз… над̇т̇ий’’д̇и. яат̇аа д̇асса манорат̇о на буурад̇ийд̇и ‘‘сарийрабаарибуурим̣ бассиссаамий’’д̇и д̇асса уббанно манорат̇о яат̇аа на буурад̇и. звам̣ хад̇т̇ад̇алзязва д̣̇ассзд̇ваад̇и сарийрам̣ ад̣̇ассзд̇ваава д̣̇аад̇аб̣б̣ажийварам̣ хад̇т̇ад̇алз ‘‘ханд̣̇аа’’д̇и д̣̇ассзд̇ваа.
508. Pañcame apaññatte sikkhāpadeti gaṇamhā ohīyanasikkhāpade apaññatte. Vihāravāranti vihārapaṭijagganavāraṃ. Koṭṭhāsasampattīti sakalā aṅgapaccaṅgasampatti. Sabbapariyantanti chaṭṭhassa aññacīvarassa abhāvā pañcannaṃ cīvarānaṃ ekamekaṃ sabbesaṃ pariyantanti sabbapariyantaṃ. Antaravāsakādīsu hi pañcasu ekamekaṃ aññassa chaṭṭhassa abhāvā pañcannaṃ antameva hoti. Athavā pañcasu cīvaresu ekamekaṃ attano aññassa dutiyassa abhāvā antameva hotīti sabbameva pariyantanti sabbapariyantaṃ, sabbaso vā pariyantanti sabbapariyantaṃ. Tenāha – ‘‘aññaṃ…pe… natthī’’ti. Yathā tassa manoratho na pūratīti ‘‘sarīrapāripūriṃ passissāmī’’ti tassa uppanno manoratho yathā na pūrati. Evaṃ hatthataleyeva dassetvāti sarīraṃ adassetvāva dātabbacīvaraṃ hatthatale ‘‘handā’’ti dassetvā.
510. вихад̇т̇ад̇ааяаад̇и вихад̇ахад̇т̇ад̇ааяа, аг̇ан̣ад̇ааяа аббажжаяад̇ааяа аббадисаран̣ад̇ааяаад̇и вуд̇д̇ам̣ ход̇и. самабхид̇уннад̇д̇аад̇и бийл̣ид̇ад̇д̇аа. баривад̇д̇зд̇аб̣б̣ам̣ баривад̇д̇ам̣, баривад̇д̇амзва бааривад̇д̇агам̣, баривад̇д̇зд̇ваа д̣̇ийяамаананд̇и ад̇т̇о.
510.Vihatthatāyāti vihatahatthatāya, agaṇatāya appaccayatāya appaṭisaraṇatāyāti vuttaṃ hoti. Samabhitunnattāti pīḷitattā. Parivattetabbaṃ parivattaṃ, parivattameva pārivattakaṃ, parivattetvā dīyamānanti attho.
512. убажаарзд̇и д̣̇ваад̣̇асахад̇т̇уубажаарам̣ санд̇хааяа вад̣̇ад̇и. убажаарам̣ ваа мун̃жид̇ваа кибанд̇ийд̇и д̣̇ваад̣̇асахад̇т̇ам̣ мун̃жид̇ваа орад̇о табзнд̇и, на буримасигкаабад̣̇з вияа д̣̇ваад̣̇асахад̇т̇аб̣бханд̇арзязваад̇и ад̇хиббааяо. ан̃н̃ад̇ра бааривад̇д̇агаад̇и яам̣ анд̇амасо харийд̇агакан̣д̣амби д̣̇ад̇ваа ваа д̣̇ассаамийд̇и аабхог̇ам̣ гад̇ваа ваа бааривад̇д̇агам̣ г̇ан̣хаад̇и, д̇ам̣ табзд̇ваа. ажид̇д̇агабхаавзна на самзд̇ийд̇и яат̇аа ан̃н̃аад̇игааяа н̃аад̇игасан̃н̃исса взмад̇игасса жа г̇ан̣хад̇о ажид̇д̇агад̇д̇аа аабад̇д̇и , звамид̇хааби ‘‘бхигкунияаа санд̇агам̣ ид̣̇а’’нд̇и аж̇аанид̇ваа г̇ан̣хад̇оби аабад̇д̇иязваад̇и ад̇хиббааяо. вассааваасигам̣ д̣̇зд̇ийд̇и буг̇г̇алигам̣ гад̇ваа д̣̇зд̇и. бам̣сугуулам̣ ад̇д̇ано ад̇т̇ааяа табид̇абхаавам̣ ж̇аанид̇ваа г̇ан̣ханд̇знаби ан̃н̃асса санд̇агам̣ г̇ахид̇ам̣ наама на ход̇ийд̇и ааха – ‘‘сажз бана сан̇гаарагуудаад̣̇ийсуу’’д̇иаад̣̇и. асаамиган̃хи бам̣сугууланд̇и вужжад̇и. бам̣сугуулам̣ ад̇хидтахид̇ваад̇и ‘‘асаамигам̣ ид̣̇а’’нд̇и сан̃н̃ам̣ уббаад̣̇зд̇ваа. звам̣ бана бам̣сугууласан̃н̃ам̣ ануббаад̣̇зд̇ваа г̇ан̣хид̇ум̣ на ваддад̇и.
512.Upacāreti dvādasahatthūpacāraṃ sandhāya vadati. Upacāraṃ vā muñcitvā khipantīti dvādasahatthaṃ muñcitvā orato ṭhapenti, na purimasikkhāpade viya dvādasahatthabbhantareyevāti adhippāyo. Aññatra pārivattakāti yaṃ antamaso harītakakhaṇḍampi datvā vā dassāmīti ābhogaṃ katvā vā pārivattakaṃ gaṇhāti, taṃ ṭhapetvā. Acittakabhāvena na sametīti yathā aññātikāya ñātikasaññissa vematikassa ca gaṇhato acittakattā āpatti , evamidhāpi ‘‘bhikkhuniyā santakaṃ ida’’nti ajānitvā gaṇhatopi āpattiyevāti adhippāyo. Vassāvāsikaṃ detīti puggalikaṃ katvā deti. Paṃsukūlaṃ attano atthāya ṭhapitabhāvaṃ jānitvā gaṇhantenapi aññassa santakaṃ gahitaṃ nāma na hotīti āha – ‘‘sace pana saṅkārakūṭādīsū’’tiādi. Asāmikañhi paṃsukūlanti vuccati. Paṃsukūlaṃ adhiṭṭhahitvāti ‘‘asāmikaṃ ida’’nti saññaṃ uppādetvā. Evaṃ pana paṃsukūlasaññaṃ anuppādetvā gaṇhituṃ na vaṭṭati.
513. ан̃н̃аад̇игааяа ан̃н̃аад̇игасан̃н̃ийд̇и д̇игабаажид̇д̇ияанд̇и зд̇т̇а ид̇и-сад̣̇д̣̇о аад̣̇иад̇т̇о. д̇ийн̣и баримаан̣амассаад̇и д̇игам̣, д̇иган̃жа д̇ам̣ баажид̇д̇ияан̃жаад̇и д̇игабаажид̇д̇ияам̣, д̇ийн̣и баажид̇д̇ияаанийд̇и ад̇т̇о.
513.Aññātikāya aññātikasaññīti tikapācittiyanti ettha iti-saddo ādiattho. Tīṇi parimāṇamassāti tikaṃ, tikañca taṃ pācittiyañcāti tikapācittiyaṃ, tīṇi pācittiyānīti attho.
514. бад̇д̇ад̇т̇авигаад̣̇им̣ яам̣гин̃жийд̇и анад̇хидтаанубаг̇ам̣ санд̇хааяа вад̣̇ад̇и. ‘‘жийварам̣ наама чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчима’’нд̇и хи вуд̇д̇ад̇д̇аа ад̇хидтаанубаг̇ам̣ яам̣гин̃жи на ваддад̇и. д̇знзвааха – ‘‘вигаббанубаг̇абажчимажийвараббамаан̣а’’нд̇иаад̣̇и. яасмаа бхисижчави маханд̇ааби сзнаасанасан̇г̇ахид̇ад̇д̇аа жийварасан̇кяам̣ на г̇ажчад̇ийд̇и нзва ад̇хидтаанубаг̇аа на вигаббанубаг̇аа жа, д̇асмаа анад̇хидтаанубаг̇асааман̃н̃ад̇о вуд̇д̇ам̣. сажзби ман̃жаббамаан̣аа бхисижчави ход̇и, ваддад̇иязваад̇и. го бана ваад̣̇о бад̇д̇ад̇т̇авигаад̣̇ийсууд̇и махад̇ияааби д̇аава бхисижчавияаа анад̇хидтаанубаг̇ад̇д̇аа анаабад̇д̇и, д̇ад̇о куд̣̇д̣̇агад̇арзсу анад̇хидтаанубаг̇зсу бад̇д̇ад̇т̇авигаад̣̇ийсу гимзва вад̇д̇аб̣б̣анд̇и ад̇хиббааяо. бадиг̇г̇ахан̣ам̣ гирияаа, абаривад̇д̇анам̣ агирияаа. вигаббанубаг̇ажийварад̇аа, бааривад̇д̇агаабхааво, ан̃н̃аад̇игааяа хад̇т̇ад̇о г̇ахан̣анд̇и имаанзд̇т̇а д̇ийн̣и ан̇г̇аани.
514.Pattatthavikādiṃ yaṃkiñcīti anadhiṭṭhānupagaṃ sandhāya vadati. ‘‘Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchima’’nti hi vuttattā adhiṭṭhānupagaṃ yaṃkiñci na vaṭṭati. Tenevāha – ‘‘vikappanupagapacchimacīvarappamāṇa’’ntiādi. Yasmā bhisicchavi mahantāpi senāsanasaṅgahitattā cīvarasaṅkhyaṃ na gacchatīti neva adhiṭṭhānupagā na vikappanupagā ca, tasmā anadhiṭṭhānupagasāmaññato vuttaṃ. Sacepi mañcappamāṇā bhisicchavi hoti, vaṭṭatiyevāti. Ko pana vādo pattatthavikādīsūti mahatiyāpi tāva bhisicchaviyā anadhiṭṭhānupagattā anāpatti, tato khuddakataresu anadhiṭṭhānupagesu pattatthavikādīsu kimeva vattabbanti adhippāyo. Paṭiggahaṇaṃ kiriyā, aparivattanaṃ akiriyā. Vikappanupagacīvaratā, pārivattakābhāvo, aññātikāya hatthato gahaṇanti imānettha tīṇi aṅgāni.
жийварабадиг̇г̇ахан̣асигкаабад̣̇аван̣н̣анаа нидтид̇аа.
Cīvarapaṭiggahaṇasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. жийварабадиг̇г̇ахан̣асигкаабад̣̇ам̣ • 5. Cīvarapaṭiggahaṇasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. жийварабадиг̇г̇ахан̣асигкаабад̣̇аван̣н̣анаа • 5. Cīvarapaṭiggahaṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. жийварабадиг̇г̇ахан̣асигкаабад̣̇аван̣н̣анаа • 5. Cīvarapaṭiggahaṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. жийварабадиг̇г̇ахан̣асигкаабад̣̇аван̣н̣анаа • 5. Cīvarapaṭiggahaṇasikkhāpadavaṇṇanā
