| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. жийварабадиг̇г̇ахан̣асигкаабад̣̇аван̣н̣анаа
5. Cīvarapaṭiggahaṇasikkhāpadavaṇṇanā
508-510. абан̃н̃ад̇д̇з сигкаабад̣̇зд̇и зд̇т̇а ‘‘г̇ан̣амхаа охийяанасигкаабад̣̇з’’д̇и ликид̇ам̣. аран̃н̃аваасийнисзд̇ханасигкаабад̣̇з абан̃н̃ад̇д̇зд̇и згз, ‘‘д̇ам̣ на сунд̣̇ара’’нд̇и вад̣̇анд̇и. вихад̇т̇ад̇ааяаад̇и ааяаасзна.
508-510.Apaññatte sikkhāpadeti ettha ‘‘gaṇamhā ohīyanasikkhāpade’’ti likhitaṃ. Araññavāsīnisedhanasikkhāpade apaññatteti eke, ‘‘taṃ na sundara’’nti vadanti. Vihatthatāyāti āyāsena.
512. убажаарод̇и д̣̇ваад̣̇асахад̇т̇о. махаабажжарияам̣, гурунд̣̇ияан̃жа вуд̇д̇анд̇и зд̇т̇а рад̇д̇ибхааг̇з д̇хаммагат̇игасса бхигкуно б̣ахуусу жийварзсу махааж̇анзна басаад̣̇ад̣̇аанавасзна бадигкид̇д̇зсу бунад̣̇ивасз ‘‘убаасагаанам̣ басаад̣̇ад̣̇аанаани зд̇ааний’’д̇и суд̣̇д̇хажид̇д̇зна г̇ан̣ханд̇асса д̣̇осо над̇т̇и, ‘‘бхигкунийхиби д̣̇иннаани ид̇ха санд̇ий’’д̇и н̃ад̇ваа г̇ан̣хад̇о д̣̇осо. д̇ам̣ ажид̇д̇агабхаавзнаад̇и бхигкунийхи д̣̇иннабхаавам̣ н̃ад̇ваа б̣ахуусу д̇ассаа жийварасса аж̇аананзнаад̇и ад̇т̇о. бам̣сугуулам̣ ад̇хидтахид̇ваад̇и ‘‘бхигкунийхи ну ко д̣̇иннам̣ сияаа’’д̇и авигаббзд̇ваа ‘‘бам̣сугуулам̣ г̇ан̣хаамий’’д̇и г̇ан̣ханд̇асса ваддад̇и. гурунд̣̇иаад̣̇ийсу вуд̇д̇оби ад̇т̇о аяамзва, згам̣, ‘‘ажид̇д̇агабхаавзнаа’’д̇и важанзна ‘‘яат̇аа д̇ат̇аа г̇ан̣хид̇ум̣ ваддад̇ий’’д̇и уббат̇ова бадисзд̇хид̇од̇и абарз. звам̣ д̇хаммасирид̇т̇зро на вад̣̇ад̇и, уж̇угамзва вад̣̇ад̇ийд̇и бабан̃жид̇ам̣. д̇ассзва висаяо, д̇ассааяам̣ ад̇хиббааяо – яат̇аа ‘‘бам̣сугуулам̣ г̇ан̣хиссад̇ийд̇и табид̇ам̣ гаамам̣ бхигкунисанд̇агамби авигаббзд̇ваа бам̣сугуулам̣ ад̇хидтахид̇ваа г̇ахзд̇ум̣ ваддад̇ий’’д̇и вуд̇д̇ам̣, д̇ат̇аа д̇хаммагат̇игасса бхигкунияаа д̣̇иннамби абан̃н̃ааяамаанам̣ ваддад̇ийд̇и, д̇асмаа д̇ам̣ вуд̇д̇ам̣ махаабажжарияам̣, гурунд̣̇ияан̃жа ажид̇д̇агабхаавзна на самзд̇ийд̇и. бадигкзбо бана вигаббаг̇г̇ахан̣з зва рухад̇и. ан̃н̃ат̇аа буб̣б̣аабарам̣ вируж̇жхад̇ийд̇и. д̇ам̣ на яуд̇д̇ам̣ бам̣сугуулзна асамаанад̇д̇аа. бам̣сугуулабхаавзна сан̇гаарагуудаад̣̇ийсу табид̇ам̣ бхигкунийхи, на д̇ам̣ д̇ассаа санд̇агам̣ худ̇ваа тид̇ам̣ ход̇и. ассаамиган̃хи бам̣сугуулам̣ саб̣б̣асаад̇хааран̣ан̃жа, ан̃н̃оби г̇ахзд̇ум̣ лабхад̇и. ид̣̇ам̣ буб̣б̣зва ‘‘бхигкунийнам̣ жийвара’’нд̇и ж̇аанид̇вааби бам̣сугуулиго г̇ахзд̇ум̣ лабхад̇и д̇ад̣̇аа д̇ассаа асанд̇агад̇д̇аа. ‘‘бам̣сугуулам̣ ад̇хидтахид̇ваа’’д̇и саллзкаггаманид̣̇ассанад̇т̇ам̣ вуд̇д̇ам̣. мам̣сам̣ д̣̇ад̣̇анд̇зна д̇ат̇ааг̇ад̇зна саллзкад̇о габбияамби бхуд̇д̇ам̣ ниссаг̇г̇ияам̣ жийварамааха яо мам̣сам̣ гат̇анд̇и саяамаад̣̇исзяяаад̇и.
512.Upacāroti dvādasahattho. Mahāpaccariyaṃ, kurundiyañca vuttanti ettha rattibhāge dhammakathikassa bhikkhuno bahūsu cīvaresu mahājanena pasādadānavasena paṭikkhittesu punadivase ‘‘upāsakānaṃ pasādadānāni etānī’’ti suddhacittena gaṇhantassa doso natthi, ‘‘bhikkhunīhipi dinnāni idha santī’’ti ñatvā gaṇhato doso. Taṃ acittakabhāvenāti bhikkhunīhi dinnabhāvaṃ ñatvā bahūsu tassā cīvarassa ajānanenāti attho. Paṃsukūlaṃ adhiṭṭhahitvāti ‘‘bhikkhunīhi nu kho dinnaṃ siyā’’ti avikappetvā ‘‘paṃsukūlaṃ gaṇhāmī’’ti gaṇhantassa vaṭṭati. Kurundiādīsu vuttopi attho ayameva, ekaṃ, ‘‘acittakabhāvenā’’ti vacanena ‘‘yathā tathā gaṇhituṃ vaṭṭatī’’ti uppathova paṭisedhitoti apare. Evaṃ dhammasiritthero na vadati, ujukameva vadatīti papañcitaṃ. Tasseva visayo, tassāyaṃ adhippāyo – yathā ‘‘paṃsukūlaṃ gaṇhissatīti ṭhapitaṃ kāmaṃ bhikkhunisantakampi avikappetvā paṃsukūlaṃ adhiṭṭhahitvā gahetuṃ vaṭṭatī’’ti vuttaṃ, tathā dhammakathikassa bhikkhuniyā dinnampi apaññāyamānaṃ vaṭṭatīti, tasmā taṃ vuttaṃ mahāpaccariyaṃ, kurundiyañca acittakabhāvena na sametīti. Paṭikkhepo pana vikappaggahaṇe eva ruhati. Aññathā pubbāparaṃ virujjhatīti. Taṃ na yuttaṃ paṃsukūlena asamānattā. Paṃsukūlabhāvena saṅkārakūṭādīsu ṭhapitaṃ bhikkhunīhi, na taṃ tassā santakaṃ hutvā ṭhitaṃ hoti. Assāmikañhi paṃsukūlaṃ sabbasādhāraṇañca, aññopi gahetuṃ labhati. Idaṃ pubbeva ‘‘bhikkhunīnaṃ cīvara’’nti jānitvāpi paṃsukūliko gahetuṃ labhati tadā tassā asantakattā. ‘‘Paṃsukūlaṃ adhiṭṭhahitvā’’ti sallekhakkamanidassanatthaṃ vuttaṃ. Maṃsaṃ dadantena tathāgatena sallekhato kappiyampi bhuttaṃ nissaggiyaṃ cīvaramāha yo maṃsaṃ kathanti sayamādiseyyāti.
ажид̇д̇агад̇д̇аа гат̇ам̣ бам̣сугуулам̣ ваддад̇ийд̇и жз? д̇ааяа д̇асса ад̣̇иннад̇д̇аа, бхигкунааби д̇ад̇о бхигкунид̇о аг̇г̇ахид̇ад̇д̇аа жа. ассаамигамби хи бам̣сугуулам̣ ан̃н̃иссаа хад̇т̇ад̇о г̇ан̣хаад̇и, на ваддад̇и ‘‘ан̃н̃аад̇игааяа бхигкунияаа жийварам̣ бадиг̇г̇ан̣хзяяаа’’д̇и вуд̇д̇алагкан̣асамбхавад̇о. ан̃н̃аад̇игааяа санд̇агам̣ н̃аад̇игааяа хад̇т̇ад̇о г̇ан̣хаад̇и, ваддад̇ийд̇и згз. яат̇аа сигкамаанасааман̣зраад̣̇ийнам̣ хад̇т̇ад̇о бадиг̇г̇ан̣ханд̇асса анаабад̇д̇и, д̇ат̇аа ган̇каавид̇аран̣ияан̃жа ‘‘ан̃н̃аад̇игааяа хад̇т̇ад̇о г̇ахан̣а’’нд̇и (ган̇акаа. адта. жийвараббадиг̇г̇ахан̣асигкаабад̣̇аван̣н̣анаа) ан̇г̇ам̣ вуд̇д̇ам̣. д̇ат̇аа н̃аад̇игааяа санд̇агам̣ сигкамаанааяа, сааман̣зрияаа, убаасагасса, убаасигааяа, бхигкусса, сааман̣зрасса санд̇агам̣ ан̃н̃аад̇игааяа бхигкунияаа хад̇т̇ад̇о г̇ан̣ханд̇асса жа анаабад̇д̇и звам̣ яат̇аавуд̇д̇алагкан̣аасамбхавад̇од̇и згз, д̇знзва ‘‘згад̇оубасамбаннааяа жийварам̣ бадиг̇г̇ан̣хаад̇ий’д̇и авад̇ваа ‘хад̇т̇ад̇о бадиг̇г̇ан̣хаад̇и ан̃н̃ад̇ра бааривад̇д̇агаа, аабад̇д̇и д̣̇уггадассаа’д̇и (баараа. 513) вуд̇д̇ам̣, д̇асмаа ан̃н̃аад̇игааяа санд̇агамби згад̇оубасамбаннааяа хад̇т̇ад̇о бадиг̇г̇ан̣ханд̇асса д̣̇уггада’’нд̇и вад̣̇анд̇и, убхобзд̇з на саарад̇о д̣̇адтаб̣б̣аа, гааран̣ам̣ бариязсид̇аб̣б̣ам̣.
Acittakattā kathaṃ paṃsukūlaṃ vaṭṭatīti ce? Tāya tassa adinnattā, bhikkhunāpi tato bhikkhunito aggahitattā ca. Assāmikampi hi paṃsukūlaṃ aññissā hatthato gaṇhāti, na vaṭṭati ‘‘aññātikāya bhikkhuniyā cīvaraṃ paṭiggaṇheyyā’’ti vuttalakkhaṇasambhavato. Aññātikāya santakaṃ ñātikāya hatthato gaṇhāti, vaṭṭatīti eke. Yathā sikkhamānasāmaṇerādīnaṃ hatthato paṭiggaṇhantassa anāpatti, tathā kaṅkhāvitaraṇiyañca ‘‘aññātikāya hatthato gahaṇa’’nti (kaṅakhā. aṭṭha. cīvarappaṭiggahaṇasikkhāpadavaṇṇanā) aṅgaṃ vuttaṃ. Tathā ñātikāya santakaṃ sikkhamānāya, sāmaṇeriyā, upāsakassa, upāsikāya, bhikkhussa, sāmaṇerassa santakaṃ aññātikāya bhikkhuniyā hatthato gaṇhantassa ca anāpatti evaṃ yathāvuttalakkhaṇāsambhavatoti eke, teneva ‘‘ekatoupasampannāya cīvaraṃ paṭiggaṇhātī’ti avatvā ‘hatthato paṭiggaṇhāti aññatra pārivattakā, āpatti dukkaṭassā’ti (pārā. 513) vuttaṃ, tasmā aññātikāya santakampi ekatoupasampannāya hatthato paṭiggaṇhantassa dukkaṭa’’nti vadanti, ubhopete na sārato daṭṭhabbā, kāraṇaṃ pariyesitabbaṃ.
514. го бана ваад̣̇о бад̇д̇ад̇т̇авигаад̣̇ийсууд̇и анад̇хидтаад̇аб̣б̣зсу б̣ахуусу бадалзсу. д̇знзвааха маад̇игаадтагат̇ааяам̣ ‘‘бад̇д̇ад̇т̇авигаад̣̇имхи анад̇хидтаад̇аб̣б̣абаригкаарз’’д̇и. ад̇хидтаанубаг̇зсу ваа д̇зсам̣ баригкаарад̇д̇аа бхисичавияаа вияа анаабад̇д̇и. гим̣ бадабариссааванам̣ баригкаарам̣ на ход̇ийд̇и? ход̇и, гинд̇у д̇ам̣ гира ниваасанаад̣̇ижийварасан̣таанад̇д̇аа на ваддад̇и. д̇асмаа ид̇ха ниваасанаад̣̇ижийварасаад̇ханам̣ вигаббанубаг̇абажчимам̣ жийварам̣ наама. ананд̇араад̇ийд̇з ниваасанабаарубанубаг̇амзваад̇и саннидтаанам̣. звам̣ санд̇з ган̇каавид̇аран̣ияам̣ (ган̇каа. адта. жийвараббадиг̇г̇ахан̣асигкаабад̣̇аван̣н̣анаа) габбанубаг̇абажчимад̇аа, бааривад̇д̇агаабхааво, ан̃н̃аад̇игааяа хад̇т̇ад̇о г̇ахан̣анд̇и д̇ийн̣зва ан̇г̇аани авад̇ваа абаригкаарад̇аад̇и жад̇уд̇т̇аман̇г̇ам̣ вад̇д̇аб̣б̣анд̇и жз? на вад̇д̇аб̣б̣ам̣, имасмим̣ сигкаабад̣̇з бад̇д̇ад̇т̇авигаад̣̇ибаригкаарасса ажийварасан̇кяад̇д̇аа. батамагат̇инаад̣̇ийсу вигаббанубаг̇ад̇аа бамаан̣ам̣, ид̇ха гааяабарибхог̇убаг̇ад̇аад̇и. ‘‘ан̃н̃ам̣ баригкаара’’нд̇и уд̣̇д̇харид̇ваа ‘‘бад̇д̇ад̇т̇авигаад̣̇им̣ яам̣гин̃жий’’д̇и вуд̇д̇ад̇д̇аа вигаббанубаг̇амби бад̇д̇ад̇т̇авигаад̣̇им̣ г̇ан̣хид̇ум̣ ваддад̇и, ‘‘бадабариссааванамбий’’д̇и вуд̇д̇адтаанз жа ‘‘жийварам̣ наама вигаббанубаг̇абажчима’’нд̇и важанад̇о бадабариссааванам̣ жийварамзва, на баригкаарам̣. ‘‘го бана ваад̣̇од̇и ниг̇аманаважанамби саад̇хага’’нд̇и гзжи вад̣̇анд̇и, бан̣н̣ад̇д̇им̣ аж̇аананад̇о ажид̇д̇агам̣, на вад̇т̇ум̣, ‘‘ан̃н̃аад̇игааяа бхигкунияаа санд̇агабхаавааж̇аананад̇о, жийварабхаавааж̇аананад̇о жа ажид̇д̇ага’’нд̇и ануг̇ан̣тибад̣̇з вуд̇д̇ам̣.
514.Ko pana vādo pattatthavikādīsūti anadhiṭṭhātabbesu bahūsu paṭalesu. Tenevāha mātikāṭṭhakathāyaṃ ‘‘pattatthavikādimhi anadhiṭṭhātabbaparikkhāre’’ti. Adhiṭṭhānupagesu vā tesaṃ parikkhārattā bhisichaviyā viya anāpatti. Kiṃ paṭaparissāvanaṃ parikkhāraṃ na hotīti? Hoti, kintu taṃ kira nivāsanādicīvarasaṇṭhānattā na vaṭṭati. Tasmā idha nivāsanādicīvarasādhanaṃ vikappanupagapacchimaṃ cīvaraṃ nāma. Anantarātīte nivāsanapārupanupagamevāti sanniṭṭhānaṃ. Evaṃ sante kaṅkhāvitaraṇiyaṃ (kaṅkhā. aṭṭha. cīvarappaṭiggahaṇasikkhāpadavaṇṇanā) kappanupagapacchimatā, pārivattakābhāvo, aññātikāya hatthato gahaṇanti tīṇeva aṅgāni avatvā aparikkhāratāti catutthamaṅgaṃ vattabbanti ce? Na vattabbaṃ, imasmiṃ sikkhāpade pattatthavikādiparikkhārassa acīvarasaṅkhyattā. Paṭhamakathinādīsu vikappanupagatā pamāṇaṃ, idha kāyaparibhogupagatāti. ‘‘Aññaṃ parikkhāra’’nti uddharitvā ‘‘pattatthavikādiṃ yaṃkiñcī’’ti vuttattā vikappanupagampi pattatthavikādiṃ gaṇhituṃ vaṭṭati, ‘‘paṭaparissāvanampī’’ti vuttaṭṭhāne ca ‘‘cīvaraṃ nāma vikappanupagapacchima’’nti vacanato paṭaparissāvanaṃ cīvarameva, na parikkhāraṃ. ‘‘Ko pana vādoti nigamanavacanampi sādhaka’’nti keci vadanti, paṇṇattiṃ ajānanato acittakaṃ, na vatthuṃ, ‘‘aññātikāya bhikkhuniyā santakabhāvājānanato, cīvarabhāvājānanato ca acittaka’’nti anugaṇṭhipade vuttaṃ.
жийварабадиг̇г̇ахан̣асигкаабад̣̇аван̣н̣анаа нидтид̇аа.
Cīvarapaṭiggahaṇasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. жийварабадиг̇г̇ахан̣асигкаабад̣̇ам̣ • 5. Cīvarapaṭiggahaṇasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. жийварабадиг̇г̇ахан̣асигкаабад̣̇аван̣н̣анаа • 5. Cīvarapaṭiggahaṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жийварабадиг̇г̇ахан̣асигкаабад̣̇аван̣н̣анаа • 5. Cīvarapaṭiggahaṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. жийварабадиг̇г̇ахан̣асигкаабад̣̇аван̣н̣анаа • 5. Cīvarapaṭiggahaṇasikkhāpadavaṇṇanā
