| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ
5. Cīvarapaṭiggahaṇasikkhāpadavaṇṇanā
੫੦੮. ਪਞ੍ਚਮੇ ਅਪਞ੍ਞਤ੍ਤੇ ਸਿਕ੍ਖਾਪਦੇਤਿ ਗਣਮ੍ਹਾ ਓਹੀਯਨਸਿਕ੍ਖਾਪਦੇ (ਪਾਚਿ॰ ੬੯੧-੬੯੨) ਅਪਞ੍ਞਤ੍ਤੇ। ਕੋਟ੍ਠਾਸਸਮ੍ਪਤ੍ਤੀਤਿ ਕੇਸਾਦਿਪਞ੍ਚਕੋਟ੍ਠਾਸਾਨਂ ਕਲ੍ਯਾਣਤਾ। ਹਤ੍ਥਤਲੇਯੇવ ਦਸ੍ਸੇਤ੍વਾਤਿ ਹਤ੍ਥਤਲਤੋ ਸੇਸਕਾਯਸ੍ਸ ਅਦਸ੍ਸਨਂ ਦੀਪੇਤਿ।
508. Pañcame apaññatte sikkhāpadeti gaṇamhā ohīyanasikkhāpade (pāci. 691-692) apaññatte. Koṭṭhāsasampattīti kesādipañcakoṭṭhāsānaṃ kalyāṇatā. Hatthataleyeva dassetvāti hatthatalato sesakāyassa adassanaṃ dīpeti.
੫੧੦. વਿਹਤ੍ਥਤਾਯਾਤਿ વਿਹਤਤਾਯ, ਅਮਿਸ੍ਸਿਤਤਾਯ ਅਪਟਿਸਰਣਤਾਯਾਤਿ ਅਤ੍ਥੋ। ਤੇਨਾਹ ‘‘ਸਮਭਿਤੁਨ੍ਨਤ੍ਤਾ’’ਤਿ, ਬ੍ਯਧਿਤਤ੍ਤਾਤਿ ਅਤ੍ਥੋ। ਪਰਿવਤ੍ਤੇਤਬ੍ਬਂ ਪਰਿવਤ੍ਤਂ, ਤਦੇવ ਪਾਰਿવਤ੍ਤਕਂ, ਪਰਿવਤ੍ਤੇਤ੍વਾ ਦਿਯ੍ਯਮਾਨਨ੍ਤਿ ਅਤ੍ਥੋ।
510.Vihatthatāyāti vihatatāya, amissitatāya apaṭisaraṇatāyāti attho. Tenāha ‘‘samabhitunnattā’’ti, byadhitattāti attho. Parivattetabbaṃ parivattaṃ, tadeva pārivattakaṃ, parivattetvā diyyamānanti attho.
ਪੁਰਿਮਸਿਕ੍ਖਾਪਦੇ વਿਯ ਇਧ ਦ੍વਾਦਸਹਤ੍ਥੋ ਉਪਚਾਰਨਿਯਮੋ ਨਤ੍ਥੀਤਿ ਆਹ ‘‘ਉਪਚਾਰਂ ਮੁਞ੍ਚਿਤ੍વਾ’’ਤਿ। ਅਞ੍ਞਤ੍ਰ ਪਾਰਿવਤ੍ਤਕਾਤਿ ਯਂ ਅਨ੍ਤਮਸੋ ਹਰੀਟਕਖਣ੍ਡਮ੍ਪਿ ਦਤ੍વਾ વਾ ‘‘ਦਸ੍ਸਾਮੀ’’ਤਿ ਆਭੋਗਂ ਕਤ੍વਾ વਾ ਪਰਿવਤ੍ਤਕਂ ਗਣ੍ਹਾਤਿ, ਤਂ ਠਪੇਤ੍વਾ। ‘‘ਤਂ ਅਚਿਤ੍ਤਕਭਾવੇਨ ਨ ਸਮੇਤੀ’’ਤਿ ਇਮਿਨਾ ਞਾਤਿਭਾવਾਜਾਨਨਾਦੀਸੁ વਿਯ ਭਿਕ੍ਖੁਨੀਭਾવਾਜਾਨਨਾਦਿવਸੇਨਾਪਿ ਅਚਿਤ੍ਤਕਤਂ ਪਕਾਸੇਤਿ।
Purimasikkhāpade viya idha dvādasahattho upacāraniyamo natthīti āha ‘‘upacāraṃ muñcitvā’’ti. Aññatra pārivattakāti yaṃ antamaso harīṭakakhaṇḍampi datvā vā ‘‘dassāmī’’ti ābhogaṃ katvā vā parivattakaṃ gaṇhāti, taṃ ṭhapetvā. ‘‘Taṃ acittakabhāvena na sametī’’ti iminā ñātibhāvājānanādīsu viya bhikkhunībhāvājānanādivasenāpi acittakataṃ pakāseti.
੫੧੩-੪. ਤਿਕਞ੍ਚ ਤਂ ਪਾਚਿਤ੍ਤਿਯਞ੍ਚਾਤਿ ਤਿਕਪਾਚਿਤ੍ਤਿਯਂ, ਪਾਚਿਤ੍ਤਿਯਤਿਕਨ੍ਤਿ ਅਤ੍ਥੋ। ਪਤ੍ਤਤ੍ਥવਿਕਾਦੀਤਿ ਅਨਧਿਟ੍ਠਾਨੁਪਗਂ ਸਨ੍ਧਾਯ વਦਤਿ। ਕੋ ਪਨ વਾਦੋ ਪਤ੍ਤਤ੍ਥવਿਕਾਦੀਸੂਤਿ ਮਹਤਿਯਾਪਿ ਤਾવ ਭਿਸਿਚ੍ਛવਿਯਾ ਅਨਧਿਟ੍ਠਾਨੁਪਗਤ੍ਤਾ ਅਨਾਪਤ੍ਤਿ, વਿਕਪ੍ਪਨੁਪਗਪਚ੍ਛਿਮਪ੍ਪਮਾਣવਿਰਹਿਤਤਾਯ ਅਨਧਿਟ੍ਠਾਤਬ੍ਬੇਸੁ ਕਿਮੇવ વਤ੍ਤਬ੍ਬਨ੍ਤਿ ਦਸ੍ਸੇਤਿ। ਪਤ੍ਤਤ੍ਥવਿਕਾਦੀਨਿ ਪਨ વਿਕਪ੍ਪਨੁਪਗਪਚ੍ਛਿਮਾਨਿ ਗਣ੍ਹਿਤੁਂ ਨ વਟ੍ਟਤਿ ਏવ। ਪਟਿਗ੍ਗਹਣਂ ਕਿਰਿਯਾ, ਅਪਰਿવਤ੍ਤਨਂ ਅਕਿਰਿਯਾ। વਿਕਪ੍ਪਨੁਪਗਚੀવਰਤਾ, ਪਾਰਿવਤ੍ਤਕਾਭਾવੋ, ਅਞ੍ਞਾਤਿਕਾਯ ਹਤ੍ਥਤੋ ਗਹਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
513-4. Tikañca taṃ pācittiyañcāti tikapācittiyaṃ, pācittiyatikanti attho. Pattatthavikādīti anadhiṭṭhānupagaṃ sandhāya vadati. Ko pana vādo pattatthavikādīsūti mahatiyāpi tāva bhisicchaviyā anadhiṭṭhānupagattā anāpatti, vikappanupagapacchimappamāṇavirahitatāya anadhiṭṭhātabbesu kimeva vattabbanti dasseti. Pattatthavikādīni pana vikappanupagapacchimāni gaṇhituṃ na vaṭṭati eva. Paṭiggahaṇaṃ kiriyā, aparivattanaṃ akiriyā. Vikappanupagacīvaratā, pārivattakābhāvo, aññātikāya hatthato gahaṇanti imānettha tīṇi aṅgāni.
ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Cīvarapaṭiggahaṇasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਚੀવਰਪਟਿਗ੍ਗਹਣਸਿਕ੍ਖਾਪਦਂ • 5. Cīvarapaṭiggahaṇasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਚੀવਰਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ • 5. Cīvarapaṭiggahaṇasikkhāpadavaṇṇanā
