| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. жийвараббадиг̇г̇ахан̣асигкаабад̣̇аван̣н̣анаа
5. Cīvarappaṭiggahaṇasikkhāpadavaṇṇanā
чаннанд̇и комаад̣̇ийнам̣ чаннам̣ жийвараанам̣ маж̇жхз. убажаарам̣ мун̃жид̇ваад̇и д̣̇ваад̣̇асахад̇т̇уубажаарам̣ мун̃жид̇ваа. би-сад̣̇д̣̇зна д̇хаммагат̇ам̣ гат̇знд̇асса жад̇ассо барисаа жийвараани жа наанаавирааг̇авад̇т̇аани жа аахарид̇ваа баад̣̇амуулз табзнд̇и, убажаарз ваа тад̇ваа убари кибанд̇и, ‘‘сажз саад̣̇ияад̇и, бадиг̇г̇ахид̇амзваа’’д̇и зд̇т̇а вад̇д̇аб̣б̣амзва над̇т̇ийд̇и д̣̇ассзд̇и. кибад̇ууд̇и д̣̇иваа ваа рад̇д̇ибхааг̇з ваа кибад̇у. бадиг̇г̇ахид̇амзва ход̇ийд̇и гин̃жааби ‘‘ид̣̇ам̣ бхигкунияаа, ид̣̇ам̣ ан̃н̃зса’’нд̇и н̃аад̇ум̣ на саггаа, д̇ат̇ааби ажид̇д̇агабхаавзна г̇ахид̇амзва ход̇и. яасса гассажи бана анубасамбаннассаад̇и сигкамаанасааман̣зрасааман̣зриубаасагаубаасигаад̣̇ийсу яасса гассажи анубасамбаннасса. табид̇анд̇и бхигкунияаа табид̇ам̣. бам̣сугуулам̣ ад̇хидтахид̇ваад̇и ‘‘ассаамигам̣ ид̣̇а’’нд̇и сан̃н̃ам̣ уббаад̣̇зд̇ваа. ассаамиган̃хи ‘‘бам̣сугуула’’нд̇и вужжад̇и. иминаа ‘‘амхаагамад̇т̇ааяа табид̇а’’нд̇иаад̣̇игааяа сан̃н̃ааяа г̇ахзд̇ум̣ на ваддад̇ийд̇и д̣̇ассзд̇и. ан̃н̃ад̇ра бааривад̇д̇агаад̇и баривад̇д̇зд̇аб̣б̣ам̣ баривад̇д̇ам̣, баривад̇д̇амзва бааривад̇д̇агам̣, баривад̇д̇зд̇ваа д̣̇ияяамаанам̣, д̇ам̣ винаад̇и ад̇т̇о. д̇знааха ‘‘яам̣ анд̇амасо харийдагагкан̣д̣амбий’’д̇иаад̣̇и. аабхог̇ам̣ гад̇ваад̇и жид̇д̇зна саманнаахарид̇ваа. сажз бхигкуний вассааваасигамби д̣̇зд̇и, д̇амби яат̇аавуд̇д̇авид̇хаанам̣ агад̇ваа г̇ахзд̇ум̣ на ваддад̇ийд̇и взд̣̇ид̇аб̣б̣ам̣.
Channanti khomādīnaṃ channaṃ cīvarānaṃ majjhe. Upacāraṃ muñcitvāti dvādasahatthūpacāraṃ muñcitvā. Pi-saddena dhammakathaṃ kathentassa catasso parisā cīvarāni ca nānāvirāgavatthāni ca āharitvā pādamūle ṭhapenti, upacāre vā ṭhatvā upari khipanti, ‘‘sace sādiyati, paṭiggahitamevā’’ti ettha vattabbameva natthīti dasseti. Khipatūti divā vā rattibhāge vā khipatu. Paṭiggahitameva hotīti kiñcāpi ‘‘idaṃ bhikkhuniyā, idaṃ aññesa’’nti ñātuṃ na sakkā, tathāpi acittakabhāvena gahitameva hoti. Yassa kassaci pana anupasampannassāti sikkhamānasāmaṇerasāmaṇeriupāsakaupāsikādīsu yassa kassaci anupasampannassa. Ṭhapitanti bhikkhuniyā ṭhapitaṃ. Paṃsukūlaṃ adhiṭṭhahitvāti ‘‘assāmikaṃ ida’’nti saññaṃ uppādetvā. Assāmikañhi ‘‘paṃsukūla’’nti vuccati. Iminā ‘‘amhākamatthāya ṭhapita’’ntiādikāya saññāya gahetuṃ na vaṭṭatīti dasseti. Aññatra pārivattakāti parivattetabbaṃ parivattaṃ, parivattameva pārivattakaṃ, parivattetvā diyyamānaṃ, taṃ vināti attho. Tenāha ‘‘yaṃ antamaso harīṭakakkhaṇḍampī’’tiādi. Ābhogaṃ katvāti cittena samannāharitvā. Sace bhikkhunī vassāvāsikampi deti, tampi yathāvuttavidhānaṃ akatvā gahetuṃ na vaṭṭatīti veditabbaṃ.
бадилаабхзнаад̇и г̇ахан̣зна. д̇игабаажид̇д̇ияанд̇и д̇ийн̣и баримаан̣аани ассаад̇и д̇игам̣,д̇иган̃жа д̇ам̣ баажид̇д̇ияан̃жаад̇и д̇игабаажид̇д̇ияам̣, ан̃н̃аад̇игааяа н̃аад̇игасан̃н̃ивзмад̇игаан̃н̃аад̇игасан̃н̃ийнам̣ васзна д̇ийн̣и баажид̇д̇ияаанийд̇и ад̇т̇о. згад̇оубасамбаннааяаад̇и бхигкунийнам̣ санд̇игз убасамбаннааяа. д̇ааяа хи хад̇т̇ад̇о ан̃н̃ад̇ра бааривад̇д̇агаа жийварам̣ бадиг̇г̇ан̣ханд̇асса д̣̇уггадам̣, бхигкуунам̣ санд̇игз убасамбаннааяа бана баажид̇д̇ияамзва. ‘‘бад̇д̇ад̇т̇авигаад̣̇имхи жа анад̇хидтаад̇аб̣б̣абаригкаарз’’д̇и иминаа бхисижчавимби сан̇г̇ан̣хаад̇и. саа хи маханд̇ааби сзнаасанасан̇г̇ахид̇ад̇д̇аа жийварасан̇кам̣ на г̇ажчад̇ийд̇и нзва ад̇хидтаанубаг̇аа, на вигаббанубаг̇аа жа. вуд̇д̇ан̃хи саманд̇абаасаад̣̇игааяам̣ ‘‘сажзби ман̃жаббамаан̣аа бхисижчави ход̇и, ваддад̇иязваа’’д̇и (баараа. адта. 2.514). ‘‘хад̇т̇ад̇о жийварам̣ бадиг̇г̇ан̣хаад̇ий’’д̇и важанад̇о бана ан̃н̃аад̇игааяа бхигкунияаа бзсид̇аг̇г̇ахан̣зби анаабад̇д̇и. бадиг̇г̇ахан̣ад̇о, баривад̇д̇анаагаран̣ад̇о жа гирияаагирияам̣.
Paṭilābhenāti gahaṇena. Tikapācittiyanti tīṇi parimāṇāni assāti tikaṃ,tikañca taṃ pācittiyañcāti tikapācittiyaṃ, aññātikāya ñātikasaññivematikaaññātikasaññīnaṃ vasena tīṇi pācittiyānīti attho. Ekatoupasampannāyāti bhikkhunīnaṃ santike upasampannāya. Tāya hi hatthato aññatra pārivattakā cīvaraṃ paṭiggaṇhantassa dukkaṭaṃ, bhikkhūnaṃ santike upasampannāya pana pācittiyameva. ‘‘Pattatthavikādimhi ca anadhiṭṭhātabbaparikkhāre’’ti iminā bhisicchavimpi saṅgaṇhāti. Sā hi mahantāpi senāsanasaṅgahitattā cīvarasaṅkhaṃ na gacchatīti neva adhiṭṭhānupagā, na vikappanupagā ca. Vuttañhi samantapāsādikāyaṃ ‘‘sacepi mañcappamāṇā bhisicchavi hoti, vaṭṭatiyevā’’ti (pārā. aṭṭha. 2.514). ‘‘Hatthato cīvaraṃ paṭiggaṇhātī’’ti vacanato pana aññātikāya bhikkhuniyā pesitaggahaṇepi anāpatti. Paṭiggahaṇato, parivattanākaraṇato ca kiriyākiriyaṃ.
жийвараббадиг̇г̇ахан̣асигкаабад̣̇аван̣н̣анаа нидтид̇аа.
Cīvarappaṭiggahaṇasikkhāpadavaṇṇanā niṭṭhitā.
