| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
215. சீவரரஜனகதா²
215. Cīvararajanakathā
344. கி³ஹிபரிபு⁴த்தங் பனாதி கி³ஹினா பரிபு⁴த்தங் வத்த²ங் பன, கிஞ்சி ப²லந்தி ஸம்ப³ந்தோ⁴.
344.Gihiparibhuttaṃ panāti gihinā paribhuttaṃ vatthaṃ pana, kiñci phalanti sambandho.
ஸீதுத³காதி ஸீதங் உத³கங். லிங்க³விபல்லாஸோ ஹி அயங். உத்தராளும்பந்தி எத்த² உத்தர உளும்பந்தி பத³ச்சே²த³ங் கத்வா அகாரதோ உகாரஸ்ஸ லோபங் கத்வா, புப்³ப³ஸரஸ்ஸ ச தீ³க⁴ங் கத்வா ‘‘உத்தராளும்ப’’ந்தி வுச்சதி. உத்தராளூதி உத்தரஉத³கங். உளுஸத்³தோ³ ஹி உத³கவாசகோ, தங் பாதி ரக்க²தீதி உத்தராளும்பங். தஸ்ஸ ஸரூபங் த³ஸ்ஸெந்தோ ஆஹ ‘‘வட்டாதா⁴ரக’’ந்தி. ரஜனந்தி ரஜனச²ல்லிங். ஹீதி ப²லஜோதகோ. ரஜனந்தி ரஜனுத³கங். ஹீதி வித்தா²ரோ. தே²வோதி ரஜனபி³ந்து³. ந விஸரதீதி ந பக்³க⁴ரதி. ரஜனாளுங்கந்தி எத்தா²பி புரிமனயேனேவ பத³ஸித்³தி⁴ வேதி³தப்³பா³. ரஜனஉளுங்கந்தி ரஜனஸங்கா²தஸ்ஸ உத³கஸ்ஸ க³ஹணத்தா²ய கரியதீதி ரஜனஉளுங்கங். த³ண்ட³கேன நியுத்தங் தா²லகங் த³ண்ட³கதா²லகந்தி த³ஸ்ஸெந்தோ ஆஹ ‘‘தமேவ ஸத³ண்ட³க’’ந்தி. ரஜனகுண்ட³ந்தி ரஜனபக்கி²பனங் மஹாக⁴டங். அஞ்ஞத்ராதி அஞ்ஞங் டா²னங். பத்தி²ன்னஸத்³தோ³ த²த்³த⁴பரியாயோதி ஆஹ ‘‘த²த்³த⁴’’ந்தி. த³ந்தகாஸாவானீதி எத்த² த³ந்தஸத்³தே³ன தஸ்ஸ வண்ணோ க³ஹேதப்³போ³, ஸோ ஏதேஸமத்தீ²தி த³ந்தானி, த³ந்தானி ச தானி காஸாவானி சேதி த³ந்தகாஸாவானி, தமத்த²ங் த³ஸ்ஸெந்தோ ஆஹ ‘‘த³ந்தவண்ணானீ’’தி. த³ந்தவண்ணானி காஸாவானி தா⁴ரெந்தீதி ஸம்ப³ந்தோ⁴.
Sītudakāti sītaṃ udakaṃ. Liṅgavipallāso hi ayaṃ. Uttarāḷumpanti ettha uttara uḷumpanti padacchedaṃ katvā akārato ukārassa lopaṃ katvā, pubbasarassa ca dīghaṃ katvā ‘‘uttarāḷumpa’’nti vuccati. Uttarāḷūti uttaraudakaṃ. Uḷusaddo hi udakavācako, taṃ pāti rakkhatīti uttarāḷumpaṃ. Tassa sarūpaṃ dassento āha ‘‘vaṭṭādhāraka’’nti. Rajananti rajanachalliṃ. Hīti phalajotako. Rajananti rajanudakaṃ. Hīti vitthāro. Thevoti rajanabindu. Na visaratīti na paggharati. Rajanāḷuṅkanti etthāpi purimanayeneva padasiddhi veditabbā. Rajanauḷuṅkanti rajanasaṅkhātassa udakassa gahaṇatthāya kariyatīti rajanauḷuṅkaṃ. Daṇḍakena niyuttaṃ thālakaṃ daṇḍakathālakanti dassento āha ‘‘tameva sadaṇḍaka’’nti. Rajanakuṇḍanti rajanapakkhipanaṃ mahāghaṭaṃ. Aññatrāti aññaṃ ṭhānaṃ. Patthinnasaddo thaddhapariyāyoti āha ‘‘thaddha’’nti. Dantakāsāvānīti ettha dantasaddena tassa vaṇṇo gahetabbo, so etesamatthīti dantāni, dantāni ca tāni kāsāvāni ceti dantakāsāvāni, tamatthaṃ dassento āha ‘‘dantavaṇṇānī’’ti. Dantavaṇṇāni kāsāvāni dhārentīti sambandho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 215. சீவரரஜனகதா² • 215. Cīvararajanakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / சீவரரஜனகதா² • Cīvararajanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சீவரரஜனகதா²வண்ணனா • Cīvararajanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / சீவரரஜனகதா²வண்ணனா • Cīvararajanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / சீவரரஜனகதா²தி³வண்ணனா • Cīvararajanakathādivaṇṇanā
