| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
жийварараж̇анагат̇аа
Cīvararajanakathā
344. чаган̣знаад̇и г̇омаязна. бан̣д̣умад̇д̇игааяаад̇и д̇амб̣амад̇д̇игааяа. муулараж̇анаад̣̇ийсу халид̣̇д̣̇им̣ табзд̇ваа саб̣б̣ам̣ муулараж̇анам̣ ваддад̇и. ман̃ж̇идтин̃жа д̇ун̇г̇ахааран̃жа табзд̇ваа саб̣б̣ам̣ канд̇хараж̇анам̣ ваддад̇и. д̇ун̇г̇ахааро наама зго саган̣дагаругко, д̇асса харид̇аалаван̣н̣ам̣ канд̇хараж̇анам̣ ход̇и. лод̣̇д̣̇ан̃жа ган̣д̣улан̃жа табзд̇ваа саб̣б̣ам̣ д̇ажараж̇анам̣ ваддад̇и. аллибад̇д̇ам̣ нийлибад̇д̇ан̃жа табзд̇ваа саб̣б̣ам̣ бад̇д̇араж̇анам̣ ваддад̇и. г̇ихибарибхуд̇д̇ам̣ бана аллибад̇д̇зна згаваарам̣ раж̇ид̇ум̣ ваддад̇и. гим̣сугабубпан̃жа гусумбхабубпан̃жа табзд̇ваа саб̣б̣ам̣ бубпараж̇анам̣ ваддад̇и. палараж̇анз бана на гин̃жи на ваддад̇и.
344.Chakaṇenāti gomayena. Paṇḍumattikāyāti tambamattikāya. Mūlarajanādīsu haliddiṃ ṭhapetvā sabbaṃ mūlarajanaṃ vaṭṭati. Mañjiṭṭhiñca tuṅgahārañca ṭhapetvā sabbaṃ khandharajanaṃ vaṭṭati. Tuṅgahāro nāma eko sakaṇṭakarukkho, tassa haritālavaṇṇaṃ khandharajanaṃ hoti. Loddañca kaṇḍulañca ṭhapetvā sabbaṃ tacarajanaṃ vaṭṭati. Allipattaṃ nīlipattañca ṭhapetvā sabbaṃ pattarajanaṃ vaṭṭati. Gihiparibhuttaṃ pana allipattena ekavāraṃ rajituṃ vaṭṭati. Kiṃsukapupphañca kusumbhapupphañca ṭhapetvā sabbaṃ puppharajanaṃ vaṭṭati. Phalarajane pana na kiñci na vaṭṭati.
сийд̇уд̣̇агаад̇и абаггараж̇анам̣ вужжад̇и. уд̇д̇араал̣умбанд̇и ваддаад̇хаарагам̣, раж̇анагумбхияаа маж̇жхз табзд̇ваа д̇ам̣ аад̇хаарагам̣ баригкибид̇ваа раж̇анам̣ багкибид̇ум̣ ануж̇аанаамийд̇и ад̇т̇о. зван̃хи гад̇з раж̇анам̣ на уд̇д̇арад̇и. уд̣̇агз ваа накабидтигааяа ваад̇и сажз барибаггам̣ ход̇и, уд̣̇агабаад̇ияаа д̣̇инно т̇зво сахасаа на висарад̇и, накабидтияамби ависаранд̇о д̇идтад̇и. раж̇анул̣ун̇ганд̇и раж̇анаул̣ун̇гам̣. д̣̇ан̣д̣агат̇аалаганд̇и д̇амзва сад̣̇ан̣д̣агам̣. раж̇анаголамб̣анд̇и раж̇анагун̣д̣ам̣. омад̣̇д̣̇анд̇ийд̇и саммад̣̇д̣̇анд̇и. на жа ажчиннз т̇звз баггамид̇унд̇и яаава раж̇анаб̣инд̣̇у г̇ал̣ид̇ам̣ на чиж̇ж̇ад̇и, д̇аава на ан̃н̃ад̇ра г̇анд̇аб̣б̣ам̣. бад̇т̇иннанд̇и ад̇ираж̇ид̇ад̇д̇аа т̇ад̣̇д̇хам̣. уд̣̇агз осаарзд̇унд̇и уд̣̇агз багкибид̇ваа табзд̇ум̣. раж̇анз бана нигканд̇з д̇ам̣ уд̣̇агам̣ чад̣д̣зд̇ваа жийварам̣ мад̣̇д̣̇ид̇аб̣б̣ам̣. д̣̇анд̇агаасааваанийд̇и згам̣ ваа д̣̇вз ваа ваарз раж̇ид̇ваа д̣̇анд̇аван̣н̣аани д̇хаарзнд̇и.
Sītudakāti apakkarajanaṃ vuccati. Uttarāḷumpanti vaṭṭādhārakaṃ, rajanakumbhiyā majjhe ṭhapetvā taṃ ādhārakaṃ parikkhipitvā rajanaṃ pakkhipituṃ anujānāmīti attho. Evañhi kate rajanaṃ na uttarati. Udake vā nakhapiṭṭhikāya vāti sace paripakkaṃ hoti, udakapātiyā dinno thevo sahasā na visarati, nakhapiṭṭhiyampi avisaranto tiṭṭhati. Rajanuḷuṅkanti rajanauḷuṅkaṃ. Daṇḍakathālakanti tameva sadaṇḍakaṃ. Rajanakolambanti rajanakuṇḍaṃ. Omaddantīti sammaddanti. Na ca acchinne theve pakkamitunti yāva rajanabindu gaḷitaṃ na chijjati, tāva na aññatra gantabbaṃ. Patthinnanti atirajitattā thaddhaṃ. Udake osāretunti udake pakkhipitvā ṭhapetuṃ. Rajane pana nikkhante taṃ udakaṃ chaḍḍetvā cīvaraṃ madditabbaṃ. Dantakāsāvānīti ekaṃ vā dve vā vāre rajitvā dantavaṇṇāni dhārenti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 215. жийварараж̇анагат̇аа • 215. Cīvararajanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жийварараж̇анагат̇ааван̣н̣анаа • Cīvararajanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жийварараж̇анагат̇ааван̣н̣анаа • Cīvararajanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 215. жийварараж̇анагат̇аа • 215. Cīvararajanakathā
