| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
215. жийварараж̇анагат̇аа
215. Cīvararajanakathā
344. г̇ихибарибхуд̇д̇ам̣ банаад̇и г̇ихинаа барибхуд̇д̇ам̣ вад̇т̇ам̣ бана, гин̃жи паланд̇и самб̣анд̇хо.
344.Gihiparibhuttaṃ panāti gihinā paribhuttaṃ vatthaṃ pana, kiñci phalanti sambandho.
сийд̇уд̣̇агаад̇и сийд̇ам̣ уд̣̇агам̣. лин̇г̇авибаллаасо хи аяам̣. уд̇д̇араал̣умбанд̇и зд̇т̇а уд̇д̇ара ул̣умбанд̇и бад̣̇ажчзд̣̇ам̣ гад̇ваа агаарад̇о угаарасса лобам̣ гад̇ваа, буб̣б̣асарасса жа д̣̇ийгхам̣ гад̇ваа ‘‘уд̇д̇араал̣умба’’нд̇и вужжад̇и. уд̇д̇араал̣ууд̇и уд̇д̇арауд̣̇агам̣. ул̣усад̣̇д̣̇о хи уд̣̇агаваажаго, д̇ам̣ баад̇и рагкад̇ийд̇и уд̇д̇араал̣умбам̣. д̇асса саруубам̣ д̣̇ассзнд̇о ааха ‘‘ваддаад̇хаарага’’нд̇и. раж̇ананд̇и раж̇аначаллим̣. хийд̇и палаж̇од̇аго. раж̇ананд̇и раж̇ануд̣̇агам̣. хийд̇и вид̇т̇ааро. т̇звод̇и раж̇анаб̣инд̣̇у. на висарад̇ийд̇и на баг̇гхарад̇и. раж̇анаал̣ун̇ганд̇и зд̇т̇ааби буриманаязнзва бад̣̇асид̣̇д̇хи взд̣̇ид̇аб̣б̣аа. раж̇анаул̣ун̇ганд̇и раж̇анасан̇каад̇асса уд̣̇агасса г̇ахан̣ад̇т̇ааяа гарияад̇ийд̇и раж̇анаул̣ун̇гам̣. д̣̇ан̣д̣агзна нияуд̇д̇ам̣ т̇аалагам̣ д̣̇ан̣д̣агат̇аалаганд̇и д̣̇ассзнд̇о ааха ‘‘д̇амзва сад̣̇ан̣д̣ага’’нд̇и. раж̇анагун̣д̣анд̇и раж̇анабагкибанам̣ махаагхадам̣. ан̃н̃ад̇раад̇и ан̃н̃ам̣ таанам̣. бад̇т̇иннасад̣̇д̣̇о т̇ад̣̇д̇хабарияааяод̇и ааха ‘‘т̇ад̣̇д̇ха’’нд̇и. д̣̇анд̇агаасааваанийд̇и зд̇т̇а д̣̇анд̇асад̣̇д̣̇зна д̇асса ван̣н̣о г̇ахзд̇аб̣б̣о, со зд̇зсамад̇т̇ийд̇и д̣̇анд̇аани, д̣̇анд̇аани жа д̇аани гаасааваани жзд̇и д̣̇анд̇агаасааваани, д̇амад̇т̇ам̣ д̣̇ассзнд̇о ааха ‘‘д̣̇анд̇аван̣н̣ааний’’д̇и. д̣̇анд̇аван̣н̣аани гаасааваани д̇хаарзнд̇ийд̇и самб̣анд̇хо.
Sītudakāti sītaṃ udakaṃ. Liṅgavipallāso hi ayaṃ. Uttarāḷumpanti ettha uttara uḷumpanti padacchedaṃ katvā akārato ukārassa lopaṃ katvā, pubbasarassa ca dīghaṃ katvā ‘‘uttarāḷumpa’’nti vuccati. Uttarāḷūti uttaraudakaṃ. Uḷusaddo hi udakavācako, taṃ pāti rakkhatīti uttarāḷumpaṃ. Tassa sarūpaṃ dassento āha ‘‘vaṭṭādhāraka’’nti. Rajananti rajanachalliṃ. Hīti phalajotako. Rajananti rajanudakaṃ. Hīti vitthāro. Thevoti rajanabindu. Na visaratīti na paggharati. Rajanāḷuṅkanti etthāpi purimanayeneva padasiddhi veditabbā. Rajanauḷuṅkanti rajanasaṅkhātassa udakassa gahaṇatthāya kariyatīti rajanauḷuṅkaṃ. Daṇḍakena niyuttaṃ thālakaṃ daṇḍakathālakanti dassento āha ‘‘tameva sadaṇḍaka’’nti. Rajanakuṇḍanti rajanapakkhipanaṃ mahāghaṭaṃ. Aññatrāti aññaṃ ṭhānaṃ. Patthinnasaddo thaddhapariyāyoti āha ‘‘thaddha’’nti. Dantakāsāvānīti ettha dantasaddena tassa vaṇṇo gahetabbo, so etesamatthīti dantāni, dantāni ca tāni kāsāvāni ceti dantakāsāvāni, tamatthaṃ dassento āha ‘‘dantavaṇṇānī’’ti. Dantavaṇṇāni kāsāvāni dhārentīti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 215. жийварараж̇анагат̇аа • 215. Cīvararajanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жийварараж̇анагат̇аа • Cīvararajanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жийварараж̇анагат̇ааван̣н̣анаа • Cīvararajanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жийварараж̇анагат̇ааван̣н̣анаа • Cīvararajanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
