| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๑๕. จีวรรชนกถา
215. Cīvararajanakathā
๓๔๔. คิหิปริภุตฺตํ ปนาติ คิหินา ปริภุตฺตํ วตฺถํ ปน, กิญฺจิ ผลนฺติ สมฺพโนฺธฯ
344.Gihiparibhuttaṃ panāti gihinā paribhuttaṃ vatthaṃ pana, kiñci phalanti sambandho.
สีตุทกาติ สีตํ อุทกํฯ ลิงฺควิปลฺลาโส หิ อยํฯ อุตฺตราฬุมฺปนฺติ เอตฺถ อุตฺตร อุฬุมฺปนฺติ ปทเจฺฉทํ กตฺวา อการโต อุการสฺส โลปํ กตฺวา, ปุพฺพสรสฺส จ ทีฆํ กตฺวา ‘‘อุตฺตราฬุมฺป’’นฺติ วุจฺจติฯ อุตฺตราฬูติ อุตฺตรอุทกํฯ อุฬุสโทฺท หิ อุทกวาจโก, ตํ ปาติ รกฺขตีติ อุตฺตราฬุมฺปํฯ ตสฺส สรูปํ ทเสฺสโนฺต อาห ‘‘วฎฺฎาธารก’’นฺติฯ รชนนฺติ รชนฉลฺลิํฯ หีติ ผลโชตโกฯ รชนนฺติ รชนุทกํฯ หีติ วิตฺถาโรฯ เถโวติ รชนพินฺทุฯ น วิสรตีติ น ปคฺฆรติฯ รชนาฬุงฺกนฺติ เอตฺถาปิ ปุริมนเยเนว ปทสิทฺธิ เวทิตพฺพาฯ รชนอุฬุงฺกนฺติ รชนสงฺขาตสฺส อุทกสฺส คหณตฺถาย กริยตีติ รชนอุฬุงฺกํฯ ทณฺฑเกน นิยุตฺตํ ถาลกํ ทณฺฑกถาลกนฺติ ทเสฺสโนฺต อาห ‘‘ตเมว สทณฺฑก’’นฺติฯ รชนกุณฺฑนฺติ รชนปกฺขิปนํ มหาฆฎํฯ อญฺญตฺราติ อญฺญํ ฐานํฯ ปตฺถินฺนสโทฺท ถทฺธปริยาโยติ อาห ‘‘ถทฺธ’’นฺติฯ ทนฺตกาสาวานีติ เอตฺถ ทนฺตสเทฺทน ตสฺส วโณฺณ คเหตโพฺพ, โส เอเตสมตฺถีติ ทนฺตานิ, ทนฺตานิ จ ตานิ กาสาวานิ เจติ ทนฺตกาสาวานิ, ตมตฺถํ ทเสฺสโนฺต อาห ‘‘ทนฺตวณฺณานี’’ติฯ ทนฺตวณฺณานิ กาสาวานิ ธาเรนฺตีติ สมฺพโนฺธฯ
Sītudakāti sītaṃ udakaṃ. Liṅgavipallāso hi ayaṃ. Uttarāḷumpanti ettha uttara uḷumpanti padacchedaṃ katvā akārato ukārassa lopaṃ katvā, pubbasarassa ca dīghaṃ katvā ‘‘uttarāḷumpa’’nti vuccati. Uttarāḷūti uttaraudakaṃ. Uḷusaddo hi udakavācako, taṃ pāti rakkhatīti uttarāḷumpaṃ. Tassa sarūpaṃ dassento āha ‘‘vaṭṭādhāraka’’nti. Rajananti rajanachalliṃ. Hīti phalajotako. Rajananti rajanudakaṃ. Hīti vitthāro. Thevoti rajanabindu. Na visaratīti na paggharati. Rajanāḷuṅkanti etthāpi purimanayeneva padasiddhi veditabbā. Rajanauḷuṅkanti rajanasaṅkhātassa udakassa gahaṇatthāya kariyatīti rajanauḷuṅkaṃ. Daṇḍakena niyuttaṃ thālakaṃ daṇḍakathālakanti dassento āha ‘‘tameva sadaṇḍaka’’nti. Rajanakuṇḍanti rajanapakkhipanaṃ mahāghaṭaṃ. Aññatrāti aññaṃ ṭhānaṃ. Patthinnasaddo thaddhapariyāyoti āha ‘‘thaddha’’nti. Dantakāsāvānīti ettha dantasaddena tassa vaṇṇo gahetabbo, so etesamatthīti dantāni, dantāni ca tāni kāsāvāni ceti dantakāsāvāni, tamatthaṃ dassento āha ‘‘dantavaṇṇānī’’ti. Dantavaṇṇāni kāsāvāni dhārentīti sambandho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๑๕. จีวรรชนกถา • 215. Cīvararajanakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / จีวรรชนกถา • Cīvararajanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / จีวรรชนกถาวณฺณนา • Cīvararajanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / จีวรรชนกถาวณฺณนา • Cīvararajanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / จีวรรชนกถาทิวณฺณนา • Cīvararajanakathādivaṇṇanā
